Fantasy Kaisa Yeh Ishq Hai.... Ajab Sa Risk Hai...... (Completed)

[nain11ster]

Running Story....

Read The Fantasy Drama Menia
Kaisa Ye Ishq Hai~Ajab Sa Risk Hai~Reload


Real All My Completed Stories....

Enjoy The Emotions And Thriller Journey..
100 Encounter:- The Journey Of An Innocent Girl

Read The Thrill In Romance...
Bhanvar

Read Crazy Fantasy Romance Drama
Kaisa Ye Ishq Hai..... Ajab Sa Risk Hai....​

 

[Asif khan]

Update:- 55​

Nandni:- Batao pagalpan ki had hoti hai.. ek to public place par jhagra karta hai upar se attitude dekho bhai sahab ke.. Paun me mobile fek kar bhag gaya hai… Iski to main puri khabar lungi…


Ansh:- Lekin Nandu usne Shresh se jhagra kab kiya tha..


Nandni:- Jab wo Shresh ke sath jhagra kar raha tha, tab kya kisi ladki ko tar rahe the?


Ansh:- Usne Shresh se jhagra nahi kiya tha.. balki Shresh ko to usne gala pakad kar uthaya aur dharam se bar counter par patak diya… yahan dhyan dene wali kuch baaten hain.. pahli baat to ye ki Nischal ne ek hath se Shresh ka gala pakda tha aur thik uss waqt dusre hath me uske wine ki glass thi … dusra paun jamin me touch nahi kar rahe the.. teesra wo apni jagah se bina hile ye karnama kar chuka tha…


Nandni, Ansh ko ghurti hui… "Tumhe tv serial ki bimari lagi hai kya, jo ek saas ki tarah behave kar rahe ho aur bahu ki har bariki ko janch-partal me lage ho"..


Ansh:- Pagal ho gayi ho tum Nandu.. Wo koi insan nahi lagta.. mujhe to koi alian lagta hai.. dekhi nahi bina koi pakad banaye kaise usse utha kar patak diya..


Nandni:- Mere ander bhi ek alian wali power hai, jante ho kya?


Ansh:- Kya?


Nandni:- Apne aakhon ke ishare se tumhe raat bhar bahar sula sakti hun.. dekhna pasand karoge kya… pata nahi tumhare dimag me ye sab bakwas baaten aati kahan se hai…


Ansh:- lekin Nandu..


Nandni:- ekdum chup, yadi uss bare me ek shabd bhi nikale to tumhe alian banakar space ship me dalwa dungi…


Ansh ki baat par puri tarah se naraj hokar, Nandni, Ansh ko akele chhod'kar, wahan se car lekar nikal gayi. Ansh bhi uske pichhe-pichhe bhaga lekin Nandni usse ansuni karke nikal gayi…


Piche se taxi lekar Ansh bhi flat pahuncha… "Kya bachpana hai yaar, aise naraj hokar chali aayi"…


Nandni, apne kapde nikalti… "Tum analysis karte raho ki kaun alian hai aur kaun insan"…


Ansh, Nandni ka hath pakad kar uske kadmo me baith'te… "Sorry baba, ab mujhe jo laga wahi to maine kaha tumse.. Ab main tumse nahi share karunga to kis se karunga…


"Isse baat share karna nahi kahte hain Ansh. Baat mazak ki ho to hansi me kahin jati hai, lekin tum jis tone me kah rahe the usse yakin ke sath shaq hona kahta hain".... Nandni apni baat kahti hui, bijli ka bilkul halka jhatka Ansh ko de di.. Ansh jhatke se apna hath khincha aur hairan hokar dekhne laga ki ye jhatka kahan se laga..


Ansh jabtak jhatke aur aashraya se uabarta, tabtak Nandni apne upar kapde dal'kar kitchen me pahunch chuki thi… Ansh bhi Nandni ke piche-piche kitchen tak aaya, lekin Nandni usse jakar hall me baithkar tv dekhne bol di.


Takriban ghante bhar baad Nandni pasine se tar hoti hui kitchen se nikli… tabhi siti ke awaz ke sath… "Pasine me naha'kar aur bhi namkin ho gayi ho"… Nandni ko apne kano par yakin nahi hua tha.. wo ander he ander hanti hui khud se hi kahne lagi… "What… Doctor ne comment kiya.. ye kab se sudhar gaya"..


Baharhaal Nandni bika koi pratikriya diye sidhe jakar bathroom me ghus gayi. Nandni jaise hi ander kamre me gayi , thik ussi waqt Ansh, mukhya darwaja band karke sidha bathroom me ghus gaya… tabhi ek aur siti ki awaz aur… "gore badan par ye kali bra kayamat lag rahi hai"..


Nandni:- Chhi aisi baton ka koi tuk bhi banta hai kya… aur tum bathroom me kya kar rahe ho... Nischal aa jayega kabhi bhi..


Ansh:- Kaise aayega, maine mukhya dwar band kar diya hai..


Nandni:- To uske pass hamesa key hoti hai ek... Samjhe…


Ansh:- What, uske pass key hai.. koi nahi main yahan ka gate band kar'ke aata hun..


Nandni apne bache kapde utar'ti hui shawar chalayi… "uske pass mere room ki key bhi hai"..


Ansh… What ??? Iss room ki key..


Nandni:- Haan iss room ki key…


Ansh:- Lekin kyon???


Nandni:- Bharosa hai isliye... Kyon jaisi kya baat hai..


Ansh:- Aur kabhi hum dono sath huye exactly jaise abhi tum ho to…


Nandni:- Litrally ye tumhari query hai?


Ansh thoda gussa hote huye… "bhadosa, dosti aur close hone ke naam par kya tum kuch bhi karogi"..


Nandni, Ansh ki baat par thodi bhadki jaroor thi lekin shanti se uski stithi ko aakalan karne ke baad, aaram se puchhne lagi…. "Hmmmm ! Yadi mere mammi papa aa gaye aur hum dono ander huye fir kya hoga Ansh..


Ansh:- Wo to mammi papa hai yaar … wo honge to hum aisa karenge hi kyon ..


Nandni:- Aur Nischal hoga to koi fark nahi padega … manate raho rangraliya…


Ansh:- Haan to kisne kaha tha usse sath rakhne ke liye… Humari sari privacy chali gayi..


Nandni:- U know mr Ansh .. tumhe insecurity feel ho rahi hai. Nischal hai isliye tum ho iss ghar me Ansh, warna main yahan akeli hi thik thi..


Ansh:- Ye kuch jyada nahi ho raha hai kya?


Nandni:- Tum itna chidh kyon rahe ho Ansh. Main to aaram se baat kar rahi hun na... Ek baat batao kya humari shadi ho gayi Ansh..


Ansh:- Aaj na kal to ho hi jani hai..


Nandni:- Aur agar main abhi break up kar lun fir…


Ansh:- Yahi to hai tum ladkiyon me, kuch bhi ho to break up kar lo… lekin apni galti mat mano..


"Main tumse na to chidh kar puchh rahi hun aur na hi mera tone high hai. Ek sawal puchhi jawab do"… Nandni apna badan ko tauliye se pochhti hui puchne lagi…


Ansh:- Mujhe nahi pata… yadii break up hua to main ji nahi paunga…


Nandni:- wo to tumhara side hua… aur mere sath jo sex kiye … wo to bina relation ke maze lekar nikal jana hi hua na…


Ansh:- Hadd bewakoof ho tum Nandni… relation hai tab to hum aage badhe na… ek Nischal naam ke complication ke karan yadi tum break up karti ho, aur fir ye sawal puchhti ho to kahan tak jayaj hai…


Nandni, apne upar kapde dal chuki thi.. Ansh ko apne pass bulayi aur usse bistar par bitha'kar uske balon ko bikherti hui kahne lagi….


"Ansh pyar to bahut karte ho tum mujhse lekin fir bhi relation insecure hai"….. "Nahi aisi baat nahi hai Nandu, wo to bus Nischal ko lekar"…. "Now let me finish first" .


Nandni:- "Ek insecure relation, fir wajah chahe jo bhi rahe. Aaj wajah Nischal hai to kal Jivisha ho sakti hai. Fir ye bhi ho sakta hai ki tum apne hospital me pura samay do, aur tumhare pass aaj ke itna kal samay na ho… To break up ki wajah to kuch bhi ho sakti hai na baby… Center kewal Nischal hi kyon?"..

"To ek insecure relation me, main tumhare secure pyar ko feel karti, jab main secure ho sakti hun… Fir to Nischal ke sath mera complete relation hai. Purn viswas samjhte ho. Ruko samjhati hun kitna viswas hai. Main yadi achet awastha mein, complete nude bhi hoti hun to bhi uski najar nahi fisal sakti hai. Tane de dega meri haalat par openly.. ho sakta hai mujhe tease bhi kar de, lekin bhadosa itna hai ki uska meri ore dekhna, mujhe incesure nahi kar sakta."

Bhadose ka bahut bada aur shayad ghatiya example diya hai tumhe…. Shayad thoda asamajik example tha, lekin Nischal ke prati mere viswas ki kahani tum nahi samjh sakte aur na ye samjh sakte ho ki hum me dosti ke alawa koi relation ki feeling tak nahi. Waqt parne par mere liye wo maa bhi hai, baap bhi hai.. bhai bhi hai .. aur un sab se kahin badh'kar ek sacha dost hai"..

"Fir tum kaise soch sakte ho ki main bina shadi ke husband and wife wali privacy kar dun aur usse apne kamre me aane se mana kar dun"..


Ansh:- I am sorry Nandu..


Nandni:- Kamal hai Ansh, yadi mere mammi papa yahan honge to tab tum kyon mere sath romance karoge.. kyonki wo mere blood relation hai, aur abhi hum unmarried. Humari shadi bhi hui hoti, to bhi hum kuch aise rahte jaise unhe kuch pata na chale… lekin baat agar Nischal ki ho to tumhare dimag me sirf itna hi hota, ek anjaan ladka yahan kya kar raha hai…


Ansh, sharminda hote… "Baby I am sorry"


Nandni:- Tumhre dimag ke channel me to yahi chalta hoga na Nandni apne ghar ke kapde aise pahnti hogi, waise pahnati hogi.. pata na uss ladke ki najar hamesa kahan rahti hogi… lekin wahi yahan mera bhai ya baap hota, to Ansh babu ko koi fikr nahi hoti, kyonki ek ladki ka kapda pahn'na relation par depend karta hai… Bhai baap hoga to ache se kapde pahnegi … Aur yadi koi dost hoga jispar pura badhosa hai… oh sorry chhota sa correction… Flat me Nandni ke sath koi anjaan ladka ho to Nandni badan dikhati firegi…


Ansh, uth'kar Nandni ke pass baith'te huye usse side se pakad kar…. "Hey cutieeee… main apni baton ke liye behad sharminda hun… Gadha hun main jo gusse me kuch bhi kah gaya"…


Nandni:- Gusse me nahi nikla hai Ansh, jo khyal dimag me chalte hain, wahi juban par aa gayi tumhare... Kamal hai na Ansh, baap aur bhai apni kuwari beti ya bahan ke kamre me aa jaye to koi objection nahi, lekin Nischal hota kaun hai… Abhi nikal do usko. Tum to abtak humare physical relation ke bare me bhi soch chuke ho... My friend Nischal … Main tumse abhi baat karna chahti hun … please kisi tarah mujhse contact karo… just contact me any how….


Ansh:- Nandu main bahut sharminda hun…


Nandni:- Khana khao Ansh.. thanda ho jayega...


Abhi 10 minute bhi nahi huye the… Ek unknown number se ghanti bajne lagi. Nandni ki aakhen bhar aayi aur wo call utha'kar bus "hello" ki awaz ka intzar karne lagi. Nandni ko jaise hi pata chala dusri ore se Nischal hai...... "Nischal tumhe yahan aane ki koi jaroorat nahi hai.. tum ab apna kahin aur intzam dekh lo…"


Nandni, Nischal se baat karke call disconnet kar di aur apne kamre ko band karke lagatar roye ja rahi thi. Ansh darwaje par khada knock karne laga, lekin kafi der tak knock karne ke baad bhi jab Nandni ne koi jawab nahi diya tab Ansh khud ki baton par guilt feel karte, wo Nischal ko dhundhne ke liye Sawalker ki madad lene chala gaya.


Sawalker thane me nahi tha. Isliye uss se milne ke liye wo uske ghar chala gaya… Sawalker apni patni jyoti ke sath baithkar fursat ke pal bant raha tha aur dono pyar se ek dusre se baaten kar rahe the…


Tabhi unke ghar ke darwaje ki ghanti baji… "Are doctor sahab aap.. aaeye ander aaeye"…


Jyoti, Ansh ko dekhti hui puchhne lagi, "ye kaun hai".. Sawalker bhi uska parichay dete huye Ansh ke vishay me sari jankari de diya. Ek chhote parichay ke baad Sawalker, Ansh se uske aane ka karan puchhne laga…

Ansh kya kahe aur kya nahi… Dabe huye shabdon me bus itna kaha ki kuch gadbad ho gayi hai aur Nandni ne Nischal ko flat par wapas aane se mana kar diya…


Jyoti jise mamle ke bare me kuch bhi nahi pata tha.… "Doctor sahab humare shadi ko 12 sal ho gaye hain.. aur mera pati ek police wala hai. Police wala ka matlab samjhte ho aap. Main batati hun, kisi par yakin nahi karna. Aap ke pass baitha hai mera pati, puchh lo ki yadi Nandni ke jagah wo humare sath rahta to wo kya sochta"..


Sawalker:- Nischal ke case me sochna jaisa to kuch bhi hai hi nahi. Wo to dwapar yug ka koi balak lagta hai jiski bhasha aur najar dono me koi chhal nahi... Pahle din wo raat ke 2 baje mujhe sadak par mila tha deewano ki tarah bhatkte.. bus uss waqt usse 2 line suna tha aur samjh gaya sab kuch uske bare me..


Jyoti:- Itne salon me ek wahi hai jise main ghar me aana allowed nahi ki, balki uske yahan aane ya jane se koi fark hi nahi parna hai. Aisa lagta hai pariwar me ek pyara sadsya ne entry le lee hai. Bus iss piyaakad ne uss bache ko bigad diya hai..


Ansh:- Mujhse bahut badi galti ho gayi. Nandni ne khana bhi nahi khaya aur darwaje lagakar soyi hai..


Jyoti:- Soyi nahi hogi ro rahi hogi. Jyada socho nahi Ansh, yah ek aam ghatna hai… dampatti jivan me aisi samsya to hote rahti hai… Lekin riston ke bich jhagra aur pyar hi rakhna .. nafrat aur shaq nahi. Ab jao tum Nandni ko manao, Nischal ko bura lagega to bhi wo flat wapas aayega.. aur bura nahi lagega to bhi wo flat wapas aayega…


Ansh:- Bura laga hoga to kyon aayega wo wapas..


Sawaker:- Kyonki wo sacha dost hai, usse samjh me aa gaya hoga ki Nandni gusse me hogi, isliye uss se jhagra karega usse 4 baten sunayega, lekin wapas aayega…


Sawalker aur Jyoti se milne ke Ansh ko apne dil ka bojh kuch halka sa lagne laga… wah flat wapas gaya, lagbhag 1 ghante lage honge usse khade-kahde darwaje par tab kahin jakar Nandni ne darwaja khola…

Behad shandar asardarr lajawab update

 

[nain11ster]

Khush hone k lie vajah jruri hai kya...?

