Update 126
Baten karte karte jab achanak se amit khamosh ho gya to Radha ki mano jan hi nikal gyi. Usne dekha to amit ki ankhen band thi . Radha ne Amit ko hilaya magar amit ne koi response nahi diya .
Radha : rote hue ) Amit ! Amit ankhon kholo . Tum kuch bol kyun nahi rahe . Ankhen kholi Amit. Mohit dekho amit ko kya ho gya hai ye kuch bol kyu nahi raha . Amit utho ankhen kholo . Agar tumhe kuch ho gya to main bhi nahi rahungi .
Mohit : oh no lagta hai Amit behosh ho gya hai .
Radha : jaldi hospital chalo jaldi karo
Mohit : bas hum pahunchne hi wale hain
Amit ki halat dekh kar Radha ka dil baitha ja raha tha. Usko to apni dunya hi lut to hui nazar aa rahi thi. Bachpan se jawani tak ma ki nafrat k bad bhi wo Amit ko dil se pasand karti thi aur jab se college shuru hua tha pehle din ki ghatna se hi uske dil me amit k liye jo pyar tha wo ab uske upar lagatar hawi hota ja raha tha. Aur aaj jo kuch bhi hua tha usse to wo Amit k liye ab jeene marne wali bhawanaon se bhar chuki thi. Radha ne un ghadiyon me bhi aaj Amit ko yad kiya tha jab log bhagwan ko yad karte hain. Radha man hi man bhagwan se prarthna kar rahi thi k wo Amit ko bacha le.
Thodi hi der me Mohit car ko sidha hospital me le gya . Hospital walon ne Amit ki halat ko dekhte hue sidha use icu me dal diya. Dr ne aanan faanan me Amit ko ventiletar me daal kar uske zakhmon ka nirikshan shuru kiya aur zaruri test lene lage. Mamala marpit ka dekha to Dr ne police ko bhi inform kar diya. ICU k bahar Radha lagatar rote ja rahi thi aur Mohit bhi phone karne laga. Uske phone par ghar se aur minal k phone se kai sare miscalls aaye hue the.
Mohit : hello papa
Raghav : han beta kya hua tum ghabraye hue kyun ho? Aur kahan ho ? Tumhari ma ka phone aya tha k tum bina bataye kahin chale gye aur amit bhi abhi tak ghar nahi lauta.
Mohit : papa main xxxxx hospital me hun . Amit ki halat serious hai use icu me le k gye hain.
Raghav : shocked ) kya ????? Kya hua hai ? Amit ko kya hua hai ? Aur tum theek to ho na ?
Mohit : papa wo Radha ko kuch logon ne kidnap karne ki koshish ki thi hum usi k piche gye the aur wahin ladayi me Amit ko choten lag gyi hain . Wo behosh hai aur abhi Dr uska ilaj kar rahe hain.
Raghav : shocked ) kyaa ??? Radha ka kidnap ? Ye sab kaise hua ? Hey bhagwan !! Amit ki halat kaisi hai ?
Mohit : papa abhi tak Dr bahar nahi aye , uska ilaj chal raha hai. Aap jaldi aa jaiye .
Raghav : tum chinta mat karo mere bache use kuch nahi hoga. Bhagwan aisa nahi kar sakta . Pehle mere dost ko mujhse chheen liya ab uske bete ko bhi .... nahi main aisa nahi hone dunga . Main aa rha hun .
Mohit : papa jaldi aaiyega Radha bechari ka bhi ro ro kar bura hal hai. Ma ko bhi sath le aaiyega.
Call katne k bad Mohit Radha ko haunsala dene laga tabhi use Neeraj ki call ayi to Mohit ne use bhi Amit k bare me bata diya .
