Romance Waqt (वक़्त) ..Short Story...

[Dr. Zeus]

Update 1​

Raat ka time ho chuka tha ek ghar pura shaadi ki awazoon se chehcha raha tha …pura ghar roshni se jagmaga raha tha …per us ghar ka ek kamra is jagmagahat ke bawjood andhere me duba hua tha …usme ek jawan or normal sa dikhne wala ek ladka andhere me khud ko band kiye betha tha ..jaise shaadi nahi ko matam ka samay ho ….

Ladke ke hath me ek tasveer thi ..us tasveer ko dekhta hua who ladka apne soch me gum tha …apne ander shaadi ke baad bhi sunapan liye betha hua tha…

Ki darvaze per ek dastak hui …thak thak !

Ladke ne apne haal ko thik kiya or gate khola …

Samne ek adhed umar ka admi uske samne tha …us admi ne us ladke ke kadhe per apna hath rakha or bade apnepan se use kaha “ beta time ho chuka hai barat ke chalne ka …bas tum tyaar ho jao ..”

Ladka apne dukhon ke Bhawar se bahar aaya ..or usne us admi ko ek sakhat tarike se kaha “ papa main bas 15 minute me aaya …”

Us admi ne bade apnepan se kaha “ bete dunia me rukna insaan ke bas ki baat nahi hai …kisi ke aane jaane se zindagi ruka nahi karti …tumhari maa ke dunia se jaane ke baad bhi maine zindagi ko tum bhai or behan ke naam kiya na …jaanta hun abhi tum dukhi ho per yeh dukh bas kuch pal ka hai khushiyaan tumhare samne hai …ab tum per hai …ki un khushiyon ko apnao ya andekha kar do …kehte hain maa baap ka faisla us upperwale ka faisla bhi hota hai …waqt hai dukkh ka guzar jayega …jab humesha sukh nahi rehta toh dukh bhi humesha nahi rehega …vishvash rakho..”

Ladke ne lambi saans li or kaha “ aap chalo main aata hun ..15 minute me “

Ladke ko us admi ne kuch nahi kaha …who uske baad apne raste chala gaya ..uska akelapan apne aap me simta hua tha …

Time bita or ladka kuch der baad barat ke sath Dulhan ke ghar barat lekar shaadi ke liye tyaar tha …

Jisne bhi uski Dulhan ko dekha usne us ladke ki kismat se thodi ya kam jalan mehsoos ki …yahan jalan us ladke ke sathi umarwalon se hai …

Time bita ladka us Dulhan ko lekar ghar aa chuka tha …us Dulhan ke sath us ladke ne suhagraat ko bhi duri bana rakhi thi …dulhan ne kuch nahi kaha isko lekar shayad who apne husband ki dimagi situation samjhti thi …

Us ladke ki nayi biwi ne haar nahi mani …or har tarah se apne husband ke liye care or pyaar se aakhir uska dil jit hi liya …

Kuch mahine baad aakhir kar who lakda apni biwi ko accept kar chuka tha …

Us ladke ka kya past tha ..uski biwi ne usko itna support kyun kiya or uske baare me us ladke ke pita ne aisa kyun kaha …iske piche us ladke ka past tha …jo aapko jaana jarori hai ..



Ek family thi jiske mukhiya Sunil verma ek chote bank ke peon hua karte the ..uski biwi shaheen naaz …jinki mout apne bete ke paida hone ke koi 6 saal baad ho gayi thi ,..

Haan aap sahi samjh rahe hain ..shaheen Naaz sunil verma ji ki biwi thi …dono chote ilake me raha karte the …dono me pyaar hua ..per dharam or mazhab ki diwaar unke pyaar ko naa rok …saki dono ne ek hone ka faisla kiya …per dono ke hi gharwale is shaadi ke khilaaf the ..

Per dono ne apni taraf se har mumkin koshish ki thi ..ki gharwale unke pyaar ko samjhe ..per aisa filmo me asani se ho jata hai ..asal zindagi me kam hi hua karta hai …so dono ne thak haar kar shaadi ki or dusre sheher me apna jahan basane chale aaye ..

Dono ne ek chota ghar kiraye per liya or apna sapno ka ashiyaan bana liya …

Time bita or sunil ji ka job ek chote se bank me lag gaya ..ab sunil babu or shaheen dono ke ghar ek nanhi pari ne janm liya jiska naam undono ne …poonam rakha …poonam ke paida hone ke baad sunil babu ki kismat me jaise naye pank lag chuke the …

Unka job ab permanent ho chuka tha ..or salary bhi bad chuki thi …usme shaheen ne sunil ko naya ghar lene ko kaha …uska armaan apne ghar ka tha …sunil ne bhi ek naya ghar kuch asaan kistoon me le liya tha …

Time bita koi 5 saal baad shaheen ne phir ek nanhe bache ko janam diya jiska naam khud shaheen ne bade chaav se Yash rakha tha… yash koi aam sa bacha hi tha ..per apni maa ki aank se dunia me sabse sunder tha …sunil bhi or choti Poonam bhi bahut khush the yash ke aane ke baad se …

Time bita yash koi 6 saal ka hua toh achanak ek din shaheen ki accident se unconditional death ho chuki thi ..

