tabishqureshi
Well-Known Member
- 2,862
- 6,960
- 158
- Status
Rocky2602
Well-Known Member
- 6,900
- 13,380
- 189
Iron Man
Try and fail. But never give up trying
- 37,640
- 94,862
- 304
Besabri se Intzarr rahega
Billi420
Well-Known Member
- 2,503
- 13,135
- 158
9 yaa sadhy 9 guru Phir train ki bato k peechy lga diya hy sabko acha sorry myri ungli boht kameeni hy mn masom hoon 
Last edited:
- 4,125
- 57,652
- 173
Update 167
Charitra Mehtva (1)
Pandit ji ke ghar abhi sabhi bache market se wapis aaye he the aur thik unke peeche Narinder ji aur Sanjiv bhi. Dono chacha bhatija khush the aur shayad unhone jo bhi kiya tha wo seema se kahi kam he kiya tha. Chehre par kahi se bhi madira ka asar nahi tha. Purnima ji ne bahar aangan me he Umed se kuch baat ki toh Umed ek baar apni chachi Kaushalya ji aur fir Sangwan pariwar se milne ke baad wapis biwi aur maa ko liye haveli nikal chala.
"Dekh lo didi, mere ye toh the he laparwah aur aaj toh inhone apne sath sath jeth ji (Rameshwar) ko bhi shamil kar liya.", Yashoda Sangwan ji bhi abhi jaane he lagi thi Param ke sath le kar. Ruchita aur Anni bhi car me baith chuki thi lekin ye dono mahilaye abhi kuch charcha me vyast thi.
"Kabhi kabhi aisa hona jaruri bhi hai Yashoda. Jaanti ho hume lagta hai ki ye sab umar-daraaj ko shobha nahi deta lekin hum bhool jaate hai ki dost umar hone par kahi jyada parwah karte hai lekin unhe pariwar ki wajah se samay he nahi mil pata. Kal bacho ki bhi leke aana hai tumhe kyonki bacho ke mama ne bhaat leke aana hai. Tum devrani ho meri toh rasme bhi karni hongi devar ji ke sath.", Kaushalya ji ka yahi aacharan tha ki chahe koyi bada ho ya taqatwar, sabhi unse sneh rakhte the ijjatt ke sath sath. Dono gale lag kar mili thi aur uske baad Marina bhi Kaushalya ji ka gaal choom kar hath hilati hui apne pita ki bagal wali seat par ja baithi.
'Bhagwan narayan sabhi ko khush rakhe.', Abhi wo wapis jaane ke liye mudi he thi ki kuch soch kar bahar ki taraf chal di.Is samay daadi ko akele bahar jaate dekh Ritu bhi geela chehra dupatte se saaf karti unki taraf lapki.
"Oh meri pyaari daadi, ab raat me kidhar chali aap?", Ritu bagal me aate he Daadi ka hath pakad kar unke sath he chal di. Kaushalya ji ne muskura kar ek baar Ritu ko aur fir apne bagiche ko dekha.
"Meri laado, tu na thoda sa toh dekh-parakh liya kar sab. Chhoti nahi hai ab tu."
"Wahi toh daadi, ab main chhoti nahi hu aur apni daadi ko yu akele bahar jaate dekh mera farj hai unke sath rehne ka. Waise ye halwaai uncle abhi tak kaam pe hai?", Ritu ne jab dekh ki wo plot me aa gaye hai aur Asgar khud he sabi kursiyon ko samet raha tha. Uske baaki log khana khaa rahe the jameen par baith ke.
"Beta, ye sab hota rahega aur waise bhi baad me kar sakte ho. Pehle khana kha lo.", Kaushalya ji ko apne paas dekh kar Asgar ne hath jodd kar sar jhuka lia tha.
"Mata ji, pehle mere log bhojan kar le. Main khana kamre pe ja kar kha lunga aur itne samay hai toh ye sab thik karna he sahi laga mujhe."
"Kal se aisa nahi hoga Asgar nahi toh kaan kheench dungi tumhare. Beta, samay dekho aur fir tumhe deri bhi ho rahi hogi namaaj ke liye.?", Ab Asgar ne bade he prem se Kaushalya ji ko dekha jaise wo koyi chhota bacha ho aur saamne uski maa.
"Ji shukriya mata ji aur aapne pehle he hume behtar chhat ke sath sath cooler, barabar bhojan ki suvidha de rakhi hai toh hamara bhi farz hai ki aapka koyi nuksaan na ho. Kal se sabkuch samay par he hoga.", Asgar yaha baat kar he raha tha aur uske 2 log ab kaam par lag chuke the.
"Atchi baat hai beta lekin jab hum mehnat 2 waqt ki roti ke liye karte hai toh dhyaan rakhna chahiye ki samay par he khaaye. Kamre par kuch bhi jarurat ho toh bata dena. Waise idhar ke liye chowkidar hai toh jyada dikkat ki baat nahi. Haan kal 6 ki jagah sadhe 7 baje he aana.", Iske badle Asgar ne sirf 'ji' he kaha tha aur uske baaki 2 log ek panni me kuch bhojan liye Asgar ke kareeb aa gaye.
"Ustaad ji, aapka khana le liya hai aur bartan bhi samet diye hai."
"Ab jao aur tum sabhi log araam karo.", Kaushalya ji ke aadesh par wo sabhi ek baar fir hath jodd kar apne raste ho liye.
"Daadi, sach kahu toh aapko sarkaar chalani chahiye. Aap sabhi se saleeke se baat bhi karti hai aur saamne wala har baat maan bhi leta hai. Aur galat bhi nahi hoti kabhi.", Ritu ne ek baar Preeti ke ghar ki taraf dekha jaha Romela apni bhabhi se kuch baaton me lagi thi aur fir apni daadi ko.
"Chala aa thoda chehal kadmi karte hai, khana bhi hajam ho jaayega.", Kaushalya ji ne jaise Ritu ki baat ko ansuna kar diya tha aur Ritu muskura rahi thi kyonki ye usko bhi pata tha ki daadi aise tark-vitark nahi karegi uske sath. Dono he daadi pauti khambo par lagi roshni ki chhaav me dheemi gati se gali me aage chal di.
"Insaan ko 2 tarah se jeet sakte hai beti. Ya toh aap uske barabar ho jao nahi toh usko mehsoos karwao ki wo aapke barabar hai. Isko aage chahe fir 10 alag tariko se badha lo par sach yahi hai ki har insaan chahat hai ijjatt aur pyaar ke 2 meethe bol. Ye Asgar khaansama hai lekin tapti bhatti ke aage kaam karke kitne he logo ke peit ki aag thanda karta hai? Aise vyakti ko maan dena hamara kartavya hai isliye usko apne samkaskh banao.", Ritu kuch samjhi thi lekin kuch abhi bhi sandeh tha.
"Wo dono tarike toh ek he baat hui na daadi?", Is baat par Kaushalya ji halke se muskuraai jis par Ritu ne bhi unka anusaran kiya, kyonki usko pasand tha apni daadi ko khush dekhna.
"Ab dusri baat samjho jara. Ab tu kal ko doctor banegi lekin kuch aise honge jo khud ko naami doctor maan kar ghamand karenge aur tu hogi ekdum nayi. Matlab koyi muqabla he nahi hoga jaise farz kar Shankar aur Tu. Ye jo anubhav hai Shankar ka usko toh tu kamm nahi kar sakti na?", Ritu bade dhyaan se sab sunn rahi thi aur is sawaal par usne sar haan me hilaya.
"Toh tujhe khaas bann na hoga fir. Jab jyada anubhav na ho toh tayaar karo wo khaasiyat jiske saamne bada naam bhi aapke barabar aa jaaye. Neuro ya Cardiac jaise. Phir toh saamne wale ko tumhara loha maan kar ijjatt deni he padegi na?", Daadi ke mooh se aise saaf chikitsa ke shabd sunn Ritu khaasi prabhavit hui.
"Waah daadi kya example diya hai aapne. Waise mujhe toh laga tha ke aap dusre ki detail papa wale style me dengi. hehehe..", Ritu jaha bol rahi thi wo Kaushalya ji ko atche se pata tha.
"Oh shaitaan, jiwan ko kabhi Shankar ki najar se matt dekhna keh deti hu. Wo kisi bade ke barabar jis tarah hota hai na us se dehshat wala sammaan milta hai lekin tum sirf jiwan dene wala rasta chunogi.", Majaak ke baad Kaushalya ji ne badi he gambhir baat kahi thi. Ek pal Ritu bhi khamosh rahi aur modd se wapis ghar ke taraf aate hue usne apne dil ki baat keh he di.
"Daadi, mujhe na kisi ke samkaksh nahi hona aur na he ijjatt ya bade naam se kuch vaasta hai. Bas main itna he chahti hu ki aapko aur bauji ko kabhi dukhi na karu. Haan doctor bann na mera sapna hai kyonki mujhe wahi samajh hai lekin soch toh dada ji wali he hai ki jiwan bachana jyada mushkil hai isliye mushkil kaam he karna chahiye. Kya mujhse kabhi koyi galti ho jaaye toh aap mera jiwan bachayengi?", Ritu ko samajh nahi aa raha tha ki wo 2 alag alag baatein ek sath keh rahi thi. Uske dimaag ke jaise taar ulajh se gaye the ekaek kisi dusre vichar ke shamil hone se. Ritu ke chehre par aaye avsaad ko dekh Kaushalya ji ne bagiche se pehle he rukk kar uske maathe ko sehlaya.
"Maine kya kaha hai tujhe? Shankar se alag bann na hai tumhe Ritu. Wo jo chahta hai uske liye baaki sabse ladd lega lekin chahat ke saamne bebas. Matlab ab tum jara ye baat samjho aur mujhe batao ki agar kabhi tumhare aur Preeti me atoot prem ke beech koyi takraar ho jaaye, aapsi vichar ki wajah se toh kya tum sara shehar jala dogi ya samajhdari se Preeti ke sath baith kar usko suljhaogi? Kisi khaas ki madad le sakti ho jo tum dono ka barabar paksh leta ho."
"Main aisa karungi he nahi daadi. Agar Preeti ki baat sahi hogi toh maan lungi aur meri sahi hui toh woh maan legi.", Ritu ke sapaat se jawaab par Kaushalya ji ki muskaan gehri ho gayi jaise ab unhone thaan he liya tha ke aaj wo Ritu ko kahi bada gyaan dene wali hai. Itni khamoshi me waise bhi yaha ye dono he daadi pauti maujood thi aur swar dheema he tha.
"Farz karo ki Preeti agar tumse ya mujhse shaadi ke liye ye shart rakhe ki hamari poori vasiyat pehle uske naam ki jaaye aur usko Raadhika bitiya ki jagah ghar ke mukhya bahu kaa maan diya jaaye tabhi wo shaadi karegi. Mere baad main ye sabkuch tumhe saunp deti hu aur Arjun bhi agar Preeti ki baat se sehmat ho toh tumhara kya fainsla hoga? Beti, jawaab dene se pehle atche se soch vichaar lena.", Kaushalya ji ne bahot he dur ki sochi thi is pal me aur Ritu ek dil par unka har lafz gehra asar kar gaya tha. Lekin usko bhi pata tha ke daadi bina matlab toh sar pe bhi hath nahi ferti toh itni badi baat agar unhone kahi hai toh jarur khaas baat he hogi.
