Update 139
Krishna (2)
"Rajesh, tu is taraf se jaa aur agar thulle (police) najar aaye toh bhi parwah na karna. Main aur Gajju saamne se enter karenge aur Daleep tujhe backup dega.", Gehri syaah raat me ye 4 log he the is alag shehar ke raees ilaake me. Saamne 40 feet chauda gate bata raha tha ke ye society khaas bhi hai aur aaj yaha bada kaarnama hone wala hai.
"Goli chalani padi toh?", Rajesh ki kamar ke ek taraf ek mehngi rivolver thi aur dusri taraf 15 inch fal wala ghatak khanjar. Aisi he tayaari baaki teeno ki thi lekin Umed Singh aaj dono he taraf lambe chaaku liye tha.
"Goli tabhi chalani hai jab mamla hum dono ke hath se bahar ho. Tumhe pata hai na ke ek jaise 3 duplex hai, shikaar kisi me bhi ho sakta hai aur galti hone par hum chaaro ka kaam ho jana hai. Waise bhi tum aaj tak cheete ho darling, khanjar se he shikar karoge.", Narinder ke aisa kehne par wo dono he andhere me ek taraf nikal liye aur ab Umed car ko us gate ki taraf le chala. 2 guard pehre par the jo mustaid dikh rahe the lekin Umed ne bhi pravesh ki prakriya poori karte hue dikhaya ki wo apne dost ko milne he aaye hai. Gate par lage intercom se phone milana kartavya tha un guards ka aur pehchaan batate he unhe andar jaane ki ijajat mil gayi.
"Sahi kaha tune, ye sala Shankar wala idea apnate toh ho gaya tha kaam. Ye khaas agency ke log paise lene ki jagah hooter he baja dete.", Narinder ne prashansa karte hue aage bhi najar rakhi. Umed ciggratte sulgata hue poori tarah chaukas tha.
"Isliye usko nahi laaye Inder. Bhole yaha inhe he goli thok deta aur fir lag jaate sabke lode. Apne munshi ke naam se he maine ye property li thi 2 din pehle aur wo tabhi se yaha hai. Lekin usko sath le aate toh behtar rehta."
"Nahi Gajju aisa kabhi nahi hoga ke hum teeno he ek sath kisi kaam par jaaye. Rajkumar bhaiya sadharan insaan hai aur hamare dono pariwaro ko peeche dekhne ke liye hum me se ek ka hona jaruri hai. Waise bhi wo bangdu kaha tika hoga. List me jo bhi naam the wo Bhuppi aur Sangwan ke sath unke peeche jayega. Mana kar lo lekin usko samajh kaha aata hai.", Car dheemi karte hue Umed ne ek ghar ke bahar 2-3 baar dipper mara toh uske Munshi ne bhi aangan ki light on-off karke ishara de diya.
"Car yahi rahegi Inder aur humko iske thik pichli sadak par paidal he jana hai. 2-3 kutte bhi honge aur unhe swarg tu pahuchana baaki bhaade ke tattu main dekh lunga.", Ciggratte ab Narinder ne lete hue 2 gehre kash lagaye aur bottle se paani ka ghoont lete hue kulla kiya. Har taraf kataar me ghane vriksh aur reh reh kar aati kutto ke bhonkne ki awaaj. Mahol sateek tha aur ye samay aisa tha jisme adhiktar log gehri neend me soye rehte hai.
"Anumaan?", Bahot halki awaaj me Narinder ne itna he kaha aur ye dono he ek sath jude 3 gharo ko dekh rahe the jo thik sadak ke paar the.
"20 kam se kam.", Umed ne khaas andaaj me ek hath me ulti taraf karke wo khanjar pakda aur dusre wale par rumaal lapet lia. Narinder ki kamar par bas ek rivolver thi aur hath khaali. Sadhe kadmo se he pehle Narinder is 4 feet unchi diwar ke paar utra aur ek kutte ki halki gurrahat sunai dene ke sath he shaant ho gayi. Gate ke ek taraf kursi par baitha aadmi jaise sirf neend poori karne ki duty de raha tha. Umed ke andar aate he kursi par baithe aadmi ki bhi gardan ludhak chuki thi aur is baar haddi tootne ki awaaj is sannate pe atche se sunaai di.
"Baayi taraf.", Narinder ne bahot he dheemi awaaj me jaise Umed ko bataya ke usko kaha jana chahiye.
"Tum?", Umed poori chauksi se idhar udhar dekh raha tha. Usko rakhwali wale kutto ka andesha tha lekin idhar sirf ek he mila wo bhi ab diwar ke saath pada tha.
"Ye sabhi ghar alag nahi hai bhai. Jaha hum khade hai is ramp ki unchai barabar hai jiska matlab basement ek."
"Toh fir idhar ki kundi laga de bahar se.", Utni he halki awaaj me Umed ne jawaab diya toh Narinder ne waise he kiya.
"Ab us daayi taraf wale ka kya kare?", Narinder ka matlab saaf tha ke dono ko he ghar me alag alag darwajo se jana hoga.
"Thik hai.", Abhi dono alag hue he the ki 'dhapp' ki awaaj sunai di jo bahot he halki thi lekin thi kisi aadmi ke girne ki.
"Rajesh hai. Chal usko apne sath le ja.", Ye parchai unke pas pahuchi toh Umed ne bhi dekh liya. Dono he baayi taraf chal diye aur Narinder unko jata dekh wahi khada raha jaise koyi vichar bana raha ho. Wo darwaja band tha aur dono wapis chale aaye.
"Andar se band hai."
"Yahi se andar chalna padega."
"Na na. Pichli diwar se chalte hai.", Rajesh ne sujhaav diya lekin Umed ne mana kar diya.
"Inder thik keh raha hai aur ab koyi baat nahi karni. Teeno alag alag disha me. Rajesh right, main left aur Inder upar wali manzil par.", aur iske saath he teeno dabe paanv ghar me dakhil ho gaye. Lambe haal me he bas halki peeli roshni thi jaha diwar par Bholenath ki light wali badi tasvir lagi thi. Teeno he muskura diye aur Umed ne ungli se alag alag hone ka ishara diya.
Rajesh ki najar ek taraf jameen par gadda bichaye soye vyakti par padi toh agle he pal Rajesh ka hath us vyakti ke mooh par aur gardan kinare se kinare us khanjar se reit di. Sachmuch kahi cheete se he raftar thi Rajesh ke haatho me jo khoon behna bhi kuch samay baad shuru hua. Khoon se sana khanjar liye wo waise he aage badhte hue har kamre ko dekh raha tha. Is hisse me koyi najar na aaya lekin antim chhor par ye rasta niche jaata dikha. Rajesh kuch soch kar seedhiyo se is nichle bhaag ki aur chal diya.
Idhar abhi tak Umed ne 4 sar dhadd se alag kar diye the is upar wale hisse me aur ab wo ek bister par araam se baitha is soye hue aadmi ko nihar raha tha. Ekaek kisi ki jor ki cheekh se ye aadmi uth khada hua lekin Umed ko bagal me baithe Khanjar saaf karte dekh chehra safed ho gaya. Gate par khade Narinder ke hath me Avdhesh Mishra ke suputra Bhaanu ki gardan thi. Wo sachmuch Chamunda ka he avtaar najar aa raha tha aur iske baad tehkhaane ki taraf se 'pitt-pitt' ki awaaj kareeb 5-6 baar sunai di jo silencer yukt pistol ki thi. Itni khamoshi me aur dhawani-bandh makaan me ye awaaj sunai dena uchit bhi tha.
"Tum.. Tumse toh maine samjhauta kar liya tha na Umed? Ye dhokha hai aur iski bahot badi saja bhugtoge tum dono aur tumhare pariwar.", Bete ki maut ne jaise gehra asar kiya tha Avdhesh Mishra par aur ab Narinder kareeb aa baitha.
"Samjhauta? Behanchod dalle, samjhauta karwaya tha mere baap ne jis se tu bacha reh sake. Lekin nahi tum toh bahubali ho aur gaand me plastic ke keede hai jo marte nahi. Aaj tu jo bakna chahta hai wo bak aur tere pas hai.. ummm. Isne kitne minute bole the Shankar ko jab samjhauta hua tha Gajju?"
"Ek minute.", Umed ne khanjar ka nukila hissa Avdhesh ki peeth par jaha lagaya tha wo thik dil ki taraf jaata tha. Avdhesh ki gaand aur jyada fatt gayi jab khoon se tar-batar Rajesh andar chala aaya.