Vajah nahi batakar aap akeli khush ho sakti hai.... Vajah batakar hum dono khush ho sakte hai... Jaroori jaisa kuch bhi nahi hota sansaar me

 

[Asif khan]

Update:- 57​

Nischal behad khush tha, usse laga jaise aaj he Jivisha uss ke pyar ko haan kah degi. Uske chehre ki chamak se saaf pata chal raha tha ki wo ander he ander jit ki khushi mana raha hai.

Lekin Jivisha ka mood to kuch aur he tha. Usse Nischal ko chidhane me maza aa raha tha aur wo usse khub chidha rahi thi.


Dono jab site scene ke liye pahunche, Nischal jab bhi kahta "ye dekho Jivisha", tab wo tedha muh jawab deti, isme dekhne jaisa kya tha. Raste ke jit ki khushi yahan aa kar jaise fus ho gayi ho.


Nischal pura mayus ho gaya. Usse lag gaya ki ye pyar uss ke bas ki baat nahi. Jivisha hans kar uss se baat to kar sakti hai, lekin pyar nahi.


Jivisha aage ki ore pahad ki khai dekh rahi thi aur Nischal piche raste ko dekhta, apne pyar ke nakami par mayus khada tha….


Nischal…… Jivisha pichhe mudo..


"Isme dekhne jaisa.… kya hai". Jivisha khai ke ore dekh'kar jaise hi pichhe mudi… Tabhi samne se awaz aayi….. "Haan mujh me dekhne jaisa kya hai. Baap matlab ghar ka naukar hota hai, jo sab ke liye achha soche aur sab usse he dhutkaro. Tum iss fraud ke sath kya kar rahi ho. Ek ladka ko shadi ke liye haan kah'kar, dusre ladke ke sath ghum rahi. Sharm naam ki chij hai ki nahi tum me".


Nischal…. Nahi uncle wo mere jid ke karan….


Himanshu….. "Ek sabd bhi nahi, chup ho jao aur jao yahan se. Aur tu khadi-khadi kya sun rahi hai"….


Raat ke waqt…. Nischal jab se wahan se lauta tha, man me yahi soch raha tha…… "Kuch bhi achha nahi ho raha. Filmon me aise situation banane wale mil jaye to main usse goli mar dun. Impress hona to dur ki baat hai, ab to lagta hai mujhse kabhi baat bhi nahi karegi. Phone kar ke puch to lun, meri wajah se usse sab padesan to nahi kar rahe".


Nischal, darte huye Jivisha ko call lagaya…. Jivisha, Nischal ka call dekhti….. "Dobara fir kabhi mujhe call mat karna, aur jo wada kiya tha uss par kayam rahna. Tum fail huye aur ab humare bich kuch nahi".


Nischal, Jivisha ki baat sunkar pure aawesh me aate huye khud se hi kahne laga…. "Bhad me jao tum Jivisha.. Bahut ho gaya tumhara natak"…


Ussi Raat, Rajeev gandhi zoological park, Pune…


Rijo aur uske sath aayi sainya tukdi ki purn vayvastha karne ke liye, Apini aur uski puri team ne 3-4 din me hi pura park me aatank machaye huye the… Saanp aur Sheron ke humle se pura park prashashan sakte me aa gayi thi aur pure park ko agle aadesh tak ke liye band kar diya gaya tha..


Rijo, Apini se Malkia ke vishay me purn jankari lekar, aaj ki raat ke plan ko jald se jald pura karne ke liye logon ko taiyar kar raha tha… Jivisha ke ghar ke har sadsya ke roop ke liye bahrupiye ki puri team ban chuki thi, jise khud Rijo lead karne wala tha…


Apini aur uske pure team ko rest diya gaya tha... Siway Josefer aka Jatin ko. Josefer ko 400 khatrnak tukdi aur 200 adrishi janwar ke sath Nischal par humla karke, ya to usse raat bhar tak uljhaye rakhna tha ya fir usse mar'kar jit ki khushkhabri deni thi…


Back up plan ke hisse me, yadi Josefer fail hota hai to bache sainya bal… 600 khatarnak tukdi aur 300 adrishi janwar ke sath Apini, Nischal par purn humla karke adhura kaam pura karega… Rijo ke dimag me yah baat bhi thi ki kahin dono hi fail ho gaye to bhi usse itna waqt mil hi jayega ki wo bharma kar Jivisha ko viman tak le aayega…


Sari planning lagbhag tay ho chuki thi. Sab log apni puri taiyari kar chuke the.. Josefer bhi taiyar hokra wahan pahunch chuka tha…


"Rijo, Apini mujhe aap se kuch baat karni hai… tukdiyon ko kuch samay vishram ka aadesh de"… Josefer ghutne par baith'te huye sar jhuka kar apni baat kahi...


Rijo, Josefer ko utha'kar puchne lage… "kya ye baat itni jaroori hai"..


Josefer:- Yah main tay to nahi kar sakta ki baat kitni jaroori hai? Lekin mujhe itna jaroori to lag hi raha hai ki 2 minute ka vishram lekar aap meri baat suno..


Rijo ne sabko vishram ka ishara diya aur Josefer ko baithne ka ishara karte huye..… "Haan Josefer, kaho apni baat"..


Josefer:- Nischal Viggo Sigma hai. Wo bhi Alpha, unidentified first class…


Josefer ki baat sunkar sab log hasne lage…. "Viggo itihas me kewal 2 he Viggo Sigma huye.. aur tum kah rahe ho ki wo upar se Alpha unidentified first class bhi hai.. mujhe lagta hai uska khauff tumhare dil me baith gaya hai Josefer. Jinke itihas me aaj tak ek bhi Alpha ne nahi janm liya, usme tum Alpha, wo bhi unidentified first class bata rahe ho.. Ye zene kya aasman se tapak padi. Faltu ka hunra samay nasht kiya tumne"..


Apini:- Rijo, Josefer ki baat jhut bhi to nahi kah sakte.. Jis tarah usne hume pareshan kiya hai, uske Viggo hone se to main bhi inkar nahi kar sakta…


Rijo:- To kya humari itni badi sainya tukdi se wo akela bidh jayega…


Josefer:- Rijo usne ek device banaya hai, jo humare body micro praticle ko orignal shape me dikha sakta hai.. wo ye brihat paimane par bana chuka hai.. sath me ek khatre ke alert alarm system bhi Malkia aur apne doston ke ghar me laga chuka hai… Yadi usse lagega ki wo safal nahi ho pa raha hai, tab aisi soorat me wo humare yahan hone ke saboot prithwi ke rakhwalon ko de dega..


Rijo thoda chinta jahir karte… "Annhhhh ! Iss Viggo ko bhi iss aakhri kaam ke bich me hi aana tha… Aur koi jankari Josefer"


Josefer:- Haan ! Usse pata hai ki hum sab kahan hai.. kal raat wo yahan baith'kar baat karne aa raha hai..


Rijo:- Usse jankari hai ki hum yahan hain.. fir to wo sainya tukdi ke sath aayega… Jab yahan ke sainya tukdi se ladna hi hai, to aaj raat hi ye risk kyon na liya jaye…


Josefer:- Rijo usne sahmati dee hai ki wo akele hi baat karne aayega aur baat karke masle ka hal nikalega…


Rijo:- Uss Viggo Nischal ne sach me apni sahmati diya hai ki wo akela aayega…


Josefer:- Haan Rijo…


Rijo:- Josefer, tumhari suchna kamal ki hai… Thik hai tum uss Viggo par najar diye raho… Sabhi tukdi kal raat tak vishram karegi… Kal ke baat-chit ke baad, dobara se ranniti tay hogi…


Rijo ke aadesh par Josefer, Nischal par najar rakhne chal diya. Idhar Josefer ke jate hi Rijo aur Apni ki ek behad aham baithak hui jisme yah tay kiya gaya ki kal baat-chit ke dauran Nischal ki chhal se bali leni hai…


Idhar Josefer, Nischal par najar kya rakhne jayega, aisa lag raha tha jaise bhagwan se milne bhakt ja raha ho… Josefer sidha flat ka bell bajaya… Nandni darwaja kholi, fir jhat se darwaja band ki aur fir wapas se darwaja kholi… "Ji kahiye"..


Josefer:- Nischal se milna hai mujhe..


Nandni:- Aaeye ander aaeye… Akele hain ya aur bhi koi aaye hain...


Josefer:- Main samjha nahi…


Nandni:- Aap aaram se baith jaeye bhaiya.. pani piyenge…


Josefer nahi kahta rah gaya lekin Nandni steel ke glass me pani le aayi… Josefer, Nandni ke vyawhar se hairani me tha. Fir bhi ab wo samne glass hath me pakdi thi, to majboori me usse hath badhana hi para..


Jaise hi Nischal ne wo glass pakda, achha tej jhatka khaya aur wo bijli ke jhatke se piche feka gaya. Pahle jakar deewar se takraya fir 1-2 flower pot toote, aur finally wo lakdi ke table se takrane ke baad, dhamn se niche jamin par land hua…


Ab itni tej awaz ho aur Nischal ko sunai na de…. "Kya patak rahi hai Nandu"… kamre ke ander se hi awaz lagate Nischal bahar aaya… aur floor par Josefer ko dekh'kar, Nischal apne muh par hath rakhkar usse hi dekhne laga…


Nandni, Nischal ke kandhe par apne hath tikati… "Dekha kaise iss janwar ko sidha maut ka jhatka de di"


Nischal dhire se apna gardan ghuma kar dekhte huye… "Meri maa maut ka jhatka kyon de di.. aur itna bada jhatka dene ke liye kya khyal layi thi"…


Nandni:- Mujhe laga ye sala mere ander ka body organ chaba-chaba kar kha raha hai… aur wo bhi mere sath wo sab karte.. chi chi chi... Bus fir dil me josh aur hathon me shakti.... Aur natija dekh le, mitti me mil gayi iski hasti."


Nischal hawa ki furti me gayab hua aur 2 minute baad bahut sare saman ke sath wapas aaya… jaldi se Josefer ke sine me ek chhota sa surakh banaya aur apne hont se uske muh me hawa dene laga... Sath me uske sine ko bhi pump karne laga..


Takriban 10 minute ke upchar ke baad Josefer bahut hi jar-jar ki stithi me jaga.. Nischal medicine ke kuch ghol taiyar karke, ek glass me rakha aur usme apne sath laye ek chhote se patthar ko uske ander dal kar 2 minute tak chhod diya..


Kuch der tak patthar ko ander dubaye rakhne ke baad Nischal ne wo ghol chhan kar pani Josefer ko diya aur patthar apne bag me rakh aaya… Wo pani pine ke baad Josefer apne sharir me kuch takat mehsus karte, farsh se utha aur sofe par baith gaya…


Nandni to bus tukur-tukur Nischal ko hi dekh rahi thi… "Kamine tu apne grah ka doctor hai kya?"..


Nischal:- Sab samjha dunga kaun sa main bhaga ja raha hun…


Nandni:- Kutte ki dum, aaj tak to bataya nahi ki aisa kya hua tha jo tu yahan pahuncha. Upar se aur ek sawal dimag me store karne bol raha hai…


Nischal:- Koi ghar me aaya hai.. tu sabke samne aise bol rahi..


Nandni:- Kaun ye… ye wahi Jafar hai na jo ladkiyon ke sath kukarm karke uske maans ko kha jata hai.. iss sale ko tune bachaya kyon..


Josefer…. 1.2 decimal, bole to 12000 volt ka jhatka wo bhi still ke ek glass se current pass karwa diya… Viggo ye aap ki he tecnology ho sakti ha,i aur usse istamal karne wali bhi kamal ki hai.. Kya santulan hai uske pass.. kya timing hai.. aur kya knowledge hai ki marna kitne power me hain..


Nandni:- Tarif ka shukriya lekin iss pagal ne tumhe bacha liya... Ab raaj se koi parda hatayega ki tum dono ek sath kaise ho?


Nischal, idhar udhar dekhte… "doctor kahan hai Nandu"


Nandni:- Shayad hospital hai.. uss se naraj hun na, isliye 2-4 din ghar par kam hi rahega. Kafi intelligent hai mera doctor, usse pata hai ki gusse ke waqt main kuch nahi sunti, isliye 2-4 din gusse ke thande hone ka intzar karta hai.


Josefer:- Ye teeno film ki deewani ladkiyan… baat kuch bhi shuru ho.. khinch kar bakwas par hi le jayegi..


Khinch kar ek uddta hua chappal Josefer ke muh par para aur Nandni pil gayi, pass pari jhadu le kar… Nischal usse pakadte huye…. "Chhod de usse, bacha hai wo, usse pata nahi kahan kaun sa communication karna hai. Basically pahli baar mazak try kar raha hai"..

Boht hi khoobsurat andaz se update likha h bahi

 

[Asif khan]

Update:-59​

"What.. ye kale kapdon me Ninja bankar aaya hai".. Jivisha fatak se apna sar upar karke uske chehre ko dekhi aur uska hath pakad kar bahar khinch kar le aayi… "Ye sab kya hai Nischal"..


Nischal:- Tumse wada jo kiya tha apna chehra nahi dikhaunga.. so ye Ninja look… aaj ek mauka aur milega kya..


Jivisha:- Aur aaj bhi fail ho gaye to…


Nischal:- Wade me tod nikal'kar, kal fir samne aa jaunga..


Jivisha, ander se khush hoti hui… "Aur kahin gayab hone ke liye kah di to"..


Nischal:- Fir Mike par jor jor se chillaunga… main Laila laila chillaunga kurta far ke…


Jivisha:- Pagal kahin ke.. upar ka mask hatao..


Nischal:- Dekho wade ke mutabik main tumhe apna chehra nahi dikhaunga, lekin yadi tum khud mask utarogi to iska matlab hoga ki main apne kaam se kahin bhi ghum sakta hun bina mask lagaye. Fir chahe tum hi kyon na ho wahan aas-pass.


Jivisha uska mask utar'ti hui… "Nautanki karna mera department hai, tumhara nahi.. ab ye batao ki ander kya pahne ho..


Nischal:- Itne tight kapde ke niche bhi koi kuch pahan sakta hai kya… only three kapde the sharir par... Ek utar diya tumne. Do tumhe dikh rahe honge..


Jivisha:- Pagal, fir main aise kapdon me tumhare sath nahi ghumne wali..


Nischal:- Thik hai fir kal ka program rakhte hain .. chalo class me..


Jivisha:- Oye ruko… Kal kyon .. kal meri engagement hai.. aaj ka hi mauka hai tumhare pass…


Nischal:- Fir tum hi kuch solution batao…


Jivisha:- Ammm ! Ek kaam karte hai, yahan se shopping mall wahan se change aur fir wahan se tumhare adhure samay ko pura mauka dena…


Nischal:- Haan kal raat 10 baje ka bol'kar mujhe sham ke 4 baje tak hi samay mila tha… ye baat dimag me rahti to Ninja look nahi lena parta.. waise tumhe yaad tha fir kyon kahi ab muh mat dikhana…


Jivisha:- Off O ab chalo bhi pakao mat…


Dono shopping mall pahunche, wahan Jivisha ne apne pasand ke kapde kharidi aur Nischal ko trial room bhej'kar change karke aane ke liye boli.. jab wo change kar'ke bahar aaya.. Jivisha usse dekhti rahi gayi… Dil kiya fatak se gale lag kar jhatak se apne arman kah de. Fir muskurati wo apne hi sar par hath marti khud se kahne lagi… "thoda usse hi mauka deti hun"


Jivisha bill counter par aage badh kar bill dene lagi aur piche se Jivisha ka pura khandan pahunch gaya… "Baap yahan hone wale dulhe ke liye shopping karne aaya hai.. aur beti ek nakara ke liye shopping kar rahi hai"..