Iska pure parivaar per ek alag asar hua …sunil toh tut hi gaya tha ..shaheen uske liye kyat hi kehne ki jaroorat nahi thi …nanhe bache agar sunil ke samne nahi hote toh shayad sunil bhi kuch galat kar bethta ..per nanhi Poonam or nanhe yash ko dekhkar ..sunil ne unke naam apna jivan kar diya ..

Usne kaise dono ko bina maa ke pala yeh toh sunil hi janta tha …usne har mukamal koshish ki thi ..apne bachoon ko sahi parvarish dene ki …

Jo usne di bhi time bita …poonam ki shaadi sunil ne karwa di thi …ab us ghar me sirf dono baap bete hi raha karte the …yash aajkal ke ladko jaise hi tha ..ek normal sa ladka ..jise na jada handsome keh sakte hain na koi hero type personality ka mailk …jawan hote yash ki personality ek ache smart or ache decent person jaise hi thi …uska apna ek charm tha ..aap kahoge yeh kaise possible hai ??? toh apne aas pass dekhna hote hain kuch loog jo hero na hote hue bhi hero se kam nahi hote unka apna style statement hua karta hai ..

Yash bhi jawani hote ladke jaise ek jismani badlav se guzar raha tha…or jaisa hota hai umar ke jawani wale padaav per jism me kuch badlaav hote hain ..jisme mard mukmal mard banta hai ..time period ke baad daadhi much aana or sharir ka vikas kudrat apnea ap karti hai or usme bina nashe wale har insaan ko apne hathon se sajadeti hai..bina nasha matlab …smoking, drinking ya othe bad habbit ..jo aajkal bache kam umar me hi apnakar apna kudrati groth khud rok dete hain…

Khair yash ab collage student tha ..uska pehla din uske introvert nature ke chalte na jada acha tha.. na jada bura ..balance kehna sahi hoga ..

Yash kuch dino me hi collage life ka aadi ho chuka tha …ek saal baad uski mulakat apne 1 saal junior Naazneen Khan se hui …who yash ke dil me pheli nazar me hi bas gayi thi …

naazneen khan urf naaz ..apne collage admission me jab pehli baar collage me aayi toh har single ladke ne use dekkar ek ahh bhari thi …kyuki naaz ek sunder or modern khule mahool ki ladki thi …

jiski life me har movement apne aap me kisi film jaisa tha …uska shock bhi filmi tha …use hero ka ladna ..filmi romance bahut pasand tha ..uska pehnava bhi western se inspire tha …matlab tore jeans or printed tshirt normally uska real outlook tha …uski family background bhi achi thi ..so uske family me uske pehnave ko lekar koi waad-vivad nahi tha …

yash ki naaz se mulakat uske first day per hui thi ..jab senior ragging le rahe the …yash ne naaz ko dean ke office me bulyaa hai kehkar use ragging se bachya tha …or usi ke sath time bita ..

or naaz or yash ki dosti kab pyaar me badal gayi yash ko or naaz ko khud nahi pata chala…

yash ne naaz ko apne family background ke baare me sab bata diya tha ..or iske baad naaz kai bar yash keg har bhi gayi thi …yash ke papa sunil bhi naaz se milke khush the …poonam bhi ek ya do baar naaz se mil chuki thi …

naaz ne bhi yash ko ani family me milvaya tha …uske ghar jakar pehli baar yash ne mehsoos kiya tha ..ki life style ka matlab kya hai …means uske ghar ke muqbale naaz ka ghar bada nahi kisi qile jaisa tha …kyuki naaz apne family me sabki ladli thi …uski har farmiyaish jaise uske maa-baap ke liye naaz ka farman hua karta tha ..jise dono har haal me pura kiya karte the …

yash thoda sa nervous tha per naaz ke family ne use hathon hath liya ..use kisi tarah mehsoos nahi hone diya ki yash unse kam ya gari bhai …yash bhi bahut khush hua wahan jaakar …

yash or naaz ki zindagi achi jaa rahi thi ..per use nazar lagi naaz ke filmi shock ki wajah se …hua yeh ki naaz ne koi movie ke liye yash se kaha yash or naaz dono theater me movie ke liye gaye the..