"Kya time time khel rahe ho aap dono jija ji? Is saale ki toh gaand ke andar poori magzine khaali karne ke baad lulli kaat kar iske he mooh me daal do. Meri behan par humla karwaya tha na maadarchod tune, dekh basement me maine teri nasal he saaf kar di. Waise lugai teri waha bhi nahi hai. Kaha hai Mishrain?", Inder bhi halat dekh raha tha Rajesh ki jo alag he dhoomketu bana hua tha khoon me sana aur gusse se bhara.
"Wo... wo.. mujhe chhod gayi kal he.. Shankar ke bete ne usko uthwa diya tha 2 ghante ke liye apni taqat dikhate hue.", Ab Umed aur Narinder ke sath Rajesh bhi bister par aa baitha.
"Aur tu bhosdike kya bana firta hai? Ghanta na hai tu mere aand ke baal. Chalo jija ji iska time khatam hua.", Rajesh ne jaise he khanjar aage badhaya Narinder ne kalai pakad li.
"Mere dost iske pas abhi 10 minute hai. Fir tu araam se iski lulli kaat ya peit se aantdiya nikaal kar unki maala iske gale me pehna. Kuch sawaal hai mere aur isne sabhi ke jawaab sahi diye toh ye zinda bach jayega.", Rajesh khamosh ho gaya aur ek najar idhar se bahar daali toh Daleep sadak kinare baitha beedi peeta dikha khambe ki roshni me.
"Zinda chhod doge?"
"Maine kaha na sach bologe toh main tumhe zinda chhod dunga. Pehla sawaal. Tumhe Rekha bhabhi par humla karne ke liye kisne kaha tha? Bindiya ka naam matt lena kyonki us se toh tum bhi kuch chahte ho na?", Narinder ke chehre par he shanti thi is kamre me jo sawaal karte hue bhi bilkul sanyamit tha.
"Karam Singh ne phone kiya tha ki is aurat ko maarna hai badle me wo Tomar wale ilake me mera kaam sambhalega jaise Tomar karta tha. Mujhe nahi pata tha ke wo Shankar ki biwi hai."
"Karam Singh mara gaya matlab tumse yahi sawaal kisi aur ne bhi kiya hoga?"
"Nahi mera yakeen karo Narinder ye baat sirf tumhe he bataai hai.", Avdhesh Mishra ki halat aisi he thi ki wo jhooth bol bhi nahi sakta tha. Khauf Inder ki harkat aur badha rahi thi jo Bhaanu ke kate hue sar ko hatho me ghuma raha tha.
"Byaah me kisne bulaya tha tujhe waha?", Itna seedha sawaal shayad koyi aur kar bhi na pata. Narinder jaise yaha aane se pehle har baat samajh ke aaya tha.
"Munni ne bataya tha ke Babita ki shaadi hai us din. Wo ye bata deti ki Bijender ki baraat waha ja rahi hai jaha Shankar he kanyadan kar raha hai toh main wo galti nahi karta. Shabnam mujhe apne kabje me chahiye thi is wajah se main soch na paya Narinder aur ye galti ho gayi.", Ab Umed aur Narinder ki batti jal uthi thi ye naam sunn kar.
"Aakhiri sawaal aur ye wala sabse jaruri hai. Arjun Singh naam yaad hai na tujhe?", Narinder ki aankhon me khoon utar aaya tha is naam ko batate hue aur ab Umed hairaan tha ke ye kaisa sawaal hai lekin Mishra ke haan me sar hilate he sawaal poocha.
"Wo mera ajeej bhai tha Mishra aur 25 saal se mujhe ye sawaal pareshan kar raha hai. Galat jawaab ka natija hoga tere poore kunbe ka safaya. Yaha koyi Rameshwar Sharma aur Sarang Kumar nahi hai dhyaan rakhna. Us din jo aadmi waha maare gaye the wo kiske the? Kya jaante ho us durghatna ke baare me?", Narinder ne Rajesh ke hath se wo khanjar lete hue Mishra ki chhati ke thik beech me rakh diya tha. Bahar sadak par Daleep poora mustaid tha aur yaha andar filhal ye 4 log he the.
"Ghatna se ek din pehle shaam ko Bhawani aur Fateh mile the. Unhone bataya tha ke Shankar aur Munni ko khatam karna hai. Tab main wahi tha #### shehar me. Agle din 11 baje mere pas Sundi aur Chandarbhan aaye the aur unhone bataya tha ke kya karna hai. Dikkat thi ki ab waha Arjun Singh ko khatam karna tha. Mere 10 aadmi gaye the is kaam par lekin koyi wapis nahi aaya. Chandar ne mujhe bataya tha ki unhe is beech Arjun ke chhote bhai Shillu ko bhi maarna pada jisne unhe dekh liya tha.", Is bayaan se Umed ka dil dard se bhar utha. Uske chhote bhai ko zinda jalane wala shaksh Chandarbhan tha jo itne dino tak zinda raha.
"Teri maa ki saale hijde.. Shillu bacha tha kamine.. ", Umed ne khanjar ke sath sath rivolver nikal kar Mishra ki kanpati par lagayi toh Narinder ne naa me sar hila diya.
"Mera jawaab abhi bhi nahi mila hai Mishra. Arjun Singh ki hatya dhokhe se ki gayi thi aur waha aam ke bagiche me teri rudraksh ki tooti mala mili thi mujhe. Ajju ne bataya tha ke ab aam todne mujhe akele jana hoga. Sardi me naa aam hote hai aur na bagicho me koyi jata hai. Matlab tujhe sabkuch pata hai na Mishra? Wo band school, rail ki patri aur aam ke bagiche barabar he hote the us samay. Naam chahiye mujhe aur sabhi.", Narinder ke hath ka dabaav jaise jaise khanjar par badh raha tha Mishra ki safed baniyan par khoon ke lakeer bhi gehrane lagi thi.
"Aahhh.. Tum chhod doge toh bhi mujhe maut he milne wali hai. aahhh.. uske baad tum sab bhi maare jaoge.. ", Mishra ki awaaj ladkhada rahi thi aur dard har gujarte pal ke sath badh raha tha.
"Maine kaha na ke tere kunbe ka he wajood mita dunga agar jawaab na mila toh. Meri parwah matt kar bas apne vansh ki parwah kar, sab itihaas me dafan ho jayega teri ek galti se.", Umed jaane kaise khud ko roke tha lekin ab usko bhi wo naam har haal me jaan ne the.
"Aahhh.. Bagiche me wo mala Bindiya ne todi thi.. aahhh.. wo mujhe rok rahi Munni se milne se.. Fateh, Sundi, aahhhh.... waha nahi dikhe the aur Chandar apne dost ke sath behosh Munni ko le kar school se nikal gaya tha. Train ke us paar kaun tha mujhe nahi dikha lekin Sarang usko apne sath le kar dusri taraf se gaadi me nikal gaya tha. Arjun Singh ne bahot se logo ko mara tha lekin laashe gaayab kar di gayi thi. aahhh.. Sarang sab jaanta hai Narinder lekin tum uska kuch bigaad nahi sakte aur na tumhara baap..ahhh.", Avdehsh Mishra ke itna kehte he Narinder chaaku hata liya. Baat fir wahi ruk gayi thi jaha filhal koyi rasta jaata na dikha.
"Rajesh, kar le apni marji. Mishra dekh le main tujhe nahi maar raha.", Aur itni der se peeth par khanjar dabaye Umed ne ek pal me wo dil ke aar par kar diya Mishra ke. Rajesh ne bhi uske cheekhne se pehle he gala halaal kar diya tha. Khuli aankhon se narak ka safar taya karna tha Mishra ko. Aur bhaari mann se Narinder ghar se bahar nikal chala. Rajesh aur Umed Singh ne bahar nikalne se pehle bijli ke taar aapas me jodd diye the aur rasoi me laga chulha bhi khol diya tha. Ab ye chaaro he andhere me us taraf nikal chale the jaha ek dusri car pehle he khadi thi. Ye Umed ki he mercedes thi jo Munshi ke ghar khadi thi. Mukhyadwar se bahar nikalne ke baad bhi kareeb 5 minute lage honge poori society me wo bhishan dhamaka hone me. Chappa chappa hil gaya tha us garjana se lekin wo bahar nikalte waqt na koyi entry thi aur na us raste par barrier. 5 minute me wo car 8-10 kilometer dur ja chuki thi aur peeche chhod gayi thi kareeb 20 laasho ke chithde.
"Tum ab tak us maamle ki jaanch me lage the Inder?", Car me ab ek sath 2 ciggratte jal rahi thi aur bhaari khamoshi jisko Umed ne he bhang kiya.
