SAAJAN
UPDATE-184
Raj—ladies and gentlemen...sorry...for some delay....kintu ab koi delay na karte huye aaj ke iss karya kram ko aage badhate huye main ek phir se aap sabhi ka hriday se swagat, vandan aur abhinandan karta hu.....jaisa ki maine bataya ki aaj iss ghar ki ladli Paridhi Thakur ka janamdin hai ...so, keep welcome with big hands...Miss Paridhi Thakur
Mere iss udbodhan se sabhi ghar wale chounk gaye....unhone shayad lagne laga ki main paridhi ki yaad me pagal ho gaya hu athwa mera mansik santulan kuch bigad gaya hai jo ek mar chuki ladki ke vaha aane ki ghosna kar raha hu.
Agle hi pal sabhi lights off ho gayi aur focus sidha main gate par hone laga……tabhi ek gadi enter huyi…car ka gate khula aur phir usme se behad sundar kapdo me saji dhaji…kisi dulhan ka shringar kiye huye usme se Paridhi bahar nikli.
Ab Aage.......
Aaj ki party me upasthit sabhi logo ki nigahe bas car par hi ja tiki thi jaha lights bhi focus ho rahi thi....Jaise hi car ka gate khula to sabhi ki dhadkane tez ho gayi, vishesh kar ke ghar walo ki....sabhi ki nazare bina palak jhapkaye car se bahar nikalne wale shakhs ka intazar karne lagi.
Kuch kshan tak jab car se koi bahar nikal kar nahi aaya to sab ki heart beat aur bhi tez gati se chalne lagi... aur phir paanch minute baad uss car se behad khubsoorat kapdo me dulhan ka shringar kiye huye ek ladki ne apne kadam bahar nikale.
Sabhi ki dhadkane aur bhi tez hoti gayi....aur jaise hi vo ladki car se bahar nikal kar apna chehra sab ke samne ghumaya vaise hi sabhi ki ankhe chaka choundh ho kar ashcharya chakit rah gayi....sabhi ki juban se bas ek hi shabd bahar nikal paya....
Sab (shocked)—Paridhiiiiiiiiiiiiiii... ‼ ‼
Ghar walo ki to avastha ye ho gayi jaise kaato to khoon nahi......unhe apni ankho par vishwash karna dushkar ho gaya... vo sab khud ko apne nakhuno se chimti kaatne lagi ki kahi ye koi swapn to nahi dikh raha hai...lekin jab unhe chimti kaatne ke baad dard mahsoos hua, to ye to samajh aa gaya ki ye koi sapna nahi hai kintu phir bhi kisi ko iss samay ankho ke samne jo dikh raha tha uss par yakin karna behad mushkil tha.
Mamta (shocked)—Ye kaise ho sakta hai.... ? Paridhi to mar chuki hai to ye yaha kaise….?
Roopaly (shocked)—didi…ye kya hai…? Kya aap bhi vahi dekh rahi hain jo main anhoni hote huye dekh rahi hu…?
Mamta—haan…bhabhi…mujhe bhi kuch samajh me nahi aa raha hai.
Chacha—par ye kaise mumkin ho sakta hai….? Paridhi ki dead body ko maine apne inhi hatho se chita par litaya tha aur agni di thi uski chita ko.
Kajal—ye kaisi maya hai... ?
Meera—aaj apni ankho se anhoni ko honi hote huye dekh rahi hu.
Ruchi—maa…paridhi to jinda hai…phir aap sab ne ye kyo kaha ki vo mar chuki hai…..? mera betu genius hai…dekh liya na akhir usne paridhi ko yaha bula hi liya.
Diksha—meri didi dekho jinda hai…sab ne jhooth bola hai.
Mitaly—nahi beti, kisi ne bhi jhooth nahi bola hai ….kintu bhagwan kare ki vo jhooth hi ho jaye…..Raj sach much me hi koi avtari purush hai didi…jisne mari huyi paridhi ko phir se jinda kar diya.
