EPISODE : 02
----------------
Hotel se nikalne ke baad uss ladki ne car ko highway par daura diya.
Aur uss ladke ne apne kaan mein lage Bluetooth earpiece mein bola,
"MISSION ACCOMPLISHED."
"OK, RETURN BACK TO YOUR BASE," doosri taraf se awaaz aayi.
Phir uss ladki ne apna burkha utaar diya aur ladka bola,
"Toh Mrs. Ace, kaisa laga aapko Kristofer ke saath waqt bitaake?"
Ladki : "Bahut hi gatiya..."
Ladka : "Kyun, woh itna rayeez aadmi hai, lekin phir bhi aapko maza nahi aaya..."
Ladki (thode gusse wale andaaz mein) : "Bolna na, maine kaha ki maza nahi aaya, matlab nahi aaya, dimaag mat kharab karo mera..."
Ladka : "Ok, madam, gussa kyun hoti ho? Aakhirkaar hamara yeh mission complete ho hi gaya..."
Ladki : "Hmmm... sahi kaha, warna kitna dimaag kharab hua tha, aakhirkaar yeh mission khatam ho hi gaya..."
Ladka : "Hmmm... sahi kaha tumne, Ace. Aakhir phir se apne saathiyon se milna hoga. Karib 5 mahine apne doston se door rahe hum log..."
Ladki : "Hmmm... Arceus... Ab enjoy hi enjoy karenge hum log. Bas boss koi doosra kaam na de, warna yeh holiday ka bhi maza kharab ho jaayega..."
____________________________________________________
LOCATION: MUMBAI AIRPORT
DATE: 4TH MARCH 2017
TIME: 08 AM
Woh ladki aur ladka airport se bahar aate hain aur bahar aate hi ek gaadi mein baith kar nikal jaate hain.
Karib 1 ghanta travel karne ke baad, woh dono ek ghar ke saamne utarte hain aur andar chale jaate hain.
Jaisa hi bell bajta hai, andar se ek ladki darwaza kholti hai aur un dono ko dekh kar woh ladki un dono ko gale laga leti hai. Aur uss ladki ki aankhon se aansu nikalne lagte hain.
Ladka : "Kitna royoge aap, Ishita didi?"
Ladki : "Haan didi, chup ho jao, dekho hum sab phir se aa gaye hain ek saath..."
"Aagaye tum log," andar se ek ladka bolta hai.
"Andar aao," woh ladka phir bolta hai.
woh teeno ghar ke andar aa jaate hain aur Ishita un dono ke liye paani laati hai.
"Toh kaisa raha mission Mr. Bittu urf Agent Arceus aur Mrs. Ayesha urf Agent ACE?" Woh ladka bolta hai... (Ek muskurahat le kar apne chehre par)
"Bahut kharab, Rishab bhaiya," Ayesha .
"Kyu? Kya hua? Uss Christopher ka saath maza nahi aaya kya?" Rishab poochta hai.
"Rishab bhaiya, aap phir shuru ho gaye," Ayesha bolti hai aur Rishab ko maarne lagi.
"Maaf kar de, maaf kar de... Behan, warna main aaj hi khatam ho jaunga tera gusse se," Rishab .
Phir Ayesha sofa par apni jagah par baith gayi aur khilkhilakar hansne lagi... hihihihiiihiiihiii...
Ye dekh saare wahaan par baithe hansne lage...
Bittu : "Bhaiya, mujhe toh bahut maza aaya, sabko pakad pakad ke dhoya hai aur guns chalane mein jo maza aaya, aah, kya bataun..."
Rishab: "Haan, tujhe toh maza aayega hi kyunki woh tera baay haath ka khel hai. Aakhirkar tumne close range mein saari guns ko jo master karke rakha hai. Lekin Ayesha, tumhe maza kyun nahi aaya?"
Ayesha: "Kya bataun bhaiya aapko... Bahut aayaash insaan tha... Aur kamina bhi... Biwi ka hote hue bhi mujhe line deta raha hamesha aur kai baar toh mujhe bola ki chalo aaj raat mera saath guzaaro..."
"Waisa, bhaiya, aapka, Varsha aur Rick bhaiya ka mission kaisa gaya?"
Rishab: "Ham sabka bhi achha gaya hai, aakhri mein lafda ho gaya tha, warna toh ham South America mein mission ko kab ka khatam kar hi diya tha..."
Ayesha: "Aur Rohit bhaiya aur Ishita didi ka mission ka kya hua?"
Rishab: "Unka mission bhi successful ho gaya hai..."