Bill counter par kuch jyada hi bhid hoti hai.. har koi iss family drame me intrest lene laga… Jivisha jab apne papa ki baat suni to wo sah nahi payi.. juban ladana nahi chahti thi aur Nischal ki bejjati sun'na usse gawara nahi. Ander se usse mehsus ho raha tha ki wo na jane kya kar de abhi, khud usse bhi pata nahi. Isliye wo bina kuch bole wahan se chali gayi.


Idhar Nischal ke liye yah apman jaise jamir par chhap gaya tha. Pahne huye kapdon par sawal uthana.. khud me apmanit mehsus karte Nischal apna gussa pikar rah gaya. Un logon ke tane kewal aur kewal aisa lag raha tha jaise uske nakarepan ki kahani bayan kar rahi ho…


Kisi bhi chij ki hadd hoti hai, lekin kuch log bolne ke kram me har haden paar kar jaate hain. Ghar ke mahol ko pichhle kayi dino se Nandita bhi bhanp rahi thi... Wo bhi bahut kuch soch to rakhi thi, lekin majboori me kadam wahan par thehar jate jahan bus dimag me yahi chalta ki ab tak uski bachi ne kabhi apni khwaish nahi jatayi, ki usse Nischal ye pyar hai ya Nischal se vivaah hi karna hai...


Lekin abhi ka uske saas-sasur aur pati ki harkaten kisi bajaru se kam nahi tha.. aur yahi ladka hai jo apni izzat utarte dekh'kar bhi samne wale ko kuch kah tak nahi raha tha... Apne pariwar ke logon ka vaywahar dekh'kar Nandita ka para apne charam par pahunch gaya….


"Aap jise nakara kah rahe hain, aaj se, infact abhi se wo mera bhai hai.. mere pita ke dusri santan. Jaise wo Shresh apne baap ke paise par ek bahut bada kaam kaji ladka ho gaya waise hi aaj se ye bhi hai. Aur agar ab kisi ne mere bhai ke liye kuch bhi bola to acha nahi hoga".


Nandita apne hath jodti sabse kahne lagi… "Ab chalo sab yahan se, sabne bahut drama kar liye. Wo to bus shopping kar rahi thi, lekin aap sabko jaan bujhkar drama karna tha. Bhid me bejjati kar rahe ho.. ab chaliye aap log yahan se warna beti ko to khote ja rahe hain, kahin aisa na ho ki main bhi chirag ko lekar nikal jaun aur dobara kabhi uss chaukhat par kadam na rakhun"…


Nandita ne jab apne tevar badle tab jakar kahin sabko hosh aaya. Pura pariwar wahan se laut gaya. Idhar Nichal bhi apne dhime kadmon se parking ke ore badhne laga. Usse khud me ander se acha nahi lag raha tha... Nischal khud ki haalat par khud hi hans raha tha… Aaj tak jisne ek ulte shabd nahi sune the, wo baar-baar bejjat huye ja raha tha…


Vida lene se pahle apne aakhri kuch shabd Jivisha se kahne the, isliye uske kadam Jivisha ke piche chal diye… Yun to chand duri ke faslon par Jivisha najar aa rahi thi, lekin ander ke fasle jo paida ho gaye the, uski duriyan ab tay kar pana mushkil tha...


Jivisha, ki najar jaise hi Nischal par gayi, wo bhag kar uske pass pahunchi aur bechaini se uske chehre ko tham kar…… "Mujhe maaf kar do, mujhe tumhe yahan lekar nahi aana chahiye tha… bahut kuch suna gaye na… main maafi mangti hun.. please Nischal, aise udas na ho"..


Nischal, Jivisha ke hath ko hatate huye, uske chehre ko dekhne laga… Jivisha ko dekh'kar Nischal muskuraya…

"Main ek bhatkaw tha aur tum thehraw. Kash tum mili na hoti to mere yahan hone ki wajah nahi hoti. Ye dil bechain hona, kisi se na mil pane ki tarap aur haan, kisi ke baton ki chubhan kya hota hai kabhi pata hi nahi chalta, yadi tum se na mila hota."

"Mere yahan hone ki wajah tum thi. Shyad itna hi tumhe dekhna aur mehsus karna, meri kismat me tha Jivisha. Main ek aise khwaish ke piche para raha, jiski khwahishon kabhi main tha hi nahi."

"Janti ho tumhare papa ne kuch kaha, wo baat utni nahi chubhi, jitna tumhara wahan se chup-chap chale aana chubha. Aur ye chubhan koi pahli baar maine mehsus nahi kar raha tha. Lekin baat fir wahi ho jati hai, ek tarfa chahaten aur ek tarfa pyar. Main nahi janta, kabhi chhoti si feeling bhi tumhare ander thi ya nahi, bus aisa laga jaise tumhe apne manoranjan ke liye ek khilona chahiye tha… jab ji me aaya thode se pyar se baat karne ke baad uske satha ho liye aur uski bewakoofi par bahut enjoy kiya, aur baad me fir dhutkar bhi diye"

"Khair … Maine tumhe chaha hai .. aur chahta rahunga.. ye Sathya hai… thik waise hi, jaise aaj raat ke baad fir yahan rukne ki koi wajah nahi hogi. Alvida"…


Nischal apni baat kah'kar mud chala. Sab kuch luta'kar khud me khoya sa wo chala. Aise chala jaise sab alvida kah chala ho.


Nischal apne khoye se aalam me bahar ke ore ja raha tha aur Jivisha bhagti hui usse na khone ki chahat me announcing room mein pahunch gayi… Shopping mall me lage har speaker se ab Jivisha ke arman nikal rahe the jise sab sun rahe the….


"Oye Jungli, apni chahat bata gaye.. jane se pahle meri chahat to sunte jao.…. Tum khade the kisi deewano ki tarah, charo ore aise dekh rahe the jaise ye jahan tumne pahli baar dekh rahe the… main train se bhag rahi thi anjano ki tarah.. aur meri kismat mujhse takra rahi thi"..

"Wo pahli najar ka hi pyar tha jab tum mujhse takraye the... Koi second thought nahi tha, isliye apne pyar ko main chum rahi thi… be-jhijhak aur be-hichak…"



"Haan galtiyan hui mujhse. Thodi duriyan thi lekin kuch meri majbooriyan thi. Tumse kitni chahte hain, ye dil me dabi thi, najron me chhipa tha. Lekin haal-e-dil kabhi izhar nahi kar payi aur najron se kabhi wo pyar jata nahi payi."

"Main nahi janti ki tum mujhe chhod'kar kahan jaoge, lekin yadi tum dur jaoge to wo tarap main jhel na paungi. Wada hai tumse kabhi tumhara dil na dikhaungi.. Jahan itni baar mujhe maaf kar chuke, kya ek baar aur maafi nahi milegi."

"Rok lo apne kadam, mud jao piche, aaj fir ek baar, jahan tarpe hain ek duje ke bina itne din, sath jine ka bhi maza lete hain. Bus ek tum mil gaye to samjhungi sara jahan mil gaya."

"Ab aa bhi jao Nischal, tumhare liye bahut royi hun, ab aur rone ki himmat nahi bachi hai. Ab aa bhi jao na.. please.. Ya fir wo chand shabd hi sunkar samjhoge jo log izhar me kahte hain"…


"Aur mukhiya ji ka kya, jo mujhe bhadi sabha me nakara kahte hain".. Nischal thik Jivisha ke samne, muskurate huye khada tha…


Wo najron ke samne jaise Jivisha ki puri khushiyan khadi thi… fir to khud ko rok pana bhi muskil ho raha tha… kadam daud chale khushiyon ke ore… yun lipti aaj dub kar Nischal me, ki uski ho kar rah jana hai… tej dhadkane Jivisha ki bechani bata rahi thi wahin paglon ki tarah uske chehre ko chumna uske vyakul mann ki shanti ko jata raha tha…


Fir se wahi sama tha, ek baar fir wahi najara tha.. Jivisha apni vyakulta shant karke, poori tarah toot chuki thi. Nischal apna ek hath uske kamer me dal'kar Jivisha ko thame khada tha aur dusre hath se chehre par aaye bikhre baal ko hata raha tha..


Aakhon ke samne wahi najara pahli mulakat ki thi bus fark itna tha ki aaj dono ek dusre ko dekh'kar itni pyari muskan de rahe the ki in muskano me dub'kar puri umr kati ja sakti thi..


Jivisha apni aeriyon ko unchi karti Nichal ke hothon tak apni honth lekar aayi aur apne hoton se Nischal ke hont ko sparsh karti, apne pyar ke sparsh ka wo pahla ehsas Nichal ko kara gayi.


Hont ko saparsh karke kuch inch dar fasle par dono ke honth alag the. Shwans ek dusre ke chahere se takra rahi thi aur aakhen aaj band hokar iss pyare se ehsaas me dub chuka tha…


Jivisha ke hothon ka pyara asprash ab bhi Nischal ke dil me utar raha tha. Chahten fir se deewani hokar hoton ke sparsh ko mehsus karne ke arman jaga gaye aur dono ke honth ke inch dar fasle khatm hokar, ek dusre ke hoton ko chumte chale gaye… shwans lambi aur gahri hoti rahi.. dhadkane bekabu hokar dhadkane lage aur dono ke pyar ko wahan maujood log mehasus karte taliyan banane lage..


Taliyon ke aawaj ne dono ke bojhil aakhon ko kholne par majboor kar diya.. Jivisha khadi bhid ko jab samne dekhi to sharmakar apne chehre ko Nischal ke sine me chhipa lee.. tabhi bhid ko side karte wahan police pahunch gayi…

Ufffff pehle emotional,phr ful to motion kia romance dikhaya h bahi umhaaaa

 

[Asif khan]

Update:-62​

Har sainik ki fusfusahat shuru ho gayi thi. Apini aur Rijo ashrya se ek dusre ka muh dekh rahe the. Aur thik Rijo ke piche se kadak dahar si awaz sunai di…. "Thode aaschrya thode dar me dikh rahe, dono. Baat kya hai"..


Nischal piche se Rijo ke kandhe par hath dete huye kaha, lekin Rijo jaise hi pichhe muda wo uske thik samne khada tha….. "Wahan pichhe kise dhundh raha hai be.. samne dekh"..


Samne ka najara dekh'kar to Rijo aur Apini ki dhakane aur bhi jor marne lagi. Bahrupiye Rijo ke pass baitha bahrupiye Apini ke sharir par dhire-dhire lambi si khanjar chal rahi thi aur Nischal uske badan ko bade maje se square shape me kat raha tha… Rijo apna thuk gatakte huye… "Ye aap kya kar rahe hai Viggo"..


Nischal apna kaam teji se pura kiya, khada hokar shaynn se thik uske samne khade hokar… "Apne bahrupiye ko tune kat'te huye nahi dekha na Rijo, isliye iss kide Apini ke bahrupiye ko slow motion me kat kar dikha raha tha. Waise ye square shape me mast dikh raha hai tera behrupiya.... Le apni bhukh mita le kha'kar.


Apini, apna sar jhukaye hath jode… "Viggo aap to baat karke samsya ka hal nikalne aaye the na"..


Nischal:- Haan yaar aaya to wahi sochkar tha lekin ye 2 ek jaise shakl ke kidon makodon ki prajati bahut confusion paida kar rahi thi. Baith jao tum dono, ab koi confusion nahi hai"…


Nischal ke apmanit shabd sabko chubhe to jaroor, khun bhi khaula kintu uska hona hi wahan par bhay tha aur har koi ussi bhay me daba sa ja raha tha. Rijo aur Apini apne mathe ka pasina pochh'kar baith gaye aur Rijo kahne laga…. "Viggo aap to yahan ke samaynusar 9 baje aane wale the na"..


Nischal:- Tune kisi ko mujh par najar rakhne nahi kaha tha kya? Matter tujhe pata to chal hi chuka hoga. Fir bhi yadi koi shanka hai to main usse dur kiye deta hun…

Nischal un dono ke charo ore chakkar lagana shuru kiya.. aur apni attahas bhadi awaz me bolna shuru kiya… "Mujhe, mera joda iss prithvi par mil gaya..… Naam Jivisha hai aur chunki aaj hi pyar ka izhar hua hai isliye maine socha 7 baje tak kaam khatm karke usse thoda samay dun… koi galat socha kya"..


Nischal un dono ke charo ore chakkar kat'te huye aise bhay paida kar raha tha ki wo agar piche se hath bhi unke kandhe par rakhta to shwans atak jati aur aisa lagta jaise ab gardan gaya uska. Nichal agar piche hota to dono ke gardan piche ghum jata aur jab bayen hota to gardan bayen hoti.


Wahin dur bhid ke bich me baithi Tanisha, pure gusse se chillati hui kahne lagi…

"Rakhail maa ke kokh se paida hua ek badjaat sahjada, jo apne grah ka bhagoda hai, wo Viggo kya nikal gaya tum sab to dar ke mare jamin me gade ja rahe. Prithvi ke kamjor se begairat prajati, jiske maans hum jab chahe noch-noch kar khate hain, un badjaat insano ke liye, ye Nischal, apne pita ka ye najayaj santan tum sab ko jalil kar raha hai aur tum sab sun rahe… 2 tukdi ek sath humla karo aur iska sar kaat kar mere kadmon me lakar do.


Nischal, Rijo aur Apini ko dekhte huye… "Kya yaar main to yahan pyar se mamla suljhane aaya tha… Khair, let the show begin"…


Tanisha ne yuddh bigul funk dee. 2 nahi balki apman jhel rahe sabhi sainik ek sath khade ho gaye. Har do sanik ke pass ek adrishi janwar aur 2 sainik tukdi, mauth ka ghere me fasa kar Nischal ko marne ke irade se teji se aage badh gayi. Nischal bhi unki ore daud laga diya… Itni tej wo dauda ki Rijo aur Apini ko aisa laga jaise Nischal yahan se gayab hokar wahan pahuch gaya aur wahan se gayab ho kar,l daur rahe sainikon ke najdik…


Nischal ko marne ke liye jabtak hath upar uth'ta, lagbhag na dekh wali speed se chalta khanjar apna faisla karte aage badh chuki hoti. Gala fade dard bhari chinkh bahar hoti… sharir se kata hua hissa hawa me upar hota aur bacha hua dhar niche jamin par. Aisa lag raha tha halal hone ke baad bakda jamin par gida hai aur farfrate badan se nikalte pran ke sath khun bhi nikal raha ho.


Sainikon ke jhund ke bich Nischal aisa ghira ki usse ab Rijo aur Apini to nahi dekh pa raha tha, lekin kata, fata hath, kamar se upar ka sarir aur chinkhte huye kata sar jamin par gir rahe the aur lashon ke dher wahan banta ja raha tha.. Koi beraham katil unke bich me ghusa, iss kadar kahar barsa raha tha ki wahan se sabhi sainik apne-apne adrishi janwar ke sath, apni jaan bachakar bhagna shuru kar chuke the…


60 sainik aur 30 adrishi janwar ke jatthe ko katne ke baad, khun me nahaya hua Nischal, lashon ke dher ke upar khada tha. Apne ek hath me bada sa khanjar aur dusre hath ki mutthi me Tanisha ke baal ko daboch kar, uska kata hua sar upar uthaye huye tha… taja khun ab bhi Tanisha ke gardan se tap-tap kar chu raha tha…


Nischal lashon ke dher ke upar khade hokar Tanisha ke chehre ko apne chehre ke karib laya aur khun se sane apne honth se uske honth chumte puchne laga….

