Fantasy WARGOD

[Itachi_Uchiha]

Mai puri kosis karunga ki 1 Tarik Tak naya Update post kar du.
Ab naye update se story puri mere hisab se chlegi. To ab se week me ek hi update aaya karega. Kosis karunga ki Kam din me bhi update de du.
Aur sbs important baat is story me actual me sex nahi hai. To mi aap logo se puchna chta hu ki kya mi story me sex add Karu ya jise story chal Rahi hai waise chlne du.
nd ab se mujhe apne update par Kam se Kam 60 likes cahiye hi cahiye.

 

[Smith_15]

 

[Itachi_Uchiha]

EK HI KHWAHISH Name se maine USC me apni short story post ki hai dosto.
Aap sub se request hai ek baar is link ke through waha ja kar meri story ko read krke review wale section me apna valuable review jagur dijiye.
Mujhe aap sub dosto ke pyra aur support ka intejar rahega.

 

[andyking302]

UPDATE NO - 06
INSULTING​

Sohan ab puri baat samajh gaya tha ki Atharva usey kyu fasana chahta hai, lekin usey ye samajh nahi aa raha tha ki ye useless fool itna Clever kaise ho gaya hai.


Atharva " Yong aur Shuang dono hamari Family ke servent they unme itni himmat nahi thi ki wo akele hi Mayor ke son ko kidnap kar sake aur poor hone ki wajah se wo kahi se bhi CLEANSING PILL nahi la sakte they. "
" Sohan kyuki tum JADHAV Family ki daughter se marriage karna chahte they to main to wo hi karwa raha hu, lekin Jiya ko dekhke to mujhe bhi ab tumhare liye khusi ho rahi hai. Agar tum chup-chap JADHAV Family mein Marriage kar lete ho to main kisi ko ye nahi bataunga ki tumne mujhe maarne ki kosis ki hai. Tumhari ye halat dekhna tumhe maarne se jyada behtar hai. Lekin kitni buri baat hai ki tum yaha se bhagna chahte ho jo main hone nahi dunga. "


Sirf Sohan ne hi Atharva ke andar ye change mehsoos nahi kiye they bahar khade Kailashnath ko bhi surprise ho raha tha, usey aisa lag raha tha jaise wo pehli baar Atharva se mil raha ho. Kailashnath ne apne sapne mein bhi nahi socha tha ki Atharva itna Smart hoga aur aise plan bhi bana sakega.

Hahahaha…..

Sohan haste hue " Atharva mujhe tumhe aise dekhke sach mein surprise hua hu, maine kabhi nahi socha tha ki tum itne smart hoge, lekin tumne fir bhi ek stupid mistake kar di. "


Sohan ne apna apna killing intent release karte huye bola.


Atharva " Stupid mistake, kaisi stupid mistake ? "


Atharva apne kandhe hillate huye bola.


Sohan " Tum sach mein stupid ho, tumhe pata tha main aaj yaha se bhagne wala hu lekin fir bhi tum yaha akele aa gaye. Tum QI JING REALM ke 1st level pe hone ke baad bhut jaldi marna chahte ho. Ab main yaha se jaa hi raha hu to tumhe maarke hi jaaunga aur uske baad QI Province ke kisi big Sect ko join karne ke baad waapis aake us Old Man ko bhi maar dunga."


Sohan ne Atharva ko nicha dikhate huye kaha. Uske dimag mein Atharva kisi Ant se kam nahi tha jisey wo kabhi masal sakta hai.


Kailashnath " Shit. "


Kailashnath ne Apne mann mein ye bolte huye abhi andar enter karne ki sochi lekin wo Atharva ke word sun ke wahi ruk gaya.


Atharva " Tum mujhe nahi maar sakte. "


Sohan " Really, tum mere yard mein khade ho aur sirf QI JING REALM ke 1st level pe ho, Agar Kailashnath bhi yaha hota to wo bhi tumhe nahi bacha sakta. "


Sohan ne jor se haste huye ye baat kahi, usey Atharva ko maarne mein pura confidence tha.


Atharva " I am sorry, lekin mein QI JING Realm ke 1st nahi 9th level pe hu. "


Atharva ne ye bolte huye apni QI release kar di. Uski Body se itni jyada Force se Yuan Power release huyi ki usne Sohan ko bhi 3 step piche hone pe majboor kar diya.


" What "


Sohan kaafi shock ho gaya tha, wo Atharva ko aise dekh raha tha jaise wo koi ghost ho. Usne kabhi apne dream mein bhi ye nahi socha tha.


Bahar khada Kailashnath bhi kaafi shock ho gaya tha Atharva ki is transformation ko dekhke, lekin ek Father hone ki wajah se wo bhut jayda khus bhi they.


