UPDATE 45
Next day Monday ko subah apna bahi routine follow Kiya. Or uske baad clg chala gya raste se chirag ko pick kiya.
Main- kya bro kya kiya kal din bhar.
Chirag- kuch khas nahi rivision kar raha tha. Tu bata tune kya kiya.
. main- me bhi syllabus complete kar raha tha. Or khusi ki baat ye hai ki ho gya complete.
Chirag- kya baar hai yaar. Tune do din me 1 mahine ka syllabus complete kar liya.
Main- karna pada. Taki aage se aisa kuch na ho.
Chirag- ye bhi sahi hai.
Aise hi ham bate karte hue clg pahuch gye. Baha hame lucky Mila or Prachi bhi. Jo ab hostel se hi aati thi. Sabse milke achha laga. Prachi ka mind thoda udaas sa lag raha tha. Sayad uske mom dad chale gye isliye. Lekin ham the uske sath isliye jyada der tak udasi nahi tiki or chirag or lucky ki faltu bato ne uska mood fresh kar diya. Khair uske baad canteen me gye. Or asusal lucky bhid gya khane ke liye.aaj tak samaj me nahi aaya ki ye itna khata kyu hai. Or uper se itna khane ke baaf bhi itna fit hai. Matlab ki iski body barkrar thi. Na hi pet bahar nikal raha tha na or koi problem. Me to complete hairan tha ise dekhkar.
Uske baad ham gye apni apni class me. Jaha hamare test ka result batane wale the.mujhe to solid doubt tha ki mujhe aaj kafi kuch sunne ko milne wala hai.khaskar ye pehle period wale sir se. Fir socha sun lenge.
Sir aaye unhone sabke marks bataye or me hairan tha ki keval 3 Jan ko chhod kar baki sabhi ke keval 20-25 no. Aaye the. Ye baat kafi hairan karne wali thi. Orhairani ki baat ye bhi thi ki mera naam bakio me nahi tha. Balki un teen me tha jinke no. 25 se jyada aaye hai. Ye sunke to me or bhi hairan hua.
Sir- class tum sabko pata chal hi chuka hoga ki tumhari tayyari kaisi hai. Ye test isiliye liya gya tha taki sabko ye pata chal sake ki kon kitne pani me hai. Ab mujhe batao ki ye itne kam marks kyu aaye hai tum logo ke. Maine sabhi ko 10 questions diye the. Or lagbhag sabhi ne keval 3-4 questions hi hal Kiye hai keval 2 ko chhod kar. Unhone 6-7 questions ko hal Kiya hai. Lekin hairani ki baat ye hai ki jinhone bhi ye 3-4 questions kiye hai unme se bhi sabhi ke questions ka sahi answer nahi aaya.ek sath ho to maan sakte hai lekin sabhi ke sath aisa kaise ho sakta hai. Mujhe batao ki tum logo ko kaha per problem aai thi unhe solve karne me.
Tabhi ek ladka khada hua or bola
Ladka- sir darashal time ki kami thi. Ek ghante me sabhi keval 3-4 questions tak hi pahuch paye. Or jaldbazi me kuch na kuch gadbad hoti rahi jin per hamne dhyan nahi diya. Lekin test ke baad jab maine unhe aaram se solve Kiya to me sari baat samaj gya tha ki kaha per galti hui hai.
Sir- to main problem thi time ki kami. Jiske kaaran galtiya Hui kyu.
To sabhi ne ha keh diya. Sivaay mere. Kyuki mujhe to vo aate hi nahi the. Or tabhi sir meri taraf aaye or bole
Sir- dev Maine tumhe dekha tha. Tumne 15 min ke baad hi likhna band kar diya tha. Or uske baad tumne ek shabd bhi nahi likha tha copy me. Lekin jab maine tumhari copy chek ki to paya ki tumne 3 questions solve kiye hai or me hairan tha ki vo teeno ek dam perfact the. Unme itni si bhi galti nahi thi. Tumne ye kaise kiya. Kya cheating ki hai
Main- sir me cheating nahi karta kabhi bhi. Or rahi baat un question ki to. Maine bo hi questions solve kiye hai. Jo aapne shuruwat ki classes me bataye the. Ab me kya kahu meri memory kafi achhi hai. Ek baar me hi chezo ko samaj jata hu to mujhe vo yaad the. Or questions paper me jab vo questions aaye to usi tarike se maine unhe solve Kiya. Or Maine 15 min. Me un teeno ko solve kar diya. Uske baad ke questions mujhe nahi aate the kyuki maine vo classes miss ki thi. Jis bajaha se main unhe solve nahi kar paya.
