- 78,222
- 113,744
- 354
Behad hi khubsurat rachna,,,,
Is aakhiri part ko padhne ke baad mujhe lagta hai ki is aakhiri part ko do bhaago me baant sakte hain. Ek to sangharshon se bhari khoj aur dusri mohabbat se bhara tyaag, balidaan aur samarpan. Dono hi bhaago me ek cheez jo sabse zyada common nazar aayi wo thi mohabbat. Pyar mohabbat ko aaj kal bewajah aur fizool samajhte hain log jabki iske dwara jane kya kya ho jata hai. Mohabbat insaan ke dil me aise ehsaas bhar deti hai jo insaan ki soch ko badal deti hai aur use khubsurat bana deti hai. Wo mohabbat hi thi jisne pankhudi ko itna khubsurat bana rakha tha ki usne meera dwara apne upar kiye gaye har amanweeya karm ko ek pal me maaf kar diya aur meera ko ek nayi shuruaat karne ka haseen mauka diya. Wo mohabbat hi thi jisne badle ki aag me andhi aur paagal ho chuki meera ko uski galtiyo ka ehsaas kara kar usko badal diya. Wo mohabbat hi thi jisne armaan ko apne teen teen dosto ko kho dene ke baad bhi use badle ki aag me meera ke jaisa banne nahi diya, balki use ye ehsaas karaya ki is aag ki chingaari usi ne to lagaayi thi. Mohabbat ke kayi roop hote hain, wo har roop me tabaahi ka rukh mod dene ki kshamta rakhti hai. Nafrat ghrina gussa aur pratishodh ki aag kabhi kisi insaan ka bhala nahi hone de sakte, balke inke adheen ho chuka insaan har taraf bas tabaahi hi machata firta hai. Wahi mohabbat ek aisi cheez hai jo pankhudi ke roop me apne mahaan hone ka saboot deti hai. Pankhudi ke kahe gaye wo ek ek shabd bilkul sahi the jab usne Arman se kaha tha ki ham meera ko maar kar apna badla aur apni taakat to dikha denge lekin kya is sabke baad bhi hame shaanti aur sukoon milega? Saari duniya ko aap pyar aur kshama ke dwara behtar bhi bana sakte hain aur use jeet bhi sakte hain. Is kahani me kirdaar to bahut the aur sabne apni apni jagah apna farz aur apna kartabya nibhaya lekin pankhudi ke kirdaar ne dil jeet liya,,,,
IP madam, Kahani itni achhi lagi ki chaahe jitna bhi iske bare me likha jaaye wo kam hi hoga. Main dil se bas yahi kahuga ki aisi khubsurat rachna ko likhne wali hamari IP madam hamesha apne jeewan me khush rahe aur hamare liye aisi hi kahaniya likhti rahe,,,,
Arman ke bare me jaisi ummid thi wo usse bhi zyada badh kar tha. Wo jitna takatwar tha usse kahi zyada uske paas ek shaatir dimaag tha. Uske paas aise aise connection the ki ek phone ghumane par hi uske kaam ho jaate the. Aise insaan ke liye zaahir hai ki koi bhi kaam mushkil nahi ho sakta tha. Mushkil to unke liye hota hai jinke paas aise sources nahi hote aur na hi aisi kshamta hoti hai. Usne badi hi safaayi se meera aur Aryan ke bare me pata laga liya aur unse pahle khaadi desh pahuch gaya jaha kahi par meera ki beti amairah maujood thi. Qais waakayi me bahut hi khatarnaak aur ghatiya insaan tha. Khaadi desho me ladkiyo par kis kis tarah ke atyachaar hote hain ye maine isi kahani me padh kar jana. Aise logo ko to zinda jala dena chahiye. Khair Arman ne qais ke sath bhi badhiya game khela aur aakhir me use is tareeke se maara ki sabko yahi lage ki use meera ne maara hai. Sab kuch bahut hi perfect tha madam. Kahi bhi aisa nahi laga ki kahani ne boriyat ka ehsaas karaya. Emotions ki baat kare to jaha jis tarah ka dikhna chahiye tha waha par waise hi emotions dikhe. Aisa lag raha tha jaise aankho ke saamne koi film chal rahi thi aur main use aplak dekhe ja raha tha,,,,