Udhar Manju bechain thi jab se Amit ka phone network se bahar bata raha tha. Reh reh kar uske dil me bure khayal aa rahe the. Aashu rat ho chuki thi magar Amit ka phone abhi bhi pahunch se bahar tha. Asal me ladai jhagde me Amit ka phone bhi toot chuka tha is liye ab switch off bata raha tha. Manju ki halat aur bhi patli ho gyi thi. Use ye dar satane laga tha k kahin wo fir se akeli na ho jaye. Amit jo ab uske jeene ka ek matra sahara tha wo bhi ab use khota hua dikhai de raha tha. Manju k pas Amit k kisi sathi ka phone no. Bhi nahi tha jisse wo pata laga sake . Wo khud ko bebas mehsus kar rahi thi aur jab usse ye sab bardasht nahi hua to usne khud us jagah jane ka faisla kiya jahan tour gya tha. Kyunki Amit ne uski location hi to puchi thi last time. Uske bad se na to Amit ka phone laga na hi us staff me se kisi ka jo tour par gya tha. Manju adhi rat ko hi dard aur chinta me dubi apni car lekar nikal gyi Amit ka pata lagane magar uski chinta tab aur bhi bad gyi jab raste me uske phone par uski ek sathi profesar ka phone aya jisne ye suchna di k tour me se ek ladki gayab hai aur 3 ladke jinme Amit bhi tha use dhundhte hue rat wahan pahunche the. Aisi apriya ghatna ho jane ki vajah se tour cancel kar diya gya tha aur subah sab wapis aane wale the. Ye sab suchna kisi tarah tour par gye staff ne apne HOD tak pahuncha di thi jisse sabko khabar ho gyi thi . Manju chinta me dubi beech raste se wapis aa gyi kyunki ab wahan jane ka koi fayda nahi tha magar ab uski halat pehle se bhi jyada kharab ho gyi thi .
Udhar jaise hi Raghav ne Rama ko phone par suchna di to uske paon tale se bhi zameen khisak gyi . Wo bhi amit ko dil se chahti thi is liye fauran kapde change kar k wo akeli hi car le kar hospital k liye nikal gyi kyunki Raghav ko abhi time lagne wala tha. Aur itni der wo khud ko rok nahi sakti thi.
Thodi der me hi icu k bahar Rama Radha ko chup karwa rahi thi aur uske sath khud bhi aansoo baha rahi thi. Jaise hi Dr icu se bahar nikala to Mohit aur Neeraj daud kar uske pas gye .
Mohit : Dr ab kaisa hai mera dost ?
Dr : he is out of danger . Zakham humne saf kar diye hain aur malham patti kar di gyi hai. Operation ki zarurat nahi padi . He is lucky k sir par lagi chot jyada gehri nahi thi warna kuch bhi ho sakta tha. Khoon jyada hi beh gya tha jiski vajah se wo behosh ho gya. Par ye sab hua kaise ? Uske zakhmon se kaanch nikla hai jaise kisi botal se mara gya hai. It’s police case. Aapko bayan dene honge.
Mohit koi jawab deta usse pehle hi Neeraj bol pada
Neeraj : ji Dr hum khud nahi jante ye sab kaise hua ? Kisi ne us par hamla kar diya tha andhere me.
Dr : ok aap log relax ho jaiye use blood charha diya gya hai aur 1-2 ghante tak wo hosh me aa jayega.
Itna keh kar Dr chala gya aur mohit Neeraj ko dekhne laga
Mohit : aapne sach kyun nahi bataya Dr se?
Neeraj : is liye k police me shikayat karne se kuchh nahi hoga. Ulta hum log hi pareshan honge. Monty k bap ki pahunch upar tak hai. Use to hum khud hi sabak sikhayenge. Bas ek bar amit theek ho jaye .
Dono dost side me khade baten kar rahe the wahin Rama aur Radha k aansoo ab tham chuke the Amit k bare me dr se sun kar. Kuch der me Raghav bhi pahunch gya tha hospital me aur Amit ki halat dekh kar use dukh hua magar use is bat ki tasalli bhi thi k Amit khatre se bahar hai. Raghav ne Mohit se ghatna k bare me janna chaha to Neeraj k ishare par Mohit ne bhi saaf saaf kuch nahi bataya .
Dusri taraf monty ko jab Ranjit ka phone nahi aya to wo khud hi nikal pada tha is cottage ki taraf jahan Radha ki utha kar lane wale the. Jab monty wahan pahuncha to sabki buri halat dekh kar wo shocked ho gya. Usne to socha tha Radha unke Kabje me hogi magar yahan to pasa hi palat gya tha. Asal me monty se pehle Amit pahunch gya tha aur sabki thukai kar k Radha aur Sheena ko lekar nikal gya tha. Raste me shayad kisi jagah dono aamne samne se guzare bhi the par dono ko hi andaza nahi tha is bat .
Monty : oye Ranjit uth sale hosh me aa , kya hai ye sab ? Wo ladki kahan hai?
Ranjit : dard me ) aaaahhhh sala wo le gya use . Behenchod wo Neeraj bhi tha uske sath aur ek ladka aur . Salon ne piche se hamla kar diya aur hamari halat kharab kar di
Monty : gusse me ) madarchod khud ko pehelwan kehte ho tum 6 log 3 ka mukabla nahi kar paye ? Lahnat hai.
