Update:- 97
Avinashi ke order milte hi sabhi tukdi NilBhut ke rajya se duriyan banana shuru kar chuki thi... Sabhi lagbhag 10 kilometer tak piche hat chuke the.. Samne ka ran pura khali ho chuka tha aur kahin koi jivit sainik najar nahi aa raha tha kewal lasen hi bichhi hui thi.
Avinashi kahin dur baitha humla karne ka aadesh diya, aur NilBhut Rajya par missiles ke badal mandra chuke the. Ek sath itne missiles chhode gaye ki pura aakash dhak chuka tha..
Serin, Avinashi ke redio frequency par aa kar…. "Kyon be chuje mere banaye hatiyar se mujhe hi marne chala hai"..
Avinashi:- Marne chala nahi hun Serin, mar hi diya hun ab bus main apne screen par tumhare chithre hote dekhunga…
Idhar Nandni control room me baith'kar command dena shuru kar di. Anti blasting missile active ho chuke the… aur dekhte hi dekhte hawa me he sare missile dhuan-dhuan ho chuke the…
Serin, ab bhi Avinashi ke frequency par thi, aur usse sunati hui kahne lagi…. "Juniors jara inpar choclet missile girao. Hum bhi to jarra iss dhille ki taiyari to dekhe..
Avinashi:- Bus kya Serin purani baten .. jab tumne mujhe haraya tha, tab main bacha tha.. ab main faulad hun.. aur tumhe nahi lagta ki ye chhote patakhe (chocklet missile) humara kya bigad lenge…..
Serin:- Bewakoof..
Avinashi jab tak apni bewakoofi samjh pata, tabtak usne anti blasting missiles command de diye… missile se missile hawa me takrayi aur chhote chhote-chocklet ki barish aakash se hone lagi.
Jaise hi wo niche jamin par girte, halake pile rang ke dhuyen ke sath, itna tej acid hawa me chhod rahe the ki Mahamahim ke lagbhag sainik uss acid ke chapet me aa gaye…
Duan sarir ke jis hisse me lagta kapde sahit mans ko aisa gala raha tha ki charo ore pira se sabhi karrah rahe the… 500 carore ki kul sena se lagbhag 2 carore log hi samne ki ladai me mare gaye the. Lekin jab se tecnology ladai shuru hui thi, Serin ke pahle hi war se Mahamahim ki lagbhag sabhi tukdiyan prabhavit ho chuki thi.. aur jo prabhawit nahi huye the wo bhid se alag hokar apne adrishi janwar par sawar hokar bhagna shuru kar chuke the…
Serin:- Kya Avinashi, dhile mujh se technology ladai ladne aaya hai.. next item pesh kar…
Next item pesh karne ke liye uska swasthaya hona bhi to jaroori tha.. wo aur uske 1 lakh log iss prakar acid ki chapet me aaye the unke chehre se lekar paun aur hath tak jhulse huye the. Radio ke dusre ore se kewal chinkh hi sunai de rahi thi…
Lagbhag 600 km dur ke sainya base par Mahamahim pura yudh dekh raha tha. Shurvat ke jit ki khushi ke alawa pichhle 2 ghante me usse koi achhi khabar nahi mili thi… baukhlahat me Mahamahim ne apne teeno sena-nayak se wapas ussi formation me ladne ke aadesh de diye jiski shurwat se unhe jit mili thi…
Mahamahim apne logon ko aadesh de hi raha tha, ki tabhi uss sainya base par katuhal ka mahol sa ho gaya. Bhagte huye kayi sainik Mahamahim ke pass aakar bahar ka najara dekhne ke liye kahne lage…
Virane me bana ek bada sa sainya base, jahan 5 lakh sainikon ke sath Mahamahim yudh ka najara dekh rahe the. Ye 5 lakh Mahamahim ke mukhya angrakshak kahlate the jo kafi kurur aur atyachari the aur inke atyachar ki kahani ka anth likha ja raha tha….
Kahin dur me Jivisha khadi hokar hans rahi thi aur apne hathon ko jaise hi wo hawa me lahrati, log khud-w-khud upar uth jate. Aur upar ka jo najara tha usse dehkar to Mahamahim ke mathe se bhi pasina chune laga…
Jivisha ke hath hawa me faile aur Nischal ki wo tej daur.. jabtak Jivisha hath upar utha kar niche bhumi par marti, uss se pahle hi Nischal ka khanjar faisla kar jati aur niche kati fati lash girna shuru ho jati..
Maut ka aisa tandav karne me dono vyast the ki wahan ke sainik me bhagdar si machne lagi, lekin apne maut se tej koi bhag paya hai kya…
Nischal apni raftar se jiske pass se gujar jata, piche uske chira hua badan 2 hisson me bant'kar gir jata… "Baby kuch chuhon ka shikar mujhe bhi karna hai, sab tum hi maar rahe ho"..