Is kahani me bahut kuch tha. Fatima aur Yasmin jaise kirdaar the jinhone meera ki madad ki to wahi Aryan jaisa kirdaar jisne bina kisi swaarth ke meera ka saath diya aur yaha tak ki usne meera ko wo bhi saari zindagi dene ko khud hi taiyar hua jo meera ko ab tak ke jeewan me kabhi kisi ne nahi diya tha. Halaaki pyar jaisa shabd meera ki kismat me tha hi nahi. Shuru me naina uski zindagi se rukhsat huyi, fir kabeer aur aakhir me Aryan bhi use chhod kar duniya ko alvida kah gaya. Aryan ka kirdaar thoda sahanubhooti ka paatra laga, halaaki uska gunaah bhi meera jitna hi sangeen tha kyoki usne meera ka har tarah se sath diya tha. Is kahani me sabse zyada paaq aur sabse zyada khubsurat agar koi kirdaar tha to wo thi pankhudi. Julm to uske sath bhi bade bhayanak huye lekin meera ki tarah usne apni achhaayiyo ko nahi chhoda aur aakhir me usne usi meera ko maaf kar diya jisne uske sath har tarah ka ghinauna julm kiya. Itna asaan nahi hota apne dukh dard aur apni taqleefo ko bhula kar kisi ko pal bhar me maaf kar dena,,,,
Agar meera aur pankhudi jaise kirdaaro se naina ke kirdaar ki tulna ki jaaye to yaha par naina ka kirdaar dono se feeka pad jata hai. Meera aur pankhudi ke mukaable naina ek kamjor ladki saabit huyi kyoki usne julm to khushi se sahe lekin duniya ka saamna karne se dar gayi. Uske sath jo hua uska ehsaas wo Neil aur uske dosto ko behtar tareeke se kara sakti thi, jaise meera aur pankhudi ne karaya. Kisi bhi cheez ka samadhaan suicide kar lena to hargiz nahi ho sakta tha,,,,
Neil ne aakhir me jo kiya uske liye hairaani nahi huyi. Zaahir hai wo aisi manodasha me pahuch gaya tha ki uske paas fir jeene ka koi aur reason nahi rah gaya tha. Naina ke ghar me naina ki diary padhne ke baad aur khud naina ko dekh lene ke baad wo buri tarah is ehsaas se toot gaya tha ki usne ek masoom ke sath bahut bura kiya hai, usne ek masoom ladki ki paaq mohabbat ka apmaan kiya. Khair insaan ki jab aakhiri ummide bhi dam tod deti hain to uske zahen me bas mar jane ke hi khayaal aate hain. Uski dono betiya uski aakhiri ummid thi aur jab usne jana ki uski apni betiya bhi usse nafrat karne lagi hain to wo puri tarah se toot kar bikhar gaya. Mujhe lagta hai ki naani ne zara bhi Neil aur uski manodasha ke bare me sochne ki koshish nahi ki aur kahi na kahi uski aisi maut me wo bhi jimmedaar thi,,,,
Aakhir me bas yahi kahuga ki vidhi ke lekh ko jab khud vidhata bhi nahi mita sakta to bhala maamuli insaan ke akhtiyaar me ye kaise ho sakta tha? Is kahani me kayi jagah aisi situation bani jaha par har cheez ko rok dene ki baate bhi huyi aur koshish bhi ki gayi lekin tabaahi ko fir bhi koi rok nahi paaya. Waqt aur halaat hame aise marhale par la kar khada kar dete hain jaha par ham sahi galat ka faisla nahi kar paate. Khair jo bhi ho lekin ek sach ye hai ki har cheez ka ek din the end zarur hota hai. bhale hi wo aisi soorat me ho jise ham achha na kah sake,,,,
Arman aur pankhudi nayi shuruaat karte huye khushi se naye jeewan ki raah par chal pade to wahi meera apni beti amairah ke sath ek naya adhyaay shuru karne ki raah par chal padi. Laakh jeewan me khushiya aa jaaye lekin kisi ka ateet agar aisa ho to wo aisi laakh khushiyo par apna prabhaav daal deta hai. Khair, hame unke liye kisi na kisi tarah jeewan me aage badhna hi padta hai jinhe ham pyaar karte hain, jinhe dekh kar hame zara si hi sahi magar khushi milti hai aur jinhe hamari sabse zyada zarurat hoti hai,,,,
Outstanding story thi Indian Princess madam. Is story ne dilo dimaag par apni ek aisi sundar chhaap chhod di hai jo shayad kabhi na mit paaye. The Vampire bhai ke baad ye dusri kahani hai jisne mujhe sabse zyada prabhavit kiya. Great story and great writing skill. Aapko shat shat naman,,,,