Sir- agar aate hote vo questions to kya unhe solve kar dete
Main- me ahh bhi kar sakta hu. Darashal test ke baad maine socha ki me kafi peeche pahuch gya hu. Isliye maine kal me hi Sara syllabus complete kar liya. Jaha tak aapne padaya hai.
Sir- kya baat hai. Me namuna dekhna chahunga. Ruko Jara.
Vo borad ke pass gye or unhone ek questions board per likh diya. Or mujhe use solve karne ko kaha. To me baha per gya or questions ko maine dhyan se dekha or fir use solve karne laga. Or matra 5 min. Me Maine pora questions solve kar diya. Or dusri taraf sari class bhi use solve kar rahi thi lekin vo sayad nahi kar paye.or Mera ho gya. Or jab sir ne cheak Kiya to vo bhi hairan the ye dekhkar. Or kafi impress bhi. Or unhone meri tariff kar di.
Sir- bakai me tumne ek bahut hi tough problem ko aasani se solve kar diya. Tumhe sayad pata nahi me batata hu. Mujhe hi isko solve karne me pore 20 min. Lage the. Pehli baar me. Or tumne keval 5 min. Me kar diya. Kya baat hai. Well-done dev.
Main- thanks sir.
Fir me Jake apni seat per baith gya. Or fir sir bole.
Sir- dekho bachho time kam pad raha hai. Ye problem kisi or ki nahi tumhari hi hai. Tumhe to pata hi hai ki exam me keval 3 ghante hi milte hai. Isliye meri mano to practice karna start karo. Jitni jyada practice hogi utni hi speed badegi. Or ek stopwatch rakho. Or khud ko keval 10 min. Ka samay do ek sawal ko solve karne ke liye. Agar 10 min. Me pura nahi hota to fir se sawal ko syru se solve karo. Or bahi 10 min. Me. Pehli baar me naakam rahoge. Lekin jaise jaise practice. Badegi tum ye kar loge.agar 10 min. Me sawal ko solve karne lage to socho ki tumhare pass kitna time bachega exam me. Revised karne ke liye. Or ye dekhne ke liye ki kahi koi galti to nahi hui hai tumse. Sab samaj gye.
To sabhi ne mundi hila di. Uske baad sir ne padaya or vo chale gye. Or ek ke baad ek teachers aati gyi or hamare no. Batati gyi.or aise hi ye din bhi nikal gya.
Na hi mujhe koi asuro ki khabar thi.Filhaal sab theek chal raha tha. Mujhe andaja tha ki ye log kuch na kuch to jarur karenge. Lekin kya yahi mujhe nahi pata tha. clg ke baad main sabko bye bolke baha se chala gya. Raat me karib 10 baje mujhe Prachi ka call aaya.
Main- hello kya kar rahi ho miss
Prachi- bas tumhe yaad kar rahi hu. Tum batao. Kya kar rahe ho.
Main- same same. Tumhe yaad
Prachi- milne aaoge kya abhi
Main- pagal ho kya. Raat ke 10 baj rahe hai. Uper se tum hostel me ho. Tumhari warden kha jayegi mujhe. Ye risk me nahi le sakta. Or tumhari room mate bhi to hai. Vo kya sochegi.
Prachi- meri koi roommate nahi hai. Mujhe alag room Mila hai. Me akeli hi rehti hu
Main- ye possible nahi ho sakta.hostel me koi bhi akela nahi rehta hai.
Prachi- ha sahi kaha lekin meri Jo roommate hai vo ghar gyi hai. Uske dad ko kuch medical problem Hui hai. Mere yaha aane se pehle hi vo chali gyi thi. Isliye me akeli hi hu filhaal to.
Main- ohhh to ye baat hai. So sad. Baise tumhari baki ki friends kaha hai
Prachi- yaha sabhi senior hi hai. Jo mujhse friendship nahi karna chahti hai. Yaad hai vo MLA ki ladki. Usi ki bajah se.
