Update:-50
Nischal…… Jo kiss tum ne platform par kiya tha, uss se mujhe tumhare pyar ka ehsas hua, ek aur kiss kar ke wo pyar mita do. Bas iss kiss ke baad main apne pyar ka dhindhora nahi pitunga.
Jivisha, thoda sochti….. "Pakka na, jaise tum ne kaha waisa he karoge"
Nischal, Jivisha ke bilkul karib aa kar uske aakhon me aakhen dal kar kahne laga…. "Haan bilkul.... main tab tak apne pyar ka zikr nahi karunga jab tak ki tum khud mujh se nahi kahti, ki tumhe bhi mujh se pyar hai.
Nischal, Jivisha ki aakhon me aakhen dal usse pyar se dekhe ja raha tha. Pahle to Jivisha bas iss baat ko soch rahi thi ki ek kiss jab main apni marji se kar sakti hun to iska bhi ye bichhadne se pahle wala kiss feel kar lun. Baki maal to apna hi hai, jayega kahan…
Lekin Nischal ka iss kadar aakhon me aakhen dal kar dekhna, Jivisha ke soch par parda dal diya aur sahmati me bas usne apni aakhen mund li. "Jaise kisi kavi ki kalpana ho tum, itni pyari aur masoom…. Uffffffff". Apne man me aaye khyal se Nischal muskura diya.
Jivisha aakhen munde bas Nischal ke kiss ka intzar kar rahi thi, aur tabhi Nischal, Jivisha ke kamar me hath dal kar dhire se apne ore khinchte, khud me sama liya.
Jivisha, Nischal ki pakad se aise khili, jaise barshat ke baad chhayi hariyali ho. Wo ehsassss, jab saans Jivisha ke chehre se takra rahi thi, halki madhoshi jaise chhayi ho aur uske hont, Nischal ke hoton ki chhuan pane ke liye taras uthe….
Jivisha ki chadhti saans mano iss pal tham si gayi ho, aur tabhi jaise usse ehsas hua ki Nischal ke hathon ki pakad uss ke badan se alag ho gayi hai. Chehre par parti sasen ab band ho gayi hai.
Apni ruki sason ko samanya karti hui Jivisha ne apni aakhen kholi, Nischal uss se kuch duri par khada Jivisha ko he dekh raha tha.
Jivisha, khumari si awaz me puchne lagi…. "Kya hua"?
Nischal….. Pahle to socha kiss kar lun par jab tumhe pyar he nahi to main kiss kyon karun.
Jivisha….. Nahi aisi koi baat nahi.
Nischal….. Oh to fir kaisi baat hai ?
Jivisha, apne khumari ke lay me bol gayi, lekin jab wo apne kahe shabdon par gaur ki to apne danton tale jibh daba kar…. "Woo.. Woo.. To mere muh se nikal gaya. Haan mujhe tum se pyar nahi, bas iss ek kiss ke matter par tum hamesha mujhe jo tane dete ho, uss roj roj ke tane se mujhe mukti pani hai".
Nischal…. Its ok, main ab kiss ki baat fir kabhi nahi karunga, tumhe beman ho kar kiss karne ki koi jaroorat nahi.
Itna kah kar Nischal apni najar Jivisha se hata kar idhar udhar dekhne laga aur Jivisha ne bhi apna dhyan Nischal se hata liya.
Jaise he Jivisha ek kadam aage badhi….. Nischal usse piche se tokte huye…. "Kya wakai me tumhe mujh se pyar nahi".
Jivisha….. Kitni baar kahun Nischal, nahi hai… nahi hai.. nahi hai….
Nischal….. Kya wakai me tumhe mujh se pyar nahi….
Jivisha, chidhti hui….. "Ab itna force karoge to tumhe mana bhi nahi kar sakti ki pyar nahi. Tum itne pyare ho ki tumhara dil nahi dukha sakti lekin baat fir wahi ho jayegi.. maine pyar se tumhare pyar ko kabool kiya aur jabardasti haan kahna para…
Nischal…. Itna karne ki koi jaroorat nahi, sirf tum mujhe ek mauka do, yadi main uss ek mauke me tumhare dil me apne liye pyar na jaga saka to fir kabhi tumhe samne apni shakal nahi dikhaunga.
Jivisha….. Kaisa mauka…..
Nischal….. Mere sath bas ek pura din bitao, kewal ek din. Aur uss ek din me main tumhare dil me, apne liye pyar na jaga saka to fir main apni shakal tumhe kabhi nahi dikhaunga.
Jivisha…. Pakka na, tum apni baat se mukad to nahi jaoge….
Nischal….. Nahhh…. Bilkul nahi mukad sakta...
Jivisha…. To thik hai kal main pura din, subah ke 10 baje se raat ke 10 baje tak tumhare sath rahungi. Jao khush ho jao de diya mauka...