"Marte dum tak karta rahunga Gajju aur ye bhi ek wajah thi ki main Shankar ko yaha nahi laya. Munni aur Bindu is sabme apratyaksh shamil jarur hai lekin kuch aur log bhi the us apradh me. Mishra par meri najar thi lekin intjaar tha ke wo harkat kare kuch. Chandarbhan tumne thok diya jo meri list me sabse upar tha aur ab ye sala Karam Singh bhi chala gaya.", Narinder ki hatasha bahot kuch bata rahi thi. Din nikalne he wala tha kuch samay me aur khaali sadak par car 170-180 par daud rahi thi.
"Jija ji, is Sarang ki bhi lulli kaat dete hai. Wo kaunsa topchi hai kahi ka.", Rajesh uttejana me bol toh gaya lekin Daleep ne peeth thapak di.
"Wo filhal namumkin hai Rajesh. Sarang Kumar se takraav matlab dono he taraf laasho ke dher aur shayad hum ek jaan ke jaane ka jokhim bhi nahi le sakte filhal. Wo aisa vyakti jaise papa lekin utna he viprit. Na hum dimag me uske saamne tik sakte hai na gherabandi karke kuch ukhaad sakte hai uska. Ab samasya ye hai ki Madhulata se jaankari milegi nahi kyonki wo toh behosh thi aur Bindu ki beti hamare aadarniya pita ji ne wapis bhijwa di. Oh behanchod. Daleep tumhe pata hai is maamle ka kuch?", Ekdum he Narinder chaunk utha ye yaad karte he.
"Haan itna pata hai ke ye fainsla chacha ji ka nahi tha aur jyada behtar hume Bittu ya Sanjiv se pata chal sakta hai ke sab kyu hua.", Daleep ke jawaab par Umed beech me he bol utha.
"Ye kaam jarur Arjun ka hoga Inder. Wo kal din me milne gaya tha Shabnam se Sanjiv ke sath."
"Kaunse kal? Aaj naya din hai."
"Haan matlab parso wo gaya tha aur kal jab Sanjiv Shabnam se statement lene gaya tha uske jaane se pehle tab bhi Arjun sath gaya tha apne bade bhai ke. Aur tumhara dhyaan is taraf nahi gaya ke Arjun ne Mishra ki biwi he uthwa li thi kisi se?", Umed ke is jikar se Rajesh bhi gardan hilane laga.
"Chhote miyan toh apne baap se bhi aage ja rahe hai. Is ladke ka toh meri samajh se he bahar hai jija ji. School ka ladka aur aise gaand-pange jo hum bhi karne se pehle team bana kar soch vichar karne ke baad he karte hai."
"Arjun kiske sath rehta hai ye badi baat hai Rajesh. Aur jaisa sunn raha hu ke wo sabhi pariwaro me ek badi pehchaan bana raha hai toh iska matlab saaf hai ki wo is car me baithe logo se jyada jaanta hai aur uska network papa jaisa he hoga. Chor-uchakke bhi toh Pandit ji ke liye kaam karte the police ke sath sath. Chalo uske saamne kuch jikar matt karna, wo filhal apni 2-2 maaon ke sath mamta ki chaanv me rahega. Lekin Sanjiv se jaankari jarur milegi."
"Sanjiv se baat tumhe he karni hogi Inder aur filhal sabhi ko durust ho jana chahiye. Ye resthouse mera he hai aur sabhi kapdo ko jalana uchit rahega.", Umed ne highway se thoda andar ki taraf band pade ek ghar ke saamne car rok di thi. Laal char-diwari ke andar sirf ghane vriksh he najar aa rahe the 2 horn bajne par ek bujurg ne wo kala gate khol diya.
"Kaka, kaaki ko bol ke chai rakhwa do thodi der tak.", Umed ne aadha shisha niche karke hidayat di aur eent ke galiyare me car aage badha di. Boodha vyakti is ghar ki bagal me he bani apni kothri ki taraf chal diya.
.
.
Arjun ki neend mann ki ghadi se thik sadhe 4 baje he khul gayi thi. Aagosh me chain se soyi apni chachi-maa ka chehra dekh kar bade dhyaan se unka maatha choomne ke baad wo savdhani se uth khada hua. Kamre me thandak dekhte hue sabse pehle AC ka taapmaan badhaya aur Krishna ji ke hath ke niche takiya rakhta wo bahar nikal gaya. Ghar me is waqt purn sannatta tha aur bahar wale bathroom ka prayog karne ke baad Arjun apne kamre me tayaar hone laga. Is waqt dimaag me chachi-maa ki kahi baatein chalne lagi thi aur Arjun ko bhi unka kathan sahi laga, filhal waqt aur mahol ke madde-najar.
Almari me rakhi apni maa ki wo 15-16 saal purani tasvir dekhne ke baad Arjun ka mann ab purn shaant ho chuka tha. Joote pehan kar wo ghar se bahar nikal chala aur wahi Priyanka didi bhi aaj samay se pehle he uth gayi aur kamre se nikal kar niche apni maa ke barabar ja leti. Unka bhi gehra judaav tha apni maa ke sath.
"Arjun kuch jaldi he nahi uth gaya Pinki?", Krishna ji ne karwat lete hue apne beti ke sundar mukhde par hath firaya toh Priyanka bhi maa ke sneh se muskura di.
"Wo roj he is waqt ya is se pehle uth jata hai mummy. Aapko neend sahi se aayi?"
"Kahi jyada atche se aur wo bhi bina dawa liye. Tum bhi itni subah uthne lagi ho kya?", Krishna ji ka vyavahar ghar ke bade bacho ke sath bahot hadd tak dosti wala tha aur yahi khoobi unke pati Narinder ji ki bhi thi. Aur Priyanka toh apni maa ki sambhal 5 saalo se kar rahi thi toh rishta aur dosti kahi jyada majboot ho gayi thi.
"Aaj meri baari thi jaldi uthne ki lekin ghar me kaam he nahi hai toh aapke pas aa gayi. Kal bhi kaha reh paayi main aapke pas sara din toh socha sabki chai banane se pehle 2 ghadi aapke pas leit jau."
"Meri bachi main jaanti hu tum sabse jyada pyaar mujhe he karti ho aur parwah bhi meri he rehti hai. Ab fikar matt karna yaha tum akeli nahi ho apni maa ko sambhalne wali aur na ab main khud ko band rakhungi. Waise kya duty banai hui hai tum logo ne?", Ye sawal unhone thoda hanste hue kaha kyonki unhe toh ye pata tha ki ghar ki jyadatar ladkiyan laad-pyaar ya padhai ki wajah se deri se uththi hai.
"Ye rule toh Komal ne banaye hai maa. Wo har roj badi maa (Rekha) ke uthne ke sath he uth jaati hai aur Maadhuri didi ko jyadatar kaam se hata diya hai. Unke sath ek ek din baaki sabhi uth kar rasoi aur baaki kaam dekhti hai. Aaj meri bari hai jo hafte me 2 baar hai. Lekin Alka, Tara, Aarti, Ritu aur Rupali bhi apne diye hue din par kaam karti hai. Aur sach kahu toh yaha aap soch bhi nahi sakti ki kitna kuch hai.", Priyanka jaise khush thi aur wo chahti thi ki maa uski khusi ki wajah puche.
"Komal bilkul Rekha jaisi hai Pinki. Wo apni dincharya nahi badalti lekin baaki sabko apne sath barabar rakhti hai jyada pareshani diye bina. Waise ye upar wale pichle hisse me sab ladkiya rehti hai kya?"
"Waha Aarti, Alka, Ritu aur Tara ka he raaj hai maa aur Rupali unke sath padhai bhi karne wahi jaati hai. Ab Komal bhi upar he chali gayi hai aakhiri kamre me aur main bagal wale kamre me Madhuri didi ke sath, filhal. Aapne Aarti me badlaav dekha na maa?", Ye sahi baat kahi thi Priyanka ne aur Krishna ji ke chehre par ek khushi thi si sawaal ko sunn kar.
"Haan. Wo ab bilkul waisi he lagti hai jaisi main hamesha chahti thi. Aur ye kamaal kisne kiya hai? Arjun ya Komal ne?"