"Janeman aise naraj hokar chup kyon hai… kya bol rahi thi jara fir se bol."…. Tanisha ke ore se koi jawab na aane par Nischal jor se daharte huye puchne laga…. "Bol na nich prajati, mai uss waqt sun nahi paya tha"..… Dobara puchne par bhi koi jawab na milne par, kata sar Rijo aur Apni ke kadmo me fekte huye… "Oye Apini, ye teri maasooqa kya kah rahi thi yaar, puchh kar bata jara. Lagta hai mere se naraj ho gayi hai. Je mayla Rijo, ye tere log aur wo kamjor se janwar kahan bhag gaye re"


Nischal ke aatank ke bhay se Rijo aur Apini kanp rahe the… jaise hi Tanisha ka kata sar Apini ke kadmon me gira, wo sar ko pakad kar rone laga… Idhar Nischal ke sawal ka jawab nahi mila tha isliye wo shaynnn se hawa bankar thik Rijo aur Apini ke samne tha… "Oye Apini tu romance baad me kar lena, pahle uss se puch ki wo kah kya rahi thi.. Aur sannata tu.. abe idhar udhar kya dekh raha hai, tujh se hi kah raha hun chutiye Rijo"..


Rijo:- Jaaa .. jaaaaa … ji Viggo..


Nischal:- sala tu to yahan shahrukh khan ko fail kar de… kaaa.. kaaaa… Kiran… Abe wo tere Zoren ke khatarnak tukdi kidhar gayi be..


Rijo:- Viggo . Wooo .. Woooooo..


Nischal usse ek thappad khich kar marte…. "Sale saste mimikary artist, ek hi baar haklana achha hai... Baar-baar bore karta hai... Fir mujhe gussa aa jayega… tere wo khatrnak tukdi aur kide jaisa wo tera janawar ki fauj kahan gayab hai..


Rijo:- wo bhag gaye ..


Nischal fir se usse ek thappad marte … "Abe kahne ko to tum sab sale apni badai me kahte ho .. hum toofan hain... nakara se grah Zoren ki shan hai.. kiske pichwade me ghused aaya aan, ban shan… Sale tujh se acha to mera sasur hai... Koi sainya prasikshan nahi liya usne, lekin fir bhi baat-baat me mera collor pakad leta hai aur ek ye tere trained log the.. dar ke bhag gaye... Thuuuuu…

"Ye to cheating hai yaar, main yahan baat karke masla suljhane aaya, to pahle ye Tanisha bhadak gayi aur uske sath sena ki ek tukdi bhadki. Unko samjane gaya to tumhare sena ke bache log yahan se bhag gaye. Sala ye chal kya raha hai. Tu bus apne Mahamahim ke hilane ke liye uska khas bana kya chutiye, koi control hi nahi tera to tere sena par.. ruk teri izzat bacha deta hun aur jara unko saja dekar aata hun, fir aaram se baat karenge…


Nischal apni baat kahkar lagbhag gayab sa ho gaya wahan se aur jo un fizaon me sunai de rahi thi, wo tha kahar. Rijo ke sath aaye adrishi janwaron ke maut ki changhar aur unke sainikon ki chinkh aur pukar dil dahlane wala tha.


Mar kahin bhi rahe the, lekin kate-fate sharir ek jagah hi lakar jama kiya ja raha tha… Rijo Apini ke hath se Tanisha ka kata sar lekar unhi lash ke dher me fekte huye… "Apini wo Sigma Viggo humare logon ko marne me laga hai.. Apini .. hosh me aao . Jab tak wo vyast hai hum bhag lete hain … chalo yahan se."


Apini kuch hosh me aaya aur Rijo ke sath wo bhi bhagne laga.. takriban 300 meter ki duri par jab dono pahunche to aage badh hi nahi pa rahe the.. aisa lag raha tha wahan kisi ne pardarshi dewar khadi kar di ho…


Jab najar ghuma kar Rijo aur Apini ne dekha, to kinare se uske kayi sainik aur adrishi janwar pura jor laga'kar bahar bhagne ki kosis kar rahe the.. Thabhi aisa laga jaise koi majboot pahad uske janwar ke upar giri ho aur fachak se uska sarir kisi machhar ki tarah masal kar ussi pardarshi deewar se chipka di gayi ho. Dekhte hi dekhte kuchli hui lash kisi painting ki bhanti chipak rahi thi, jiska rang diwaron se niche chu raha tha... Aatank ka aisa khufnak najara dekh kar dono ki ultiyan nikal aayi aur dono uss pardarshi deewar ke pass se hat kar apni jagah par wapas aa gaye.


Bus kuch der aur lage, sabhi sainik aur adrishi janwar ki lashon ka dher bilkul wahin ussi aag ke pass laga hua tha… Nischal aaram ki ek angdai lete un dono ke pass pahuncha… "Abe jab main apne dayre se baha bhagne walon ko masal'kar chipka raha tha, fir tum dono ko kisne kaha tha ki wahan deewar par apne sar pito. Acha hua main mud gaya wahan se, warna tum dono bhi dher me pare hote. Fir main baat karke mamla kis se suljhata…"


Apni ek pura bhada hua handi Nischal ke ore badhate… "Viggo aap sabko saza dekar kuch thaka sa mehsus kar rahe honge, isse pikar apne ander sfurti le aaeye"..


Nischal us handi ko lekar un lashon ke upar fekte huye kahne laga…. "Sale Zoren grah ke Jalil log, lana hi tha to prithvi ki ye anuthi aur sabse nayab pine ki chij le aate, jise shrab kahte hain. Ye kya utha'kar laga tha jo pesab se bhi ganda bash mar raha tha. Khair samay kya hua hai wo bata"..


Apini:- 7 baj kar 10 minute ho rahe hai..


Nischal:- Kamal hai sala Aizem grah ke sab se kamjor seema ki sabse kamjor 100 logon ki tukdi bhi mujh se ladti to kam se kam 2 ghante to tik hi jati aur saath me mujhe jaal mahal ilaz ke liye to bhej hi deti. Ye kaisa shaktishali tukdi tha be.. mahaj aadhe ghante me bhagte huye dher ho gaye. Iss se acha to lad hi lete…


Rijo:- wahan kewal ek hi ladta hai aur jab wo ladta hai tab uske samne khade hone ki himmat kisi me nahi hoti. Matr 1000 ki tukdi thi ye.. humare pass 5000 carore sainik 2000 carore adrishi janwar ki fauj hai Viggo. Aap ki hatt prithvi par ek anchana yudh ke sanket lekar aayegi. Aur jab wo khud aayega fir waqt kitna beraham ho sakta hai, ye aap bhi nahi soch sakte… beshak hum aur humare log nahi tike aapke samne lekin aapke jaise 100, Mahamahim ke samne nahi tikenge…


Nischal:- "Yaar thoda kamjor ho gaya hun yahan aakar, isliye dhang se nahi lad paya, iska ye matlab nahi ki tu bejjati karne lag jaye. Khair mudda ye hai ki maine to apni zindgi ki jivan sangni to chun liya. Aur mujhe umr bhar akele jine ki koi ikchha nahi hai. Isliye apne taam-jham samet aur tum dono niklo yahan se."

"Dono ko sirf isliye jinda chhod raha hun, kyonki jakar apne uss Mahamahim se batao ki yahan ek Viggo ko uski Malkia pasand aa gayi hai. Yahi nahi Malkia ke sath sath uss Viggo ko apna ye sasural prithvi bhi pasand aa gaya hai."

"Fir chahe tera 1 Mahamahim yahan aane ki ikchha rakhe ya 100 Mahamahim. Tere pass 5000 carore ka Sanya bal ho ya 500000 carore ka sainya bal ho… main sirf akela .. sirf akela… unhe iss grah ke orbit ke bahar khatam kar dunga.. Tumhare ek viman iss prithvi par laut kar yadi utar aaye, to main apna gala kat kar tere Mahamahim ko bhent kar dunga…"

"Jakar usko bol main akela khada hun yahan aur yadi usme dum hai to yahan ki sima me ghus kar dikhaye… Ab ja iske pahle ki mujhe uss bechari ladki Sapna ka khyal dil me aa jaye aur main shayad tumhe bhi un lash ke dher me pahuncha dun.."

"Oye aur sun, jane se pahle in sab lashon ko wo narbhakshi wala roop dete jana, jiske ajib se nakhun aur dant nikle hote hain… bade bhaiyya ko commissioner to bana hi dun yahan ka… aur laut'kar dobara mat aana yahan…"

Mast action se bhrpoor Maza a gia
Lakin thora to jawabi hamla kerte rijo or apini

 

[Asif khan]

Update:-63​

Nischal ek kahar sa barsha aur Nischal nam ka toofan jab thama tab Zoren se aaye sabhi mehman bhi shant ho chuke the. Jama lash ko narbhakshi banane ke aadesh dekar Nischal jaise hi jane laga… apne kadam rok'kar wo wapas aaya… "Apini, yaar tere se ek kaam to rah hi gaya"..


Apini:- Kaun sa kaam Viggo..


Nischal:- Tu aaj raat 9 baje pahunch jana mere sasural, aur jakar unko kah dena ki Jivisha ke liye Nischal se behtar ladka koi nahi. Aur jara tarifon ke bhi pul bandh dena.


Apini:- Kar deta shayad, lekin Tanisha ke sath aapne acha nahi kiya…


Tabhi Rijo, Apini ko apne piche lete…. "Wo abhi dard me hai Viggo usse maanf kar do. Aapka kaam ho jayega.


Nischal:- Yahan tera kaam hua ki nahi pahle wo bata..


"Khud hi dekh lo"… aur samne lash ke dher par Rijo ne ishara kiya..…


Nischal, un lashon ko dekhte…. "Sach me kide-makode jaise ho yaar, jao yahan se aaj raat ka waqt hai tumhare pass, apna taam- jham samet lo aur mera kaam karte huye niklo yahan se. Aur haan jo bhi bhagwan hai tumhara uss se dua karna ki kisi mod par fir hamari mulakat na ho."..


Nischal apni baat kah'kar wahan se pardarshi diwar ko hata diya. Turant hi usne Nandni ko call laga diya aur usse bhi wahan ki deewar hata kar bata diya ki aage kya karna hai, taki jitne bhi log behosh pare huye hain, wo jald hi hosh me aa jaye.


Idhar Nischal ne jab dekha ki Rijo aur Apini wahan se chala ja chuka hai, tab wo Sawalker ko call lagaya. Sawalker puri force ke sath wahan pahuncha. Nischal tabtak kuch special effect me sath, gande se dikh rahe janwaron aur narbhakshi ka kalpnik tasveer wahan chala diya.


Jaise hi Sawalker aur police ki puri team wahan pahunchi, vishalkay janwar aur ajib se insan ko dekhkar sab sadme me pahunch gaye. Unhe kuch samjh me nahi aaya. Tabhi un sab ko Nischal dikha jo Sawalker ke piche aakar kahne laga… "bade bhaiya ye to wahi janwar aur mutant hai jo kisi scientist ka experiment hai".


Ek kalpnik jaal Nischal ne bun diya tha aur usi jaal ke ander ghus kar Sawalker aur uski team shikar kar rahe the. Kamal ka set up kiya tha Nischal ne.. Sawalker aur uski team lagatar 2 ghate tak unko marne mein juti rahi. Kaam khatam hone ke baad media coverage aur sab kuch hua.. sabhi lash ko janch ke liye bhej diya gaya aur aaj ka hero to Sawalker hi bana… .


Nischal Sawalker ko dekh'kar hasne laga aur wahan se wapas chala aaya… Wapas aakar sabse pahle flat pahuncha, wahan Nandni se milkar sab kuch btaya, sath me yah bhi ki ab ghabrane jaisi koi baat nahi hai..


Nandni:- hmmmm ! Chalo bala tali… lekin Nischal..


Nischal:- kya ?


Nandni:- Rahne de fir kabhi baat kar lenge.. abhi to tu mara ja raha hoga Jivisha se milne ke liye..


Nischal, Nandni ke gaal khinchte…. "You are so sweet. Subah milta hun main tumse"..


Nandni se baat karke Nischal Jivisha ke ghar chala gaya. Pipe ke sahare wo ek bar sur khidki par khada tha. Jivisha aur Kasak samne film dekh rahi thi, aur sath hi sath Jivisha piche khidki par bhi dekh rahi thi…


Nischal khidki par khada hokar ander dekhna shuru hi kiya tha ki Jivisha ne Nischal ko dekh liya... Wo dhire-dhire piche khiskti hui khidki par gayi aur bilkul dhime awaz me apne honth hilati hui puchne lagi… "Abhi yahan kyon aaye ho. Subah to mil hi rahe the na"..


Nischal:- Chalo mere sath…

Jivisha:- Kahan le ja raho ho…

Nischal:- Bus chalo to sahi…


Jivisha:- lekin is waqt bahar kaise aaungi, sab lock hoga.. mujhe pakad lenge…

Nischal:- yakin hai mujh par…


Jivisha, Nischal ke chehre par pyar se hath ferti, haan me sir hilane lagi. Nischal ne ishare se khidki ke bahar aane ke liye bola… Jivisha khidki se lagi ussi patli railing par paun rakhi aur khidki ke bahar aa gayi..


Nischal, Jivisha ko apne kandhe par utha kar pipe ke sahare niche laya.. baat jab boundry kudne ki aayi tab Jivisha ko kuch kahna hi nahi para, wo pass ke ek ped ke sahare boundry par chadh gayi aur boundry ke pass ek thela lagi hui hoti hai, uske sahare uss par….


Nischal, Jivisha ko ghurte huye…. "Ye batao mujhe, tum pahle bhi khidki se niche aa chuki ho na"..


Jivisha, Nischal ko dekhkar hansti hui haan me sar hilati hui kahne lagi….. "Kisi ke sath ghar se kahin bhagna para to uske liye pahle se bahut practice kar rakhi thi"..


Nischal:- Kamal hai, aur kya taiyari hai… main to impress ho gaya..


Jivisha:- Acha ji.. chalo ye batao itni raat ko kya sochkar mujhe bahar lekar aaye ho…


Nischal:- Tumhe miss kar raha tha isliye tumhe le aaya..


Jivisha:- Acha ek baat batao tum mujhe padesan kyon karte the, aur kaise karte the…


Nischal:- Matlab main samjha nahi...


Jivisha:- Tum log mujhe pagal samjhte ho na, jise kuch bhi akal nahi…


Nischal, Jivisha ke thik samne khade hote huye kahne laga… "mujhe pata hai ki tumhe har baat ka aabhash hai jo kabhi tum bhrm manti ho, to kabhi satya. Jaise tum mujh me apne kayi sare sawalon ke jawab dhundh rahi ho is waqt, meri haalat tum se bhi jyada puzzle bani hui hai.... Vishwas karo main bhi bich mazdhar me hun"..


Jivisha:- bus mujhe ye bata do ki parinam jo bhi ho, lekin tum mujhe chhod kar to kabhi nahi jaoge na..


Nichal:- Tumhe aisi feeling kyon aayi jara bataogi..


