- 5,758
- 13,139
- 189
UPDATE 26
Bhaiya thoda tikhaa banaana.
Excited ho kar Kirti boli.
Ye sunte hi Sumit ka haalat kharaab ho gaya...Hadbadaate hue Sumit bola.
Sumit:- Nahi bhaiya...Jyada tikhaa nahi.
Sumit ki baat sun kar Pani Puri wale bhaiya bhi confuse ho gaye.
"Pehle aap dono aapas mein faisla kijiye aur fir bataiye kitna tikhaa banaana hai."
Kirti:- Kyu aap tikhaa nahi khaate?
Sumit:- Khaata to hun...Lekin kaha ladkiyon se barabari kar sakta hun tikha khaane mein...Jeevh jal jayenge, aankhon se aansu bahenge aur kaano se dhuaa niklenge...Nahi mai tikhaa nahi khaaunga.
Itna keh kar Sumit piche hat gaya.
Kirti:- Kisne keh diya ladkiyan teekhi khaati hai?
Sumit:- Bhulo mat mera bhi ek behan hai...Aur uske jidd mein kabhi kabhi khaana padta hai.
(Badbadaate hue) Aur saath mein 2 ex bhi.
Kirti:- Nahi nahi...Aaj to aap ko khaana hi padega.
Kirti bhi jidd mein add gayi.
Sumit kuch bol bhi nahi paa raha tha...Bebasi mein usne Pani Puri wale ko dekha.
"Mai kuch madad nahi kar sakta...Waise bhi ladkiyon se kaun jeet sakta hai? Chup chaap maan lo...Issi mein sabki bhalayi hai."
Unki iss baat par Kirti hansti hai aur kehti hai.
Kirti:- Aap bhi apne girlfriend ki sabhi baatein maante honge?
Pani Puri wala:- Pure 25 ka ho chuka hun...Aur iss umar mein girlfriend kaha sidhe shadi ho jaata hai...Aur biwi...Wo to girlfriend se bhi khatarnaak hoti hai...Har baat manwa leti hai.
Accha abb aap bataiye...Kitna tikha banaana hai? Mai bana deta hun.
Fir Kirti unhe bataane lagti hai...Aur jab Sumit ne saamne ka najara dhyan se dekha to ek baar fir se hadbada kar bola.
Sumit:- Ye kya kar rahe ho? Ek hi plate mein?
Kirti:- Kyu? Kya problem hai?
Sumit:- Mai jhutha nahi khaata.
Iss baat par Kirti aur Pani Puri wala dono Sumit ko ghurte hai.
Kirti:- Kyu?
Sumit:- Kyu ka kya matlab? Bahut ackward feel hota hai. :yuke: Tum bataao jhutha khaane ka koi ek faaidaa.
Kirti:- Jhutha khaane se...Hmm...Hmmm...Haan...Pyar badhta hai.
Sumit:- (In his mind) Pyar...Huh...Pyar hone ke liye dil saaf hona padta hai...Naa ki dimaag mein gandgi.
Sumit ne apne ex ke baare mein sochte hue kaha.
Fir achanak hi Kirti ke baat ko dhyan se socha.
Sumit:- Kya pyar? Kiska pyar? Kiske liye?
Sumit confused ho kar bola...Sumit ka jawaab sunte hi Kirti ko ehsas hua ki usne kya example diya hai.
Kirti:- Mera matlab...Wo nahi tha...Wo wala pyar nahi...Aap samajh rahe hai naa...Kya kehte hai usko...Hmm...Hmm...Haan...Ishq, mohobbat wala pyar nahi...Just love...Aap samajh rahe hai naa.
Kirti naa jaane kitni baar ladkhadaai apne baat kehne ke dauran...Ye dekh Sumit bhi apna hansi rok nahi paaya.
Sumit:- (Hanste hue) Haan samajh gaya.
Pehli baar Sumit ne Kirti ko notice kiya...Ek dum khush mizaaz aur chanchal type...Aur saath mein thoda confused bhi.
Pani Puri wala:- Ye pyar wyar ki baatein chhodo...Aise hi baat karte rahe tum dono to raat ho jaayega tum dono ko khilaate khilaate?
Fir dono pani puri khaate hai aur apne ghar ke liye waapas chale aate hain.
Sumit:- Aao.
Sumit ne apne room mein jaate hi kaha.
Sumit:- Itna dar kyu rahi ho? Ye mera adda hai koi sher ka dera nahi jo tum itna dar rahi ho?
Kirti:- Nahi...Aisi baat nahi hai.
Fir jaise hi Kirti Sumit ki room mein jaati hai...Room ka haalat dekh hairaan reh jaati hai...Room nahi bilkul godaam tha.
