- 8,584
- 19,753
- 189
Update.............92
Flashback.......02
Rajveer aur uske parivaar ki baat sun kar deepak jaldi se priyanka ke ghar chaley jaata hai.Flashback.......02
Ab aage...............
Idhar deepak jaldi se priyanka ke ghar jaata hai aur priyanka ko awaaz lagata hai,deepak ki awaaz sun kar ke priyanka bohot khush ho jaati hai usko lagta hai deepak ne rishte ke liye haa keh di hai isliye khushi ka izhaar karne aaya hai.wo jaldi se apnsy room se nikal kar nichey hall ki taraf bhaagti huyee aati hai aur sidha deepak ke paas aa jaati hai.Deepak............Priyanka uncle aur aunty pagal ho gaye hai kya jo tera rishta le kar mere ghar par aa gaye hai.unho ne na to tujh se kuch kaha na hi mujh se kuch kaha aur sidha rishta le kar aa gaye mere ghar par.
Priyanka deepak ki ye baat sun kar andaaza laga leti hai ke deepak ko khushi nhi huyee hai.
Priyanka...........Deepak tujhe khushi nhi huyee kya maa papa ke rishta le kar aaney se.
Deepak.........Khushi se zyaada hairaani huyee hai.wo mere ghar par tera rishta kaissy le kar aa sakte hai.hum dono dost hai aur marte dum Tak dost hi rahenge.hamari dosti itni gehri hai ke hum dono ke rishtey me na to pyaar aa sakta hai aur na hi nafrat.
Priyanka.............Deepak lekin meri side se to is rishte me pyaar aa gaya hai.kisi ne sach hi kaha tha ke kabhi ladka aur ladki dost nhi ho sakte hai aur mujhe ab tumhari dosti nhi pyaar chahiye.aur ye rishta mere kehne par hi maa papa aur daadi le kar gaye hai
Priyanka ke aisa kehte hi Deepak hairaan ho jaata hai.usko kuch samajh nhi aata hai ke kya kehna hai.
Priyanka.............Deepak jab se neha tumhare close aaney lagi thi tab se mujhe tum se pyaar honey laga tha.jis pyaar ko me dosti ab tak samajh rahi thi ab mujhe andaaza ho gaya hai ke wo dosti nhi pyaar tha.tumhari care karna,tumhari pasand ka khyaal rakhna ye to koi pyaar waala hi kar sakta hai na.neha ke tumhare karib aaney se mujhe aisa laga ke tum mujh se door jaa rahey ho.
Deepak............Priyanka me ne tum ko hamesha apna dost hi samjha hai aur aisa dost jo mere dukh aur sukh me shaamil rehta hai.plz priyanka tum jo keh rahi ho wo me nhi kar sakta hu.me neha se pyaar karta hu.aur us se alag ho kar ke me tumhare saath nhi aa sakta hu q ke hum ye rishte me khush nhi reh sakte hai.priyanka tum meri dost ho aur hamesha dost hi rehna aur me tum ko yakeen dilata hu koi bhi hamari dosti ke beech nhi aa sakta hai aur na hi neha bhi.
Priyanka............Deepak mujhe ab tumhara dost nhi mehboob banna hai.tum mere pyaar ko dosti ka naam mat do.me tumhari dosti ke sahare ab tak jiyee hu lekin ab tumhare pyaar ke saath marna hai mujhe.deepak agar tum nhi miley to mujhe nhi pata ke me ji bhi paungi ya nhi.jitna sacchi meri dosti thi utna hi saccha mera pyaar bhi hai.
Deepak........... Priyanka tum samajh q nhi rahi ho.abhi me jaa raha hu baad me tum se baat karunga tum ek baar phir se apne faisley par sochna q ke me neha se pyaar karta hu.
Itna kehte hi Deepak waha se chaley jaata hai aur priyanka idhar roney lagti hai.phir itne me rajveer aur uska parivaar bhi aa jaata hai aur priyanka ko rota hua dekh usko puchta hai.phir priyanka bhi sab bol deti hai sach sach jo bhi abhi deepak ne aa kar kaha tha.
Rajveer...........Priyanka tu fikr q karti hai teri shaadi sirf aur sirf deepak se hi hongi.tu tension lena band kar dey aur jaa kar shaadi ki tayyari kar.