Jivisha:- meri harkaten.. mujhe kabhi-kabhi aisa lagta hai main sabko khote ja rahi hun.. mammi, papa, bhabhi, bhai, Nandni .. sab mujhse kuch dino me dur ho jayenge… ..


Nischal:- Kisi ko andaja nahi tumhari haalat ka aur ab unhe pata bhi nahi chalega.. tum chulbuli aur natak karte hi achhi lagti ho… aise serious look me bilkul bakwas lagti ho..


Jivisha hanste huye Nischal ke gale lag gayi. Kuch der tak gale lagne ke baad wo kahne lagi…. "Aaj sham main fir tunhe dhakka de deti, ye jo tum mere balon me hath dene ke bahane jo mujhe behosh kar gaye the... Mar dala Sapna ke katilon ko, ya koi jinda bhi bacha hai".. ..


Nischal:- Ye tum kya kah rahi ho?


Jivisha:- wahi jo tum sun rahe ho. Mujhe ache se pata hai ki tum yahan is prithwi ke nahi ho.. aur na hi wo Shresh tha . Bus fark itna hai ki tum mere wahi sapno ke rajkumar ho, jo kahin dur se aaya hai aur wo koi jalil kism ke prani the. Jaise yahan prithvi par insano me bhi tarah-tarah ke insan hote hain…


Nischal:- hahaha… matlab tumhe apne bhrm par yakin hone laga hai haan… Jivisha mujhe sari baat janni hai.. shuru se.. kab tumhe kya laga tha…


Jivisha:- nah aise nahi.. mujhe pahle gode me uthao.. aur gode me utha'kar mujhe wahan le chalo jahan hum pahli baar mile the .. fir main bataungi…


Nischal:- sach me tum abhi pune se kalyan jana chahti ho.


Jivisha pyara sa chehra banati haan me apna sir hila di. Nischal bhi Jivisha ko dekh'kar muskuraya aur usse gode me utha'kar daud laga diya… Uski daud me itni raftar thi ki jagta aadmi uss gati ko na to dekh pata aur na hi sah pata.. aankh to uski band hi hoti lekin Jivisha, Nischal ki aakhon me dekh'kar muskura rahi thi.


Kuch hi der me Nischal apne thikane par tha aur wahan se viman lekar dono kalyan. Aur kuch hi der me dono kalyan junction par the… Jivisha apni ikchha anusar Nischal ko fir se wahin khadi hone kahi, jahan wo pahli baar khada tha..


Nischal Jivisha ki ikchha par kya kahe.. bus uske bachpana me wo bhi thoda bacha banta ja raha tha… fir se wahi sab dohraya ja raha tha… Nischal se Jivisha takrayi, chehre ke baal ko Nischal ne hataya aur Nischal ko dekh'kar punah wahi bhawana jaag gayi jo pahli mulakat me jagi thi.


Na to bhid dikha aur na hi Kalyan junction ki wo chahal pahal. Jivisha ke liye khamosh sama tha aur najron ke samne fir se wahi manmohak drishy tha jise dekh'kar Jivisha khud ko rok nahi payi thi...


Honth se honth lagati Jivisha ek bar fir Nischal ko chum rahi thi, fark sirf itna tha ki aaj bus ek chhote se sprash matr se wah anubhaw ho gaya jo us din adhura sa rah gaya tha... Nischal ka sath aur uske hone ka ehsas…


Jivisha Nischal ke kano me kahne lagi... "Kahin khamosh jagah mujhe le chalo.. jahan kewal hum tum ho"…


Nischal usse aise hi jagah par le aaya.. dono chandni raat me ek jhil kinare baithe the... Kuch khamoshi aur dher sara pyar dono ke aakhon me dikh raha tha… Jivisha nischint hokar Nischal ke sine se apne sar ko tikaye thi…


Nischal:- Tumhe ascharya nahi hua ki main ek alian hun..


Jivisha:- tunhare grah par main bhi ek alian hi rahungi… don't worry..


Nischal:- Hammm ! Ab mujhe shuru se batao… kya hua tha..


Jivisha:- Bahut pahle ki baat hai ye.. main bachpan se jawani ki dahlij par kadam rakh rahi thi… sarir me kuch badlaw ke bare me maa batayi thi, lekin usi dauran mere ander ajib si chijen hone lagi... Aisa lag raha tha mere ander koi soyi hui hai aur jagne ki kosis to kar rahi hai, lekin thik se jaag nahi pa rahj.. ..


Tumhe sunne me ajib lag raha hoga kyonki ye baat maine tab sabko batayi thi aur kisi ne meri baat par dhyan tak nahi diya, lekin wo baat sach hai. Uske baad sab dhundhla sa ho gaya. Jindgi maze me hanste-khelte kat rahi thi. Lekin achanak hi meri jindgi ne karwat li. Papa meri shadi ki baat kar rahe the. Mujhe kuch samajh me nahi aa raha tha aur mere sabhi ghar wale ek sur me the. Yahan tak ki Nandita bhabhi bhi.


Mujhe shak hua aur maine Kasak se baat ki.. jab usse phone ki tab mujhe ek bhawihshyawani ke bare me wo batayi, jisme kaha gaya tha ki yadi meri shadi sahi samay par nahi hui to is prithvi par anarth aayega… aur jis waqt mere papa paglon ki tarah meri shadi karwana chahte the tab sahar me ajib ghatna hona shuru ho chuka tha.. logon ki lash ajib tarike se mil rahi thi.


Ussi dauran Kasak bhi kahin gayab ho gayi. Sabko yahi dar tha ki ye ho na ho mere hi karan ho raha hai. Shadi to karni hi thi aur kewal ek shadi se sab kuch thik ho jata hai to shadi karne me harj hi kya hai.


Main raji ho gayi. Pata na mere gharwale kyon uss Shresh ki baton se khush ho jate, lekin pahli najar se hi wo mujhe ek behrupiya najar aata tha. Jaymala stage par jaise hi usne apna phone apne jeb se nikala tha.. mere dimag me ajib hi tasveer ban rahi thi.


Kahin dur jungle me ek ladki ko jinda chabaya ja raha tha. Aisi ladki jo apni khushi se apna sab kuch sunpkar ek Prem milan me thi. Us taveer me wo kuch ajib tarike ka wo narbhakshi tha, aur waisa hi taveer uss Shresh ki bhi mujhe dikhne lagi... Main bhag aayi wahan se.. dar ke sath iss baat ki bhi anubhuti ho rahi thi ki ye mere pure pariwar ko mar dalega…


Haan uss waqt ye sab mere liye kewal ek bhrm hi tha, jo itna majbut tha ki mujhe koi bhi step lene me majboor kar deta tha… aur ussi bhagne ke kram me kuch aisa hua jo maine pahle kabhi anubhaw nahi kiya tha…


Main Pune Mumbai train me thi.. Kalyan junction utarne ki koi wajah nahi thi, ulta main agar kalyan paar karke mumbai pahunch jati to koi dhundh bhi nahi pata... Lekin mere kadam khud-w-khud darwaje par chale gaye….. train dhimi hokar ruk rahi thi, aur mera man bechain hua ja raha tha..


Main darwaje par aakar idhar-udhar dekhne lagi.. pata nahi kya hua tha mujhe uss waqt, lekin jo bhi bhawna thi wo bahut hi strong thi, aur mere kadam khud-w-khud tunhare ore khinche ja rahe the… aisa lag raha tha, main chal nahi rahi hun, balki koi hanth pakad kar mujhe khinchte huye tunhare pass jabardasti le ja rahi hai… dimag sunya ho gaya tha .. main apni aakhen puri jor se mund chuki thi… mujhe bus itna yaad tha ki main train se utri.. aur jab aakhen khuli to main tumhare bahon me thi…

Jivu to sabki wo nikli Matlab sab pehle se PTA tha usy

 

[Asif khan]

Update:- 64​

Jivisha apni baat aage badhati….


"Bhrm aur sachai ka kissa bhi ajib hai. Ab tak jitni bhi baten hui wo mujhe bhrm hi lagti thi, lekin jis raat tum baar-baar aa-ja rahe the, main apna pura dhyan kitabon me lagayi hui thi, tabhi tum mujhe ehsas ho gaya tha ki tum khidki par ho.


"Baad me Kasak ki baton se main ek baar aur confuse ho gayi. Lekin uske baad to jaise mujhe apne bhrm par yakin hona shuru ho chuka ho. Pahle college me tumhe dhakka dena."


"Jab tum Nandni ke pass se daure, tabhi tum mujhe dikh gaye the. Aur jab maine dhyan lagakar tumhe dhakka diya, uss waqt mujhe aisa laga jaise tumhare ander ki 1-2 pasliyan chatak gayi hai. Iss baat ki pusti ke liye, uss din main college se sidha tumse milne gayi."


"Sach kahun to jalan kya hoti hai, wo uss din mujhe ehsas ho raha tha. Nandu tunhare itne karib thi jise dekh'kar main apna aapa kho hi deti. Kintu agale hi pal khyal aaya ki yah to meri Nandu hai, aur fir sab kuch samanya ho gaya. Jab maine tunhara badan dekha tha, uss pal hi mujhe aabhash ho chala tha ki jise main bhrm maan rahi thi, wah Sathya hai."


"Uske baad kayi aise mauke aaye jisme aisa laga jaise koi ander ka soya jagne wala hai, jaise Chirag ko lekar ek baar main aawesh me aayi aur fir wahan pura dar ka aisa sannata pasra, mano wahan main sabke liye khatra hun..."


"Ab aur kitna mai tumhe bataun Nischal… bus is bhrm aur staya ke bich mere sare arman bhent chadh gaye. Tum par pyar barsana tha aur ulta tumhe hi dhutkar di. Thik se Nandu ko bhi kabhi samay nahi de payi aur na hi kabhi gharwalon ki najar me ek achhi beti ban payi..."


Nischal khamoshi se Jivisha ko sunne ke baad kahne laga….. "Ab tum sari chinta ko chhod'kar muskurao aur itni dur jo lekar aaya hun, uske mehnat ka kuch fal to do…


"Hihihihihi… aisa lag raha hai jaise bhikh mang rahe ho Nischal, mujhe wo akdu hi pasand hai, jo hamesa tana hua sa khada rahta hai. Aur mujhe nahi lagta ki uss Nischal ko aise kahna parta. Suno mister tum jao aur mere akdu ko behj do"… pyari si muskan aur dher sari sharaten Jivisha ke aakhon me dikh rahi thi...


Nischal hanste huye Jivisha ke gale lag gaya. Wo waqt aur jagah ka dhyan dilate huye Jivisha ko lekar wapas Pune chala aaya. .. dono ek dusre ko chhod'kar raat bhar ke liye alag to ho rahe the, lekin Jivisha ki tanik bhi ikchha nahi thi ki Nischal ab uss se dur ho.


Kisi tarah raat katne ke baad Jivisha subah-subah college ke liye taiyar ho gayi.. idhar Nandni aur Nischal bhi college jane ke liye taiyar ho chuke the. Kamal ki baat ek aur thi ki doctor Ansh bhi aaj badi subah taiyar hokar hospital ke liye nikal rahe the…


"To kaisi rahi tum dono ki kal raat ki mulakat" khamosh dono chale ja rahe the, aur Nischal, Nandni ki khamoshi ko kal raat se hi bhanp raha tha…


Nischal:- Tu janti hai, mere bache bhi tere dost honge aur unke bache bhi. Isliye jyada dimag par jor mat dal.


Nandni:- Haaynnnnn !!! Maine kya pucha aur tu kya jawab de raha hai.


Nischal:- mai uss sawal ka jawab de raha hun, jo kal raat se tere dimag me ghum raha. Ye sochne ki jara bhi bhul na karna ki ab mera aur Jivisha ka ho gaya to tujhe chhod'kar kahin mai bhag jaunga…


Nandni:- koi bhi chij hamesa nahi hoti Nischal…


Nischal:- Hmmm ! Thik hai ye le car pakad aur mai jata hun.


Nandni usse rokti rah gayi lekin wo ruka nahi. Bich sadak par gadi khadi karke chala gaya. Nischal ka yun nakhre karke jana Nandni ko akhar gaya. Kafi tej uspar gussa hoti wo bhi college nikli.


Idhar Nandni ko chhod'kar, Nischal naraj ho kar to chala aaya lekin uske dimag me kewal yahi chal raha tha ki, shayad usse aisa nahi karna chahiye tha, Nandni pahle se udas thi to kahan se meri baat samjh pati...


Khair wo teji se bhagta hua college pahuncha, lekin ab tak koi bhi college nahi pahunchi thi, isliye Nischal college ghumne laga… tabhi college ke pahle din mili ladki Kiran usse mili gayi, jo hath hilati ussi ke ore aa rahi thi… Nischal usse dekh kar bhi andekha karke, idhar-udar najar dene laga…


"Hey handsome, kab se hath de rahi hun aur tum baar baar mujhe dekh'kar bhi andekha karne ka natak kyon kar rahe"… Kiran aati hi sawalon ke bauchhar karne lagi.


Nischal:- Sorry main commited hun.


Kiran apne sar khujati…. "Oye duffer, mai kya puchh rahi hun aur tum kya jawab de rahe ho"…


Nischal:- Nahi, baki sari baton ka jawab dene se pahle maine jaroori baat bata di hai, ki main commited hun, ab pucho jo puchna hai.


Kiran:- Pagal kahin ka… Pure mood ki aisi ki taisi kar di. Yaar main yahan madad magne aayi hun.


Nischal:- Kis tarah ki madad chahiye…


Kiran:- Yaar ek chipku mere piche hai, please uss se picha chhudwa do.


Nischal:- Na baba na… meri janeman puri filmy hai, upar se gusse wali bhi, kahin koi shak ho gaya to, mera to aaj ka din usse manane me hi chala jayega. Tum kisi aur ko dhundh lo.


"Jakar uske aanchal tale chhip ja…"… Gusse me apni baat kahti Kiran wahan se nikli, fir dobara laut kar aayi aur apni chudiyan uske hath me deti kahne lagi…. "Achal me chhipne se pahle, ye chudiyan bhi pahan lena fattu sale. Dekhna teri gf nahi aaj naraj ho gayi tujhse, fir kahna… mera shrap hai tujhe"..


Nischal:- Achha suno suno… aise baddua na do, batao paresani kya hai...


Kiran:- Chalo sath me padesani hi dikha deti hun…


Kiran aage-aage chal rahi thi aur Nischal se kah chuki thi ki bus dekhte jaye… jaise hi wo uss jagah se 10 kadam aage badhi hogi… ek ladki Kiran ka rasta roke khadi ho gayi aur kahne lagi…. "Kya hua baby kal tumne meri baat ka jawab nahi diya"..


Nischal:- Oye Kiran, tu iss se gappe kyon ladane lagi, chalkar problem dikha na…


Ladki:- Kaun tang kar raha hai tumhe Kiran, mujhe bhi uske bare me batao abhi…


Kiran, Nischal ke ore ungli dikhati…. "Jao usse pakad lo, wahi mujhe tang kar raha hai."..


Nischal:- Pagal ho gayi hai ye ladki, mujhe yahan problem ka naam bata kar layi aur ab mujhe hi fasane me tuli hai.


