Incest SAAJAN

[Vinod1368]

superb mind blowing mazedaar update

 

[Nkmahakal]

Waiting dear

 

[Reza]

Superb Update Bro...
Waiting For Next

 

[Amol45999]

Har bar ki tarha Superb update bhai...
Gav ke mukhyaa ko tir kisne mara Aur
Mukhyaa bhediya manav kaese bana..

 

[Naughtyrishabh]

Behad hi shandar or jabardast update bhai.
Bahut khoob superb.

Romanch se paripurn tha yah update to.
Bhairav naath adrishya ho gya Priyadarshini ke wajah se.
Or idhar do ichhadhari naag-nagin mile.
Kamal ka behtareen update yaaraa.
Mzaaaa aa gya bhai waah.

Or ab ,
Aage ka intjaar

SAAJAN
UPDATE- 287​

Jabki andar vo chattani kaya (bhairav nath) veer ke visfot ke bavjud phir se jud kar pahle se bhi adhik vikral aur bhayanak ho chuka tha…usko aage badhte dekh kar veer ne ek bar phir apni ankho ki roshni se uske jism ke chithde uda diye magar vo tukde phir se jud gaye aur vo pahle se adhik bhayanak ho gaya.

Usne veer ko ek jhatke me hi utha kar jor se patak diya…ye dekh kar sab ghabra gaye jabki mrinal aur priyadarshini ka gussa ek bar phir se badhne laga.

Ab Aage…….

Veer dubara khada ho kar uske aage aa gaya..uska jism aag ki bhanti tap raha tha kintu uski iss tapan ka uss bhairav nath ke upar tanik bhi asar hota nahi dikh raha tha…hota bhi kaise…bhala aag se patthar ko kya nuksan ho sakta hai..kyon ki patthar koi jwalan sheel vastu to hai nahi.

Veer ne usko maarne ke liye jaise hi apna hath uthaya vaise hi usne veer ko nigalne ke liye apna muh phadne laga…ye dekh kar priyadarshini ek bar phir se apne vastavik swaroop me aa gayi.

Ek bar phir sabhi ki ankhe uss divya aloukik prakash se choundhiya kar band ho gayi..sath hi sath bhairav nath bhi apni ankhe band karne par vivash ho gaya kyon ki uski ankho me bhi itna tez sahan karne ki kshamta nahi thi….usne achanak pradipt huye iss prakash se ghabra kar apne dono hath ankho ke samne kar liye.

Vahi gusse se tamtamayi mrinal ne iss mouke ka fayda utha kar veer ko turant uske samne se khich liya aur phir palat kar bhairav nath ki chhati me ek jor se laat jama di…bhairav nath udte huye bahut door ja kar gira…halanki isse bhairav nath ko koi nuksan nahi hua.

Vo dubara uth kar khada ho gaya kintu priyadarshini ke jism se nikal rahi tez roshni ki vajah se apni ankhe kholne aur kuch bhi ahit kar sakne me avashya asmarth ho gaya tha.

Agle hi pal priyadarshini ke hatho se lal tarange prasfutit hone lagi aur bhairav nath se takrane lagi…bhairav nath ka chattani sharir inn tarango ke takrate hi ek bhisan visfot ke sath dhool dhoosarit ho gaya…kintu agle hi kshan, patthar ke vo kan dubara ekattrit hone lage aur usko punah jivit kar ke pahle se bhi adhik maha balshali aur vishal kaay bana kar khada kar diya.

Apne aap ko iss tez roshni ke samne poori tarah kuch bhi kar sakne me asahay mahsoos kar ke bhairav nath turant hi vaha se adrisya ho gaya.

Udhar dusri taraf main kahi koi chudail to nahi hai ye soch kar ped se utar kar uss aurat ke rone ki awaz ki disha me badh chala.. uss aurat ke rone ki awaz lagatar aa rahi thi..main awaz ka picha karte huye uss taraf badhta raha.