"Preeti, Tara, Ritu aur Alka ne maa. Waise wo sabhi na ek dusre se har cheej seekhti hai jo kisi me behtar ho. Tabhi toh keh rahi thi ki yaha ek naya he mahol hai aur aap bhi galat nahi ho kyonki Arjun ne he Ritu Alka ko kaha tha ke wo log apna ek alag vyaktigat bhaag banaye. Ab toh Alka aur Tara ne sabko exercise ki aadat bhi laga di hai jaha dada ji ne running karne wali machine bhi lagwa di hai unke liye."
"Hahaha. Girls hostel jaisa kuch. Sachmuch atcha laga ke maa-papa bhi bacho ko support kar rahe hai bina ladka ladki ke farak kiye. Waise maa ji ko bhi aise he bache pasand hai jo himmat wale ho lekin papa (Pandit ji) yakeen karte hai atchi shiksha, uchit fainsle aur sangathan me. Mujhe khushi hai sabhi bache mil kar ek dusre ko poora kar rahe ho. Atcha ab main bhi uthti hu aur ab se mere kaam mujhe he karne dena.", Krishna ji bister se uthi toh saadhe 5 ka samay hone wala tha aur Komal bhi naha dho kar rasoi me ek taraf doodh ubaal rahi thi aur dusri taraf chai ki patili rakhe thi. Chachi ko bahar aata dekh wo bhi unki taraf chali aayi.
"Aapko araam karna chahiye tha na chachi."
"Kyu main mareej hu kya gudiya? Har kaam bacho ko nahi karne dene abse. Main naha lu phir tulsi me jal dene ke baad Arjun ka doodh main banaungi, bas aaj bata dena ke wo kis anupaat me banate hai.", Krishna ji Komal ke sar par pyaar se hath phirane ke baad bathroom me chali gayi, saaf kapde sath liye.
"Chachi ne rasoi me kadam rakha toh kahi daadi humko he na saja suna de.", Komal ki baat par Priyanka hanste he naa me gardan hilane lagi.
"Kar lene de maa ko abhi jo karna hai. Badi maa aur taai ji ke aane ke baad unhe koyi hilne bhi na dega. Waise sachmuch kitna ajeeb lagta hai na ghar me jab itne log bahar chale gaye ho toh?", Dono he rasoi me chali aayi aur ab chai me doodh Priyanka daal rahi thi.
"Haan kyonki tumne ye bahot kam dekha hai na jabse aayi ho. Lekin mahol toh aisa kayi saalo se tha. Khari ab ye aise he atcha rehne wala hai aur chacha-chachi ke aane se toh kahi jyada behtar.", Komal slab par geela kapda maarte hue safai karne ke sath sath baat kar rahi thi aur ab Aarti Tara bhi naha dho kar aa gayi thi.
"Tum dono ek sath nahati ho kya?", Priyanka ke achanak aise sawaal par Komal bhi hairat se dekhne lagi lekin wo dono muskura rahi thi.
"Didi upar na 2 bathroom hai aur agar sath naha bhi le toh dikkat kaisi? Bas ye Aarti he sharmati hai, Alka ko ishara karo toh wo mujhse pehle bathroom ke andar.", Tara ki baat se Aarti ke gaal laal ho chuke the aur baaki dono sar jhatakti hui muskura rahi thi.
"Ye Tara phir bhi thodi samajhdar hai lekin aapne abhi Ritu-Alka ko nahi dekha didi. Main toh ek baar unke beech soyi thi jis din Rupali meri jagah so gayi thi Tara ke sath padhte hue. Aap so kar dekhna bas, bata nahi sakti.", Aarti itna keh kar katore me bheege badaam chhilne lagi aur Tara bhi hansti hui uske sath lag gayi. Inka masti-majaak aisa he tha jab ye log sath hoti thi.
.
.
Aaj park me aadha ghanta vyatit karne ke baad Aacharya ji Arjun ko sath liye apne ghar chale aaye. Yaha unhone apne ghaas wale shetra me he kuch paudhe ek taraf rakhe hue the aur is taraf aate he wo natkhat labrador Joy bhi Arjun ko dekh kar uchalta koodta hua aa gaya.
"Hey dost. Tum sachmuch bade pyaare ho aur aaj hum sath me khelenge.", Arjun wahi ghaas par ghutne tikata hua Joy ke sath athkheliya karne laga aur Aacharya ji un dono ki masti dekh khush hote rahe. Joy Arjun ke chehre par har taraf pyaar jatata hue apne dono panje uske kandho par tikaye the.
"Arre bhai, aaj hum tumhare student hai aur tum ho ki is gande bache ke sath khel rahe ho. Joy, tum bhi yaha baitho.", Sachmuch Joy bahot samajhdar jeev tha jo itna kehte he ghaas par araam se baith gaya. Himani bhi 2 jodi rubber ke dastane, khurpi aur paani dene wala fuhara liye inki taraf aa gayi. Wo hamesha ki tarah dheeli tshirt jo poori aasteen ki thi aur ek khiladiyo wala chust pajama pehne thi. Baal saleeke se sar ke peeche joode me bandhe the aur is sadharan avastha me bhi wo behad haseen najar aa rahi thi, taajgi se bhari. Arjun ne bas ek pal dekhne ke baad 'hello' kaha aur khurpi le kar Aacharaya ji ki tarah aa baitha. Ye chokar hissa ek feet ki sangemarmar ki patti se ghira aur bade he sambhaal kar rakha gaya tha. Ghaas jaise samay samay par ehtiyaat se he chhaati jaati thi.
"Ye wale 2 paudhe toh aam ke hai aur ye bail hai raat ki raani ki. Ye wala hibiscus hai, ye amrood aur tumhare pas wala nimbu jo beej-rahit prajati hai. Lekin ye kasie lagenge mujhe koyi idea nahi hai.", Aacharya ji bata rahe the aur Arjun unhe pehle he pehchanta tha aur nimbu wale paudhe ki sugandh le raha tha.
"Atche bhale ghaas ke maidaan ko aap sachmuch he jhaadiyo se bharna chahte ho?", Itna kehta wo us pathar ki patti se ghaas ki disha me jaise ek lambaai maapne laga.
"Yar kaise vyakti ho bhai tum? Ye ghaas tumhe jivan-dayni lagti hai kya? Mujhe toh yaha abhi bahot kuch lagana hai lekin pehli shuruaat tum karo aur mujhe batao har cheej basic se. Himani tum bhi gor karna beti jo bhi aaj hamare baagwani ke guru ji samjhaye.", Arjun unki baat par hansne laga aur khurpi se ek taraf ki ghaas chhilne ke sath puchne laga.
"Yaha mitti kuch gehri toh hai na dada ji? Aisa toh nahi ki is hisse me sirf ghaas ke liye he mitti lagayi gayi hai."
"Na beta yaha sab mitti he hai aur jaha imarat hai bas wahi neev (base) bichaai gayi hai ya chaar-diwari wali jagah. 8 feet mitti ka bharaav toh maine he karwaya tha is jagah bagiche ki ummeed me. Waise tumne ye lambai kyo maapi?"
"Patri ko bachane ke liye dada ji. Jadde toh failengi he na aur is taraf hum sadabahar paudhe he lagayenge jo ki jyadatar aap laaye ho. Raat ki raani udhar diwar ke pas thik rahegi kyonki waha bade vriksh hai toh chhaya bhi milegi aur badhne ke liye sahara bhi rahega."
"Tumhe gloves pehan-ne chahiye Arjun. Kya patta yaha mitti kaisi ho aur infection bhi ho sakta hai.", Himani ne wo dastane badhaye toh Arjun ne naa me sar hila diya.
"Infection mitti se hota toh yaha ye ghaas bhi nahi hoti aur wo peid bhi nahi. Aapne khet nahi dekhe na abhi yaha ke, waha toh log keetnashak chhiadakne ke baad bhi mitti par bharosa rakhte hai. Atcha itni gehraai thik hai aur ye katta jaivik khaad ka hai na.?", Arjun ne khurpi se he bori ko udhed kar ek taraf khaad ka dher lagate hue nikali hui mitti me uchit bhaag mila diya, Aacharya ji ko samjhate hue. Paudhe ke bahar lipta plastic hata kar pehle kuch mishran gadde me bhara aur fir paudha sahi se rakhne ke baad aaspas atche se baaki mishran bhi bhar diya. Fuhare se halka chhidkaav karne tak unhe is kriya me he 15 minute lag chuke the.
"Nahi nahi.. aap khaad ko bina dastane hath matt lagaiye dada ji. Dekhiye isme kuch bhi ho sakta hai aur main khud bhi savdhani se kar raha tha kyonki mujhe aadat hai. Ye gloves pehan lijiye pehle fir jaise maine naram kiya tha waise he karne ke baad mitti ke barabar he milaye.", Arjun dwara aisi parwah dekh wo gadgad ho gaye. Arjun ne khurpi se he khaad ke kuch dhele todd kar bareek kiye toh kahi dhakkan, plastic ke tukde aur waisa he kachra thoda bahut dikhai diya.
