Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[Black water]

Update:-47





Bus kuch pal khuli hawa me gahri sans lene ke baad Nischal ne dhyan lagaya aur achanak hi aisa laga jaise wahan ke vatavaran me faile kayi lakh chamakti tarange, ek jagah simat kar uske dimag me ghus rahi hai. Issi ke sath viman ke pass achet awastha me pare uske sharir me thodi hulchal hui aur Nischal apni aakhen kholte uthkar baith gaya….


Isbar jab Nischal ki aakhen khuli, uska sharir bilkul bhi kamjor nahi lag raha tha. Haan aas-pass kuch khun ke daag the jise dekhkar Nischal kuch der tak socha, fir usse samajh me aaya ki ye khun uss waqt ke honge jab wo raushni ke pass pahunchne ke liye urja ka tej jstamal kar raha tha…


Idhar Nandini jab Nischal ka sandesh padhi, tab wo sochne lag gayi "Nischal gaya kahan hoga, kuch isharon me hi bata deta". Nandini ke mann me ek swabhawik si chinta paida ho gayi, jo ghar ke kisi sadsya ke kahin bahar jane par ho jati hai, aamuman jab karan ka pata na ho ki kyon raat bhar bahar rahega…


Sham ko teeno hi ladkiyan shoping se lautne ke kram me, Kasak bahana maar kar, shopping se kahin aur nikal gayi thi… Shayad Jivisha bhi aisa hi kuch chah rahi thi kyonki usse bhi Nischal ko dekhne ka bada mann kar raha tha aur wo Nandini ke sath uske flat jana chahti thi..


Kasak apne raste Nikal gayi aur Jivisha, Nandini ke sath uske flat ke liye sath chali…. "Ye Kasak achanak hume chhod kar kyon gayi"..


Jivisha:- Uske chehre ki raunak nahi dekhi kya.. kisi khas se milne gayi hai…


Nandni:- Waise raunak to tere chehre ki bhi dekhte banti hai Jivisha… kitna bhi chhipa le, kitna bhi banwati gussa dikha le, tera chehra ab bayan kar he jata hai…


Jivisha, muskurati hui…. "To maine chhipya hi kab tha apna ye facial expression. Bus apni hi musibaton me aisi ulajhti chali gayi ki mere chehre se Nischal ke liye pyar ko padhna kathin aur mari bebasi padhna aasan ho gaya tha.


Nandni:- O teri… Badmas… matlab ye wahi wala chakkar tha… pahli najar ka pyar... Kamini ek masoom ko itne dino se tarpa rahi hai.. tujhe uspar jarra bhi raham nahi aayi..


Jivisha:- "To kya usse dukhi dekhkar main khushi se nach rahi thi.. Nischal se chidh kar baat karne ke baad, usne kabhi aashu bahaye ki nahi wo to mujhe nahi pata, lekin usse bura laga hoga yah soch kar mere aanshu jaroor nikal aate the…'

"Bawajood iske, maine jo kiya wo bhi jaroori tha… Kisi ke pyar me andhi hokar, main apne gharwalon ke liye aisa damad nahi la sakti thi jiske wajah se unko hamesa afsos hote rahe… you know main tum sab me se kisi ko nahi chhod sakti isliye Nischal se duriyan jayaj thi… Pahle wo mere ghar ke logon ko pasand aa jaye bus iss baat ke liye ruki thi…


Nandni:- Boaring story .. ye koi old hindi film ke parent ki kahani lagti hai… jahan ek chhoti si bhanak….. ki ladki kisi se pyar karti hai aur pure khandan se lekar pure samaj me hungama…


Jivisha:- Aur baki ke modern parent ki to koi feeling hi nahi hoti… chhut mili hai to pyar ke naam par le aao unke pass kisi kachra karne wale ko aur ghar ka hissa bana lo.. fir uss eklaute ke karan pahle pariwar chhut jayega aur baad me zindgi se khushiyan… haan Nischal mujh se normal hokar milta tab itni paresani nahi hoti .. fir main sidha milwati aur ghar ke logon ko hi janch partal ke kaam me laga deti…


Nandni:- aur Nischal ke case me kya abnormalities thi..


Jivisha:- Ek ho to bataun na… pahli baat uska huliya.. jab wo pahli baar mujhe dikha tha…. dusri baat wo shuru se sab kuch sun aur bol sakta tha, lekin wo khamosh raha .. teesra jab usne baat karne ke liye muh khola… my god uski juban… ab tu hi bata aisi stithi me kaise main uspar yakin kar leti…. bhale hi jab se main usse dekhi, mera dil kewal uske liye hi dhadak raha tha aur hamesa vyakul bani rahna ki kab wo mujhe samet kar apni bahon me lele…


Nandni:- Baat jo bhi ho aur kitna bhi tu sahi kyon na ho lekin tumhari janch-partal ke karan Nischal ko bahut tarpayi… mujhe bahut bura laga tumhara ye vyavhar…. Kuch baten jo uska chehra kabhi bayan nahi kar pata, shayad tum un baton ko kabhi samjh na pao Jivisha…


Jivisha:- Haan tumhari baat main samjh gayi.. aur iske liye main sirf tumse mafi mang sakti hun... Kyonki hum dono ke bich kewal dher sara pyar aur uss se bhi jyada humari shaitaniya hogi.. woohooooo, woohooooo, woohooooo… Haan lekin sun usse tu kuch bhi nahi batayegi... Tujhe meri kasam…


Nandni, Jivisha ka utawlapan dekh kar hansti hui kahne lagi…. "Matlab pahle Jivisha ko jhelna parta tha ab Jivisha aur Nischal dono ko jhelna padega… double impact haan..


Jivisha:- Yesssssssssssss… aur shayad double bhi nahi, balki uske kayi guna multiple pagalpan ko jhelne honge.. wo bhi aise hi hanskar… bahut tarpayi hun usse .. ab uspar dil khol ke pyar lutana chahti hun…


Nandni, Jivisha ko aakh marti…. "Dil khol kar haan… fir to uske maze hi maze hai…


Jivisha:- hihihihihi… khali wahi maza karega kya, main bhi to barabar ki bhagidar rahungi.... waise ek baat bata…


Nandni:- kya ??


Jivisha:- Apne pass rakhkar kahin tune mere mal ko second hand to nahi bana diya…


Nandni, thodi chidhti hui gadi me break laga di… "Tere mann me koi doubt to nahi hum dono ko lekar… kyonki hum dono jis rishte me hain kayi baar logon ko yakin dilana muskil ho jata hai ki humare bich kuch nahi"..


Jivisha khinch kar usse ek thappad lagati…. "Main logon me nahi aati samjhi… aur dobara justification mujhe mat dena ki tum dono ke bich chal kya raha hai… mere itne badhiya mazak ka maa bahan ek kar di….. chal ab gadi chala..


Jivisha ki baaten sun'ne ke baad Nandni ka chehra uski khushi ko bayan kar rahi thi.. wo car drive karti hui kahne lagi…. "Janti hai Nischal mere jindgi ka ek hissa jaisa ho gaya hai.. jiske kabhi-kabhi na hone par, kisi ke na hone ka ehsas hota hai… lekin ye kisi premi ke na hone ke ehsas jaisa nahi hota isliye jab wo mere pass nahi hota to bhi hasate hi rahti hun"…


Jivisha:- ye tu mujhe kyon bata rahi hai… jab main usse pahli baar chum rahi thi tabhi maine wish kiya tha… "bhagwan yadi ye mera hai to isse hamesa Nandu ke karib rakhna … uske bilkul kisi close dost ki tarah jo ek dusre ke sath har sukh dukh bant sake…..