Kuch door chalne ke baad maine jo dekha to use dekh kar main hairan rah gaya…kyon ki mujhe vaha sirf ek khargosh dikhayi diya jo ro raha tha…mujhe usko ek aurat ki awaz me rote dekh kar hairani ho rahi thi.

Main ek jagah khade ho kar chupchap uss khargosh ko dekhta raha..subah hone me jyada vilamb nahi rah gaya tha…suryoday hone tak vo aise hi aurat ki awaz me rota raha aur main chupchap dekhta raha…subah hote hi surya ki kirne dhire dhire jungle ki taraf badhne lagi.

Khargosh surya ki kirne dekh kar rona band kar diya aur ek disha ki taraf chal pada…main bhi chupchap bina koi shor kiye khargosh ka picha karte huye chalne laga..khargosh kayi rasto se gujarte huye ek chattan ke karib pahuch kar ruk gaya…idhar udhar dekhne ke baad usne chattan ke paas ke ek patthar ko touch kiya to vah chattan piche ko khisakne lagi.

Kuch der tak khisakne ke baad vo chattan ruk gayi aur vaha ek tahkhana jaisa nazar aane laga…khargosh uss tahkhana ke bhitar pravesh kar gaya…khargosh ke tahkhane me jate hi vo chattan phir se khisak kar apne sthan par aa gayi…main ye sab chupchap dekh raha tha.

Main uss chattan ke uss kone me gaya jaha khargosh ne uss patthar ko chhua tha…maine jaise hi uss patthar ko hath se touch kiya to vah chattan vaise hi khisakne lagi jaise ki pahle khiski thi.

Chattan ke khisakte hi mujhe vahi tahkhana nazar aaya jisme abhi abhi vo khargosh andar gaya tha….main bhi kuch soch kar uss tahkhane ke bhitar ghus gaya…mere andar jate hi vo chattan phir se khisak kar apni pahle wali jagah par aa gayi.

Tahkhane me kafi andhera tha…main tahkhane ke uss andhere me hi aage badhne laga to kuch door jane par roshni nazar aane lagi…ab main ussi disha me aage chalne laga jidhar se ye roshni aa rahi thi.

Jab main roshni wali jagah par pahucha to hairan ho gaya…kyon ki jaha se roshni aa rahi thi, uss jagah par ek khargosh patthar ka bana hua baitha tha aur uski lal rang ki ankhe chamak rahi thi jiski ye roshni thi.

Main abhi ashcharya se patthar bane uss khargosh ko dekh hi raha tha ki tabhi kisi ne piche se achanak mujh par hamla kar diya..asaavdhan hone ke karan uske iss hamle se main uchhal kar door ja gira…kintu phir jaldi hi sambhal kar uth khada hua.

Maine samne dekha to hamla karne wala vahi khargosh tha jo jungle me khargosh ki awaz me ro raha tha…iss samay vo meri tarag bahut gusse se dekh raha tha.

Tabhi khargosh ne apni ankho se ek lal kiran mere upar chhodni shuru kar di…jaise hi vo lal kiran mere jism se takrayi vaise hi takrate hi vapis mere sharir se takra kar uss khargosh ki taraf mud gayi aur usko hi ja lagi…khargosh dard se karahne lag gaya… vo khargosh apni hi kiran ka shikar ban gaya.

Khargosh (dard me)—aaaaaaaaa…..ye nahi ho sakta….aaaaaa….bhala meri hi shakti mujhe hi nuksan kaise pahucha sakti hai..?

Khargosh ke sharir me kayi jagah ghaav ban gaye the aur vo aurat ki tarah ro raha tha….khargosh ko dard se rota dekh kar mujhe uske upar taras aane laga tha…mujhe apni taraf aate dekh vo khargosh ghabra gaya aur vo pahle se bhi jyada jor jor se aurat ki awaz me rone laga.

Raj—dekho, main yaha tumhe koi nuksan pahuchane nahi aaya hu balki tumhe aurat ki awaz me rota dekh kar tumhare rone ki vajah janne ke liye aaya hu…

“Kkkk….koun ho tum….? Aur yaha kis vajah se aaye ho…?” khargosh ne dard se karahte huye aurat ki awaz me kaha.

