Update:-47..
Kasak aur Nandni dono ek sath, Jivisha ka aviwadan karti, sar jhuka kar hath hilati kahne lagi...... “Welcome back Jivi, kisne kaha tum maze nahi le sakti, ulta jab ye paglon ki tarah shant rahti ho to bura lagta tha. Dil se swagat”.....
“To fir ho jaye”........ “Haan ho he jaye”......
Jivisha ko purane roop me wapas dekh kar Nandni aur Kasak dono he kafi khush thi. Kunal dur se he hathon se ishara kar raha tha, jis ka jawab ab Jivisha bhi apne hath hila ke de rahi thi. Kunal ke kadam Jivisha ke karib badh gaye.
Kunal ko aate dekh, teeno ki saitna khopadi kaam karna shuru kar diya. Jivisha tabtak Kunal ke ore mudi rahi, jab tak Kunal unke karib na aa gaya, aur jab Kunal uss ke karib pahunchne wala tha, Jivisha, Kasak aur Nandni ke ore mud kar baat karne lagi.
Kunal jab bilkul karib aaya, teeno ne piche palat kar usse ek baar upar se niche dekha. Ajib si ghurti najar thi teeno ki, jise dekh kar Kunal thoda padesan ho gaya..... “Ye teeno mujhe aise kyon ghur rahi hai? Kya hua hoga? Kahin inko mere bare me?”....
Teeno ka iss prakar se ghurna, Kunal ko behad ashaj mehsus kara raha tha. Ek he waqt me man me kayi khyal ek sath aa gaye. Uske vichlit man ko aur dwidha me dalti, Kasak aapas me he kahne lagi.... “Chhi, isse dekh kar grina hoti hai mujhe, chalo chalte hain class me”.
Kunal.... Kya ho gaya, maine aisa kya ke diya..
Jivisha, Kunal ke ore mudti..... “Kya kar diya aap ne”...
Kunal... Wahi to main puch raha hun, maine aisa kya kar diya jo mujh se ghrina hone lagi.
Jivisha, apne chehre par asmanjas ke bhaw lati.... “Aisa kya kiya aap ne jo grina karne layak tha”
Kunal.... Wahi to main aap se jan’ne ki kosis kar raha hun.
Jivisha.... Kamal hai ab aap ne kuch kand kiya hai to wo main kaise bata sakti hun.
Kunal.... Haan par aap ne he to kaha abhi, “isse dekh kar ghrina hoti hai”..
Jisviha.... Tum ho kaun jo main tumhare bare me aise vyang karun. Maine aisa kuch nahi bola...
Kunal.... Aap ne nahi, aap ki saheli ne...
Nandni.... Oyeeee pagal, main kab aisa boli ? (Nandni usse aise ghur rahi thi mano kha jaye)
Kunal.... Arre aap ne nahi, aap ke pass jo khadi hain, unhone kaha...
Kasak.... Par main to iss ki bahan hun, dost nahi....
(Lagta hai teeno mil kar mujhe pagal kar dengi)...... Kunal teeno se mafi magte huye kahne laga.... “Lagta hai thodi si galatfehmi ho gayi hai, aap sab jo aapas me baat kar rahi thi, mujhe laga mere bare me kah rahi hain.”
Kasak, tamtayi bolne lagi..... “You fool, dusron ki baten, chhip kar sunte huye tumhe sharm nahi aati”....
Jivisha..... Kasak, khabardar jo mere dost ko kuch ulta kaha to, Kunal ji aap bataeye, aap ka kaise aana hua idhar....
Nandni..... Ye bhi tera aashiq hai, parpose karne aaya hoga....
Kunal to jaise teeno ke bich pis raha tha, har baat uss ke dimag se upar ja rahi thi. Lakh kosison ke bawjood bhi wo samjh nahi pa raha tha ki yahan chal kya raha hai. Wo Jivisha ke samukkh ho kar apna hath jor liya.... “Mujhe manf kar dijiye deviyon, main to bas ek dost ke nate milne aa gaya tha”
Kasak aur Nandni dono ek sath.... “Ohhh hooo, ohhh hooo, to dost hain aap, lekin ye kaise dost huye”...
Kunal.... Matlab, main samjha nahi....
Nandni.... Mahasay matlab ye hai ki, aap ki dost Jivisha ko ek ladka college me padesan kar raha hai aur aap koi sudhh(hosh) he nahi.
Kunal..... Kaun padesan kar raha hai Jivisha ko, main usse acha sabak sikhaunga, naam bas batao uska.
Kasak.... NIschal... aur tab tak hume apni shakal mat dikhana, jab tak ki tum uss NIschal ko sabak nahi sikha dete.....
Kunal.... Bade sauk se. Ab to usse sabak sikha kar he apna shakal dikhaunga.