hero naaz ka pasandida tha …uski fight or har dialogue per naaz apni seat se uchal uchal kar maze lle rahi thi…yash sirf naaz ko dekhkar hi khush tha …

movie khatam hui toh bahar nikale yash or naaz ab naaz ki tore jean or uske figure ko dekhkar kuch manchale comment karne lage …

naaz per movie ka bhut sawar tha …who khud bhid gayi ..samne se yash ne use piche kiya or un logon ko samjhya …toh is per or loog bhi unladkon ko samjhne lage …who ladke uske baad apne raste chal diye …

per naaz yash ke is bartav se khush nahi thi ..usne yash se kaha bhi ..

naaz “ yeh kya tarika hai …kya tum unke kaan per nahi laga sakte the …kaise mard ho tum jo tumhare hote hue bhi koi mujhe ched jaye ??”

yash “ dekho naaz filmi life or real life me anter hota hai ..film me hero bahuton ko marta hai per asal zindagi me aisa nahi hota …film me marne wala zinda ho jata hai ..per asal me marne wala zinda nahi hua karta …yahan kanoon hai jiske samne sab chote hain ..”

per naaz is baat per or gussa ho gayi ..per yash ne kai din naaz ko manaya or baat aayi gayi ho gayi thi ..per naaz ke dimag me yeh baat beth chuki thi …

or uske baad yash kyuki educationally bright student tha ..so class me akasar ussse koi na koi help manga karta tha ..or yash bhi sathi ki tarah sabki madad kar diya karta tha…per ek din naaz ki dost neha jiski badi behan yash ki class me hi thi ..yash uski madad kar raha tha ..per naaz ne jis angle se dekha use kuch or hi laga ..jisper naaz ne yash ko sabke saamne suna diya …jisko lekar yash ne safai deni chahi toh naaz ne uski ek na suni …ache se sunakar yash ko naaz chali gayi …

yash ko bahut bura laga tha ..per us ladki ne neha ke sath jakar khud naaz ko suchai batai tab jakar naaz ka gussa shant hua …or usne yash ko iske liye sorry bhi kaha …

yash ne bhi naaz ko iske liye maaf kar diya …neha ko us time yash ke liye bahut bura laga tha ..per mamla uski friend or uske boy-friend ke bich ka tha ….per iske baad bhi kuch wakye hue jisme naaz ne apne filmi love ke chakkar me yash ko suna diya tha…per yash har baar naaz ko kuch nahi kehta tha….khud neha ko kai baar yash ke liye bura lagta tha…

time bita or yash ki degree puri hui yash ne aage job karne or sath me MBA karne ka socha…

per paise or resource ki kami ke chalte use job nahi mili per uska admission ek ache scholarship ke sath hua tha… ab yash khali time me apne liye job dundha karta or baaki time me MBA ki tyaari karta …uske paas kai baar lunch karne tak ka time nahi hua karta tha …

ab kyuki job permanent thin ahi toh jab jaisi job milti yash waisa kaam apne jeb kharch ke liye kar leta ..per aab naaz se uski baat kaafi had tak simat gayi thi ..time na de paane ke chalte ..or sath ne collage me aane wale naye admission ne yeh kami bhi puri kar di thi…

ek naya ladka aaya tha ..shakil Akhtar …jo dekhne me acha khasa tha ..or paise wala hone ki wajaah se uske shock bhi waise hi the …girl-friend badlna uske liye kapde badlene jaise tha ..or aab uski nazar thi naaz per …

usne jaal fenka or naaz se dosti ki ..or har roz who naaz se uske boy-friend ke baare me puchne laga ..toh naaz ne bataya ki uska bf job karta hai …ab job yash kya karta hai ..yash ne naaz ko kaha nahi tha..so naaz ne bhi aage nahi kaha ..

shakil har roz naaz ki tarifen karta or uske karib jaane ka koi mouka nahi choadta ..naaz bhi use ek acha dost hi samjhti thi.. per shakil ek ache shikari jaise jaal me machli fansne ka intzaar kar raha tha …

or who mouka us milla bhi ..ek baar ki baat hai ..woh naaz or uski kuch friends ko apne sath kisi ache restaurant me treat dene le gaya …shakil ne us time naaz ki achi tarif ki or naaz bhi apni tarif sunkar khush thi ..per neha hairan thi ki yeh sab chal kya raha hai..

shakil ne naaz se kaha ki uska bf dunia ka sabse lucky insaan hai …kaash who use or time de pata ..jisper naaz ko bhi yash ki kami khali …

shakil ne order diya or jab waiter samne aaya toh sabse jada naaz hairan thi ..kyuki yeh or koi nahi yash hi tha ..jo koi bada kaam na milene ke chalte kuch time se chote bade koi bhi kaam kar liya karta tha…

 

[Dr. Zeus]