Raj—(apne yaha aane ka karan use batane laga)...dekho, main tumhe iss dard se chhutkara dila sakta hu lekin pahle tum mujhe ye vachan do ki ab dubara mujh par hamla nahi karoge..aur main tumse jo bhi puchunga, uska jawab mujhe sach sach doge... ?

Khargosh (dard me)—mainnn...tumhe vachan deti hu...ki ab tum par hamla nahi karungi...mujhe bahut dard ho raha hai...aaaa.. bas ye door kar do kaise bhi...aaaaaaaaa..

Uske phir se mere upar hamla na karne ka vachan dete hi maine apna ek hath uski taraf ashirwad ki mudra me kar diya aur apni ankhe band kar li....agle hi pal mere uss hath se hare rang ki kirne nikalne lagi aur uss khargosh ke sharir me bane ghaavo se takrane lagi...jaise jaise kiran uske ghaavo se takrati ja rahi thi, vaise vaise khargosh ke ghaav bharte ja rahe the...kuch hi der me uske poore ghaav bhar gaye aur uska sara dard gayab ho gaya..khargosh ko ab aisa mahsoos ho raha tha, jaise ki use kabhi chot lagi hi nahi thi...uske ghaav bharte hi vo hare rang ki kiran nikalni band ho gayi aur iske sath hi meri ankhe bhi khul gayi.

Raj—ab tum batao ki aadhi raat ke samay tum jungle me kyo ro rahe the..vo bhi aurat ki awaz me..... ?

Khargosh—main ek ichcha dhaari nagin hu aur ye jo patthar ke khargosh hain, ye mere pati hain…ye ek tilismi jungle hai…iss jungle ke rakshak ne hame yaha qaid kar ke rakha hai, jo khud kisi tilism ka dwar hai...usne hamse hamari naag mani chheen li hai...aur usne apni shakti se hame khargosh me badal diya...mere pati khargosh roop me hi usse ladne lage to usne apni shakti se unhe patthar ka bana diya...iske baad vo na jane iss tilismi jungle se kaha gayab ho gaya...uske baad main apne pati ko le kar iss gufa me aa gayi...aur tab se aaj tak har roj aadhi raat ke samay jungle me main apne isht dev mahadev se yaha se azad hone ki prarthana karti hu aur apne pati ke gum me roti rahti hu...pata nahi kab tak hum dono iss tilismi jungle me qaid rahenge.. ?

Raj—main tumhare pati ko patthar se phir khargosh roop me la sakta hu ..

Khargosh (nagin)—(khush ho kar)..sach.. ! kripa kar ke aap jald hi unhe patthar se khargosh roop me la dijiye…jisse main unse khul kar baat kar lu, ro lu, has lu..

Itna kahte kahte uss khargosh roopi ichchadhari nagin ki ankho se anshu bahne lage…mujhe ye samajhte der nahi lagi ki kis vajah se iske anshu nikal rahe hain…maine bhi bina der kiye uss chamkile tilismi patthar ko yaad kiya aur apna hath uss patthar bane khargosh ke sir par rakh diya.

Agle hi pal mera vo hath uss tilismi chamkile patthar ki roshni se chamakne laga aur vo roshni phir uss patthar bane khargosh me samahit hone lagi…iske sath hi uss patthar bane khargosh ka sharir dhire dhire jivit roop me aane laga…

Uske jivit roop me aate hi ichcha dhari nagin daud kar apne pati ke paas gayi aur lipat kar rone lagi…dono ko dekh kar aisa lag raha tha ki jaise do premi kayi janmo ke baad bichhad kar phir mil rahe ho….

Kuch der tak gufa me aise hi pyar bhara mahoul bana raha…ichcha dhari naag nagin thodi der baad jab ek dusre se alag huye to dono ne mere aage apne hath jod liye.

Naag—aap ka bahut bahut dhanyawad…agar aap nahi aate to na jane kab tak hum dono aise hi ek dusre ke liye tadapte rahte.