Kunal itna kah kar chala gaya. Jivisha usse awaz laga kar rokne ki kosis karne lagi, lekin bich me Nandni aur Kasak ne usse rok liya. Jivisha dono par gissa hoti kahne lagi.... “Had hai, do logon ke bich jhagda laga kar kya mil gaya. Dono aapas me lad gaye to? Nischal ko to chot bhi lagi hai”.
Kasak.... “Ladai na ho jaye kahin”, tu iss baat se padesan hai ya Nischal ko chot lagi hai aur wo kahin pit na jaye, iss baat se padesan hai...
Nandni.... Kal bhi dono ke aakhon he aakhon me ishare ho rahe the. Baat kya hai Jivi, dil pighal to nahi raha.
Kasak:- Raat ko to Nischal ne purane wale Yamla pagala deewana par iske charo ore chakkar kat Katkar gana bhi gaya tha...
Nandini:- Kya baat kar rahi hai… Nischal aur iske pass aaya tha.. Batao usne kuch bataya hi nahi iss bare mein…
Jivisha.... Bla.. Bla.. Bla.. Tum dono ka ho gaya ho to chalen movie dekh kar aaya jaye....
Nandni aur Kasak dono ek sath.... “Neki aur puch-puch, chalo chalte hain”
Teeno class kya aatend karenge, wahan se sidha cinema hall he nikal gayi. Matinee show khatam kar ke teeno wahin se shopping ke liye bhi nikal gayi...
Subah ke 9.30 baje… Nandini ke flat..
Nischal ki jab aakhen khuli wahan koi nahi tha. Gahri nind ke baad Nischal apne aap me taja mehsus kar raha tha… Nischal kuch der wahin hall me baithkar ek baar dhyan lagaya aur fir apni aakhen kholkar apne mann me uth rahe sawalon par sochne laga..
Kuch sochkar wo ek chhota sa text Nandini ko kar diya… "kuch kaam se bahar ja raha hun, ho sakta hai raat me lautna nahi ho.. isliye chinta mat karna"..
Nischal apna sandesh Nandini ko bhejkar wahan se badi teji me nikla… apni puri raftaar ke sath wo daud lagate pune ke bahar chhipe ek thikane par pahuncha, jahan ek chhota viman (aise 2-4 chhote viman Nischal aksar apne mukhya viman me load karke chalta hai) chhipa rakha tha… Nischal apne uss viman me pichhle kayi dino se earth ki technology ka istamal karke usse aur bhi jyada kargar aur kafi tej bana chuka tha.
Nischal apne uss viman me baith kar uda aur kuch hi pal me wo Himalya ke un sudur ilake me pahunch gaya, jahan kisi bhi insan ka pahunchna sambhaw nahi tha... Himalay ke iss kshetr ke bare me Nischal ne enternet par bahut si theory ko padha tha .. jaise ki mahamanav aur sidh purush tapaswi ke bare me.
Takriban 20 baar Nischal yahan aa chuka tha jab se usne suna tha ki yahan ke tapaswee apni jagah par baithe, kewal apne dimag ki madad se kisi se bhi baat kar sakte hai.. kisi ke bhi dimag me jhank sakte hain..
Jab se Nischal ko iss baat ki jankari hui thi wo apne adhure vidhya ko pura sikhne ki lalsa me kayi baar iss jagah par aa chuka tha, kintu jitni baar bhi aaya usse nirasha hi hath lagi thi..
Ye to pahle ki baten thi, lekin Nischal aaj kuch sikhne ke irade se nahi apitu kuch vichlit karne wale sawal uske mann me the, jiska jawab usse yahan tak khich layi thi. Wo paglon ki tarah fir se kayi chakkar uss ilake ka laga liya... Har khoh, har gufa aur har pahadi wo kayi baar chhan mara, lekin aaj bhi Nischal ko nirasha hi hath lagi thi…
Mayus hokar wo apne viman ke pass barf par hi baith gaya. Usse thodi-thodi thand bhi mehsus ho rahi thi. In sab baton se bekhabar hokar Nischal bus apne vichlit karne wale sawalon ke jawab na mil pane ki stithi me kafi pareshan hokar wahin baitha raha…
Thand ke karan uske sharir ka tapman kafi niche aa gaya.. beete din ke tanaw ke karan sharir to pahle se hi kamjor tha… Nischal ko kab gahri nind aa gayi usse pata bhi nahi chala…
Uski jab aakhen khuli tab wahan kafi andhera tha aur dur kahin se aag jalne ki halki raushni usse dikhayi de rahi thi. Nischal apni raftar ke sath wahan pahuncha.. lekin jab wo wahan pahuncha, tab bhi wo aag utni hi duri par usse najar aa rahi thi..
Nichal wapas se ek baar fir tej daur lagaya aur uss jagah par pahunchne ki kosis kiya… lekin ab bhi wo raushni utni hi duri par dikh rahi thi. Thand usse ek baar fir kamjor banane laga tha… aakhen ek baar aur fir se bojhil hokar nind ki darkar kar rahi thi… lekin mann me uthte sawalon se Nischal itna vichlit tha ki usse bus uss raushni mein hi ummid ki kiran najar aa rahi thi.
