- 28,992
- 64,235
- 173
SAAJAN
UPDATE- 276
UPDATE- 276
Payal didi ki baat sunte hi sabne turant apni apni ankhe moond li….mere dusri taraf divya thi…aur ek taraf payal didi…maine apni ankhe band kar li..aur phir ek roshni ne hum sab ko apne ghere me samet liya.
Lagbhag do minute baad….
Raj—ab sab log apni apni ankhe khol sakte hain..kintu dhire dhire…
Uske baad jaise hi sabhi ki ankhe khuli to apne charo taraf dekhte hi ashcharya chakit ho gaye…unhe kuch samajh hi nahi aaya ki ye sab kya hai aur vo kaha hain…?
AB AAGE……….
Mamta (hairan)—beta, ye sab kya hai…? Hum sab to tere room me thi..phir room ki jagah ye jungle kaha se aa gaya…?
Roopaly (shocked)—ha raj, hum room se yaha kaise pahuch gaye aur vo bhi palak jhapakte hi….?
Soniya (chakit)—ha raj, aur haweli kaha gayab ho gayi... ? aur ye hum jungle me kab aur kaise pahuch gaye... ?
Avdhesh—raj beta, ye kahi koi sapna to nahi hai.... ?
Veer (shocked)—yaar, ye sab kya mazra hai…? Ye hum kaha aa gaye…?
Mrinal—ye balatkari tu chup kar.....mujhe to ab lagta hai ki raj tujhse bhi bada balatkari (chamatkari) purush hai... ......ye boor (veer), chota balatkari aur raj, bada balatkari...
Veer (haste huye)—hahahahaha....ye lo bhai...isne to tujhe bhi balatkari purush bana diya.....hihihihihi
Mrinal (ankhe dikhate huye)—Ye chota balatkari…chup kar …nahi to ek mukka maar ke tere sab jhaant (daant) tod dungi.. samjha....isme hasne wali kya baat hai... ? maine jhuth thodi bola hai...theek to kaha hai maine..
Payal (sir me hath rakh)—hey bhagwan..! iss ladki ko kab indian language bolte banegi…?
Mrinal—ye andian (indian) landage (language) kya cheez hai…? Mujhe to sab landage bolni aati hai… bol ke batau….?
Payal (hath jod kar)—mujhe maaf kar meri maa….mujhse galti ho gayi…tu chup hi rah to hi achcha hai…
Mrinal—mere paas muh hai na bolne ke liye to phir chup kyo rahu bhala main…?
Priyadarshini—mrinal, aise nahi bolte….
Madhu—raj batao na...ye sab kya hai.... ?
Raj—maa, hum iss samay dharti me nahi hain...
Sab (shocked)—dharti me nahi hain..!
Mamta (shocked)—kya matlab hai tera….?
Raj—maa, dharti ke bahar bhi kayi lok aise hain jaha par hamari hi tarah jeevan hai…
Ruchi—to kya hum mangal grah me aaye hain….?
Raj—nahi maa, ye mangal grah nahi hai balki iss samay hum apni milky way galaxy se bahar ki duniya me hain...
Veer (hairan)—abey paheliya kyo bujha raha hai…pahle hi hum behad hairan hain haweli se yaha achanak pahuch kar..tu hai ki kisi sawal ka jawab dene ki jagah hame hairan par hairan kiye ja raha hai…
Mrinal—chota balatkari sahi bol raha hai…
Diksha—lekin bhaiya...hum yaha pahuche kaise.... ?
Raj—black hole se...
Sab (shocked)—black hole.... !
Neha—raj, hum yaha kyo aaye hain.... ?
Payal—chachi theek bol rahi hain....hame yaha nahi aana chahiye tha...badi mushkil se to pichli bar yaha se nikle the hum..tu phir se yahi le aaya sabko...akhir kyo.... ?
Mamta (shocked)—pichli baar se kya matlab hai tumhara payal….? Kya tum log pahle bhi yaha aa chuke ho…?
Divya—haan maa..
Neha—haan didi, pichli bar jab hum raj ke sath paridhi ko lekar mangal grah gaye the tab vaha se vapis aate samay yaha iss black hole me phans gaye the hum…badi mushkil se yaha se nikal paye the tab…
Mamta (hairan)—kyaaaa….?
Payal—ab chup kyo hai..? jawab de na sab ke sawalo ka….?
Raj—maa, isse achchi picnic aur kya ho sakti hai ki aap sab ek dusri hi duniya me hain…iss jagah ka naam madhya lok hai.. kyon ki ye swarg lok aur dharti lok ke beecho beech sthit hai..
Veer—lekin hum yaha pahuche kaise…?
Naina—hum to kisi gadi ya aeroplane me bhi nahi baithe the...sirf tumhare kahne par ankhe bhar band ki thi...aur ankh khola to yaha pahuch gaye...akhir kaise.... ?
Raj—teleport ki shakti ke madhyam se koi kahi bhi, pahuch sakta hai..palak jhapakte hi...
Priyadarshini (mann me)—kya saajan ke paas shaktiya hain... ? bina shaktiyo ki madad ke ek lok se dusre lok me iss tarah jaldi pahuchna namumkin hai…
Mitaly—teleport.. ! ye kya hai... ?
Raj—dhire dhire sab pata chal jayega..aap logo ko..
Payal (muh fulate huye)—ye mere sawal ka jawab nahi hai…sidhe sidhe batao ki hum yaha kyo aaye hain….?
Raj—didi, shayad aap bhool rahi hain ki maine yaha dubara aane ka kisi ko vachan diya tha...
Mamta (hairan)—vachan..kaisa vachan aur kise diya tha vachan.... ?