Har cheej idhar udhar...Book table se le kar niche jameen mein idhar se udhar tak faiala tha...Kapde chair mein fenke hue thhe...Table book aur copy se bhara pada tha.
Room ka ek kona dust bin ka kaam kar raha tha...Biscuits aur Chocalate ka plastic se bhara hua.
Kirti:- Ye sab kya hai?
Sumit:- Wo...Baat ye hai ki fursat hi nahi milta ye sab sahi karne mein.
Kirti fir chaaro taraf dekhti hai...Aur deewar ko dekh bilkul hi hairaan reh jaati hai...Sabhi deewar dhaka hua tha...Chart paper se...Aur un mein study related kuch likha hua tha.
Kirti:- Aap to padhte hi nahi? To fir ye deewar?
Sumit:- Kisne keh diya ki padhta hi nahi hun...Haan kam padhta hun aur jab man kare tab...Aur deewar mein bhi sirf wohi cheej hai...Jisse padhne mein accha lagta hai...Kuch study related aur kuch general knowledge.
Fir Sumit ko wo dikh jaata hai jiske liye wo yaha tha.
2 books utha kar Kirti ko deta hai....Haan ye lo...Entrance ke liye bahut helpful hoga ye book.
Kirti:- Kabhi kabhi sochne lagti hun ki aap ki tarah hi padhu...Naa medical aur naa kuch...Bas aise hi vakt ke saath...
Sumit:- Mera baat aur hai...Abhi tak apna passion mila nahi hai...Lekin tum...Tum doctor banna chaahti ho naa...Aur kaafi dedicated bhi ho.
Bahut accha kismat hai jo tumhare saamne tumhara passion hai...Abb aisi faaltu baat soch kar apna vakt aur passion barbaad mat karo.
Sumit ne muskura kar kaha...Kirti bhi haa mein sir hilaati hai...Dono abb niche hall mein jaane hi wale thhe ki Kirti ko kuch dikhta hai.
Wo waapas Sumit ki room mein jaati hai...Ek deewar par Sumit ka photo tha...Kuch der uss photo ko hi dekhti rehti hai.
Sumit:- Abb kya hua?
Kirti:- Bahut accha dikhte thhe aap.
Abhi bhi Sumit ki photo par hi dhyan tha Kirti ka...Sach mein lambe baalo mein Sumit ki baat hi kuch aur tha.
Sumit:- Thank you...Lekin abb.
Kirti:- Abb wo baat nahi rahi.
Sumit ki taraf dekhte hue Kirti boli.
Kirti:- Baat lambi baalo ki nahi hai...Photo mein muskuraata hua aapki photo ki baat hi kuch aur hai...Kitna maasum dikhte hai aap aur lagta hai kitna khush hai...This photo is a great to see.
Sumit:- Lekin abb?
Kirti:- Aisa lag raha hai abb aap khud ko hi khote jaa rahe hai...Muskaan bhi bilkul fake hai...Khush dikhne ki dikhawa karte hai...Aapka chaal aur haaw bhaaw bataata hai ki kuch haasil kar lene ki koshish mein lage hue hai.
Ye sunte hi Sumit ko jaise ek jhatka laga...Kirti ki ek ek baat sahi tha...Kya wo playboy banne ki safar mein kahi khud ko hi nahi bhul raha? Kya badlaaw itna aa gayaa hai ki saamne wale ko bhi pata chal raha hai?
Sumit sochne par majbur ho gaya.
Kirti:- Aur mai majaak nahi kar rahi hun.
Sumit ne Kirti ko dekha koi jawaab nahi diya.
Kirti:- Abb agar ijaajat ho to kuch hansi majaak kar lu?
Sumit:- Haan.
Kirti:- Aap photo ke comparison mein thoda kaala hai aap?
Sumit:- Haan to.
Kirti:- Aapne ek kahawat to suna hi hoga, "Buri najar wale tera munh kaala."
Ussi chanchalta ke saath Kirti boli aur waha se bhaag gayi.
Ye sun Sumit ke hontho mein bhi muskaan aa gaya...Lekin agle hi pal.
Sumit:- Kya kya kya? Kya matlab? Mera najar Shruti par hai wo buri najar hai? Nahi wo bhi to yahi chaahti hai.
Fir Sumit Kirti ki baaton ko hi sochta raha...Jab kuch bhi samajh mein nahi aaya to.
Sumit:- (In his mind) Mai sab ka boli band kara deta hun par ye...Isne to mera hi boli band kar diya.
Ye sochte hi Sumit ke hontho mein muskaan fail gaya air wo bhi niche hall ki taraf jaane laga.
for 100 pages......