Main- ha mujhe yaad hai. Dekha us din agar tumne usse ladai na ki hoti to sab tumse dosti karte or tumhe yu akela feel nahi karna padta.
Prachi- yaar mera bilkul man nahi lag raha hai yaha. Koi baat bhi nahi karta hai mujhse. Sab us ki chakri karti hai
. main- well sach kahu to ye tumhari problem hai or tumhe hi ise solve karna padega
Prachi- lekin kaise
Main- unka dill jeetne ki kosis Karo. Unki madad karo. Sayad koi tumse dosti karle.
Prachi- kya me yaha se ja nahi sakti.
Main- ja to sakti ho lekin jaha bhi jaogi akeli hi paogi khudko.
Prachi- kyu tum mere sath nahi rahoge kya.
Main- me hamesha tumhare sath hu. Lekin sirf din me. Raat me nahi. Vo waqt tum kaise nikalogi. Or yaar tum kabse haar manne lagi. Kaha hai vo ladki jise me pehle din mila tha.use jagao or nidar hoke is situation ka samna karo. Dekhna sab tumse baat karne lagenge. Lekin ha unper dhous mat jamane lagna.
Prachi- me bhala aisa kyu karne lagi. Us din ke baad maine ye sab chhod diya hai. Baise tumse baat karke hamesha achha lagta hai. Tum meri himmat badate ho hamesha.
Main- isiliye to me hu. Always with you.jab bhi peeche mud kar dekhogi mujhe paogi. Isliye bina dare aage badti raho.
Prachi- thanks meri jaanu. I love you.
Main- love you too. Achha mom dad se baat hui. Vo pahunch gye baha per.
Prachi- ha vo pahuch gye or set bhi ho gye.
Main- badiya hai. Chalo ab so jao. Badiya.
Prachi- ok bye gud night.
Main- gud night…
Uske baad phone kat gya. Or vo sone ki kosis karne lagi.
Main bhi sone ki kosis karne laga or kab neend lagi pata hi nahi chala.
Raat me achanak meri neend khuli. Mujhe kuch ajeeb sa ehsas hua jis bajah se meri neend khul gyi. Tabhi meri najar mobile per gyi. To dekha Prachi ke miscall aaye the. Me samaj gya ki baha per kuch gadbad chal rahi hai. Maine apni aankho ko band kiya or Prachi ko dekhne laga. Maine uska pora hostel chhan Mara lekin vo mujhe nahi dikhi. Maine sabhi jagah use dhunda lekin nahi vo nahi dikhi mujhe. Aisa lag raha tha jaise vo is pori prithvi per kahi hai hi nahi. Or ye kaise sambhav ho sakta tha. Mujhe kuch samaj me nahi aaraha tha. Isliye maine use phone kiya. Or apni aankho ko band karke uska phone ki ring ko sunne laga to vo uske kamre se hi aarahi thi. Matlab uska phone uske kamre me hi tha. Lekin Prachi kaha hai. Kahi un asuro ne use kuch…..
Nahi nahi nahi…… aisa nahi ho sakta…
Maine turant hi apni aankho ko band kiya. Or sari ghatnao ko fir se dekha. To paya ki vo so rahi thi. Achanak se uske kamre ki light jalne or bhujne lagi. Like jaise horror movie me dikhate hai. Prachi ki neend abhi sayad lagi nahi thi. Isliye vo jaag gyi. Or dekhne lagi ki kya problem hai. Tabhi uska palang hilne laga or apne aap uthne laga. Vo ab hawa me thi. Palang per. Use kuch samaj me nahi aaraha tha isliye usne turant hi mujhe phone kiya. Lekin maine received nahi kiya. Tabhi vo palang tezi se neeche ja gira. Or Prachi neeche gir gyi. Usne kamre se bahar jane ki kosis ki lekin darwaja nahi khula to usne fir se mujhe call Kiya or jor jor se bahar chillane lagi. Lekin uski aawaj kamre se bahar ja hi nahi rahi thi. Or me bhi uska phone nahi utha raha tha. Is baat per me bhi hairan tha ki meri neend khuli kyu nahi. Kuch to maya rachi hogi unhone. Nahi to ek ring me meri neend khul jati hai. Khair uske baad Prachi ko jorka dhakka laga or peeche ko udti Hui deewar se ja takrai or uska phone chhut kar neeche gir gya. Or vo behosh ho gyi. Or uske baad us kamre me itna andhkaar fail gya. Jisme mujhe bhi kuch nahi dikha. Or jab vo andhera hata to baha Prachi nahi thi. Or sab kuch normal ho chuka tha.tabhi deewar per kuch likhne laga