"Daadi main 2 tarah se baat kahu toh chalega?"
"Mujhe pata hai ki tum ek tarah se kabhi bhi kuch nahi karti. Sahi tarika pehle aur dusra baad me."
"Sahi tarika hoga Arjun aur Preeti ko ye samjhane ka ki jiwan me agar hum bado ko darkinaar karke fainsla lete hai toh sab jimmewari hamari hogi. Fir ye vasiyat bhi nahi milegi aur ye pariwar bhi nahi. Haan agar chaho toh jo bhi Arjun ke adhikaar hai aur jitna usko mila hai wo sab Preeti ko saunp diya jaayega. Rahi ghar pe adhikaar wali baat toh ye fainsla aap he karengi aur agar sabkuch aap mere havale karti hai toh Radhika bhabhi chahe toh Preeti ko ghar ki badi bahu samaan haq saunp sakti hai, lekin Preeti ki kabiliyat dekh kar. Aur agar main mukhiya hu toh Arjun mere khilaaf nahi jaa sakta.", Ritu ke chehre par koyi bhaav ne the ye sab kehte hue jaise wo sirf ek imihaan me baithi ho.
"Aur tumhara dusra tarika kya hota?"
"Aise maamlo me dusra tarika nahi hota daadi. Sab bikhar jata hai aur Arjun khud he galat ho jayega agar Preeti kuch bhi aisi demand rakhti hai toh. Ye pyaar ka majaak hua ya fir ek shadyantra jiske liye Preeti ne Arjun ko chuna ho. Mohabbatt me baaghi hona alag baat hai kyonki tab duniya khilaaf hoti hai aur shart rakh kar mohabbatt nahi sirf saajish hoti hai, laalach se bhari saajish."
"Tu isliye meri laayak bachi hai Ritu, sabse laayak. Aur mujhe ye bhi pata hai ki Preeti toh khud tere jaisi hai jo jarurat padne par apni khwahish bhula sakti hai lekin kabhi kuch galat nahi kar sakti. Arjun ka kya hai, wo toh na maya ki chahat rakhta hai aur na sammaan ya audhe ki.", Kaushalya ji thodi bhaavuk hone lagi thi lekin khud ko sambhaal gayi.
"Papa ne kya chuna tha daadi?", Ritu ke bas itna kehne ke sath he Kaushalya ji ne aankhen kass ke moond li jaise is sawaal ke liye wo tayaar he nahi thi. Ye ateet ka gehra dard unhe aaj tak dukhta tha. Ritu apni daadi ko apne sath lagaaye fir unke kamre tak chali aayi jaise ab usko jawaab me koyi dilchaspi he na rahi ho. Jyada jaruri tha apni daadi ko khush rakhna aur sukoon dena.
"Aap araam karo daadi, subah adhere se jagi ho aur din me bhi araam nahi kiya aapne.", Yaha kamre me is waqt koyi na tha aur Ritu jaane ke liye mudi toh Kaushalya ji ne usko apne paas he baitha liya. Ritu ne baithne se pehle badi tubelight band karke zero ka peela bulb jala diya.
"Sach kahu toh daadi, mujhe khud nahi pata ki main laayak hu ya nahi lekin agar kabhi aapke dukh ka kaaran main bani toh aapke saamne kabhi nahi aaungi.", Ritu ko ehsaas hone laga tha ki ek na ek din ye pyaar kuch aisa he karwa sakta hai. Aaj daadi ko uske pita ke ek purane fainsle se itna dukh tha toh is umar me Arjun ke sath uske rishtey ki sehamti na jaane kya he gazab karwa de. Wahi Kaushalya ji abhi behtar thi aur unhone baithe hue he Ritu ka baaya gaal halke se sehlaate hue kaha.
"Maa-baap bahco ke liye hamesha unki khushiyan he chahate hai beti. Bhala kaun maa apne bacho ko dukhi dekh sakte hai? Tumne mujhe baaki sabhi se kahi behtar samjha hai aur jis dukh ke baare me tum soch kar pareshaan ho rahi ho kya pata wo soch nirathak ho. Mujhe bas yahi parakhna tha ki meri beti fainsle mil kar lene me yakeen rakhti hai ya sirf apne aap. Tumhe sahi galat ki jitni samajh hai uski aadhi bhi agar main apne bacho ko de paati toh mujhe khud par maan hota.", Jahan Kaushalya ji dabe chhipe shabdo me Arjun-Ritu ko swikaar kar chuki thi wahi thodi apne aap se bhi vyathit thi.
"Pata hai daadi, aapki jagah agar koyi bhi maa hoti toh wo bhi akele reh kar itni atchi parwarish nahi de paati. Tauji, Papa, chacha ke sath sath dada ji bhi jiwan me behtar mukaam par pahuche toh parishram aapka he tha. Aur agar is beech kuch bhi thoda idhar udhar hua toh ek maa ka dil apne bacho ko janjiro me toh nahi baandh sakta na? Aur aapne ye kisne kaha ki main samajhdar hu? Hum sabhi bhai-behan bachpan se agar kisi ke sabse jyada kareeb rahe ya khele koode bhi toh aapki he dekh-rekh me. Dada ji ne toh kabhi kisi bache ko kehne tak ka mauka nahi diya kuch bhi chahiye hota hai toh. Kabhi kabhi lagta tha ki hum ladkiyon par aapki sakhti shayad is wajah se hai ki hum ladki hai par baad me samajh aaya ki har cheej ka sahi samay hota hai aur aapki parwah jayaj bhi thi. Mujhe ummeed nahi thi ki aap scooty ke liye haan kahengi aur dekhiye baad me car-motorcycle tak ki chaabhi aapne apne hatho mujhe di.", Ritu ab apni daadi ki bagal me he leit gayi thi, chehra unke seene me dhansaaye. Kaushalya ji bade sneh se uska sar sehla rahi thi jaise aaj kitne he barso baad wo khud ko ek maa mehsoos kar rahi ho.
"Mujhe itna pata hai bitiya ki ek janani kahi jyada saksham hoti hai kisi bhi purush se, bas usko mauka milna chahiye. Haan har stree barabar nahi ho sakti jaise hath ki sabhi ungliyan. Maadhuri gharelu hai aur Komal samajhdar lekin ek apne he daayre me simti hui. Sabhi ki visheshta alag hoti hai aise he aur tum ya Tara in dono se alag ho. Aarti ke badlaav bhi uski paribhasha badalte he toh mujhe ye sabkuch samajh kar he har bache ki khoobi par dhyaan dena he hoga. Tumhari maa ek padhi likhi mahila hai lekin us se kahi jyada wo pariwar ki ehamiyat aur tyaag me vishwaas karti hai. Mujhe hamesha he tum ek bete jaisi lagti ho jo nirnaya, halaat aur pariwaar ko gehraai se samajhti ho. Meri kamiyan toh ab kya he bharpaai ho paayengi lekin mujhe umeed hai tumse. Aur nishchint rehna apne lakshyon par kaam karne ke sath sath. Meri beti, pariksha toh har jagah hoti hai lekin tum jo arjit karna chahogi wo haansil hoga.", Ritu itne dulaar se lipti hui jaane kabhi ki so chuki thi aur jab Kaushalya ji ko ye ehsaas hua ki wo ab akele he baat kar rahi hai toh unhone Ritu ke tanaavmukt khoobsurat chehre ko niharte hue maatha choom liya. Ghar ke bahar gaadi ki awaaj sunn kar wo khud ko thik karti hui uthi aur Ritu ki baah ke niche takiya dene ke sath sath uske upar chaadar bhi udha di.
"Kaun aaya hai Sanjiv?", Unse pehle he bahar aangan me Sanjiv aur Narinder ji aa chuke the. Ghar ke bahar ruki car se jo chehra pehle utar kar chaukhat pe aaya usko dekhte hue Narinder ji ne jhuk kar aashirwad liya. 60 varsh paar ye ek sehatmand insaan tha aur Rameshwar ji ka chhota bhai Krishneshwar.
"Pranaam bhabhi maa.", Sanjiv Narinder se mil kar jaise he Krishneshwar ghar me daakhil hue, aate he badi bhabhi ke charan sparsh karke aashirwad lia. Unke peeche he unki dharampatni ke sath sath badi beti Damini aur naatin Aanchal bhi chale aaye. Sabse milne ke baad Kaushalya ji unhe baithak me le aayi aur apne kamre ka darwaja idhar se laga diya, Ritu ki neend me khalal na pade is wajah se.
"Raaste me kahi ruke the kya Krishan? Aur jara itila he kar dete ki Roshni bitiya bhi aa rahi hai tumhare sath.", Kaushalya ji ne Sanjiv ko he jal-paan ka kaha tha aur uske baad sabhi ke khaane ka prabandh karne ko. Phir wo mukhatib hui bade sofe par pasre apne devar se aur is beech unhone Aanchal ko apne sath laga kar sneh darshaya, jisme ek naani wala he vatsalya tha.
"Wo bhabhi main toh soch raha tha ki 19 ko he aaya jaaye lekin Roshni bitiya ki jidd aur waha chale aane par mujhe khud ka fainsla he galat laga. Pariwar me itne maanglik avsar par har rasam me shamil hona jaruri hai. Binodiya toh pata nahi kaha tha isliye adde se driver bulwa kar 4 baje nikle the. Deri ke liye kshama chahta hu.", Ye kshama bhi khanapurti si thi inki jo Kaushalya ji ko bhali bhaanti pata thi par wo bas muskura di.
"Ye tumne atcha kiya Krishan ki samay se aaye. Mujhe toh bas is baat ki chinta thi ki beti aur naatin sath hai aur andhere me safar karna thoda surakshit nahi. Khair tumhare bhai sahab bhi abhi bahar gaye hue hai aur aane he wale honge. Chai peene ke baad hath mooh dhona ho ya nahana ho toh kar lo. Khana lagwa deti hu jab thik lage.", Idhar Anamika bhi apne saas-sasur ke aane ki khabar milte he chali aayi thi. Krishneshwar ji ne toh mehmaan kamre me rukna tha apni biwi ke sath isliye Roshni aur Aanchal ko Anamika apne sath andar le gayi.
"Jiji, suna hai hone wali bahu aadhunik hai aur kuch bade ghar se hai? Wo aisa hai na ke utne nakhre bhi ho jaate hai. Waise aap toh sabse jyada duniya samajhti ho lekin kahi bacho ki baat par rishta..", Ye shabd nikle the Shrimati Devaki ji ke mukh se. 60 baras ki ye mahila badi jivat shakshiyat thi aur shayad inke jiwan me sabse adhik irshya inhe thi toh sirf apni jethani Kaushalya ji se lekin unka rasookh aur taaqat pehchaan kar bas bilbila he sakti thi. Sanjiv ko ye shabd kuch thik nahi lage the lekin wo aadatan shaant he tha.
"Aisa hai Devaki, bache jab samajhdar ho jaaye aur apne paanv par khade bhi toh hamara dayitva hai fainsle mil kar lene ka. Sanjiv aaj ek atche mukaam se hai bina kisi sahayta ke aur isne kabhi aisa nahi kaha ki us ladki se shaadi karwao. Tumhare jeth ji ko apne sabhi bacho ki tasalli se khabar rehti hai isliye wahi gaye udhar baat chalane. Pariwar pehchaan ka hai aur bitiya bhi laakho me ek. Bache khush toh parmatma bhi. Thoda bahot apne paas bhi hai agar unka pariwar sampann hai toh. Thik baat kahi na Krishan maine?", Narinder ji toh mand mand hans rahe the apni maa ke teen-tarfa humle se aur ab Krishneshwar kya jawaab dete.