Nandni:- Matlab usse mere kundli me dalne wali tu hi hai.. aur Jan sakti hun aisa kyon…


Jivisha:- Dono hi mere jigar ke tukde jo ho. Maine socha kahin kisi din bewakoofi me tu mujhse jhagra karke ruth jayegi to Nischal humare bich sulah karwa dega…


Nandni:- feku kahin ki.. sab random answer hai. Tu bus flow maintain kar rahi hai…


Jivisha:- Hat pagal, tum dono ke mamle me main bahut clear hun aur meri feeling bhi… acha tu emotional nahi hogi to ek baat puchun …


Nandni:- Haan puch..


Jivisha:- Tujhe Ansh se pyar kaise ho gaya, jabki pahle se ek past history thi… batayegi…


Nandni:- hahaha.. us khajoor ke liye ab na hoti emotional. Bhid me tanhaeyon ke din gaye janeman. Aur jahan tak baat hai Ansh ka to pata nahi, bus sath rahte-rahte uske liye bhawna jaag gayi…


Jivisha:- fir bhi thodi si detail…


Nandni:- kah nahi sakti… tu kuch soch rahi hai to wahi bata de…


Jivisha:- Shayad Ansh bhi Nischal ki tarah hi hai, kuch basic gun ko alag kar do to. Main Nischal ke bare me batati hun tu Ansh se compare kar lena.. thik..


Nandni:- Haan thik.. chal ab bata…


Jivisha:- Nischal mujhse ghabrata hai… bahut rude hai wo aur self-respect ke liye wo kisi ko kuch bhi suna sakta hai… basically usse agar galat tarike se chhed do to wo pura arrogant ban jata hai... In sab baton ke bawajood bhale hi mai uss se nafrat jatati rahi.. na jane kitni hi baar apne tikhe vyavahar se usse mayus hi kyon na kiya ho, lekin mere kiye ka gussa wo kisi aur par kabhi nahi nikla… wo tujh se, mere ghar ke logon se.. har kisi se muskura kar hi milta raha…


Nandni:- Kamal hai Jivi.. tujhe agar Nischal ki tarifen karni hai to tu Ansh ko kyon bich me la rahi… waise bhi ladki patani hai to itna har ladka karega… Nischal aur Ansh koi special case nahi hai…

Jivisha:- Duffer kahin ki, main jo samjhana chah rahi hun wo samajh kyon nahi rahi… acha sun wo Shresh jo hai wo tujhe ya Kasak ko kitna janta hai…


Nandni:- Lekin wo hume janne me kyon intrest le..


Jivisha:- Aur Ansh humare bare me kitna janta hai… ummid hai baat samjh me aa gayi hogi… jinki chahat me swarth hota hai unke lakshan bhi swarthi wali bhi hoti hai… unhe bus ladki patane ke liye dusron ki izzat karni padti hai.. baki koi ladka kisi dusre ko dil se jan'ne ki ikchha kabhi nahi rakhta…


Nandni:- isse main Jivisha 2.0 kahungi… sensible aur responsible… chal achha hai tu jimmedar hote ja rahi hai.. lekin tu ye jo baat ghumane ke liye apne aur mere lover ki tarif ke kaside padh rahi hai.. uss se ye baat kahan sabit hoti hai ki tune wish mangi thi..


Jivisha:- Huhhhh ! Maine wish mangi thi.. teri kasam.. ab main baat to apne observation se hi shuru ki thi aur Sochi kisi tarah logic laga bhida kar sabit kar dungi… Lekin wo observation aur logic sabit nahi kar payi ki maine dil se wish ki thi, to meri kya galti hai… bus ab teri kasam kha lee hai aur iske baad koi discussion nahi… Samjhi..


Nandni:- Thik hai baba samjh gayi… aur jab tune pahli baar kaha tha tabhi yakin ho gaya tha... Aur haan thankyou so much.. tumhari wish mere liye priceless hai…


Jivisha:- Lekin darling…


Nandni:- Ab kya…


Jivisha:- Dil to bacha hai ji … aur khabardar jo Nischal ko kuch batayi to warna mujh se bura koi na hoga...


Nandni:- Mere liye to waise bhi tujh se bura koi nahi..


Jivisha chhota sa muh banati… "tu mere bare me aisa sochti hai… yahi teri dosti yahi tera pyar"..


Nandni:- kamini, kahani aise uljha di ki tujh se badla bhi nahi le payi… aur ek baar fir tune mujhe kitabon me uljha diya. Maze ki baat apni karni to kar di.. upar se badla lene ka koi mauka bhi na di…


Jivisha:- tujhe kya lagta hai main bhagi thi aur khud ko save karna tha isliye tujhe yahan khincha hai maine…. na re ullu na… In sab ki jimmedar wo Kasak hai… usse shadi nahi karni thi isliye PG me admission ka plan uska tha… ab tu samajh sakti hai wo agar PG me hogi to main kahan rahungi.. aur main agar PG me rahi to tu kahan rahegi . Ye sab ghatna nahi bhi hoti to bhi tumhe khincha hi jata.. so just chillofy baby..


Nandni:- Kutte ki dum ho dono bahne… kitna bhi lage ki ab sidhi ho gayi lekin mazal hai ki aisa sambhaw hai..


Jivisha:- lekin hum kutte kaise ho sakte hain re ullu.. we are bitches..


Nandni:- hat pagal tu shant hi achhi thi.. Aaj pahle din se hi tere lakshan mujhe thik nahi lag rahe .. shant chalne wali life ab aisa lag raha hai jaise dobara ashant hone wali hai..


Jivisha:- Chhi chhi.. ab tum logon ke sath kaun badmashiyan karega… wo hai na jise ab tak khud se dur rakha hai.. ab se sara pyar aur sari badmashiyan uske liye... Chal jara pahle uske didar to karwa de… kahi thi kal milti hun college me fir bhi wo gadha nahi aaya.. I am very upset now..


Dono baat karte karte flat pahunch chuke the... Jaise hi Jivisha ander ghusi taak jhaank shuru kar di.. Nandni uski haalat par hansti hui…. "Kya hua.. tu kuch jyada vyakul dikh rahi hai?"..


Jivisha:- very funny.. jaldi se bata mere maal ko kidhar chhipa rakhi hai.. thoda paresan kar lun usse, fir ghar jaun..


Nandni:- mujhe aisa kyon lag raha hai ki tu paresan hone wali hai…


Jivisha:- kya hua hospital me admit to nahi..


Nandni uski chinta ko viram lagati hui kahne lagi… "Tune hi to kaam par lagaya tha.. bhul gayi… "Agar un katilon ko pakadte ho to mere aadar ke patr banoge"..


Jivisha:- Hey bhagwan main bhi kitni badi bewakoof hun.. apne gharwalon ke samne uski image banane ke liye ye maine usse kis musibat me dal diya hai… Nandu wo to teri sunta hai na… please usse mana kar de.. wo log bahut khatarnak hain… pure darinde aur mera Nischal to bilkul masoom hai…


Nandni:- Tu bekar me chinta kar rahi hai… hum log filmi hain wo nahi… wo pure dimag se kaam kar raha hai aur Sawalker sir ke sath milkar kaam kar raha hai..


Jivisha:- Fir bhi Nandu, wo log bahut khatrnak hain yaar..


Nandni:- Hmmm ! Thik hai main Nischal se baat kar lungi .. aur haan tujhe wapas aise dekh kar bahut acha laga…


Jivisha:- Oye Nandu, ye aise ro kar welcome karegi… chal hans aur aa gale lagkar swagat kari…



Kasak… In dono ko jab chhod kar nikli…



Kasak kafi khush najar aa rahi thi.... Un dono ke najron se ojhal hokar jaise hi wo kuch dur aage badhi ek bike piche se horn dene lagi… Kasak bina uss horn par dhyan diye apne raste chali ja rahi thi...