Mamta—haan, choti..kash teri baat sahi ho jaye.
Vidhya—It’s unbelieveable.
Kanta—kahi ye paridhi ka bhoot to nahi…?
Veer—Paridhi didi…‼ Ye jinda kaise ho sakti hain….? Iska matlab raj ki shanka sahi thi…usne akhir paridhi didi ko dhoond hi liya….lekin mujhe kyo nahi bataya kuch bhi….?
Mamta—ye neha kaha hai…? Sabse pahle usko bulao jaldi…?
Madhu—neha didi vo rahi…ek kone me khadi ro rahi hain shayad.
Mamta—akhir maa jo hai vo…..uski halat mujhse behtar koun samjhega iss samay yaha.
Neha chachi ek kone me khadi ro rahi thi….pata nahi ye khushi ke anshu hain ya kisi dukh ke….? Sabh unke paas pahuch kar samjhane lage.
Paridhi iss samay dulhan ke libas me behad sundar lag rahi thi….usne dhire dhire aage badhna chalu kiya hi tha ki main uske paas pahuch gaya aur apna sir jhuka liya.
Raj—“Wo waqt wo Lamhe ajib honge,
Duniya me hum khush nasib honge,
Door se jab itna yaad karte hain apko,
Kya haal hoga jab aap hamare karib honge”
Maine kisi ki parwah kiye bina hi paridhi ko apni god me utha liya aur usko lekar stage par aa gaya….charo taraf taliyo ki gadgadahat se vatavaran goonj gaya.
Sabhi ghar wale abhi bhi acharaj se muh phade khade sab dekh rahe the….unki juban ko lakwa maar gaya tha..aisi halat ho gayi thi sab ki…sab kya ho raha hai….? Aur kaise ho raha hai…? Ye sab samajh sakne ki kshamta nahi rah gayi thi unke dil me.
Raj—kind attention to all ladies and gentlemen….keep a big hands for birthday girl Paridhi Thakur……ab main unse anurodh karunga ki vo cake kaat kar aaj ki party ka shubh aagaz kare.
Ek bar phir se sabhi ne taliyo se paridhi ka swagat kiya…..vo dhire dhire chalti huyi mere paas aa gayi…mathe par bindi, gale me mangal sutra, aur maang me sindoor, hatho me menhdi sajaye huye vo atyant hasin lag rahi thi….kintu abhi tak kisi ka dhyan iss taraf nahi gaya tha vo to unhe jinda dekh kar hi chakit the aur ussi uljhan me ulajh kar rah gaye the.
Maine sabhi ghar walo ko bhi stage par bula liya…vo sabhi stage par dono kinare par khade ho gaye…ek taraf ladies to dusri oor girls..lekin koi kuch bola nahi bas girls ko chhod kar.
Maine unke hath me chaku pakda diya cake kaatne ke liye….unhone mera hath pakad kar apne hath me thaam liya aur phir dono ne mil kar cake kaata.
Cake ke katate hi sabhi lights on ho gayi aur aas maan me helicopter se unke upar phoolo ki barish hone lagi… charo taraf ka vatavaran jordar taliyo ki dhwani se gunjayman ho utha.
Paridhi ne cake ka ek tukda sabse pahle mujhe khilaya lekin aadha….baki bacha hua aadha tukda usne khud hi kha liya sab ke samne…
Maine bhi usko cake khilakar birthday wish kiya…aur sath me apni jeb se ek diamond neckless nikal kar unke gale me pahna diya….jisse unka mangal sutra ab kisi ki nazar me nahi ayega philhal abhi to….diamond ki chamak hi itni tez thi ki kisi ki nazar unke gale par tik hi nahi rahi thi.
Raj—janamdin bahut bahut mubarak ho aap ko…..meri taraf se ye chota sa uphar.
Paridhi—uuuhhhh….khud hi pahna do apne hatho se…
Neckless pahnate hi vo mere gale lag gayi….tabhi mujhe apne kandhe par kuch geelapan mahsoos hua to maine dhire se kaan me kaha.
