on Page 
No. 361-362
Previous Update on Page No.
Update #18
Scene#03
Sundarpur Gaon mein subha se abhi tak kiya kiya hua eske bare mein toh kaafi kuch jaan liya humne, waise toh abhi barish k es din mein kamukta ki ye varsha band nahi hui hai.. par abhi hum milkar thoda sa aage chalte hai yani esi din mein aage waha tak, jabtak ye pura Gaon raat k andhere mein dhub nahi jaata
Raat k kareeb 11:15 ho rahe honge, Sundarpur puri raat shant nazar aa raha tha.. par barish ab bhi band nahi hui thi, ha ab usme pehle jaisi raftaar nahi bachi thi par wo ab bhi apni fuhar se Gaon ki garmi ko shant karne ka karya kar rahi thi
Waise toh thand ka khubsurat mausam yaha ab bhi chal hi raha tha aise mein aaj hui es ghanghor barish ne pure Gaon ki thand ko kai guna bada diya tha.. par eske baad bhi koi aisa bhi tha jo raat k andhere ka fayda uthate hue dhire dhire Sundarpur Gaon k us rahasyamay jungle ki aur bade ja raha tha jaha log din mein bhi jana pasand nahi karte
Aur agar kisi karan unhe waha jana bhi pada toh galti se bhi Jungle k jada andar jane ki galti nahi karte
Par ye Insaan kuch toh alag tha qki uski raftaar aur jis prakar se wo chupte hue aage bad raha tha, usse toh yahi lag raha tha ki uska gantavya Jungle nahi apitu uske andar kahi kisi esthan pe hai
Barish ki us tez fuhar se wo puri tarah bheeg chuka tha uske jism pe neeche jaha Jeans thi toh wahi uper uske ek chamde ki kaali jacket pehni hui thi jo use na sirf us thand se bacha rahi thi balki use us adhere mein vileen bhi kar rahi thi
Jaldi hi wo Jungle k andhar pravesh kar chuka tha, uska har ek kadam bilkul sadha hua aur napa tula tha.. wo es baat ka pura dhiyan rakh raha tha ki uske karan ek halki si bhi aawaz utpann na, warna sayad kisi ko uske waha hone ka gyan ho sakta tha
Wo jis prakar chupte hue aage bad raha tha usse ek baat toh pakki thi ki wo aise kaamo mein mahir hai, aur jaldi hi wo raat k andhere mein Jungle k kaafi andhar tak aa chuka tha.. kaale saaye mein ghira hua wo jungle puri tarah ek ajeeb sa dar ka mahole khud mein basaye hue tha aur aise gupt andhere mein bhi wo inshan bina kisi roshni k dhire dhire aage badta hi ja raha tha
Tabhi use ehsaas hota hai ki ek baar phir se barish ne apni gati pakadni suru kar di hai, wo wahi ek paid k pass ruk k apni jacket k andar apna hath dalta hai aur agle hi pal uske hath mein ek choti par mehngi daru ki bottle thi.. bina koi samay vyarth kiye wo uska ek ghut apne gale se neeche utar leta hai
"Aahhhh.. kahi itni raat ko es jungle mein aane ka mera faisla galat toh nahi ?"
Wo khud se ye kehta hai aur us bottle mein bhari daru ka ek aur ghunt bharne k baad use wapas apni jacket mein andar ki pocket mein rakh leta hai.. aur phir uske baad wo apne dahine haat mein uper ki taraf kisi cheez ko chu k uski estithi ka eshaas leta hai
"Sab theek hai"
Wo ek lambi si saans bharta hai aur charo taraf faile us kaale andhere mein kuch dekhne ki koshish karne k baad wo aage badte hue dhire se apni jeans ki pocket se ek plastic mein rakha hua phone nikalta hai jiski screen pe ab raat k 11:40 ho chuke thay
Wo wapas se apne phone ko yatha estithi mein rakhta hai aur ek aakhiri baar khud se kehta hai
"Chal Rocky.. aaj pata kar hi lete hai, kiya hai es Jungle ka raaz ?'
