Horror Maut ka Aatank...!!!

[PARADOX]

bhai..... For starting a new story.....

 

[Arpita_Singh]

Update : 1 (Jungle)

Insaan ka dil bhi kitna ajeeb haina, pal bhar me khush hota hai toh pal bhar me dukhi, vese toh kehte hai ki insaan ka dil kaafi majbut hota hai, kahi na kahi yeh kuch hadd tak sahi bhi hai, lekin insaan ka dil jitna majbut hota hai usse kahi ghuna jyada kamjor bhi hota hai..aur kamjor banta hai DARR se

Darr koi vastu toh nahi hai..par ek aisa ehsaas hai jo ache se ache insaan ko hila kar rakh deta hai, aur jab insaan darta hai toh uska joro se dhadak ne lagta hai

Vese toh aaj insaan ke pass sabkuch hai, par jab kisi chiz ke khone ka darr lagta hai toh insaan tut sa jaata hai, par sach kahu toh use darr nahi kehte..darr use kaha jaata hai jisse insaan ki rooh tak kaanp uth jaaye

Raat ke karib 1:30 baj rahe honge, thand ka mausam hone ke karan jungle me kaafi jyada kohra jama hua tha, aur kohre ki vajah se chaand ki roshni bhi thik se zameen tak pahuch nahi paa rahi thi

Jungle me charo aur ghor sannata chaaya hua tha, seher ki bheed bhaad aur pradushan se mukt jungle ka vatavaran kaaf shaant tha, par kehte haina ki shant chize hamesa khatarnak hua karti hai

Asmaan me chamgadhar udd rahe the, aur unke alawa jungle me raha har prani soya hua tha, charo aur ghor sannata chaya hua tha aur tabhi iss sannate ko chirte hue ek kachi sadak par se ek gaadi gujar rahi thi

Ab haalat kuch ese the ki jungle ke iss hisse me roshni ke naam par chal rahi gaadi ki headlight thi, jisse jyada dur toh nahi bas halka halka side se jungle ke gehrav dikhayi de raha tha

Gaadi me iss waqt 2 log sawari kar rahe the, aur dono ki hi saanse teji se daud rahi thi..unke chehre se darr saaf jhalak raha tha, aur darr ko kam karne ke liye driving site par baithe hue ladke ne music chalu kar diya




“Gaadi Bulaa Rahi Hai, Siti Bajaa Rahi Hai
Gaadi Bulaa Rahi Hai, Siti Bajaa Rahi Hai
Chalanaa Hi Zindagi Hai, Chalati Hi Jaa Rahi Hai
Gaadi Bulaa Rahi Hai, Siti Bajaa Rahi Hai”

“jaan, yanha bhi..had hai” car me baithi hui ladki apne bf se kehti hai

Voh ladki ajeeb si shakal banate hue ladki se puchta hai “kya..??”

Ladki “har waqt train, train aur train, agar train tuje itni hi jyada pasand hai toh tu usi se shaadi kyu nahi kar leta..??”

Ladka sochne ka natak karte hue “shaadi..aur voh bhi train se, haa yaar..idea toh acha hai, par voh kya haina ki mai chahkar bhi usse shaadi nahi kar sakta”

Ladki “kyu kyu kyu..??”

Ladka “voh kya haina ki meri kundli me likha hai ki meri shaadi kisi bandariya se hogi”

Ladki “acha ais…..” achanak se voh bolte hue ruk jaati hai aur fir uss ladke par gussa hote hue uski chati par ghuse marte hue kehti hai “acha..toh mai bandariya hu, ruk abhi batati hu” aur voh ladki use gushe maarne lagi

Ladka haste hue kehta hai “are bas bas, ruk jaa meri maa..varna accident ho jayega”

Tabhi voh ladki ki najar samne padi aur use dekhte hi uski cheekh nikal gayi “nooooooooooooooooooooooooooo”