"Toh tumhe iski bhi samajh hai ke isme kya nikal sakta hai?", Aacharya ji har cheej gor se dekh rahe the.
"Nikalane ko toh isme saanp bhi nikal sakta hai dada ji lekin us se jyada khatarnak ho sakta hai kaanch ka tukda. Ab khaad toh banti hai gobar, chilke, patte, gale sade sabji-phalo se lekin log aur bhi kachra gira dete hai udhar. Bas ye dhyaan me rakhna padta hai aur main isliye hamesha pehle isko naram karta hu. Waise agar aap chahe toh yaha kuch tayaar kiye hue thode bade paudhe lagana behtar rahega jis se phool aur sabji ke bail jaldi panap sake. Ye chhote paudhe toh June-July ki dhoop me kharaab ho sakte hai.", Arjun unhe sab jaankari de raha tha aur Himani apne naram hatho se gadda khodne ki koshish karne lagi.
"Haan toh phir uske liye kab chale aur kaha se milenge aise paudhe bhai? Aur ye Joy kya kar raha hai?"
"Ye thandi mitti ke upar peit rakh kar maje le raha hai dada ji. Ghaas hatne do ye yahi gadde kar dega agar dhyaan nahi diya toh. Hahaha.. Waise abhi thode din pehle he Col dada ji ne bhi mangwaye the kuch paudhe nursery se lekin hum aisa karte hai ki sunday savere he university wali nursery chalte hai. Sabhi paudhe khud he pasand karenge aur wo log trolly ya rehdi se unhe yaha pahucha bhi denge, sath he lagwane me madad bhi kar denge. Uske baad toh main aur aap mil kar yaha gulaab he gulaab bhar denge ek taraf.", Arjun ki khushi dekh Himani bhi muskurai aur Arjun ne uske hatho se khurpi lete hue teji se wo gadda bilkul he golai me bana diya.
"Chalo aisa he sahi phir aur tumhe gulab se kitna lagaav hai wo main dekh he chuka hai. Kuch meri pasand ki nasle bhi hai aur agar tumne wo yaha ugaa di toh samajh lo mujhe ek aur wajah mil jayegi ghar rehne ki. Lao ab ye agla gadda main karta hu.", In baaton ke beech he agle ghante me sabhi paudhe laga diye the inhone aur udhar he lage nal par Arjun hath mooh dhone laga toh Himani ne andar chal kar saaf karne ka sujhaav diya.
"Yaha ki mitti yahi rehne dete hai aur upar se ghar ganda karna thik nahi Himani ji. Haan hath saaf karne ke liye koyi kapda ho toh de dijiye.", Arjun ke toliya mangne par saamne ke darwaje se chalti hui ye 36-37 saal ki mahila idhar aa gayi jinke hath me 2 toliye the aur peene ke paani ki bottle bhi.
"Good morning aunty.", Arjun ne toliya liya toh wo mahila muskura di.
"Good morning beta. Waise tum jaante ho mujhe?"
"Haan, dada ji ne tasvir dikhai thi jab main card dene aaya tha yaha. Aap Prerna ji hai na Himani ki maami ji?", Arjun ne hath aur chehra paunchne ke baad toliya unhe wapis dete hue patri par baith kar joote pehan ne ka upkram kiya toh Prerna ji bade dhyaan se Arjun ko niharne lagi. Himani toliya le kar ek taraf chali gayi thi abhi aane ka bol kar.
"Bilkul thik pehchana tumne aur mujhe bhi atcha laga tumhe yaha dekh kar. Pichli baar tumhe jab dekha tha tab tum gate se andar bhi nahi aaye the. Mujhe khushi hai ke papa ab ghar bhi rehte hai aur khush bhi. Himani ne bhi tumhare bahot se kisse sunaye hai pichle dino me toh meri bhi itcha hui milne ki."
"Aap mili he nahi aunty ji idhar. Main 3-4 baar aaya hu lekin aap log bahar the us samay. Atcha ab main chalta hu aur aapko samay mile toh Himani ke sath hamare ghar jarur aaiyega, shaadi me toh aap sabhi log aane wale hai.", Arjun khada hua toh udhar se Aacharya ji bhi unki aur chale aaye.
"Itni jaldi nahi bhaagne dunga barkhurdar. Bina nashte ke toh jana mumkin nahi aaj."
"Dada ji, aaj ke liye shama chahta hu kyonki ghar par baaki log nahi hai aur chachi ji abhi ilaaj karwa ke wapis aayi hai toh unhe bhi dekhna hoga. Lekin dada-daadi ji ke aane ke baad ye nashta main aapke sath jarur karunga.", Arjun ka uttar bhi kisi ki parwah dikha raha tha jiske liye Aacharya ji chaah kar bhi rok na paaye.
"Bhagwan unhe poora swasthya pradaan kare aur ab tum unki dekhrekh kar rahe ho toh nisandeh wo jald he behtar ho jayengi. Waise kal toh main bhi tumhare pita aur chacha se milne wala hu. Sunday ko humne university jana hai toh pehle yaha nashta fir kaam.", Unki baat maante hue Arjun ne aashirwad liya aur Prerna ko bhi namastey karne ke baad apne ghar ki taraf nikal chala.
"Wo chala gaya kya? Main toh poochne aayi thi ki wo abhi yaha kitni der hai?", Himani ne aate he Arjun ko nadarad dekha toh chehra utar gaya.
"Chali jana tum unke ghar aur agar mera chakkar laga toh main chhod dunga tumhe waha. Chalo bahu aaj tumhi adrak shehad ka kadha bana do, itne main mere bacho ko nashta khila du.", Ghar ke andar pravesh karte hue Joy bhi un ke sath ho liya.
.
.
"Arjun, ab thoda samajhdari se kaa lena kahi phir se faltu dimaag chalane lage apna. Kaam se ja raha hai aur behan bhi sath hai.", Ghar aane ke baad Arjun kaafi der tak apni chachi maa ke sath he raha tha aur nashte par bhi dono he sath the. Kisi aur ko toh pata bhi na tha ke ye dono kya kya baatein kar rahe hai lekin kamre se table tak aane par bhi Krishna ji bas Arjun se baatein kar rahi thi. Wo tayaar ho chuka tha aur Komal didi ne he uske kapde ek bag me rakh diye the Aarti ke bag ke sath he.
"Aapko kya main shikayat ka mauka de sakta hu chachi maa? Main araam se jaunga, sara kaam thik se karunga aur phir kal savere he jaldi wapsi ke liye chal padunga.", Arjun sanjida tha is waqt jaise umar se kahi jyada he bada ho aur nashta shuru he kiya tha ki bahar se gaadi ke agle aangan me aane ki awaaj hui.
"Lagta hai tere chacha aur papa hai.", Krishna ji uthne lagi toh Arjun ne wapis apne pas he baitha liya.
"Dada ji aa gaye hai aur ye safari ki awaaj hai matlab baaki sab bhi unke sath he aaye hai. Aana toh sabhi ne andar he hai chachi maa toh aap bahar kyu jaane lagi?", Ab Krishna ji bhi muskurate hue apne ladle ko khud he khana khilane lagi.
"Tujhe bada pata hai ke kaun aaya hai aur kaunsi gaadi hai. Chal ab araam se khaane par dhyaan de aur apne purse ke sath sath aur bhi paise le lena."
"Mere pas bahot paise hai chachi maa aur purse pehle he jeb me hai. Lo bahar ab dusri gaadi bhi aa gayi hai jiska matlab papa aur chacha ji bhi aa gaye.", Abhi wo itna he bol paya tha ki Rekha ji ne apni behan samaan devrani ko ek taraf se gale laga liya. Ritu, Alka, Rupali bhi unse atche se mili thi aur phir Lalita ji ke sath Maadhuri didi daadi wale kamre ki taraf se idhar aa chali.
"Yahi ummeed thi mujhe Krishna. Tu mere lalla ko maakhan khilati he milegi aur ye kapoot bhi bin pende ka lauta hai. Kabhi teri taraf, kabhi meri aur koyi na mile toh Rekha ki goad me.", Lalita ji ka hamesha wala avtaar dekh baaki sab toh khush hue he lekin Krishna ji unse khade ho kar gale mili. Maadhuri ko bhi unhone saheli ki tarah milkar sneh jataya. Lekin itni der me Arjun ne dusri taraf apni maa ko baitha liya tha.