"SHAKTI ME JANTA HU TUM YE JARUR DEKHOGE. OR ME YE BBI JANTA HU KI YE LADKI TUMHARE LIYE KHAS HAI. ISLIYE AGAR ISKI KHAIR CHAHTE HO TO DIVYSTRA KA PEHLA ANS HAME DE DO. OR ISKO CHHUDA LO. ME JANTA HU TUM KAFI SHAKTISHALI HO. ISKIYE TUMHE EK MOUKA DETA HU. AGAR AAJ SURYA UGNE SE PEHLE TUMNE ISE BACHA LIYA TO HAM KABHI TUMHARE RASTE ME NAHI AAYENGE. LEKIN AGAR AISA NAHI KAR PAYE TO TUMHE HAME VO ANS DENA HOGA.TUMHARA SAMAY SURU HOTA HAI AB "
ye sab dekhte hi meri haalat kharab ho gyi. Ye log to sahi khel gye. Inhe pata hai ki mujhe maar bhi denge tab bhi vo ans inhe nahi milega. Agar me khud unhe vo na du to. Isiliye Prachi ko mujra banaya hai. Taki ans bhi mil jaye or mera bhi khatma kar sake.dev babu bahut nure fase ho ab.
Maine time dekha to abhi raat ke 2 baj rahe the. Or suraj subah 6-7 ke beech uday honge. Matlab mere pass 4 ghante ka samay hai.
Or Prachi ko dhundne ka ek hi upaay tha ki vo khud mujhe pukare. Or mujhe baha ka pata chal jayega. Agar usne nahi pukara to me sayad hi use dhund pau. Unka mayajaal bahut hi khatarnaak tha. Use meri shaktiya bhed nahi pa rahi thi.
Maine baar baar kosis ki. Lekin mujhe kuch nahi dikh raha tha. Na hi Prachi na uski perchhai. Samay nikalta ja raha tha.
Me soch raha tha ki vo use kaha gayab kar sakte hai. Vo sabhi prithvi ke asur hai. Yaha se bahar unki shaktiya jyada kaam nahi karengi matlab saaf tha ki vo yahi prithvi per hi moujood hai. Lekin kaha.ho sakte hai. Maine socha sabse pehle to us kamre me Jake dekhna chahiye sayad bahi se kuch surag mil jaye. Isliye main foran hi use kamre me pahuch gya. Jaha Prachi thi gayab hone se pehle. Maine apni aankho ko band kiya or apni positive energy ko us kamre me faila diya charo taraf. Jaise hi meri urja us kamre me faili. Us kamre ka sara mayajaal dheere dheere khatm ho gya. Or jaise hi unka mayajaal khatm hua. Mujhe us kamre me ek bahut hi gehra khadda dikhai diya. Jo is mayajaal ki bajah se kisi ko bhi nahi dikhta. Maine socha chalo kuch to Mila. Lekin isme Jana theek hoga ki nahi ye nahi pata tha. Lekin jana to tha hi. Isliye bina kuch soche kud gya usme.vo gadda mujhe apne andar kheech raha tha. Jaise koi shakti mujhe neeche ke jana chahti ho. Mujhe filhaal Prachi ko dhunda jaruri tha isliye maine apne aap ko dheela chhod diya or us gadde me neeche jata chala gya. Vo gadda kahe ya gufa. Pata nahi. Lekin gehra bahut tha. Uska ant hi nahi aaraha tha. Meri aankhe sunn si padti ja rahi thi. Or mera mind bhi. Dheere dheere kaam karna band karta ja raha tha. Sayad mayabi shaktiyo ka asar tha.mujhe aisa feel ho raha tha jaise koi mere pure sarir per kabja kar raha hai. Dheere dheere Mera pura mind blank hota ja raha tha. Mujhe kuch bhi hosh nahi tha ki kya hua kya nahi. Aisa lag raha tha jaise me kisi bhayankar mayajaal me fas gya hu. Jiska koi bhi ant nahi tha. Or meri shaktiya kamjor padti ja rahi thi.
To be countinue……………...