Chanda............ha meri bacchi tu jaa kar shaadi ki tayyari kar,tere papa keh rahey hai na ke teri shaadi Deepak se hongi to shaadi teri ho kar rahengi.
Priyanka...........Thik hai dadi.
Phir priyanka apney room me chali jaati hai.
seema............ Rajveer aap kaissy deepak ko raazi karenge shaadi ke liye.
Rajveer...........me nhi ab uska parivaar usko khud raazi karenge.wo middle class parivaar hai aur yahi ek chance hai oopar uthne ka wo parivaar ke liye aur wo apney parivaar ki khushi ke liye priyanka se zarur shaadi karenga.aur agar shaadi ke liye raazi nhi hota hai to mujhe doosra raasta bhi aata hai.
Chanda.............mujhe to bas priyanka ko khush dekhna hai.rajveer tujhe jo karna hai kar lekin priyanka ki shaadi Deepak se honi hi chahiye.
Rajveer............ha maa.
Idhar deepak priyanka ke ghar se Nikal kar apney ghar aa jaata hai.idhar jaisey hi ghar aata hai to ajay aur rekha dono bhi deepak ko bithate hai aur poori kahani bata detey hai.
Rekha.............bhai aap priyanka se shaadi kar lijiye aap to dost bhi hai aur aap dono ki jodi bhi acchi rahengi.
Ajay............ha bhai aap shaadi kar lijiye uske baad mera number aayenga.swati ka baap bohot bada harami hai wo swati ki shaadi nhi to kisi aur jagah kar lenga.
Idhar deepak dono ko khush dekhta hai isliye ye nhi kehta hai ke usne priyanka se kya keh kar aaya hai.wo dono ka dil rakhne ke liye kehta hai.
Deepak............ha me priyanka se shaadi karunga ab tum dono jao.mujhe kuch aaram karna hai.
Deepak ki baat sun kar dono bhi khush ho jaate hai q ke unko pata chal gaya tha ke deepak ki shaadi honey se dono ki kitna faayda honey Waala hai.rekha ko shaadi ke baad raaniyo waali zindagi jini thi begair kaam kiye aur ajay ka status bhi badh jaata jis se swati ka baap vinod shaadi ke liye manaa nhi karta.idhar deepak soch me dooba hua tha ke poonam uske paas aati hai.
Poonam...........Kya hua deepak kya soch me ho.tum ne priyanka se baat ki hai kya
Deepak............bhabhi abhi hi baat kar ke aaya hu.wo meri dosti ko pyaar samajhne lagi hai aur uske hi kehne par uske maa baap ne rishta le kar aaye they.me usko samjha samjha kar thak gaya lekin wo meri baat samajh hi nhi rahi hai.me keh bhi raha hu mujhe neha se pyaar hai lekin kuch matlab nhi ho raha hai keh kar.ab aap bataiye bhabhi me kya karu.
Poonam..............Tu pehle bata tu kya chahta hai.
Deepak............. Bhabhi ye baat to pakki hao ke meri aur priyanka ki shaadi hoti hai to hum khush nhi rahenge q ke mujhe us se pyaar nhi hai.me uske liye jaan bhi de sakta hu lekin shaadi nhi kar sakta hu.aur shaadi honey ke baad rajveer uncle rekha,sunita ki shaadi acchey ghar me karne ka vaada kiya hai aur bhai ko bhi accha kaam denga lekin rajveer ki help leney se jo bhi maa papa ne hamare liye kiya hai usko to koi yaad hi nhi rakhenga.sab ko to yahi lagenga na ke Rajveer uncle ki wajah se hum oonchayee tak pohchey hai aur maa papa ne jo hamare liye kiya uska kuch matlab nhi honga.
Poonam............Deepak mujhe bhi yahi lag raha hai.mujhe tum teeno bhaiyo par poora bharosa hai ke tum apni behno ki shaadi ek acchey ghar me karonge.sunita to abhi scholarship ke liye shahar gayee hai to 2 saal tak to uski shaadi nhi ho sakti hai aur rekha ki shaadi bhi hum itne jaldi nhi kar sakte hai isliye tum teeno bhaiyo ke paas time hai uski shaadi karane ke liye.