Raghu : ab kya hoga monty? Wo sale to nikal gye . Magar unhe pta kaise chala yahan ka? Ab to salon ko sab kuch pata chal gya hoga kahin police tak bat chali gyi to?
Monty : kuch nahin hoga tu dar mat . Hum to college me the. Police hamara kuch nahi bigad sakti .
Tabhi monty ko Sheena ka khyal aya
Monty : sheena kahan hai?
Ranjit ab is bat ka kya jawab deta ? Monty to ulta unko hi thok deta.
Ranjit : Sheena ko wo log apne sath le gye hain.
Monty : kya kaha madarchod ? Meri behan ko wo le gya aur tum log kuch nahi kar sake. Uski to ma ki . Ab sale ko koi nahi bacha sakta mujhse.
Monty ne jaldi se phone nikala aur kisi ko phone kiya.
Monty : hello uncle main monty bol rha hun.
Aadmi : han beta kaise ho ? Papa kaise hain ? Kahi kya bat hai itni rat ko phone kiya?
Monty : uncle sheena ko ek ladka zabardasti apne sath le gya hai . Main chahta hun uski khandan ki sabhi ladkiyan ab kothe par baithein .
Aadmi: kya ??? Kiski itni himmat hui? Kaun hai wo ladka ? Nam pata bata mujhe . Uske khandhan ki har aurat kothe par baithegi apne.
Monty : wo hamare college me hi padta hai . Amit nam hai uska . Address college se mil jayega.
Aadmi : tum chinta mat karo wo sab police dekh legi . Main abhi phone kiye deta hun . Ab tum aram karo bas . Jaldi hi Sheena beti ghar par hogi .
Itna keh us aadmi ne phone kat diya .
Raghu : kise phone kiya tha ?
Monty : papa k friend hain MLA . Ab police use ghaseet kar hamare kadmon me lakar fenkegi. Ab dekhta hun saka kaise bachta hai. Sheena ko to kuch nahi hoga magar uski behno ko ab kothe par main bitha kar rahunga.
Raghu : in logon ka kya karna hai?
Monty : tu ek kam kar sabko gadi me dal kar hospital le ja . Main bhi ghar pahunchta hun Sheena ka bhi to pata lagana padega.
Monty to Raghu ko kam dekar nikal gya . Chahe wo zahir na kare magar monty ko andar se Sheena ki chinta ho rahi thi. Jaise bhi ho wo behan thi uski . Chahe dusaron ki behno ki wo izzat nahi karta tha magar apni behan ki chinta use bhi thi. Monty k ghar pahunchne se pehle hi Sheena ka phone use aa gya tha is liye wo sidha ghar hi gya.
Monty : tum theek to ho Sheena . Mujhe fikar ho rahi thi tumhari . Kahan le gya tha wo haramzada tumhe? Usne tumhare sath koi galat hatkat to nahi ki ? Maine use jaan se mar dunga .
Sheena : kise jaan se maroge ? Use jisne aaj meri izzat bachai tumhare gundo se ?
Monty : ye tum kya keh rahi ho ?
Sheena : sach keh rahi hun main. Agar aaj wo time se na ata to tumhare wo gunde meri izzat lut chuke hote . Yahi karne ko bola tha na tumne unhe Radha k sath ? Isi liye kidnap karwa rahe the uska ?
Monty : ye .. ye tum kaisi baten kar rahi ho? Tum mujh par aisaa ghatiya ilzam kaise laga sakti ho?
Sheena : sab jaan gyi hun main. Sab sun liya tha maine tumhare un gundo k muh se k aaj rat kya karne wale the tum uske sath. Shukar karo k Amit wahan aa gya warna is waqt wo sab mujhe noch rahe hote.
Monty : unki itni himmat , main un logon ko zinda nahi chhodunga. Meri behan par hath dala unhone .
Sheena : tumne bhi to Amit ki behan par hath dala hai na to kya wo aisa nahi karega ?
Monty : sheena !!! Tum mujh par jhutha ilzam laga rahi ho. Tumhe pata hai na hum bas Amit ko wahan bula kar apna badala lene wale the. Tum un logon ki baton par yakeen kar k apne bhai par ilzam laga rahi ho ? Kya tum nahi janti k tumhara bhai kaisa hai? Kya tum mujhe itna gira hua samajhti ho?
Monty magarmacch k aansoo bahane laga aur Sheena bechari ko laga k shayad monty sach bol raha hai.
Sheena : I am sorry monty mujhe laga wo sach bol rahe hain. Par ab tum Amit k khilaf kuch nahi karoge balki hum dono usse mafi mangenge .