" Thank God, mera beta koi useless scumbag nahi hai. Lekin Damm it ye meri naak ke niche ye sab chuppa kaise raha tha ? "


Kailashnath ne khus hote huye khud se hi bola. Useless uske heart mein ek bhut bada wound tha. Lekin ab Atharva ne bilkul opposite QI JING REALM ke 9th level mein Breakthrough karke wo bhi sirf 16 ki Age mein ye proof de diya tha ki wo ek Genius hai, aisa abhi tak Fragrant Sky City mein kisi ne nahi kiya tha. Sohan bhi is level pe 16 ki Age mein pahucha tha. Aur Atharva jis tarah se wo Sohan ko handle kar raha hai aise koi bhi 16 ki Age ka ladka nahi kar sakta.


Sohan " Impossible, aisa nahi ho sakta, tum 3 din pehle sirf 1st Level pe they. Ye mat kehna ki tum abhi tak apni true strength hide karke rakhe huye they. Agar aisa hai bhi to 9th level ka person itni jyada yuan power nahi rakhta. "


Atharva " Is world mein aisi bhut si things hai jinhe tum bilkul nahi samajh sakte. Sohan tumhara ek bhut acha future ho sakta tha lekin tumne sab barbaad kar diya. Let's end this. "


Itna bolte hi Atharva lighting speed se move hua aur ek dum se Sohan ke samne aa gaya, wo bilkul bhi risk nahi lena chahta tha kyuki usne abhi tak ek bhi Combat Skill practice nahi ki thi. Atharva ne Sohan ke saamne aate hi lighting speed se apne right hand mein apni Yuan Energy mein flow karwake usey kisi sword ki tarah sharp kar diya aur usi speed se right hand kisi sword ki tarah Sohan ki neck ki taraf move ho gaya. Atharva ki speed itni fast tak thi ki Sohan ko ek finger move karne ka bhi time nahi tha.


" Stop. "


Kailashnath jor se chillate huye door ko tod ke andar enter ho gaya.


Snap!


Unfortunately, wo bhi Atharva ki movements se slow tha jab tak wo Atharva ko rokta tab tak Atharva ke right hand ne kisi sword ki tarah Sohan ka head uski bodi se alag kar diya tha. Sohan ki aankhe marne ke baad bhi shock mein thi aur uski body bhi kuch second tak wahi khadi rahi aur fir ekdum se nich gir gayi. Blood kisi fountain ki Tarah nikal raha tha.


Kailashnath " Atharva tumne usey kyu maar diya ? "


Dead body ko dekhte huye Kailashnath shock mein tha, Atharva ne same level pe hone ke bawjood Sohan ko ek strike mein khatam kar diya tha wo bhi bina kisi skill ko use kiye.


Atharva " Father kya aap iske marne se khus nahi ho. Agar main abhi isey nahi maarta to ye baad mein badi threat banke revenge lene aa jaata. Main apne enemy ko koi chance nahi deta. "


Kailashnath " Maine isko adopt karke galti kardi. Isne tumhe maarne ki kosis ki to of course tum usey maar sakte ho. Lekin ab ye mar gaya hai to JADHAV Family mein Marriage kon karega. Hamari families ke relations pehle hi kharab they ab aur ho jaayenge. "


Atharva " Father aap itne bhi pagal mat bano aap ko bhi pata hai ek Mountain mein 2 tiger nahi reh sakte.
Aisa koi raasta nahi hai jisse hamari Family aur JADHAV Family ek sath reh sake aur wo JADHAV Family ka chief humey kabhi bhi khud ke barabar nahi samjhega. Usne aaj hamari din mein insult ki hai. Hum unke sath acha kyu kare ? "


" Insult ki hai ? "


Kailashnath ne confuse hote huye kaha.


Atharva " Father aap us Karamchand ke innocent face se pagal mat bano wo real mein old fox hai. Yaha tak ki aaj Jiya ka aana bhi aaj hamari insult hai. "
" Hamari Family is City ki sabse Strong Family hai aur agar humne us Jiya se Marriage kar li to hum sabke samne laughing stock ban jaayenge. Humari family ki reputation bhi kam ho jaayegi aur agar Sohan, JADHAV Family mein marriage kar leta to aur bhi bura hota."


Atharva ne bolna jaari raka.


Atharva " Wo ugly Girl sirf hamari insult karne ke liye hi laayi gayi thi, mujhe to yakeen hai wo GYAN ki daughter bhi nahi hai. JADHAV Family ek reputed Family hai hamari tarah agar GYAN ki koi Ugly daughter hoti to ab tak puri City mein baat fail gayi hoti. Is baat se fark nahi padta ko Jiya marriage karke yaha aaye ya Sohan marriage karke JADHAV Family mein jaaye, insult to hamari hi hoti. "


Ab Kailashnath ko bhi sab kuch samajh mein aa raha tha, wo to bas dono Families ke relations ko thik karna chahta tha, lekin kam Knowledge hone ke wajah se wo khud ki hi Insult karwa leta.


Ek Mountain pe 2 Tiger kabhi bhi ek sath rule nahi kar sakte isi tarah YADAV Family aur JADHAV Family bhi ek sath nahi reh sakti.