"Bhabhi aap pramukh hai aur aapke fainsle toh khud bhaiya bhi maante hai. Bache khush rahe bas aur rahi dhan-daulat ki baat toh jitna aap daan kar chuki hai utna kisi sampann pariwar me bhi nahi hota. Aaj main 10 gaanv me sammannit hu aur bhaiya ki wajah se kabhi koyi sankat tak chhu na paya. Ghar se bache jaate hai lekin aapne toh ek pal me sabkuch mere hawale kar ke yaha 2 kamro se naya basera banaya aur aaj sabke saamne udaharan hai bhaiya aur aap.", Krishneshwar ekake he gambhir ho uthe aur unki baat ka jawaab unki dharampatni ke paas bhi na tha.
"Tum unke liye aaj bhi sabse khaas ho Krishan aur ye khud kasht seh sakte hai par tumhe dukhi nahi kar sakte.", Kaushalya ji aage kuch bolti us se pehle he aagman hua jikar-daraaj vyakti ka, Sh Rameshwar ji. Krishneshwar turant uth kar unki taraf lapke aur wahi unki biwi ne ghoongat audh kar hath jodd diye.
"Kaise ho mere Dhilu-lal? Eid ho gayi bhai aaj toh tum hamare gareebkhaane najar aaye.", Rameshwar ji apne pan se yahi bulate the apne chhote bhai ko, Dhillu. Dono gale lag kar mile the aur kuch waqt gale lage he rahe. Unke sath sath he andar aaye Arjun par jab Krishneshwar ji aur Devaki ki najar padi toh hairat se bas usko he dekhne lage. Sava 6 feet ka wo lamba-chauda sa yuvak jaise unhe kisi ka samaran karwa gaya ho.
"Namastey dada ji.", Arjun ne he gambhirta se un dono ke paanv chhuye toh Krishneshwar ko waqt laga jawaab dene me.
"Bhaiya, ye..."
"Tumhara pauta hai ye Krishan aur Shankar ka beta Arjun. Dekh lo ye tumhe pehchaan gaya aur tumhe jaise kuch aur he najar aaya.", Unki baat par Krishneshwar ne bhinchi hui muskaan dene ke sath sath Arjun ko bhi seene se lagaya jo baahon ke ghere me bhi nahi aaya tha unki.
"Aisa laga bhaiya jaise Pita ji ki tasvir rangeen ho kar jivit ho uthi ho. Bahut khushi hui tumhe dekh kar beta, sachmuch bhaiya ne tumhe isliye he ghar me sahej kar rakha hoga.", Arjun kya kehta ki ye khushi jyada lambi nahi hai chhote dada ji. Aap mere gale nahi lage ulta main aapke gale padne wala hu jald. Par usne kuch bhi aisa na kaha.
"Aap log baithiye, main khana lagwata hu. Chal Arjun.", Sanjiv bhaiya turant he usko apne sath le chale. Yaha kuch der aur gupshap hone ke baad sabko atche se khana khilwa kar Sanjiv bhaiya ne gate ke tala lagaya aur Arjun ko khojte hue uske kamre tak chale aaye.
"Abe tu ye sab kya karne laga hai?", Beech ka darwaja band tha aur dusri taraf Sanjiv bhaiya ke kamre me Anamika-Roshni aur Aanchal thi aur hall kamre me Ruchita, Renuka aur Madhu bua, jinhe filhaal kisi se kuch jyada matlab nahi tha. Sanjiv ne kamre me Arjun ko kagaj-pen liye uljha dekha toh dheemi awaaj me poocha.
"Oh.. kuch nahi bhaiya bas tikdam laga raha tha kuch."
"Jara vistaar se bata na kaisa tikdam aur ye kamra band kaise hai idhar se?"
"Udhar bua log so rahe hai aur main nahi chahta ki light ki wajah se unhe pareshani ho. Waise tikdam ye hai ki mujhe dada ji pata chala ke aapke Sasur ji ke bade bhai Shri Somnath ji bade rasookhdar businessman ke sath sath MLA bhi hai aur unki pakad bhi hai idhar ke sath sath Rajasthan me."
"Oye sudhar ja sudhar ja. Tu khud he kehta hai ke ab aage kuch nahi karega lekin fir bhi is sabme ghusa rehta hai. Wo tedha aadmi hai aur sarfra bhi. Teri bhabhi ne mujhe saaf kaha tha ke unke saamne main bhi kuch jyada baatchit na karu. Chal chhat pe chalte hai aur 10 minute baat karke main sone chala jaunga.", Raat ke 11 se upar hone lage the lekin Sanjiv bhaiya ki baat sunn kar Arjun uth khada hua.
"Sach bol diya karo na bhaiya ki ciggratte ki talab lagi hai kyonki aap bahot kuch soch rahe ho is waqt.", Sanjiv bhaiya ne hanste hue uski peeth par dhaul jamaai toh Arjun unke sath hansta hua dabe paanv bahar ki taraf se he niche utar kar pichle aangan se chhatt ki aur badh chala. jyadatar kamro me shaanti thi par upar Ritu-Alka wale bhaag me jagmag light se saaf pata chalta tha ki ladkiyon ki ek paltan idhar abhi jaagruk hai. Ye punjaab wali aur idhar ki shaitaan chaukdi he hogi.
"Ab batao bhaiya ki kya baat aapko pareshan kar rahi hai?", Arjun khule aasman ke niche apne bhaiya ka sath ab ekaant me tha. Taaro se bhare aasman ki khoobsurti kahi jyada lubhavani thi aur hawa bhi kuch hadd tak thandi. Diwar par Sanjiv apne bhai ki aad me baith kar ciggratte jalate hue kuch khamosh he tha lekin ek kash ke sath he bolne laga.
"Pata chala hai ki Chacha ji (shankar) ne Umed chacha ke sath mil kar bahot tagda kaarnama anjaam diya abhi 2 raat pehle. 25 se jyada naami badmaash aur 3 vyapaari aur rajnaitk hasti ko buri tarah cheer-faad diya gaya.", Sanjiv ki baat sunn kar Arjun hairat se apne bhaiya ko aise dekhne laga jaise wo dusri bhasha me bol rahe ho.
"Hairaan hone wali baat ye nahi hai chhote."
"Ab is se badi baat kya hogi bhaiya? 2 logo ne 25 logo ko maar dala aur kanoon? Galti se papa ko kuch ho jata toh?"
"Abe tu nahi jaanta abhi dhang se apne papa ko lekin asli baat ye hai ki wo jagah raakh me badal di gayi jiske maalik Vinod chacha aur unke jija yaani PP Sharma, hamare fufa hai. Kanoon ki najro me toh wo haadsa hai jo aag lagne se hua aur waha jwalansheel pradarth jyada matra me tha. Par ye jo bhi hua hai na ispe ek khufiya team bhi kaam kar rahi hai, center se appoint ki hui. Is tarah ki ye teesri vaardaat hai jaha jo khabar me aayi hai. Style bhi ek jaisa hai in sabka. Delhi ke paas Mishra ke sath sath 18 log jal kar maare gaye, wo rape-murder wale kisse me jab tune help ki thi toh waha bhi Umed chacha ne baad me aag laga di thi aur ab ye teesra jo sabse bada maamla hai. Local police, politicians ya yun kahu ki bade bade sarkari departments ko bhi nahi pata ki khojbin shuru ho chuki hai.", Sanjiv itni baat keh kar lagatar kash kheenchne me lag gaya aur Arjun ki sittipitti gumm ho chuki thi. Kaha toh wo hairaan tha 2-2 bade khulaso se lekin ab pareshan ho chuka tha ki agar saboot mil gaye toh.
"Ab kya hoga?", Usne jhijhakte hue poocha toh alaav ki roshni me Sanjiv ke chehre par alag he bhaav najar aaye.
"File toh band ho jaayegi chhote kyonki waha saboot kuch khaas nahi milne wale lekin baat ye hai ki aisi jaanch shuru he kyun hui? Matlab abhi bhi kuch log hamari najar se bache hai jo ye sab karke dhyaan hatwa rahe hai."
"Bhaiya ye mamla kuch aur toh nahi? Walia uncle bhi kuch alag he bata rahe the.", Arjun ne ye baat kuch soch kar he bhaiya ke sammukh kahi thi.
"Wo kya keh rahe the? Aur unhone ye tujhse bataya?"
"Wo mujhe chhodne aaye the ghar tak aur fir dada ji ke sath sath Col dada ji bhi bahar he mil gaye. Unki baat sunn kar pata chala tha ki unhe ek bade case ko turant rokne ka aadesh mila hai upar se. Aur wo solve kar he chuke hai fir bhi case close ki file li gayi hai unke head dwara, wo bhi after working hours ek new clean report ke sath.", Ab Sanjiv bhi kuch der aasmaan me dekhte hue chintan karne laga tha.
"Agar us case par kaam karne wali baat department se leak hui hogi toh ye dusra case shuru karwaya gaya hai. Ab tu tere source lagwa aur pata kar ki ye D.S. Meena ki kya history hai. Yahi hai Delhi me is taraf ka prabhari aur Walia ji ka super senior. Matlab toh saaf hai ki ye sab sirf isliye kiya gaya hai ki unke paas bhi kamjor kadi ho is taraf ki.", Sanjiv ne is naam ka jikar karte hue Arjun me puri ummeed jataai thi.
"Delhi me toh daboch he lenge isko bhaiya lekin aapne toh naam bata kar aadha maamla he solve kar diya. Meena matlab Rajasthan se hai wo aur jahan tak baat hai iske super senior hone ki toh apne pas ek aur barabar ka insaan hai waha. Kya samjhe?", Arjun ke chehre se pareshaani chu-mantar ho chuki thi jisko dekh kar ab Sanjiv ki aankhon me bhi khaas chamak ubhar aayi.
"Galat he sahi lekin tu tarika nikaal he leta hai. Dabayega kaise?", Sanjiv ki baat par Arjun ne tatkaal he jawaab diya.
"Usko message main pahuchaunga aur jalwa aap dikhana. Kayi baar badi pahuch se jyada kargar hota hai majboot insaan ko bhi asurakshit ehsaas karwana. Waise aap sure ho ki ye jaanch aage nahi badhaai jayegi?"
"101% . Khud he socho jab ye information mujh tak aayi hai toh matlab ye ek message he hai ki unhe bhi khabar hai is sabki. Matlab khel is tarah se nahi khela jaayega jis tarah chacha ji log kar rahe.", Sanjiv apni taraf jayaj tha lekin Arjun kuch soch chuka tha jiske baare me usne koyi khulasa nahi kiya.
"Atchi baat hai bhaiya. Waise bhi ab toh sabhi log vyast hai aur uske baad suna hai Umed chacha ji ke sath Narinder chacha ji bhi business me lagne wale hai. Papa bhi busy ho jaayenge dada ji ke dimaag ki wajah se toh filhaal ye sab nahi hoga jo ho chuka."
"Haan bas isliye he itna nischint hu chhote. Waise thanks bhai jo tu akele he ghar ke saare kaam itne atche se dekh raha hai.", Sanjiv bhaiya pariwarik kaamo me Arjun se khaase prabhavit the.