Monty ko to ye katai kabool na tha magar abhi Sheena ko manane k liye wo man gya
Monty : main zarur usse mafi mangunga balki uske paon bhi padunga aaj usne meri behan ki jan bachakar mujhe khareed liya hai.
Sheena : sach !! To chalo hum abhi uske pas chalte hain . Use bahut chot lagi hai zarur hospital gye honge wo log.
Monty: nahi abhi nahin , abhi wo log gusse me honge agar hum gye to mujhe dekh kar wo gusse me aa jayenge . Hum unse bad me milenge .
Sheena : promise
Monty : promise
Sheena : magar un logon ko chhodna nahi .
Monty : wo tum mujh par chhod do main dekh lunga aur han papa ko kuch mat batana warna wo naraz honge .
Sheena : nahi batati
Monty ne sheena ko apni baton me fasa liya tha. Wo janta tha k Sheena uski bat man hi jati hai kyunki uski nazar me monty ka koi kukarm jo samne nahi aya tha abhi tak.
Udhar raat khatam hone ko thi aur Mohit Neeraj Rama Raghav Radha sab hospital me baithe Amit k hosh me ane ka wait kar rahe the. Neend se ab aankhen band hone lagi thi sabki magar Radha bechari ki ankhon me to jaise neend thi hi nahi . Jab Radha ne dekha k koi bhi staff nurse aaspaas nahi hai to wo khud hi bina pooche Amit k pas chali gyi. Amit ka sar poora patti se dhakka hua tha aur use ulta litaya gya tha pith par chot k karan . Amit ki lower back par bhi rui ka bada sa gola laga kar tape se pattiyan ki hui thi . Ek taraf blood aur glucose ki bottle se lagi pipes Amit ki kalai k pas inject ki hui thi. Side me lagi machine par bhi kuch reading aa rahi thi jo Radha achi tarah janti thi . Amit ki aisi halat dekh kar ek bar fir Radha ki ankhon se aansoo behne lage . Wo dheeme kadmo se chalti bina koi awaz kiye Amit k pas aa kar khadi ho gyi . Amit abhi bhi behosh tha aur uske chehre ko dekhti hui Radha uske upar jhukti gyi aur pehli bar aaj uske honth Amit ko sparsh kar rahe the. Is chumban me pyar aur tadap thi jo sirf Radha ka dil hi janta tha. Kampte honthon se Radha ne amit k gaal ko choom liya tha aur uske andar jaane kitne jazbat umad rahe the.
Radha : dheemi awaz me) bahut parwah karte ho na meri ? Main bhi tumhare bina aur kuch nahi sochti. Aaj tak tumhare siwa kisi aur ko socha bhi nahi maine. Pata nahi ye kaisa rishta hai ? Magar main tumse door nahi rehna chahti. Please laut aao na.
Radha ne aaj pehli bar apne dil k jazbat apne zuban par laye the. Abhi tak wo nahi jan payi thi k uske andar Amit k liye kaisi feeling hai. Kyunki rishton ki duniya me Amit uska bhai tha ek kisam se par Radha k andar Amit ko lekar bhai behan wali feelings nahi thi. Aur na hi use aisa koi pal yad tha k kabhi usne Amit ko bhai samjha ho ya kabhi rakhi bandhi ho. Radha bahut hi zyada innocent thi aur uski bhawanayen nirmal thi . Wo amit ko bahut chahti thi magar wo is pyar aur chahat ko samajh nahi rahi thi . Ya yun kahen k use pyar aur ishq k bare me sahi se janakari nahi thi .
Amit jo pichle 3 ghante se behosh pada tha eka ek Radha k komal ehsas se wo hosh me aane laga aur jaise hi usne dheere dheere apni ankhen kholi to Radha ko samne pa kar use tasalli hui. Radha ki ankhon me nami thi par uske chehre par ab khushi aa gyi thi amit ko hosh me ata dekh kar. Amit ne jaise hi kuch bolne k liye muh khola to Radha ne uske honthon par hath rakh kar na me gardan hilayi .
Radha : abhi kuch mat kaho bas aram karo. Main yahin hun tumhare pas.
Radha wahin Amit k pas baith gyi . Rama jo sabki tarah baithe baithe thoda neend me chali gyi thi achanak uski neend tooti to Radha ko pas na pakar wo ek pal k liye chintit hui par jaise hi usne icu me Radha ko Amit k pas baithe dekha to use chain aya. Rama bhi andar ghus gyi amit ko dekhne k liye .
Rama : Radha tum yahan ? Beta tum thak jaogi kuch aram kar lo.
Radha : nahi Aunty me theek hun . Aap aram kijiye .