"Aap he khilao ab, chachi maa ke chahne wale unse mil le aur meri taraf kisi ka dhyan bhi nahi hai.", Arjun ke roothne par Rekha ji ne waise he apne laadle ko ek niwala khilaya aur Ritu ne peeche se apni bahen Arjun ke gale me daal li.
"Aisa hai na ke tujhse milne ke liye toh aaj andhere me he chalna pada tha waha se aur teri ye narajgi maa ke sath sath main bhi dur kar deti hu.", Ritu ne niwala bana kar Arjun ke mooh ke kareeb kiya aur gapp se khud khaa gayi.
"Dekho na maa didi ko aur ye dada ji bhi thoda jaldi ya late nahi aa sakte the.", Arjun bacho ki tarah he kar raha tha aur idhar baaki sab kapde badalne, hath mooh dhone chale gaye toh Rekha ji bhi uthne lagi.
"Atcha ab araam se nashta kar beta, phir mere kamre me aana. Didi, aap bhi iske sath he aa jaiye itne main kapde badal leti hu.", Rekha ji itna bol kar apne kamre me chali gayi aur phir se Krishna chachi ke hatho Arjun nashta karne lag gaya. Alka us se mile bina he chali gayi thi aur wo dekh raha tha ye. Daadi, Rajkumar ji ke sath sath Shankar ji aur Narinder ji bhi idhar nahi aaye the jiska matlab wo aate he baithak ya dada ji ke kamre me ruk gaye the.
"Namastey maa ji.", Kaushalya ji mooh hath bahar wali taraf se dho kar aayi thi shayad aur unke sath he Shankar ji bhi idhar aa gaye the Sanjiv ko liye. Krishna ji ab fir se apni jagah se uth kar apni saas ke paanv chhune lagi toh Arjun ne plate he sarka di jo Kaushalya ji ne dekh liya tha.
"Jeeti raho aur beti mere se milne se jaruri kaam shayad tumne beech me chhod diya hai.", Kaushalya ji ka tanj sunn kar Arjun bhi uth gaya.
"Aur nahi toh kya daadi ji.", Arjun abhi itna he bola tha ki rang me bhang daal diya Shankar ji ki is garjdaar awaaj ne.
"Tumhe thodi bhi chote bade ki tameej nahi hai ke kab kaise bolna hai ya karna hai? Bacha nahi hai tu jo mooh me niwala daalne ke liye koyi na koyi sath bandha rahe. Tera khaane se jyada jaruri toh kisi ka aana-jana bhi nahi hoga jaise? Maa, aap he isko jyada sar par chadhaye rakhti ho tabhi ye aise baat karne laga hai.", Abhi wo aur bhi kuch kehte ki Kaushalya ji ka para turant upar ja chadha kyonki Arjun waha se upar ki taraf chal diya seedhiyan chadhta hua.
"Teri jubaan dekh pehle aur umar bhi. Yaha sab khush baithe atche nahi dikh rahe the jo bolne se pehle kuch socha nahi? Nashta kar raha tha wo apni chachi ke hath se aur din ke pehle he ann ka anaadar karwa diya teri jubaan ne. Bahar se ladd kar ghar aaye toh gussa mere ghar ki dehleej ke bahar he rakhna. Tere pita he baat karenge tujhse ab.", Yaha ek he pal me mahol garma gaya tha aur jab tak Narinder ji idhar aaye toh Krishna ji ki aankh se paani bahar nikalna he baaki reh gaya tha aur wo bhi bina kuch kahe Rekha ji ki taraf chal di. Hansi khushi vala vatavaran pal me he dhool ki tarah udd gaya tha.
"Tumhe idhar aane ke liye kaha kisne tha bhai? Waha papa baat kar rahe the aur tum idhar Sanjiv ke peeche peeche chale aaye.", Narinder ji ki baat ka bhi jaise koyi jawaab na tha is waqt Shankar ji ke pas kyonki ye sach tha ke gussa kisi aur par tha aur nikaal ghar me diya tha unhone. Sanjiv bhi bujhe mann se upar chala gaya jaha Arjun ne hona tha.
"Din he kharaab hai yar Inder aur sala aa gaya gussa jaise Arjun narajgi dikha raha tha maa ko. Lekin uski toh galti dikhti nahi kyonki wo bacha hai."
"Dekh Shankar ye baat hui thi na ke usko bacha bana ke he rakhna jaruri hai. Ek jagah mujhe iska naam sunn ne ko mila aur dusri jagah tujhe. Dono he kaise log the tu kahi behtar samajhta hai bhai.", Narinder ji hath pakad kar apne bhai ko wapis andar le chale jaha filhal unhe aur daant khaane ko milne wali thi. Sabhi chupchap apne kaam me lage the aur Sanjiv bhaiya udhar Arjun se baat karte hue usko samjhane me lage the.
"Unhe gussa kisi aur baat par tha chhote aur galti se tere par nikaal diya. Dil chhota mat kar bhai wo pyaar bhi tujse he karte hai. Kharaab mood se toh khud ka he nuksaan hota hai na.? Chal nashta karte hai aur main hum dono ka he dalwa kar idhar he leke aata hu.", Sanjiv bhaiya ne bade dular ke sath Arjun ki peeth sehlaayi toh Arjun ka dhairya jawaab de gaya.
"Nahi bhaiya aap khaa lijiye mujhe ab bhookh nahi hai. Aapne he kaha tha na ke main wo sab na karu aur yahi chachi maa ne bhi bola tha. Phir papa ko kya ho gaya achanak jo itna bolne lage? Aap nahi jaante ya aapne nahi dekha lekin Ritu didi ki aankhon me aansu aa gaye the wo sab sunn kar. Aur chachi maa yaha araam se shaant jiwan jeene ke liye aayi hai lekin unhe bhi kitna bura laga hoga. Mujhe wo kuch bhi keh sakte hai kyunki main aulaad hu unki lekin aisa nahi karna chahiye jis se daadi ko bhi bura lage.", Arjun kuch aur bifarta us se pehle he drawing room se Komal didi ki awaaj sunai padi.
"Aaru, tujhe maa bula rahi hai neeche aur bhaiya aapka bhi nashta lag gaya hai.", Sanjiv bhaiya ne unhe jaane ko kaha aur Arjun ka hath thaam liya.
"Maanta hu ke jo bhi abhi hua usme chacha ji ki galti hai aur sabhi ko wo bura laga. Dada ji ne bhi suna hai sab lekin tumhe ye bhavuk hona band karna padega mera bhai. Kal bhi yahi samjhaya tha ke kabhi kabhi najarandaaj kar dena sahi rehta hai. Chal ab khada ho aur Rekha chachi ke pas chal.", Unhone bina koyi mauka diye Arjun ko sath liya aur pichle aangan me aa gaye. Aarti pehle se he bag liye kursi par baithi Arjun ka intjaar kar rahi thi. Bhaiya bhi table ki taraf chale gaye beshak ab unki bhi bhookh khatam ho chuki thi lekin chai pee kar dimag shaant karna unhe bhi thik laga. Arjun apni maa ke kamre me aaya toh Krishna chachi bister par leti thi jinke bagal me baithi Rekha ji unka sar sehlate hue kuch baat karne me vyast dikhi.
"Maa, kahiye."
"Itna dukh hua apne papa ki baat sunn kar?", Ye lafz Krishna ji ke the aur Rekha ji uth kar almari ki taraf chal di.
"Mere liye toh mujhe jara bhi dukh nahi hua chachi maa. Ritu didi aur aapki aankhon ka paani jyada dukh de gaya. Daadi ji ke bhi chehre par dukh tha aur aisa nahi hona chahiye tha. Papa ko agar meri koyi bhi baat buri lagi thi toh wo aap logo se alag daant lete par aise karke unhone bewajah he sabko dukhi kar diya.", Bahar khade Narinder ji ne ye suna toh unhe bhi thoda khed hua ki bade bhai ka aisa bematlab jajbaati hona aur ghar me sabka mood kharaab kar dena thik nahi tha. Lekin wo wapis mudd kar baithak ki taraf chale gaye apni baat kahe bina.