Horn ke sound par jab Kasak ruki nahi, tab usne bike ko aage le jakar uska rasta rokte khada kar diya… Kasak ne jab uss biker ki aisi harkat dekhi tab wo badbdati hui wahan se raasta badal kar aage badh gayi…


Ek baar fir wo biker Kasak ke aage gadi lagakar rasta roke khada ho gaya... Ek baar fir Kasak apna rasta badalne lagi.. lekin iss baar wo biker uska hath pakad kar apni ore khinch liya…


Kasak uski iss harkat par koi pratikriya de usse pahle hi uss biker ne apna helmet utar kar Kasak ko aankh marte kahne laga…. "Yah biker thoda hyper hai baby… wanna a ride with me"..


kasak uski baton par hansti hui kahne lagi…. “Acha ji sirf 2 din ki mulakat me hyper ho gaye, ye kuch jyada nahi ho raha Jatin”…


Jatin:- Ab aa bhi jaeye miss, warna ab bekarari me aap ko kahin yahin gale na laga lun.. Fir aap ki ghurti najar mujhe khane ko bekarar ho jayegi…


Kasak uski baat par hansti hui bike par baith gayi aur dono kahin dur nikal gaye… Jhil ke kinare Kasak ek ghane viriksh ke niche baithi thi aur Jatin uske gode me sar dale Kasak ka chehra dekh raha tha… dono najron ki bhasha padhkar ek dusre me khoye huye the…


“chalo jatin ab chalte hain, ghar ke liye der ho rahi hai”….. Kasak, Jatin ke balon me hath ferti kahne lagi…


“Bus kuch der aur Kasak, tumhe nahi pata kitna sukoon milta hai tumahre pass”… Jatin apna hath upar badhakar Kasak ke galon ko pyar se sahlate huye kahne laga…


Kasak :- Baby abhi jayenge fir na kal mulakat hogi… waise bhi apne pyar me itni swarthi bhi to nahi ho sakti ki apne gharwalon ko padesan kar dun.. isliye chalo ab…


“I love you Kasak”… Jatin Kasak ki aakhon me dekhte huye kahne laga…


Kasak bhi Jatin ki aakhon me dekhti uske chehre par apni hath ferti kahne lagi… “I love you too Jatin… lekin baby ab hume chalna chahiye”.. Kasak apni baat kahkar Jatin ko uthne ka ishara ki, aur uske khade hote hi wo bhi uthkar khadi ho gayi. Kasak jaise hi kahdi hui… Jatin use bahon me bharkar is kadar bhinch liya mano Kasak uss se itni dur ja rahi hai ki dobara wapas nahi aayegi… “Hey Jatin, why u r so worried, love”… Kasak jatin ke anjaane dar ko bhanpti hui uske pith par santwana bhada hath ferti kahne lagi…


Jatin, Kasak se alag hokar, uski aakhon me dekhkar muskuraya aur dhime ke “Kuch nahi” kahte huye Kasak ko bike par baithne ka ishara kiya aur dono fir wahan se nikal gaye… Jatin Kasak ko uske ghar se kuch pichhe chhodte huye wahan se nikal gaya…


Idhar Jivisha ko bhi Nandni lagbhag issi samay par chhodne aayi aur dono ne chupke se sab kuch dekh liya… Dono hi Kasak ke liye khush bhi thi aur usse kis biker ne chhoda, uss se milne ke liye utsuk bhi…


Jivisha, Nandni ko aankh marti hui kahne lagi… "Tu dekhti ja, Kasak ne jo apne boyfriend ki baat humse raaj rakhi hai aur kamini ne milwaya tak nahi… uska badla main kaise leti hun. Kal wo apne boyfriend se hume milwayegi bhi, upar se disco aur daru ka kharcha degi so alag"… Dono hansti hui hi-fi ki aur Nandni apne flat aur Jivisha apne ghar laut aayi…

Fantastic update bhai
Kahin ye jatin gangs me to ek nahin aur wo kutta jo kasak ke pas he wo sure Joseph hoga let see aage kya hota hai

 

[KEKIUS MAXIMUS]

pichle ek saal like karta aa raha woh.. ab woh jaane aisa kyun

no matter ???

 

[Reza]

Superb Update Bro...
Waiting For Next

 

[Mbindas]

Waiting for next update

 

[rgcrazyboy]

 

[nain11ster]

अपडेट तो लिखना शुरू भी नहीं किया है और ना ही अब तक घर पहुंचा हूं.. सो आज के किए क्षमा कर दीजिए.. कल अपडेट पोस्ट करता हूं । असुविधा के लिए खेद है..

 

[Nevil singh]

Update:-1​

"Chay le lo chay, chay garam, chay garam" .... "Ek rupya de do sahab, mere bache bhuke hain.. aap ko dua lagegi".... "Vanita, mayapuri, oulook, sarita... magazine le lo magazine".... "Yatrigan kripya dhyan den, train no 12406, Mumbai-howrah mail apne nirdharit samay se ek ghanta der se chal rahi hai... aap ke hui aswidha ke liye hume khed hai"

"Ufff kitni bhid hai yahan... ye main kaun si grah par aa pahuncha, ye to chidiyakhana jaisa lag raha hai".....

Nischal, Kalyan junction ke platform no. 4 par khada wahan ki bhir ko dekh ascharya me par gaya. Ajib tarah ke mahol, ajib tarah ke log aur bhasha to bikul samjh se pare.

Tabhi koi train uss platform par aa kar ruki aur logon ki bhir utri.... ek aurat upar se niche bag lade, chillati hui kahne lagi.... "Ae khambe ki tarah raste me kyon khada hai, side hat na. Dikhta nahi bhari saman uthaye hun"

Nischal uss aurat ke ajib si baat ko samjh to nahi paya bas usse laga ki wo kuch kah rahi hai. Nischal hathon ke ishare me puchha "Kya hai"

Aurat.... Pagal hai kya hatne kah rahi hun to tujhe samjh me nahi aa raha hai kya....

Uski bhasha Nischal ke samjh se pare thi. Aur khada bas isharon me puchhne ki kosis kar raha tha ki wo kahna kya chahti hai.... anth me haar kar wo aurat he uske bagal se nikal gayi.

Wo aurat karib char kadam aage gayi hogi, Nischal ne samne dekha to uss aurat ka ek jhola sayad wahin chhut gaya tha... Nischal ne jhola liya aur teji se mura jhola usse wapas dene ke liye....


"Hey bhagwan ye mukhiya ji ke aadmi mujhe dhundhte yahan na aa jaye. Please bhagwan un kamino ki najar nahi pare mujh par, bacha lo prabhu... bacha lo"

Jabardasti shadi ho rahi thi, aur Jivisha shadi ke din he bhag aayi. Jab se train me baithi thi, usse ek he dar sata raha tha kahin mukhiya ji ke aadmi na dekh le, aur pakar kar uski jabardasti shadi na karwa de...

Dulhan ke libas me, upar se niche tak sazi Jivisha.... "Bhagwan-bhagwan" karti chali ja rahi thi.... tabhi... "Ticket... ticket"... karte huye T.T bhi pahunch gaya...

T.t ko dekh dekh kar Jivisha jor-jor se rone lagi. Halanki uski aankhon me aanshu to nahi the par awaz me rone wali siskiyan jaroor thi.

Kuch he der me bhir jama ho gayi..... "Kya hua bitiya, tum ro kyon rahi ho, tumhare sath wale log kahan gaye"

Bhir me se ek dayalu lady, Jivisha ko satwana deti puchhne lagi..... Jivisha apne naak aur aankh ponchhti kahne lagi..... "Mere sath koi bhi nahi. Pata nahi mere pati kahan chale gaye. Subah jab nind khuli to mere pass nahi the. Kab se unhe dhund rahu hun mil he nahi rahe. Ticket, paisa sab unhi ke pass hai... subah se bhukhi bhi hun, kuch khayi tak nahi".