Aunty ki awaz sun kar Maine fir se aankhen khol li to Aunty mujhe hosh me dekh kar khush ho gyi
Aunty : tumhe hosh aa gya ? Shukar hai bhagwan ka. Tumne to dra hi diya tha mujhe. Ab kaisi tabiyat hai?
Amit : ab theek hun Aunty. Par aap yahan kaise aayi ?
Aunty: main hi nahi tere uncle bhi aye hain wo bahar baithe hain.
Amit : sorry meri vajah se aapko takleef hui
‘ Takleef kaisi barkhurdar?’ Ye awaz uncle ki thi jo shayad Aunty k piche hi aa gye the
Uncle : tumne to mujhe dara hi diya tha . Jab Mohit ka phone aya to mujhe ek pal to laga k kahin main apne yar ko fir se kho na dun. Par shukar hai bhagwan ne meri sun li.
Tabhi wahan nurse aa gyi .
Nurse : dekhiye yahan aap log nahi aa sakte please aap sab bahar jaiye .
Aunty: aap ise room me shift kar dijiye na ab . Hum iske pas rehna chahte hain.
Nurse : dekhiye wo Dr k kehne par hi kar sakte hain.
Uncle : theek hai hum Dr se bat kar lete hain. Aao Rama , aao beti tum bhi.
Uncle aunty aur Radha ko lekar bahar chale gye . Nurse ne bottle me koi injection lagaya aur kuch hi der me mujhe neend si aane lage.
Jab meri aankh dubara khuli to maine khud ko icu ki jagah room me hospital k kisi aur kamre me paya. Radha abhi bhi mere sar k pas baithi hui thi aur shayad uski aankh lag gyi thi baithe baithe. Is waqt Radha bahut hi masoom lag rahi thi . Kisi masoom bachi ki tarah uska innocent face kisi ko bhi akarshit karne k liye kafi tha. Wo abhi bhi meri T-shirt me thi .
Amit : man me ) tum kitni masoom ho Radha ? Main tumhe kabhi kuch nahi hone dunga. Us monty ko to iski keemat chukani padegi jo usne tumhare sath kiya .
Main abhi Radha ko dekh raha tha k darwaza khula aur nurse k sath ek Dr andar aa gyi . Dr k chehre par mask laga hua tha magar maine use pehchan liya. Ye Dr rina hi thi. Mujhe dekhte hi wo bhi shocked ho gyi .
Dr rina : Amit tum !!! Ye sab kaise hua tumhare sath ? Kisne kiya ye ? O my god ,
Dr rina ko meri chinta hone lagi . Jahan unke sath ayi nurse unke is behavior ko dekh kar hairan ho rahi thi wahin Radha bhi awaz sun kar neend se jaag gyi thi.
Amit : kuch nahi Dr zara si chot hai bas . Aur ab aap aa gyi hain to sab theek kar hi Dengi.
Dr rina : jyada baten na banao aur batao ye sab kaise hua? Aur ye tumhari cousin hai na us din jinke ghar gye the ?
Radha : ji main wahi hun . Par aap yahan ?
Dr rina : main yahin job karti hun. Aur ab koi batayega k kya majra hai ye? Itni chot koi khelte hue to lag nahi sakti. 5 bottle khoon chadaya gya hai tumhe kal rat . Ab batao jaldi
Amit : kya aap bat pakad k baith gyi hain. Aap batao aap kaisi ho itne dino bad mil rahi ho?
Dr rina : pehle meri bat ka jawab do ye sab kaise hua?
Radha : ye sab meri vajah se hua hai Dr .
Amit : Radha ye tum kya keh rahi ho?
Radha : wahi jo sach hai. Ye sab meri vajah se hi to hua hai. Meri vajah se hi tumhari ye halat hui hai.
Amit : isme tumhari kya galti hai?
Dr rina : hua kya hai?
Radha : kam kuch gundon ne mujhe kidnap kar liya tha aur mere sath .....
Dr rina : I understand, to un logon ne tumhare sath zabaradasti karne ki koshish ki?
Radha : ji , agar Amit na ata to main aaj zinda bhi nahi hoti .
Dr rina : disgusting, aise ghatiya logon ko to fansi de deni chahiye. Tum logon ne police ko bataya ?
Radha : nahi
Dr rina : kyun nahi bataya ? Aise logon ko to chhodna nahi chahiye .
Amit : police aise logon ki jabe me hoti hai madam. Use to main khud saza dunga . Bade baap ki aulad hai to sabko apne bap ki jageer samajhta hai.
Dr rina : wo sab bad me pehle khud ki halat to dekho.