Ladki ki cheekh sunte hi ladke ka dhyaan samne ki aur gaya “ohhh shiitt” uske muh se itna hi nikala aur unki car sidhe samne se aa rahe truck ma jaa ghusi

Next Day, Morning
Aaj kaafi dino ke baad suraj ki roshni nikali thi, subah ka mahol tha, vese toh jungle me subah ko pakshiyo ke kilkarne ki awaze akshar sunayi deti thi, lekin aaj pakshiyo ki jagah police ki jeep ka siren ki awaaz jungle me gunj rahi thi

Gharrr gharrrr karti hui police ki jeep jungle ki chirti hui aage badh rahi thi, kachi sadak hone ki vajah se jeep kaafi dheere chal rahi thi

Jeep me iss waqt 3 log sawar the, usme se do log jo ek aage driver ke pass baitha tha aur ek piche baitha voh dono rangin kapdo me the jabki Driver apne uniform me tha

Raste me khade jyada hone ki vajah se driver ko jeep chalane me kaafi pareshani aarahi thi, jo aadmi piche baitha tha voh driver par chillate hue kehta hai “abe kar kya raha hai, sahi sa chala na”

Driver “sahab, rasta hi aisa hai kya karu”

Jo aadmi aage baitha tha voh kehta hai “are sunil, shant rah mere bhai, subah subah tera muh kyu utara hua hai”

Sunil “are kya batau yaar, jab se iss jagah posting hui hai meri toh zindagi hi barbaad hogayi hai”

Voh aadmi haste hue kehta hai “kyu bhai, Bhabhi ghar me nahi aane deti kya”

Sunil “aisa hi kuch samaj le mere bhai, yaar sach kahu toh tang aa chuka hu, log akshar subah me uthkar sabse pehle apni biwi bachcho ka chehra dekhte hai aur ek mai hu jo roj roj murdo ko dekhta hu”

Aryan joro se hasne lagta hai jise dekh Sunil kehta hai “has mat bhai, tera bhi yahi haal hone vala hai”

Aryan thoda gambhir hote hue puchta hai “iss jungle ke baare me kaafi kuch sunn rakha hai maine, maine toh suna hai ki yaha har police vala aane se katra ta hai, aakhir aisa toh kya raaz hai iss jungle me”

Khair Aryan ka sawal bhi khatam hua aur voh log uss jagah pahuch gaye janha voh hadsa hua tha

Aryan ne jeep me baithe hue hi dekha ki vaha par NO ENTRY ka board laga hua hai aur hadse vali jagah ke charo aur yellow colour ki ribbon se ghera banaya hai

Police Jeep ke aate hi ek police constable daudte hue jeep ke pass aaya aur salam karte hue kehta hai “raam-raam sahib”

Tabtak Sunil aur driver dono hi jeep se utar chuke the, sunil “Raam-Raam Patil, kya khabar hai”

Patil bhi majak karte hue ketha hai “sahib kaiko majak karte hai, aap ko toh sab kuch pata hai, vahi jo akshar hota hai”

Driver puchta hai “kya hua tha” voh teeno hi chalte hue ab uss crime-scene par pahuch chuke the, jabki Aryan jeep me baithe hue charo aur dekh raha tha ya kuch soch raha tha

Vaha ke haalat dekhte hue Driver kehta hai “firse nahi” voh aage kuch bol paata usse pehle unke pass daudte hue ek ladka aaya “saab ji..saab ji, bachaiye saab ji, hume bacha lijiye”

“aeee chup” kehte hue ek aur constable vaha aaya aur uss ladke ko vaha se le jaane laga

Aryan jo ab Sunil ke pass aachuka tha voh kehta hai “ek min ek min, yeh kuch kehna chahta hai”

Sunil “rehne de Aryan, tu iski baat sunega toh pakka yeda ho jayega”

Sunil ki baat sunkar Aryan uski aur ghurkar dekhta hai, toh Sunil kehta hai “bhai, dekh aaj tera pehla din hai aur mai nahi chahta ki pehla din tera aakhri din ho jaaye, filhaal tu ise ignore kar..aur thoda kaam kar le..??”