Update 2

​

yash samne se naaz ko dekhkar khush hua ..per naaz ko yeh insult feel hua …uski friend bhi ysh ko dekhkar shocked thi …naaz wahan se uthkar chali gayi..gusse me …shakil ka plan pura hua yash ko naaz se dur karne ka ..

asal me shakil ko pata tha yash ke is job ke baare me tabhi usne aajki treat plan ki thi ..taaki yash ko aise dekhkar naaz sharminda feel kare ..or yash se dur ho sake taaki …naaz uske or nazdeek aa sake …

or aisa hua bhi yash ne uske baad kai baar naaz se baat karne ki koshish ki ..”ki waqt hai badal jaeyga …bas kuch waqt or uske baad jab uska MBA pura hoga toh acha job kar lega “

per naaz toh kuch sunne ke mood me hi nahi thi …kyuki shakil use ache se bhadka chuka tha …naaz ne ache se suna diya yash ko …phir se neha ne naaz ko roka bhi ..kyuki who bhi yash ke jaise lower middle class se aati thi ..use pata tha ..ki yash abhi jo kar raha hai usme yash ki galti nahi hai ..kaam chota bada nahi hota ..per halaat or waqt insaan ko kab kya karwa den yeh kismat hi janti hai…per naaz ne neha ki ek na suni …

yash apna sa muh lekar chala gaya …usne socha ki shayad kuch time baad naaz maan jaye jaisa pehle bhi hua tha …per usse ulat naaz ki nazdiqikiyan ab shakil se bad rahi thi …neha ne use toka bhi toh …naaz ne saaf keh diya ki yeh uska matter hai ..woh usse dur rahe …neha karti kya ??? chup ho gayi…



udhar yash ko pata chala ki naaz aajkal shakil ke sath hai so use yakin nahi hua …usne ek baar khud naaz ko apni aankhon se dekha ..ki shakil ke sath naaz ki nazdiqi kitni bad chuki hai ..

yash naaz ke samne tha ..ek ache restaurant me shakil bhi naaz ke sath tha ..or har baar ki tarah naaz ki kuch khaas friend uske sath thi …yash ne naaz ko akele me baat karne ke liye kaha ..toh naaz ne saaf saaf inkar kar diya ..shakil apni jeet per khush tha…

naaz” jo kehna hai sabke samne kehdo mujhe akele me koi baat nahi karni tumse .kyuki tumne mujhe insult feel karwaya hai …naaz ka bf ek waiter chi chi …pata bhi hai mere level kya hai ..”

yash “ sorry naaz janta hun bataya nahi tumko yeh meri galti hai manta hun ..per yeh bhi such hai job bas waqt ke hisaab se kar raha hun ..koi kaam chota ya bada nahi hota insaan ki soch choti badi hoti hai …dunia me sab badalta hai waqt kab kise aamir banade kise pata hai ..or kise aamir se garib banade yeh sirf waqt hi janta hai ..”

naaz “ apni galti nazar nahi aati per lecture mujhe bahut dete ho ..mujhe kuch nahi sunna aaj ke baad mujhe shakal mat dikhna apni …I just hate u ..“

yash “ per aisa hua kya …jo tum aise react kar rahi ho ??..pehle se tumhe pata hai ..main ek mamoli insaan hun job karna shock nahi …halaton ki demand hai ..so karta hun …jab lagega ki kuch or kar sakta hun..toh shayad kuch or kar sakun …tumse pehle bhi kuch nahi chipyaa tha ..pyaar karta hun tumse ek baar sochkar dekhna jaroor ..”

naaz “ bahut hua mujhe or sochne ki jarorat nahi hai …we are done with it …ab or nahi seh sakti main tumhe…I just hate u ..”

yash “ ok but jaate jaate ek baat jaroor kahunga ..maine tumko dil se chaha hai or humesha tumhari Khushi or ehmiyat di hai ..chahe meri galti ho ya na ho …humesha tumko hi uncha rakha hai …per baat yahan tumhari Khushi ki hai …so yeh bhi sahi …manta hun shayad kuch time lage kyuki pehla pyaar ho mera…per waqt ke hath sab ki kismat ki door hai …jo who chehga who hi hoga…kyuki purpose bhi maine hi kiya tha ..so aaj breakup bhi main hi karunga …kyuki yeh galat-fehmi me tumhe nahi dena chahta ki dunia me tum hi ek ladki ho …hum ladke bhi izzat rakhte hain ”

thoda zor se yash ne kaha “so ladies and gentlemen I just officially announce that me and my gf are official breaking -up …main naaz se break-up kar raha hun …dua karunga tum khush raho ..thanks for being honest with me …”

naaz or shakil ko dekhte hue yash..” waqt or halat aaj mere khilaf hain koi baat nahi per agar main imandaar hun toh dekh lena …ek din tumhara waqt bhi badlega tab shayad tumhe afsoos ho kyuki maine aaj tak bewafai nahi ki tumse per bahut hua ..aajke baad yash tumhare life ke kisi page per nahi hoga ….ok bye ..” yash ki aankhon me nami aa chuki thi ..yash uske baad bheegi Aankhen liye chala gaya ..