T.t, wahan ke mahol ko dekh kar he nikal gaya. Usse samjh me aa gaya tha ki aage kuch kaha to public puri lapat paregi.

Train ke achhe bhale log, sab uss bechari akeli asahay ladki ko wahan se utha kar apne stah wali berth par le aaye. Pahle to khub khilaya pilaya, fir Jivisha ke pati ko 100 galiyan dete huye usse kosne lage.....

Train apni puri raftar se apne har paraw par rukti hui chal rahi thi. Jivisha ka safar achha katne laga, lekin tabhi lobby me najar gayi aur dar se Jivisha ka kaleja dhak-dhak karne laga. Mukhiya ji ke aadmi Jivisha ko dhundhte uss compartment me pahunch chuke the.

"Ab kya karun... Bhagwan kaha tha na thodi madad karo... nahi suni na aap ne"... Jivisha chupke se wahan se uthi aur ja kar bathroom me ghus gayi... idhar mukhiya ji ke aadmi usse pure compartment me dhundhte aage badh rahe the.... Tabhi Kalyan junction par train ruki aur Jivisha chhipte-chhipate bahar nikal gayi.....

Jisvisha mud-mud kar aage pichhe dekh rahi thi aur bari teji se aage badh rahi thi. Nischal uss aurat ka bag utha kar usse dene ke liye mura he tha... aur ussi waqt Jivisha mur kar train ko dekh rahi thi aur apne kadam aage badha rahi thi.....


"Dharam"....... Jivisha aur Nischal ki takkar ho gayi... Jivisha larkhara kar girne lagi. Tabhi Nischal ne uske kamar ko apne hathon me tham liya aur usse girne se bachaya....

Nischal ne aakhen munda... sara ghatnakarm usse slow motion me dikh raha tha.... uska murna... aur Jivisha ka kandha uske sine se takraya..

Uski gardan piche ki ore mure aur kadan aage tha.... uffff jhatke ke sath gardan ghumate aage muri... khubsurat se chehre par pura baal bikher gaye. Uske aage ka paun larkharaya, aur wo girne lagi...

Nischal ne apni aakhen khol diya... Jivisha ko ab bhi wo apne hathon me thame tha... aur Jivisha ka chehra pura balon se dhaka tha.... Jivisha apne chehre par aaye bikhre baal ko hatayi... "Uffff kya masoom, khubsurat si jhalak thi, aur ye dulhan ka libas iss roop me par aur char chand laga raha tha"

Nischal ke liye ye pal jaise tham sa gaya ho, aur najren bas Jivisha par he tiki rah gayi. Idhar Jivhsa khud ko balance nahi kar payi aur wo larkhara kar girne lagi. Bikhre baal sidhi karti wo jab uthne ki kosis kar rahi thi, tabhi samne Nischal ka wo khubsurat sa chehra tha....

Ek pal ke liye aisa laga ki ye chehra dil me utar raha hai. Par agle he pal jab wapas najren train ki ore gayi to pata chala ki mukhiya ji ke aadmi issi taraf aa rahe hain....

Jivisha, Nischal ke kalai ka sahara le kar sidhi khari hui. Apne aeriyon ko unchi karti thodi upar hui aur Nischal ke gale me hath dal kar hont se hont laga diya. Jisvisha apna chehra chhipane ke liye Nischal ke hont se hont laga, usse chumna shuru kar di.... Nischal ki aankhen fati ki fati rah gayi... usse samjh me he nahi aaya ki ek he pal me ye kya ho gaya....

Jivisha hont se hont lagaye rakhi, aur najren utha kar dekh bhi rahi thi ki wo log unhe cross kiye kiye ya nahi. Aankhen khuli to pata chala ki mukhiya ji ke log bhi wahan khadey ho kar free ka show enjoy kar rahe hain.....

"Fas gayi Jivisha iss filmy trick ke chakkar me. Bhagwan ab aur kitne twist haan, kuch to raham karo. Kab tak main iss anjaan ke sath kiss karti rahun".

Jivisha aakhen kholti aur fir kiss continue karne lagti. Chhota kiss to samajh me bhi aata hai, logon ka dhyan nahi jaye. Lekin ye kiss to lamba, aur lamba he hota chala ja raha tha, aur logon ki puri bhir jama ho kar bas yahi najara dekh rahi thi.... tabhi Jivisha ke kano tak aawaz pahunchi....

"Chalo re inhe romamce kar lene do, lagta hai honeymoon bhi yahin mana kar jayenge. Chalo Jivisha ko ander train me he dhundhte hain"

Train ne horn dena shuru kiya aur mukhiya ji ke log nikal liye. Train jab badh chali to Jivisha, Nischal ke hont chhorti, yakkk-yakk karti apne hont ko rumal se pochh ne lagi....

Khud ko thik kar ke najar jab samne ghumayi... Nischal bari si aakhen kiye usse tukur-tukur dekhe ja raha tha.... Jivisha ke pass bhi koi sabd nahi the ki ab iss bechare ko kya jawab de jo kiss ke baad hakka-bakka khada tha.... Dono nisabd khadey bas ek dusre ko he dekh rahe the....

Behtreen shuruwat sahab ek vishmaykari premankur prakt karti hui update.

 

[Nevil singh]

Update :-2

​

Khud ko thik kar ke najar jab samne ghumayi... Nischal bari si aakhen kiye usse tukur-tukur dekhe ja raha tha.... Jivisha ke pass bhi koi sabd nahi the ki ab iss bechare ko kya jawab de jo kiss ke baad hakka-bakka khada tha.... Dono nisabd khadey bas ek dusre ko he dekh rahe the....


Jivisha.... Aise kya dekh rahe ho, jo bhi hua usse bhul jao aur bhago yahan se.

"O' Khudaya, kuch to aisa karo ki inki baat mujhe samjh me aa jaye. Khair baat samjh me aaye ki na aaye, inka andaz pasand aaya, issi ke sath chalta hun, kafi friendly nature hai iska".

Jisvisha.... Abhi tak yahin khare ho aur aise tukur-tukur kya dekh rahe ho. Ek baar kahi to samjh me nahi aa raha kya. Ab main kyon isse samjha rahi hun. Tum maro yahin main chali.


Jivisha, Nischal ko chhor kar platform se bahar jane lagi, aur Nischal bhi uske pichhe-pichhe chal diya. Jivisha pani bottol kharidne ek stall par ruki, tabhi Nischal bhi uske pass aa kar khada ho gaya...... Jivisha ki najar jaise he uss par gayi..... "Jivisha, pagal, jhalli, ullu... kis chipku ko kiss kar di duffer, pichha he nahi chhor raha".... bari si aankhen kiye bebas bhari najron se Jivisha, Nischal ko dekhte, hath jor kar kahne lagi.....

"Unnnnnhhhh huuuunnn hunnnn.... sorry baba wo jaan bachani thi isliye kiss kiya, mera pichha chhor do please. Dekho tum mera pichha chhor do to badle me main tumhe bahut sara rupya dungi"... Itna kah kar Jivisha ne kuch 500-1000 ke note aage badha diye...


"Bechari ladki, kitni musibat me hai, lekin ye bekar si chij mujhe kyon de rahi hai... Lagta hai issi wajah se paresan hai".... Nischal ne khud me jo samiksha karna tha kiya aur Jivisha ke hath se note le kar tukra-tukra kar diya....


Jivisha gusse me usse dekhti.... "Tum ye paise far kar kya dikhana chahte ho, bahut bare raish ho... huhhh. Dekho ab tak pyar se kah rahi thi lekin ab yadi pichha nahi chhora to police se pakrwa dungi"....