Aryan “thik hai mere bhai, you are the boss” aur voh dono thode aage chal diye, aur unke saath Patil bhi piche piche chal diya

Patil Aryan se kehta hai “saab ji, bura naa mane toh ek baat kahu”

Aryan “ha bolna, kya baat hai”

Patil “meri baat maniye saab, aap yanha se vapas chale jaiye”

Aryan uski aur dekhte hue kehta hai “vapas chala jaun..!! par kyu..??”

Tabhi unn dono ko Sunil ki awaaz sunai deti hai “firse nahi, ab toh sach me tang aa chuka hu mai isse”

Aryan uske pass pahuchte hue kehta hai “kya baat hai, Sunil, kya de….” Voh bolte hue ruk gaya aur samne ka najara dekhte hi use vomiting chalu ho gayi

Darasal Aryan ki najar sunil se hote hue sidhe uss lassh par padi jo uske najar ke samne thi..aur uss laash ki haalat itni jyada buri thi ki Aryan use 5 seconds bhi dekh nahi paaya aur vahi par ultiya chalu kar di

Ab baat karu laash ki toh voh laash se jyada kankaal lag raha tha, uss kankaal ke do hisse ho chuke the, aur jagah voh kankaal puri tarah se khoon se lipta hua tha, chehra ka adhe hisse ka maas gayab tha aur aadhi aankh kankaal par giri hui thi, aur sharir ka niche vala hissa pura sad chuka tha aur vaha se bahut hi bhayanak budbu aa rahi thi

Vaha par saans lena bhi thoda muskil ho raha tha aur aisa hote hi Aryan ne ulti kar di

Aryan ki haalat dekhte hi sunil ne patil ko ussko vaha se le jaane ka ishara kiya aur voh vaha ke constable se baat karne laga

Aryan abhi jeep me baitha hua tha, uski ultiya toh band ho chuki thi par abhi bhi voh najara uski aankho ke samne se haat nahi raha tha, sunil uske pass aakar driver seat par baith gaya aur jeep start karte hue bolta hai “bhai, tu thik toh haina..?? ab samja Patil tuje yanha se jaane ke liye kyu keh raha tha..??”

Aryan halklate hue bolta hai “yeh itni buri haalat, kese..??”

Sunil “yeh toh kuch bhi nahi hai mere bhai” kehte hue usne apne jeb mese aloo sev ka packet nikala aur usme se khaane laga

Sunil ko khaate dekh Aryan use ghurte hue kehta hai “hadd hai bhai, esa scene dekhne ke baad tuje khaane ka suj raha hai”

Sunil haste hue kehta hai “bhai, muje toh ab aadat si hi ho gayi hai, kuch din yanha reh le, adat ho jayegi”

Yeh sunkar Aryan kuch nahi bola, Sunil ne Patil se kaha “laash ko fauran PM ke liye bhejde”

Aryan “laash..?? laash bachi hi kanha hai ab..??”

Sunil “jo bhi hai, bas yahi hai” aur voh patil se kehta hai “aur haan, doctor ko bolna ki PM report hume computer par hi dikhaye”

Yeh sun Aryan kuch nahi bola, Patil salaam karte hue apne kaam me lag jaata hai aur sunil jeep ko police station ki aur mod deta hai

To be continued….

