•°UPDATE 76•°
superb bro....
dono ka conversesation accha laga. manav k dad or mom k bare mai to avi tak laga ki use family se lagav hai hi nhi. but is update mai ye soch badal gai hai...
Little angel ka jo discussion hua hai uske bare mai or v janane ki iccha hai. kya wo kavi story mai wapas aayegi...
sani or manav ke relation final hone k baad kya sani ki feeling mai kuch change hoga ya nhi...
waise sani ka aise hi nature accha lag raha hai
Recap -
Halaanki Manas aur Anvi ne maukhik roop se is rishte ke liye haan kar di thi, lekin unhone ise jyada seriously se nahi liya.
Un donon ke liye, yah ek silly joke ki tarah tha jo sach ho bhi sakta tha or nahi bhi. Yani, achcha hoga agar Saanvi unki bahu bane.. lekin agar future me Saanvi kisi or se shadi karti hai.. to bhi unhe koi masla nahi.
Lunch ke baad Manas ne bill pay kiya, aur phir donon pariwaar hallways se hote hue lobby me pahuch gaye.
Rajyavardhan Manav ke paas aaya aur uske kaan 
me fusfusaya,
Rajyavardhan : "Kal subah aap 7 baje aa jaayiye. Hum aapko Dragon Palace le chalenge, " 
AB AAGE :-
Manav : "Dragon Palace..?" 
Woh thoda hairaan hua.
Rajyavardhan ne muskurakar haan me sar hila diya.
Uske aur Avantika ke Manav ke parents se milne ke baad, Saanvi-Manav ke rishte se jude sabhi doubts clear ho chuke the, aur.. ab yeh sahi samay tha ki Manav ko complicated cheejon se rubaru karaya jaye.
Restaurant ke baahar aakar donon families ne ek dusre ko bye kaha.
Bhale hi Avantika ki baat ki- Saanvi ki shadi Manav se ho sakti hai, Shisht family ke liye chaukane wali rahi, lekin.. baavjood iske Lunch ke dauraan mahaul bahut mel-milap wala aur sukhad raha.
Dadi ki wajah se donon pariwar pehle se hi ek-dusre par bharosa karte the aur donon ka hi sochna tha ki... saamne wala pariwaar behad achcha pariwaar hai.
Anvi ne Bye kehte hue pyaar se Saanvi ka sar thapthapaya. Kehne ko to yeh chhoti ladki uski hone wali bahu thi, parantu Anvi ne use apne ghar aane ke liye invite nahi kara..
Saanvi ke saath ye uski bas pehli mulakaat thi, aur waise bhi ab to future me use acche se jaanne - samajhne ke aur bhi kayi mauke ayenge..
Manav ne dadi ki car me baithne me help ki, aur Manas driving seat par baith gaya. Saanvi ki family bhi apni car me savaar ho chuki thi.
Donon pariwaron se ek dusre ko haath hilakar bye kaha aur apne apne ghar ke liye nikal gaye.
Ghar ki or raaste me,
Dadi pichhli seat par baithi thi. Pyari Sani unki bahu banegi.. is baare me soch soch kar woh itna khush ho rahi thi jitna ki koi KBC (kaun banega crorepati) winner bhi na hoga.
Car, samudra ke kinare unke ghar ki taraf tezi se badh rahi thi. Raaste me, Manas ka mobile lagbhag 5-6 baar baj utha, kehna nahi hoga ki ye saari calls uske kaam ko lekar thi. Ant me usne apna phone switch off hi kar diya taki koi uske family time ko disturb naa kar sake.
Dadi ko khush karne ke liye usne aaj kaam se chhutti le li thi.
Akhirkaar, aaj Saanvi ke ghar me mili punishment se weh achche sabak seekh gaya tha. Bhale hi uska science career bahut behtar jaa raha tha, lekin phir bhi ab weh apni family ko neglect nahi kar sakta tha.
Doosri or, disturb hone se bachne ke liye, apne pati ke dekha - dekhi Anvi ne bhi apna mobile switch off kar liya.
Baharhaal, ghar pahunchne ke baad, Manas ne car garage me park ki aur apni poori family ko ghar ke andar le aaya.