"Aap meri shaadi me karke hisaab barabar kar dena bhaiya, thanks apne pas he rakho."
"Saale tujhe bahot jaldi hai shaadi ki. Waise tujhe jarurat toh hain nahi jitni liye ghoom raha hai.", Ab dono bhai pehle si masti karne lage the sab bhool kar.
"Us se he toh bachna hai bhaiya. Ye masti kahi koyi kaand na karwa de isliye koshish karta hu ke busy rahu. Aapki chaandi hai ab 5 din baad. Pata nahi mujhe upar wale kamre me rehne bhi doge ya nahi.", Arjun bhi barabar maje lene laga.
"Tu upar he rahega jaha abhi rehta hai. Haan kamra aise he band rakhna bas jaise aaj dekha tha.", Sanjiv bhaiya ki gehri muskaan dekha Arjun ne aur bhi taang khinchaai ki.
"Waise jarurat toh nahi lagti is sabki. Wo bada wala bed lagwa raha hu kal aapke kamre me.", Arjun itna bol kar thoda aage daud gaya jaise pakdam pakdaai chal rahi ho.
"Thehar ja be tu .. bade bhai ke liye bed lagwata hai.."
"Oh mere pyaare bhaiya.. aapke liye nahi, raat ke shor se bachne ke liye. Atcha sorry sorry..", Arjun hathe chadha toh turant hanste hue sorry bolne laga tha. Sanjiv ne bhi masti me kaan khinch kar usko apne sath he laga liya.
"Pata hai chhote, jo jiwan sangini hoti hai na iska ek alag sthaan hota hai jo ek bhai ko bhai se kabhi vimukt nahi kar sakti. Haan kuch aisa jarur ho jayega ki tujhe mera darwaja khatkhatana pade kabhi kabhi lekin main jaanta hu tu Raadhika ka khayaal waise he rakhega jaise mera rakhta hai.", Dono bhai ab chalte hue ghar ke saamne wali taraf aa khade hue the chhat par.
"Devar-bhabhi ka rishta bahot jatil hota hai bhaiya lekin meri najar me shayad maa bete ke baad sabse sampoorn. Wo idhar aayengi toh apne bhai aur maa-papa ko chhod kar jisme aap unko bharpoor maansik sehyog denge lekin main vaada karta hu ki bhabhi ko kabhi apne chhote bhai ki kami mehsoos nahi hogi aur shayad shararti devar ki bhi.. hahaha..."
"Sudhar ja be sudhar ja. Tu na sachmuch lagta sharif hai bas lekin main jaanta hu ke tu kitna shararti hai. Aur ye bhi sach hai ki Raadhika ko kabhi dukhi nahi hone dega. Mere bhai par mujhe jitna yakeen hai shayad apne pyaar pe nahi.", Sanjiv ne bahot badi baat bol di thi aur Arjun ne anjaane he unhe apni baahon me kass liya tha
"Kabhi compare matt karna bhaiya kyonki mujhe pata hai aapka. Bas is sabko badlaav ki tarah lene ki jagah taqat he samajhna. Shayad kahi na kahi main bhi aapka wo sehyog na kar saku jo bhabhi karegi. Chalo ab humko niche chalna chahiye, kal thaanedar ji 6 baje tak sone nahi dene wale.", Arjun bhaiya ke sath he yahi halki fulki baatein karta hua jab niche utara toh dono ka mann kaafi halka ho chuka tha.
"Waise tu toh kal se pichle ghar rehne wala hai na?", Galiyare me aate he bhaiya ne Arjun ko yaad dilaya toh wo sar khujane laga.
"Fans gaye bhaiya. Maine toh apna kamra bhi nahi sameta aur waha abhi bhi bahot kuch hai jo sabse dur rakhna jaruri hai. Chalo kar he lunga raat me.", Arjun ab bhaiya se vida le kar fir se seedhiyan chadhne laga toh beech me he ruk gaya.
'Marr gaya.. Preeti ne raat ka milne ko kaha tha aur wo najar bhi nahi aayi.', Arjun dimaag ke ghode daudane laga tha lekin ye samay aisa tha ki na wo unke ghar jaane ka jokhim utha sakta tha aur na he pichle hisse me kisi darwaje ko khatkhata sakta tha, Preeti ke chakkar me. Samay 12 ho chuka tha matlab madhyaratri aur ye bilkul bhi sahi samay na tha kisi ulti seedhi harkat ke liye. Mann maar kar wo apne kamre me aa baitha jaha ab badi tubelight jal rahi thi jiski taraf Arjun ka dhyaan deri se gaya.
"Main toh night lamp me kaam kar raha tha.", Arjun ne dhyaan diya aur fir table par rakhe doodh ke gilaas par najar gayi.
'Budhuraam, bhaiya se baat ho jaaye toh fir wapis upar aa jana.', Ye pankti jisne likhi thi Arjun bhali bhanti pehchanta tha aur chehre par khushi bata rahi thi ki Preeti idhar he hai.
"Aaya meri billi abhi aaya bas."
.
.
"Yar Deepi, tera kuch scene hai kya Arjun ke sath?", Aarti-Tara wale kamre me bed par unki jagah is waqt Gurdeep, Kirti thi. Jasleen sabse aakhiri kamre me Komal aur Vinni ke sath thi aur beech ke kamre me Alka, Afsana aur Preeti jahan sirf Preeti he jaag rahi thi aur dono baaki so chuki thi. Niche wali manjil par Madhuri-Priyanka ke dusri taraf wale kamre me Aarti aaj apni maa ke sath soyi thi aur fir bhi Rekha ji wala kamra khaali tha. Idhar Keerti ki baat sunn kar Gurdeep ke chehre par alag si chamak saaf bata rahi thi ki baat jarur hai.
"Tumhe kaise pata ki kuch hai?"
"Wo tum usko bade gor se dekh rahi thi aur usne bhi tumhare idhar halke se hath lagaya tha jab wo apne kamre me ja raha tha.", Keerti ne halke se Gurdeep ke nitambh par hath rakh kar batate hue kaha toh sardaarni ke chehre par kaamuk muskaan aa gayi.
"Tumhara toh boyfriend hai na?"
"Bata na yaar Gurdeep. Mera bas naam ka he boyfriend hai aur yaha main ye nahi keh rahi ki usko mera boyfriend banwa de. Lekin ye ladka hain pahuchi hui cheej.", Keerti ki matlab Gurdeep bhi atche se samajhti thi.
"Jasleen ne jab tumhe bataya tha na ki Arjun ne usko smooch kiya tha isliye lipstick gayab hai toh maine bhi suna tha. Lekin sach kahu toh khwahish Jasleen ki he hogi isliye he toh Arjun ne kiya hoga. Aur rahi baat meri toh dekho mujhe wo atcha lagta hai aur aapas me thoda khulapan hai hamare, dosto se thoda jyada.", Gurdeep bhi jaise aapas ki baatein bhali bhaanti jaanti thi.
"Matlab dosti se jyada kya?"
"Tu bol tujhe kya sunn na hai?", Gurdeep ab Keerti ki taraf he palat kar aankhen nachati hui poochne lagi. Keerti thoda jhijhakne lagi toh Gurdeep ne khud he usko dheel di.
"Puch le na yaar jo tera dil keh raha hai."
"Wo.. mera matlab hai kya tum dono ne wo sab bhi kiya hai? Dekh main isliye pooch rahi kyonki kahi Jasleen galti na kar baithe.", Keerti ka jhooth saaf jhalak raha tha lekin Gurdeep bholi thi bewkoof nahi.
"Yaar dekh meri toh hai alag soch aur Arjun ne pehle he bata diya tha ke Preeti uski girlfriend hai aur usek sath he shaadi karega.Lekin maine dil diya ya samajh le attract hui aur usne tabiyat se mujhe chaand-taare dikhaye. Tu na galti bhi matt kariyo uske niche aane ki nahi toh shaadi me naache ya naache lekin bister par lambi jarur padi rahegi 2 din.", Gurdeep ko bindaas bolte dekh Keerti ne mooh par hath rakh liya.
"Shhhh.. pagal hai kya aur main bhala kyun uske niche aane lagi? Waise tera sharir hai bahot bhara bhara.", Keerti se kuch kehte he na bana aur wo aage bhi poochna chahati thi lekin khamosh ho gayi.
"Teri kalaai bahot patli hai Keerti, is se bhi kahi mota hoga uska aur doodh peeti bachi toh tu hai nahi jo na pata ho main kisi baat kar rahi hu. Lamba bhi hatheli se jyada hai aur agar jhel gayi toh tere bhi maans chadh he jaayega uski mehanat se. Filhal toh halaat mushkil hai ke aisa koyi mauka mile lekin agar tujhe film dekhni he hai toh dua kar kal raat scene bann jaye. Wo hum log kal dusre ghar rahenge na aur Arjun ko hamari surakhsa ke hisaab se wahi chhat par rehne ka bola hai uske dada ji ne."
"Bediya bhed ki rakhwali karega. hehehe.. Waise tu sach me risk lene ka soch rahi hai?", Keerti ko vishwas nahi tha lekin wo bhi ab dekhna chahti thi ye sab. Usko Jasleen par Punjab se he shak tha aur anjaane he wo bhi Arjun ki taraf aakarshit hone lagi thi.
"Waha Preeti na hui toh 100% main karungi aur chance bhi yahi hai ki Preeti udhar nahi hone wali jab uska ghar he sath me hai toh. Bas ye sab apne tak he rakhna Keerti, wo ladka bura nahi hai aur yaha uske upar baat nahi aani chahiye.", Gurdeep ko gambhir dekh Keerti ne gale par rakhte hue kasam he utha li.
"Bas mujhe na ye sab dekhne ki itcha hai Gurdeep, asliyat me. Aur ab ghar se bahar hone ke sath sath teri jaisi friend bhi hai jo meri itcha poori kar sakti hai toh mauka nahi jaane dena."
"Tu keh toh dekh Keerti, apne sath tujhe bhi uske niche laa dungi. Hahaha.."
"Bakwaas nai yar. Main sachmuch kuch aisa waisa nai karna chahti shaadi se pehle, bas dekhna hai.", Keerti ko in halki baaton se he apni choot me chintiyan chalti mehsoos hone lagi thi. Anyaas he usne apni ubhri hui muniya ko khujaya toh Gurdeep hansti hui apne upar chaadar daalne lagi.
"Khuja le jhoothi khuja le. Cream-vream ho toh saaf rakhiyon maidaan, asaani hogi thodi.", Gurdeep palat kar leti toh Keerti ne narajgi se thapki maarte hue bas itna he kaha.
"pare mar tu Deepi.. main waise bhi jungle pasand nahi karti."
.
.
Yaha chhatt par Arjun 2 gadde bichane ke sath sath takiye aur chaadar rakh kar poori tayaari me baitha tha aur udhar seedhiyon se dabe paav aati aakriti ko dekh uske chehre par khushi badhti ja rahi thi.
Charitra Mehtva (1)
Pandit ji ke ghar abhi sabhi bache market se wapis aaye he the aur thik unke peeche Narinder ji aur Sanjiv bhi. Dono chacha bhatija khush the aur shayad unhone jo bhi kiya tha wo seema se kahi kam he kiya tha. Chehre par kahi se bhi madira ka asar nahi tha. Purnima ji ne bahar aangan me he Umed se kuch baat ki toh Umed ek baar apni chachi Kaushalya ji aur fir Sangwan pariwar se milne ke baad wapis biwi aur maa ko liye haveli nikal chala.