Deepak...........ha bhabhi mujhe bhi yahi lagta hai.me ab poori tarah se confuse ho gaya hu.me neha se bohot pyaar karta hu aur us se door bhi nhi reh sakta hu.
poonam...........deepak tu agar khush rahenga tab hum sab bhi khush rahenge isliye faisla tujhe lena hai.tu aaram se soch lena,me to yahi chahungi ke tu neha se pyaar karta hai to us hi se shaadi kar lena
Deepak............thik hai bhabhi me soch kar jawaab deta hu.
Phir deepak waha se nikal kR neha ke paas jaata hai aur deepak ka chahra poora tarah se mayus dikhta hai neha ko to neha kehti hai.
Neha..............Kya hua deepak tum udaas lag rahey ho mujhe.
deepak.............kuch nhi hua hai neha.
neha............. Zarur kuch na kuch to baat hai jo tum chupa rahey ho.mujhe batane se shayed me kuch help kar doo tumhari deepak
Neha ki baato ko sunney ke baad deepak kuch sochta hai aur phir kehta hai jo aaj subah me hua aur phir priyanka ke saath jo bhi baat huyee wo kehta hai.
Deepak............Neha priyanka meri dosti ko pyaar samajh bethi hai aur mujh se shaadi ki Zidd karne lagi hai.ab me kya karu mujhe to kuch bhi samajh nhi aa raha hai.me hamesha se priyanka ko khush dekhna chahta hu lekin is khushi me uska saath nhi de sakta hu
Neha kuch sochti hai aur kehti hai.
Neha................deepak tum mujhe kab se jaante ho aur priyanka ko kab se jaante ho.
Deepak............ priyanka ko to bachpan se aur tumhe yahi 4 mahino se lekin tum q puch rahi ho.
Neha............ Deepak zindagi me ek hi rishta hai jo hum apni marzi se banate hai aur wo hai dosti ka.aur agar accha dost ho to hum kabhi bhi akeley nhi hotey hai.aur priyanka tumhari sab se acchi dost hai aur tum ko aisi dost ko khona nhi chahiye.tum ko priyanka se shaadi kar lena chahiye.
Deepak ye baat sun kar hairaan ho jaata hai.
Deepak.............Neha tum ye kya keh rahi ho.me priyanka se shaadi kar ke kavhi bhi khush nhi reh sakta hu aur jab me khush nhi rahunga to usko kaisey khush rakhunga.
Neha............. Deepak jaha tak mujhe pata hai tum ne priyanka ki hamesha khushi ko important di hai.tum ne kabhi bhi apni dosti ke dhaagey ko tootne nhi diya hai to ab q tod rahey ho tum.me nhi chahti ke meri wajah se tum dono ki dosti me daraar aa jaaye.aur ye socho tumhare is faisley se tumhari behno ki life bhi set ho jayengi.yahi moka bhi hai tumhare paas abhi behno aur apney ghar ki financial help karne ka.
Deepak............Neha lekin me ne tum se bhi kuch vaada kiya hu uska kya.hum ne shaadi karne ka vaada kiya tha uska kya.
Neha.............Deepak tum insaan ho bhagwaan nhi jo tum ko har vaada poora karna chahiye.aur me khud keh rahi hu tumhey.mujhe tum se pyaar hai aur me yahi chahti hu ke tum priyanka se shaadi kar lo.wo ek acchi ladki hai mujhe yakeen hai wo tum ko khush zarur rakhengi aur tumhe khush dekh kar me bhi khush rahungi.
Deepak.............lekin neha
Neha.............deepak ab tum ne kuch aur kaha to me tumhe kabhi bhi apna chehra nhi dikhaungi.agar tum mujh se pyaar karte ho aur mujhe khush dekhna chahte ho to tum ko priyanka se shaadi karni hongi.
Itna kehte hi neha waha se rotey huye chali jaati hai.aur deepak bhi udaas apney ghar par aa jaata hai.phir kuch khaas nhi hota aur shaam ho jaati hai.idhar ajay swati se milney jaata hai lekin uski khabar uske baap ko pata chal jaati hai aur wo phir se dono ko pakad leta hai aur ajay ko thappad maarta hai.
Vinod..............harami tujhe kaha na meri beti se door rehna.teri itni aukaat nhi hai ke meri beti se pyaar bhi kar sakey.