Nischal Kiran se apni baat kahta raha, lekin jaise hi uss ladki ne Kiran ka rasta chhod kar Nischal ke ore jane lagi, Kiran wahan se bhagi.. aur idhar tabtak wo ladki isharon me apne dosto ko to bula hi rahi thi, upar se gurti wo Nischal ke pass pahunchi aur puchne lagi…. "Kyon be sale, tu meri gf ko kyon chhed raha tha"…


"Haynnn !! Gf.. oh to Kiran jis problem ki baat kar rahi thi ye wahi hai. Hey bhagwan ye Kiran to apni problem mere gale bandh kar bhag gayi"..


Idhar Kiran bhagti hui Jivisha ko dhundhne lagi… thodi hi der me Jivisha, Kasak aur Nandni teeno sath hi mil gaye… Kiran teeno ka rasta rokti hui kahne lagi…. "Yaar ek gadbad ho gayi. Wo Andrea college me laut aayi thi aur maine pichha chhudane me chakkar me Nischal ko fasa aayi, please usse jakar bacha le"…


Andrea ka naam sunkar hi teeno hasne lagi…. Jivisha aage badhkar Kiran ko thanks kahti…. "Aaj usne Nandu ke sath jhagra kiya hai, isliye usse saja bhugatne do"…



_______________



Idhar Dr Ansh ghar se nikalte hi sidha reserch lab pahuncha. Doctors ki team bhi wahan maujood thi aur jo blood sample Ansh lekar aaya tha uski report bhi aa gayi thi….


Sabhi test result ko dekhte huye ek senior scientist kahne lage….. "Aisa blood sample na to kisi samanya insan ka hai aur na hi prithvi par paye jane wale kisi bhi janwar ka."..


Ansh:- doctor aap kahna kya chahte hai jara khulkar bataeyega…


Scientist:- Baat bahut simple hai Dr Ansh, aap jiska sample lekar aaye hain wo iss prithvi ka prani nahi hai, balki dusre kisi grah se aaya hai.


Ansh puri tarah se hairan hote huye scientist ka chehra dekhte huye…. "Doctor kahin koi confusion to nahi hai na.."


Scientist test result dikhate huye kahne lage…. "Doctor Ansh jaisa ki aap screen par dekh sakte hai… ye jis kisi ka bhi blood sample hai, uska DNA structure samnya insan ke mukable kitna alag hai… kamal ka DNA hai… Dr Ansh jitni kshmta ka aakaln main kar pa raha hun, uss se ek baat to saaf hai ki ye itna khatarnak ho sakta hai ki akele hi ye kai logon ko chir sakta hai."

"Haan ek baat aur Police forensic lab me kuch din pahle ek high secure kamre me ghuspaith hui thi, aur wahan bhi kuch khun ke dhabbe subject (Sapna) ke upar se mile the… wo blood sample aur ye blood sample ek hi hai. Ho na ho police kal jin janwaron se bhidi thi wo matr ek science experiments ho, asli narbhakshi yahi hai…


Us scientist ki baat par Ansh jhatke khakar gir gaya. Achet awastha me wo bus Nischal ke sath apni hui bhidant ko hi yaad kar raha tha aur yaad karte huye usse khud ka haal bhi Sapna jaise lagne laga…


Tabhi wahan, kal raat ke karname ke baad, Raton raat sohrat aur naam kamane ke alawa pramotion pane wale Sawalker bhi uss reserch lab me pahunch chuke the, jo ab sahar ke Assistent Commissioner Of Police yani ki ACP ban chuke the…


"Kay re ghodpade, ACP ko bhi case solve karna parta hai"… Sawalker ko apni chamchamati wardi dikhate huye puchhne laga…


Ghodoade:- Pata nahi saheb, lekin aap to tope ho, har penchida case solve kar loge…


Sawalker:- Haan so to hai ghodpade… tu janta hai jab se mera chhota bhai Nischal, meri jindgi me aaya hai tab se sab mangal hi mangal ho raha hai…


Ghodpade:- Ho saheb, sach kaha…


Sawalker:- Acha ghodpade ye bata ye naya case solve karke kya main commissioner ban jaunga…


Ghodpade:- Nahi pata saheb .. waise ek baat dimag me hai saheb puchh lun kya?


Sawalker:- Haan puchh puchh .. aaj main bahut khush hun…


Ghodpade:- Saheb kahin aaj ke case me wo aap ka chhota bhai Nischal involve ho, fir aap kya karoge...


Sawalker:- Ghodpade, tu ja warna main iss waqt ghoda daba dunga… sala acha nahi soch sakta to bura bhi na bol…


Ghodpade:- Sorry saheb … lekin mujhe na kabhi-kabhi aisa lagta hai ki wo Nischal koi bahut badi tope hai. Dekho na usse pahle se un janwaron ke bare me sab pata tha, Upar se wo iss sahar ka hai bhi nahi.. to shak hona lajmi hai na bhaw…


Sawalker, Ghodoade ko 4 galiyan dekar ander doctor se milne gaya, wahan doctor ne sabhi khatron se aagah karte huye usse alian ke bare me jankari de diya… Sawalker ne jaise hi alian ke bare me suna, usse afsos hone laga ki wo aaj ke din ACP kyon banai... Halanki Sawalker ki najar abtak Ansh par nahi gayi.


Jab uss scientist ne Dr Ansh ko dikhate huye kahne lage ki yahi hain jinhone uss alian ka blood sample lakar diya tha, tab jakar Sawalker ki najar Ansh par gayi. Sawalker khud bhi dara hua tha, isliye wo Ansh ki luti-piti haalat dekh'kar samajh chuka tha ki usne yadi alian ka blood sample laya hai to uske dekhne ka anubhaw kuch aisa hi hoga...


Sawalker Dr Ansh ko kopche me le jate huye kuch der khamosh hokar usse dekhte raha, fir uski luti haalat par santwana dete huye khane laga…. "Koi baat nahi hai doctor, us alian se jara bhi darne ki jaroorat nahi hai… iss bar bhi main aur Nischal mil'kar uss Alian ko pakad lenge aur main sidha commissioner ban jaunga…


Ansh:- Nahi sir aap jaisa soch rahe hai waisa kuch nahi hoga.. ulta aap ki wardi utarne wali hai…


Sawalker:- doctor sahab aap sadme me ho isliye aapka dimagi santulan bigad gaya hai... Aap kuch der aaram kar lo main uss Alian ki detail aap se baad me leta hun...


Ansh:- Bus ruk'kar uss Alian ka naam sun lo, aap ka bhi haal mujhsa hi hoga…


Sawalker:- Dr sahab paheli bujhane se acha hai ki bata kyon nahi dete…


Ansh:- Thik hai dhyan se suno… main yahan Nischal ka blood sample laya hun, aur tab se aap jis Alian ki baat kar rahe the, wo alian aur koi nahi balki Nischal hai…


"Kya Nischal" .. chaun'kar Sawalker ke muh se sirf itna hi nikla aur puri tarah se hairan hokar wo Ansh ko dekhne laga…

O Teri ab kia ho ga parda fash nischal ka
Let's see what happend

 

[Asif khan]

Update:-66​

Nandni ko samjhne me der na lagi ki jaroor Nischal ne man me jhakne ki kosis ki hai, jiska natija bura hua aur wo Ansh ke hospital pahunch gaya. Hospital yani raaj khulne ka dar, isliye wo hadbadi me Kasak aur Jivisha ko chhod kar bhagi.


Nandni jald he appolo me thi, aur Nischal ke bare me pata karne reception counter par pahunchi. Jab wo reception par pahunchi..... “Yes sir, usse humne private room 3 me rakhe hain, humare najron ke samne he hai”.... Reception par baat chalti rahi aur Nandni call ke khatam hone ka intzar kar rahi thi.


Tabhi uss ki najak cctv par gayi.... “Hey bhagwan, ye sab to Nischal ke bare me he baat kar rahe hain”. Nandni apne dono kaan khade kar ke aur gaur se baten sun’ne lagi.....


Idhar reception par.... “Haan sir humari puri najar hai, uss kamre ke bahar 2 para millitary force ke log ko tainat kar diya hai”.


“Lagta hai research center se koi team aa raha hoga.... Ab kya kiya jaye, Nischal inke hath laga to sab gadbad ho jayega. Par Nischal ko yahan se nikalun kaise, kisi ki madad bhi nahi le sakti”



Nandni ke pass jaise samsya umar pari ho. Sarkari log kabhi bhi pahunchne wale the aur room ke bahar puri tight sequrity.


Nandni soch-soch kar thak gayi, par usse koi upay na sujha. Abhi wo issi asmanjas me thi ki wo "kya kare, kya kare" Tabhi uss ke mobile ka ring baja aur dekha to Ansh ka call tha.


"Main bhi kitni bari duffer hun, mujhe Ansh ki yaad pahle kyon nahi aayi. Ummmmaahhhhhhh, love you mere dr"...... Nandni call pick karti... "hello"


Ghabrayi si awaz me, Ansh.... "Kahan ho tum, thik to ho na, kya hua jo police tumhe pakad kar"...... "Pakad kar" tak jab Ansh ki baat aayi, tabhi awaz badal gayi....


"Hello Nandni, tum kis police station me ho, wahan ke thanedar ko phone do jarra"


Nandni khamosh, aur sochne lagi..... "Ye dono aur police station, oh to mamla ye hai. Nandni samjh chuki thi, ho na ho ye shararat Kasak aur Jivisha ki he hai. Thanks Kasak, thankoo Jivi, tere iss mazak ne to mera kaam bana diya".


Udhar se Nandni ko khamosh dekh dono, hello-hello kiye ja rahe the.


Nandni, bilkul dhime awaz me..... "Chillao mat mujhe police ne nahi gundo ne pakad liya hai, main unhi se chhip rahi hun".


Ansh aur Sawalker ke khule muh, aur dono ek sath... "Kyaaaaaaa"?


Nandni..... Uff Ooo, aise shocking expression dena band karo aur yahan se nikalne ka idea batao.


Sawalker..... Hello Nandni, tum kahan ho mujhe batao....


Nandni..... Mujhe pata nahi main kahan hun, aap mujhe yahan se nikalne ka rasta bataeye bade bhaiya...


Nandni apni baat kah rahi thi tabhi dusri ore khamoshi ho gayi aur jab wo dhyan laga kar suni to pata chala Sawalker control room me uss ka number de kar location trace karne kah raha hai.


Tabhi Nandni ne jaldi se call disconnect kiya aur kuch min baad wapas call lagayi.... "Hello, please yahan se nikalne ka rasta batao warna ye log mujhe maar dalenge"


Nandni apni baat boli aur bol kar call disconnect kar di, aur fir thode samay baad call lagayi.


Sawalker..... Nandni khud ko shant karo aur situation batao.


Nandni...... Mujhe ek room me rakha hai aur bahar nikalne ka rasta dusre room se hain. Main kisi ko pahchan bhi nahi pa rahi, sab ne mask laga rakhe hain.


Sawalker..... Good. Tum ek kaam karo, apne ladki hone ka fayda uthao aur unke ek aadmi ko apne pass bula lo. Usse kisi tarah mar kar mask pahno aur uske pocket wagrah achhe se check kar lena....


Nandni.... Paise wagrah nikalne ke liye kya?


Sawalker.... Had hai, paise nahi unke pocket me koi id ho sakti hai, aur bina uss pass ke tum sayad nikal nahi pao. Aur haan khud ko bilkul normal rakhna, jarra si harkat tumhari jaan le sakti hai.


Nandni, Sawalker ki puri baat sun kar bina koi jawab diye call disconnect kar di. Call disconnect karne ke bad wo sidha hospital ke chemist ke pass gayi aur Ansh ke i’d ka wo fayda utha kar cholorofom ki ek sisi utha layi.


Wapas uss floor par lauti jahan 2 guard Nischal ke kamre ki nigrani kar rahe the. Nandni kisi professional ki tarah ab apna murga fasane lagi.



Gate ki nigrani kar raha ek sequrity guard ki najar Nandni par gayi. Nandni ke ishare, bechara kyon na ghayal ho. Apne sathi guard ko nigrani rakhne bol kar wo Nandni ke ore aa gaya.


Nandni usse dekh kar dhime se siti bajati kahne lagi.... "Wowww kya body hai, muscles man, looking macho"


Guard.... Madam ji main janta hun aap aise kyon mujh se baat kar rahi hain, bataeye kya kaam nikalwana hai.


Nandni usse upar se niche tak ghurti.... "Tumhare pass koi aisi jagah hai jahan hume privacy mil sake. I am too horney baby. Mood nahi to abhi bata do main kisi aur ko dhundh loon.


Guard, idhar-udhar dekhte..... "Mujhe yakin nahi ho raha, aap to khawab jaisi ho. Madam ji jagah to hai, par".


Nandni..... Par kya?????


Guard..... Hum 2 log hain....


Nandni.... Wowww !!!! That sound awesome. Haan suno lekin ek-ek kar ke haan.


Aisa laga jaise kahin wo guard pagal na ho jaye. Nandni ko ek min rukne ka bol kar wo apne sathi ke pass gaya aur uss se kuch baat karne laga.


Dono ke bich baten khatam hone ke baad, wo Nandni ke pass aaya aur aakhon se ishara kar ke apne piche aane ko kaha.


Nandni, jaise he pvt ward ke darwaje par pahunchi, "Yahan to cc tv camera laga hai"


Gusard..... Darne ki jaroorat nahi hai, maine apne sathi ko pahle bata diya hai, wo sab manage kar lega.


Nandni bindas ander gayi. 15 min baad wo ander se darwaja khat-khatayi aur bahar khada wo dusra guard bhi ander aa gaya. Guard ne jab ander ka najara dekha to uski aakhen chamak gayi.


Pahla wala Guard jamin par leta tha aur Nandni apne upar chadar lapete hui thi. Guard uss ke ore aage badhte..... "Janeman ab humare bich ye pardaaa"...


Dharam ki awaz aur wo guard jamin par gir chuka tha. Nandni chloroform usse bhi sungha kar behosh kar chuki thi.


"Ye to in dono ka kaam ho gaya, ab iss sandh ko le jana hai, wheel chair dekhni hogi". Nandni apne upar ka chadar ek guard ke body par odhaya aur atihat se bahar nikal gayi.


Bahar koi bhi nahi tha. Nandni wahan se sidha toota-futa vibhag, yani ki haddi vibhag me gayi. Ek patients wheel chair par behosh leta tha, Nandni usse sidha Nischal ke ward me le aayi aur uss patients ko Nischal ki jagan lita kar, Nischal ke upar chadar dal kar wahan se le aayi.


Mission successful raha, wo Nischal ko apne kamre me le aayi. Dono surakshit to pahunch gaye, lekin Nischal ab bhi apne achet awasta me tha aur uske sarir ka tapman bhi kafi jyada tha.


Mission to successful ho gaya lekin Nischal ki haalat me sudhar ke liye uska upchar bhi jaroori tha. Nandni ne uska wo pine wali dawa uske bag se utha layi aur chamach se uske muh me dal'kar pilane lagi.


Wo dawa prayapt pilane ke baad Nandni ne Nischal ka chehra saaf kiya aur uska haath tham'kar wahin bistar par baith gayi.



Saam ke 5 baje.....


Sawalker, Kasak Aur Jivisha ko call kar ke uss ke office bulaya.... Dono ko kuch bhi samajh me nahi aa raha tha ki aakhir Sawalker ne unhe police station kyon bulaya. Lekin na aane par Sawalker ki team uss ke ghar pahunch jati, bas issi dar se wo dono Sawalker ke office pahunch gayi.