Mare khushi ke Nischal "thanks, thanks" kahte Jivisha ke gale lag gaya, aur Jivisha uss ke iss pratikirya par hans rahi thi, "Ye to pura pagal hai"…
Nischal ke gale lagkar Jivisha ko sukoon sa milne laga. Kuch der uske bahon me khoye rahne ke baad jhatke alag hiti….. "Suno iss tarah se koi mujhe touch kare, mujhe pasand nahi. Isliye kal mere karib aane ki kosis bhi mat karna, mujh'se 2 fit ki duri banaye rakhna. Aur haan aaj raat ek treat hai, raat 8 baje Nandni ko le kar hume pick karne aa jana, ab jao...
Jivisha aur Nischal ko dur se yadi dekha jaye to sirf aisa he pratit ho raha tha jaise do premi aapas me pyar se mil rahe ho. Halanki ander ke haal-e-dil ki vastavikta bhi yahi thi kintu filhaal upar se to bus pyar nahi hai, yahi chal raha tha.. Inke bich hui baten, na pata chalne ke karan kuch log galatfehmi ka shikar ho gaya. Jin me se ek tha Kunal…
College se laut'te waqt Nischal aur Nandni..
Nandni:- I want party .. party … I want party .. party ..
Nischal:- Aaj raat to treat dene bulaya hi hai Jivisha ne, ab kaun si party legi..
Nandni:- Tere love ki gadi chal padi uski party …
Nandni, Nischal ke liye itni khush thi ki car chalate-chalate excitment me staring chhod kar, side se nischal ke gale lag gayi….. nischal teji se staring pakadte huye………… "Pagal gadi thik se chala le, tere chakkar me dusre mar jayenge. Aur haan koi bhi aisi baat nahi hai, kam se kam Jivisha ke ore se to nahi hé hai"… apni baat khate huye Nischal thoda mayus ho gaya..
Nandni:- Tu mayus na hua kar, teri chahat par mujhe pakka yakin hai. Waise ek baat bata..
Nischal:- Haan puch na…
Nandni:- Tum dono love to karoge lekin romance…
Nischal:- Haan romance.. ka kya..
Nandni:- Duffer wahi to romance… matlab tum samjh rahe ho na…
Nischal:- Main kosis kar raha hun ki tu mere hath se mar na kahye par aise betuki baat bolkar puchegi 'samajh rahe ho na' to main ache se tujhe samjha dunga… jo bhi bolna hai aaram se bol aur clear puch kya puchhna chah rahi hai.
Nandni:- Pagal kahin ka.. ek ghuma fira kar pucha gaya sawal samjh me nahi aata.. ohk cool.. Ye batao tum physical relation kaise banaoge…
Nischal:- What ???? Tu pakka aaj subah se nasha kiye baithi hai…
Nandni:- Nahi main serious hun, aur teri kasam koi nasha nahi kiya hai… bata na tu to alian hai na to kya tere pass wo hai…
Nischal, Nandni ke bal pakad kar staring par uska matha de mara… "Jyada bolegi to car se bahar hi fek dunga".. Nandni car me break lagati.. "Dekh abhi tu sorry kah de warna mujh se bura koi nahi hoga"..
Nischal:- Acha thik hai. Waise bhi mujhe jhagra nahi chahiye… sorry..
Nandni muskurati hui… "Thats my boy".. aur kahti hui uske hath ko pakad kar ek solid jhatka wo bhi 10 sec ka dete huye uska hath chhodti hui kahne lagi… "Tune mara, maine jhatka diya, badla pura hua… shant ho ja.. come on tej tej shwans le"..
Nischal:- Thik hun main, tu car chala. Aur sorry mujhe aise over react nahi karna chahiye thi. Tere sar me chot to nahi lagi na..
Nandni:- Pagal tune chot dene ke irade se mara hota to na chot lagti. Waise tumhare gusse aur control ki main fan ho gayi hun…
Nischal:- Ji shukriya.. lekin dekh ye aise paglon wala sawal na pucha kar.. main tumse puchne jata hun, tum aur doctor kya karte ho…
Nandni:- Tujhe kya nahi pata hum kya karte .. acha aaj raat gate khula chhod dungi tu porn show samjhkar enjoy kar lena...
Nischal:- Chhi… tu itni personal chijen kaise aasani se kah deti hai mujhse.. Pagal hai tu pure...
Nandni:- Tu janta hai, mujhe tujhme koi ladka ya ladki nahi dikhta isliye kah deti hun… waise bhi tera ghor ashrya wala chehra dekhne ka maza hi kuch aur hai.. chal wo sab chhod aur ye detail de ki tere pass bhi sab aam ladkon jaisa hai ya kuch biologically change hai…. compare to human…
Nischal:- Mere body ka basic structure human body ke jaisa hi hai, bus internally aur cell structure me change hai samjhi.. ab please ye sab mat puch .. ajib lagta hai…
Nandni:- Gadha hai tu…. Lagta hai meri baat tu samjhna nahi chahta… Main tujhse gender basic hokar apni baat nahi karti. Jaise main Jivisha se sab kahti hun, thik waise hi hai... Na to Jivisha se kuch bhi share karne ya kuch bhi puchne ya kahne me koi problem hoti hai, thik waise hi tu hai.. isliye baten gender basic hokar na socha kar, mujhe bura feel hota hai..