Aur ek baar phir se uske kadmo ki raftar bad chalti hai, par kiya mazal ki uske pairon se jara si bhi aawaz utpann ho rahi ho, aisa lag raha tha jaise koi shikari apne sikhar pe aage bad raha hai
Waise ap batane ki jarurat toh hai nahi ki ye aur koi nahi apitu Rocky hai
Ummid hai aapko ye yaad hoga
Rocky jaise jaise aage bad raha tha Jungle aur jada ghana aur andhere mein dubta chala ja raha tha.. wahi barish ne ek baar phir se subha waali raftaar pakad li thi
kareeb 20 min aur andhar chalne k baad ab wo Jungle k madhya tak aa chuka tha jaha uske chehre pe muskaan tab khilti hai jab wo kahi dur dhimi si aati hui ek halki si roshni ko dekhta hai
"Mera saq sahi tha, kuch toh hai kahani es Jungle ki"
Rocky ab puri savdhani se dhire dhire aage bad raha tha.. waise toh barish apni puri raftaar pakad chuki thi, par wo bhi uske badte hue kadamo ko rok nahi pa rahi thi
Tez barish mein Jungle k vishal ped apni daaliyon se aasmaan ko chhoo rahe the,
toh wahi Barish ki boondein pedon ki patton pe girte hue ek madhur sangeet baja rahi thi
Raat k andhere mein jungle k pedo k beech behti hui hawa kaafi thandi thi aur usme mitti ki geeli khushboo ki sugandh ghuli hui thi, Rocky dabe paon aage bad raha tha ki tabhi dur kahin ek jaanwar ki ghurrahat sunayi padti hai, jo shayad ek seeyar ka swar tha
Rocky ab dhire dhire us roshni ki aur dabe paaon aage bad raha tha, uska pura sarir barish k karan bheeg chuka tha.. uski us kaali Jacket k andar ki safed T-Shirt puri tarah uski chaudi chhati se chipki hui thi jo uski mardangi ka saboot ban rahi thi
Rocky ek pal k liye apni jagah pe rukta hai aur ek baar phir se apne dahine hath k uper ki tarah dusre hath se kuch chu k uska ehsaas leta hai aur phir dhire se wo aage bad chalta hai, ab wo Roshani kaafi pass aati ja rahi thi
Tabhi barish aur us raat k andhere k beech us sannate ko chirti hui ek aawaz uske kaano mein padti hai.. jisse Rocky k kadam wahi k wahi ruk jaate hai, wo aawaz shayad usi seeyar ki thi
Rocky apna safar wapas se suru karta hai tabhi use Jungle k beech ek maidan jaisi jagah mein ek chote se talab k pass ek alishan ghar nazar aata hai.. use toh apni aankhon pe yakeen hi nahi hota ki Jungle k itne andhar aisa kuch banana mumkin bhi kaise ho sakta hai, par tabhi uska jism puri tarah sansana sa jaata hai qki use us ghar k theek bahar kaaliya nazar aata hai jo beedi peete hue ghar k mukhya darwaje pe pehra de raha tha
"Thakur ka ye Kutta yaha kaise.. "
Rocky khud se hi sawal karta hai, par waha Kaaliya ko dekh uske man mein kotuhal aur jada bad chuki thi ki aakhir baat kiya hai ?