First of all a ly for starting new story milu


To ab aate hai story ki review par...
Car pe bhi train wale gaane sahi baat h koi bhi ladki irriate hogi hi,or gf hai to or hona hai,bilkul sahi kiya ladki ne
Par yeh kya aage to accident ho gaya
Patil ka muh humesha utra hua hi kyu rehta hai, biwi ghar pe khana nhi deti ya shakal hi aisi hai uski
Par bahut bura hua, sach hi kaha hai.. Jindagi ka kuch pata nhi, kab kya ho jaaye, jese pal bhar me hi sab kuch tahas nahas hogaya...
Shuruwat kaafi behtarin rahi hai, aise hi dar banaye rakho... Great start milu

 

[Avir]

Nice

 

[Milan2010]

For starting new story thread

Hope this story will touch our hearts
____________________​

siraj bhai

 

[Milan2010]

Very nice update
Waiting for next

bhai

 

[Milan2010]

for new story Milu bawa

sirji

 

[Milan2010]

bhai..... For starting a new story.....

pradip bhai

 

[Milan2010]

First of all a ly for starting new story milu


To ab aate hai story ki review par...
Car pe bhi train wale gaane sahi baat h koi bhi ladki irriate hogi hi,or gf hai to or hona hai,bilkul sahi kiya ladki ne
Par yeh kya aage to accident ho gaya
Patil ka muh humesha utra hua hi kyu rehta hai, biwi ghar pe khana nhi deti ya shakal hi aisi hai uski
Par bahut bura hua, sach hi kaha hai.. Jindagi ka kuch pata nhi, kab kya ho jaaye, jese pal bhar me hi sab kuch tahas nahas hogaya...
Shuruwat kaafi behtarin rahi hai, aise hi dar banaye rakho... Great start milu

mai koi sapna toh nahi dekh raha na
anyways arpi and back
haa ab har koi gf tumhare tarah nahi hoti na
nahi, biwi ne bahut gaali sunayi thi..patil ne use phone nahi kiya na isliye
aap saathe bane rahe, story achi hoti jayegi

 

[Milan2010]

Nice

dost:

 

[Milan2010]

Update : 2 (Hospital)

Sunil “jo bhi hai, bas yahi hai” aur voh patil se kehta hai “aur haan, doctor ko bolna ki PM report hume computer par hi dikhaye”

Yeh sun Aryan kuch nahi bola, Patil salaam karte hue apne kaam me lag jaata hai aur sunil jeep ko police station ki aur mod deta hai

Ab aage….

Dupher ke 3 baj rahe the, vese toh aaj subah ko bahut dino ke baad suraj nikla tha, lekin kudrat ke aage suraj bhi lachchar sa dikh raha tha, jese jese din aage badh raha tha, vese vese asmaan me badalo ne apna kabja jamana shuru kar diya tha, haroj ke muqable aaj thand thodi kam thi, par fir bhi thand itni jyada thi ki koi bhi blanket se bahar nikalna nahi chahega

Aryan aur Sunil police station ke andar bani cabin me baithe hue the, Sunil ke liye toh ese hadso ko dekhna jese daily routine sa bann gaya tha, lekin Aryan ki haalat ab bhi thodi se naram thi, voh chahkar bhi unn drishyo ko nahi bhula paa raha tha jo usne aaj subah dekhi thi, baar-baar vohi tasweer uske aankho ke samne aajati thi aur use firse ultiya shuru ho jaati

Lekin iss waqt Aryan ne khudko thoda sambhal liya tha, aur voh chayi ki chuski lete hue “bhai, muje kuch samaj nahi aa raha hai, koi kisiko itni behrehmi se kese maar sakta hai..??”

Sunil “yahi toh samaj nahi aa raha, aakhir me yeh sab kar kaun raha hai”

Aryan “aur tune kaha tha ki yanha par ese hadse hote rehte hai, kuch toh evidence hoga ki yeh sab kaun raha hai”

Sunil “nahi mere bhai, hume aaj tak koi evidence nahi mile aur naahi kisine bhi aisa kuch karte dekha hai” fir voh rukkar kehta hai “jaanta hu mere bhai, tere dimaag me iss waqt bahut se sawaal ghum rahe hai, vese bhi aaj tera dusra din hai, toh dimaag par itna jyada jor mat daal, vese bhi aaj teri haalat kuch theek nahi hai, tu aaj aaram kar le, hum kal iss baare me baat karenge”

Aryan ko bhi sunil ki baat sahi lagti hai, voh jald se jald ghar jaakar sona chahta tha, fir ek baar voh Sunil se apna sawaal firse dohrata hai “koi itna berehem kese ho sakta hai..itni darindgi ki usne sharir ke do hisse hi kar diye..??”