Kailashnath " Atharva beta tum itna Clever kab se ho gaye ? "


Atharva " Father mein kabhi stupid nahi tha. "


Kailashnath " Aur tum ne suddenly 9th Level mein Breakthrough kaise kar liya ? "


Kailashnath ne shock hote huye pucha, is baat pe Atharva ko bhi Smile aa Gayi usey pata tha ye Question to uthega isliye usne pehle se hi answer ready Kar rakha tha.


Atharva " Father jab un dono Guards ne 3 din pehle mujhe maarne ki kosis ki thi tab waha se guzarte huye ek Great Warrior ne mujhe bacha liya. Usne undono ko maar diya aur unhone meri help karte huye meri body ke andar ki PILLS ko refine kiya aur mujhe Breakthrough karne mein bhi madad ki. "


Kailashnath " kon tha wo Warrior ? "
" Lekin dukh ki baat hai main unse mil nahi paaya. "


Kailashnath jor jor se hasne laga, uske liye isse badi khusi ki baat kya hogi ki Uska Beta ek Genius hai.


Atharva " Father humey JADHAV Family ke sath relationship ache karne ki koi jaroorat nahi hai, Mere opinion mein, City mein ek power hi reh sakti hai. Agar Karamchand khelna chahta hai to hum bhi khelenge. "


Atharva ne ek evil smile ke sath kaha.


Kailashnath " Tumne thik kaha humey unke sath War start kar deni Chahiye nahi to City ke People sochenge ki main dar gaya. Lekin kal ki wedding Ceremony ke baare mein kya kare ? "


Atharva " Jab se JIYA publicaly humare Mansion mein aayi hai to humari reputation affect ho chuki hai. Agar wo ye chahte hai to hum Unki reputation bilkul hi khatam kar denge Fragrant Sky City mein. "


Kailashnath " Tumhara plan kya hai beta ? "


Atharva " Simple kal wo Sohan ko lene aayenge marriage ke liye hum unhe Sohan hi denge lekin ek Casket mein. "


AK ke liye Friend Friend tha aur enemy enemy. Wo kabhi bhi apni enemies ke sath reh nahi paaya tha, jo uska enemy bana unme se ek ka bhi end acha nahi hua tha. Is life mein Sohan first tha aur JADHAV Family second. JADHAV Family ko jad se khatam karke Fragrant Sky City mein wo bas apni Family ko Top mein dekhna chahta tha taaki uske yaha se jaane ke baad yaha uski Family ko koi dikkat na ho.



******


NEXT DAY


Aaj ka din kal ke din se bhi jyada lively tha, aaj to JADHAV Family se leke YADAV Family ke Mansion tak ka road Decorate kara gaya tha. Atharva aur Kailashnath ko chodke kisi ko nahi pata tha ki Sohan ab mar chuka hai.


Fragrant Sky City ki street pe mascular Karamchand horse pe ride karte huye aa raha tha uske piche JADHAV Family ke kayi Young Men they jinke Face pe ek alag hi arrogant look tha, ek parade unke piche aa rahi thi jiske End mein ek sedan Chair thi jisey 8 men carry kar rahe they. Yeh parade sidha Mayor Mansion ki taraf badh rahi thi raaste mein har ek person ko attract karte huye.


" Oh my god, ye koi woman hai ya God ke taraf se koi majak. "


" Uggg, mujhe vomit karne do, ye women sky ko bhi rok sakti hai aur ghost ko bhi dara sakti hai apne ugly face se. Maine suna hai Mayor ka elder son ek handsome aur genius man hai. Kya wo is marriage ke Baad jinda reh paayega. "


" Mayor apne adopted son ko ek fire pit mein daal rahe hai. "


City ke sabhi person aapas mein baate kar rahe they aur joke bana rahe they. Jaisa ki Atharva ne socha tha JADHAV Family puri City ke saamne Mayor ki insult karna Chahti hai. Itni lambi parade dekh ke sab ko pata lag gaya tha ko JADHAV Family ek Ugly Girl ko YADAV Family mein marriage karwa rahi hai aur ye baat kaafi thi Mayor ka laughing Stock banne ke liye.



TO BE CONTINUED….




Aaj ke liye bs itna hi dosto !!
Aapke review nd suggestions ka wait rahega comments ke through !!
Apna pyar aur support aise hi banaye rakhiye !!

Bohot khubhsurat badiya लाजवाब update bhai jann superree duperrere update

 

[BP high]

UPDATE NO - 07
Pay Me For The Casket​

Mayor Mansion ke bahar bhut jada bhid jama ho gayi thi. Mayor Mansion ke bahar Atharva aur Kailashnath khade hoke unki aur aati huyi lambi parade ko dekh rahe they, aisa dekhte huye un dono ke face pe ek cruel smile aa gayi.


Atharva " Aapne dekha Father, Karamchand itni simple si wedding ke liye itni lambi parade leke aa raha hai, Karamchand sirf hamari insult hi nahi humey dabana bhi chahta hai. "


Kailashnath " Hahaha, dekhte hai last mein kon laughing stock banta hai. "


Karamchand " Hahaha, Brother Kailashnath, main Sohan ko lene aaya hu kya wo taiyar hai ? "


Karamchand ne jor se chillate huye kaha taaki puri Crowd ko ke ye baat sun jaaye.