Is aakhiri part ko padhne ke baad mujhe lagta hai ki is aakhiri part ko do bhaago me baant sakte hain. Ek to sangharshon se bhari khoj aur dusri mohabbat se bhara tyaag, balidaan aur samarpan. Dono hi bhaago me ek cheez jo sabse zyada common nazar aayi wo thi mohabbat. Pyar mohabbat ko aaj kal bewajah aur fizool samajhte hain log jabki iske dwara jane kya kya ho jata hai. Mohabbat insaan ke dil me aise ehsaas bhar deti hai jo insaan ki soch ko badal deti hai aur use khubsurat bana deti hai. Wo mohabbat hi thi jisne pankhudi ko itna khubsurat bana rakha tha ki usne meera dwara apne upar kiye gaye har amanweeya karm ko ek pal me maaf kar diya aur meera ko ek nayi shuruaat karne ka haseen mauka diya. Wo mohabbat hi thi jisne badle ki aag me andhi aur paagal ho chuki meera ko uski galtiyo ka ehsaas kara kar usko badal diya. Wo mohabbat hi thi jisne armaan ko apne teen teen dosto ko kho dene ke baad bhi use badle ki aag me meera ke jaisa banne nahi diya, balki use ye ehsaas karaya ki is aag ki chingaari usi ne to lagaayi thi. Mohabbat ke kayi roop hote hain, wo har roop me tabaahi ka rukh mod dene ki kshamta rakhti hai. Nafrat ghrina gussa aur pratishodh ki aag kabhi kisi insaan ka bhala nahi hone de sakte, balke inke adheen ho chuka insaan har taraf bas tabaahi hi machata firta hai. Wahi mohabbat ek aisi cheez hai jo pankhudi ke roop me apne mahaan hone ka saboot deti hai. Pankhudi ke kahe gaye wo ek ek shabd bilkul sahi the jab usne Arman se kaha tha ki ham meera ko maar kar apna badla aur apni taakat to dikha denge lekin kya is sabke baad bhi hame shaanti aur sukoon milega? Saari duniya ko aap pyar aur kshama ke dwara behtar bhi bana sakte hain aur use jeet bhi sakte hain. Is kahani me kirdaar to bahut the aur sabne apni apni jagah apna farz aur apna kartabya nibhaya lekin pankhudi ke kirdaar ne dil jeet liya,,,,
IP madam, Kahani itni achhi lagi ki chaahe jitna bhi iske bare me likha jaaye wo kam hi hoga. Main dil se bas yahi kahuga ki aisi khubsurat rachna ko likhne wali hamari IP madam hamesha apne jeewan me khush rahe aur hamare liye aisi hi kahaniya likhti rahe,,,,
Arman ke bare me jaisi ummid thi wo usse bhi zyada badh kar tha. Wo jitna takatwar tha usse kahi zyada uske paas ek shaatir dimaag tha. Uske paas aise aise connection the ki ek phone ghumane par hi uske kaam ho jaate the. Aise insaan ke liye zaahir hai ki koi bhi kaam mushkil nahi ho sakta tha. Mushkil to unke liye hota hai jinke paas aise sources nahi hote aur na hi aisi kshamta hoti hai. Usne badi hi safaayi se meera aur Aryan ke bare me pata laga liya aur unse pahle khaadi desh pahuch gaya jaha kahi par meera ki beti amairah maujood thi. Qais waakayi me bahut hi khatarnaak aur ghatiya insaan tha. Khaadi desho me ladkiyo par kis kis tarah ke atyachaar hote hain ye maine isi kahani me padh kar jana. Aise logo ko to zinda jala dena chahiye. Khair Arman ne qais ke sath bhi badhiya game khela aur aakhir me use is tareeke se maara ki sabko yahi lage ki use meera ne maara hai. Sab kuch bahut hi perfect tha madam. Kahi bhi aisa nahi laga ki kahani ne boriyat ka ehsaas karaya. Emotions ki baat kare to jaha jis tarah ka dikhna chahiye tha waha par waise hi emotions dikhe. Aisa lag raha tha jaise aankho ke saamne koi film chal rahi thi aur main use aplak dekhe ja raha tha,,,,