"Toh itni parwah hai tujhe apni behan, chachi aur daadi ki? Peeth dikha kar kyu chala gaya tha phir waha se? Jab bhi koyi baatchit chal rahi ho aur waha sabhi maujud ho toh aainda aisa matt karna. Unhone jo bhi kaha ho lekin tumhare sath sabhi waha the aur unhe iska ehsaas bhi hota jab sabki najre unse sawaal karti lekin tumhe toh peeth dikha kar saabit karna tha ki baaki sab mere liye lado aur main chala yaha se.", Krishna chachi ki aisi baat sunn kar ab Arjun ki gardan jhuk chuki thi. Wo sachmuch yahi toh kar gaya tha. Daadi kaise chup reh sakti thi agar wo uske pareshan chehre ko jara sahi se dekh leti? Ritu ka rona sirf usko dikha kyonki wo uski taraf chehra kiye the lekin agar wo Shankar ji dekh lete toh unhe pata chal jata ki beti ka dil bhi dukha hai.
"Didi, baaki baatein aap baad me samjha dena isko. Ye sabse mushkil kaam thoda samay laga kar he seekhega. Arjun ye samaan ki list hai aur ye paise. Aarti aur Alka ke sath he rehna waha par aur phone par tumhari chachi bata dengi jo bhi lana hoga. Card Aarti ke bag me hai aur gaadi dhyaan se chalana. Jaane se pehle apne dada ji aur daadi se milna matt bhoolna.", Arjun apni maa ki baat sunn kar unke gale se lag gaya tha. Unhone he bata diya tha ke Arjun ki sabse badi kami wo jaldi nahi sudhaar sakta aur wo aaj bhi sahi thi Krishna chachi ke sath sath.
"Aainda aisa nahi hoga maa."
"ye baat is chehre ke sath nahi kehte Arjun. Jab seekh jaoge toh kehna he nahi padega. Duniya ke sabse mushkil paath hum bahar se nahi seekh sakte, wo aatm-avlokan se he seekhe jaa sakte hai. Galtiya pata hai aur unhe likh kar baithe ho toh tumse kamjor vyakti koyi nahi hai. Har baar dil dukhega, har roj dil dukhega aur fir is kamre me bache baaki dono jaisi halat tumhari hogi jo ki hum dono he nahi chahti ke aisa waqt hamare bete ko dekhna pade. Khud ko saabit karo lekin bolna nahi. Ab tumhe jana chahiye.", Ye tha Krishna ji ka wo avtaar jis se Rekha ji bhi aashavaan rehti thi. Waqt ko dekh kar naram aur sakth lekin ek sabak se bhara. Aur Arjun dono ke he paanv chhu kar baithak ki taraf chal diya car ki chaabi Alka ko pakdate hue.
"Haan toh tumhe ab samay mila hai?", Pandit ji ne Arjun ko seene se lagate hue laad me jhidak lagai toh wo unke pyaar se kuch behtar ho gaya. Kuch pal aise he usko apne sath lagaye wo he aage bole.
"Tu yar in sabki tension matt liya kar, roti paani band kar denge agar kisi ne Arjun Sharma ko tokne ki jurrat ki toh. Beta tum hamare is chhote se sansar ki oxygen ho aur paryavaran me jivan ke liye wahi 21% oxygen sabhi par bhaari padti hai fir chahe nitrogen 78 he kyu na ho. Aur wo baaki ka 1% hai us par toh katai dhyaan nahi dena. Uska asar tumhare par hua toh tum 1 aur wo 21. Kya samjhe?", Pandit ji ne bhi hanste hue Arjun se sawaal kiya toh wo bhi unke sath he hans diya.
"Yahi ki apni pehchan hamesha yaad rakhu kyonki wo aapse he toh hai jo 100% hai.", Arjun ke is jawaab par Kaushalya ji bhi usko dularne lagi.
"Tabhi kehti hu ke tu he mera beta hai aur ye Sanjiv. Chal mooh khol aur phir apne bhai ke sath nashta khatam karke he bahar nikalna. Ye bhi bhaag raha tha ghar se bina kuch khaaye.", Arjun ne wo niwala khaate hue he bhaiya ko dekha toh unke chehre par muskaan thi. Daadi ji ne yahi par dada ji ka bhi khana laga diya tha jinhone khud bhi nahi khaya tha ab tak.
"Ye kya baat hui? Aapne bhi nashta nahi kiya tha dada ji? Sava 9 baj gaye aur aapka samay 8 baje ka hai."
"Kisi ne bhi nahi kiya tha filhal toh. Ab jaldi se khaana khatam karo aur aaj tumhari jagah Sanjiv ghar par rahega sara din.", Kaushalya ji itna bol kar garam chapati lene wapis chali gayi aur teeno nashta karne lage. Punjab ke liye nikalne se pehle ek baar phir Arjun apni maa aur chachi se milne gaya tha. Ritu ko bhi upar wale kamre me atche se gale lag kar samjhaya aur kal samay par aane ka bol kar wo Alka aur Aarti ko liye ghar se nikal gaya apne pehle antar-rajya safar par.
.
.
"Lohan bachna nahi chahiye tha yar Shankar aur jyada badi galti ye hui ki tum logo ne seedha he humla kar diya. Ab Deepak ki halat kaisi hai?", Ghar se nikal kar dono he bhai Sangwan ji ke niji hospital aa pahuche the. Yaha ek meeting bulai thi Dharamvir Sangwan ji ne aur khaas taur par Narinder aur Umed ko bhi hajir hone ko kaha tha.
"Yar mujhe laga ke itni mushkil nahi hogi lekin waha jarurat se jyada he log mile wo bhi samaan ke sath. Lohan jakhmi tha aur apne ke aadmi ke sath andhere ki wajah se nikal gaya. Baaki sab toh nibta diye the humne.", Dono he baat karte hue lift se upar chal diye aur is mulakaat kaksh me aate he unka swagat khud Dharamvir Singh ji ne kiya. Yaha Bhupinder, Mehul, Paramvir, Umed aur Daleep pehle se he upasthit the aur ek anjaan vyakti bhi.
"Toh aa gaye heera aur panna bhi. Chalo bhai ab jara Shankar presentation dega ki Lohan operation kaise anjaam diya gaya.", Ek kursi Shankar ki taraf khiskate hue wo bhi is badi table ke ek taraf ja baithe apni kursi par. Narinder bhi sab jaan na chahta tha isliye Umed ki bagal me ja baitha.
"Chacha ji, plan me kami nahi thi aur mauke par 19-20 ho he jata hai. Param aur Bhuppi bhi sath he the aur ye bhi bata denge ki situation control me he thi.", Shankar ko shayad he kabhi safai deni padi hogi 1 ya 2 baar chhod kar.
"Shankar thik keh raha hai papa. Waha ki jo soochna mili thi us hisaab se Lohan ke sath 4 log aur the. Lekin bagal wale ghar se kareeb 8 logo ne bahar se humla kar diya jo Lohan ke saathi nahi the.", Paramvir ne bhi safaai he di thi jis se bade Sangwan ji ko koyi sarokaar na tha aur Umed ke sath sath Narinder aur Daleep ke chehre par bhi chinta umad aayi thi.
"Tum 4 log the aur chaaro he attack karne wale. Bhuppi maan leta hu ke tehkiaat kar leta hai lekin akal toh isme bhi nahi hai ke gherabandi kaise karte hai. Aur jab Inder spasht mana karke gaya tha tum logo ko ki ek waqt par ek kaam karna hai toh 2 team alag alag mission par kaise chali gayi? Dekho jo bhi hua usme kismat se he tum 3 log salamat aaye ho wapis lekin wo Deepak bechara ek naya DSP ICU me zindagi aur maut se ladd raha hai. Bach bhi gaya toh kya jawaab dega department ko?", Unhone ye ek badi chinta sabke saamne rakhi thi aur fir aage bhi unhone he kehna shuru kiya.
"Daleep ghar ko bahar ki duniya se alag karta hai, Rajesh naksha jugaad kar lata hai, Umed pehle he aane aur jaane ka hal nikaal kar rakhta hai aur Inder saamne se chal kar rasta banata hai. Fir andar bhi harek ka kaam ek sadhe hue tarike se hota hai jisme 3 log 18 katal karne ke baad bina saboot chhode wapis aa jate hai. Lekin dusri taraf 4 sharabi 4 tamanche le kar seedha he ek peshewar gunde ke adde par ghuste hai aur tabadtod goliyan barasa kar mohalle ke sath sath prashashan ki bhi gaand maar kar rakh dete hai. Jisko maarne gaye the wahi bach gaya. Un 8-10 laash me koyi bhi kaam ka nahi tha na? Upar se apna he ek saathi is halat me wapis laaye ki bachna na bachna upar wale ke hath me.", Dharamvir ji ne paani ka ek ghoont bhara aur fir Umed ki taraf dekhne lage.
