Update:-40
Orja ko Apasyu ke pichhe laga'kar Nischal ghar ke hall me baith'kar sochne laga... "Abhi ghar me akeli hogi Jivisha, ja'kar baat kar lun kya… Ek baar puchhna to banta hai ki aakhir mera intzar kyon nahi ki"…
Dusri ore Jivisha apne ghar ke hall me baithi.… "Rishta to toota hi hua hai, ek baar kam se kam puchh lun ki aakhir uski sacchi mohabbat me kaun si kami rah gayi jo usne kisi aur ko chun liya"….
Dono apne hi khyalon me bus sochte-sochte saanjh dhala diye. Na to apni jagah se hile aur na hi ek dusre se mile, bus sochte hi rah gaye.
Bhukh kuchh-kuchh Jivisha ko lag rahi thi. Wo uthi aur taiyar ho'kar bahar nikli. Jaise hi darvaje se pahla kadam bahar rakhi, thik samne Nischal se najren takra gayi.…
6 fit plus ki hight. Bilkul streght athlete body. Dhili t-shirt hawa ke jhonke se jab badan se chipakte, ander ka gathile badan ki pahchan karwa jati. Utna hi pyar khila sa chehra aur sabse khubsurat uski halki pratit hoti laal retina... Aakhen aisi jinme doob jao.…
Najren mili to kuch pal ke liye thehar si gayi thi. Halki jhurjhuri ke sath badan me aisi lahar uthi ki Jivisha hil gayi. Agle hi pal khud ko sambhalti apne aakhon par chasma dali aur baal ko jhatakti puri attitude se chalne lagi….
Nischal, Jivisha ki najron se ghayal hote apne dil par hath rakhte.…. "Ufffff... Dard de gayi dil me"….. Nischal to Jivisha ke aakarshak chehre aur uski gahri nili aakhon me tabtak dooba raha jabtak Jivisha ne chasma dal'kar jhatak'kar chali nahi gayi...
Jivisha aage aur pichhe-pichhe Nischal... "Hayyy, ye pichhe se bhi utni hi katilana lagti hai"…. Nischal apne armaan khud se hi kahne laga... Tabhi Jivisha pichhe mud'kar ek baar dekhi aur attitude ke sath apni naak par ungli ferti aage chalne lagi..
Colony street se nikal'kar wo sadak par pahunchi. Tabhi khyal aaya ki hand bag to ghar hi bhul gayi. Jivisha jhatke me mudi aur wapas jane lagi. Wo ja rahi thi aur Nischal udhar se aa raha tha…. Jivisha usse dekh'kar mann hi mann hansti hui.… "Aur kar lo pichha"…
Jivisha wapas laut rahi thi aur Nischal usse wapas jate dekh.… "Ab ye kahan wapas chal di... Jaroor iske boyfriend ka phone aaya hoga, tabhi wapas ja rahi... Lekin boyfriend to bahar gaya hai aur Jivisha ne to phone bhi nahi uthaya.… Lagta hai kuchh bhul gayi hai... Kahin aisa to nahi ek waqt me 4-5 boyfriend ho. Ho bhi sakta hai, isse jo ek najar dekh le issi ka ho jaye... Sale ye gore bhi to pichha kar rahe hain"… .
Poora ander tak hila dene wala khyal tha. Nischal, Jivisha ko bus jate huye dekh raha tha... Dur wo apne ghar tak pahunchi aur ander chali gayi... "Yahin ruk kar intzar karta hun… aayegi to issi raste na. Dekhta hun mere sath-sath uss bichare ke sath bhi to kahin dagabaji nahi kar rahi"…
Jivisha ander gayi aur bag utha'kar ghar jab lock kar rahi thi, tab usse khyal aaya ki uss raste par jaroor wo dhokebaaj khada hoga.… Rasta change aur destination bhi... Jivisha colony street ka dusra rasta pakad lee... Aur ander hi ander hansti hui wo aage badhne lagi... Lekin jaise hi colony street khatm hui wahin kinare Nischal baitha hua tha…
"Ohhh nooo.. ye yahan intzar kar raha hai... Shahhh !!! Yaar.... Kyon mera pichha kar raha hai... Ye aisa nahi manega"…. Jivisha gusse me tam tamayi Nischal ke pass pahunchi… "Mera pichha kyon kar rahe ho"…
Nischal ka to kaleja dhak se rah gaya ho... Kuch pal ki khamoshi aur kahin gum ho gaya... Jivisha chutki bajati.… "Hello mister tum se hi puchh rahi hun"…
Nischal:- Main tumhara intzar kyon karunga, mere pass aur koi kaam nahi hai kya, Miss Jivisha...