Ishita: "Waisa Rishab bhaiya, aage kya karna hai?"
Rishab: "Aage ka toh boss ko hi pata hai... Waisa boss ne kaha hai ki secret base par jaana hoga mujhe... Wahaan par report submit karna hoga aur shayad boss humein apna next mission de..."
Bittu : "Kab? Jana hai aapko bhaiya..."
Rishab: "Kal ko."
Ayesha: "Okk, chalo... Waisa bhaiya, baaki saare log kahaan par hain?"
Rishab: "Rick ke kisi dost ka pita ji bimaar hai, isliye wahan gaya hai. Varsha apne school se kuch documents collect karne gayi hai. Rohit apni mausi ke ghar gaya hai..."
Ayesha: Okk, toh chalo... Aaj koi mall chala jaye jahan hum sab kuch shopping bhi kar lenge aur kuch kha bhi lenge.
Rishab: Haan, chalo... Mission ke dauran kahin nahi ja paa rahe hain, toh mission complete hone ke baad hi sahi... Chalo, aaj shaam ko sab shopping par chalte hain...
Okk, sabne kaha.
Phir Bittu apne room mein chala gaya aaram karne...
Ayesha, Ishita, aur Rishab teeno gappe lagane lage...
Karib shaam ko 6 baje, Ishita, Rishab, Ayesha, Bittu, aur Varsha nikal jaate hain shopping karne...
Phir sab ek shopping mall pahunch jaate hain...
Wahan sab shopping karne lagte hain...
Ishita aur Ayesha kuch dresses aur jewellery dekh rahi hoti hain...
Toh wahi Rishab, Bittu watches ka collection dekh raha hota hai, aur Varsha apne liye kuch makeup ka saman dekh rahi hoti hai...
Ayesha jewellery dekhte-dekhte uski nazar ek jhumka ke set par jaakar rukti hai...
Woh jhumka ka set dekhkar nahi pata kyun, Ayesha ki aankhon se aansu nikalne lagte hain, aur dil ki dhadkan bhi tez dhadakne lagti hai...
Tabhi Ayesha ke kandhe par Ishita apna haath rakhti hai, jisse Ayesha apni aankhon se nikal rahe aansuon ko rok leti hai...
Aur wapas normal ho jaati hai...
Ishita: Kya hua Ayesha?
Ayesha: Kuch nahi Ishita didi... Bhaiya, woh jhumka ka set dena toh...
Phir woh salesman woh jhumka ka set Ayesha ko deta hai...
Ishita: Waisa Ayesha, perfect choice hai teri...
Ayesha: Haan Ishita didi... Bhaiya, woh dusra wala set bhi dena toh...
Ishita: Waisa Ayesha, kiska liye pehnne wali hai tu, ya jhumka? Kahin koi pasand toh nahi aa gaya... (Smile ke saath)...
Ayesha: Are didi, aisi koi baat nahi hai... Pata nahi kyun, hamesha ye jhumka ka set dekh kar mujhe sukoon milta hai...
Ishita: Chal, chhod ye baatein... Chalo bill payment kar dete hain... Aur kuch lena hai kya tumhe?
Ayesha: Nahi didi,
Ishita: Chalo chalta hai...
Phir Ayesha aur Ishita ne bill payment kar diya aur shop se bahar nikal gayi... Aisa karte hi sab milkar restaurant mein jaake baith gaye...
Rishab: Bolo behno, kisko kya khana hai???
Ishita: Bhaiya, mujhe chicken curry, aloo gobi, dal fry, roti, gajar ka halwa, boondi raita, aur rice.
Ayesha: Bhaiya, mujhe kadai paneer, salad, jeera rice, shahi chicken, boondi raita, aur papad.
Varsha: Bhaiya, mera order hai vegetable curry, bitter gourd fry, amaranth stir-fry, steamed rice, kalakand, aur mutton curry.
Bittu: Bhai, mera order likho mutton curry, baingan bharta, kachumber salad, main epla with butter, aur gajar ka halwa...
Rishab: Mera order likho bhaiya dal makhani, kachumber, kalakand, naan, chicken kebab, vegetable curry.
Phir waiter sabhi ka order lekar aata hai... Aur table par serve kar deta hai...
Rishab: Waisa tum logo ka shopping ho gaya hai na?
Sab: Haan bhaiya, humne kar liya hai saara shopping...
Rishab: Okk... Toh kal subah... Mujhe jana hoga.
Sab: Okk bhaiya.
Phir sab apna apna khana khatam karte hain aur sab ghar aa jate hain aur apne apne room mein so jate hain.
------------------------------------------------------------