Kailashnath " Of course, mera beta ready hai, Atharva jao aur apne elder brother ko leke aao. "


Kailashnath ne ek smile ke sath jawab diya.
Karamchand ne ek silk Red Robe pehen rakha tha wahi Jiya ne ek phoenix cronot naam ki dress pehen rakhi thi aur wo bhut jada sharma rahi thi. Jadatar log to uske face ko dekh ke Vomit karne lage they aur dubara dekhne ki to himmat hi nahi ho rahi thi.


" Step Aside. "


Kuch moments ke baad ek loud shout sunayi di jo ki Atharva ki thi aur apne shoulder pe bada sa Casket leke aa raha tha.


Bang!


Atharva ne wo Casket aise hi Door se bahar fek diya jaise usme kuch bhi special na ho. Casket ka front Parade ki taraf tha aur uspe likha tha.


" Death. "


Puri crowd Casket ko hi dekh rahi thi aur bilkul silent ho gayi thi.


' ye log kya kar rahe hai ?'
' Wedding mein Casket laana ek buri baat hai, Mayor kya soch rahe hai ? '


Karamchand ke expression ek dum se change ho gaye aur Kailashnath se pucha.


Karamchand " Brother Kailashnath iska kya matlab hai. "


Atharva " I am sorry, mere elder brother kal ek bimari ke chalte maare gaye ab miss Jiya mere brother ki corpse se ho marriage kar sakti hai. Ye yaha pe present ho isliye maine ye mehnga Casket banwaya hai aur tension ki baat nahi hai isne Casket mein wedding dress hi pehen rakhi hai. "


Atharva ne apni voice mein QI energy mix karte huye bola taki Atharva har ek person ko ye baat suna sake.


Crowd mein ek dum se jor jor se baate hone lagi thi unhone pehle kabhi bhi aisa nahi dekha tha. Jadhav Family yaha pe ladke ko lene aayi thi lekin unka welcome uski Dead Body ke sath hua tha. Isse koi fark nahi padta ko Sohan jinda hai ya mar gaya, kyuki ye act sidha sidha Jadhav Family ki insult kar raha tha. Specially jab Jadhav Family itni badi parade ke sath aayi ho aur unhe mila sirf ek Casket, unki reputation ek dum se niche gir gayi thi.


Karamchand " Kailashnath, ye kya tum koi majak kar rahe ho ? "


Karamchand se ab apna gussa control nahi ho raha tha


Atharva " Uncle Karamchand tumhe ye kyu lag raha hai ki hum majak kar rahe hai ? "
" Tum yaha ladke ko lene aaye, aapne ye to bataya hi nahi ki Jinda chahiye ya mara hua. "


Paas mein khade logo ko lag raha tha jaise abhi unke mouth se blood bahar aa jaayega, ye kis type ki explanation thi.


Karamchand " Kailashnath tum aur tumhara beta bakwas mat karo. Sohan QI JING REALM ke 9th level ka warrior hai aur wo kal alive aur ek dum thik tha. Aise kaise mar gya ? "


Atharva " Agar tumhe vishwas nahi hai to khud hi ye Casket khol ke dekh lo. After all wo tumhare hi Family ka member hai ab. "


Atharva ne Friendly tone mein Karamchand se kaha. Kailashnath Atharva ke bagal mein silent khada tha aur sab kuch Atharvako handle karne de raha tha. Kailashnath Atharva se kaafi khus tha kyuki wo Karamchand jaise person se ek dum Normal aur Calm tone mein baat kar raha tha aur usse Argue bhi kar raha tha jo koi Normal 16 saal ka ladka Nahi kar sakta. Atharva ko pata tha ki Karamchand uspe attack nahi kar sakta kyuki Kailashnath aur Karamchand dono hi QI HAI Realm ke peak par they aur dono ki strength same thi.


" Fuck, hum yaha pe ladka lene aaye they aur Mayor humey ek Casket de raha hai, ye Jadhav Family ki insult hai. "


Jadhav Family ke ek Young man ne jor chillate huye kaha.


Atharva " hahhaaha, bilkul sahi kaha mere Friend, Lekin Jadhav Family thi jisne pehle humari insult ki hai. Sab log dhyan se dekho is Jiya ke Face ko, kyu Jadhav Family aise Sincerity dikhati hai humari Family ko? Main yaha sabhi men se puchta hu agar mein tumhe chance du is Jiya se Marriage karne ka wo bhi free mein to kya tum log insulted nahi howoge. Aur jo isse marriage karna chahte hai wo aage aaye."


Atharvane pehle jor se hasa fir ye baat boli aur Crowd ke saamne puri situation clear kar di uske paas koi reason nahi tha apne enemies ko respect dene ka.


Ye baat sunne ke baad waha khade har aadmi ka face green ho gaya tha.


' Shit, main khud suicide kar lunga is ladki se marriage karne se pehle. Jadhav Family itni badi Family hai aur unhone itni ugly Girl select ki hai marriage ke liye. Ye clearly ek insult thi Mayor Family ke liye. '


Ye baat kisi ne Crowd mein boli.