Kahte hain na aadmi harbari me hamesa garbari kar deta hai... Kash yahan Nischal pahle confirmation hi maang leta ki "Kya tum Jivisha ho"… Idhar Nischal ne sawal puchha aur udhar Jivisha ka para high... "Bekar me hi ek khyal aata raha ki meri tarah ye bhi shayad sab bhul gaya hoga"…
Jivisha:- Tumhe dekh'kar to aisa hi lag raha hai mere ex-boyfriend. Lagta hai mujhe chhodne ka afsos sa ho raha hai tumhe..…
Nischal:- Kaun kise chhod gaya wo to dikh raha.....
Jivisha:- Main tumse baat bhi kyun kar rahi hun waise... Tum jao apne raste main chali apne raste..
Nischal:- Sarkari rasta hai... Tumhe jahan jana hai wahan jao.... Mujhe mat sikhao, kahan jana hai...
Jivisha, Nischal ko dekh'kar ganda sa muh banati, hathon ka ishara dekar kahne lagi... "Chal fut" aur apni baat kah'kar wahan se beach ke ore nikal gayi.
Beach side food, sath wine aur Miyami beach ke jinda dil shaam ka najara... Jivisha khubsoorat sham ka luft uthati hui, wahan takriban ghantey bhar ruki. Jab wapas jane lagi... Tabhi baar counter par usse Nischal dikh gaya, jo usse hi dekh raha tha….. "Ye chahta kya hai mujhse. Ek ladki sath me hai, uske baad bhi mujhe follow kar raha hai."…
Jivisha, thodi mayus si ho'kar wahan se nikli. Ghar wapas aa'kar raat bhar Nischal ke khyalon me hi dubi rahi. Subah naste par, Apasyu sath me baitha hua tha... "Mujhe apne ghar wapas jana hai".…
Apasyu:- Hmmm! Thik hai yahan se aaj Delhi ke liye nikal jao. Wahan mere lautne tak ka intzar karna. Kuch kaam sath me khatm karenge, fir tum wapas Pune chali jaana.…
Apasyu ki baat sun'kar Jivisha "Haan" me apna sar hila dee aur ja'kar apna bag pack karne lagi. Idhar Orja aur Nischal sath baithe huye the... Orja ko bhi pata chal chuka tha ki Jivisha kahin bahar ja rahi hai, wo bhi akeli...
Orja:- Tumhari sacchi chahat yahan se akeli kahin ja rahi hai...
Nischal:- Kahan..
Orja:- Delhi..
Nischal:- Aur uska boyfriend…
Orja:- Wo kuchh kaam se yahin ruka hai... Baad me uss se Delhi me milega, aur fir wahan se ye dono Jivisha ke ghar jayenge.… Shayad jodi banane ke prastav le'kar...
Nischal:- Jivisha kitni pyari lagti hai na... Main himmat nahi juta paya lekin wo aayi thi mujhse baat karne…. Meri to dharkane jaise atak si gayi ho. Jabtak wo bol rahi thi, mai bus usse hi dekhta raha...
Orja:- Tumhare pass ye achha mauka hai Nischal. Ho sakta hai, jab tum nahi the tab iss ladke ne apne chikni chupdi baton se fasa liya ho... Abhi wo kuch din sath me nahi hai... Tumhare pass pura mauka hoga...
Nischal khush hote…. "Kya sach me"
Orja, Nischal ke chehre ko bade dhyan se dekhti.… "Zindgi har kisi ko mauka deti hai, jyada soch'kar mauke ko gawana nahi chahiye".
Nischal, khushi se Orja ko gale lagaate... "Mujhe koi idea nahi Delhi kaise jayenge"…
Orja:- Tum bus taiyari karo main tumhe Delhi bhejne ka intzam karti hun...
Sham ke 8 baje Jivisha Miyami se Washington DC nikal rahi thi aur wahan se Delhi. Apasyu se bichhdte waqt Jivisha usse ek baar apni bahon me samet'ti hui alag hui aur uska chehra dhyan se dekhti hui kahne lagi…. "Atoot mitrwar prem, ye yaad rakhna"…
Apasyu muskurate huye apna sar jhukate.… "Kuch chijen jab samajh me nahi aaye to usse waqt par chhodte huye, apni pahli awaj sun'na. Delhi airport par tumhe receive karne mere kuch logon ke sath Vaibav pahunchega, tum kuch din ussi ke sath rukna"…
Jivisha kuch kadam aage badh chuki thi..... Wo hath ke ishare se Apasyu ko bulayi… Apasyu jaise hi uske karib pahuncha... Jivisha muskurati hui uske chehre par hath ferti hui kahne lagi.… "Tumse ek alag hi lagaav hai gurudev..… wada karo main jab bhi yaad karungi tum maujood rahoge"…
Apasyu:- Wada raha... Ab tum jao aur aise hi muskurate rahna... Pyari lagti ho...