Nischal ko ab kya samjh me aaya ki wo kya kah rahi thi, wo bas haan me apna sir hila diya. Haan me usne jaise he sir hilaya, Jivisha halki muskurayi .... "chalo picha chhuta"... Jivisha ko muskurata dekh Nischal bhi muskuraya..... "Lagta hai ye bechari uss kachre ke wajah se paresan thi, ab khush lag rahi hai"


Jivisha muskurati bye ka ishara karte usse chhor kar jane lagi.... Nischal bhi hath hilata uske sath-sath chalne laga.... Jivisha mukurate huye usse fir dekhi aur kahne lagi...... "Darling abhi to kahe the ki tum mera pichha nahi karoge, fir mere sath kyon chal rahe ho... tum apne raste jao main apne raste"


Ek baar fir Nischal ne haan me sir hilaya... Jivisha ko fir laga ki ab ye apne raste jayega aur main apne raste.... wo apne kadam aage badhayi... aur fir se uske sath Nischal bhi chal diya....

Jivisha sir pit'ti wahin jamin par baith gayi aur nakiyate jor se chillayi..... "Mammiiiiiiiii"..... Agle he pal Jivisha khud ko kosne lagi... "wo kaun si manhush ghari jo main bhagi aur ye chipku mil gaya, na main bhagti aur na he ye chipku milta".....

Jivisha in flash back... kuch din pahle....



Buglow ke bahar ki jhalak... Main gate par Swarn Villa likha hua... ander uski pyari mom Priya Rajput apne pati Himanshu Rajput ke sath sofe par baithi hai... uske gode me pariwar ka sab se chhota sadasya yani ki unka pota Chirag Rajpur, apni dadi ke gode me baitha tha aur uski dadi pyar se usse seb khila rahi thi.

Samne se uski bahu Nandita Rajput apne hathon me chay ka tray liye aa rahi. Pahle apne saas sasur ko serve ki fir apne pati Ravi Rajput ki ore chay badha di. Pass me he uska ladla dever Avinash Rajput bhi baitha tha, usse bhi chay deti wo sab ke sath baith gayi....

Chay ki pahli chuski ke sath Papa Himanshu bole.... "Ab tak soyi he hui hai, ye bitte bhar ka bacha jaag gaya aur wo ladki ab tak so rahi hai"

Priya.... Jane do na ji, sone do. Kal der raat tak usne padhai ki hai....

Abhi..... Isliye kahta hun mom thoda bahut khud bhi padh liya karo. Aap ki ladli beti jasusi novel padh rahi thi... koi apne course ki kitab nahi padh rahi thi.

Priya.... Kuch bhi padh to rahi thi na. Wo nahi padhegi, nahi padhegi... shadi kar ke apne sasural jayegi, teri tarah to nahi hai... pura din apne awara doston ke sath ghumta hai aur bhar din mobile me laga rahta hai....

Nadita, hasti hui kahne lagi.... "Maa ji, dever ji ke mobile par to ladkiyon ke bhi phone aate hain"

Priya.... Kya ??? Dekha ji aapne... main shuru se kahti thi ye ladka kuch na krega gawn bhej do isse, wahin apna khet dekhega. Par iss ghar me meri koi sune tab na... dekhna kisi din kisi ladki ko bhaga le aayega to fir mujhe kuch mat kahna....

Abhi apni bhabhi ko ghurte huye dekhne laga.... tabhi bhai Ravi topic ko divert karte kahne lage.... "Bas bhi karo sab, yahan Jivisha ki baat ho rahi thi, aur tum sab Abhi ke pichhe he par gaye"....

Himanshu.... Ek minute tum sab jarra shant ho jao. Mujhe kuch jaruri baat kahni hai...

Sara pariwahe dhyan se Himanshu ki ore dekhne laga...... "Mere dost hai na Punya pratap singh, uska beta abhi-abhi foreign se lauta hai. Dikhne me smart hai, videsh se padh kar lauta hai, aur kuch din baad apne company ko chalayega.... Mujhe to Jivisha ke liye iss se achha rista kahin nahi milega... kya kahte ho tum sab".....

Pura pariwar "Haan-haan" kart charcha karne lage... tabhi chhotu ustad Chirag apni dadi ki gode se utar kar, chupke se apne bua ke kamre me chala aaya...

Jivisha, makhmal ke bistar par, takiye ko apne sine se lagaye muskurati so rahi thi. Chirag ne idhar-udhar dekha aur mej par rakha pani ka jug utha kar Jivisha ke upar pani pura urrel diya....

Jivisha harbara kar uthi aur uth kar baith gayi. Dhime se ek aankh kholi aur samne Chirag.... "Chhotku, tujhe to main aaj batati hun"

Jivisha jhapat kar dauri, wo pure kamre me idhar udhar bhagta raha aur Jivisha uske pichhe-pichhe bhag rahi thi... tabhi Jivisha ne usse pakra aur pakar kar bistar par patak di... "Saitan kahin ka aise jagate hain"

Jivisha usse pakar kar gudgudi karne lagi.... "Bol fir karega aisa... bata"

Chirag.... Heee heee heee ... bua chhoro bhi... bua...

Jivisha.... Bua bol kar chidha raha ruk tujhe abhi batati hun ....

Jivisha uske naak par dant katne lagi.....

Chirag.... Di bolo to maa marti hai, bua kaho to aap gussa karti ho... bhagwan main karun to kya karun....

Jivisha.... Nalayak tum mera beta hai ki apni maa ka. Jo main bolungi wahi karna kisi ki mat saun'na....

Chirag... Thik hai di, ab mujhe chhoro warna aap he fasogi....

Jivisha.... Ohhh ! Ye emergency wake up tha kya...

Chirag apna sir hilate.... Haan di, ye emergency wake up tha.... mukhiya ji aap ki shadi tay kar rahe hain....

Jivisha.... Mukhiya ji ki itni himmat... chal tu mere sath... aaj inki family meeting ki to fis-fis...

Jivisha, bahar hall me aayi... tab tak inki family meeting chal rahi thi aur sab log khusiyan mana rahe the... kyonki un sab ki ore se ye rista pakka ho gaya tha.....

Jivisha ko aate dekh, Priya..... "Bare achhe samay par aayi hai, sun beta har ladki ko ek na ek din"...

"Ek na ek din" par abhi baat chal he rahi thi ki Jivisha apni ek hath aage dikhati..... "Bas... to yahan mukhiya ji ke dekh rekh me puri panchyat bithayi gayi hai meri shadi ke liye. Lekin ek baat aap sab bhi sun lo, aur mukhiya ji khas kar aap... main abhi shadi nahi karungi"

Himanshu... Par kyon beta, itna achha rista hai.. hum sab ko pasand hai, fir tu kyon inkaar kar rahi hai.. dekh hum sab tera bhala he chahte hain....

Abhi.... Ye na karne wali hai shadi kyonki ye to pahle se he apna bf pasand kar chuki hai... main shuru se kahta tha ki iska aur Videh ka koi chakkar chal raha tab kaun tha jo mujhe naroow minded kahta tha....

Jivisha apni bhawen sikori... muh chamkayi..... "Bhaiya main aap ka khun kar dungi. Papa dekha na kaise awara ladkon ke sath rah-rah kar inki soch bhi gandi ho gayi hai. Chhi, aisi baten... aaj ke baad iss gandi soch wale se mera rista khatam. Main tumhe ab rakhi bhi nahi bandhungi"...

Abhi... Kaun sa free me bandhti hai. Last time scooty li thi bhul gayi. Main he tha jo sab se lar kar tujhe scooty diya tha. Abhi tu mujhe he suna rahi hai. Papa aap ne jaisa socha hai waisa he hoga...

Jivisha.... Nahi, main abhi shadi nahi karungi... yadi jabardasti kiye to main aap sab par police case kar dungi....