Amit: meri halat to aap theek kar dengi magar uski main wo halat karunga k koi bhi theek nahi kar payega .
Dr rina : acha cha maharaj ab zara checkup kar len ?
Hum teeno k chehre par muskurahat aa gyi. Dr rina ne mera checkup kiya aur fir aane ka keh kar chali gyi kyunki unhe sab mareezon ko ek bar dekhna tha.
Dr rina k jane k bad maine Radha se bat ki
Amit : tum abhi tak rat wale hi kapdon me ho ? Ghar nahi gyi kya ?
Radha : jab tak tumhe theek nahi dekh leti main kaise chali jati ? Waise bhi tumhe bhi to zarurat Pad sakti thi na kisi ki yahan par?
Amit : baki sab kahan hain?
Radha : Mohit aur Aunty abhi abhi gye hain ghar . Uncle aur Neeraj bhaiya pehle chale gye the .
Amit : tumne ghar par phone kiya ? Mausi chinta kar rahi hogi.
Radha : mera phone to udhar hi reh gya tent me. Ma ko kahan kuch pata hoga . Abhi to 9 hi baje hain .
Amit : itni der ho gyi ? Tum bhi ab ghar jao mausi fikar kar rahi hongi. Mera mobile ....
maine jeb me hath dala to mobile nahi tha . Maine Radha ki taraf dekha to usne mujhe mera mobile diya jo toot chuka tha.
Amit : ye to toot gya. Ab kisi ko phone bhi nahi kar sakta.
Radha : chinta mat karo tum mobile hi to hai dusra le lena. Tum bas aram karo. Tumhe bhookh to nahi lagi ? Kal rat se aise hi pade ho.
Amit : nahi bas thoda badan toot raha hai aur sar dard bhi ho raha hai
Radha : main abhi Dr ko bulati hun
Amit : rehne do abhi to gyi hain Dr aur suna nahi tumne wo keh kar gyi hain k abhi aa jayengi dobara.
Radha : kya tumhe baithna hai ?
Amit : han
Radha : chalo fir utho main sahara deti hun.
Amit : tum rehne do , bahar se kisi ko bula do
Radha : kyun ? main nahi kar sakti kya ?
Amit : aisi bat nahi hai , acha theek hai aao idhar .
Radha mere pas aa ayi aur meri ek baju usne apne kandhe par rakhi aur mujhe uthne me meri madad karne lagi. Us bechari se kahan mera vajan utha hona tha . Is liye maine khud uthne ki koshish ki to mujhe apne zakhmo par tez dard hone laga ho ab tak nadarad tha.
Amit : aaaaaahhhhhh
Raadha : ghabrate hue ) kya hua ? Kahin dard ho raha hai kya ? Dikhao mujhe
Amit : kuch nahi main theek hun . Wo hilne se dard hua thoda .
Radha : tum late jao fir nahi to aur dard hoga.
Amit : nahi main theek hun tum chinta mat karo.
Main ek side se tek laga kar baith gya . Lete lete mujhe khud hi apna shareer bimar sa lagne laga tha. Main janta tha k Radha ne kuch khaya nahi hoga is liye maine pas padi juice ki bottle se Radha ko juice pilane ko kaha aur apne sath use bhi juice pila diya.
Dusri taraf rat ko hi monty se bat hone k bad MLA ne police commissioner ko phone kar k us ladke ko dhoondhne ko keh diya tha . MLA koi chhoti hasti nahi thi is liye police bhi action me aa gyi thi . Mamala college se juda tha to din chadhne tak unko rukna pada aur subah college shuru hote hi SP sahab khud college k principal k office me pahunch gye apni team k sath . Waise to ye kam koi bhi inspector kar sakta tha par SP sahab jo naye aye the unhone principal jaise respected ohde ka man rakhte hue khud hi jana behtar samjha. Waise bhi college me kisi tarah ki galati na ho is liye unhone khud jane ka faisla kiya.
Principal ka office -
Peon : sir SP sahab aapse milna chahte hain . Andar bhej dun ?
Principal: SP mujhse milne aye hain ? Kuch bataya unhone kis bare me bat karne aye hain ?
Peon : nahi sir
Principal: theek hai bhej do
Principal k sath is waqt unke param mitr aur college k professor Varinder baithe the. Peon k jate hi ek police ki uniform me shehar k naye SP principal sir k samne aa kar khade ho gye aur unhe salute de kar good morning kaha. Principal sir to SP ko dekh kar hairan ho gye . Kyunki ye to ek yuvti thi jo is dress me bhi kisi heroin se kam nahi lag rahi thi . ( agar aap logon ne drishyam movie dekhi ho to usme jaise tabbu uniform me lagti thi )
SP : good morning sir . I am Ritu Singh , SP of your city
Principal: yes please , how may I help you
SP : sorry to inform you sir but we have a serious matter. Kal rat ko ek ladki ko kidnap hua hai aur uske regarding main investigation karne aayi hun.