Jivisha, aakhri baar Apasyu ko najar bhar'kar dekhi aur Miyami se udd chali.... Washington DC pahunch'kar Jivisha apna flight lee. Lagbhag 45 minute pahle Jivisha flight board ki thi. Raat bhi kafi ho rahi thi, isliye akele jaag kar bore hone se achha tha so kar waqt kaat liya jaye...
Jivisha air hotage ko bula'kar bata di ki wo so rahi hai, isliye usse khane-pine ke naam par distrub na kiya jaye. Air hostage ne muskura'kar uska welcome kiya aur Jivisha ka seat belt lagwa diya, taki take off ke waqt distrub na ho...
Jivisha kaan me earpieces lagayi aur aankh par moti si patti dal'kar so gayi. Thodi hi der me Jivisha nind ki gahraeyon me thi aur subah jab aankh khuli, apne sar par haath pit'ti air hostage ko chilla-chilla kar bulane lagi...
Uska chillana itna tej tha ki sabhi yatri ussi ke ore dekh rahe the aur wo apne pados me baitha Nischal ko dekh rahi thi. Usne kab flight board ki, kab ek kaan ke earpiece ko nikal'kar apne kaan me lagaya, Jivisha ko kuch pata na chala…
Jab se jaagi thi, Jinvisha apni bhauh sikod'kar, aakhen chhoti kiye Nischal ko ghure ja rahi thi.… Kam nautanki to ye mahashay bhi nahi the... Jivisha itni tej chillayi ki pilot tak ne sun liya hoga, lekin Nischal ab bhi aaram se aankhon par pattiyan lagaye sone ka natak kar raha tha...
Air hostage pahunchi aur Jivisha se chillane ka karan puchhne lagi... Jivisha bhi chinkhti hui kah di ki issi ladke se pichhe chhudane ke liye to usse apna US trip bich me cancel karna para...
Gahama gahmi shuru thi. Issi bich Nischal aahiste se apne aankh ki patti hatate, dhime se apni gardan aise bayen moda jaise iss mahol se anjaan ho... Aur jaise hi Jivisha par najar gayi…. "Uffff kya subah ki shurwat hai... Good morning Sweetheart"…
"Huhhh chhichoda. Man to kar raha hai kud jaun iss plan se"…
"Kya ho gaya, kyon subah-subah bhadki ho"..
"Tumhari manhush shakl dikh gayi na... Ab to pura din hi kharab hoga"…
"Shut up"… Nischal itna tej chinkha ki poora viman hi hilne laga. Sabhi yatri dar se saham gaye... Naubat yah aa gayi ki ussi pal Flight management ne dono ko alag bithaya aur plan ki emergency landing France ke airport par karwani pari...
Jivisha ko ussi flight se bheja gaya aur Nischal sham ki flight se Delhi aata. Nischal bechara, kitna plan kiya tha aur yahan, ho kya gaya. Iske purv jab Delhi jane ki yojna bani thi, tab Orja sara arrangment karne ke baad USA me hi ruk gayi. Wah yahan Jivisha ke boyfriend ko atka kar rakhti aur Nischal ke pass jyada se jyada waqt hota...
Yojna to kafi safal rahi, jab der raat Nischal, Jivisha ke thik pass wali seat par baitha tha. Lekin subah hote hi dil ke armaan aashuon me bah gaye... Nischal socha flight me baith'kar apne bhoolne ke bare me batane ka pura waqt milega, lekin yahan to.…
Khair airport ke waiting lounge me mayus baitha Nischal, aankh mund kar Orja ko yaad karne laga... Khili si hansi aur pyari si awaj.… "Kya hua, mujhe kyon dhundh rahe. Fir kuch gadbad hui kya"…
Nischal:- Maine to muh khol'kar bus good morning kaha tha... Itne me hi wo mujhe bich raste utar'kar akeli Delhi nikal gayi...
Orja thodi hairan hoti.… "Yahan prithvi par yatri viman se kisi ko bich me utarte nahi hain"…
Nischal:- Areee yahan baat dusri ho gayi thi... Chhodo jano do... Mujhe wahin samjh jana chahiye tha ki meri koi sacchi mohabbat nahi... Aur na fir kabhi hogi... Tum uske boyfriend ko bhi mat uljhao… usse bhi jane do... Tum Serin aur baki logon ka pata lagao… hum yahan se jitni jaldi ho sake niklenge...
Orja:- Itne mayus kyon ho rahe ho... Jaldbaji me kuch bhi faisla mat karo... Meri ek baat manoge...
Nischal:- Tumhare sath koi hai kya???
Orja:- Itne aham mudde ke bich kya soch'kar yah sawal kiya???
Nischal:- Nahi bus aisa laga...
Orja:- Haan pass ne tumhari sacchi mohabbat ka naya wala saccha boyfriend baitha hai... Baat karvaun kya???