Raj—mere samne hath mat jodo…ye hath apne isht dev bhagwan mahadev ke aagejod kar unka dhanyawad karo, kyon ki mere yaha aane me shayad unki hi koi prerna rahi hogi…

Nagin—phir bhi kya hum apne taran haar ka parichay jaan sakte hain…?

Raj—taran haar to sab ka ek hi hai…vo upar wala….hum to bas uske hath ki kathputliya hain….mujhe saajan kahte hain… ye mera agla janam hai.

Dono (shocked)—kyaaaaaa……saajannnnn……?

Raj—kya baat hai…? Aap saajan naam sun kar itne ashcharya chakit kyo ho…? Aap dono ke chahre ki bhaav mudra dekh kar aisa lagta hai ki jaise aap pahle bhi iss naam se parichit ho chuke ho…?

Naag—iss srasti me shayad hi aisa koi lok hoga jaha log saajan aur divya ko na jante ho….saajan aur divya ki prem gaatha to srasti ke pratyek lok ke niwasiyo ke dilo me sadiyo se apna ghar basa chuki hai…log dono ke amar aur param pavitra pyar ki kasme khate hain….to phir bhala hum kaise unke naam se aparichit rah sakte hain…?

Nagin—ye to hamara saubhagya hai ki jis saajan aur divya ke amar prem ki hamne aaj tak kahaniya hi suni thi….aaj hamari ankho ko uss saajan ke sakshat darshan karne ka avsar prapt hua hai.

Raj—iss jungle me main akela tha lekin tum dono ke mil jane ki vajah se mujhe ab akelapan mahsoos nahi ho raha hai…ab tum dono mere dost ho aur dost kabhi ek dusre ke samne hath nahi jodte.

Naag—saajan,aap sach me hi bahut dayalu kism ke ho..jaisa hamne aap ke baare me suna tha, bilkul vaisa hi paya.

Nagin—aap ki dost banna to mere liye bahut hi gaurav ki baat hai..saajan.

Naag—tumhare liye nahi balki hamare liye..

Nagin (sharma kar)—haa haa…mera bhi yahi matlab tha….lekin, saajan..aap yaha iss tilismi jungle me….?

Raj—(tilismi jungle me aane ki poori kahani batane ke baad)…tilismi dwar ke uss rakshak ko maarne ke baad hi tilism ke pahle dwar ka rasta khulega…lekin ab samasya ye hai ki uss rakshak ko iss jungle me khoja kaha jaye…? Aur aap ye bataye ki usne aap ko yaha qaid kyo kiya…? Aap dono yaha se azad kaise honge aur apne asli roop me kaise aaoge…?

Naag—saajan, usne hum dono ko isliye qaid me rakha hai kyon ki main uski mout ka rahasya janta hu…use darr hai ki main kisi ko bata na du..aur hum dono apne asli roop me tabhi aa sakte hain jab hamari nag mani hame vapis mil jayegi aur vah tabhi milegi jab uss rakshak ko maar diya jaye....uske marne ke baad hi ek rajmahal prakat hoga jisme aap ko apni agli manzil milegi. Isliye uss rakshak ko maarne ke liye main bhi aap ke sath chalunga.

Raj—theek hai…uss rakshak ko maarne ke liye aap bhi mere sath me chalna…lekin pahle ye to batao ki use mara kaise ja sakta hai…?

Naag—vah ek tilismi dwar ka rakshak hai, usko maarna asaan nahi hai…vah tabhi marega jab uske sharir me ek sath paanch jagho me paanch teer maar diye jaye…aur vo paanch jagah hain…uski dono ankh, maathe ke beecho beech ki jagah, seena aur uski naabhi.

Raj—hmmm, lekin use jungle me dhoondenge kaise…?

Naag—iss jungle ke uttar disha ke antim chhor par ek nadi bahti hai…uss nadi ke uss paar sher ki do murtiya bani huyi hain..unn dono murti ko todne ke baad vah swatah hi prakat ho jayega…ussi jagah par uss rakshak ko maarna hoga.

Raj—theek hai..chalo phir jaldi..

Nagin—main bhi sath chalungi aap dono ke..