Himanshu.... Sab chup... beta yadi Abhi jhoot kah raha hai, aur tu ne kisi ko pahle se pasand nahi kiya to baat kya hai inkaar ki....

Jivisha ke chehre par faili muskaan .... wo tahalti hui apni baat kahne lagi....

"Nahi mera koi bf nahi aur koi hoga bhi nahi... mera to prince charm aayega... Jab wo aayega to hawa me ek ajib si khusbu hogi, mahol surmayi tarange bikherenge.... uska roop itna lubhawna hoga ki dil me utar jaye. Aur jab uss ko mujhe se pyar hoga to nile asman me wo I Love You likh dega... Dekhna wo pure himmat ke sath, aap sab ki aankhon me aankhen dal kar, mujhe aap sab se magne aayega... Bas ussi ke intzar me hun, aur main ussi se shadi karungi".....

Idhar Jivisha apne sapney me khoyi apni dil ki baat pure pariwar ko bata rahi thi, aur udhar uski maa ka B.P high hota ja raha tha......

Dhamake pe dhamaka bhai lagta hai pure shahar ko pagal bana kar chhodo ge. Great family drame se slinpt ek aur nargishi update.

 

[Nevil singh]

Update:-3​

Idhar Jivisha apne sapney me khoyi apni dil ki baat pure pariwar ko bata rahi thi, aur udhar uski maa ka B.P high hota ja raha tha......


Jivisha jaise he apni baat kah kar aage mudi...... "chatakkkkk.... chatakkkkk" do thappad Jivisha ke gal par....


Pura ghar shocked.... Sab ke muh khule ke khule rah gaye..... butt ban kar jaise sab apni jagah khadey ho....


Himanshu.... Priya, bachon ko koi aise marta hai kya...


Priya.... Himmat to dekho iss ladki ki, sab ke samne kaise besharmon ki tarah kah rahi hai. Jarra bhi sharm na aayi isse. Suniye ji ye aap sab ke lad pyar ka natija hai. Ek he baat hogi yadi ye shadi na hui to main zahar kha lungi....


Himanshu.... Ye kya pagalpan hai Priya....


Jivisha action me aati.... "Bas mukhiya ji bas.... ab no argument... aap sab yahi chahte hain na ki main aap sab ki marji se shadi kar lun, to thik hai bajwaeye dhol, kar dijiye mere hath pile... meri khushi na mili to na sahi, aap sab ki khushiyon ke liye ji lungi"....


Aisa laga jaise background me abhi se he sahnaeyan baj gayi ho. Ghar wale sab khush. Jivisha sab ka chehra dekhti sochne lagi.....


"Kamal hai ye to, maine senty dialogue mare to kisi ne bhi ye na kaha, achha thik hai teri pasand se he shadi karenge. Meri baat ko ulta meri rajamandi samjh kar aise khush ho rahe jaise ladka abhi pass hota to abhi he shadi kara ke vida kar dete. Pagal, ullu, jhalli, barboli kahin ki... aur maar le dialogue"....


Ussi din ladkey aur ladki, dono ne ek dusre ko dekh kar pasand bhi kar liya. Agle din magni tay aur 10 din baad ki tarikh bhi pakki ho gayi.......



Raat ke waqt....


Chirag apni bua ke kamre me aaya aur uske gode me apna sir rakh kar so gaya.... Jivisha uske galon ke chumti puchhne lagi..... "Kya hua mere bache ko, aaj itna gumsum kyon hai"


Chirag, Jivisha ke gal par hath ferte kahne laga..... "Bahut gandi hai dadi, aap ko kitni jor se mara"


Jivisha.... Achha, tab tune kuch kaha kyon nahi, bas chup-chap dekhta raha...


Chirag.... Dadi thi na isliye chhor diya, koi aur hota to chir far deta...


Jivisha.... Basss, bahut badmas ho gaya hai. Yahi sikhaya hai kya maine tujhe...


Chirag.... Haan to, aap ko koi kuch karega to kya main chup rahunga...


Jivisha.... Maar khayega betu, kahi na bass... waise ye bata tu abhi yahan kya kar raha hai... sone nahi gaya.... fir koi presani hai kya...


Chirag..... Di aap kaise sab samjh jati ho....


Jivisha.... Tu to mera bacha hai, tujhe na samjhungi to kise samjhungi...


Chirag..... Di main mathmatics me fail ho gaya. Aaj to aap ke shadi ke baat ke karan bach gaya, lekin kal mamma mujhe mar degi... bacha lo please...


Jivisha.... Tu fail kaise ho gaya.... Fail hone wala to tu nahi tha. Kya karan hai tumhare fail hone ki.


Chirag.... Di tum bhi reason he puchogi, ya mujhe save karogi.


Jivisha, aakhen dikhate.... "Jaldi muh kholo"


Chirag.... Di, wo meri gf fail hoti to uski maa bahut marti, aur uske pass to meri tarah pyari di bhi nahi, jo usse save kar sake, isliye maine paper exchange kar diye. Bahut cute hai wo di, bilkul aap ki tarah.


Jivisha uss ki baat sun kar hasne lagi...... "Bitte bhar ka ho kar abhi se tere pass gf bhi hai"


Idhar Himanshu, subah hui ghatna par apni patni ko sunate huye kahne laga.... "Priya, Jivisha ko mari kyon".


Priya.... Aap ne nahi dekha kaise wo badh-chadh kar bol rahi thi...


Himanshu.... Bachi hai wo... apne armaan humare pass nahi kahegi to kya padosiyon ke pass kahegi. Aur kya burai hai yadi wo apne pasand ke ladkey se shadi karegi...


Priya.... Aap ko to koi bhi baat galat he nahi lagti. Chadha lo usse sir par...


Humanshu.... Had hai, shadi ka matlab beti khush rahe jiske bhi sath rahe. Humara kaam to itna dekhna hai ki ladka wo chune ya hum, bas chunaw galat nahi ho... tabhi to bachi khush rahegi. Kya maa-baap se ladka pasand karne me galti nahi hoti...


Priya.... Haan thik hai samjh gayi, mujhe hath nahi uthana chahiye tha. Lekin mujhe bura laga to hath uth gaya. Gussa kyon nahi aayega aap batao. Aap ko to pata he hai na, Jivisha ke bare me, uski kundli, uski indriyan gyan aur uski alp aayu. Aap bhawnao me bah kar pahle bhi 5 shadi cancel kar chuke ho. Par iss baar nahi Himanshu... Jivisha ki slamati ke liye hume ye shadi kisi tarah karwani he hogi, fir chahe wo mane ya na mane.


Himanshu.... Maan to gayi hai wo, fir kyon itni paresan ho rahi ho....


Priya... Haan, maan gayi hai.... Natunki kar rahi hai nautanki, Jaroor wo apne dimag me kuch khichdi paka rahi hogi...


Humanshu.... Hahaha... to chalo uske dimag ki khichdi kha kar aate hain....


Himanshu aur Priya, dono ke kadam badh chale the Jivisha ke kamre ki ore. Dono jab uske gate par pahunche, tabhi Chirag aur Jivisha ki baten bhi shuru hui thi. Dada, dadi apne pote ki baat par hase bina rah nahi paye.....


Priya, hasti hui ander aayi.... "Ohh hoo, to Bua-Bhatije me ye khichdi pak rahi hai. Kyon re main gandi hun, ruk abhi teri maa ko main teri kartut batati hun".


Chirag jhat se apne dadi ke dono paun pakar kar...... "Nai, nai, nai... dadi please maa ko mat bolna. Janti to ho kitni khukhar hai wo. Main to bas didi ko khush karne ke liye aap ko aisa bol diya. Sachi.... baki aap to meri pyari dadi ho....