Nischal:- My love, tumne to rajya ke dwar par bhi to kitno ko mara tha. Tum to yahan uss chuhe ko lalkaro na, jo chhipa hua hai.. baki uss Parijivi Mittoso ke kidon ko main dekhta hun…
Jivisha:- Good idea… oye kide Mittoso, kahan apne base par khada hai sale.. chal aa ja maidan me.. pura din nahi hai mere pass ladne ke liye… baby sala apne base se bahar na aa raha hai.. apne kaan band karo main 2-4 achi wali, aur sanskaron wali gali de dun..
Nischal, bina raham ke lagatar uske angrakshakon ko kat'te huye…. "Nana muh ganda mat karo.. ruko main bulata hun... Chutiye Mahamahim.. aa ja ranbhumi me beta… aaj teri aisi bajegi ki sare gaaa maaa paaa wale bhi samjh na payenge ki ye tabla baja tha ya tera puchhwada…
Jivisha:- Huhhh !!! Ek to mujhe gali dene se rok diye upar se ye gali thi ya apne kisi dost se baat kar rahe the. Dhyan se suno kaise bhadas wali gali dete hai... Oye maa de fokke Mittoso.. tera double dj sale.. jaldi bahar aa..
Nischal:- Ab ye maa de fokke ka kya matlab hua.. aur tere double dj ka kya matlab hai..
Jivisha:- Wahhhh ! Sab ko maar diye.. Ab jaldi se aakar mujhe kiss do fir batati hun matlab..
"Hahaha... Intense situation me bhi iski ye adayen".. Nischal hanste huye uske pass pahuncha aur apne honth se honth laga kar Jivisha ko chumne laga
Idhar Mahamahim apne sena ko wapas aane ka hukum de chuka tha… hukum dekar wo bahar nikla… najara bahut bhishan tha aur Mahamahim apne dushman se nipatne khud bahar aa kar Jivisha ki lalkaar aur Nischal ki raftaar dekh raha tha…
Nischal ki raftar aur uska khanjar, aaj Mahamahim ke sabse kurur logon ka imtahaan lena shuru kar chuki thi aur jo bina imtahaan diye bhagne ki jee tod kosis kar rahe the, unhe pakad kar exam dilwaya ja raha tha.
Mahamahim ke aakhon ke aage jo najara tha wo kururta ki prakashth paribhasha thi, jisme Nischal daurte huye jiske pass se gujarta, uss ke kamar ke bich apna khanjar ghusa kar, bich se ridh ki haddi sahit sar ko chirte huye, aage nikal jata…
Mahamahim ke aakhon me khun utar aaya tha. Pahle apne 5 lakh logon ka marna, fir Nischal aur Jivisha ki lalkaar aur galiyan. Aur ab dono ek dusre ko aise chum rahe the, mano yahan uska koi astitwa hi nahi. Mahamahim apne ek-ek kadam badhate apne dono hath jaise hi niche se upar le gaya, ret ka bawandar niche se upar uthne laga…
Aisa lag raha tha Mahamahim ne pura ret ka samundr utha rakha tha jise hath ke ishare se usne Nischal aur Jivisha ke ore dhakel diya… Puri ret tej bawandar me tabdil ho'kar bekabu raftar se unki ore badhne lagi… Jivisha, Nischal ko chumti rahi aur chumte huye hi usne, apne ek hath ko upar uthayi aur jaise kisi traffic par gadiyon ko rukne ka ishara dete hain, Jivisha bhi uss bawandar ko hathon se rukne ka ishara ki…
Ret ka uncha tila hawa me hi ruk gaya. Puri aandhi shant ho chuki thi. Jivisha badi teji se apni mutthi ko jaise hi band ki, puri ret mutthi ka aakaar bana chuki thi. Aur Jaise hi Jivisha ne jhatke ke sath apni mutthi kholi puri ret jhatke me hi titar bitar ho gayi….
Jivisha kiss ko todti, Nischal ki aakhon me dekh'kar muskurati hui kahne lagi…. "Love action time. Main iss kide ko dekhti hun aur marne ko betaab kayi sare log humari ore badh rahe hain, tum unhe dekho"..
Nischal, hanste huye apna sar jhuka'kar…. "Jaisi aap ki aagya ho"…
Nischal badi teji ke sath Mahamahim ke ore badhne laga.. Mahamahim, apne ore teji se badh rahe Nichal ko rokne ke liye jaise hi apna hath upar karke hawa me kiya, Nischal hawa me kayi feet uncha to utha, lekin agle hi pal Gulati mar'kar wo niche thik Mahamahim ke karib pahunch chuka tha..
Nischal uski aakhon me dekh'kar apna hath jaise hi aage badhaya, Mahamahim ne apni najar bhar dali aur aisa laga uski najar Nischal ke sine ko bhed degi….