Uss ichcha dhari nagin ne sath chalne ki bahut zidd ki…badi mushkil se use samjha bujha kar gufa me hi rukne ko taiyar kiya aur phir main uss ichcha dhari naag ke sath uss nadi ki taraf chal diya.

Ichcha dhari naag rasta batate huye aage aage chal raha tha aur main uske piche...abhi hum aadha jungle ji paar kar paye the ki vaha bhayanak awaze goonjne lagi…hum dono savdhan ho kar dhire dhire aage badhne lage.

Ab hum dono itni door pahuch gaye the ki vaha se nadi ke bahte pani ki awaz sunayi de rahi thi lekin ghane jungle ke karan hum dono ko vo nadi dikhayi nahi de rahi thi.

Hum dono ek jagah ruk kar soch vichar kar hi rahe the ki tabhi achanak……

 

[anandsngh12]

SAAJAN
UPDATE- 289​

Bhairav nath—achchaaa…..divya ko mujhse koun bachayega….? Tuuu…? Ya phir saajan….? Hahahahah…tu to koshish kar ke bhi dekh chuka hai….ab bacha vo saajan…to use main tadpa tadpa ke marunga….hahahahahaha….bhairav nath ko koi nahi maar sakta….main amar hu….hahahahaha

Bhairav nath ki mujhe marne ki baat sunte hi kayiyo ke khoon me ubaal aa gaya magar payal ka chehra gusse se sabse jyada tamtamane laga….vo jahreeli nagin ki bhanti gusse se fufkarte huye apni kulhadi le kar bhairav nath ki taraf tezi se daud padi..

Payal (gusse me)—sala haramiii….tu mere..rajjj ko maregaaaa……ruk sale kamine…. abhi teri aisi ki taisi karti hu…..

Divya (jor se)—didiiii…nahiiiii…..rukkk jaoooo….nahiiii…didiiiiii

Ab Aage......

Payal (gusse me)—nahii..gudiya...iss kamine ne mere..raaj ko maarne ki baat mere samne karne ki himmat bhi kais ki... main aaj ise jinda nahi chhodungi.....

Payal gusse se tamtamate huye bina kuch soche samjhe kulhadi le kar priyadarshini dwara banaye suraksha kawach ke ghere se bahar nikal kar bhairav nath par hamla kar diya....uski ankho se iss samay angaare baras rahe the..magar ye kya... ? usne jaise hi bhairav nath par kulhadi se prahar kiya to uske iss hamle se bhairav nath ka to kuch ahit nahi hua parantu kulhadi jarur toot gayi vaise bhi patthar par kulhadi maarne se nuksan to kulhadi ka hi hona tha aur vahi hua bhi...

Bhairav nath—hahahaha....Chitraaaa.....maharani...chitralekha....hahaha..tum marogi mujhe.... ? hahahaha..

Koi abhi kuch samajh pata ki bhairav nath ke hatho se ek roshni nikal kar payal se takrayi...roshni ke takrate hi vaha dhua phail gaya aur jab ye dhua hata to payal gayab thi, sath me bhairav nath bhi...payal ko vaha na dekh kar sab bahut ghabra gaye..aur bhag bhag idhar udhar dekhne lage kintu payal ka kahi pata nahi chal saka.

Divya—didiiii...

Mamta (ghabrate huye)—payalllll...

Sabhi payal ki talash me lage huye the ki tabhi ek bar phir se bhairav nath jor jor se haste huye unke samne aa gaya…jise dekh kar sab darr ke karan piche hat gaye.

Veer—didi kaha hain…?

Bhairav nath—hahahahaha….ab vo tum sab ko kabhi nahi milegi….vo ab mera bhojan ban chuki hai…uss chattan ke piche uski laash padi hai…jao dekh lo….hahahaha

Ye sunte hi sab ghabra kar jaha bhairav nath ne ishara kiya tha, udhar badi tezi se bhage…aur jaise hi pahuche to samne dekhte hi sab ki cheekh nikal padi…mamta to behosh hi ho gayi….vaha payal ka sharir do tukdo me pada hua tha…Sab jor jor se rone lage….