Himanshu.... Ha, ha, ha.... Chal ja ab so ja.


Chirag.... Kyon mukhiya ji iss baar Di se private panchayat karne aa gaye....


Jivisha, Chirag ko aankhen dikhati.... "Badmassss.... aisa bolte hain... chal bhag"


Priya.... Beta I am sorry. Gusse me mera hath uth gaya....


Jivisha, apne maa ke gale me dono hath dal kar usse hilati hui kahne lagi.... "Koi na maa, do aur maar lo, mujhe bilkul bura nahi laga. Par.. maaaaaa... ye shadi... please mujhe nahi karni na... fir bhi jabardasti sab tay kar diye. Kya main kisi ke sath bhagi ja rahi thi jo itni jaldi sab kuch tay kar diya...


Himanshu, Apni beti ke sir par hath ferte..... "Aaj na kal, shadi to karni he thi na. Waise ab bhi kuch na hua hai, tumhe agar ab bhi lagta hai ki hum jabardasti kar rahe to main Punya ko bol kar cancel kar deta hun ye rista. Par beta jarra soch... jaise ladkey ki tu talash kar rahi thi wo gun tere hone wale pati me bhi to ho sakta hai na.... sirf iss baat ke liye shadi se inkaar kar dena ki arrange marriage hai, jayaj to nahi"....


Jivisha...... Thoda bura lag raha tha ki aap ne meri feeling nahi suni, bas sab tay kar diya, lekin ab khush hun. Aap ki baat samjh me aa gayi papa, mera prince charm mera hone wala he hai... aur yadi waisa nahi hua to belan se maar-maar ke usse apne khawon ka sahzada bana dungi....


Shadi ke din.....


Sahnaeyan bajna shuru ho gayi thi. Din ke 2 baj kar 22 min ka subh muhrrat nikla tha... Pura ghar saza tha, har koi khush tha. Papa ki aankhen na jane aaj subah se he kyon nam thi... Chhote bhaiya Avinash jo hamesa khinchatani karte rahta tha, na jane usse aaj kya ho gaya tha... bas apni bahan se pyar he jata raha tha.


Maa shadi ki sari rashmon ko pura karne me lagi thi... Bare bhaiya aur bhabhi sare guest ka swagat aur unke dekhbhal me lage the. Ek achhe host ki tarah welcome karne me lage huye the... Mandap saja... barat aayi, Dulhe-Dulhan ki pahli jhalak sab ne jaymala stage par dekhi... Sab ke muh se ek he baat nikal rahi thi... "Kya jodi hai, made for each other"


Jaymala chal rahi thi, Jivisha ko sab upar uthaye the, uska hone wala dulha Shresh usse war-mala dalne ki kosis kar raha tha. Hansi-mazak ka mahol tha, tabhi Shresh ke mobile ki ghanti baji, aur uss ne pick kar ke usse baad me call karne ko kaha.


Kisi ko iss harkat se koi fark nahi para kyonki chhanik mamla tha, Shresh ne ek line msg diya aur uss mahol me ram gaya tha. Lekin ye baat Jivisha ne notice kar li....


Jaymale ke baad wo apne kamre me akeli baithi thi, idhar shadi ke mandap par tab tak rashmen nibhayi ja rahi thi.....


"Kya karun, kisi se kahungi ki ye ladka thik nahi to sab emotional drama karne lagenge. Fir itne sare ristedar, izzat-bejjati.... Bhag Jivisha bhag, itne jhamelon se achha hai ki abhi nikal le. Sab thoda naraj he honge na, koi na apne he ghar ke log hain mana lungi"


Idhar 2 baje pandit ji ne awaz laga di.... "dulhan ko le kar aaeye, vivah ka subh muhrat nikla ja raha hai"


Teen-char ladkiyan gayi Jivisha ke kamre tak, aur sabhi daurti hui wapas aa kar chillane lagi..... "Dulhan apne kamre me nahi hai, wo bhag gayi"......

Wah bhai Jivisha ne ek call per hi decision le liya great six sense. aur chidiya toh furr ho gai bhai v de gai jate-jate ek khubsurat update 22 minute ke muhurat wale shadi ke mandap se.

 

[Nevil singh]

Update:-4​

Teen-char ladkiyan gayi Jivisha ke kamre tak, aur sabhi daurti hui wapas aa kar chillane lagi..... "Dulhan apne kamre me nahi hai, wo bhag gayi"......


Jivisha apne chhote se flashback ko yaad kar ke, niche baithi bas yahi soch rahi thi.... "Iss chipku se to jyada achha main uss chipku se he shadi kar leti, bhagwan sare twist aaj he de dena kal ke liye kuch mat chhorna"


Jivisha itna soch kar jaise he apne khyalon se bahar aayi, thik uske bagal me Nischal baitha tha...... Usse dekhte he Jivisha fir se thunakte huye jor-jor se rone lagi......


"Ab ye ladki ro kyon rahi hai, isse fir kya ho gaya. Mujhe yahan ki bhasha sikhni hogi, tabhi iss ladki se mujhe kuch fayda bhi milega..."


Nischal uske pass se utha aur ek side me chala gaya... high-tect yantr apne jeb se nikal kar uske wire apne sir ke dono side laga diya. Apne aankhen munda aur concentrate karte huye Serin.. Serin bar-barane laga..... Thodi he der me dusre ore se bhi respond hua....


Nischal..... Serin iss location ko trace karo aur yahan ki ajib si bhasha ko decode kar ke upload karo.

Serin.... Lightwave frequency to kafi dur ki lag rahi hai. Nischal tum itni dur pahunche kaise... aur yahan sab tumhe bhagode kyon kah rahe hain ?....


Nischal.... Jise jo kahna hai kahne do, mujhe kya karna hai. Tumhe jo kaha tum bas wahi karo....


Serin... Par Nischal...


Nischa.... Koi bahas nahi. Jitna kaha, utna chup-chap karo....


Jivisha ne jab rona shuru kiya, tabhi Nischal uth kar chala aaya. Usne jab aankhe kholi tab tak Nischal ja chuka tha.


"Thank god, jaan bachi... pahle he rone lagti to itna drama nahi hota. Ab jara main relax ho kar station se bahar niklun fir sochti hun aage kya karna hai"


Jivisha Kalyan junction ke bahar aayi. Raat andheri thi aur junction ke bahar ka mahol bhi kuch achha nahi, upar se ek akeli ladki jo dulhan ke vesh me upar se niche tak saji thi. Jivisha jab bahar nikli tab se he uska pichha hona shuru ho gaya.


Idhar Jivisha wahan se nikalte he sab se pahle kaam apna huliya badlne ka sochi. Wahin najdiki ek mall me ghusi aur apna huliya change kiya, aur bahar aa gayi.... "Huliya to change kar liya ab jarra pet puja ho jaye to kuch sochun aage kya karna hai"


Mast khana khayi, khate-khate usse khyal aaya..... "Mumbai me rahi to fasna pakka hai, kyon na kuch dino ke liye apne dost ke pass Indore chala jaye, aakhir uss par mere itne ehsaan bhi hai"... Fir kya tha Jivisha jaldi se khana khatam ki aur wapas Kalyan junction aa gayi.


Kismat, Kalyan junction par Indore jane wali train ka announcment bhi ho raha tha, Jivisha bhagi-bhagi train pakrne pahunch gayi. Lekin in sab ke bich usse pata bhi na chala ki usko lutne ki puri planning ban chuki hai, aur 5 gundey uske pichhe lage hain.


Idhar Saren se baat kar ke jab tak Nischal lauta, tab tak wo ja chuki thi. Afsos usse bahut hua, abhi-abhi to kisi se pahchan hui thi, wo bhi kahin gum ho gayi. Nischal bhi Kalyan junction par tab se Jivisha ko he dhund raha tha....


