- 5,758
- 13,139
- 189
UPDATE 30
Kitni baar mana kiya hai tujhe mere saamne cigarette mat piya kar.
Gusse mein Sumit ne kaha.
Ashish cigarette bujhaane hi wala tha ki Sumit ne fir se kaha.
Sumit:- Laa aaj try kar ke dekh hi leta hun.
Hairaani ke saath Ashish ne cigarette Sumit ko diya.
Sumit:- Abe tera jutha peene wala dikhta hun...Dusra de.
Sumit ki har baat se uska gussa jhalak raha tha...Ashish bhi bas usse sirf notice hi kar raha tha.
Ashish pocket se dusra cigarette nikaal kar deta hai.
Sumit kuch der cigarette ko aise hi pakde hua tha...Saath mein dimaag mein bahut saari baatein chal raha tha.
Fir naa jaane usse kya hua ki usne cigarette ko tod kar fenk diya.
Ashish:- Abe mehenga wala tha wo.
Fir Sumit ko serious dekh wo bhi chup ho jaata hai.
Ashish:- Kuch bolega bhi yaa aise hi sada hua chehra dikhayega.
Jab Ashish se raha nahi gaya to ussi ne baat ki suruwaat kiya.
Sumit ne koi jawaab nahi diya.
Ashish:- Tujhe itna confused kabhi nahi dekha hai maine...Kabhi cigarette maangta hai kabhi fenk deta hai...Sahi se decision nahi le paa raha hai.
Sumit:- Aur frustrated bhi.
Itna keh kar Sumit ne niche ek patthar ko kick kiya.
Sumit:- Kirti ne mujhe propose kiya.
Ashish:- Jab se playboy banne ka decision liya hai tune tu to ekdum maalamal ho gaya...Pehle Shrutiaur Preeti...Aur abb Kirti...Sahi jaa raha hai.
Ashish ne hanste hue kaha...Lekin uska ye hansi Sumit ka ghurta hua najar dekh ruk gaya.
Sumit:- Kirti par mera koi galat najar nahi hai.
Ashish:- To usse pyar karta hai?
Sumit:- Nahi...Pyar bhi nahi.
Ashish:- To fir?
Ashish ne sir khujaate hue kaha.
Fir Sumit Ashish ko uska aur Kirti ka puri kahani sunaata hai.
Sab kuch bataane ke baad dono ek dusre ko dekhte hai...Dono ke chehre mein confusion saaf jhalak raha tha...Sumit ka apna confusion tha aur Ashish Sumit ka confusion kya ho sakta hai ye soch kar confused tha.
Sumit:- Bahut kam baar hi aisa hua hai ki maine jo faisla liya hai uske baare mein dobaara se sochna pada ho.
Abhi bhi soch raha hun Kirti ko naa keh kar sahi kiya ya galat.
Ashish:- Shayad tu bhi Kirti se pyar karne laga hai.
Sumit:- Pata nahi.
Ashish:- Pata nahi ka kya matlab? Yaa to pyar ho jaata hai yaa fir nahi...Bich ka jawaab ka kya matlab?
Sumit:- Wo mujhe bhi acchi lagti hai...Usse baatein karna, time spend karna...Jab bhi wo paas mein nahi hoti hai to usse fir se milne ki iccha, uske baare mein sochte rehna bahut accha lagta hai.
Jab wo mere paas hoti hai tab apna saara pareshaani bhul jaata hun...Bahut kam logo me se hai wo jiske saath mai dil ki har baatein bata sakta hun.
Uski baatein, adaayein, chulbula pan aur hansi majaak sab kuch accha lagta hai.
Na jaane itne jaldi kaise itna karib aa gaye hum dono.
Sumit apni baatein kehte vakt kahi kho saa gaya tha.
Ashish:- Are bewkuff...Ye hi to pyar hai.
Sumit:- Lekin aisa mujhe do baar pehle bhi mehsus ho chuka hai...Aur dono hi baar isse pyar samajh baitha tha.
Ashish:- To kya wo pyar nahi tha? Tu hi kehta tha ki tune saccha pyar kiya tha jisme tujhe dhokha mila.
Sumit:- Kehta tha...Lekin abb nahi.
Ye kaisa pyar jo breakup ke ek hafta baad yaad hi naa rahe...Haan maine jab pyar kiya tha to mera dil saccha tha...Lekin breakup ka dard...Ek hafte se jyada nahi tika...Pehli gayi, dusri aayi...Dusri gayi aur fir Kirti.