Priyadarshini (dukhi ho kar mann me)—mujhe maaf kar dena saajan…main payal ko nahi bacha saki…tum sab ko mere bharose par chhod kar gaye the…main payal ki hifajat nahi kar saki…samajh me nahi aa raha hai ki iss bhairav nath ki kaise khatam karu..?

Veer (rote huye)—ab main apne dost ko kya jawab dunga….vo sab ko mere bharose par yaha chhod kar gaya hai…ye harami bhairav nath marta bhi to nahi hai..tukde tukde ho jane ke baad bhi phir jivit ho jata hai…

Sandhya (mann me)—saajan ke dil me divya se adhik jagah banane ka yahi sahi mouka hai…main iss bhairav nath ko khatam kar deti hu….ye bhairav nath bhi, jisko marna chahiye usko nahi maar raha hai…are bewaqoof maarna hi hai to iss divya ko maar.. lekin ye bhi tere bas ka rog nahi ….main hi tujhe khatam kar deti hu…

Jaha ye sab dukhi ho kar rote huye vilaap karne me lage the…sandhya ke mann me kuch aur hi khichdi pak rahi thi…vahi divya ke mann me payal ki ye durdasha dekhte hi achanak hi gusse ka ubaar uthna shuru ho chuka tha…

Udhar dusri taraf aghora ne mere upar agni ashtra chhodne ke phir se gol gol ghumne laga…maine uske dwara chalaye gaye agni ashtra ke jawab me tilismi patthar ki shakti ka prayog kiya kintu vo agni ashtra se takrate hi gayab ho gayi…ab tak agni ashtra mere aur bhi nazdik aa gaya…ab ki bar maine uss agni ashtra par pani ki shakti ka prayog karte huye uss par pani ki barsat kar di…lekin pani agni ashtra se takrate hi bhaap ban kar ud gaya…mera ye vaar bhi khali chala gaya.

Ye dekh kar main chupchap apni jagah par khada ho gaya….agni ashtra tab tak mere bahut paas aa chuka tha aur mujhe chhune hi wala tha ki tabhi agni ashtra aur mere beech me vo khargosh aa kar khada ho gaya…jisse vo agni ashtra meri jagah khargosh ko ja laga.

Agni ashtra ke lagte hi khargosh buri tarah se ghayal ho gaya….aur apne asli naag roop me aa gaya….main turant bhag kar uss ichchadhari naag ke paas pahuch gaya.

Raj—ye tumne kya kiya dost….? Tumne meri taraf aate uss astra ko apne sir kyo le liya….?

Naag—aaaaaaaaa….tumhara jinda rahna bahut jaruri hai mitra….agar tum hi mar jaoge to iss dusht ko koun marega….?

Raj—tumne bahut galat kiya yaar…..vo agni ashtra mera kuch nahi bigad pata…mujhse takrate hi vo vapis palat ke aghora ko hi lagta…..ab main tumhari patni ko kya jawab dunga ki meri vajah se uske pati ki mrityu ho gayi…?

Naag—tum iss rakshak aghora ko maar do…iske marte hi naag mani tumhe mil jayegi, usko mere sharir se sparsh kara dena.. main punarjivit ho jaunga..

Itna kahne ke baad uss ichchadhari naag ke pran pakheru ud gaye…mujhe ab aghora par gussa aane laga tha…turant uth kar maine dhanush par vahi paancho teer phir se chadha liye.

Aghora (gol gol daudte huye)—hahahahaha…..ek to mar gaya….ab tu bhi marega….bahut gussa aa raha hai na…? hahahaha… maar mujhe…maar na…khada kyo hai…? Hahahahaha..

Maine gusse me paancho teer ek sath aghora par chhod diye…aghora ke daudne ki vajah se vo teer nishane par na lag kar dusri jagah lag gaye…jiske karan aghora apni mout se to bach gaya lekin buri tarah se ghayal bhi ho gaya.