Ajay..............Uncle har kuttey ke din badalte hai aur mere bhi badalney waaley hai.rajveer uncle ki beti priyanka ki shaadi mere bhai se honey waali hai phir dekhna meri aukaat tum se bhi badh jayengi.
Jaisey hi Vinod ye baat sunna hai to hairaan ho jaata hai.
Vinod.............Ye tum sach keh rahey ho ya jhooth.
Ajay.............Jaa kar kisi se bhi puch lo ab to ye baat sab ko pata chal gayee hongi aur shaadi ki taiyari bhi shuru honey wali hai
Itna kehte hi Vinod waha se chaley gaya q ke wo ab chahta tha ke vinod usko maska lagaye.vinod ne ajay ko kahi baar awaaz lagayee lekin usne suna nhi aur chaltey bana.ghar pohoch kar sab ne khana khaya aut apney apney room me aa gaye.deepak ko to neend nhi aa rahi thi aur yaha Rohit poonam se kehta hai.
Rohit............Poonam deepak se baat karo aur ye shaadi ke liye usko manao.wo tumhaei baat ko kabhi bhi manaa nhi karta hai.
Poonam............Rohit deepak kisi aur se pyaar karta hai.
Rohit..............Aaj kal pyaar to fashion sa ho gaya hai.kahi bhi kabhi bhi kisi ko bhi ho jaata hai.priyanka to deepak ki bachpan ki dost hai aur dono ek doosre ko acchi tarah se jaante bhi hai aur dono ki jodi acchi bhi rahengi isliye deepak priyanka se shaadi karey to accha hi ho jayenga.sunita aur rekha ki shaadi bhi acchi jagah ho jayengi aur mujhe bhi support mil jayenga rajveer uncle ka.sirf mehnat nhi balkey kismat bhi acchi honi chahiyr aur deepak ayr priyanka ki shaadi honey se hum sab ki kismat bhi badal jayengi.hum sab set ho jayenge apni life me isliye deepak se baat kar ke dekho tum.
Poonam.............Thik hai
Phir sab so jaate hai aur phir subah ho jaati hai aur subah subah hi Deepak priyanka ke ghar chaley jaata hai jaha par chanda,rajveer,seema aur Rajvansh rehte hai.sab deepak ko dekh kar khush ho jaate hai.
Chanda............Arey deepak beta aao na betho.
Phir deepak beth jaata hai aur kehta hai.
Deepak.............mujhe aap sab se kuch baat karni hao.
Rajveer............ha kaho na deepak
Deepak.............me priyanka se shaadi karne ke liye raazi hu.
Jaisey hi Deepak ye baat kehta hai sab ke sab khush ho jaate hai aur ek doosre ke galey lag jaate hai.phir deepak kehta hai.
Deepak.............ek aur baat mujhe aap se kehni hai.
Chanda.........ha kaho na
Deepak.............Shaadi honey ke baad rajveer uncle aap hamare ghar ke maamley me interfere nhi karonge.aap ne jo bhi kal kaha tha na ke rekha aur sunita ki shaadi ,rohit bhai ko aap support karonge wo sab aap kuch nhi karenge.jaisey doosre samdhi rehte hai waisey hi aap bhi rahonge.
Rajveer.............Q deepak hum tum par koi ehsaan nhi kar rahey hai.tum hamare damaad honge to ye hamara farz banta hai karne ka.
Deepak.............ye farz nhi sauda hai.me ye shaadi apney ghar ki iccha poori karne ke liye nhi karna chahta hu.mujhe mere aur apney dono bhaiyo par poora bharosa hao ke hum apni behno ki shaadi ek acchey ghar me kar sakte hai.hamein kisi ki help ki koi zarurat nhi hai.
Ye baat sun kar sab khush ho jaate hai aur deepak ki image aur bhi acchi ho jaati hai.
Rajveer............Deepak hum ko tumhare hi jaisa damaad chahiye tha jo khuddar ho aur self independent ho.
Seema..............Deepak lekin neha ka kya honga.shaadi ke baad tum neha se koi rishta nhi rakh sakte ho.