"Dekh lo didi, mere ye toh the he laparwah aur aaj toh inhone apne sath sath jeth ji (Rameshwar) ko bhi shamil kar liya.", Yashoda Sangwan ji bhi abhi jaane he lagi thi Param ke sath le kar. Ruchita aur Anni bhi car me baith chuki thi lekin ye dono mahilaye abhi kuch charcha me vyast thi.
"Kabhi kabhi aisa hona jaruri bhi hai Yashoda. Jaanti ho hume lagta hai ki ye sab umar-daraaj ko shobha nahi deta lekin hum bhool jaate hai ki dost umar hone par kahi jyada parwah karte hai lekin unhe pariwar ki wajah se samay he nahi mil pata. Kal bacho ki bhi leke aana hai tumhe kyonki bacho ke mama ne bhaat leke aana hai. Tum devrani ho meri toh rasme bhi karni hongi devar ji ke sath.", Kaushalya ji ka yahi aacharan tha ki chahe koyi bada ho ya taqatwar, sabhi unse sneh rakhte the ijjatt ke sath sath. Dono gale lag kar mili thi aur uske baad Marina bhi Kaushalya ji ka gaal choom kar hath hilati hui apne pita ki bagal wali seat par ja baithi.
'Bhagwan narayan sabhi ko khush rakhe.', Abhi wo wapis jaane ke liye mudi he thi ki kuch soch kar bahar ki taraf chal di.Is samay daadi ko akele bahar jaate dekh Ritu bhi geela chehra dupatte se saaf karti unki taraf lapki.
"Oh meri pyaari daadi, ab raat me kidhar chali aap?", Ritu bagal me aate he Daadi ka hath pakad kar unke sath he chal di. Kaushalya ji ne muskura kar ek baar Ritu ko aur fir apne bagiche ko dekha.
"Meri laado, tu na thoda sa toh dekh-parakh liya kar sab. Chhoti nahi hai ab tu."
"Wahi toh daadi, ab main chhoti nahi hu aur apni daadi ko yu akele bahar jaate dekh mera farj hai unke sath rehne ka. Waise ye halwaai uncle abhi tak kaam pe hai?", Ritu ne jab dekh ki wo plot me aa gaye hai aur Asgar khud he sabi kursiyon ko samet raha tha. Uske baaki log khana khaa rahe the jameen par baith ke.
"Beta, ye sab hota rahega aur waise bhi baad me kar sakte ho. Pehle khana kha lo.", Kaushalya ji ko apne paas dekh kar Asgar ne hath jodd kar sar jhuka lia tha.
"Mata ji, pehle mere log bhojan kar le. Main khana kamre pe ja kar kha lunga aur itne samay hai toh ye sab thik karna he sahi laga mujhe."
"Kal se aisa nahi hoga Asgar nahi toh kaan kheench dungi tumhare. Beta, samay dekho aur fir tumhe deri bhi ho rahi hogi namaaj ke liye.?", Ab Asgar ne bade he prem se Kaushalya ji ko dekha jaise wo koyi chhota bacha ho aur saamne uski maa.
"Ji shukriya mata ji aur aapne pehle he hume behtar chhat ke sath sath cooler, barabar bhojan ki suvidha de rakhi hai toh hamara bhi farz hai ki aapka koyi nuksaan na ho. Kal se sabkuch samay par he hoga.", Asgar yaha baat kar he raha tha aur uske 2 log ab kaam par lag chuke the.
"Atchi baat hai beta lekin jab hum mehnat 2 waqt ki roti ke liye karte hai toh dhyaan rakhna chahiye ki samay par he khaaye. Kamre par kuch bhi jarurat ho toh bata dena. Waise idhar ke liye chowkidar hai toh jyada dikkat ki baat nahi. Haan kal 6 ki jagah sadhe 7 baje he aana.", Iske badle Asgar ne sirf 'ji' he kaha tha aur uske baaki 2 log ek panni me kuch bhojan liye Asgar ke kareeb aa gaye.
"Ustaad ji, aapka khana le liya hai aur bartan bhi samet diye hai."
"Ab jao aur tum sabhi log araam karo.", Kaushalya ji ke aadesh par wo sabhi ek baar fir hath jodd kar apne raste ho liye.
"Daadi, sach kahu toh aapko sarkaar chalani chahiye. Aap sabhi se saleeke se baat bhi karti hai aur saamne wala har baat maan bhi leta hai. Aur galat bhi nahi hoti kabhi.", Ritu ne ek baar Preeti ke ghar ki taraf dekha jaha Romela apni bhabhi se kuch baaton me lagi thi aur fir apni daadi ko.
"Chala aa thoda chehal kadmi karte hai, khana bhi hajam ho jaayega.", Kaushalya ji ne jaise Ritu ki baat ko ansuna kar diya tha aur Ritu muskura rahi thi kyonki ye usko bhi pata tha ki daadi aise tark-vitark nahi karegi uske sath. Dono he daadi pauti khambo par lagi roshni ki chhaav me dheemi gati se gali me aage chal di.
"Insaan ko 2 tarah se jeet sakte hai beti. Ya toh aap uske barabar ho jao nahi toh usko mehsoos karwao ki wo aapke barabar hai. Isko aage chahe fir 10 alag tariko se badha lo par sach yahi hai ki har insaan chahat hai ijjatt aur pyaar ke 2 meethe bol. Ye Asgar khaansama hai lekin tapti bhatti ke aage kaam karke kitne he logo ke peit ki aag thanda karta hai? Aise vyakti ko maan dena hamara kartavya hai isliye usko apne samkaskh banao.", Ritu kuch samjhi thi lekin kuch abhi bhi sandeh tha.
"Wo dono tarike toh ek he baat hui na daadi?", Is baat par Kaushalya ji halke se muskuraai jis par Ritu ne bhi unka anusaran kiya, kyonki usko pasand tha apni daadi ko khush dekhna.
"Ab dusri baat samjho jara. Ab tu kal ko doctor banegi lekin kuch aise honge jo khud ko naami doctor maan kar ghamand karenge aur tu hogi ekdum nayi. Matlab koyi muqabla he nahi hoga jaise farz kar Shankar aur Tu. Ye jo anubhav hai Shankar ka usko toh tu kamm nahi kar sakti na?", Ritu bade dhyaan se sab sunn rahi thi aur is sawaal par usne sar haan me hilaya.
"Toh tujhe khaas bann na hoga fir. Jab jyada anubhav na ho toh tayaar karo wo khaasiyat jiske saamne bada naam bhi aapke barabar aa jaaye. Neuro ya Cardiac jaise. Phir toh saamne wale ko tumhara loha maan kar ijjatt deni he padegi na?", Daadi ke mooh se aise saaf chikitsa ke shabd sunn Ritu khaasi prabhavit hui.
"Waah daadi kya example diya hai aapne. Waise mujhe toh laga tha ke aap dusre ki detail papa wale style me dengi. hehehe..", Ritu jaha bol rahi thi wo Kaushalya ji ko atche se pata tha.
"Oh shaitaan, jiwan ko kabhi Shankar ki najar se matt dekhna keh deti hu. Wo kisi bade ke barabar jis tarah hota hai na us se dehshat wala sammaan milta hai lekin tum sirf jiwan dene wala rasta chunogi.", Majaak ke baad Kaushalya ji ne badi he gambhir baat kahi thi. Ek pal Ritu bhi khamosh rahi aur modd se wapis ghar ke taraf aate hue usne apne dil ki baat keh he di.
"Daadi, mujhe na kisi ke samkaksh nahi hona aur na he ijjatt ya bade naam se kuch vaasta hai. Bas main itna he chahti hu ki aapko aur bauji ko kabhi dukhi na karu. Haan doctor bann na mera sapna hai kyonki mujhe wahi samajh hai lekin soch toh dada ji wali he hai ki jiwan bachana jyada mushkil hai isliye mushkil kaam he karna chahiye. Kya mujhse kabhi koyi galti ho jaaye toh aap mera jiwan bachayengi?", Ritu ko samajh nahi aa raha tha ki wo 2 alag alag baatein ek sath keh rahi thi. Uske dimaag ke jaise taar ulajh se gaye the ekaek kisi dusre vichar ke shamil hone se. Ritu ke chehre par aaye avsaad ko dekh Kaushalya ji ne bagiche se pehle he rukk kar uske maathe ko sehlaya.
"Maine kya kaha hai tujhe? Shankar se alag bann na hai tumhe Ritu. Wo jo chahta hai uske liye baaki sabse ladd lega lekin chahat ke saamne bebas. Matlab ab tum jara ye baat samjho aur mujhe batao ki agar kabhi tumhare aur Preeti me atoot prem ke beech koyi takraar ho jaaye, aapsi vichar ki wajah se toh kya tum sara shehar jala dogi ya samajhdari se Preeti ke sath baith kar usko suljhaogi? Kisi khaas ki madad le sakti ho jo tum dono ka barabar paksh leta ho."
"Main aisa karungi he nahi daadi. Agar Preeti ki baat sahi hogi toh maan lungi aur meri sahi hui toh woh maan legi.", Ritu ke sapaat se jawaab par Kaushalya ji ki muskaan gehri ho gayi jaise ab unhone thaan he liya tha ke aaj wo Ritu ko kahi bada gyaan dene wali hai. Itni khamoshi me waise bhi yaha ye dono he daadi pauti maujood thi aur swar dheema he tha.
"Farz karo ki Preeti agar tumse ya mujhse shaadi ke liye ye shart rakhe ki hamari poori vasiyat pehle uske naam ki jaaye aur usko Raadhika bitiya ki jagah ghar ke mukhya bahu kaa maan diya jaaye tabhi wo shaadi karegi. Mere baad main ye sabkuch tumhe saunp deti hu aur Arjun bhi agar Preeti ki baat se sehmat ho toh tumhara kya fainsla hoga? Beti, jawaab dene se pehle atche se soch vichaar lena.", Kaushalya ji ne bahot he dur ki sochi thi is pal me aur Ritu ek dil par unka har lafz gehra asar kar gaya tha. Lekin usko bhi pata tha ke daadi bina matlab toh sar pe bhi hath nahi ferti toh itni badi baat agar unhone kahi hai toh jarur khaas baat he hogi.
"Daadi main 2 tarah se baat kahu toh chalega?"
"Mujhe pata hai ki tum ek tarah se kabhi bhi kuch nahi karti. Sahi tarika pehle aur dusra baad me."
"Sahi tarika hoga Arjun aur Preeti ko ye samjhane ka ki jiwan me agar hum bado ko darkinaar karke fainsla lete hai toh sab jimmewari hamari hogi. Fir ye vasiyat bhi nahi milegi aur ye pariwar bhi nahi. Haan agar chaho toh jo bhi Arjun ke adhikaar hai aur jitna usko mila hai wo sab Preeti ko saunp diya jaayega. Rahi ghar pe adhikaar wali baat toh ye fainsla aap he karengi aur agar sabkuch aap mere havale karti hai toh Radhika bhabhi chahe toh Preeti ko ghar ki badi bahu samaan haq saunp sakti hai, lekin Preeti ki kabiliyat dekh kar. Aur agar main mukhiya hu toh Arjun mere khilaaf nahi jaa sakta.", Ritu ke chehre par koyi bhaav ne the ye sab kehte hue jaise wo sirf ek imihaan me baithi ho.