Raj (kaan me)—ye kyaaa…ro kyo rahi ho…..?
Paridhi (dhire se)—ye khushi ke anshu hain…..aaj meri jindagi ka sabse bada khushi ka din hai….jis pyar ko pane ke liye main hamesha tadapti rahi….aaj usse kahi jyada pyar dekh kar khud ko rok nahi saki….ab apni mout ka bhi mujhe koi gum nahi.
Raj (kaan me)—maine kitni bar kaha hai ki aisi ashubh bate mat kiya karo…..jab tak main hu, kuch nahi hoga…chalo anshu ponch lo aur mushkurao…dekho sab intazar kar rahe hain…unhe bhi cake khilao aur unka ashirwad lo.
Maine anshu pochne ke liye jaise hi hath aage badhaya to mere hatho me khoon lag gaya….maine turant dekha to unke muh se khoon nikal raha tha..maine saloni ki taraf prashnavachak drishti se dekha.
Saloni (dhire se)—uske paas ab samay bilkul bhi nahi hai raj…..iss raat ki shayad subah na ho.
Raj (dhire se)—aap aur payal didi thodi der inka dhyan rakho…main abhi aaya…..mere rahte kuch bhi nahi hoga…warna poori duniya me aaj ki iss raat ko sab ki akhiri raat bana dunga.
Maine unke muh se khoon saf kar ke thodi der me aane ko kah kar stage se utar kar apne room me chala gaya…. Mere jate hi payal didi ne unhe gift dekar wish kiya.
Payal didi ke baad paridhi ne gurudev ke pair chhuye lekin unhone sirf uske sir par hath phera kaha kuch nahi, paridhi bhi unka abhipray samajh gayi.
Iske baad paridhi ne bari bari sabhi ghar ke sadasyo ko cake khilaya….isme payal didi ne madad ki unki….sabhi ghar wale hairan the.
Paridhi—badi maa….aap wish nahi karegi mujhe….?
Mamta (jor se gale lagate huye)—paridhiii....tu kaha chali gayi thi meri bachchi.....hum sab to toot hi gaye the...tere bina raj ka bahut bura haal tha, vo to jaise bawla hi ho gaya tha.
Maa paridhi ke muh se badi maa ka sambodhan sun kar khud ko rok nahi payi aur unhe jor se gale laga kar ro padi yahi haal baki sab ka bhi ho raha tha…sabhi ki ankhe iss samay nam ho chuki thi…magar inn sab ke beech me koi aisa bhi tha jo paridhi ko mamta ke gale lage huye dekh kar andar hi andar bahut tadap rahi thi…uska dil bhi mamta ke gale se lipat kar khoob rone ko kar raha tha.
Ye koi aur nahi balki chanchal thi...jo mamta ke gale se lagna chahti thi....jee bhar ke rona chahti thi....uska dil bahut tadap raha tha ki kash usko bhi iss pariwar ka koi aise hi apne gale se laga le.
Chanchal (mann me)—maa…ek baar mujhe bhi apne gale se laga lo…..main bhi apki beti hu….poori jindagi kisi ne bhi mujhe pyar nahi diya….hamesha har kisi se nafrat hi payi hai maine….bas ek bar apne gale se laga lo maa mujhe bhi, phir chahe to mujhe mere gunaho ke liye phansi par chadha dena….main ufff tak nahi karungi….ek baar maa…bas ek baar…mujhe beti kah kar apne seene se laga lo.
Paridhi—main vaishno devi chali gayi thi…..badi maa.
Divya—happy birthday didi...
Paridhi (gale mil kar)—aaja meri gudiya....main teri gunahgar hu mahak
Divya (dhire se)—mujhe sab pata hai....aap chinta mat karo jo bhi hota hai sab achche ke liye hi hota hai.
Paridhi—tu sach me mahan hai gudiya.