naaz ki aakhon ke samne abhi shakil Chaya hua tha …use yash ke aansoo nahi dikhe …per neha or uske sath ki har friend uthkar bahar chali gayi …yash ko pehli baar shayad kisi ne rote hue dekha tha ..neha uske baad naaz ke sath kabhi nahi ruhi …yahi haal or friends ka bhi tha ..naaz ke liye yash ke ansoon ka koi mol nahi bacha tha …so use jada farak nahi pada ..

baat aayi gayi ho gayi thi …naaz ko uske kuch din baad hi shakil ne purpose kar diya ..or naaz ne bhi haan ki formality nibha di thi…dono ab khulkar apni zindagi ji rahe the …



udhar yash jab ghar aaya toh dil kholkar roya …uski Aankhen sujane tak roya ..jab shaam ko sunil aaya ..toh usne yash ko is haal me dekha toh pucha ki hua kya hai ???

yash ne kaha “ papa mere pyaar haar gaya “ or apne baap ke gale lag kar khub roya …

jab thoda shant hua toh usne sab sunil ko bata diya …sunil ko bhi bahut dukh hua …per usne yash ke haal ko samjh or ache se uska dhyaan rakha …yash tut gaya tha …under se per sunil ne baap hone ke naate yash ka har kadam per sath diya …uski care dekhkar …yash ne khud hi kaha usse ..

yash” papa aap befikra rahiye main koi stupid harkat nahi karunga ..kyuki zindagi ki ehmiyat me ache se jaanta hun ..or aapko bachpan se dekha hai ..yeh zindagi aapki di hui hai ..use kisi or ke piche main nahi barbaad kar sakta …haan abhi dukhi hun …kya karun pehla pyaar hai …janta hun ab sath nahi hain per thode waqt baad hi shayad thoda normal ho jaun jakhm abhi taza hai toh dard jada hai ..ap daro nahi aapka beta koi aisi waisi harkat nahi karega ..promise karta hun “

sunil ne jab yash ki yeh baat suni toh use bhi rona aa chuka tha…kyuki sunil isi cheez se dar raha tha ..ki jawani ke josh me yash kahin khud ko koi nuksaan na phuncha de ..per yash ne uska dimaag pad liya tha ..

sunil ne yash ka matha chum liya …or kuch din baad yash ab thoda thik tha ..usne khud ko bussy kar liya tha …kyuki uske liye naaz ko bhulana asaan nahi tha…

so yash khud ko jada se jada busy rakhta tha …or uska yeh busy rehna uske liye ek vardan jaisa hua …yash ne MBA me gold medal jeeta ..or sath me ek achi placement job bhi use mil chuki thi …usne job join ki ..or apne aap ko kisi machine ki tarah busy kar diya …din raat kaam …kaam or sirf kaam . uski mehnat rang layi or office me bahut hi kam time me use apni post se upper ki post per promotion haasil kar li thi …

sunil yash ki mehnat se bahut khush tha …per yash ko dekhkar darta bhi tha …kyuki yash ka akelapan use ache se mallom tha …do saal bitne ke baad bhi aaj tak yash ne aajtak kisi ladki ya ladke se dosti tak nahi ki thi ….din shuru hota yash ke kaam ke sath or khatam hota toh uske kaam ke sath …beti Poonam toh apni life me settle thi uski do bache ho chuke the …or who wahan khush thi …per yahan sirf dono baap or bete hi bache the …yash samne se sunil ya kisi se kehta nahi tha per …kabhi kabhi apne room me andhera karke khud ki tanhai ke har us panne per khud ko tanha pata jahan kabhi khushiyaan uske daman ko thame uske sath uske paas hua karti thi …per har us panne per yash khud ko tanha pata …yash ne aaj tak naaz se milne ki koshish nahi kit hi …na uska dil kiya kyuki …baat jo usne us time naaz se kahi thi ..woh apne aap me yash ka faisla tha ..jise sahi ho ya galat ab yash ko manna tha …

yash apni life me taraki or unchai ke mukam per tha aaj uske pass har who cheez thi jo ek admi ki jarorat puri karti hai ..per tanhai use apne baap sunil se virasat me milli thi..dono baap bete ek naye ghar me aa chuke the …yeh ghar pehle wale se bada or araam se bharpur tha …per us chote ghar me who tanhai jo dono ko thodi kam lagti thi yahan who bade ghar ke size ke sath or jada mehsoos hoti thi ..per dono ek durse ke sath rehte the …ek dusre ke dard ko samjhte bhi the ..per samne se kehte nahi the.