Principal sir ne socha k shayad ye tour se gayab hui ladki k bare me chhanbeen karne aaye hain. Par us bare me to kisi tarah ki koi report darj nahi karwayi gyi thi . Board ne saf mana kiya tha k jab tak confirm na ho F.i.R na likhwayi jaye.
Principal: aap kis ladki k bare m bat kar rahi hain aur usse is college ka kya lena dena hai?
SP : sir us ladki ka nam Sheena hai aur ladke ka nam Amit hai jo isi college ka hai.
Ye nam sunte hi principal k sath sath professor v bhi hairan ho gye.
Principal: are you sure ? Humen to aisi koi bat abhi tak sunne ko nahi mili kya apne khud check kiya hai?
SP : dekhiye humen upar se order mile hain aur bina shikaayat k to aisa ho nahi sakta na?
Principal: dekhiye madam main apko galat nahi keh raha par aap jis ladke ka nam le rahi hain wo bilkul bhi aisa nahi hai. Main aisa is liye keh raha hun k kisi innocent k sath kuch galat nahi hona chahiye .
SP : sir wo dekhna to kanoon ka kam hai k kaun kaisa hai. Waise bhi mujrim k mathe par nahi likha hota k wo mujrim hai. Aksar shareef dikhne wale log hi shatir hote hain.
Principal: dekhiye main aapko aapka kam karne se nahi rok raha par ek request kar raha hun k kisi k sath nainsafi nahi honi chahiye .
SP : dont worry sir , mere hote kisi k sath galat nahi ho sakta . Sahi ko sahi aur galat ko galat kehna meri fitrat hai.
Principal: achi bat hai. Main us ladke ko yahin bula leta hun aap wait kijiye .
SP : ji zarur main bhi students k beech ja kar kisi ko darana nahi chahti.
Principal ne bell Baja kar peon ko bulaya aur madam k liye coffee lane k sath hi amit ko class se bulane ko kaha.
SP : sir aapko kaise pata k main kis amit ko dhoond rahi hun ? I mean ek nam k to kai students honge na ?
Principal: madam maine apse pehle hi kaha na k wo ladka aisa nahi hai. Aur aisa Maine is liye kaha k Sheena nam ki ek hi ladki hai is college me jise sab jante hain. Aur uski tatha uske bhai ki us ladke se thodi unban hai. Is liye aap ne jab Sheena ka nam liya to main samajh gya . Ek bar pehle bhi un logon ne amit ko badnam karne ki koshish ki thi us par rape attempt ka case dal kar. Tab sachai samay rehte hamare samne aa gyi thi aur us ladke ko bacha liya gya. Is bar bhi mujhe aisa hi shak hai tabhi maine kaha k kisi innocent k sath kuch galat nahi hona chahiye.
SP : hmm let’s see kya sach hai kya nahi.
Peon jab Amit ki class me gya to Amit class me nahi tha. Uske sath sath aaj Mohit bhi nahi aya tha . Peon ne Chandarkanta ko bataya k principal office me SP sahab aaye hain aur Amit ko office me bulaya gya hai . Ye sun kar Chandarkanta k chehre par smile aa gyi ye soch kar k zarur wo kisi chakkar me fasne wala hoga . Magar Kalpana jo amit aur Mohit k na hone se akeli bore ho rahi thi Amit ka nam sunte hi chaukanni ho gyi thi aur Chandarkanta se jo peon ne kaha wo bhi usne sun liya tha. Kalpana ko ab chinta hone lagi. Kyunki ek to Amit aur Mohit dono aaj absent the dusra peon ki baton se use kuch galat hone ka shak hone laga. Peon k jate hi wo bhi bathroom jane ka bahana kar k bahar nikal gyi aur principal sir k office ki taraf chali gyi .