Sunil haste hue Aryan ke sawal ka jawab deta hai “hahahaha, muje nahi lagta bhai ke tu yanha par jyada din ruk payega, sach kahu toh DG se kehkar apna transfer karwa le”

Yeh sunkar Aryan use thoda gusse se ghurne laga, toh Sunil hasna band kar deta hai, tabhi vaha Patil aakar kehta hai “sir, doctor saab ka phone tha, unhone kaha hai PM report taiyaar hai”

Sunil “chal mere bhai, asli darindgi toh tuje ab dekhne ko milegi” aur voh vaha se bahar chala gaya, Aryan kuch sochne lagta hai aur fir voh bhi Sunil ke pass chala gaya

abhi jeep khud sunil drive kar raha tha, aur Aryan uske pass baithe hue apni hi soch me duba tha, jabki Patil apni hi masti me jeep me piche baithe hue gaana gun-guna raha tha

Karib 35 min ki driving karne ke baad yeh teeno gaanv ke sarkari hospital me pahuch gaye, jeep se utarte hue Sunil Aryan se puchta hai “kya soch raha hai..?? tu pure raste me chup tha”

Aryan iss waqt sunil se koi baat nahi karna chahta tha toh voh keh deta hai “kuch nahi bhai, bas tabiyat thodi kharab thi” aur voh Hospital ki aur dekhne lagta hai

Hospital ko dekhte hi Aryan kehta hai “yeh hospital hai ya kabaad khaana”

Vese Aryan ka kabaad khaana kehna galat nahi tha, yeh hospital ko jo bhi pehli baar dekhta use yeh kabaad khaana hi lagta tha
Ek tuta hua chota sa bunglow tha, road ke khatam hote hi main gate tha jispar ek sada hua name plate laga tha, name plate ki kinari jagah jagah se tuti hui thi aur voh plate puri tarah se jaang kha chuki thi jis vajah se hospital ka naam dikhayi nahi de raha tha
Kehne ko toh hospital thi, lekin voh hospital se jyada kabad khaana laga hua tha, gate ke dono side logo ne kuda faink raha tha, aur kuda itna ki dono hi side bade bade dher ban chuke the, jinpar anginat makhiya udd rahi thi

Vese toh gate ke haalat bhi kuch thik nahi the, Aryan gate se andar jaate hue dekhta hai ki lohe gate ek side se juk gaya aur dusri side vala gate side me gira pada tha, aur samne ki aur dekhe toh ek choti si pagdandi thi jo thodi dur ek darwaze ki aur jaa rahi thi
Pagdadni ke aaju baaju badi badi ghaas ugi hui thi, aur uss bunglow ki baat kare toh bunglow ko puri tarah se paid ki daaliyo ne dhak rakha tha
Deewar tak podho se hare rang me rang chuki thi, khair Aryan unn sab ignore karte hue Sunil ke saath bunglow ke darwaze par pahucha, usne dekha ki main door bhi sahi nahi hai..lakde ka darwaza tha par voh bhi niche se puri tarah sad chuka tha, jagah jagah darwaze me ched ban chuke the

Yeh se dekhne ke baad Aryan se raha nahi jaata toh voh Sunil se sawaal karta hai, “bhai..yeh toh muje kaha lekar aaya hai, yeh hospital se jyada muje ek kabaad khaana hi lagta hai”

Patil “saab ji, yanha par yahi haalat hai” ispar Aryan kuch nahi bolta aur voh teeno hi hospital ke andar chale jaate hai