Nischal:- Haan samjh gaya.. lambe lambe bhasan dekar bore mat kar… samjh gaya ki dost matlab dost no gender basic.. now happy…
Nandni:- Very happy... Chhod ye aur chalkar treat ki taiyari karte hain …
Nischal:- Lekin treat ki taiyari, ye kuch jyada nahi ho gaya…
Nandni, nischal ko ghurte huye dekhi aur dono wapas apne flat ke ore nikal gaye…
College se laut'te waqt Kasak aur Jivisha....
Kasak:- Finally na na karte huye tere pyar ki gadi aage badh hi gayi…
Jivisha:- Mere pyar ki gadi aage badhi, ya puncture pari hui hai, ya fir main ek gadi se utar kar dusre gadi me baithne ja rahi hun ye to waqt hi batayega. Lekin abhi to hot story teri kahani hai, chhupi rustam bina humari jankari ke sabkuch kar liya aur hume pata tak nahi.
Kasak:- Nahi bataya tum dono ko, aur jaan-bujh kar nahi bataya, warna mera ghar basne se pahle hi ujar deti. Sochi, pahle ek pagal ki aadat lag jane do, fir 2 paglon se mulwaungi.
Jivisha:- Bhag kamini kahin ki, dekhna aaj tera break-up karwa kar rahungi.
Kasak:- Tujh par ek kya 50 ladke kurban meri jaan… meri life mein to pahle tu hai.. waise bhi jo tujhe acha nahi laga wo mujhe kaise lag sakta hai…
Jivisha:- oh ho ho hooo ! Aisa hai to Nischal ke liye fir kya kahne hai tere…
Kasak:- U can run and hide but never escape from your destiny darling.
Jivisha drama queen thi to Kasak bhi uski gurumata thi. Jivisha apne baton ke dauran kitni bhi kosis karti rahi ki Kasak ko uske BF ke naam se ghera jaye. Lekin har baar yahi hota, baat shuru to hoti Kasak se lekin discussion Nischal aur Jivisha par hone shuru ho jata…
Aise hi khatte nok-jhonk ke bich Jivisha aur Kasak ghar pahunchi. Dono ne jaise hi ghar mein kadam rakha wahan ka mahol hi badla hua tha... Jivisha ki bhabhi Nandita bich hall me Chirag ke kaan pakde uske hoton ko jalane ki kosis kar rahi thi, aur wahan Jivisha ki Maa Priya, Chirag ko chhod dene ki minnat to kar rahi thi, lekin jyada jor nahi dal rahi thi.
Haalanki priya ka dil kar to raha tha ki apni bahu ko 2 thappad khinch kar lagaye aur apne jigar ke tukde, pote ko chhuda le, lekin wo aisa kar nahi sakti thi. Iske pichhe ki wajah thi Nandita ka gussa. Yun to wo kafi milansar thi aur kitna bhi uksa lo gussa nahi aata, kintu ek baar yadi gussa aa gaya fir wo kisi ki suune se rahi.
Aisi hi ek ghatna kuch sal pahle ghati thi jab Jivisha ki sharaton par usse khub sunaya ja raha tha. Waise Jivisha ka dant sunna to inke pariwar ke aam jivan ka hissa tha, lekin Jivisha bhi thehri puri dhit aur moti chamri wali. Kuch bhi kah lo usse koi fark nahi parna...
To baat kuch aisi hui ki Priya bolne ke kram me itna bolti chali gayi ki wo Jivisha ke sath-sath Nandita ko bhi lapet li, yahan tak to thik hi tha. Lekin lapetne ke kram me Priya ne Nandita ke mata pita ko bhi ghasit lee. Thoda gussa to aaya lekin Nandita ne baat ko tul nahi di aur sochi uske mata-pita, uski saas ke samtulya hai, aur unka rista aisa hai ki ye sab to aam baten hain.
Kintu Priya ke kaleje ko yahan bhi kahan thandak mili thi aur isi kram me wo Nandita ke mata pita se badhkar sidha uske khandan par pahunch gayi. Ufffff !! Kya bhoot chadha tha Nandita par fir to. Uska gussa tha ki pure hafte din tak shant nahi hua tha aur Priya apne hi ghar me jyadatar dubki aur dari sahmi si ghumti thi.
Bilkul aaj bhi ussi roop me Nandita dikh rahi thi. Priya kafi atihatan apne pote ko bachane ki kosis kar rahi thi. Jivisha ne apne aakhon ke aage ka mahol dekhi to wo daud kar bhagi aur Chirag ko Nandita se dur karti, apne bahon me samet kar, tej-tej shwans leti usne apni aakhen mundi. Aakhen mund kar usne jhatke se apni aakhen kholi aur badi badi, gusse se laal aakhen usne apni bhabhi par dali… Jab wo gusse me apni aankh dikhyi, har kisi ne hawa me ek kampan mehsus kiya, aisa jo kisi ke bhi ander bhay paida kar de.
for your response ... Keep reading, n keep commenting 