Deepak.............aap neha ki tension mat lo wo kabhi hamare beech nhi aayengi.usko jab pata chala to wo khud mujh se alag ho gayee thi aur usne khud is rishte ke liye mujhe haa kehne kaha hai.
Rajveer..............Deepak tum neha se nhi milonge aur meri help bhi nhi lena chahte ho aur tum ko to priyanka se pyaar bhi nhi hai to phir tum ye shaadi q karna chahte ho.
Deepak............Shaadi sirf me priyanka ki dosti ke liye karna chahta hu.bachpan se me ne usko har wakt khush rakhna chaha hai aur agar uski khushi mere saath me rehne par hao to mujhe kuch aur nhi chahiye.me ne usko dil se dost maana hu aur dosti ke dharm ke liye me ye shaadi karne ke liye maan gaya hu.
Ghar waaley to khush they q ke priyanka jo khush rehne waali thi mere saath shaadi kar ke isliye unho ne kuch nhi kaha
Deepak...........Aur shaadi kal ke kal hi hongi mandir me.
Rajveer..............kal ke kal kaisey ho sakti hai.chanda ke poti ki shaadi hai to dhoom dhaam se shaadi honi chahiye.poore goan ko pata chalni chahiye ke chanda ke poti ki shaadi hai.
Deepak.............hamari itni aukaat nhi hai abhi ke hum dhoom dhaam se shaadi karey.hum ko apni behno ki bhi shaadi karani hai.agar aap ko manzur hai to bolo.
Chanda............hum ko manzur hai hum to bas tumhari aur priyanka ki shaadi karana chahte hai.dhoom dhaam se ho ya simple hum ko us se fark nhi padhta hai.hum dopahar me tumhari shaadi fix kar detey hai
Itna kehte hi me waha se chaley gaya aur apney ghar aa gaya aur ghar waalo ko ye baat bata diya jisey sun kar sab khush they lekin poonam bhabhi zyaada khush nhi dikh rahi thi.idhar sunita ghar nhi aa sakti thi q ke wo shahar me scholarship ke liye gayee thi aur ab rajveer ne sab goan me bata diya tha ke deepak aur priyanka ki shaadi honey waali hai.deepak ki taraf se zyaada tayyari nhi huyee thi lekin priyanka ki taraf se acchi khaasi tayyari thi.priyanka khush bhi bohot thi.phir kuch khaas nhi hua aur din dhal gaya aur ek naye sawere ka aaghaz ho gaya.
Aaj deepak ki shaadi aur priyanka ki shaadi thi.shaadi me sirf ghar ke log aur shraddha,aakash aur anil ko invite kiya gaya tha deepak ki taraf se.idhar chanda aur seema priyanka ko tayyar kar rahi thi tabhi chanda ne kaha.
Chanda.............Priyanka tu to bohot khoobsurat lag rahi hai.
Seema.............meri beti ko kisi ki nazar na lagey aur tu hamesha khush rahey.
Priyanka............maa aur dadi aap dono bhi deepak ki behno ke liye acchey ladke dhoondhna aur jis se dono bhi shaadi karna chahti hai us hi karne dena dono ko bhi.
Chanda............Aisa nhi ho sakta hai priyanka.kal deepak ne aa kar kaha tha ke hum uske ghar ke kisi bhi matter me involve nhi honge.teeno bhaiyo apni behan ki shaadi khud kar sakte hai.aur itna hi nhi Rohit ko aagey badhane me bhi koi help nhi karni hao.
priyanka.............dadi phir deepak shaadi ke liye raazi kaisey ho gaya.wo to kal tak raazi nhi tha.aap logo ne deepak ko blackmail kar ke to haa kehne ko nhi bola hai na.
Seema.............arey nhi priyanka ye faisla khud deepak ka tha aur neha ne usey ha kehne bola tha.wo tum dosti ke beech nhi aani chah rahi thi aur us hi ne deepak ko shaadi ke liye ha kehne kaha hai.
Priyanka ye baat sun kar hairaan ho jaati hai ke neha apna pyaar bhula kar deepak ko mujhe sounp rahi hai.
Seema.............aur itna hi nhi deepak teri aankho me aansu nhi dekh sakta isliye shaadi ke liye raazi hua hai.hum ne usko kabhi bhi force nhi kiya hai
Chanda.............priyanka shaadi ke baad aaj ki raat teri suhagraat hai aur suhagraat me hi Deepak par aisa jaadu karna ke wo sirf aur sirf tumhara ho jaaye aur tum se dosti ko bhool kar sirf pyaar karey.