Yeh ghar 2 manjila tha parantu Saanvi ki family ke 2 manjila ghar se bada tha.
Living room 1st floor par tha, aur.. room ki samudra ki taraf ki poori dewaar kaanch ki thi. Waqai me ye ghar ek oceanfront cottage tha.
Kuch bedrooms 2nd floor par the, aur dinning room ek alag se chhote se lakdi ke ghar me tha joki ek bridge dwara dooosri manjil se juda hua tha.
Shyam kaka, jo aamtaur par dadi ke liye khaana banate the, iss chhote se ladki ke ghar ki pehli manjil par rehte the. Ek tarah se servant quarter.
Is property me ek bada garden bhi tha, jiske sabhi phoolon aur ghaas ki dekhbhaal Shyamu kaka hi kiya karte the.
Agar dadi ke akelepan ki samasya ko hata de to, unke liye is ghar se jyada comfortable ghar, koi dusra ho hi nahi sakta tha.
Manas ne apni maa ka ek haath apne haathon me liya aur bahut respect se kaha,
Manas : "Maa.., aaj mai wapas lab nahi ja raha hun. Ye poora time mai aapke saath hi spend karunga. " 
Dadi : "..Mujhe pata hai ki tum apne kaam me bahut busy rehte ho. Mai to tumhari maa hoon, agar tum mujh par jyada time aur dhyaan nahi bhi dete ho.. to bhi theek hai. Lekinn, tum aage kabhi bhi, meri saviour, Sani ki family ko najar-andaaj mat karna. Samjhe? 
"Haan maa, aaj meri hi galti thi, "
Manas ne apni galti ko imaandari se accept kiya aur Anvi ki taraf se bhi dadi ko samjhaaya,
"Actually, Anvi to ready hokar time se meri lab me aa gayi thi. Lekin mujhe apne haath ka kaam complete karna tha.. jiske chalte yeh bhi late hogyi. . " 
Dadi ne apne dusre haath se Manas ke haathon ko thapthapaya aur kaha,
Dadi : "Koi baat nahi.., tumhe explain karne ki jaroorat nahi hai. Ab yadi tum donon.. bina jyada gap kiye isi tarah apne ghar ke chakkar lagate ho to mujhe bahut khushi hogi. Kaam jaruri hai maanti hu, lekin apni body ka dhyaan rakhna bhi utna hi jaroori hai. . Chalo ab tum dono ghar par ho aur free bhi ho to thodi der so lo! Body ko acha rest mil jayega."
Aakhirkaar, dadi ab gussa nahi thi. Akhir.. Manas unka laadla eklauta beta tha. Unhone aaj uski khoob pitaayi ki, jispar ab dadi ko bura lag raha tha. .
Manas : "Mai theek hu maa, chaliye apan sab baahar walk par chalte hai."
Dadi : "Walk par?? Mai to bahut thak gayi hoon.., mai to kuch der sone jaa rahi hoon! " 
Is tarah , Manas aur Anvi ko bhi thoda aaraam karne ke liye apne room me lautna pada. Vaastav me, un donon ke paas bahut kaam the aur apne dimaag me bhi ve kal ke din ki planning kar rahe the.
Manav bhi apne room me chala gaya. Room me aakar usne gate band kiya aur khidki khol li. Phir usne bed par araam se baithkar, Spirit Concentration Scroll ka dhyaan lagana shuru kar diya.
Is poore week ke dauran, usne donon Mount Tai Bracelets pehne hue the, jiska matlab tha ki ... weh rojana, har samay 50 kilogram se jyada wajan utha raha tha.
[halaanki Shalini ne , ek din me kuch ghante diye the jab woh in bracelets ko utaar sakta tha.. parantu Manav ko bracelets utaar kar relax hone ki jarurat hi nahi padi]
Itna wajan dhone ke kaaran, use har samay Spirit Concentration Scroll me magan rehna pada aur balance banane ke liye apne shareer ke Natural Essence ka upyog bhi karna pada..
Matlab har samay saadhna, har samay training! Raat ko sone ke alawa weh jara bhi chain ki saans nahi le paa raha tha..