Waise Rocky abhi bhi us ghar se kaafi dur tha par us eklaute ghar ki roshni k karan use sab saaf nazar aa raha tha, waise bhi raat k andhere mein halki roshni bhi kaafi hoti hai, yaha toh ek pura ghar roshan hua pada tha
Barish ab bhi apni puri raftaar se ho rahi thi.. aur aisa lag raha tha maano wo apni raftaar ko badati hi ja rahi ho, Rocky samne se aage nahi bad sakta tha esliye usne apni disha badal li qki ab wo us ghar k pichle hisse ki aur jane ka faisla kar chuka tha
Rocky apne sadhe kadmo se ab jungle mein ghoomta hua piche ki aur chal pada tha, uska uddesh tha ki wo kisi prakar us ghar mein andar pravesh kar sake.. warna kam se kam ye toh jaan hi sake ki waha andhar chal kiya raha hai
Jaldi hi Rocky ghar k pichle hisse mein aa chuka tha par ab bhi usne kaafi duri bana rakhi thi, wo pehle ache se pakka kar lena cha raha tha ki waha us Kaaliya k alawa aur koi toh nahi hai
Use ache se yaad tha ki jab pichle baar uski bhait us kaaliya se hui thi toh kitni muskil se wo waha se nikal paaya tha.. aur agar aaj phir se kaaliya ne use waha pakad liya toh uski sachai samne aa sakti hai
[ Agar aapne Kaaliya aur Rocky k bare mein nahi pada hai toh aap
Part 02, Update 13 pad sakte hai
Post in thread 'मालती का कामुक संसार (Adultery Upanyas)' https://xforum.live/threads/मालती-का-कामुक-संसार-adultery-upanyas.155536/post-10394887 ]
Rocky charo taraf dekhte hue ab dhire se us ghar ki aur pehla hi kadam aage badata hai ki tabhi uske sarir mein bijli si daud padti hai qki use aage ek paid k sahare ek aadmi khada hua nazar aata hai, wo bina samay vyarth kiye jaldi se wahi bagal wale paid k peeche ho jaata hai
"Behenchod ese toh dekha hi nahi tha"
Rocky apni badti hui saanson ko kabu karte hue dheere se apna sar aage karke us aadmi ki taraf dekhta hai aur jaise hi uski nazar sahi se us aadmi pe padti hai wo buri tarah chauk sa jaat hai
Qki us aadmi ke haath mein ek Automatic Machine Gun thami hui thi, jispe barish ki tez bundhe gir rahi thi aur pure drishya ko aur khatarnak bana rahi thi
Rocky ko ache se yaad tha ki pichle baar jab wo us Kaaliya se mila tha tab uske pass bas ek desi do-naali banduk hi thi.. phir aaj achanak aisa hatiyar kaise ?
Rocky us aadmi ko dekhne ki koshish karta hai par wo uska chehra nahi dekh paata qki uska aadha sarir us paid ki aad mein chupa hua tha
"Ye kaise sambhav hai ?,
Aise chhote se gaon mein ek jungle k andar kisi ko aise hatiyar ki zarurat kyun padegi?
Aur usse bada sawal ye hai ki es Gaon mein aise adhunik hatiyar aaye kaha se ?"
Rocky k dimag mein tufan umadne laga tha, wo ek lambi saans lete hue wapas se apne dahine hath k uper kisi cheez ko chu k uska aabhas karta hai aur man hi man khud se kehta hai
'Agar pehle pata hota toh puri tayyari se aata ?
Waise ye asan nahi hoga aise adhunik hatiyar-dhari se samna karna ?
Aakhir Saala chal kiya raha hai es Gaon mein ?'
Tabhi Rocky dekhta hai ki wo aadmi apni jagah se hilta hai aur us ghar ki aur chal padta hai, dekhte hi dekhte wo ghar k bilkul peeche pahuch chuka tha aur wahi diwar ko taik laga k neeche baith jata hai, usne apni bandook ko wahi apne pass rakh liya tha aur wo apni aankhon ko band kar chuka tha
Sayad wo khade khade thak chuka tha, esliye thoda aaram karne laga tha.. waise wo es samay us ghar ki pichli diwar k sahare baitha hua tha jis karan sayad wo barish se bhi kuch bach raha hoga, par Rocky us jagah se dur tha aur beeche mein kaafi ghane paid bhi aa rahe thay esliye wo kuch bhi pakke taur pe nahi keh sakta tha
Rocky ek pal k liye aage badne ki sochta hai par phir khud hi kehne lagta hai
"Abhi aur aage badna khatre se khali nahi lag raha hai. par phir aisi thand mein Jungle k itna andar aane ka laabh hi kiya hoga ?"