Peon ne jab wapis aa kar bataya k Amit class me nahi hai to SP ko Amit par shak hone laga is liye usne Amit ki photo aur uski detail ka record mangaane ko kaha. Principal ne peon ko admission file lane ko kaha jahan se Amit ka record mil sakta tha. Office k bahar Kalpana peon par hi nazar rakh rahi thi. Bahar khade police wale se usne bat kar k sach janne ki koshish ki to usne kuch bhi batane se mana kar diya . Par jab peon ko file late dekha to wo samajh gyi k matter kuch aur hi hai. Amit ki detail nikalne ka matlab hai k Amit par koi charge lagaya ja raha hai aur use ab dhundhne ki koshish ho rahi hai. Kalpana ne jaldi se Amit ko phone lagane ki koshish ki to uska phone switch off aa rha tha. Kalpana ki tension badne lagi . Usne fir Mohit ko phone lagaya . Mohit bhi to subah hi soya tha is liye uske phone par bell to ja rahi thi magar wo utha nahi raha tha. Kalpana aanan faanan me daudti hui college se nikali aur Mohit k ghar k liye nikal gyi. Wahin SP Ritu Singh ne jab file me se Amit ki photo dekhi to uska chehra gusse se lal ho gya. Usne uska form file me se nikala aur apne pas le kar principal se shukriya keh kar nikal gyi. Principal aur prof V SP k is behavior se sakte me aa gye unhe ab shak hone laga tha k kahin koi sajish to nahi ho rahi?
Kalpana ko Mohit k Ghar par pahunchi to use Aunty kitchen me nashta taiyar karwati hui mil gyi .
Kalpana : tension me ) Aunty Amit aur Mohit kahan hain ? Amit ka phone band aa raha hai aur mohit phone nahi utha raha ?
Aunty : beti tum kaun ho maine tumhe pehchana nahi?
Kalpana : oh sorry aunty , main Amit aur Mohit ki class mate hun. Bataiye wo dono kahan hain?
Aunty : Mohit to upar apne kamre me so raha hai bat kya hai?
Kalpana : please use jaldi bula dijiye , mujhe amit k bare me puchna hai usse .
Aunty : kya puchna hai mujhse puch lo?
Kalpana : aap janti hain? Amit kahan hai is waqt aur uska phone kyun band hai?
Aunty : tumhe nahi pata ? Tumhe kaise pata hoga sab kuch rat me to hua hai. Amit ka phone toot gya hai aur use bhi chot lagi hai wo is waqt hospital me hai aur main usi k liye nashta le kar ja rahi hun wahan . Tumhe chalana hai to aa jao
Kalpana : shocked ) hospital me ? Kya hua hai use ? Jaldi bataiye .
Aunty : bataya na use chot lagi hai. Baki tum khud hi puch lena usse mil kar.
Thodi der me hi nashta pack karwa kar aunty Kalpana ko sath lekar hospital ja pahunchi . Kalpana ne jaise hi amit ko dekha to Amit ki halat dekh kar use jhatka laga. Amit ka poora sar patti se bandha hua tha aur upar se hospital me jo mareezon ko hare kapde dale jate hain wo dala hua tha. Fir uski nazar Amit ki bagal me baithi Radha par padi. Jiski halat bhi achi nahi thi . Upar T-shirt aur niche salwar baal kuch bikhre hue. Ankhen Lal jo shayad neend se bhari thi ya aansuon ki vajah se. Kahin kahin kharonch k nishan Radha ki kalaiyon aur gardan par bhi the jis par Kalpana ki tez nigahen jaldi hi pahunch gyi aur use kisi hadse ka andesha hone laga.
Amit : are Kalpana tum yahan ? Tum college nahi gyi kya ?
Kalpana: meri chhodo tumhe kya hua hai?
Amit : bas zara si chot lagi hai aur kya
Kalpana : aur Radha yahan kya kar rahi hai? Ise to tour par hona chahiye tha na?
Radha : main batati hun tumhe kya hua hai.
Amit : rehne do Radha ab jo hua so hua
Kalpana : mujhe sach janna hai.
Fir Radha ne kalpana ko sari bat batayi aur Aunty bhi sab sun rahi thi. Sari bat sunte hi Kalpana ki gusse se ankhen lal ho gyi .
Kalpana : itne haunsle bad gye un logon k unhe kisi ka dar nahi kanoon ka bhi nahi. Tumhe pata bhi hai k mujhe kaise pata chala tumhare bare me? Tumhe dhoondhte hue police college me ayi thi abhi . Isi liye main Mohit k ghat par pahunchi kyunki tum dono ka phone nahi lag raha tha. Zarur tum par koi charge lagaya ja raha hai. Main bhi dekhti hun k kya karte hain wo log . Main abhi aayi .
Kalpana bina kisi ki bat sune gusse me tamtamati hui bahar nikali aur phone par kisi se bat karne lagi . Idhar Radha Amit aur Rama teeno k chehron ka rang badal gya tha Kalpana ki bat sunne k bad .