Atharva " Aur mujhe to doubt hai ki ye Ugly Girl tumhari daughter hai bhi ya nahi ? "


Atharva ne ek Cruel smile ke sath kaha.


Karamchand " Aaj se Jadhav Family aur YADAV Family enemies hai. "


Karamchand ek dum gusse se ubal raha tha wo ek dum differently Atharva ko dekh raha tha. Karamchand ek smart person tha to usey ab samajh aa raha tha ki suru se hi wo Atharva ke plan mein fas chuka tha Atharva ne Sohan ka use karke usey yaha parade laane pe majboor kar diya taaki wo inki insult kar sake.


Atharva " Good, mujhe koi fark nahi padta hum enemy hai ya nahi bas is Casket aur mere brother ko apne sath le jaana. Aur mujhe is Casket ka price dena mat bhulna ye bhut mehnga hai. "


JIANG Family ke sabhi member apne Young Master ki performance dekh ke ek dum surprise they. Unhe aisa lag raha tha jaise ye koi stranger ho. Jis useless Atharva ko wo jaante they usme kabhi itne guts nahi they ki wo Karamchand ke saamne aise baat kar sake. Waise Master Sohan kaise marr gaye? Lekin is baat se koi fark nahi padta kyuki Mayor waise bhi Atharva ko hi Pyar karta hai.


'Shameless, despicable, talented'


YADAV Family ke young Master ne Jadhav Family ki reputation ko mitti mein mila diya tha. Jo lambi Parade Jadhav Family leke aayi thi wohi abhi sabse bada laughing stock thi puri Fragrant Sky City ki.


Karamchand " Good, Very Good, Kailashnath tum aur tumhara beta thoda sa wait karo thode hi time tum dono is City mein ruk nahi paaoge. Let's go. "


Karamchand abhi bhut gusse mein tha, wo ek wise man hai aur aaj ek 16 saal ke bache ne uski réputation kharab kar di thi. Baat sirf réputation ki hi nahi thi uski insult bhi huyi thi puri City ke saamne.


Horse ko kick karte huye Karamchand waha se nikal gaya ab wo yaha ek minute bhi rukna nahi chahta tha.


" Atharva ek true man kabhi bhi aise method use nahi karta. Agar tumme himmat hai akele fight karne ki to main Suraj tumhe itna pitunga ki tumhare Father bhi tmhe nahi pehchan paayenge. "


Ek young ladke ne apne horse se niche utarte huye Atharva se kaha. Suraj Jadhav Family ka ek talented young man tha, halanki Karamchand yaha se chala gaya tha lekin wo Atharva ko itni asani se jaane nahi dena chahta tha. Unke paas khone ko kuch bacha hi nahi tha agar wo ab fight karke Atharva ko hara deta hai to kam se kam kuch to honor wapas aayega ye dikhake ki Jadhav Family ke Geniuses YADAV Family ke Geniuses se better hai.


"That's right, Atharva kya tumhare andar himmat hai challenge accept karne ki ? "


Jadhav Family ke doosre young man ne chillake kaha uske face pe arrogance saaf dikh rahi thi. Sabki nazaro mein Atharva ek useless Fool tha, beshak usne Jadhav Family ki insult ki ho lekin Jadhav Family ka koi bhi Genius asani se hara sakta tha aur maar bhi sakta tha.


Atharva " All right, tum mujhe fight karna chahte ho to main tumhara challenge accept kar lunga. Lekin main bina kisi Bet ke fight nahi karne wala. "


Atharva ne smile karte huye kaha. Yaha tak ki Kailashnath bhi jor se has raha tha, uske alawa kisi ko bhi Atharvaki real strength nahi pata thi. Sohan jo ki 9th level pe tha wo bhi Atharva ka koi match nahi tha. Aur Suraj to sirf 8th Level pe hi tha.


Suraj " Thik hai batao tum kya Bet lagana chahte ho ? "


Suraj ek dum khus ho gaya tha ye sunke ki Atharva uska Challenge accept kar raha hai.


Atharva " Hum log is Casket pe Bet lagayenge. Agar main harta hu to ye Casket Mayor Mansion ke front door pe 3 din tak latka rahega. Aur agar tum haare to tum is Casket ko us Sedan Chair pe rakh ke le jaaoge aur apne Front door pe 3 din ke liye latka doge. Agar aisa nahi kiya to Jadhav Family ke sabhi members bastard hai. "


Atharva ne jaanbujh kar jor se chilla ke kaha taaki sab sun sake. Ab Suraj fas chuka tha aur wo Bet ko cancel bhi nahi kar sakta tha kyuki Puri City ne sun liya tha. Agar wo haarke Casket leke jaate hai to wo aur bhi jada laughing stock ban jaayenge aur agar Bet accept nahi karte hai to aur insult hogi inki aur wo bastard kehlayenge. Fark nahi padta result kya ho insult Jadhav Family ki honi thi.