Itni practice ke chalte, weh Spirit Concentration Scroll ki sadhna me bahut behtar ho gaya tha. Bhale hi woh pichhle do dinon se Shalini ke office nahi gaya tha, parantu, chahe wo campus ke roads ho, ya phir classroom ho, chahe woh khana kha raha ho ya apna assignment complete kar raha ho.., kulmilkar sone ke alawa Manav har samay sadhna kar raha tha.
Vartmaan me,
Dhyaan karte hue Manav ko laga jaise woh Spirit Concentration Scroll ke second level me aur bhi nipun ho gaya hai..
Aisa shayad isliye hua.. kyuki uska ghar samudra ke kareeb tha aur isliye.. hawa me water element ki maatra jyada thi..
[Saanvi - water element dragon.. Annexure ll]
Scroll ke dusre level par hone ki wajah se Natural Essence, jo uski lagbhag aadhi body me bhara hua tha, aisa lag raha tha ki maano body me Natural essence ki mantra badhne lagi thi.
Khaaskar uski body ke oopar , beech aur nichle hisson ke 9 important acupoints.., Natural Essence ko sabse jyada absorb kar rahe the aur naabhi (naval) ke paas stith dragon core ko trigger kar rahe the.
Jab use is process 
ka ahsaas hua.. tab tak use sadhna karte hue raat ho chuki thi.
Knock ! Knock !
Manas dinner ke liye Manav ko lene aaya hua tha.
Jab uske bete ne darwaja khola to achanak.. , Manas ko aisa laga jaise.. uska champ na keval bahut energetic lag raha tha balki uska temperament bhi bahut alag ho gaya tha.
Manas (man me) : "ye.. kitna change ho gaya hai! Mai.. lagbhag 1 - 2 months se foreign me tha, aur itne se time me ye pehle se behtar dikhne laga hai. No wonder ki.. girls is kiddo ko like karne lagi hai.. " 
...
...
...
Dinner ke baad, Manas apne bete ko walk ke liye baahar le gaya.
Halaanki, samudra ki hawa thodi khaari thi, lekin jab bhi ye un donon ke shareeron se takrati, to unhen sukoon mehsoos hota. Raat ke sannate me samudra ki lehre kuch jyada hi shor kar rahi thi, lekin ye shor kaanon ko relax karne wala tha.
Jab donon naram ret par chalne lage to ye jagah aur samay, baap- bete ki baatcheet ke liye ekdum perfect tha.
Manav ke bagal me chal rahe Manas ne, chandni me Manav ke tejasvi chehre ko dekhte hue kaha,
Manas : "Foreign gaye jyada time nahi hua.. lekin tumme bahut changes aa gaye hai.. achi growth hai beta.. "
Lekin apne pita ki baat ko ignore karte hue Manav ne kaha,
Manav : "Dad.. mai aapko ye to nahi bata sakta ki aapko kya karna chaahiye aur kya nahi.. aap sabhi cheejein mujhse better jaante hai.. but.. still Dad, aapko Dadi ki bahut care karni hogi. "
"Aisa nahi hai Manu.. ki mujhe maa ki parwaah nahi hai, i love her so much! but shayad.. tumhari dadi ko har samay complain karte rehna bahut achchha lagta hai.. Ah,"
Manas ne aah bhari, aur poocha
"Mujhe to sach bata sakte ho Manu; university me tumhare sath jo ladki thi.. woh tumhari girlfriend hai na?"
Manav : "Nahi, wo meri Class President hai" 
".. par wo ladki hai badi pretty..,"
Manas phusphusaaya.
Manav ne is topic ko yahin rok diya aur poochha,
Manav : "Aap aaj.. rishte ki baat par itna casually agree ho gaye?"
Manas : "Aaj jab humne unse baat ki to pata chala ki ve log, vaastav me bahut achhe aur sabya log hai. Lekin.. iske alawa, rishte ki baat se agree hokar hum aapki dadi ko khush karne ki koshish kar rahe the..; tumhe pata to hai ki tumhari dadi kaisi hai.. koi bhi baat agar unke man me aa jaye, to humen usse agree hona hi padta hai. Ab jab wo us little girl ko itna pasand karti hai, to tumhari mom aur mujhe unki baat to maan-ni hi padegi taaki wo gussa na ho jaye.." 