Rocky ka ek man use aage badne k liye bol bhi raha tha, wahi dusra man use rok bhi raha tha qki wo ache se janta tha ki khatra bada hai
Rocky abhi apne man me chal rahi udherbun mein uljha hi hua tha ki tabhi barf jaisi koi thandi cheez theek uske peeche uski gardan se aake chuti hai, aur uske sath sath ek sard sabd bhi uske kaano mein ghul se jaate hai
"Kon be saale… kya kar raha hai?"
Rocky ne apni taraf se puri satarkta rakhi thi, esliye use aisi kisi cheez ki tanik bhi ummid nahi thi, uska pura sarir ke pal k liiye kaanp sa gaya tha, jo kanpkapi use es thande mausam mein barish mein bheegne k karan honi chahiye thi wo ab use mehsus hui thi
Rocky samajh chuka tha ki wo buri estithi mein fas chuka hai par aise haal mein bhi uska dimag tezi se chal raha tha, wo sabse pehle dur us ghar k peeche baithe aadmi ki aur dekhta hai jo sayad ab so raha tha aur barish ki tez shor k karan use abhi tak kuch sunai nahi pada tha
Yani abhi k liye khatra sirf ek taraf se tha.. par agar usne jaldi kuch nahi kiya toh ye khatra kai guna bad jayega
Tabhi phir se uske kaano mein wahi khurduri aawaz padti hai
"Madarchod bolega.. kiya kar raha hai yaha ?"
Rocky apne aap ko shant rakhte hue kisi bheegi billi sa kaanpna suru kar deta hai aur maano gidgidate hue kehta hai
"Bhaiya.. main na.. wo.. wo"
"Saale kiya wo wo laga raha hai, sidha sidha jawab de ?
Kon hai be tu.. kiya kar raha hai yaha, Police wala hai ?"
Police ki baat sunte hai, Rocky ka pura sarir jhurjhuri si kha jaata hai, wo haklate hue
"Police.. kaisi.. kaisi baat karte hai Bhaiya, main toh
Wo… main… wo ek Photographer hoon"
Uske peeche khada aadmi uski gardan se hata k uske sar pe us thandi cheez ko lagate hue
"Madarchod chutiya samjha hai, itne andhere mein teri Amma chud rahi hai kiya ?
Jo yaha Photo nikalne aaya hai ?"
Rocky ek pal k liye ghusse se apni mutthi bhich leta hai par wo apni estithi janta tha, esliye shant man se kehta hai
"Main sach keh raha hu Bhaiya.. main toh es Gaon ka bhi nahi hu"
Uske peeche khada aadmi haste hue kehta hai
"Teri ek yahi baat sachi lagti hai, qki agar tu es Gaon ka hota toh teri Gand mein itna dum nahi hota ki tu akele itni raat ko jungle mein itni andar tak aata
Chal ab sach sach bata.. Madarchod tu hai kon ?"
Rocky apni aawaz mein dar gholte hue, aur aise apni baat kehta hai jaise dar se uska bura haal ho
"Main sach keh raha hu Bhaiya"
"Behenchod tu aise sach nahi bolega, tujhe Kaaliya Bhai si sudharenge.. chal edhar mud"
Rocky ne jaise hi Kaaliya ka naam suna use samajhte dair nahi lagi ki yaha maujud in logo ka sardar sayad wahi hai, par wo ye bhi janta tha ki agar aaj phir se wo Kaaliya k samne aaya toh uska sach bahar aane se koi nahi rok sakta
Rocky dheere se apne dono haath jode hue lagbhag kaanpte hue uski aur mudna suru kar deta hai aur jaldi hi wo puri tarah uski aur mud chuka tha, par ab bhi uska sar aise jhuka hua tha maano wo dar k mare kahi mut na de
"Madarchod.. teri toh abhi se Gand phat rahi hai"
Wo Aadmi rocky ko uper se neeche tak dekhte hue has padta hai
Rocky ka pura jism maano dar se kaanp raha ho, use dekh k koi ye nahi keh sakta hai ki wo ek Police wala hai.. Rocky bhi vinti bhari awaaz mein dhire se bolta hai
"Bhaiya… Main sach mein photographer hoon… mujhe dar lag raha hai… yeh bandook hata lijiye na.."