Ghayal hone ke baad bhi aghora gol gol daud raha tha…maine phir se paanch teer ek sath uske upar dhanush me chadha kar chhoda lekin iss bar bhi aghora bach gaya aur teer kahi aur ja kar lage.

Maine phir se dhanush par paanch teer chadha kar aghora ko nishana lagane laga lekin aghora ke daudne ki vajah se sahi nishana lag nahi pa raha tha…to maine paancho teer ek sath uske pairo par maare jiski vajah se vo gir gaya….niche girte hi uska sharir kuch pal ke liye jad avastha me ho gaya…iss mouke ka fayda utha kar maine turant hi paanch teer chhod diye jo bilkul nishane par ja kar lage…aghora vahi jamin par tadapte huye mar gaya.

Aghora ke marte hi uska sharir gayab hone laga aur ek mahal dhire dhire prakat hone laga…kuch der baad vaha raj mahal aur naag mani nazar aane lage.

Maine turant naag mani ko uthaya aur phir uss ichchadhari naag ke mrit sharir se touch kar diya…naag mani ke sparsh hote hi vo jivit ho utha aur apne asli roop me bhi aa gaya.

Naag—main tumhara kaise dhanyawad karu saajan…? Tumhari vajah se aaj mujhe naya jeevan mila hai…main tumhara ye karz kabhi nahi utar sakta mitra.

Raj—mujhe apna mitra bhi kahte ho aur karz ki baat bhi karte ho…do dosto ke beech ehsaan kaisa mere yaar..? maine jo bhi kiya, vo mera farz tha..

Main usko le kar gufa me uski patni ke paas aa gaya…apni pati ko asli roop me dekh kar vo bahut khush huyi aur daud kar usse lipat gayi…dono ko khush dekh kar mujhe bhi sukun mil raha tha.

Nagin—hum hamesha aapke abhari rahenge, saajan..ye hamara saubhagya hai ki hame aap ke hatho yaha se mukti mili..

Naag—saajan, ye naag mani aap rakhiye..

Raj—ye tumhari hai dost..tum ise apne paas hi rakho..mujhe iski avashyakta nahi hai…

Nagin—hamari dosti ki khatir hi ye swikar kar lo saajan..

Naag—haa saajan, jab kabhi bhi hamari madad ki jarurat pade to iss naag mani ke jariye hame yaad kar lena..hum turant hi aa jayenge…

Raj—theek hai dost..aap dono ne dost mana hai to dosto ki baat mujhe bhi manni hi padegi ab..

Naag—ab hame naag lok jane ki agya do saajan

Phir mujhe naag mani de kar vo dono khushi khushi naag lok rawana ho gaye aur main dono ko vida karne ke baad raj mahal ki oar muda aur uss tilismi mahal me pravesh kar gaya…mahal ke andar bahut hi sundar nakkashi ki gayi thi.

Main mahal ki sundarta dekhte huye dhire dhire talab ki taraf badh raha tha…tabhi achanak mere samne se ek teer nikal kar mere bayi taraf ki deewar me ja laga.

Apne samne se achanak teer ko aate dekh kar main chounk gaya…aur mahal ki sundarta ko dekhna chhod kar savdhani purvak aage badhne laga…maine jaise hi agla kadam badhaya to ek aur teer aa kar mere samne se nikal gaya..main samajh nahi pa raha tha ki mujh par aise hamla koun kar raha hai..? koi dikhayi bhi to nahi de raha tha.

Main chupchap ek jagah khada ho gaya aur savdhani purvak apne charo taraf nazar ghuma ghuma kar dekhne laga…main iss samay mahal ki ek gallery me tha…aur gallery ke amne samne khambhe lage the aur har khambhe me ek chota sa chhed tha.

Main ye sab samajh nahi pa raha tha ki khambho me iss tarah ke chhed kyo bane huye hain…? Tabhi meri nazar apne pairo ke paas jamin par padi, jis par ek golakaar aakriti bani huyi thi…aur uss gola kaar aakriti ke beech me ek teer bana hua tha..issi tarah ki aakriti har kadam badhane par bani thi.