Jivisha, Indore jane ke liye bhagi, bhagi train pakrne ja rahi thi, uske pichhe-pichhe wo sare gundey, aur unke pichhe Nischal. Sabhi sleeper class me pahunche.


Jivisa compartment ke ander pahla kadam he dali thi ki usse wahi lady mil gayi jo pichhli train me thi. Jivisha ko dekhte he wo.... "Arre beta tum bhi Indore ja rahi ho kya, aur tumhare husband kahan hai, nahi mila kya ?"


"Bhagwan, yahan log kitne fursat me hote hain, isse to sab yaad hai"...... Jivisha ajib si jabardasti wali hansi, hasti hui kahne lagi..... "Pata nahi aunty kahan chala gaya. Koi aisa bhi karta hai kya, batao ?"


Jivisha apni kahani suna he rahi thi ki samne Nischal aa kar khada ho gaya..... "Hey bhagwan, ab to lagta hai main train se kud he jaun".


Jivisha man me apna rona ro rahi thi, Nischal thik uske samne aa kar khada ho gaya..... Nischal ko samne khada dekh wo lady uss se puchhne lagi..... "Kaun ho tum, yahan aa kar kyon khadey ho gaye. Ye humari reserve berth hai"


"Ye naye log mujh se kuch kah raha hai, sayad mere bare me puchh rahe honge... main isse isharon me batata hun ki main aur ye, hum dono ek dusre ko jante hain"..... Nischal ne apna he solution nikala aur uss lady se "Muaahhh... muahhhh" ka ishara karte batane laga ki Jivisha ne usse kiss kiya... wo usse janta hai"...


Bas fir kya tha, wo lady ko laga yahi hai Jivisha ka pati. Fir kya tha uss lady ka pura khandan toot para uss par...... "Aisa koi karta hai kya... apni biwi ko koi chhor kar jata hai kya ... ye wo, bla-bla"...


Nischal chup-chap sunta raha aur soch chuka tha, ab to kuch bhi ho jaye wo yahan se jayega nahi. Idhar Jivisha..... "Cool haan, to in logon ne ristedari bhi jor diya. Koi na main samjh gayi iss chipku se to ab Indore me he pichha chhutega. Jivisha beta go with flow, ab aur jyada yahan koi drama nahi".


Jivisha ne bhi sahmati dete huye, usse apna pati swikar kar li. Nischal ki harkaton ko bhanpte fir to Jivisha ne lambi chahuri kahani bana di...... "Mera pati bol aur sun nahi sakta. Ye mujhe bahut pyara lagta hai, isliye maine iss se shadi kar li"


Baton ka daur lamba he chalta gaya aur Jivisha bhi puri kahani par kahani banati rahi. Nischal ko to kuch samjh me aane se raha, sab ko dekh wo bas apna sir he hilata raha.


Idhar wo sare chor ussi berth ke dayen-bayen unki baton ko sun rahe the. Pati gunga, patni ke pass lakhon ka maal.... kaam to pahle se aasan tha, ab bas sone ka intzar ho raha tha.


Raat ke takriban 3 baje wo chor active huye aur Jivisha ka sara maal lootne ki kosis karne me lag gaye. Bare he chaturai se usne Jivisha ka bag urraya, aur urra kar chain pulling kar ke train se bahg gaye....


Train se jab wo niche utar kar aapas me apni saflta par khush ho rahe the tabhi samne se unhe Nischal dikha.... Nischal ko dekh kar sabhi chaunk gaye..... "Abe tu to so raha tha, yahan kya urri maar kar aaya"


Dusra aadmi.... "Tu bhi kahan gunge se baat kar raha hai. Ye sale... inka sixth sence kafi tej hota hai. Maar isse aur nikalte hain yahan se...


Sab ne marne par sahmati diya aur Nischal ki ore lapatne daure. Nischal ka dhyan to sirf uske hath me para Jivisha ke saman ke upar tha. Nischal ne kuch jyada mehnat nahi kiya. Wo log samne se aa rahe the, Nischal side se bhagta usse apne pichhe aane par majboor kiya... aur jab wo log Nischal ke pichhe bari teji se daur rahe the, tabhi wo ruk kar ek kadam pichhe hua aur jhappatta marta bag chhin kar fir se daur laga diya.


Nischal daudte huye chalti train me aaram se chadh gaya.... Jivisha aur baki sare log ab bhi so rahe the, Nischal ne bhi apni jagah pakar li. Nischal Jivisha ko dekhte huye sochne laga.... "Kuch alag he khinchaw hai iss ladki me. Aakhir mera itna jhukaw kyon ho raha hai. Jo bhi ho Saren jaldi yahan ki bhasa decode kare fir dekhte hain ye kitne kaam aa sakti hai ye".


Raat ko fir sabhi mast nind lene lage. Agle din train Indore pahunchi... Jivisha rahat ki sans leti sochne lagi.... "Ab to iss family aur iss chipku dono se chhutkara milega"


Bhid puri utarne me lagi thi, Nischal aur wo family jab utarne ke liye aage badhe, Jivisha teji dikhati hui dusre gate se utar gayi..... dusre gate se jaise he utri, uski najar apne dost Nandni par gayi....


"Aahhh bahgwan, kal se le kar aaj tak me yahi ek sahi kaam kiye ho. Thank you"... Jivisha bhag kar Nandita ke pass pahunchi aur uska hath pakar kar khinchti hui usse bahar ki taraf le jane lagi.


Pune ka koi dost, yun achanak se Indore station par, na kuch kaha, na kuch suna... sidha hath khinchte huye bahar le jane lage..... Shocking...


Nandni, Jivisha ka hanth khinch kar roki..... "Duffer, ye sab kya hai"


Jivisha..... Time nahi mere pass raste me puri baat batati hun.


Nandni.... Yaar meri puri family issi train se utar rahi hai.... main unhe receive karne aayi hun. Pata nahi tere baat par kya reaction dun. Ruk main unko receive kar ke tere sath chaliti hun...


Jivisha, uska hanth khinchti..... "Wo kya bache hain jo station par gum ho jayenge... main yahan itni musibat me hun... itna samjh ki yadi usne mujhe dekh liya to main mari jaungi...


Nandni.... Kyaaaa ????


Jivisha, fir se uska hanth khinchti.... "Tu ye shocking expression baad me bhi sakti hai, abhi tu chal na please. Ye mere zindgi aur maut ka sawal hai"


Baat ki gahrai ko samjhte, Nandni bhi uske sath teji se bahar ki ore nikli. Jivisha ko dilasha deti hui kahne lagi.... "Tu dar mat Indore me tujhe kisi baat ki chinta karne ki jaroorat nahi. Koi tere pichhe para hai ye baat tu phone par batati to ab tak uski band yahin baj jati",


Baat karte dono bahar aa gaye aur dono chal diye ghar ki taraf. Raste me jab Jivisha ne apni puri kahani usse bayan ki to Nandita apna sir pit'ti kahne lagi.....


"Jisa teri to. Kamini kahin ki, jahil gawar ullu. Tere melodrama ke chakkar me tu to fasti he hai, dusron ko bhi shock de deti hai. Waise ek baat bata tujhe jaroorat kya thi usse kiss karne ki... itne bare station par kahin bhi kona pakar leti".


Jivisha... Nandu situation he aisi thi, wo log itne pass aa gaye the ki mujhe majbooran kiss karna para. Khair tum nahi samjhegi....


Dono baat karte huye ghar pahunch gaye. Un dono ko pahunche 5 min bhi nahi huye honge ki pichhe se Nadni ka pura pariwar pahunch gaya.... Jivisha ke aankhon ke samne wahi pariwar jo train me mili thi, aur unke sath tha Nischal bhi....

Nice update mitr.