Idhar priyanka ye baat sun kar shocked ho jaati hai ke uski khushi ke liye deepak aur neha dono ne apney pyaar ko sacrifice kiya hai.
usko apney oopar bohot gussa aata hai ke meri wajah se dono alag ho rahey hai.neha ne apne pyaar ko sacrifice kar ke mere liye chuna deepak ko.ye baat usko bechain kar rahi thi.
Priyanka............Maa aur dadi mujhe abhi deepak se baat karna hai
Chanda.............abhi kya baat karna hai jo bhi karna shaadi ke baad kar lena.abhi 4 ghante me waisey bhi shaadi honey waali hai na teri.aur shaadi waale din ladki ghar se bahar nhi nikalti hai.
Priyanka............dadi kisi ko kuch nhi pata chalenga.me agar deepak se nhi mili to mujhe chain nhi milenga.
Chanda.............Thik hai tu phir jaa aur mil kar aa jaana aur chehra dhak ke jaana.
Priyanka............thik hai dadi
Phir priyanka apney chehre ko dupatta se dhak leti hai idhar rajveer, Rajvansh shaadi ki tayyari me busy rehte hai aur ghar se bahar rehte hai.priyanka jaldi se ghar se nikalti hai aur kisi ke zariye deepak ko bahar bulati hai
Deepak ..............Priyanka kya hua hai abhi q bulaya hai tum ne.
Priyanka........... Deepak abhi kuch bhi mat kaho aur abhi mere saath mandir me chalo.
Deepak...........lekin shaadi me to 4 ghante baaki bachey hai na
Priyanka............me ne boli na mujhe abhi kisi bhi baat ka jawaab nhi dena hai.akash, shraddha aur anil bhi mandir me aa gaye honge.
Idhar zabardasti priyanka deepak ko apney saath le jaati hai mandir me aur jab dono mandir pohochte hai to waha par neha bhi aa jaati hai aur neha ko dekh kar deepak kehta hai
Deepak.............Neha tum yaha kya kar rahi ho
Neha.............mujhe priyanka ne yaha bulaya hai.priyanka ke yaha ka koi nokar aaya tha mujhe bulane ke liye.
Deepak............Priyanka ab bataungi ye sab kya chal raha hai tum ne hum ko yaha q bulaya hai.
Priyanka.............mujhe sab sach pata chal gaya hai ke deepak tum ne shaadi ke liye q haa kaha hai.tum meri dosti ke liye apney pyaar ko sacrifice kar rahey they aur neha bhi mere liye apney pyaar ko sacrifice kar rahi thi.mujhe ab sab sach pata chal gaya hai.deepak ab meri nhi tumhari aur neha ki shaadi hongi.
Deepak.............Priyanka ye sab kya hai abhi.ab aisa kuch nhi ho sakta hai.me tum se hi shaadi karunga.tum ko agar me pasand hu aur tumhari khushi mujh se shaadi karne me hai to me ye shaadi karne ke liye raazi hu.
Priyanka.............Deepak tum ne hamesha mujhe khush rakha hai aur aaj mera ye haq banta hai ke me tumhari khushi ko poori karne me madad karu.tum ko kya laga tum hi sirf dosti nibha sakte ho me nhi.ab tum dono ki shaadi me karaungi.
Neha............. Priyanka lekin tum deepak se pyaar karti ho.
Priyanka...........ha karti hu aur karti rahungi lekin iska matlab ye nhi hai ke me tumhara pyaar chin lu neha.deepak meri jaan hai
Deepak............nhi aisa nhi ho sakta hai.tum mere begair kaisey rahongi me tum se hi shaadi karunga.
Priyanka..........deepak ab agar tum ne aur kuch bhi kaha to me apni jaan de doongi.tum ne meri hamesha baat maani hai aur ab ye baat bhi manni hongi.tum ko abhi ke abhi neha se shaadi karni hongi agar abhi nhi huyee to yaad rakhna iske baad tum dono ki shaadi hona mushkil hai q ke mere papa nhi honey denge.meri khushi tumhare saath rehne me hai isliye wo tumhey kisi aur ka honey nhi denge.