Is kahani me bahut kuch tha. Fatima aur Yasmin jaise kirdaar the jinhone meera ki madad ki to wahi Aryan jaisa kirdaar jisne bina kisi swaarth ke meera ka saath diya aur yaha tak ki usne meera ko wo bhi saari zindagi dene ko khud hi taiyar hua jo meera ko ab tak ke jeewan me kabhi kisi ne nahi diya tha. Halaaki pyar jaisa shabd meera ki kismat me tha hi nahi. Shuru me naina uski zindagi se rukhsat huyi, fir kabeer aur aakhir me Aryan bhi use chhod kar duniya ko alvida kah gaya. Aryan ka kirdaar thoda sahanubhooti ka paatra laga, halaaki uska gunaah bhi meera jitna hi sangeen tha kyoki usne meera ka har tarah se sath diya tha. Is kahani me sabse zyada paaq aur sabse zyada khubsurat agar koi kirdaar tha to wo thi pankhudi. Julm to uske sath bhi bade bhayanak huye lekin meera ki tarah usne apni achhaayiyo ko nahi chhoda aur aakhir me usne usi meera ko maaf kar diya jisne uske sath har tarah ka ghinauna julm kiya. Itna asaan nahi hota apne dukh dard aur apni taqleefo ko bhula kar kisi ko pal bhar me maaf kar dena,,,,
Agar meera aur pankhudi jaise kirdaaro se naina ke kirdaar ki tulna ki jaaye to yaha par naina ka kirdaar dono se feeka pad jata hai. Meera aur pankhudi ke mukaable naina ek kamjor ladki saabit huyi kyoki usne julm to khushi se sahe lekin duniya ka saamna karne se dar gayi. Uske sath jo hua uska ehsaas wo Neil aur uske dosto ko behtar tareeke se kara sakti thi, jaise meera aur pankhudi ne karaya. Kisi bhi cheez ka samadhaan suicide kar lena to hargiz nahi ho sakta tha,,,,
Neil ne aakhir me jo kiya uske liye hairaani nahi huyi. Zaahir hai wo aisi manodasha me pahuch gaya tha ki uske paas fir jeene ka koi aur reason nahi rah gaya tha. Naina ke ghar me naina ki diary padhne ke baad aur khud naina ko dekh lene ke baad wo buri tarah is ehsaas se toot gaya tha ki usne ek masoom ke sath bahut bura kiya hai, usne ek masoom ladki ki paaq mohabbat ka apmaan kiya. Khair insaan ki jab aakhiri ummide bhi dam tod deti hain to uske zahen me bas mar jane ke hi khayaal aate hain. Uski dono betiya uski aakhiri ummid thi aur jab usne jana ki uski apni betiya bhi usse nafrat karne lagi hain to wo puri tarah se toot kar bikhar gaya. Mujhe lagta hai ki naani ne zara bhi Neil aur uski manodasha ke bare me sochne ki koshish nahi ki aur kahi na kahi uski aisi maut me wo bhi jimmedaar thi,,,,
Aakhir me bas yahi kahuga ki vidhi ke lekh ko jab khud vidhata bhi nahi mita sakta to bhala maamuli insaan ke akhtiyaar me ye kaise ho sakta tha? Is kahani me kayi jagah aisi situation bani jaha par har cheez ko rok dene ki baate bhi huyi aur koshish bhi ki gayi lekin tabaahi ko fir bhi koi rok nahi paaya. Waqt aur halaat hame aise marhale par la kar khada kar dete hain jaha par ham sahi galat ka faisla nahi kar paate. Khair jo bhi ho lekin ek sach ye hai ki har cheez ka ek din the end zarur hota hai. bhale hi wo aisi soorat me ho jise ham achha na kah sake,,,,
Arman aur pankhudi nayi shuruaat karte huye khushi se naye jeewan ki raah par chal pade to wahi meera apni beti amairah ke sath ek naya adhyaay shuru karne ki raah par chal padi. Laakh jeewan me khushiya aa jaaye lekin kisi ka ateet agar aisa ho to wo aisi laakh khushiyo par apna prabhaav daal deta hai. Khair, hame unke liye kisi na kisi tarah jeewan me aage badhna hi padta hai jinhe ham pyaar karte hain, jinhe dekh kar hame zara si hi sahi magar khushi milti hai aur jinhe hamari sabse zyada zarurat hoti hai,,,,
Outstanding story thi Indian Princess madam. Is story ne dilo dimaag par apni ek aisi sundar chhaap chhod di hai jo shayad kabhi na mit paaye. The Vampire bhai ke baad ye dusri kahani hai jisne mujhe sabse zyada prabhavit kiya. Great story and great writing skill. Aapko shat shat naman,,,,