Jaise dard per baat karna mana ho yahan ..per naye ghar me ek naukar mila jo umar-daraz tha …jiske sath sunil kia chi patne lagi thi ..dono umar me jada the so ..apne apne experience per baat karte ..so usne hi sunil ko kaha ki yash ki shaadi karwa do …sunil sochne laga ki baat toh sahih ai …beti apni life me sattle hai or beta bhi ab shaadi kar sakta hai ..

So sunil ne yash se baat ki shaadi ko lekar per yash talne laga…toh sunil ne bhi haar nahi mani ..or karib ek mahine baad usne yash ko shaheen uski guzari maa ka wasta dekar finally mana hi liya or uske baad shuru hui bhaag daud yash ke liye ladki dundhne ki ..or ek ko dekhkar sunil ne final bhi kar diya ..yash ne sab kuch apne baap per hi choad diya tha …uske liye sunder ya badsurat ab koi mayne nahi rakhta tha …

Time bita or sunil ladki dekhne yash ke sath ladki ke ghar me jab ladki ko dekha yash ne toh ladki or yash dono chonk gaye the …kyuki yeh ladki neha thi …wahi neha jo naaz ki friend thi …neha yash ko dekhkar bahut khush thi uske liye yash ek sahi insaan tha ..jaise naaz ne yash ko dhokha diya tha …usse neha ko yash ke liye ek soft corner tha …yash use shuru se hi pasand tha ..or jabse yash ne naaz ko choda tha usne bhi naaz ka sath choad diya tha …aaj yash ko khud ke samne pakar neha Khushi se jhum uthi thi …per yash neha ko dekhkar fir se aaj ek baar phir purane zakhmo ko uske samne le aya tha …

Sabne yash se kaha neha se mill lo …yash or neha kuch der me amne samne the …

Neha or yash dono hi soch rahe the …shuruwat yash ne hi ki …

Yash “ neha tumse kuch chupa nahi hai …mera who past tumhare samne hai …or ek yeh bhi such hai ki naaz se pehle koi or nahi tha …or naaz ke baad bhi koi or meri zindagi me nahi aayi …so tum agar mujhe pasand nab hi karo toh mujhe tumse koi shikayat nahi hai …jo chaho faisla lelo…”or yash uske baad wahan se chala gaya tha …

sunil ko lekar who apne ghar nikal aaya tha …kyuki usne wahin keh diya tha ki ab faisla neha ke hath me hai …yash pehle jaise shant tha kyuki use lag raha tha ki neha shayad hi use pasand kare …

per ab soch me toh sunil tha …use neha ko dekhkar jo ummid thi ki shayad neha ke sath yash shaadi kar le …per yash ke baat karne ke baad se sunil be subri se neha ke ghar se haan ya naa ke call ka intzaar kar raha tha …

thodi der hui raat hui …per call na aaya …sunil darr gaya …yash ne toh ek baar bhi na pucha …jaise use pehle se pata tha ki shayad neha use reject kar degi …

us raat yash chain se so chuka tha per sunil soch raha tha apne bete ke liye … per kar kya sakta tha..ek baap ???

raat biti agli subha ghar ke bahar dastak hui sunil or yash samne the …samne neha ke ghar se haan ki khabar thi … sunil or yash dono hi hairan the ..dono ki apni wajah thi …sunil Khushi se hairan tha…

toh yash naaz ke janne ke baad bhi neha ne haan kaha hai ..yeh sochkar hairan tha ..per jaisa tay hua tha …yash ne shaadi ke liye haan keh diya …or kuch hi din me neha yash ki biwi thi …

neha ke sath yash pehle raat ko sath nahi soya tha …per neha ne bhi iske liye yash ko jimmewar nahi mana …usne apne pyaar or izzat me kisi baat ko lekar kami nahi aane di …kuch din baad hi who apne susar ki bahu se beti ban chuki thi …

har roz yash ka har jarori kaam neha ke haath me hota …neha jaane anjaane me yash ki aadat ban chuki thi .per yash manne ko tayaar nahi tha ….per jab neha ki badi behan or yash ki saali ko bacha paida hone ka time aaya toh neha apne behan ke ghar gayi thi …

who waqt yash ke liye who pal tha jab use neha ki ehamiyat pata chali use pana har jarori saman yaad nahi tha …sabse badi baat who ghar me neha ko roz muskurate hue dekha karta tha ..woh ab missing tha ..yash se raha nahi gaya us din …

agla din nikalte hi yash saali ke ghar me sabke samne tha …neha hairan thi …per yash neha ka hath pakad kar sath me use akele me le gaya ..or jaise hi akele hue dono miya biwi …yash ne neha ko apne seene se laga liya ..