"Galti Shankar ki nahi hai chacha ji, Lohan ka jikar maine aur Rajesh ne kiya tha. Aadmi toh uske he humla karne me prayog ho rahe hai itne samay se toh usko hatana bhi jaruri tha."
"Umed, tum khud samajhdar ho. Maine hatane se kab mana kiya lekin kam se kam mujhse toh ye kaath ke ullu sampark banate. Ab wo ghayal bhi hai aur pahuch se bahar bhi. Deepak ko toh main sambhal lunga kyonki Shankar khud ilaaj aage badhayega uska. Department me bhi uski gairhajri ki jaruri wajah de di jayegi lekin yaha samasya ab Lohan ban gaya hai jo kal tak humse wakif bhi na tha."
"Chacha ji, main dekh lunga us Lohan ko aur mujhe bas Bhupinder bhai ki jarurat padegi. Rajasthan-Punjab aur Haryana ka ye border main atche se jaanta hu aur papa ki bhi madad mil jayegi. Aap nishchint rahiye aur Shankar filhal duty he karega ya shaadi ke kaam", Narinder ke aisa kehne par Shankar ne naa me gardan hilai thi aur Umed ne bhi.
"Main bhi sath chalunga Inder kyonki mere bhi kuch wakif hai udhar.", Ye Daleep Singh ne kaha toh Dharamvir ji ke chehre par gambhir bhaav aa gaye.
"Hadd se bahar chala gaya hoga toh baat badh sakti hai Inder bete. Isko kanoon ke haath me he jaane diya jaye toh behtar hai. Lohan ki vaardat Deepak ke gaanv wale raste par dikha kar ye maamla police ko he hal karne dete hai. Main iska prabandh karta hu aur jitne bhi doctor yaha baithe hai wo apni duty ke baad bhi gair-hajir nahi dikhne chahiye. CID wale babu ji aap jara mere sath baat karna inke sath dhumarpan aadi karne ke baad.", Ye baat unhone Daleep Singh ko kahi thi aur fir wo bahar nikal gaye.
"Bhole, ye police wala kaha se tu beech me le gaya apne sath? Aur Inder keh raha tha na ke tera rehna jaruri hai. Uski wajah ye hai ke hum teeno he ek waqt me bahar aise kaam par nahi ja sakte.", Umed ki aankhen bojhil thi aur usko chehra baar baar geela karna padd raha tha.
"Yar Deepak toh file dene aaya tha aur usne toh pee bhi nahi rakhi thi. Maine he bol diya ke chal aaj shikar karne chalte hai. Meri hisse ki goli wo apne seene par le gaya aur Lohan ke bhi uski he goli lagi thi. Sachmuch bhaari galti ho gayi jo ghaat lagane ki jagha khull kar humla kar dia. Ek mahina wo bechara bister par rehne wala hai sirf meri wajah se. Lohan jis din hatthe chadha na uski laash postmortum ke layak bhi nahi chhodunga. Madarchod bhadwa sala.", Shankar fir se uttejit hone laga tha.
"Thand rakh bhai aur ja kar chacha ji ke sath us Deepak ka haalchal le. Gajju ko bhi neend chadhi hai aur mujhe bhi. Daleep ke he khet ja rahe hai hum dono sone ke liye, wahi aa jaiyo shaam ko.", Narinder khada hua toh Daleep ne naa me mundi hila di.
"Bhai udhar jaane ki jagah Col wale hotel me araam kar lete hai na."
"Kyu ab waha ka baag aur haudi saaf karwa di kya bhai?", Narinder ne thodi hairani se is naa ka matlab jaan na chaha.
"Wo meri biwi ne jagah hathiya li hai Inder aur kalesh kar degi agar main udhar dikha bhi toh.", Ab Narinder ke sath baaki sab bhi hansne lage siway Shankar aur Daleep ke.
"Dekh le Shankar, ek iski biwi hai jo faad ke rakhti hai bhai ki. Hahaha. biwi ne he bedakhal kar diya.. Waah re Sher."
"Choot maarni bahot mehngi padd gayi Inder. Jis din tum me se kisi ke sath aisa hua na toh tumhare wali toh ghar he naa ghusne degi. Mere wali abhi tak roti toh paka kar khila rahi hai.", Daleep ki aisi halat par aur tippani na karte hue Paramvir ne he kaha.
"Ye mere farmhouse ki chabi hai. Gate par toh guard tumhe jaanta he hai lekin agar andar bhi araam karna ho toh kar lena. Khule me bhi chulha aur bister ka intjaam hai ghane pedo ki chhaya ke sath. Murga aur daaru sab wahi mil jayenge."
"Main bhi chalta hu yar.", Bhuppi aur Shankar ne ek sath kaha tha lekin Sangwan ne unhe yaad dila diya ke wo kaha hai is waqt.
"Tum log ye spirit ki badbu ka majo lo. Aaj Gajju chicken saaf karega aur main banaunga. Daleep bhai ki sirf sewa karenge kyunki bechare bahot pareshan aur zindagi ke sataye hue hai.", Narinder ne jaate hue bhi Daleep ki khinchai kar di thi lekin ab wo bhi muskura raha tha.
"Tere wali jagah par paani ki tanki toh hai na jaat?", Daleep ne bhi pooch he liya.
"Abe tum sabhi hathi ho kya jo daaru ke baad paani me dubki lagani jaruri he hai? Swimming pool hai lekin motor chala lena. Hum bhi 2 baje tak aa he jayenge Mehul ko sath le kar.", Ab Chote Sangwan ne bhi irade thode badal liye the aise mahol ka sunn kar.
"Raat ki daaru ke baad se sirf ek cup chai he pee hai. Jaate hue 15-20 parathe toh leke he jaane padenge Gyanni uncle se. Tu bhi aa jaiyo Shankar, bhook tujhe bhi lagi hogi.", Narinder aur Umed us taraf se darwaje tak aa chuke the.
"Ye aur bina khaye reh jaaye? Udhar jaane se pehle bhi butter chicken udhed kar gaya tha aur Deepak ko admit karwane ke baad bhi 6 parathe canteen me khaa kar yaha se nikla tha. Shankar se 2 he cheej toh bardasth nahi hoti. Choot aur bhookh.", Paramvir ne Shankar ko lapete me liya lekin sabhi shant ho gaye darwaje se andar aaye Dharamvir Singh ji ko dekh kar.
"Abe nalayko sudhar jao thoda sa. College ka kamra nahi hai ye tumhara aur na he tum 20-22 baras ke. Shankar, ye Deepak ki file hai aur uske pas chale jao. Param tum duty pe niklo aur Bhuppi mere sath rahega thodi der. Daleep 10 minute chahunga tumhare aur tum dono jo chahe wo karo.", Wo anjaan sa vyakti abhi tak waise he baitha tha, na hila na dula."
"Chacha ji ye janaab kaun hai?"
"Laash hai ye. Heart attak aaya tha isko toh maine yaha baitha diya baatein karne ke liye jab tak tum log aaye nahi the. Abhi le jayenge iske gharwale kuch der me, thodi dur se aana hai unhe.", Ek baar toh Umed ki bhi sookh gayi thi ye sunn kar. Wo uski he bagal me itni der se baitha tha.
"Tension na le Gajju, Sangwan chacha toh kayi baar morgue me bhi murdo ko lecture dete rehte hai.", Narinder ne jaane se pehle Dharamvir ji ki bhi taang kheench di thi.
"Sudhar ja re Inder sudhar ja. Tu waha khud leit kar jo dhyaan lagata tha mujhe abhi tak pata hai. Tere bhai jaise vidhyarthi ho toh kaksha shamshan aur murdaghar me he lagengi. Chalo niklo sab aur pata hai bina party ke tumhare mann ko shanti nahi milegi. 12 baje tak faarig kar dunga sabko.", Dharmavir ji ne sabko vidha kiya aur Daleep ko kuch samjhane lage. Thik 15 minute baad he Daleep bhi Umed ki mercedes ki pichli seat par baitha tha aur wo log nikal liye araam karne.
Agar Arjun ke liye uske margdarshak Aacharya ji, Pandit ji aur maa ke sath Krishna chachi thi toh in sab uddand aur honharo ke Krishan Dr Dharamvir Sangwan ji the jinhone kathor shiksha ke sath sath unhe bharpoor laad pyaar bhi diya tha bina farak kiye.
. Mera mtlb tha ki romela ji to shoot krengi shayad aur uss taswir k mutabik couple scene chaiye to arjun akela to hoga nhi, fir sath me scene kon banayega? ?