Tej daur sake usme itni himmat nahi bachi thi. Bojhil aakhen usse rukne par vivash kar rahi thi, kintu Nischal ka dridh sankalp usse ek-ek kadam aage badhane ka hausla de raha tha... Jaise hi Nischal ne apna ek kadam badhaya.. samne ka najara dekhkar khud se hi kahne laga… "ajib mayajal hai ye"..
Nischal idhar ek kadam aage badhta aur wo raushni ek kadam aage badhkar uske ore chali aati… aise hi karke Nischal ne aadhi duri tay kar lee, aur aadhi duri uss raushni ne… Nischal jaise hi uss aag ke karib pahuncha... Uss aag ki garmi se wo apne ander ajib hi sukh ki anubhuti karne laga…
"Tum kuch santust aur kuch paresan dikh rahe ho"… aag ke thik piche Nischal ko divya shakl dikhne lagi … jise dekhne ke baad sar unke aadar me apne aap hi jhuk jaye aur Nischal bhi thik wahi kar raha tha…Apne sar ko jhukaye wo hath jod kar kahne laga…. "Hey gurudev, mujhe nahi lagta ki aap meri haalat se parichit na ho… kripya mujhe marg dikhaeye"..
Guruji muskurate huye uske samip pahunche aur Nischal ke kandhe par hath dalkar kahne lage… "Aaram se baith jao Nischal… aur mujhe vistar se apni samsya batao"..
Nischal wahin niche baithkar guruji ko dekhte huye kahne laga…. "Gurudev jab main Sapna ke mastisk me tha, tab mujhe Jivisha ka chehra dikha tha... Kya yah sambhaw hai"..
Guruji… Nischal aisa koi sawal nahi jiska jawab hum khud se nahi dhundh sakte... Aur jin sawalon ke jawab hume nahi milte wahan jaroor humse hi koi chuk ho jati hai.
Nischal:- lekin Gurudev yah kaise sambhaw hai ki ek yaad me kisi aur ki taveer dikh jaye… kya uss waqt Jivisha bhi Sapna ke dimag me thi… ya fir mera dimag uski tasveer bana raha tha…
Guruji…. Khud me yadi vishwas ho to kuch bhi hasil kiya ja sakta hai…. Agar khud se joojhte rahoge to kuch bhi hasil nahi kar paoge.. tumhare sawal kewal sawal bankar rah jayenge… ..
Nischal:- guruji fir main kya karun..
Guruji… Mehsus karo apne mann ke tarango ki urja ko… usse bah jane do kisi jal ki tarah jo marg me avruddh (badha) aane ke baad, apna rasta swayam dhundh leta hai… chalne do man ki tarango ko, aise jaise koi nanha bacha abhi-abhi apne paun par khada hua hai aur bus usse chalna hai… udne do apne tarangon ko khule nile aasmano me jiski koi seema nahi…
Nischal:- Gurudev kya isse mujhe mere sawalon ka jawab mil jayega…
Guruji:- jahan se sawal ka udgam (start) hua hai, wahin se anth bhi hona hai... Bus ek baat dhyan me honi chahiye har chij ka waqt sunischit hota hai, isliye waqt se pahle kuch nahi ho sakta… aur anth me ek kimat chukani hogi… kimat uss chij ki jo iss sansar me tumhe ati priya hogi…
Nischal guruji ko bahut hi dhyan se sun raha tha… guruji ne jaise hi apni baat samapt ki, Nischal un baton par vichar karte huye puchne laga… "Gurudev…. "anth me kimat chukani hogi".. iss baat ka kya matlab hai… Gurudev… Gurudev… Gurudev"…
Nischal apna sawal puchkar jaise hi guruji ke ore najar dala, wahan na to guruji the aur na hi koi aaga, bus charo ore ghanghor andhera… Nischal paglon ki tarah unhe dhundhne laga charo ore... Lekin guruji wahan nahi the…
Nichal guruji ki baton ka ek baar aur smaran (yaad) karne laga aur wahin niche baithkar muskurate huye gahri shwans liya… Nischal ne jab apni aakhen kholi wahan charo ore ujala hi ujala tha… Nischal apne dono hath jod kar guruji ko naman kiya aur muskurate huye kisi bache ki bhanti khush hone laga…
Bus kuch pal khuli hawa me gahri sans lene ke baad Nischal ne dhyan lagaya aur achanak hi aisa laga jaise wahan ke vatavaran me faile kayi lakh chamakti tarange, ek jagah simat kar uske dimag me ghus rahi hai. Issi ke sath viman ke pass achet awastha me pare uske sharir me thodi hulchal hui aur Nischal apni aakhen kholte uthkar baith gaya….
nahi toh pyaar mein loyalty ko insects adultery mix kar denge ye janab
aajkal ladkiyan hi na mil rahi mujhe 