Suraj " Deal "


Suraj ne bina hesitation ke answer de diya jaise Atharva uske saamne koi Ant ho aur wo ye Bet jeet hi jaayega. Isliye usey Bet se koi matlab nahi tha.


Is event ko dekhte huye Crowd mein ek baar firse shor hone laga tha. Unhe laga tha Karamchand ke jaate hi maamla khatam ho jaayega lekin yaha dono Families ke young man aapas mein Fight karne ko ready they aur inki Bet inki Family ki reputation thi. Lekin logo ki attention Atharva pe thi ki ye Useless Fool Suraj joki 8th level pe hai usse kaise Fight karega.




TO BE CONTINUED….

Fantabullastic update bhai
Dil khus or fepra udas ho gaya
Update padke dil khus ho gaya or update ke jaldi khatam honeke wajah se fepra udas ho gaya
Main blowing update
Waiting for next bhai

 

[parkas]

Itachi_Uchiha bhai next update kab tak aayega?

 

[Smith_15]

 

[Smith_15]

Update please

 

[Itachi_Uchiha]

UPDATE NO - 08
The Six Solar Finger​

Ek evil smile ke sath Suraj Atharva ke saamne aake khada hogya.


Atharva " Kya tum taiyar ho Suraj ? "
" Agar nahi to tumhe ek aur mauka deta hu main. "


Suraj " Tum majak kar rahe ho kya? "
" Tum jaise ke sath fight karne ke liye mujhe prepare hone ki jaroorat nahi. "


SLAP!


Jaise hi Suraj ne bolna band kiya waise sabhi ko ek loud sound sunayi diya. Crowd ne bas Atharva ko apni jagah se disappear hote dekha aur fir Suraj ko slap karte huye. Ek slap se hi Suraj niche gir gaya.


Silence!
Ek dum Silence!
Crowd ne pehle Suraj ko dekha jisse khada nahi hoya jaa raha tha aur fir unhone shocking expression se Atharva ko dekha.


" Fuck ! Kisne kaha tha ye ki Young Master QI JING Realm ke 1st level ka useless fool hai. "
" Young Master ke single slap se hi ye Suraj niche gir gaya jisse khada bhi nahi hoya jaa raha. "
" Kon kehta hai Young Master useless hai ? "


" Awesome….., kya Atharva abhi tak apni true strength hide karke rakhe huye tha ? "


" Kya ye hamare Young Master hai ? "
" Ye ek dum different person lag rahe hai. "


Puri Crowd aur YADAV Family ke Guards mein is tarah ki baaate hone lagi thi.


Suraj " Impossible, aise nahi ho sakta? Tumne mujhe kaise haraya ? "


Jisey sabse jyada shock laga tha wo Suraj tha, jo abhi bhi ground pe leta hua tha aur sir bhaari ho raha tha. Atharva ke ek Slap ne usey weak bana diya tha uske body ke andar ki Yuan Power ek dum mess ban chuki thi. Uske paas hilne tak ki strength nahi thi.


2 Young man jaldi se aaye aur unhone Suraj ko sahara deke uthaya, in dono ke hi face pe dare huye expression they.


Bet ko yaad karke to Suraj ko marne ka mann kar raha tha agar wo bina Bet ke ladta to uski reputation down hoti lekin Bet ki wajah se puri Family ki insult ho jaayegi.


Atharva " Chang "


Chang piche se bhaagta hua aaya aur Atharva ke saamne sir jhuka ke bola.


Chang " young Master aapki kya wish hai ? "


Jabse Atharva ne Chang ko 10 Gold coins diye hai tabse Chang ko lagta hai ki Atharva bhut kind hearted hai.


Atharva " Tum is Casket ko JADHAV Family ki Sedan Chair pe rakhne mein meri madad karo. Fir inka picha karke dekho ki ye Casket leke jaate hai ya nahi agar nahi leke jaate to aaj se JADHAV Family ke members bastards ke naam se jaane jaayenge. "


Atharva ne jor se chillate huye kaha.


Blergh!


Suraj ko to ye sunte hi khun ki Vomit ho gayi aur wahi behosh ho gaya. Suraj is time badi dikkat mein tha agar wo Casket leke wapis jaata hai to Karamchand uski body se uski Skin alag kar dega. Aur agar nahi leke jaata hai to City ke sabhi log JADHAV Family ko bastard kahenge. Chahe wo kuch bhi kare lekin Karamchand usko Jinda nahi chodega.


Chang " Yes, Young Master. "


Chang ko fark nahi padta tha kisi se bhi usko to bas apne Young Master ko khus karna tha. Usne soch liya tha aaj ke baad wo Atharva ka har ek order follow karega bina refuse kiye.


Haaa!


Ek loud shout ke sath Chang ne wo bhaari Casket apne Shoulder pe rakh liya. QI JING Realm ke 6th level pe hone se ek Bhaari Casket uthana uske liye easy tha.


Bina kuch kahe aur sune Chang ne wo Casket Jiya jaha baithi thi uske bagal mein rakh diya. Jiya jor se ro rahi thi Apne husband ka Casket dekh ke jo usey aur bhi jyada ugly bana raha tha.