yeh who pal tha jisme yash or neha dono ne ek dusre ko apna sab kuch maan liya tha …yash ne khul kar neha ko pyaar ke liye purpose kar diya tha …neha ki aankhon me aansoo the …per rote hue bhi uske hoton per ek dilkash muskrahat thi …

dono aaj ek dusre ke ho chuke the …time bita yash or neha ke ghar bhi pyaar ki barsaat judwa bachoon ke roop me hui …

yash or neha dono ab har pal ek dusre ka sath dete the …or unke pyaar or judwa bache dekhkar sunil bhi khush tha ..poonam bhi apne bhai ke pass uske dono judwa betoon ko dekhne aayi thi ..or neha toh uski favorite Bhabhi thi …dono Bhabhi or nanad kam friend jada lagti thi …

aaj nanad ke aane ke baad nanad ne bhi Bhabhi ko bhai ke sath jaane ko kaha …yash or neha dono bachon ko sath liye ek mehnge 5 star hotel me ek shaam ke liye saath the ..dono ne apne naye life ko lekar kuch ache sapne saza rakhe the …so dono ne aaj ki shaam ko ache se enjoy kiya ..

dono is baat se bekhabar the ki koi undono ke dekh raha tha ..dono hotel se parking me chale apni car ki taraf ek beta neha ke haton me tha or ek beta Yash ke hathon me tha …

dono ek dusre ko Khushi se dekh rahe the ..ki samne ek insaan aa chuka tha..jise dekhkar dono chonk gaye …who insaan koi or nahi naaz thi jiske aankhon me aanso the or dono hath jude hue the maafi ki mangne ki mudra me ..

yash ne naaz ko dekha or dekhkar andekha kar diya or apni car me aa chuka tha ..per neha ne naaz ko dekha or yash ko usse baat karne ko kaha ..

yash ne saaf saaf mana kar diya yeh kehkar ki ab use naaz ke samne jane me koi interest nahi hai …

per neha ne zor diya toh yash car me apne bete ke sath bahar aa chuka tha …naaz ke samne ..

naaz ka rote hue bura haal tha ..

naaz “ sorry yash tum sahi the …maine such me tumhe pehchanane me galti ki shakil ne mere sath bahut bura kiya usne mere mms bana liya or use viral bhi kiya mere papa ka business tabah ho gaya us badnaami ka daag aaj tak mujhe chain se sone nahi deta humara ghar or bahut sa property lose hua main kahin ki nahi rahi..shayad mere galat kaamo ka natija tha ..tumhari baddua mujhe lagi…tumne bilkul sahi kaha tha …waqt hai badal jayega ..or dekho waqt such me badal gaya …aaj main apne kiye per maafi maangne tumhare samne hun ..ho sake toh mujhe maaf kar dena …” naaz ne rote hue kaha …

Yash “ pehli baat maine sirf tumse pyaar kiya …bepanah pyaar kiya kabhi tumko sahi galat ke tarazoo me nahi tola …per tumne jo mere sath sabke samne bartaav kiya usme maine kitni zilalat sahi mera dil janta hai..maine uske baad bhi humesha tumhari salamati ki dua hi mangi …kyuki tumse maine sirf pyaar kiya tha …so yeh kehna ki meri baddua lagi sahi nahi hai ..kyuki baddua bura karne wale ko bhi maine nahi di …or tum toh se toh maine dilo-jaan se mohbbat kit hi ..tumhare liye bura kaise soch sakta hun ..yakin maano aaj tak maine tumhara bura nahi chaha .tumhare jaane ke baad main kitna tadpa yeh main hi jaanta hun ..yeh mere papa ke sankar hi the jinke chalte maine sharab ya kisi nashe ka sahara nahi dundha ..tumhare jaane ke baad mera dil or dimaag kisi or ladki per bharosa karne ko tyaar nahi tha …papa ki zid ke aage maine apne ghutne tek diye kyuki papa ka haq mujhpe khud mujhse bhi jada hai …per tumhare us bartaav ke chalte main neha ko sahi darza nahi de paya ..per neha ne kabhi iske liye mujhe kaha nahi ..usne har kadam har mod per mera sath diya …jahan tum har baar sabke samne mujhe zalil kiya karti thi ..maine tab bhi koi jawab nahi diya tumhain ki shayad aaj nahi toh kal tum mere pyaar ko meri kamzori na samjho ..per tumne har mod per mujhe or logon ke samne kamzor hi aanka ..per mujhe ab bhi tumse koi shikayat nahi hai ..kyuki jo us din tumse wada kiya tha ..ki tumhe palat kar kabhi sakal nahi dikhaunga so…aaj bhi main usi per kayam hun…”