"Aur tumhara dusra tarika kya hota?"
"Aise maamlo me dusra tarika nahi hota daadi. Sab bikhar jata hai aur Arjun khud he galat ho jayega agar Preeti kuch bhi aisi demand rakhti hai toh. Ye pyaar ka majaak hua ya fir ek shadyantra jiske liye Preeti ne Arjun ko chuna ho. Mohabbatt me baaghi hona alag baat hai kyonki tab duniya khilaaf hoti hai aur shart rakh kar mohabbatt nahi sirf saajish hoti hai, laalach se bhari saajish."
"Tu isliye meri laayak bachi hai Ritu, sabse laayak. Aur mujhe ye bhi pata hai ki Preeti toh khud tere jaisi hai jo jarurat padne par apni khwahish bhula sakti hai lekin kabhi kuch galat nahi kar sakti. Arjun ka kya hai, wo toh na maya ki chahat rakhta hai aur na sammaan ya audhe ki.", Kaushalya ji thodi bhaavuk hone lagi thi lekin khud ko sambhaal gayi.
"Papa ne kya chuna tha daadi?", Ritu ke bas itna kehne ke sath he Kaushalya ji ne aankhen kass ke moond li jaise is sawaal ke liye wo tayaar he nahi thi. Ye ateet ka gehra dard unhe aaj tak dukhta tha. Ritu apni daadi ko apne sath lagaaye fir unke kamre tak chali aayi jaise ab usko jawaab me koyi dilchaspi he na rahi ho. Jyada jaruri tha apni daadi ko khush rakhna aur sukoon dena.
"Aap araam karo daadi, subah adhere se jagi ho aur din me bhi araam nahi kiya aapne.", Yaha kamre me is waqt koyi na tha aur Ritu jaane ke liye mudi toh Kaushalya ji ne usko apne paas he baitha liya. Ritu ne baithne se pehle badi tubelight band karke zero ka peela bulb jala diya.
"Sach kahu toh daadi, mujhe khud nahi pata ki main laayak hu ya nahi lekin agar kabhi aapke dukh ka kaaran main bani toh aapke saamne kabhi nahi aaungi.", Ritu ko ehsaas hone laga tha ki ek na ek din ye pyaar kuch aisa he karwa sakta hai. Aaj daadi ko uske pita ke ek purane fainsle se itna dukh tha toh is umar me Arjun ke sath uske rishtey ki sehamti na jaane kya he gazab karwa de. Wahi Kaushalya ji abhi behtar thi aur unhone baithe hue he Ritu ka baaya gaal halke se sehlaate hue kaha.
"Maa-baap bahco ke liye hamesha unki khushiyan he chahate hai beti. Bhala kaun maa apne bacho ko dukhi dekh sakte hai? Tumne mujhe baaki sabhi se kahi behtar samjha hai aur jis dukh ke baare me tum soch kar pareshaan ho rahi ho kya pata wo soch nirathak ho. Mujhe bas yahi parakhna tha ki meri beti fainsle mil kar lene me yakeen rakhti hai ya sirf apne aap. Tumhe sahi galat ki jitni samajh hai uski aadhi bhi agar main apne bacho ko de paati toh mujhe khud par maan hota.", Jahan Kaushalya ji dabe chhipe shabdo me Arjun-Ritu ko swikaar kar chuki thi wahi thodi apne aap se bhi vyathit thi.
"Pata hai daadi, aapki jagah agar koyi bhi maa hoti toh wo bhi akele reh kar itni atchi parwarish nahi de paati. Tauji, Papa, chacha ke sath sath dada ji bhi jiwan me behtar mukaam par pahuche toh parishram aapka he tha. Aur agar is beech kuch bhi thoda idhar udhar hua toh ek maa ka dil apne bacho ko janjiro me toh nahi baandh sakta na? Aur aapne ye kisne kaha ki main samajhdar hu? Hum sabhi bhai-behan bachpan se agar kisi ke sabse jyada kareeb rahe ya khele koode bhi toh aapki he dekh-rekh me. Dada ji ne toh kabhi kisi bache ko kehne tak ka mauka nahi diya kuch bhi chahiye hota hai toh. Kabhi kabhi lagta tha ki hum ladkiyon par aapki sakhti shayad is wajah se hai ki hum ladki hai par baad me samajh aaya ki har cheej ka sahi samay hota hai aur aapki parwah jayaj bhi thi. Mujhe ummeed nahi thi ki aap scooty ke liye haan kahengi aur dekhiye baad me car-motorcycle tak ki chaabhi aapne apne hatho mujhe di.", Ritu ab apni daadi ki bagal me he leit gayi thi, chehra unke seene me dhansaaye. Kaushalya ji bade sneh se uska sar sehla rahi thi jaise aaj kitne he barso baad wo khud ko ek maa mehsoos kar rahi ho.
"Mujhe itna pata hai bitiya ki ek janani kahi jyada saksham hoti hai kisi bhi purush se, bas usko mauka milna chahiye. Haan har stree barabar nahi ho sakti jaise hath ki sabhi ungliyan. Maadhuri gharelu hai aur Komal samajhdar lekin ek apne he daayre me simti hui. Sabhi ki visheshta alag hoti hai aise he aur tum ya Tara in dono se alag ho. Aarti ke badlaav bhi uski paribhasha badalte he toh mujhe ye sabkuch samajh kar he har bache ki khoobi par dhyaan dena he hoga. Tumhari maa ek padhi likhi mahila hai lekin us se kahi jyada wo pariwar ki ehamiyat aur tyaag me vishwaas karti hai. Mujhe hamesha he tum ek bete jaisi lagti ho jo nirnaya, halaat aur pariwaar ko gehraai se samajhti ho. Meri kamiyan toh ab kya he bharpaai ho paayengi lekin mujhe umeed hai tumse. Aur nishchint rehna apne lakshyon par kaam karne ke sath sath. Meri beti, pariksha toh har jagah hoti hai lekin tum jo arjit karna chahogi wo haansil hoga.", Ritu itne dulaar se lipti hui jaane kabhi ki so chuki thi aur jab Kaushalya ji ko ye ehsaas hua ki wo ab akele he baat kar rahi hai toh unhone Ritu ke tanaavmukt khoobsurat chehre ko niharte hue maatha choom liya. Ghar ke bahar gaadi ki awaaj sunn kar wo khud ko thik karti hui uthi aur Ritu ki baah ke niche takiya dene ke sath sath uske upar chaadar bhi udha di.
"Kaun aaya hai Sanjiv?", Unse pehle he bahar aangan me Sanjiv aur Narinder ji aa chuke the. Ghar ke bahar ruki car se jo chehra pehle utar kar chaukhat pe aaya usko dekhte hue Narinder ji ne jhuk kar aashirwad liya. 60 varsh paar ye ek sehatmand insaan tha aur Rameshwar ji ka chhota bhai Krishneshwar.
"Pranaam bhabhi maa.", Sanjiv Narinder se mil kar jaise he Krishneshwar ghar me daakhil hue, aate he badi bhabhi ke charan sparsh karke aashirwad lia. Unke peeche he unki dharampatni ke sath sath badi beti Damini aur naatin Aanchal bhi chale aaye. Sabse milne ke baad Kaushalya ji unhe baithak me le aayi aur apne kamre ka darwaja idhar se laga diya, Ritu ki neend me khalal na pade is wajah se.
"Raaste me kahi ruke the kya Krishan? Aur jara itila he kar dete ki Roshni bitiya bhi aa rahi hai tumhare sath.", Kaushalya ji ne Sanjiv ko he jal-paan ka kaha tha aur uske baad sabhi ke khaane ka prabandh karne ko. Phir wo mukhatib hui bade sofe par pasre apne devar se aur is beech unhone Aanchal ko apne sath laga kar sneh darshaya, jisme ek naani wala he vatsalya tha.
"Wo bhabhi main toh soch raha tha ki 19 ko he aaya jaaye lekin Roshni bitiya ki jidd aur waha chale aane par mujhe khud ka fainsla he galat laga. Pariwar me itne maanglik avsar par har rasam me shamil hona jaruri hai. Binodiya toh pata nahi kaha tha isliye adde se driver bulwa kar 4 baje nikle the. Deri ke liye kshama chahta hu.", Ye kshama bhi khanapurti si thi inki jo Kaushalya ji ko bhali bhaanti pata thi par wo bas muskura di.
"Ye tumne atcha kiya Krishan ki samay se aaye. Mujhe toh bas is baat ki chinta thi ki beti aur naatin sath hai aur andhere me safar karna thoda surakshit nahi. Khair tumhare bhai sahab bhi abhi bahar gaye hue hai aur aane he wale honge. Chai peene ke baad hath mooh dhona ho ya nahana ho toh kar lo. Khana lagwa deti hu jab thik lage.", Idhar Anamika bhi apne saas-sasur ke aane ki khabar milte he chali aayi thi. Krishneshwar ji ne toh mehmaan kamre me rukna tha apni biwi ke sath isliye Roshni aur Aanchal ko Anamika apne sath andar le gayi.
"Jiji, suna hai hone wali bahu aadhunik hai aur kuch bade ghar se hai? Wo aisa hai na ke utne nakhre bhi ho jaate hai. Waise aap toh sabse jyada duniya samajhti ho lekin kahi bacho ki baat par rishta..", Ye shabd nikle the Shrimati Devaki ji ke mukh se. 60 baras ki ye mahila badi jivat shakshiyat thi aur shayad inke jiwan me sabse adhik irshya inhe thi toh sirf apni jethani Kaushalya ji se lekin unka rasookh aur taaqat pehchaan kar bas bilbila he sakti thi. Sanjiv ko ye shabd kuch thik nahi lage the lekin wo aadatan shaant he tha.
"Aisa hai Devaki, bache jab samajhdar ho jaaye aur apne paanv par khade bhi toh hamara dayitva hai fainsle mil kar lene ka. Sanjiv aaj ek atche mukaam se hai bina kisi sahayta ke aur isne kabhi aisa nahi kaha ki us ladki se shaadi karwao. Tumhare jeth ji ko apne sabhi bacho ki tasalli se khabar rehti hai isliye wahi gaye udhar baat chalane. Pariwar pehchaan ka hai aur bitiya bhi laakho me ek. Bache khush toh parmatma bhi. Thoda bahot apne paas bhi hai agar unka pariwar sampann hai toh. Thik baat kahi na Krishan maine?", Narinder ji toh mand mand hans rahe the apni maa ke teen-tarfa humle se aur ab Krishneshwar kya jawaab dete.
"Bhabhi aap pramukh hai aur aapke fainsle toh khud bhaiya bhi maante hai. Bache khush rahe bas aur rahi dhan-daulat ki baat toh jitna aap daan kar chuki hai utna kisi sampann pariwar me bhi nahi hota. Aaj main 10 gaanv me sammannit hu aur bhaiya ki wajah se kabhi koyi sankat tak chhu na paya. Ghar se bache jaate hai lekin aapne toh ek pal me sabkuch mere hawale kar ke yaha 2 kamro se naya basera banaya aur aaj sabke saamne udaharan hai bhaiya aur aap.", Krishneshwar ekake he gambhir ho uthe aur unki baat ka jawaab unki dharampatni ke paas bhi na tha.