Divya—mahan main nahi didi..mahan to mera saajan hai.
Ruchi—janamdin mubarak ho paridhi.
Paridhi—thanks didi
Aise hi sab ke gale milte huye vo sab ko cake khilane lagi…..par jaise hi chanchal ki bari aayi to usko dekhte hi paridhi ka hriday nafrat,ghrina aur gusse se tamtama gaya….lekin kouke ki najakat ko samajhte huye vo chanchal ki taraf se kadwa muh bana kar neha ki oor badh gayi.
Paridhi—badi maa…aap ne criminals ko bhi bulaya hai iss party me…..
Payal—kuch log bade hi besharam hote hain paridhi…
Diksha (gusse se)—bhaiya ne bulaya hai iss dayan ko…
Payal—agar raj ne mujhe roka nahi hota to ab tak iss kutiya ki yaha laash padi hoti.
Apne liye sabke dil me itni nafrat aur paridhi ka iss tarah se bina cake khilaye aage badhte dekh kar chanchal ki ankhe chhalak aayi….seene me dard ki ek tez lahar uthne lagi....jab dard had se jyada badhne laga aur yaha ruk pana mushkil ho gaya to vo badi tezi se stage se niche utar ke bahar jane lagi.
Lekin tabhi kisi ne uska hath pakad liya....usne apni bheegi ankho se jab palat ke dekha to vo raj tha jisne uska hath pakda tha....raj ko dekhte hi uski rulayi phoot padi.
Chanchal (anshu bahate huye)—mujhe jane do raj.....main sach me bahut manhoos hu.....main kisi ke pyar ke kabil nahi hu.....main nafrat ke hi layak hu..raj....mujhe koi maf nahi karega.
Raj—bas....itni hi himmat thi....socho jara ...jab tumhe itne me hi itni adhik taklif ho rahi hai to jab tumne ek maa se unka beta chheena tha tab uss maa ko kitna dard hua hoga.... ? maine apko manzil tak pahuchne ka rasta bata chuka hu....ab uss raste par chalna ya na chalna apka kaam hai....aap uss raste par kadam badhao to sahi, sath me main to hu na.
Mere baar baar samjhane ke baad chanchal ke mann me asha ki kuch ummid bandhi to vo phir se stage par aa gayi jaha sabhi chanchal ko dekh kar naak muh sikodne lage.
Raj—main aap sabhi se kar baddh ho kar prarthana karta hu ki kisi bhi guest ka apman na kare......maine kuch soch samajh kar hi inn sabhi logo ko yaha aamantrit kiya hai.
mere aisa kahne par divya ne chanchal ko cake khilaya....badle me chanchal ne bhi darte darte ek behad khubsurat costly gift paridhi ko diya jo usne mere kahne par le liya.
Uske baad vaha moujud sabhi logo ne apne sath laaye huye gifts paridhi ko dekar wish karne lage...aur idhar paridhi har gujarte waqt ke sath mout ke karib jati ja rahi thi.
Ab paridhi ko sab kuch dhundhla dhundhla dikhayi dene laga tha....phir bhi vo mushkurane ki jhoothi koshish kiye ja rahi thi....ki tabhi mere kano me neha chachi ki awaz sunayi padi...
Neha—rajjjjjjjj
(Update Size : 2384 words)
Sorry friends, Abhi Tak mein Itna hi Likh Paya.....Halanki Abhi Ye Update Adhura hai....Hope Next Will Come Tomorrow.
Shandaar uodate bhai
Raaj ka character sabse acha h
Paridhi ko kaise bachaega sabse bda question yhi h
Chanchal ko rok k bhi thk kiya
Veer ki maa or chanchal dono ko apno ka pyaar pana h wapas
Dekhte h kitna waqt lagega
Paridhi shadi k libas mein phunch gyi party
Umeed karta abhi sabko pta na lage ki raj ne paridhi se shadi ki h
Warna ek or toofaan aa jaega
Brilliant update
Keep rocking bhai