Issi vajah se soch mein pad gaya hun ki ye pyar hai yaa sirf attraction.
Sumit ka confusion aur bhi badhta jaa raha tha.
Sumit:- Aaj mai sahi faisla nahi kar paa raha hun...Tu hi kuch bata...Kya karu?
Ashish:- Abhi tak serious nahi tha...Abb mujhe jo bhi lagta hai wo bata deta hun...Baaki tera marji.
Jaisa ki tu mujhe jaanta hai ki mai lover kam playboy jyada hun...Vajah jaanta hai?
Angur khatta hota hai...Jise saccha pyar mila hi nahi ho, dekha bhi nahi ho...Usse kyu kisi se pyar hoga...Jaha dekho dhokha aur swaarth...Socha mai bhi swarthi ban jaau...Jaisa chal raha hai waisa hi chalne du.
Abb aata hu tujh par....Jab pehle bhi tujhe do baar pyar hua tha...Maine dono hi baar tujhe kaha tha ye pyar nahi hai...Aasani se pata chal jaata hai ye pyar hai yaa fir attraction aur swarth se bhara relationship...Lekin tu pyar ka andha...Naa kuch dekh paa raha tha aur naa hi samajh.
Rahi baat Kirti ka to usse mai jaanta bhi nahi...Teri baato se ye nahi keh sakta hun ki wo tujhe sach mein pyar karti hai yaa fir attraction...Haan lekin wo tujhe dhokha nahi degi...Itna vishwash hai mujhe.
Sumit:- Agar saccha pyar ho bhi jaaye to aise haalat mein nahi hun ki dobaara picche mud kar dekhu...Pehle bhi thokar khaa chuka hun...Aage bhi khaane ka dar hai...Aur agar pyar dono taraf se bhi saccha ho fir bhi manjil naa mile to?
Ashish:- Tu kabse itna darne lag gaya?
Sumit:- Dar se jyada thak gaya hun...Ladte ladte...Pehle pyar ko pehchaano...Fir nibhaao...Aur aage badhte raho.
Ashish:- To kya socha hai tune abb?
Sumit:- Abhi to kuch nahi.
Ashish:- Vakt de khud ko...Pyar mein vakt ki jarurat hota hai...Pyar ko samajhne ke liye...Vakt de...Vakt hi tujhe sahi jawaab dega.
Sumit bas sir ko haa mein hilaata hai.
Kuch der waha baithe rehne ke baad dono apne ghar chale jaate hai.
Raat mein khaana khaane ke baad padhaai ke bahaana se Kirti Sumit ko rok leti hai.
Sumit:- Haan bataao...Kya padhna hai?
Kirti:- I Love You.
Kirti ne muskuraate hue kaha...Aur Sumit hairaani se Kirti ko deljta reh gaya.
Kirti:- Aapne to mujhe padhaa diya...Abb meri baari...Abb mai padhungib aur aap padhenge...Pyar...Kaise karte hai aur kaise nibhaate hai?
Kirti bindaas bol rahi thi jaise usse dopahar ki ghatna ka koi fark hi nahi pada.
Sumit:- Maine dopahar ko mana kar diya tha naa?
Kirti:- Aapne mana kiya tha...Lekin maine haar nahi maana hai.
Aap hi kehte the na ki koi bhi exam ho high confidence ke saath dena padta hai.
Ye bhi to exam hai...Mere life ki...Isme kaise toot sakti hun ek asafalta (failure) par...Abhi bhi confidence ke saath kehti hun ki aap mere hai...Sirf mere.
Aap ki bhi koi khwahish hogi...Aapki gf aisi ho waisi ho...Tooti hui aur rone wali to bilkul bhi nahi hogi...Issi liye khud ko sambhaal liya aur lag gayi mission mein aap ko pataane ke liye.
Sumit jaanta tha ki Kirti dil aur dimaag se strong hai...Lekin itna ye usne socha nahi tha...Aaj ek alag hi Kirti usse dekhne ko mila.
Kirti:- Abhi aap jaaiye...Aaram kijiye.Abhi aap confused lag rahe hai...Kal shaant aur khaali dimaag ke saath aaiye pyar ka pehla chapter padhne.
Sumit Kirti ko dekhta hi reh gaya...Tabhi Kirti ki aawaj fir se aata hai.
Kirti:- Jaaiye.
Iss baar Sumit Kirti ko manaa nahi kar paaya...Jaate vakt wo yahi soch raha tha.
Sumit:- (In his mind) Ajeeb hai ye ladki.