Deepak............lekin shaadi ke baad hum kya kahenge.
Priyanka............kuch nhi kehna me dadi ko sab sach bata doongi aur ye bhi bata doongi ke meri marzi se tum dono shaadi kar rahey ho.isliye ab tum dono shaadi karo jaldi se.
Deepak.............thik hai
Dono jab raazi hotey hai to priyanka jaaney lagti hao to neha kehti hai.
Neha.............Priyanka shaadi ke liye nhi rukongi kya.
Priyanka..........nhi neha mera dil tumhari tarah mazbut nhi hai.tum dono ki shaadi hota dekh kya pata mere dil phir se badal jaaye isliye me yaha se jaa rahi hu.
Itne me priyanka waha se chali jaati hai aur dono mandir me shaadi kar letey hai aur mandir me darshan karne aaye huye log dekh letey hai ke yaha par deepak aur priyanka ki nhi balkey deepak aur neha ki shaadi ho rahi hai.aur ye baat kisi tarah rajveer aur Rajvansh ke kaano par bhi aa jaati hai.idhar priyanka ghar pohochti hai to chanda nichey hall me hi mil jaati hai aur priyanka ka rota hua chehra dekh kar chanda kehti hai.
Chanda............Kya hua priyanka tu ro q rahi hai.aur itna time q laga deepak ne tujhe kuch kaha kya.
Priyanka........(rotey huye) nhi dadi usne kuch nhi kaha balkey me us se keh kar aayee hu.dadi aap kehti thi na deepak ne hamesha dosti ka dharm poora kiya hai aaj me ne bhi apni dosti ka jo haq hao wo poora kar ke aayee hu.
Chanda.............Me kuch samjhi nhi tu kya keh rahi hai.
Priyanka.............Dadi me ne deepak aur neha ki shaadi kara di hu.
Ye baat sun kar ke chanda poori tarah se hil jaati hai.
priyanka............Dadi me ne apni khushi se deepak aur neha ki shaadi kara di hu.ab aap ko kisi bhi tarah se papa ko manana honga aur unko kehna honga ke priyanka ne deepak aur neha ki shaadi karayee hai na ke dono ne apni marzi se ki hai.
Chanda.............Lekin tu to deepak se pyaar karti hai na to tu uske begair kaisey jiyengi kabhi ye socha hai kya.
Priyanka.............dadi yahi baat deepak ne bhi mujh se kahi thi ke me uske begair kaisey jiyungi,me uske begair ji nhi sakti hu dadi lekin uske begair mar to sakti hu na.
Itna kehti hu priyanka ne apne blouse ke andar haath daal kar apna purse nikala aur usme se blade nikaal kar ke apnsy haatho ki nas ko kaat daala.jaisey hi priyanka ke haatho ki nas se khoon nikalney laga to chanda ne zor se chillaya aur itna zor se chillaya ke uski awaaz bahar tak sunayee di aur Rajveer aur Rajvansh bahar se andar aaney lagey awaaz sun kar ke aur idhar priyanka ki maa seema bhi apney room se nichey aaney lagi.idhar priyanka sidha zameen par gir gayee ye dekh kar ke chanda ko heart attack aa gaya,pehle se wo 60 saal ki budhiya thi aur apni poti ko is condition me dekh kar usko heart attack aa gaya.idhar seema apney room se sidhiyo se nichey aaney lagi aur jaisey hi uske aankho ke saamney priyanka jo zameen par gir gayee thi aur haath se khoon beh raha tha aur uski saas chanda wo bhi zameen par gir gayee thi,dono ko aisi condition me dekh kar wo bhi besudh ho gayee aur fatafat nichey aaney ki wajah se uska pair sidhiyo se phisal gaya aur wo bhi staircase se nichey girte huye aa gayee aur jab wo nichey aayee to uske sir se khoon behne laga aur wo bhi sidha behosh ho gayee.
Idhar rajveer aur Rajvansh jaisey hi andar aaye to dono bhi shocked ho gaye.unki ghar ki teeno important ladies zameen par gir gayee thi aur marne ki halat me they.
Next.............Final flashback
Friends aap ko update kaisa laga comment section me zarur batana.