Mamla bahut he sangin tha, Sawalker ko iss baat ki bhanak lag chuki thi ki Nandni ne Nischal ko hospital se gayab kiya hai. Ab bas usse ye pata lagana tha ki Nandni ke sath aur kaun-kaun samil hai iss khel me.


Takriban aadhe ghante ki puchh-tachh ke baad Sawalker ko yakin ho gaya ki Kasak aur Jivisha ne bas ek mazak kiya tha aur sare mamle ko plan me tabdil kar ke Nandni ne he Nischal ki madad ki.


Sawalker dono ko wapas bhej kar Ansh ke sath sidha Nandni ke flat chala gaya. Nandni ne darwaje par jaise he dono ko dekhi, natkiya dhang se wo pratikirya jatati kahne lagi...


"Ab aaye ho meri khabar lene. Bade bhaiya ko to main kuch kah bhi nahi sakti lekin tum Ansh..... (jaise he itna boli, uss ke baad apne aap he na jane kahan se Nandni ke aakhon me aashu aa gaye).... Lekin tum Ansh, tumhe to jara bhi meri chinta na hui. Zinda hun ya mar gayi, koi khabar jan'ne wala bhi nahi.


(Kya natak aur nautanki hai iski, isse to koi oscar award de do)... Sawalker bhi natak ko aage badhate........ "Oh meri bahna, main to tumhara bada bhai hun aur ye mere hone wale jijaji. Bhala hume chinta na hogi to aur kise hogi"......


(Iss ki baten ishara hai Nandni, lagta hai mamla pura gadbad hai).... Nandni, Sawalker ke chhhipi baat ko bhap gayi aur Nischal ko dekhne lagi....


Tabhi Sawalker ne bhi bina koi deri kiye sari baton se parda utha'te kahne laga....


"Nandni, filmon me tum ne dekha tha na ki call 90 sec tak continue raha to trace kiya ja sakta hai... Kitni badi duffer ho... Hum Imei number se bhi location trace kar sakte hain wo bhi tab jab tumhara mobile switch off ho".


"Kitni safai se tum natak kar leti ho, aur janti ho jis baat par tum parda dalne ke liye Nischal ko hospital se utha kar layi, wo baat to hume pahle se pata hai…


"Bhale he research center walon ke sath ek innocent human gaya ho, par hum dono ko pata chal gaya hai ki Nischal he wo alian hai, aur yahan tumhare sath hai. Saboot gayab karne, sarkari kaam me rukawat dalne aur ek criminal ko chhipane ke jurm me main tumhe arrest karta hun. Ansh tum uss alian ko quid kar ke le aao".


Ansh jo ab tak Sawalker ke sath khada tha, wo Nandni ki tarah hote..... “Par humari aisi koi baat nahi hui thi, aap ko to bas Nischal chahiye tha na. Nandu ko fir arrest kyon?


“Kis me itni himmat hai ki Nandu ko mere rahte yahan se le jaye”... Nischal kamre se nikal kar apne jordar awaz me aisi dahar lagaya ki Sawalker aur Ansh ke hosh udd gaye.


Sawalker.... Kuch nahi chhote bhai, main to ye kah raha tha ki tumhe is kadar wahan se nahi lana chahiye, ye kannonan jurm hai.


Nischal.... Aur wo research center wale mujhe quid kar ke jo mujh par experiment karte, bina iss baat ki parwah kiye ki, jo chir far wo mere badan par karenge uss se main jinda bachunga ya nahi, wo legal ho gaya. Kyon wo leagal hoga na Sawalker sir.....


Sawalker.... Par wo tumhe chir far kar ke kyon dekhenge.....


Nandni.... Usse sab pata hai bade bhaiya, wo net par sab dekh chuka hai..... aur khas kar alian wali movies...


Sawalker, apna gun nikalte..... “Wo sab main kuch nahi janta, ye alian khatarnak ho sakta hai. Isse mere sath chalna he hoga”.


Nischal..... Aur mujhe kaise le jaoge, apne iss gun ke dum par....


Sawalker ne gun nikal kar apna ek palak jhapka hoga aur utne he waqt me Nischal uske hath se gun urra laya..... aur jab Nischal apni baat kah raha tha, gun par hath firate kah raha tha. Nischal ke hath me gum dekh kar Sawalker kabhi Nischal ke hath ka gun dekhta to kabhi apne hath ko....


Sawalker..... Ye kaise kiya tumne....


Nischal..... Bhul kyon jate ho main ek alian hun. Aur jo karname humare grah par normal hota hai, yahan earth par usse chamtkar mante hain. Un me se ek hai meri speed....


Jab tak kisi ko pata nahi tha, tab tak Nischal ek pyara sathi tha. Lekin jab se Sawalker aur Ansh ko uske Alian hone ka pata chala tha, dono ki haalat dar se kharab thi. Baton ka daur chala. Aakhir me Nandni aur Nischal ne mil kar ye ehsas karaya ki kewal alian hone se koi khatarnak nahi hota.


Har kisi ke pass ek dil ho sakta hai, aur uski apni bhawnayen ho sakti hai. Jaroori nahi ki sirf alian hone se koi khatarnak ho jaye, yadi aisa hota to Nischal ab tak sab ke liye khatra ban chuka hota. Thoda waqt laga lekin chhoti si baat sab ko samjh me aa gayi, aur anth me ek he baat par sahmati bani, ki wo bhi ab Nischal ke raaj ko raaj rakhenge.

Awesome interesting update

 

[Asif khan]

Update:-68​

Jivisha muskurati hui Nischal ko dekhi aur apne honth se uske honth ko sprash karti, kuch der iss pyare se sparsh ko aapne khinchti shwans ke sath, apne jehan me utar'ti hui, Nischal se alag hui…. "Main to ussi me khona chahti hun, jo sachai hai. Jo nahi hai uske bare me to sochti bhi nahi"..


Nischal:- Hammmm ! Thik hai ab yahi to yahi sahi…


Nischal ki baaton me berukhi aur aakhon me kuch galat bhanp gayi Jivisha. Wo teji uska haath pakad kar uske aakhon me dekhne lagi. Lekin Nischal apni aakhen munde apna hath jhatak liya.. aur band aakhon se hi apne kadam piche ki ore badhane laga…


"Mere pass aao… suno… baby… Nischal"… Jivisha vyakulta se uske ore bhagi, lekin Nischal ka piche kadmon se step by step chalna bhi itna tej tha ki Jivisha pure jor laga'kar daurne ke bawjood bhi uske karib hona to dur, ulte duriyan ban rahi thi.


Nischal apni aakhen khol'kar, muskurate huye Jivisha ko dekha… Jivisha ka kaleja teji ke sath upar niche hone laga. Usse shwans lene me itni taklif hone lagi ki wo Fefron (lungs) me hawa bharne ke liye puri taquat se shwans khinchne lagi… Aakhon me aashu aane lage… aane wale pal ke khyal se hi wo itni vichlit ho uthi ki wo chinkhna to chah rahi thi kintu uski awaz nahi nikal rahi thi…


Tabhi Nischal ke muskurate chehre ke sath uske hath me dikha uska khanjar… jo ki kafi teji ke sath gale par badha, khud ka gala retne ki purn ikchha ke sath aur yahi baat Jivisha pahle bhanp chuki thi. Jaise hi wo khanjar Nischal ke hathon ki teji ke sath gale tak pahuncha…. Jivisha ki wo bekhauff aakhen.. gale se chinkh to nahi nikli kintu aakhen dahak uthi thi.


Ret ke bawandar toofan banakar hawa me uddne lage… charo ore aasman me ret ke badal ban chuke the. Jivisha ki aakhen bhay ka wo khauffnak manjar paida kar rahi thi, jiske aabhash matr se hi anginat ret ke jahrile sanp, upar aakar Jivisha ki raah me bichh chuke the, jo Jivisha ke ek kadam aage badhate hi iss prakar lotne lage, mano raham ki bhikh mang rahe ho.










Nischal bhi uss khauffnak bhay ko mehsus kar sakta tha. Wo apni puri takat se apna hath niche lana chah raha tha, kintu Jivisha ki najren usse hilne nahi de rahi thi… tabhi ek jor ki chinkh fijaon me gunji….. "Mere Nischal ko marne ki himmat kaise hui"… aur issi garaj ke sath ek tej kadmon ki thap ret par pari. Woo puri jagah bhad-bhada kar kayi feet niche dhans gayi, aur dono hawa me aa gaye…


Sanp ki tarah fufkarti najro se Jivisha, Nischal ke chakkar lagati…. "Kisme itni himmat ki hume alag kar de".. kahti hui Jivisha ne apne dono hath khol liye aur upar ka aisa najara ho gaya mano mayusi ne iss sansar ko gher liya ho… kai hazar kilometre tak kale saye se badal mandrane lage…


Jahan tak ye kale badal najar aa rahe the logon me katuhal si machne lagi thi... Unhe aisa lag raha tha jaise abhi unka dum ghut jayega…. Khauff ki paribhasa se pahli baar Nischal ka parichay ho raha tha...


Nischal bhi apni tej khinchti shwans ke sath apne aterman me dhyan lagaya… wahi khushi ke pal ko apne jahan me utarne laga… aur jab aakhen khuli to fir se wahi shwet najara tha, mano barf ki chadar charo ore bichhi ho. Jivisha wahin ek baar aur khadi thi, rani ki tarah ussi libas me…. Nischal ki jaise hi najar mili, wo ghutno par baith'kar fir se samman dene laga…


Jaise hi wo ghutne par baitha Jivisha daur kar wahan pahunchi…. Vyakulta se uske pure badan ko tatolti hui…. "Nischal, baby… Nischal"…


Nischal khade hokar Jivisha ko apne bahon me bhinchte… "haan yahin hun main Jisa, meri Malkia"..


Jivisha:- Mujhpar khun sawar hai baby… Kisne tumhe chot pahunchayi hai, pahle uss se nipat lun...


Nischal:- Shiii !! Shiiii !! Shiiii !! Shant … bilkul shant… Jivisha meri aakhon me dekho…


Jivisha gusse se Nischal ki aakhon me dekhti… "Baby nahi.. koi tumhe jaan se marne ki kosis kar raha tha... Normal jhagra hoti to aam baat thi. Tum hat jao mere raste se"..


Nischal, Jivisha ko gale lagate, uske pith par hath ferte huye… "Dhyan lagao ki kaun pichhe gaya tha, kisne khanjar nikala, aur kaun khud ke gale par chalane wala tha… dhyan lagao"… ..


Nischal ki baat par Jivisha gahri shwans leti apna dhyan lagayi. Ek hi chhan me jaise sari tasveer fast forward chali ho. Aakhon me fir ek baar uske aashu the. Wo Nischal se alag hoti, roti hui puchhne lagi…. "Mujhe dara bhi nahi rahe the, sidha apna gala hi kat liya hota"…


Nischal:- Tumhe rone ki jaroorat nahi hai, kyonki main janta tha tunhare hote mujhe kuch nahi ho sakta…


Nischal ki baat sun'kar Jivisha uss par apne hath chalati hui khud ko usme smet li… "Aage se aise pagalpan kiye to soch lena… nisthur kahin ke mujhe rula diya.… Mujhe tumhare sath jina hai.. suna tumne"..


Nischal:- Der ho rahi hai.. niklo mayajaal se..


Jivisha:- Mujhe kahin nahi jana. Mayajaal ho ya bhut jaal.. abhi aise hi khud me samete rakho.. kafi sukoon mil raha hai.


Nischal:- Jivisha niklo iss mayajaal se, warna main sach me mar jaunga..


Jivisha:- Had hoti hai kisi bhi chij ki.. do wo khanjar mujhe .. main hi mar jati hun…


Nischal:- Khud ko dekho iss jagah ko dekho, tum khud samjh jaogi.


Jivisha hosh me aati uss jagah ko dekhne lagi… charo ore bilkul kohra ghana chhaya hua tha, andhere ka aisa manjar jise dekh kar Jivisha ki ka sar ghum gaya. Usse chakkar aane lage…. "Hey love, tum kar sakti ho. Iss mayajaal se niklo… niklo… niklo… sampark tod do… khud se joojhna band karo.. Jivisha niklo… laut aao.. laut aao"…


Jivisha ki jhat se aakhen khuli aur wo behosh hokar Nischal ke bahon me gir gayi. Nischal usse thamte huye kayi fit gahraeyon me gira ja raha tha, aur niche un gahraeyon me kai lakh ret ke sanp ek jagah ikattha hokar gusse me aise fufkar maar rahe the, mano wo jahar se nahi balki un dono ko apne tej nukile dant se chirne wale ho.


Jis gati wo gir rahe the matr chhanik mamla tha aur dono niche hote. Ek viman teji se unke ore aaya aur Nischal ek second ke 1000 hisse se bhi kam samay me usse pakad kar upar hua.


Jatin uss viman ka nichla hissa khol diya aur Nischal, Jivisha ko lekar ander aa gaya. Jivisha ki haalat kuch jyada achhi nahi thi… Nischal apne sath laye pine ki dawa bag se nikala aur Jivisha ke pet ke pass se kapde hata kar wo ek bund dawa pani ke sath milakar pilaya.


Bus kuch pal intzar ke baat wo dawa pet me kahan kahan travel karke, kahan tak pahunchi sab najar aane laga... Nischal ke liye ye hairani bhada najara tha. Wo Jivisha ke kapdon ko thik karke viman ko Himalaya ki wadiyon me uss jagah par le aaya jahan Nischal ne apana mukhya antriksh yaan chhipa rakha tha… barf ke moti chadar ke niche, pure suraksha intjamat ke sath…


Jatin ne jaise hi wo antriksh yan dekha uska muh khula hi raha gaya…. "Viggo, ye to pura sahar lekar aa gaye. Iss viman ko chalane ke liye kam se kam 500 crew member to chahiye hi honge"…


Nischal:- Nahi isse main akela yahan lekar aaya hun… aur koi sawal nahi. Tum yahin ruko…


Jatin ko mukhya dwar ke kamre me pack karne ke baad Nichal, Jivisha ko gode me utha'kar ek medical hall me litaya. Complete body scan par dala aur kuch dawa ki sisi utha'kar laya… pahle char sisi ki dawa ek-ek karke apne mukhya dawa ke sath milakar pilaya… ek anumanit jo Nischal ko pahle se samjh me aa raha tha…


Fir Nischal ne aakhri sisi nikali, prabhu ko yaad kiya aur 1 bund ka hazar'wan hissa uss dawa ke sath milakar diya. Jaise-jaise dawa gale se niche utar rahi thi, har nali har organ se shwet raushni wo bhi aakhon ko chaundhiya de aisi raushni. Har navj halki nili parne lagi thi..


Nischal 3 minute tak ruk'kar dawa ka asar check kiya. Gahari shwans lekar halaka muskuraya aur 4 bund uss dawa ka, mukhya dawa me mila'kar Jivisha ko pila diya. Dawa ka asar jaise-jaise badha, Jivisha ka pura badan gahre nile rang ka dikhne laga… achanak hi Jivisha ne apni aakhen kholi aur utha'kar baith gayi. ..


Bilkul gahri nili aakhen aisa lag raha tha jaise ye aakhen kisi ko bhi apne ore khinch le… Jivisha uth'kar jaise hi bathi, ek mithi si angrai li aur samne Nischal ko dekh kar khili si smile apne chehre par lati, hasrat bhari najron se Nischal ko dekhne lagi…. "Ahhhh ! Baby aaj to meri good morning ho gayi. Ab ek good morning kiss ho jaye to mood ban jaye"..