Atharva " Suraj tum log jis kaam ke liye aaye they ab wo pura hua, isliye jaldi se yaha se niklo aur wedding Ceremony ko aage badhao. Aaj se YADAV Family ki kisi bhi Property pe JADHAV Family ka koi bhi member welcome nahi hai. Aur tum jo mujhse haar gaye ho, aaj ke baad mujhe apna face mat dikhana, agar kabhi dikha to tumhe wahi pitna suru kardunga aur itna pitunga ki tumhari Mother bhi tumhara Face nahi pehchaan paayegi. Now, Get Lost ! "


Finally, JADHAV Family ki parade jaha se aayi thi usi taraf wapis Chali gayi wo bhi sirf ek Casket ke sath. Jitni khusi se ye log aaye they. Usse jyada dukh mein ye log wapis jaa rahe they.


Rumors aur discussion puri Fragrant Sky City mein suney jaa sakte they. Jo do Families ke bich mein Conflict tha ab wo another level pe pahuch chuka tha. Sabko pata tha ab Fragrant Sky City ke peaceful din jaane waale hai aur ye jab tak waapis nahi aayenge jab tak ek Family jeet nahi jaati.


Jabse YADAV Family aur JADHAV Family ke relationship kharab huye they us din se hi Kailashnath ek dum busy ho gaya tha. Kailashnath Family ke paas bahut saari properties thi jinme Mansions, Elixir shop, Commerce Chamber aur bhut si chize aati thi. Aur inme se jyadatar properties ko Sohan sambhalta tha. Ab Sohan to mar chuka tha isliye sab kuch Kailashnath ko akele hi sambhalna pad Raha tha.


Atharva us incident ke baad apne Mansion se bahar na aane ka faisla kiya tha. Atharva dusre logo se jyada aage ki sochta tha, uske paas ek simple tarika tha apne enemies ko harane ka aur wo thi Strength. Ye aisa world hai jaha pe Jo Strong hai uski sab respect karenge aur sabse jyada Strong hai usko log follow karenge chahe wo galat ho ya sahi.


Har ek single Warrior ke liye Cultivation talent aur Combat talent bhut jaroori hai. Atharva ne The Dragon Transformation Skill ko Cultivate karna start Kar diya tha jo usko doosro se jyada strength deti thi. Lekin Cultivation Skill sirf Foundation hoti hai aur ek Great Warrior banne ke liye usko Bahut achi Combat Skills ki jarurat padegi.


Saint Origin Universe mein Cultivation Skills ke jaise hi Combat Skills bhi Four part mein divide hai
1. Mortal
2. Earth
3. Heaven
4. Saint
Aur ye each level bhi 3 levels mein divide hai Low, Medium, High.


QI JING Realm sirf ek Foundation realm hai ek person QI HAI Realm mein Breakthrough karne ke baad hi Combat Skill ko practice kar sakta hai. Lekin Atharva doosro se different tha uske paas several Combat Skill ko practice karne ka experience tha. Aur The Dragon Transformation Skill usko normal person se jyada Yuan Energy provide karti thi, isliye filhal QI HAI Realm ke early stage ke Warrior Atharva ka koi match nahi they.


QI JING Realm ke Warrior isliye Combat Skills practice nahi kar paate they kyuki unke paas enough Yuan Power nahi hoti thi Skill ko support karne ki. Lekin Atharva ki story different thi.


Past Life mein Atharva ne Jo Combat Skill Practice ki thi wo thi ' Nine Solar Energy ' jo ki ek Saint level ki thi aur is Skill ko Atharva ne khud hi banaya tha apne liye. Ye bahut hi powerful Skill thi jo surroundings mein se energy collect karke User ko Great benefit provide karwati thi.


Is Combat Skill ko practice karne ke liye Ek strong body aur huge amount of QI energy chahiye. Joki bhut difficult hai achieve karna.


Past Life mein Atharva ne The Dragon Transformation Skill ki jagah Xuan Yuan naam ki skill Cultivate ki thi jo body ko bhut jyada Vital energy QI deti hai. Lekin iske baad bhi wo apni past life mein Nine Solar Energies Combat Skill ke Full potential ko use nahi kar paya tha.


Lekin is Life mein Atharva The Dragon Transformation Skill ko Cultivate kar raha tha, jo Xuan Yuan Skill se powerful hai. Har ek Red Dragon Mark ke sath uske bhut jyada amount mein Vital energy QI milegi aur iske sath wo is life mein Nine Solar Energies ko full potential ke sath use kar paayega.


Atharva " Too bad, main sirf QI JING REALM mein hu aur Nine Solar Energies is World ki sabse Strong Combat Skill hai. Even Divine Core Realm ke Warrior bhi is Skill ko practice nahi kar sakte. "


{ 5 Foundational Realm
1. QI JING REALM (9 Level hai)
2. QI HAI REALM (Early, Mid, Late Stage)
3. MORTAL CORE REALM (Early, Mid, Late Stage)
4. HEAVENLY CORE REALM (Early, Mid, Late Stage)
5. DIVINE CORE REALM (Early, Mid, Late Stage)

ISKE BAAD AATE HAI MAIN REALM JO UPPER 5 HAI WO SIRF FOUNDATION HAI.