Rocky ki nazrein jhuki hui thi, par us bechare bandook dhari ko kiya pata ki Rocky ka dimag ek yojana bana raha hai, barish ki boondein uske chehre pe joro se gir rahi thi aur jungle ke sannate mein ek dheemi si kisi siyar ki wo pukar us pure vatavaran ko aur darawana bana rahi thi
Rocky k dimag mein ek sath kai baaten chal rahi thi.. Kaaliya, wo Adhunik bandook wala aur ab ye
"Chal pe jara Chehra toh dikha, dekhu toh kon hai jiski gand mein keede hai raat mein Jungle aane ka ?"
Rocky apne aap ko tayyar karte hue dhire se apna Chehra uper karta hai aur wo jaise hi us aadmi ko dekhta hai uski aankhen badi hone lagti hai aur wo apne dimag pe jor dete hue khud se kehta hai
"Ye Chehra.. kiya ye sach mein wahi hai ?"
Rocky dekhta hai ki uske samne khada wo aadmi kareeb 40-42 saal ka hoga, par dekhne se hi koi bada gunda aur ghinone chehra wala inshan lag raha tha
Rocky man hi man
'Ye Pakka wahi hai.. par ye yaha kaise ?'
Rocky us chehre ko dekhta hai toh uske dimag mein ek hi naam ghunjta hai
'Chilla'
Wahi wo Aadmi jo Rocky k hisab se Chilla tha wo Rocky ko upar se neeche tak dekhta hai aur ek gandi hasi k sath aage kehta hai
"Q be.. Gand phat rahi hai"
Aur ye bolte hi khud hi hasne lagta hai, par uski nazren Rocky k sarir pe uper se neeche tak ghumne lagi thi, maano jaise wo Rocky ko scan kar raha ho
"Aaj toh Kaaliya k maze hai, tera jaisa launda toh uski kamjori hai"
Chilla, Rocky ko dekhte hue haste hue apni baat kehta hi hai ki achanak se uski hasi gayab hone lagti hai.. qki Rocky k dare hue chehre pe ek halki si muskaan khilne lagti hai, jise dekh ke Chilla asamanjas mein pad jata hai
"Kya be.. kya soch raha hai?"
Chilla gusse se es baar apni aawaz ko thoda tez hi kar paya tha ki achanak se uski aawaz dabti chali jaati hai aur uske munh se ghuti ghuti aawaz bahar aane lagti hai.. maano achanak se sab kuch badal gaya tha
Qki Rocky ne tay kar liya tha ki use ab kiya karna hai, aur Chilla k es baar kuch bolte hi Rocky apne dahina haath ko ek jhatka sa diya tha, jisse ek pal k liye Chilla ko uski jacket k hath wale hisse pe kuch halchal si dikhai padti hai.. aur es beech use ek pal k liye aisa laga tha jaise koi Chamkili dhaar daar cheez achanak se Rocky k hath mein aa gayi ho
Aur usi cheez ne uske sabdo ko shant kar diya tha, qki jab tak Chilla us sab ko samaj paata Rocky ka wo haath tezi se uski gardan ki aur chal padta hai.. sayad itni dair se Rocky ko gidgidate hue dekh k wo use khatra manna band kar chuka tha.. aur yahi cheez Rocky k liye moka ban gayi thi
Rocky k hath mein thami us dhaar dhaar cheez ne apna kaam kar diya tha, aur sab kuch itni shanti aut tezi se hua tha ki Chilla kuch samajh hi nahi paaya tha
Aur uske kuch samajhne se pehle hi uski gardan se laal fawwara fut padta hai aur uski gardan ki swas nali kat chuki thi
Chilla- Ghuuuuuuuuuu....... Ghuuuuuuuuu
Chilla apne dono hathon ko Rocky ki aur badata hai par agle hi pal Rocky ka hath phir se ghumta hai aur es baar waar phir se wahi hua tha, ek tez khoon ka fawwara nikal padta hai jo khud Rocky ko bhi bhigota chala jata hai