"Abe yahan main kadhi hun sale aur tu meri jaan par buri najar dal raha"… Jivisha apni baat kah'kar jaise hi apne anguthe aur middle fingers ke top ko milayi, Mahamahim ki dono palak jhapak gayi…. "Baby do ghuma kar iss 2 kaudi ke aadmi ko aur jakar bhid par kahar barasao, tabtak isse main kuch tehzib sikha deti hun"…
Jaise hi Mahamahim ki palken jhapki aur Jivisha ki aawaj kan me pari, Nischal ne ek jhannatedar tamacha uske kan ke niche jadte huye, kayi guna raftaar ke sath bahaga…
"Hahahaha.. Kya Mittoso, mere baby ne khatirdari me koi kami to nahi chhodi"…
Mahamahim pure gusse me aate huye apni aakhen mund kar dono hath aise failaya ki kale badal charo ore chhane lage… bhay ki lahar Mahamahim ke pass se uthi aur pure Zoren me logon ne mehsus kiya... ..
Tabhi Jivisha muskurati hui apni dono hath kholi aur pyar se aise jhumi ki charo ore ke kale badal chhatna shuru ho gaye… Mahamahim aakash ko dekh'kar samjh gaya ki jiski shaktiyon par wo aaj tak uchhalte aa raha tha uski asli waris uske samne khadi thi..
Mittoso teji ke sath apna ek hath Jivisha ke ore ghumaya aur dusra hath Nischal ke ore karke, hawa me le jakar gala ghotna shuru kiya. "Chatakk, chatakkk, chatakkk".. Jivisha ne apne ek hath se hawa me bane bhanwar ko rokti, dusre hath se lagatar Mahamahim ko thappad marti rahi… Mahamahim ko itne thappad pade ki uska gaal laal ho gaya…
"Abe gadhe Mittoso wo ek Viggo Sigma hai… tu chutiya uska gala ghonte rah, tabtak main tera gaal laal karti hun"… Jivisha apni baat kahkar lagatar thappad marti rahi. Mahamahim ko lag raha tha wo apni ikchha shakti se Nischal ka gala ghont sakta tha, lekin Nischal ko iss se koi fark nahi para, ulta uske gaal laal ho gaye.
Takriban 50 caror sainik Mahamahim ko sahayta dene ke liye karib pahunch chuke the, jise Nichal dure se aate huye dekh chuka tha. Nischal badi hi aasani se Mahamahim ke giraft se chhutkar, un vishalkay sainikon ke jhund ke ore daud laga diya… shaynnn ki raftar, lambi katar aur jab Nischal sabko apne khanjar se kat'te huye nikla, log kewal hawa me hi najar aa rahe the..
Aisa lag raha tha kayi lakh log ek sath kat'kar hawa me gaye aur fir niche aa gaye… raftaar aur maut ka tandav shuru ho chuka tha.. Nischal jab ek baar katna shuru kiya, tab kisi ko pata hi nahi chal raha tha ki maut kahan se aayi, kab aayi aur unhe nigal kar chali gayi.
Ab tak jis Viggo ke bare me sab ne sun rakha tha, pahli baar puri sena uska aatank dekh rahi thi.. koi raham nahi, koi mafi nahi.. bus Nischal ke hath ka khanjar aur teji ke sath uska chirna…
Rakt se ranbhumi laal ho chuki thi. Jahan bhi najar ja rahi thi, kewal hawa me uchhalte log the aur niche girti unki kati si lash. Aisa raktpaat jiski charcha kabhi Rijo ne ki thi aur ye log sun'kar bhi uspar viswas nahi karna chahte the. Aaj jab Nischal ki raftaar aur uske khanjar se samna hua, lohe ke kaleja rakhne walon ko bhi Herat attack aa gaya.
Jaan bachate huye sainik wapas bhagne lage lekin pichhe se Serin apni blad chalati hui kafi raftaar se badh rahi thi.. maut ka tandav uss pure ranbhumi me chal raha tha.. aage se Nischal aur pichhe se Serin aur bich me fase sainik apne maut aane se pahle dar ke mare mut rahe the…
"Abe ghonchu tu ye sab mat dekh. Jyada dekhega to confuse ho jayega"..
Jaise hi Nischal Mahamahim ke hath ki jakad se chhuta tha, wo hairan ho'kar bus yahi soch raha tha, ki uske itne prabal ikchha shakti se koi kaise chhut sakta hai… Abhi ek aschrya se ubra nahi tha, ki dusra jhatka lagna shuru ho gaya tha.. Kayi lakh log ek sath upar jate, kati hui lash aur rakt ki barish niche hone lagti…
Mahamahim stabdh ho'kar mano jam sa gaya tha. Jivisha ki aawaj par wo hosh me aaya aur gusse se aakhen laal karte huye… "Chalo Malkia iss khel ko yahin khatm karte hai. Ab nahi chahiye teri takat. Taiyar ho ja"..
Mahamahim ne apne baal jhatke… aankhen mund kar usne dhyan lagaya…. "Mere malik, tumhari Malkia ko ab ya to tumhi sambhalo, ya mujhe kho do"..
have a sweet dream...