Nischal, bhi uske karib pahunch'kar, apne honth Jivisha ke honth se lagate, usse pyar se chum'kar alag hua. Jivisha usse apne pass bitha'kar uske dono hath tham'kar … "Kya khatarnak sapna tha Nischal, tum sunoge to hairan ho jaoge. Main to uss sapne me hairatangej kaarname kar rahi thi. Haan lekin sapne me main villan type thi. Maine na aisa kala jadu kiya mano ye pura sansar khatre me hai"..


"Meri baat suno Jisa, abhi kuch din pahle jo tum kahi thi na… pahle bhrm lagta tha aur ab sab vastavik lag raha hai"…. Jivisha apna sir haan me hilati Nischal ko dekhne lagi….. "To bina chikhe aur chillaye uss kone me ek kamra hai, wahan jao aur aaram se fresh hokar taiyar ho jao. Yaad rahe koi chinkhna, chillana nahi aur na hi chaun'kar partikriya dena ki yahan main kaise aa gayi".


Nischal ki baat sun'kar Jivisha hairani se apni aakhen badi kar li… ufff kya badi badi nili aakhen thi, aise dil kabhi na dhadka hoga jaisa aaj dhadka tha. Jivisha chupchap khadi ho gayi aur kamre ki ore chal di… "Mare pahanne ke liye kapde hain ya jin kapdon me hun wahi pahnna hoga"..


Nischal:- Ander jao, tumhare liye pura kapde ka shop kharid rakha hai..


Jivisha charo ore ka najara dekhti ja rahi thi... Charo ore paryapt raushni, lohe ki floor, charo ore ka interior aisa tha ki uss hall me mahaj ek bed aur uss bed par 4-5 sisi … baki pura hall khali tha.


Jivisha jaise hi uss kamre me ghusi, har deewar par ek chhota sa button tha aur uske niche naam likhe the… jaise ki kapde, jute, undergarments etyadi. Jivisha jigyasawash jute/sandel ke section ko kholi. Ghann ki ek chhoti si awaz hui aur samne se darwaja khula. Ek-ek karke puri light jalne lagi. Takriban 4 fit ke gate ke ander wo jaise hi kadam rakhi… ander ki jagah takriban 40 fit lambi 8 fit charu thi. Dono ore self bane the aur size ke hisab se jute, chappal aur sandels rakhe huye the.


Jivisha khushi se uchhalti hui har naam likhe darwaje ke button ko khol'kar dekhi. Matr kapdon ka section chhod'kar baki sare section ki banawat ek jaisi thi. Takriban 200 fit ki lambai aur 16 fit ki chaurai me tha kapdon ka section, jahan pahan'ne ke hisab se kaun se kapde nahi the…

Boht badhiya update

 

[Asif khan]

Update:-70​

Jivisha, apna chehra aaene me dekhti… "Yaar skin se light reflecte kar rahi.. chhodo, main powder aur cream ke niche isse dhak lungi… mujh par kitna zahar istamal kiya wo nahi bataya..


Nischal:- Kya karogi jaan kar rahne do..


Jivisha:- Nahi mujhe janna hai..


Nischal:- samjh lo 1 bund zahar se 1 lakh logon ko mara ja sakta hai..


Jivisha chaunkti hui…. "Aur kitne bund mere liye normal dawa ki tarah kaam karta hai.. aur ye mere liye painkiller hai ya multivitamin"..


Nischal:- 4 bund zahar… ye tumhare liye pain killer hai aur multivitamin dusra hai.


Jivisha:- Mujhme jadu bhi aaya hai kya, jo main samjh gayi ki tum seriously apna gala katne ka rahe ho?..


Nischal:- Jadu to nahi hi hai, lekin ye dimag ke kisi jagah ki utapatti hoti hai, jo samne wale ke dimag se anjane me hi connect hokar uski soch ko capture karke ek purwanuman deta hai .. .


Jivisha:- Hammm ! Tum mere dimag me ghuse the na.. wo tumne kaise kiya, aur kya main dusre ki soch ko ek purvanuman ke jariye capture kar sakti hun to kya main har kisi ki soch ko padh sakti hun aur tumhare tarah kisi dusre ke dimag me bhi ghus sakti hun kya ?


Nischal:- Google samjh liya hai kya? Kitne sawal daagti ho..


Jivisha, Nischal ko chhudi dikhati… "Chup chap batao"..


Nischal:- "Dekho prakriti ne khud suchna aur prasar ki tarange banayi hai, aur un tarangon ke madhyam se jab tumhari ye wireless dabbe (Mobile phone) chal sakte hain, to kya ek brain se dusre brain me, suchna aur prasar ke madhyam se ghusa nahi ja sakta.. bus yahi theory hai.

"Rahi baat tumhari purvanuman ki, to yah dimag ki achet awastha ka ek prakriya hai, jispar khud ka koi niyantran nahi hota, isliye aisa kahna galat hoga ki tum kisi ki soch ko padh sakti ho. Haan aane wali kuch bure ya bahut bure ghatna ko tum pahle hi bhanp logi. Fir chahe wo ghatna kisi ke dimagi upaj ke karan hone wali ho ya fir prakriti me… kyonki har jagah suchna aur prasar ki tarange faili hai".

"Jahan tak baat hai ek dimag se dusre dimag me ghusne ki kala, to ye bhi ussi theory se hota hai, suchna aur prasar ke madhyam se, jo telepathy ke jariye connection banati hai. Jahan purvanuman mastishk ke achet awastha ki ek prakriya hai, wahin telepathy jagrit mastisk ke purn dhyan aur iss vidhya ke purn prasikshan se aati hai. Yeh ek jatil vidhya hai jise varsho tak sikhne ke baad bhi aap isme nipun ho jaye iski koi guarantee nahi. Mujhe iss vidhya ko mere janm ke chauthe varsh se mere guru ne sikhana shuru kiya tha…"


Jivisha:- Haan mujhe pahle se pata thi ye sari baaten. Main to bus dekh rahi thi ki tumhe aata hai ki nahi ye sab. Sidha sidha ab mukhya sawal, kya tum mujhe yahan maroge ya antriksh me kahin aur…


Nischal:- Oye pagal, ye kya bakwas hai ye.. Kahin koi side effect to nahi hua dawa ka…


Jivisha:- Bakwas ka kya matlab hai… mujh me dark shakti hai. Mere ander 4 lakh logon ke marne jitna zahar dawa ke roop me kaam karta hai. Jab mera dimag jama aur puri tasviren saaf hui tab maine khuli aakhon se dekha ki maine bina jane hi kitna bhay ka mahol bana rakha tha. Masoom log jinki koi galti nahi thi… janwar, Panchhi, ped-paudhe, aisa laga jaise main shakal vinash ka irada banaye hun. Uspar se sabse majedar baat, jab main ye pura kand karne ke baad jaagi to mere liye mahaj ye sapna tha…


Nischal:- Dhat teri ki.. bewakoof !


Jivisha:- Ab aisa to na bolo na…


Nischal:- "Ak47 sena ke pass bhi hota hai aur terrorist ke pass bhi. Ek ethical hacker hota hai to dusra illegal hacker. Koi doctor jaan bachata hai, to koi doctor Keeney nikal'kar bech leta hai… Ab bewakoof na kahun to kya kahun… Koi power bura ya bhala nahi hota, bura ya bhala un powers ko istamal karne wale hote hain."

"Haan wo alag baat hai ki takat ka nasha itna andha kar deta hai ki ek aham ki stithi paida ho jati hai, jisme power ke nashe me chur insan ke liye, "kewal wahi sahi hai aur uski baten sarvopari".. ye vichar hamesa uske man me hota hai aur apne faisle wo khud le leta hai, fir chahe wo faisla achhe ke sandarv me ho ya bure ke sandarv me"..


Jivisha:- Agar tumhari baten sahi hai to fir mujhe kuch acha karna chahiye tha na, fir bura kyon ho gaya…


Nischal:- Kyonki tumhe laga, koi tumhare ajij ko marna chahta hai aur tum baukhlahat me sab tabah karna chahti thi. Tum ye tak bhul gayi ki Nischal hi Nischal ko marna chah raha tha.


Jivisha:- Lekin baby main jab kisi ka bura nahi chahti, fir mera aawesh me aana hanikarak kaise ho gaya?


Nischal:- Aawesh me ho ya pyar me, ya fir koi anay wajah, jabtak tumhe un powers ko control karna nahi aayega, wo aniyantrit power hoga. Aur kuch bhi aniyantrit hamesa bhayankar nuksan deta hai.


Jivisha:- Hmmmm ! Main kuch der pahle gusse me thi tab maine chaku aur bartan ko hawa me utha liya tha.. abhi wahi karne ki soch rahi hun, lekin nahi ho raha…


Nischal:- Ussi ki to traning kar rahe hain…. Aaj se tum hamesa mere nigrani me rahogi, jab tak tum purn niyatran na sikh lo…


" Oh ho to mujh par najren rakhi jayegi. Nischal babu har waqt mujhe dekhenge, jaisa kuch der pahle mujh par najar rakhe the, jab main bathroom me thi, kyon baby. Waise kaisa tha mera live show, aakhen chaudi karke, bade maze se popcorn khate huye, bade screen par tum to maze le rahe hoge"… Jivisha aakhen dikhati hui puchhne lagi…


Nischal:- Nahi nahi nahi… tum jaise hi ander gayi maine uss section ka camra off kar diya tha…


Jivisha:- Huhhhh ! Chahe prithvi ho ya universe, jahan kahin bhi ye ladke honge, sab ek jaise hi honge.. mauka mila nahi ki taak jhank shuru..


Nischal:- Kasam se Jisa maine nahi dekha, yakin kyon nahi karti…


Jivisha:- Ohk maan leti hun. Waise bhi mujhe koi aitraj nahi tha agar tum dekhte bhi ho to.. mana thode na kar rahi thi. Main to bus puchh rahi thi. Mujhe laga tum mujhe nahi dekhoge to kise dekhoge. Khair ab to mauka gawa diya. Tum ye batao mere liye itne perfect size ke bra kaise nikal laya? Bahut chalu chij ho tum Nischal.


Nischal:- Na na, tum galat ho Jisa, mujhe thode na tunhare figure ke bare me pata hai. Room me body scanner lage hai.. bus screen par apne item select kar lo… prefect size ke hisab se nikalna machine ka kaam hai..


Gusse me Jivisha pura pani ka jug Nischal ke sar par uddelte… "Huhhhh ! Main tumhari gf hun yaar kuch to aisa jawab do lage haan.. sunkar aisa lage ki kuch ikchhayen tumhari bhi hai"…


Nischal, apna chhota sa muh banate… "Sorry main abhi kacha hun"…


"Hay kya masumiyat hai baby ke chehre mein"... Jivisha khyalon me sochkar muskurai aur Nischal ke pass jakar uske gode me bait'ti hui…. "Koi baat nahi, dhire-dhire pakke ho jaoge"…



Hasin lamha tha aur dur tak khamoshi. Ek dusre mein doobne ke liye iss se behtarin mauka kya ho sakta tha. Dono ek dusre me khoye se apne pyar bhare pal batne lage.


Pure din Jivisha ko Nischal apna yaan dikhata raha. Kayi din bhi kam par jate waise to uss viman ko pura ghumne mein, lekin uss viman ki mukhya jagah aur total control Jivisha ke dimag me chhap chuki thi. Sham ke lagbhag 5 baj gaye the, jab dono bahar mukhya dwar par aaye, wahin se fir Nischal ne Jatin ko bhi bahar aane kaha…


Jaise hi Jivisha, Jatin ko dekhi, uska pura asli roop najron ke samne tha…. "Ye kitna ajib dikh raha hai… Tum Shresh ke sathi ho na aur Kasak ko tumne hi apne pyar ke jaal me fasaya tha"..


Jatin apne ghutne par baith'te…. "Malkia aap ne sahi kaha"..


Jivisha:- Oye, mujhe iss naam se pukara to main tumhara khun kar dungi. Baby ye to wahi narbhakshi hai, lekin abtak ye jinda kyon bacha hai.


Nischal:- Jivisha, rahne do. Kuch to achi baat rahi hogi jo ye jinda bhi hai aur yahan hai humare sath… Jatin chalo hume wapas chalna hai…


Viman taiyar tha aur teeno nikal liye… Pune pahunch'kar Nischal aur Jivisha aam logon ke bhid me jaise hi samil huye, Jivisha jahan se gujarti, har koi usse hi dekhta. Aisa lag raha tha jaise uska chehra sabko apni ore aakarshit kar raha hai.


Jivisha, Nischal ko kopche me leti… "Huhhhn ! Har koi mujhe ho ghur raha hai. Aisa jina bhi koi jina hai. Main nahi janti ki tum kya karoge baby, lekin iska upay dhundho, abhi to ghar bhi nahi pahunchi hun.. pata na wahan ka reaction kaisa hoga.


Jivisha ki baat par Nischal khyalon me chala gaya aur Jivisha ke ghar ki panchayat ke bare mein sochkar hi sihar gaya.. Nischal, Jivisha ko uske ghar tak chhod'kar khiskane ka prayas kar to kar raha tha, lekin Jivisha usse kahin khiskane kahan dene wali thi…


Baahri badha'on se kitna bhi nipat liya jaye, lekin ye ghar ke log .. annhhhh ! Na jane kaun si ghutti pi kar aate hain. Kitna bhi samjha do unhe lekin ye ghar wale apne hi point ko pakad kar baithe rahenge.


Khair ab to Nischal ke kismat me yahi pariwar tha aur issi ko jhelna tha umr bhar, bus inhi khayalon ke sath wo sab sun liye aur muskurate huye wahan se laut aaya. Ab to har subah Thar ka maruasthal koi yudhh ka maidan hota. Nischal ke sath Jivisha har badha ko dhire-dhire safalta purwak paar karne lag gayi. Nischal ka pyar bhara sath Jivisha ke liye sab kuch tha. Wo ek slow learner thi, lekin Nischal ke liye Jivisha khuch bhi khushi se kar leti aur uski sari baton ko jaise dimag me chhap kar utar leti.


Lagbhag 6 mahine bit chuke the. Ek kushal prasikshak aur apne pyar ke sath Jivisha ne na sirf apne ander nihit shaktiyon ko purn roop se niyantran karna sikha apitu visam se visam paristhiti me bhi khud par kabu rakhkar faisla lene ki baudhik vikas ka srijan bhi hua tha… Jivisha ko Nischal ne yah baat ghor kar pila dee thi ki……



"Yadi hum marne par aate hai to sirf lashen hi bichhi milegi, isliye mirtudand ek mahadand hai. Ek purn aanklan aur purn samiksha ke baad hi kisi ko mirtu dand dene ka faisla lena chahiye, kyonki kisi bhi vidhi se ek mirt sarir me wapas jaan nahi dala ja sakta".


Thar registan aur prashikshan ka adhyay ab samapt ho chuka tha.. Nischal aur Jivisha befikr hokar apne dost aur pariwar ke bich khatti-mithi nok-jhonk ke sath samay bita rahe the. January ka mahina tha aur mauka tha Nandni ki shadi ka. 10 din pahle hi dono, Nandni ke sath indore pahunche the.


Indor ka naam sun'kar hi Nischal aur Jivisha ke chehre par hansi aa gayi. Dono ke mann mein sabse pahla khyal Nandni ki maa Durga Devi ka hi aaya, jise Jivisha ke wajah se kafi padesani jhelni pari thi...

What a great update