Raj—madhya lok ki maharani ko maine unki putri ko vapis lane ka vachan diya tha..sath hi vrihadpur me rajlaxmi ko bhi mukt karne ka vada kiya tha....
Neha—to unke liye apni jaan jokhim me dalne ki kya jarurat thi... ?
Raj—chachi, main ek surya vanshi hu….aur mera bhi usool vahi hai..Pran jaye par vachan na jaye…..main apni jaan bachane ke moh me apne vachan se muh nahi mod sakta…phir chahe uska parinam mere liye kitna bhi bhayanak kyo na ho…
Mamta—gurudev sahi kahte the ki raj ek bahut bada raaz hai…hum aaj tak tujhe nahi samajh paye..
Meera—aapne sahi kaha bhabhi…
Priyadarshini (mann me)—main bhi to uss tilismi gufa se loutne ke baad se samajhti thi ki ab main saajan ko poori tarah se pahchan chuki hu kintu aaj aisa lag raha hai ki main saajan ke baare me kuch bhi nahi janti hu…aaj bhi vo mere liye vaise hi ek paheli hai…
Kajal—aur ye teleport hone ki shakti tere paas aayi kaha se….?
Raj—apni guru maa ke ashirwad aur kathin yog sadhna se maine ye shakti arjit ki hai bua..
Veer—yakin nahi hota ki aaj ke samay me bhi kahi raja aur rani hote hain…?
Mrinal—hote hain..maine bhi dekha hai..
Veer—tune jarur dekha hoga…akhir 5000 saal ki choti bachchi jo hai tu…
Raj—jab dekh loge to yakin bhi ho jayega…chalo sab phir se apni ankhe band karo…
Kiran—kyo….?
Raj—rajmahal chalte hain..maharaj aur maharani se milne…
Mere kahne par sabne apni ankhe band kar li pahle ki hi tarah....tez roshni ke ghere ne ek bar phir se hame gher liya aur hum sidhe rajmahal ke bahri darwaje se thoda pahle prakat ho gaye..
Raj—ab sab log apni ankhe khol sakte hain...
Sab ne jaise hi apni ankhe kholi to samne ka anupam drishya dekhte hi ek baar phir se chakit huye bina nahi rah paye...unke samne ek bada hi khubsurat mahal tha..sab hairani se kabhi uss mahal ko to kabhi mujhe dekhte rahe....
Chandni—wow.. ! ye to sach much ka mahal hai...vo bhi itna beautiful...
Raj—aao chalo..andar chalte hain…
Neha—lekin vo dust senapati agar mil gaya to vah hame mahal ke bhitar nahi jane dega..ulta dekhte hi karagaar me dalwa dega.
Payal—chinta mat karo chachi…ye dekho..iss baar main apni kulhadi sath le kar aayi hu….agar uss harami senapati ne kuch bhi ulta sidha bola to direct uski gardan uda dungi apni iss kulhadi se…
Mamta—lekin beta..vidya aur maa kaise jayengi..iss haalat me…?
Raj—theek hai..aap sab kuch der ruko yahi… main kuch intazam karta hu…
Main vaha se dwar paal ke paas gaya…usne mujhe dekhte hi pahchan liya…usne apna sir jhuka kar mera abhivadan kiya..maine uske abhivadan ka jawab abhivadan se hi diya aur usko maharaj ke paas apne sapariwar aane ki suchana dene ko kaha usse…to vah mujhe kuch samay pratiksha karne ko bol kar andar wale sainik ko ye suchna de di…kyon ki vo main gate chhod kar nahi ja sakta tha….
Andar wala sainik ye suchna dene ke liye ghode par baith kar maharaj ke paas nikal gaya aur main vapis sab ke paas aa gaya.. kuch samay pashchat vo dwar paal meri taraf aaya.
Dwar paal—chama chaha chara chaj chane chaa chaap chako chasa chamma chan chasa chahi chat chaan chada char chama chaha chal chame chabu chala chaya chahai….chaun chaho chane chaa chaap chasa chab chake chali chaye chapa chaan chach chara chath chabhe chaje chaha chain.
Dwar pal ki bhasa sunte hi sab hairan ho kar ek dusre ka muh dekhne lage kintu kisi ki samajh me kuch nahi aaya kewal divya, neha, payal, paridhi aur saloni ko chhod kar…
Mrinal (hairan)—ye koun si landage (language) me bol raha hai…? Aisi landage to maine bhi kabhi kahi nahi suni...
Veer—mujhe to lagta hai ki ye poora ka poora pagal hai...kahi aisa to nahi ki yaha se sab log hi pagal ho... ? hey bhagwan..main to pahle hi iss ek pagal se pareshan hu...dusra pagal mere samne khada hai...
Mamta (shocked)—raj, ye bol kya raha hai... ? meri to kuch samajh me hi nahi aaya..
Ruchi—mere bhi kuch palle nahi pada..
Divya—hihihihihi…maa, vo bol raha hai ki…maharaj ne aap sab ko samman sahit andar mahal me bulaya hai…unhone aap sab ke liye paanch rath bheje hain..
Sab (shocked)—kyaaaa…?
Ruchi—lekin gudiya..tu inki bhasa kaise janti hai…?
Diksha—didi, abhi mummy ne bataya to tha ki vo sab pahle bhi yaha aa chuke hain…isliye mahak ko inki language samajh me aa gayi hogi..simple..
Payal—yaha har word se pahle cha laga kar baat karte hain…
Chanchal—ohhh..to ye baat hai..
Raj—aao ab chalo sab..
Phir veer nevidya ko aur maine nani ko utha kar andar rath me bithaya…baki sab bhi dusre ratho me baith gaye…mere sath divya aur payal didi baith gayi…
Thodi hi der me hum sab mahal me pahuch gaye lekin jaise hi rath se niche aaye vaise hi achanak…..