Manav : "Oh.. matlab aap bas dadi ka man rakhne ke liye hi agree hue the. "
"Aisi baat bhi nahi hai Manu.."
Manas ne aati hui badi leher ko dekha aur aage jawaab diya,
"Little Sani.. really.. sundar aur cute hai. Agar woh meri daughter- inlaw banti hai, to bahut achchha hoga. Magar.., hum kabhi nahi jaan sakte ki future me kya hona hai.. "
Usne kuch seconds socha aur poochha,
Manas : "Tumhe.. Little Angel yaad hai..?"
"Little Angel??" 
Manav thoda confuse lag raha tha.
Manas : "Haaha, tum bhool gaye? ye wahi ladki hai.. jo humesha apne ghar aati thi jab tum chhote the. Uske Dad university me mere classmate the. Us samay... hum kaafi kareeb the, aur.. uski family aksar apne ghar aaya karti thi. Hum use Little Angel bulaya karte the kyuki woh bahut chhoti si aur pyari thi. .
Wo to har samay tumhe follow kiya karti thi.. tumhari nakal kiya karti thi.. kya tumhe kuch bhi yaad nahi hai..?"
Manav ne kuch der socha;
Uski dhundhli yaadon me, ek chhoti ladki thi jiske chehre par halki gulabi rangat thi, usne light-yellow colour ki dress pehni hui thi, aur uske smooth baalon me ek laal rang ka phool laga hua tha.. ek chhoti si ladki.. jo har samay uske saath rehti thi aur.. humesha apni totli awaaj me use Manu ki jagah "Manku" bulati thi.
"Yeah.., mujhe kuch kuch yaad hai,"
Manav ne haan me sar hilaaya aur poochha,
"Ab wo aur uski family kahan hai?"
Manas ne aasmaan ko dekhte hue bataya,
Manas : "Uske dad.. humari generation me foreign jaane wale kuch chuninda logon me se ek the. Chunki us time communication ke itne options nahi the, isliye dheere-dheere humara contact toot gaya.. woh Little Angel bhi shaayad.. apne dad ke saath USA chali gayi thi..,"
Manav : "Oh... lekin dad.. achanak se ye sab..? " 
Manas : "Ahem.. maine ye sab isliye bataya kyonki us time.. donon families bahut kareeb thi, aur tum donon ko humesha saath dekh, humne majak majak me tum donon ki bhi shadi pakki kar di thi. Lekin.. aaj ke jamane me jaise-jaise bachche bade hote jaate hai, is tarah se rishta pakka karne ka koi matlab nahi hota.. "
"Jab Sani badi hogi aur.., tab agar woh tumhe pasand karti hai, to tumhari mom aur mujhe tum donon ki shadi se koi problem nahi hogi.. BUT, "
Manas ki tone badal gayi,
"Agar future me Sani tumhe pasand nahi karti hai, ya phir kisi aur ko apna boyfriend bana leti hai, to tumhe aaj pakke kiye rishte ko bhoolna hoga Manu! and tum Sani ko kisi bhi tarah se force nahi karoge! Understand!?"
Manav : "Yes dad.." 
Manas : "Saanvi ki family well-educated aur sabhya hai. Bhale hi future me humara rishta samdhiyon wala na ho, phir bhi.. long run me unke friends bane rehna achha rahega,"
Apne dad ki baat sunte hue Manav, chand ki roshni me antheen samudra ko dekh raha tha..,
Manav (man me) : "Dragon Palace.. pata nahi kal kya hoga.. " 
P.S. :-
* Natural Essence - bool gaye to "word meanings " me dekh sakte ho
* Water element dragon - Annexure ll
- for both refer sticky note
Update yahin par hota hai end
🅁🄴🄰🄳,
🄻🄸🄺🄴 
🄰🄽🄳
🄲🄾🄼🄼🄴🄽🅃 
Phir milenge ! Dragon Palace me !mega update ke sath!! 
To be continued.....