6. COMBAT SOUL REALM (Early, Mid, Late Stage)
7. COMBAT KING REALM (First Grade to 9th Grade)
8. COMBAT EMPEROR REALM (First Grade to 9th Grade)
9. SAINT REALM (Minor, Great ) }


" Main abhi ke liye Nine Solar Energies ko practice nahi kar sakta. Lekin mein Six Solar Fingers Combat Skill ko practice kar sakta hu jo ki Nine Solar Energies Skill ka hi ek part hai. Six Solar Fingers Nine Solar Energies ka Foundation hai aur Six Solar Finger ko ek High Earth Level ki skill kaha jaa sakta hai. "


Atharva ne apne face pe ek smile liye ye socha. Puri Fragrant Sky City mein ek bhi Earth Level ki Combat Skills nahi thi, isliye yaha pe koi bhi Six Solar Fingers ko halke mein nahi le sakta tha.


Six Solar Finger mein Six Style they. Har ek Finger ki power alag Level pe thi jaha First Finger kisi bhi Stone ko bilkul Crush kar sakti thi wahi Sixth Finger kisi Mountain ko bilkul wipe kar sakti thi.


Next 3 din Atharva Six Solar Fingers ko practice karta raha bina apne Mansion se bahar nikle. Aur Kailashnath bhi bhut jyada busy ho gaya tha business manage karne mein ki uske paas Atharva ko disturb karne ka time nahi tha.


In 3 dino mein Atharva ne saara time The Dragon Transformation Skill ko Cultivate karne mein aur Six Solar Fingers ko practice karne mein lagaya. Is combination se uski Vital Energy QI se bharne lagi thi.


In 3 dino mein Atharva QI JING Realm ke ek dum peak pe pahuch gaya tha. Bas ek step dur tha QI HAI Realm mein Breakthrough karne se. Jo ek Red Dragon Mark form hua tha wo bhi bas Complete hone hi wala tha. Uske punch ki strength 5000 pound se 8000 pound ki ho gayi thi jo kisi bhi Early QI HAI REALM ke warrior ki nahi hoti.


Haaa!


Garden mein Atharva ek black Robe pehene khada tha aur usne jor se chillate huye apni Finger se ek Golden Ray release ki jo lightning speed se uske Finger tips se nikli thi.


Bam!


Wo Golden Ray waha pe rakhe ek bade se stone ko cut karte karte huye nikal gayi. Jaha se Golden Ray ne Stone ko Cut kiya tha waha pe smoke nikalne laga tha. Agar Fragrant Sky City mein koi is Attack ko dekh leta to pagal ho jaata.


" Main abhi sirf ek Finger hi use kar sakta hu Six Solar Fingers mein se aur abhi bhi ye First Finger ka full potential nahi tha. Aur is Attack mein meri body ki saari Yuan Energy khatam ho gayi. "


Atharva abhi paseeno mein bheeg raha tha aur weak feel kar raha tha attack karne ke baad aur jo attack tha wo bhi First Finger ke real potential ka half tha. Halanki ye powerful dikh raha tha lekin full power se bhut dur tha pura potentiel use karne ke liye aur practice ki jarurat padegi.


Ye bhi badi baat thi ki Atharva First Finger use kar paa raha tha. Kyuki SiX Solar Fingers ek High Earth Level ki Combat Skill thi ek QI JING aur QI HAI Realm ke Warrior itna bhi nahi kar sakte they.


Atharva ne Apne bag se Ek Restoration Pill nikal aur usko apne muh mein daal liya jisse uski Yuan Energy waapis pehle ke Level pe aa gayi. Restoration Pill ek aisi Pill thi jiski jarurat har ek warrior ko padti thi chahe wo koi se bhi realm mein ho. Fragrant Sky City mein Restoration Pill ki kimat 100 Silver Coins thi.


" Is Restoration Pill ki effectiveness sirf 60% hai baaki 40% impurities hai. Rubbish! "


Atharva ne khud se sochte huye apna sir hillaya. Mayor Mansion mein jo Restoration Pill thi wo sabse low Quality ki thi. Uske liye 60% effectiveness wali Restoration Pill kisi garbage se kam nahi thi.


Knock! Knock! Knock!


Atharva ko pehle se hi pata tha ye Kailashnath hi hai, isliye usne apna Door khola to usey Kailashnath ka worried face dikha.


Kailashnath " Atharva tumne fir improvement ki hai. "



Atharva ki QI sense karke Kailashnath ke worried face pe thodi si smile aa gayi thi. Sirf 3 din mein Atharva QI JING Realm ke 9th Level se ek dum peak pe aa gaya tha jaha wo kabhi bhi Breakthrough kar sakta tha QI HAI Realm ke Early stage mein.





TO BE CONTINUED....

 

[Itachi_Uchiha]

UPDATE - 08 post kar diya hai dosto.
Read enjoy it.

 

[Smith_15]