Nischal:- Maaf karna… pata nahi kyon itna chidha sa rahta hun... Serin ne mujhe Aizem me jab se batayi ki main chirchira hota ja raha hun... Bade atihat se rahta tha, lekin ab jaise dhairya pura khone laga hun aur mere pass koi nahi... Ek baar fir main akela ho gaya…
Orja:- Akele haan sahi kah rahe... Mujh se bhi jyada akele ho gaye lagta hai..
Nischal, ko jaise hi Orja aur uski biti kahani yaad aayi, mafi mangte huye... "Lagta hai jisne yaden mitayi usne mere sochne ki shakti ko bhi mita diya hai"…
Orja:- Bus ab bahut hua... Ab se main tumhari boss aur tumhe tumhari Mohabbat jabtak mil nahi jati mera kaha maan'na hoga... Samjhe ki nahi samjhe …
Nischal, hanste huye... "Ji samjh gaya"
Orja:- Aur haan tum kabhi akele nahi the... Aur na hi tumne kabhi akelepan ke dard ko mehsus kiya hai... Isliye iss par sochna bhi mat… Mai tumse baat karti rahungi... Abhi wahan baithe kya kar rahe ho... Bhartiya samay anusar sham ke 8 baje flight land hogi... Abhi subah ke 11 ho rahe hai... Chalo bhag'kar jao Delhi. Maine pata kar liya hai ki Jivisha kahan rahne wali hai.. Tum thik uske baju wale ghar me rahoge...
Orja se baat kar'ke Nischal me jaise nayi urja aa gayi ho... Ek jhonka chala aur Nischal, Orja se baat karte huye wahan se apni daur laga diya. France se ek hawa ka jhonka Bhartiya samay anusar subah ke lagbhag 11 baje nikla aur Turki, Afganistan hote huye subah ke 11:05 tak Delhi me tha. Jabki Nischal ke anusar aaj wo Orja se baat karte huye thoda kam gati se dauda tha...
Khair pahunch chuke the Delhi. Aur Delhi aa'kar ek shandar apartment ke samne ruke jiske third floor par flat number 304 me Nischal ka thikana tha... Nischal aaram se apartment ke passage me hi kursi dal'kar baitha. Jivisha ke aaschrya se bhada chehra jo dekhna tha…
Idhar Indra Gandhi anter'rastriya hawai adde par sham ke 8 baje flat land kar chuki thi. Kal ke uttradhikari aur Yuvraj ke naam se mashoor 2.5 fit ka balak Vaibhav pahunch chuka tha apne atithi ko lane...
Yun to Jivisha aur Vaibav me ek chhota sa parichay pahle se tha, lekin aaj to wo balak host bana hua tha... Wahi 4-5 log dayen bayen... Chhutku armani ka jacket pahne Jivisha ko hath dikhane laga…. Jivisha uske pass pahunch'kar hansti hui kahne lagi... "Ye abhi se coat paint pahan'kar joker ki tarah dikhte ho… jitni umr hai uss hisab ke kapde pahno samjhe"....
Vaibhav ne haan me javab diya aur apne sath usse apne uncle ke purane apartment me le aaya, jahan kabhi Apasyu ne apna pura delhi mission oprate kiya tha... 303 flat number...
Jivisha, Vaibhav ke sath apartment ke passage me thi, jaise hi apne flat ke ore kadam badhayi, Nischal passage me aaram se ek kursi par baitha aur dusri kursi par paun failaye huye tha... Jivisha ki najar jaise hi Nischal par gayi... Uske tan badan me puri aag lag gayi… Aneder ke gusse ko wo poori tarah se samete badi hi teji ke sath uske ore badhi...
Jivisha ke gusse ko Nischal bhi pura bhanp chuka tha. Samne se chali aa rahi Jivisha ke ore, seb ka ek tukda dikhate huye usse apne muh me liya aur hasne laga...
Tabhi uss mahol me Jivisha ki dard bhadi ek lambhi chinkh gunj gayi.... Jivisha ke ankhon ke aage lagbhag andhera tha aur sar me kafi tej dard, jiski pira asahniya thi. Itni asahniya pira ki uski chinkh kafi dur tak suni ja sakti thi... Bhaybhit aur dil me aatank paida karne wali chinkh...
nice update bro
wese ye kya tha nain bhai
mtlb ye apne vichar jo ek - dusre ke prati bna rakhe h unhe confirm krna chahte h ya
phir inhe ilzam hi lagana h ek-dusre pr
koi picha kr rha h to koi picha chuda rha h
wese apartment m gusse m jati jivisa ki itni bhayanak chinkh ki kya wjh thi jisne dilo m hi aatank paida kr diya
hai udhar. Kahani par pahunchne ke liye story title par ulgi karne ka...
..
..
par accha tha....sayad apan ko isse pahle ka part se shuru karna hoga.... 