Yash ne neha ko car se bahar aane ka ishara kiya ..neha ne mana kiya per yash ne zor diya toh who bete ko car me litakar bahar aayi ..yash ne uske hathon me apne hath se bete ko dete hue ..neha ko kandhe se pakad kar naaz ko dikhate hue kaha …

Yash “ haan maine tumse pyaar kiya tha ..shayad aaj bhi dil ke kisi kone me tum kisi yaad me ho..per main ab sirf or sirf apni neha se pyaar karta hun…isliye nahi ki who meri biwi hai ..balki isliye ki use meri parvaah tab bhi thi jab who mujhe janti bhi nahi thi ..or aab …ab toh neha mera sab kuch hai ..main neha ke sath bahut khush hun yeh dono bache humare pyaar ka sabot hain …tum ko mujhe se na tab pyaar tha ..na ab hai ..aaj bhi shayad tumne hum dono ko khush dekha toh tumhare dil me ek aag lag gayi ki main khush kaise reh sakta hun …mujhe toh dukhi hona chahiye yeh tum ladkiyon ki soch hai ki har ladka chahe tumhare sath ho ya tumhare bina bas tumhare aage piche bas majnu bana firta rahe jaise uska toh koi wajood hi nahi hai …yahi wajah thi ki samne se us din maine tumhare sath apna Rishta khatam kiya tha …or aaj bhi tumhe na meri koi parvah hai bas tumhe dukh is baat ka hai ki main khush kaise hun ..tumne pyaar ka khel bana kar rakh diya …aaj bhi tum is baat se dukhi ho ki main khush kaise hun….kaan kholkar sunlo … neha se main beinteha pyaar karta hun or yakinan tumse toh kahin jada ..ab meri har sans me neha hai ..tumhare liye meri pass sivay humdardi ke or kuch nahi hai …kyuki tum jaisi ladiyaan bas khelna janti hain dilo se or kuch nahi ..agar koi madad chahiye toh call kar dena number aaj bhi wahi hai ..itne saalo me tumne kabhi call kiya nahi …tumse maine pehle bhi koi ummid nahi ki thi …na ab karta hun …haan jo bhi madad hogi kar dunga ..per pyaar toh kya nafrat bhi nahi hai tumhe dene ke liye kyuki waqt hai ..badal jata hai ..per waqt ache or bure ka fark bhi sikha jata hai ..so good bye miss naaz ..dua karunga ki life me kabhi tumhara mere amna samna na ho ..” yash apna card naaz ke hath me thama kar chal diya apni neha ke sath jahan neha yash ke pyaar ko dekhkar khush thi ..toh naaz ke liye dukhi bhi thi ..per naaz khud iski jimmewar thi..

Yash ne neha ko apne sath liya or naaz ko rote hue choad gya us parking me …jahan naaz yash ki kahi har baat me apne guzre waqt me yash or apne palo ko yaad kar rahi thi..shayad waqt ab uske liye bhi badal chuka tha ….



The End ...

 

[kamdev99008]

bahut badhiya.....

Jindgi me use apnao jo apko ahmiyat de....

 

[Avinashraj]

Wow beautiful story bhai

 

[Arjun Singh 72]

Bhai bhot jaldi main katam kiye the kuch update le lete

 

[Yash420]

Bhai aap ne aaj Woh jakham ko fir se khol dia jisko bhulne ke liya Yash se Yash 420 ho Gaya main sayad kahani mere upper Nahi hai lakin issai milta julta gum hum nai bhi khaya hai aaj bhi Woh din bhulane se bhi Nahi bhulta hai
Bhai ,
Dard se rista hai mera
Khushi mere nasib main Kahan
koi humse pyar kare
Itna khushnaseeb hum Kahan
Dil se Sukriya Bhai aap ko is kahani ke liya

 

[Punnu]

Osm ? short story hai brother.....maan gye guru aap long story to likh rhe ho par apki ye short story bhi sach me kabiletarif hai hats off brother ....bhai aaj kal bf gf , sacha pyaar ,sirf naam ke hote hai ... jyadatar me sirf hawas hoti hai or jis tarah apne is story me dikhaya sach me aisa lga jaise ye sab meri aakho ke samne ho rha ho .....ek baat sach kahi aapne yaara waqt hai badal jayega ...or waqt kab badal jaye kisko pta ....
I hope yaara aap hamare liye aisi story likhte rhe ....

 

[nilu12]

oh kahte hai na...
DIL RO RAHA HAI MERA PAR ANKH NAM NAHI
kuch waisa hi hal hain ye story padhake.
dr. bhai rula diya yar..
but end acha waha rote rote thodi muskrahat dedi.???????

 

[DAIVIK-RAJ]

Lajabab story brother

 

[Akil]

Nice par yeh story kaafi elaborate bhi ho sakti hai?