Jab hospital ke bahar aise haal the toh hospital ke andar kya halat hogi yeh toh aap sab samaj hi gaye honge, andar ka haal bhi kuch khaas acha nahi tha, jese hi darwaze se andar dekhe toh samne ek bada sa hall tha, jisme roshni ke naam par kuch nahi tha..jo kuch bhi dikhayi de raha tha uski vajah khidki se aati hui roshni thi
Ab baat kar khidki toh usme bahut sare madki ke jaale bane hue the, hall me charo aur sirf tuti futi cheeze rakhi hui thi..yaa fir giri hui thi kehna muskil tha, hall ki haalat dekhkar aisa lag raha tha maano saalo se yanha par safaayi hui hi nahi hai

Aryan ne apne charo aur dekha, aur gehri saanse lete hue voh Sunil aur Aryan ke saath aage chala gaya, voh teeno side me bane ek room me aakar rukte hai, jo kuch thoda sa sahi tha, room me ek chota sa bulb laga hua tha aur upar chatt par chhrrr chhhhrrr awaaz karta hua pankha dheere dheere ghum raha tha, jiski haawa naa ke barabar thi

Room me ek budhe se doctor the, jinki umar karib 50 saal ke karib thi..voh Sunil ko dekhte hue kaatil se hasi ke saath kehta hai “aao inspector aao, mai tumhara hi intezaar kar raha tha”

Sunil bhi ese hi thoda masti me kehta hai “kya baat hai tau, aaj bade khush lag rahe hai”

Doc “ab kya batau, baat hi kuch esi hai ki mujse raha nahi jaa raha” fir uski najar Aryan par padti hai, “sunil, tumhe lagta hai yeh chora yeh sab dekh paayega”

Doc ke sawaal ka jawaab khud Aryan deta hai “nahi nahi, subah se meri tabiyat kharab hai, aap sidhe report dijiye, baaki mai khud hi dekh lunga”

Doc “jesi aapki marji” kehte hue ek report deta hai, jise dekhte hi Aryan chauk jaata hai

Aryan “yeh kya majak hai doctor, isme toh kuch hai hi nahi”

Doc “vahi toh mai bhi keh raha hu, yeh kankaal kisi kaam ka nahi hai”

Aryan “aur iski chamdi..aapne likha hai ki iski chamdi naakhun se nikali gayi hai”

Doc “haa, chamdi nikali toh naakhun se hi hai..par”

Aryan “par kya doc, itna toh mai bhi jaanta hu ki koi bhi insaan apni chamdi iss tarah se nahi nikal sakta, aur agar mai maan leta hu ki kisine aisa kar bhi diya hai toh sharir ke andar ke hissa ka kya hua..??”

Doc haste hue kehta hai “inspector yanha par sirf kankaal hi aate hai, ab andar ke hisso ka kya hota hai iska pata lagana aapka kaam hai”

Aryan thoda gusse se kehta hai “yeh kya bakchodi hai, Sunil yeh sab kya hai, yeh report hai ya majak hai”

Sunil “bhai, tu shant hoja, yaanha jitni bhi maute hoti hai unki reports hamesa se ese hi aati hai, hume aajtak laash ke naam par sirf kankaal milte hai, aur uske saath me unki ek aankh”

Aryan apne dono haatho ko upar karta hai, jise puch raha ho ki yeh sab kya hai, par voh kuch bolta nahi hai, fir sunil “doc, sirf yahi kaam tha yaa kuch aur bhi”

Doc “are haa, voh baat yeh thi ki mai 4 din ke liye apne ghar jaa raha hu, toh ab uske baad hi mulaqat hogi” fir voh hospital ki chaabiya dete hue kehta hai “agar kuch kaam ho toh hospital aajana”

Aryan abhi bhi kuch samaj nahi paa raha tha, usne PM report apni jeb me rakhi aur voh tino vapas police station aagayi

Khair Aryan ne aaj kuch kaam naa karne ka faisla kiya aur voh bhi apne ghar chala jaata hai, jo usne gaanv me hi kiraye par liya tha, jabki Sunil kuch der police station me hi rukta hai

To be continued…