Rocky- Madarchod... Saala
Rocky ye kehte hue turant peeche mud k diwar k sahare baithe hue us bandook wale ko dekhta hai jaha use tasalli hoti hai ki wo ab bhi us sab se bekhabar tha
Jaldi hi Chilla ki gardan se behta wo Khoon ka fawwara barish k pani k sath milne lagta hai, aur Chilla ladkhadte hue girne lagta hai par Rocky itne pe hi nahi rukta, wo agle hi pal aage badta hai aur apne ek haath se Chilla ka munh zor se daba deta hai.. qki es samay Rocky aur jada Jokhim nahi le sakta tha
Phir uske hath mein thame us chote se chaku ka prahar sidha Chilla k dil wale hisse pe hota hai, waar itna sateek tha ki dusre waar ki jarurat hi nahi thi
Chilla ka jism ek baar ko puri tarah tharthara padta hai aur agle hi pal wo puri tarah shant hota chala jata hai.. Rocky dhire se uske munh se apna hath hatate hue use chor deta hai aur Chilla kisi bejan murti jaise lehra k jameen pe gir padta hai
Rocky ki saansen tezi se bhaag rahi thi wo ek baar ko us bandook wale ki aur dekhta hai aur phir jameen pe gire us shant pad chuke Chilla ki aur
Rocky apne us chote se dhaardar Chaku ko apni Jacket ki asteen mein saaf karta hai aur phir use wapas se apne baah k andar maano jaise kisi cheez mein fasa deta hai
Rocky ek pal k liye jameen pe esthir pade us bejan sarir ko dekhta hai aur phir wapas es baar jab wo Diwar k sahare aaram karne waale us bandhukdhari ki aur dekhta hai toh uska jism jhurjhuri si kha jaata hai qki wo apni jagah se uth khada hua tha aur angadi se le raha tha
Rocky waise toh aisi jagah tha jaha use dekha nahi ja sakta tha, uspe raat ka andhera bhi uska sahayak bana hua tha.. par wo sochne pe majbur ho jaata hai
'Abhi aage badna khatarnak ho sakta hai, waise bhi edhar ye hai toh samne ki taraf wo Kaaliya'
Rocky ne abhi k liye aage badne ka apna faisla taal diya tha, par esse pehle ki wo waha se nikalta usne jaldi se apni jaib me rakhe Phone ko nikala aur us shant ho chuke Chilla k sarir ki ek photo kheech li aur usne usi pal us Photo ko apne senior ko bhej diya jiske kehne pe wo yaha es Gaon mein aaya hua tha
Par Jungle k itne andar network kaha se aata.. esliye wo aur samay nast na karke Jaldi se Phone ko apni jaib mein rakhta hai aur pedo k peeche chupte hue wapas Gaon ki aur chal padta hai
Rocky jis safai se Jungle k andar aaya tha.. theek usi prakar wapas bhi nikal aata hai
Waise es Samay raat k 12:55 ho chuke thay, jiska matlab tha ye din samapt ho chuka hai
Par es beete hue din mein kaafi kuch hua hai, jo abhi aapko batana baaki hai
Aur wo sab main aapko Update #19 mein batana suru karunga
Update #19 mein 4 Scene
Milta hu Jaldi hi, Keep Reading
Rocky wale Scene ki baat kar rahe hai agar toh abhi es raat ka uska kaam pura ho chuka hai, par uski es harkat ki wajah se jo cheeze badalne waali hai usko leke aage bhavisya Update aayega
Bilkul sahi kaha R_Raj Bhai
Dhanyawad Thevamp Bhai for Amazing LinesNice thriller...ab ye dekhna hai uss ghar mai chal kya Raha hai...kya koi chudai ho rahi hai yaa koi planing
Thank You Ashiq Baba Bhai, mujhe khushi hai ki aapko meri mehnat pasand aayi