"Tum unke liye aaj bhi sabse khaas ho Krishan aur ye khud kasht seh sakte hai par tumhe dukhi nahi kar sakte.", Kaushalya ji aage kuch bolti us se pehle he aagman hua jikar-daraaj vyakti ka, Sh Rameshwar ji. Krishneshwar turant uth kar unki taraf lapke aur wahi unki biwi ne ghoongat audh kar hath jodd diye.
"Kaise ho mere Dhilu-lal? Eid ho gayi bhai aaj toh tum hamare gareebkhaane najar aaye.", Rameshwar ji apne pan se yahi bulate the apne chhote bhai ko, Dhillu. Dono gale lag kar mile the aur kuch waqt gale lage he rahe. Unke sath sath he andar aaye Arjun par jab Krishneshwar ji aur Devaki ki najar padi toh hairat se bas usko he dekhne lage. Sava 6 feet ka wo lamba-chauda sa yuvak jaise unhe kisi ka samaran karwa gaya ho.
"Namastey dada ji.", Arjun ne he gambhirta se un dono ke paanv chhuye toh Krishneshwar ko waqt laga jawaab dene me.
"Bhaiya, ye..."
"Tumhara pauta hai ye Krishan aur Shankar ka beta Arjun. Dekh lo ye tumhe pehchaan gaya aur tumhe jaise kuch aur he najar aaya.", Unki baat par Krishneshwar ne bhinchi hui muskaan dene ke sath sath Arjun ko bhi seene se lagaya jo baahon ke ghere me bhi nahi aaya tha unki.
"Aisa laga bhaiya jaise Pita ji ki tasvir rangeen ho kar jivit ho uthi ho. Bahut khushi hui tumhe dekh kar beta, sachmuch bhaiya ne tumhe isliye he ghar me sahej kar rakha hoga.", Arjun kya kehta ki ye khushi jyada lambi nahi hai chhote dada ji. Aap mere gale nahi lage ulta main aapke gale padne wala hu jald. Par usne kuch bhi aisa na kaha.
"Aap log baithiye, main khana lagwata hu. Chal Arjun.", Sanjiv bhaiya turant he usko apne sath le chale. Yaha kuch der aur gupshap hone ke baad sabko atche se khana khilwa kar Sanjiv bhaiya ne gate ke tala lagaya aur Arjun ko khojte hue uske kamre tak chale aaye.
"Abe tu ye sab kya karne laga hai?", Beech ka darwaja band tha aur dusri taraf Sanjiv bhaiya ke kamre me Anamika-Roshni aur Aanchal thi aur hall kamre me Ruchita, Renuka aur Madhu bua, jinhe filhaal kisi se kuch jyada matlab nahi tha. Sanjiv ne kamre me Arjun ko kagaj-pen liye uljha dekha toh dheemi awaaj me poocha.
"Oh.. kuch nahi bhaiya bas tikdam laga raha tha kuch."
"Jara vistaar se bata na kaisa tikdam aur ye kamra band kaise hai idhar se?"
"Udhar bua log so rahe hai aur main nahi chahta ki light ki wajah se unhe pareshani ho. Waise tikdam ye hai ki mujhe dada ji pata chala ke aapke Sasur ji ke bade bhai Shri Somnath ji bade rasookhdar businessman ke sath sath MLA bhi hai aur unki pakad bhi hai idhar ke sath sath Rajasthan me."
"Oye sudhar ja sudhar ja. Tu khud he kehta hai ke ab aage kuch nahi karega lekin fir bhi is sabme ghusa rehta hai. Wo tedha aadmi hai aur sarfra bhi. Teri bhabhi ne mujhe saaf kaha tha ke unke saamne main bhi kuch jyada baatchit na karu. Chal chhat pe chalte hai aur 10 minute baat karke main sone chala jaunga.", Raat ke 11 se upar hone lage the lekin Sanjiv bhaiya ki baat sunn kar Arjun uth khada hua.
"Sach bol diya karo na bhaiya ki ciggratte ki talab lagi hai kyonki aap bahot kuch soch rahe ho is waqt.", Sanjiv bhaiya ne hanste hue uski peeth par dhaul jamaai toh Arjun unke sath hansta hua dabe paanv bahar ki taraf se he niche utar kar pichle aangan se chhatt ki aur badh chala. jyadatar kamro me shaanti thi par upar Ritu-Alka wale bhaag me jagmag light se saaf pata chalta tha ki ladkiyon ki ek paltan idhar abhi jaagruk hai. Ye punjaab wali aur idhar ki shaitaan chaukdi he hogi.
"Ab batao bhaiya ki kya baat aapko pareshan kar rahi hai?", Arjun khule aasman ke niche apne bhaiya ka sath ab ekaant me tha. Taaro se bhare aasman ki khoobsurti kahi jyada lubhavani thi aur hawa bhi kuch hadd tak thandi. Diwar par Sanjiv apne bhai ki aad me baith kar ciggratte jalate hue kuch khamosh he tha lekin ek kash ke sath he bolne laga.
"Pata chala hai ki Chacha ji (shankar) ne Umed chacha ke sath mil kar bahot tagda kaarnama anjaam diya abhi 2 raat pehle. 25 se jyada naami badmaash aur 3 vyapaari aur rajnaitk hasti ko buri tarah cheer-faad diya gaya.", Sanjiv ki baat sunn kar Arjun hairat se apne bhaiya ko aise dekhne laga jaise wo dusri bhasha me bol rahe ho.
"Hairaan hone wali baat ye nahi hai chhote."
"Ab is se badi baat kya hogi bhaiya? 2 logo ne 25 logo ko maar dala aur kanoon? Galti se papa ko kuch ho jata toh?"
"Abe tu nahi jaanta abhi dhang se apne papa ko lekin asli baat ye hai ki wo jagah raakh me badal di gayi jiske maalik Vinod chacha aur unke jija yaani PP Sharma, hamare fufa hai. Kanoon ki najro me toh wo haadsa hai jo aag lagne se hua aur waha jwalansheel pradarth jyada matra me tha. Par ye jo bhi hua hai na ispe ek khufiya team bhi kaam kar rahi hai, center se appoint ki hui. Is tarah ki ye teesri vaardaat hai jaha jo khabar me aayi hai. Style bhi ek jaisa hai in sabka. Delhi ke paas Mishra ke sath sath 18 log jal kar maare gaye, wo rape-murder wale kisse me jab tune help ki thi toh waha bhi Umed chacha ne baad me aag laga di thi aur ab ye teesra jo sabse bada maamla hai. Local police, politicians ya yun kahu ki bade bade sarkari departments ko bhi nahi pata ki khojbin shuru ho chuki hai.", Sanjiv itni baat keh kar lagatar kash kheenchne me lag gaya aur Arjun ki sittipitti gumm ho chuki thi. Kaha toh wo hairaan tha 2-2 bade khulaso se lekin ab pareshan ho chuka tha ki agar saboot mil gaye toh.
"Ab kya hoga?", Usne jhijhakte hue poocha toh alaav ki roshni me Sanjiv ke chehre par alag he bhaav najar aaye.
"File toh band ho jaayegi chhote kyonki waha saboot kuch khaas nahi milne wale lekin baat ye hai ki aisi jaanch shuru he kyun hui? Matlab abhi bhi kuch log hamari najar se bache hai jo ye sab karke dhyaan hatwa rahe hai."
"Bhaiya ye mamla kuch aur toh nahi? Walia uncle bhi kuch alag he bata rahe the.", Arjun ne ye baat kuch soch kar he bhaiya ke sammukh kahi thi.
"Wo kya keh rahe the? Aur unhone ye tujhse bataya?"
"Wo mujhe chhodne aaye the ghar tak aur fir dada ji ke sath sath Col dada ji bhi bahar he mil gaye. Unki baat sunn kar pata chala tha ki unhe ek bade case ko turant rokne ka aadesh mila hai upar se. Aur wo solve kar he chuke hai fir bhi case close ki file li gayi hai unke head dwara, wo bhi after working hours ek new clean report ke sath.", Ab Sanjiv bhi kuch der aasmaan me dekhte hue chintan karne laga tha.
"Agar us case par kaam karne wali baat department se leak hui hogi toh ye dusra case shuru karwaya gaya hai. Ab tu tere source lagwa aur pata kar ki ye D.S. Meena ki kya history hai. Yahi hai Delhi me is taraf ka prabhari aur Walia ji ka super senior. Matlab toh saaf hai ki ye sab sirf isliye kiya gaya hai ki unke paas bhi kamjor kadi ho is taraf ki.", Sanjiv ne is naam ka jikar karte hue Arjun me puri ummeed jataai thi.
"Delhi me toh daboch he lenge isko bhaiya lekin aapne toh naam bata kar aadha maamla he solve kar diya. Meena matlab Rajasthan se hai wo aur jahan tak baat hai iske super senior hone ki toh apne pas ek aur barabar ka insaan hai waha. Kya samjhe?", Arjun ke chehre se pareshaani chu-mantar ho chuki thi jisko dekh kar ab Sanjiv ki aankhon me bhi khaas chamak ubhar aayi.
"Galat he sahi lekin tu tarika nikaal he leta hai. Dabayega kaise?", Sanjiv ki baat par Arjun ne tatkaal he jawaab diya.
"Usko message main pahuchaunga aur jalwa aap dikhana. Kayi baar badi pahuch se jyada kargar hota hai majboot insaan ko bhi asurakshit ehsaas karwana. Waise aap sure ho ki ye jaanch aage nahi badhaai jayegi?"
"101% . Khud he socho jab ye information mujh tak aayi hai toh matlab ye ek message he hai ki unhe bhi khabar hai is sabki. Matlab khel is tarah se nahi khela jaayega jis tarah chacha ji log kar rahe.", Sanjiv apni taraf jayaj tha lekin Arjun kuch soch chuka tha jiske baare me usne koyi khulasa nahi kiya.
"Atchi baat hai bhaiya. Waise bhi ab toh sabhi log vyast hai aur uske baad suna hai Umed chacha ji ke sath Narinder chacha ji bhi business me lagne wale hai. Papa bhi busy ho jaayenge dada ji ke dimaag ki wajah se toh filhaal ye sab nahi hoga jo ho chuka."
"Haan bas isliye he itna nischint hu chhote. Waise thanks bhai jo tu akele he ghar ke saare kaam itne atche se dekh raha hai.", Sanjiv bhaiya pariwarik kaamo me Arjun se khaase prabhavit the.
"Aap meri shaadi me karke hisaab barabar kar dena bhaiya, thanks apne pas he rakho."
"Saale tujhe bahot jaldi hai shaadi ki. Waise tujhe jarurat toh hain nahi jitni liye ghoom raha hai.", Ab dono bhai pehle si masti karne lage the sab bhool kar.
"Us se he toh bachna hai bhaiya. Ye masti kahi koyi kaand na karwa de isliye koshish karta hu ke busy rahu. Aapki chaandi hai ab 5 din baad. Pata nahi mujhe upar wale kamre me rehne bhi doge ya nahi.", Arjun bhi barabar maje lene laga.
"Tu upar he rahega jaha abhi rehta hai. Haan kamra aise he band rakhna bas jaise aaj dekha tha.", Sanjiv bhaiya ki gehri muskaan dekha Arjun ne aur bhi taang khinchaai ki.