Gola kaar aakriti ko dekh kar main samajh gaya ki ye teer kaha se aa rahe hain…maine apna agla kadam badhaya to vahi gola kaar aakriti dikhayi di…maine khambhe ke chhed ki taraf dekhte huye apna pair dhire se uss gola kaar aakriti me rakh diya.

Aakriti me pair padte hi khambhe ke chhed se ek teer nikal kar tezi se meri taraf badhne laga..maine bina der kiye turant aakriti par se apna pair hata liya aur thoda piche hat gaya…aur vo teer mere samne se nikal gaya.

Ab sab kuch meri samajh me aa gaya tha…main gola kaar aakriti ko bachate huye aage badhne laga..aise hi karte huye main poori gallery paar kar gaya.

Jab main gallery ke last me pahucha to vaha mujhe do raste dikhayi diye…main vahi khade ho kar dono rasto ko dekhte huye sochne laga ki kis raste par jana chahiye…?

Tabhi mere kano me ek raste se pani ke bahne ki awaz aati huyi sunayi di…aur dusre raste se kewal hawa aane ki awaz sunayi de rahi thi.

Raj (sochte huye)—inn dono me se koun se raste se jau jisse ki talab tak pahucha ja sake…? (achanak kuch yaad aate huye)... talab ka pani to sthir aur shant rahta hai to phir pani bahne ki awaz kyo aa rahi hai…? Mujhe ye hawa wale raste par jana chahiye..

Ye sochte hi main uss raste par chal pada jis raste se ki hawa ke aane ki awaz sunayi de rahi thi...thodi door chalne par hi mujhe talaab dikhayi dene laga...jiske beecho beech ek gola kaar nishan bana tha.

Main jaldi jaldi talab ki taraf badhne laga...aur jab talab ke nazdik pahucha to mere kadam usse kuch door hi ruk gaye kyon ki talab ka pani tezab ki bhanti khaul raha tha...khair mujhe isse koi fark nahi pada.. maine tilismi patthar ki shakti ka prayog kar ke hawa me udte huye uss nishan tak pahuch gaya.

Talab ke beecho beech bane gola kaar nishan tak pahuchte hi maine ek bhi pal ki deri kiye bina hi uss tilismi patthar ko uss nishan par rakh diya..tilismi patthar ke rakhte hi uss nishan me hawa ka ek chota sa bawandar tezi se ghumne laga...aur phir dhire dhire vah bawandar bada hone laga.

Main savdhan ho kar chupchap uss bawandar ko dekh raha tha...dhire dhire vo bawandar itna bada ho gaya ki vah ek admi ko araam se qaid kar ke hawa me le kar ud sakta tha.

Bawandar ne mujhe bhi apne ghere ke andar le liya aur tezi se tilismi patthar ke nishan me mere sath uske andar sama gaya.. iss bawandar ne mujhe patthar ki duniya me la kar chhod diya...main pahle tilismi dwar me pravesh kar gaya tha.

Jaha charo taraf har cheez kewal patthar ki bani huyi thi...main pattharo ki bani duniya ko bade gaur se dekh raha tha…tabhi meri nazar apne pairo par padi to main buri tarah se chounk gaya..

 

[anandsngh12]

Toh ye bhairav nath kaise marega.... Priyadarshini kyun nahi maar sakti usko

Maar to Priyadarshini bhi sakti hai usko lekin taqat se nahi..balki dimag se...taqat ka use jitna uske upar hoga, vo utna hi powerful hota jayega..

 

[anandsngh12]

Superb anand bhai......
Shayed chitra hi agle janm ki payal hai dono ki khiladi favorite hai...

Thanks Sabhi91 bhai for liking the update.
Aapne sahi andaza lagaya hai bhai..chitra hi payal hai present me..

 

[anandsngh12]

Chitra ne jitu ke nakpedam kar rakha hai superb update

Thanks Tripuri bhai for Reading & Supporting.
Stay with us.
Today's update is on page....1458

 

[anandsngh12]

Bhai waiting update

Thanks for Reading & Supporting.
Stay with us.
Today's update is on page....1458