"Waise jarurat toh nahi lagti is sabki. Wo bada wala bed lagwa raha hu kal aapke kamre me.", Arjun itna bol kar thoda aage daud gaya jaise pakdam pakdaai chal rahi ho.
"Thehar ja be tu .. bade bhai ke liye bed lagwata hai.."
"Oh mere pyaare bhaiya.. aapke liye nahi, raat ke shor se bachne ke liye. Atcha sorry sorry..", Arjun hathe chadha toh turant hanste hue sorry bolne laga tha. Sanjiv ne bhi masti me kaan khinch kar usko apne sath he laga liya.
"Pata hai chhote, jo jiwan sangini hoti hai na iska ek alag sthaan hota hai jo ek bhai ko bhai se kabhi vimukt nahi kar sakti. Haan kuch aisa jarur ho jayega ki tujhe mera darwaja khatkhatana pade kabhi kabhi lekin main jaanta hu tu Raadhika ka khayaal waise he rakhega jaise mera rakhta hai.", Dono bhai ab chalte hue ghar ke saamne wali taraf aa khade hue the chhat par.
"Devar-bhabhi ka rishta bahot jatil hota hai bhaiya lekin meri najar me shayad maa bete ke baad sabse sampoorn. Wo idhar aayengi toh apne bhai aur maa-papa ko chhod kar jisme aap unko bharpoor maansik sehyog denge lekin main vaada karta hu ki bhabhi ko kabhi apne chhote bhai ki kami mehsoos nahi hogi aur shayad shararti devar ki bhi.. hahaha..."
"Sudhar ja be sudhar ja. Tu na sachmuch lagta sharif hai bas lekin main jaanta hu ke tu kitna shararti hai. Aur ye bhi sach hai ki Raadhika ko kabhi dukhi nahi hone dega. Mere bhai par mujhe jitna yakeen hai shayad apne pyaar pe nahi.", Sanjiv ne bahot badi baat bol di thi aur Arjun ne anjaane he unhe apni baahon me kass liya tha
"Kabhi compare matt karna bhaiya kyonki mujhe pata hai aapka. Bas is sabko badlaav ki tarah lene ki jagah taqat he samajhna. Shayad kahi na kahi main bhi aapka wo sehyog na kar saku jo bhabhi karegi. Chalo ab humko niche chalna chahiye, kal thaanedar ji 6 baje tak sone nahi dene wale.", Arjun bhaiya ke sath he yahi halki fulki baatein karta hua jab niche utara toh dono ka mann kaafi halka ho chuka tha.
"Waise tu toh kal se pichle ghar rehne wala hai na?", Galiyare me aate he bhaiya ne Arjun ko yaad dilaya toh wo sar khujane laga.
"Fans gaye bhaiya. Maine toh apna kamra bhi nahi sameta aur waha abhi bhi bahot kuch hai jo sabse dur rakhna jaruri hai. Chalo kar he lunga raat me.", Arjun ab bhaiya se vida le kar fir se seedhiyan chadhne laga toh beech me he ruk gaya.
'Marr gaya.. Preeti ne raat ka milne ko kaha tha aur wo najar bhi nahi aayi.', Arjun dimaag ke ghode daudane laga tha lekin ye samay aisa tha ki na wo unke ghar jaane ka jokhim utha sakta tha aur na he pichle hisse me kisi darwaje ko khatkhata sakta tha, Preeti ke chakkar me. Samay 12 ho chuka tha matlab madhyaratri aur ye bilkul bhi sahi samay na tha kisi ulti seedhi harkat ke liye. Mann maar kar wo apne kamre me aa baitha jaha ab badi tubelight jal rahi thi jiski taraf Arjun ka dhyaan deri se gaya.
"Main toh night lamp me kaam kar raha tha.", Arjun ne dhyaan diya aur fir table par rakhe doodh ke gilaas par najar gayi.
'Budhuraam, bhaiya se baat ho jaaye toh fir wapis upar aa jana.', Ye pankti jisne likhi thi Arjun bhali bhanti pehchanta tha aur chehre par khushi bata rahi thi ki Preeti idhar he hai.
"Aaya meri billi abhi aaya bas."
.
.
"Yar Deepi, tera kuch scene hai kya Arjun ke sath?", Aarti-Tara wale kamre me bed par unki jagah is waqt Gurdeep, Kirti thi. Jasleen sabse aakhiri kamre me Komal aur Vinni ke sath thi aur beech ke kamre me Alka, Afsana aur Preeti jahan sirf Preeti he jaag rahi thi aur dono baaki so chuki thi. Niche wali manjil par Madhuri-Priyanka ke dusri taraf wale kamre me Aarti aaj apni maa ke sath soyi thi aur fir bhi Rekha ji wala kamra khaali tha. Idhar Keerti ki baat sunn kar Gurdeep ke chehre par alag si chamak saaf bata rahi thi ki baat jarur hai.
"Tumhe kaise pata ki kuch hai?"
"Wo tum usko bade gor se dekh rahi thi aur usne bhi tumhare idhar halke se hath lagaya tha jab wo apne kamre me ja raha tha.", Keerti ne halke se Gurdeep ke nitambh par hath rakh kar batate hue kaha toh sardaarni ke chehre par kaamuk muskaan aa gayi.
"Tumhara toh boyfriend hai na?"
"Bata na yaar Gurdeep. Mera bas naam ka he boyfriend hai aur yaha main ye nahi keh rahi ki usko mera boyfriend banwa de. Lekin ye ladka hain pahuchi hui cheej.", Keerti ki matlab Gurdeep bhi atche se samajhti thi.
"Jasleen ne jab tumhe bataya tha na ki Arjun ne usko smooch kiya tha isliye lipstick gayab hai toh maine bhi suna tha. Lekin sach kahu toh khwahish Jasleen ki he hogi isliye he toh Arjun ne kiya hoga. Aur rahi baat meri toh dekho mujhe wo atcha lagta hai aur aapas me thoda khulapan hai hamare, dosto se thoda jyada.", Gurdeep bhi jaise aapas ki baatein bhali bhaanti jaanti thi.
"Matlab dosti se jyada kya?"
"Tu bol tujhe kya sunn na hai?", Gurdeep ab Keerti ki taraf he palat kar aankhen nachati hui poochne lagi. Keerti thoda jhijhakne lagi toh Gurdeep ne khud he usko dheel di.
"Puch le na yaar jo tera dil keh raha hai."
"Wo.. mera matlab hai kya tum dono ne wo sab bhi kiya hai? Dekh main isliye pooch rahi kyonki kahi Jasleen galti na kar baithe.", Keerti ka jhooth saaf jhalak raha tha lekin Gurdeep bholi thi bewkoof nahi.
"Yaar dekh meri toh hai alag soch aur Arjun ne pehle he bata diya tha ke Preeti uski girlfriend hai aur usek sath he shaadi karega.Lekin maine dil diya ya samajh le attract hui aur usne tabiyat se mujhe chaand-taare dikhaye. Tu na galti bhi matt kariyo uske niche aane ki nahi toh shaadi me naache ya naache lekin bister par lambi jarur padi rahegi 2 din.", Gurdeep ko bindaas bolte dekh Keerti ne mooh par hath rakh liya.
"Shhhh.. pagal hai kya aur main bhala kyun uske niche aane lagi? Waise tera sharir hai bahot bhara bhara.", Keerti se kuch kehte he na bana aur wo aage bhi poochna chahati thi lekin khamosh ho gayi.
"Teri kalaai bahot patli hai Keerti, is se bhi kahi mota hoga uska aur doodh peeti bachi toh tu hai nahi jo na pata ho main kisi baat kar rahi hu. Lamba bhi hatheli se jyada hai aur agar jhel gayi toh tere bhi maans chadh he jaayega uski mehanat se. Filhal toh halaat mushkil hai ke aisa koyi mauka mile lekin agar tujhe film dekhni he hai toh dua kar kal raat scene bann jaye. Wo hum log kal dusre ghar rahenge na aur Arjun ko hamari surakhsa ke hisaab se wahi chhat par rehne ka bola hai uske dada ji ne."
"Bediya bhed ki rakhwali karega. hehehe.. Waise tu sach me risk lene ka soch rahi hai?", Keerti ko vishwas nahi tha lekin wo bhi ab dekhna chahti thi ye sab. Usko Jasleen par Punjab se he shak tha aur anjaane he wo bhi Arjun ki taraf aakarshit hone lagi thi.
"Waha Preeti na hui toh 100% main karungi aur chance bhi yahi hai ki Preeti udhar nahi hone wali jab uska ghar he sath me hai toh. Bas ye sab apne tak he rakhna Keerti, wo ladka bura nahi hai aur yaha uske upar baat nahi aani chahiye.", Gurdeep ko gambhir dekh Keerti ne gale par rakhte hue kasam he utha li.
"Bas mujhe na ye sab dekhne ki itcha hai Gurdeep, asliyat me. Aur ab ghar se bahar hone ke sath sath teri jaisi friend bhi hai jo meri itcha poori kar sakti hai toh mauka nahi jaane dena."
"Tu keh toh dekh Keerti, apne sath tujhe bhi uske niche laa dungi. Hahaha.."
"Bakwaas nai yar. Main sachmuch kuch aisa waisa nai karna chahti shaadi se pehle, bas dekhna hai.", Keerti ko in halki baaton se he apni choot me chintiyan chalti mehsoos hone lagi thi. Anyaas he usne apni ubhri hui muniya ko khujaya toh Gurdeep hansti hui apne upar chaadar daalne lagi.
"Khuja le jhoothi khuja le. Cream-vream ho toh saaf rakhiyon maidaan, asaani hogi thodi.", Gurdeep palat kar leti toh Keerti ne narajgi se thapki maarte hue bas itna he kaha.
"pare mar tu Deepi.. main waise bhi jungle pasand nahi karti."
.
.
Yaha chhatt par Arjun 2 gadde bichane ke sath sath takiye aur chaadar rakh kar poori tayaari me baitha tha aur udhar seedhiyon se dabe paav aati aakriti ko dekh uske chehre par khushi badhti ja rahi thi.
Last edited:
- 4,125
- 57,652
- 173
Kaash 300 ke jagah 3000 likhte.bhai.
Nacho BC, Annu aa gyi
"PYAAR 100 BAAR CONTEST"
** Ek sawaal sabhi readers se ke shaadi me Arjun ke gaal Lal hone ki vajah Kya hogi ?
** All the wild guesses are acceptable.
** Show your imagination to the story.
Enigma bhai khaa ho ap zra samny aao aaj billi ko ap py gussa aa rha hy oor woo panjy marny k mode mn hy jaldi sy btado babita ka koi seen bany ga shadi k mahool mn yaa nhi
Fantastic Update
Ek halka fulka pariwarik update page 1925 par prastut hai.
Iron Man
Try and fail. But never give up trying
- 37,640
- 94,862
- 304
Harpreetsingh1989
Member
- 221
- 636
- 93
Update bahut badiya hai bhai
Do bar paste ho gaya hai to agar ho sake to update ko modify kar lijiye...
Do bar paste ho gaya hai to agar ho sake to update ko modify kar lijiye...
sorbobhuk
Well-Known Member
- 2,352
- 5,548
- 158
Bhai ye baat arjun kon si update me kaha tha kya baata sackta hai main shayed bhul geya.....
- Status