Romance >>> Too Young !! Too Old (Completed) <<<

[nain11ster]

-----: Bulletin Board :-----

​

Update 88 (A & B) is posted on 537.. Must give your valuable feedback...

End Of The Chepter:-1 is posted on 542...

​

 

[Xabhi]

Jute padne ki salaah yahan di ja rahi ☺☺☺

ab ka kre Unhone saval hi aisa puchha tha bolne se rha na gya or de dali free advice

 

[aman rathore]

SHADOW KING aman rathore Naina SANJU ( V. R. ) Chutiyadr prakash2piyush Iron Man eternity krish1152 ragish7357

Itne log "100 encounter" thread ke gawaah the ... Jab update ek sath aane shuru hote the tab 5 kya 10 update bhi aa jate the... Aalam aisa hua ki uss istory ke itne sare update ke bhay se...

Aman Rathod, iron man, eternity, prakash2piyush in sab ne comment kar na to uss story par chhod ho diya sath hi sath dobara kabhi dikhe bhi na...

5 kya jab mood me hote hain to update rukta hi nahi hai mitr .. chaho to in logon ke alawa...

Xabhi Anky@123 11 ster fan The king Nevil singh Black water Naik and many more jo bhi Bhanvar, ishq risk, ishq risk reload and 100 encounter par the ..

Mere update post karne ki speed unmatched hain... Isliye upar likhe kayi alsi comment na karte hain kyunki kahte hain update aa to raha

ab kya karein nain bhai aapke saath kadam milakar chalna itna asaan kahan hota hai,
aur mujhe to jiviya ne aisa pareshan kar diya ki.......,
aur uske baad thoda samay ka bhi abhav ho gaya

 

[Naina]

ab kya karein nain bhai aapke saath kadam milakar chalna itna asaan kahan hota hai,
aur mujhe to jiviya ne aisa pareshan kar diya ki.......,
aur uske baad thoda samay ka bhi abhav ho gaya

Chal jhutha..
nain11ster saheb, aman sir ki baaton par yakin mat kijiyega.. ye late, late night ko aake tharki stories pe barabar revos dete rahte hai
Dekh liya nainu saheb main na kehti thi ki Som aur Sugandha ji ke bich kuch Bhery Bhery hot hotter hottest scenes create kijiye... isse kiya hoga ki aapke purane readers bhi aa jayenge, jinko aap miss karte hai

 

[Arjun Singh 72]

Lovely update
Saari misunderstanding clear ho gai lagta h ab vyas ko hi som ki help karni hogi
Keep posting

 

[Naina]

Update:-51​

Sabhi ki najren ek tak tapak Vyas par.… Tabhi Pranshu… "Haan bhai, kyun nahi. Ab to Meera ji badi ho gayi hain. Boyfriend ke sath ghumti hai aur unke boyfriend ko ye tak pata hai ki Diksha se shadi hone par Meera shadi attend karti aur koi dusri ladki se shadi hoti to nahi aati. Jaisa ki Meera naa aa kar ye sabit bhi kar chuki hai"…


Meera, Paranshu ke baal dono hath se pakad kar nochti.… "Boyfriend… boyfriend… yahan Vyas sir ki maa baithi hai bahane baithi hai aur tumhe aise mazak karte sharm nahi aati"…


Pranshu jhat se apna mobile dikhate... "Ye le dekh le... Aaj subah ki viral tasveer.. Ab kya kahna hai... Sugandha kaki 5 baje ke karib Lucknow ke liye nikal rahi hai"…


Meera sab ko hath dikhati... "Main manti hun aap sab shocked hain aur bolne ke liye hi utavle. Thodi si confusion hai aur humare thode se masti mazak ko Soni kaki ne kuchh jyada he seriously le liya. Matr galatfehmi hai."


Alka Shashtri, Vyas ko ghurti... "Tasveer me confusion hai ya fir abhi confusion creat ki ja rahi hai. Ek ladki se dosti dusre se affair, sara din aawaragardi... Na tu chahta kya hai Vyas"…


Vyas:- Ek ladki se dosti ka matlab... Main aur Sia sath ek campus me hai, achhi baat hoti hai. Thode se hansi mazak ho jate hain... Isme ek ladki se dosti par jor dene wali baat kahan se aayi... Aur Meera ko lekar iske house maid ko confusion hua hai. Tum log bhi to dekhe the hum bus combined study karte hain... Ek sath baithne ko aise rumour udaoge"…


Pranshu:- Kuchh din pahle Soni kaki ki tabiyat kharab nahi thi balki Meera unse boli thi ki wo Vyas ko parakh rahi hai... Hone wali jamai ki taiyari kar le.…


Nirali:- Tabhi main kahun ki ye kal itna chahak kyun rahe the... Main to kal hi ye baat samjh gayi thi...


"Kya main bhi participate kar sakti hun"…. Darwaje par khadi Sia boli...


Sia ki aawaj sun kar Vyas ki najar ek pal ke liye thehar gayi. Vyas ki haalat dekh kar Sia ki hansi nikal gayi... Idhar darvaje par khadi Sia jiska chehra rang se pura laal tha aur Diksha jo tel me naha kar aayi thi… dono ki haalat dekh kar..


Lata Mishra:- Kaun sa paap hua jo dono ko kitchen me jaane di. Paglon kisi ke liye khana bhi banayi hai ya kichen ke sara saman ke sath udham chaukdi macha kar aa rahi...


Diksha:- Sia tu maa ko ignore maar. Dekh uss bechare Vyas ko jo ek ladki se dosti aur dusre ladki ke pyar me pad gaya... Ab bolti band hai bhai sahab ki...


Sia Vyas ke ore dekh kar hansti hui... "Ab jo ladkiyon se dosti karega usse aise sun'na to padega hi... Bechara... Waise Meera ke case me main clarification de deti hun ki, uss raat jo ghatna hui thi.. I mean Meera ke house maid ka wo tabiyat kharab hona, wo meri aur Meera ki shart ka natija tha. Main sunischit thi ki Vyas ke sath Asif aur Riaz bhi hospital jaayega... Jabki Meera kah rahi thi Vyas hi chal de hospital to wahi bahut hai..."

"Ab hum sab Meera ko Riaz ka female version mante hain. Jo log Riaz ko nahi jante hain wo detail Alka aunty se le le aur jo log Riaz ko jante hain wo samjh gaye honge ki bechari Meera apne badbole pan me khud to fasi hi, sath hi sath Riaz ki tarah Meera ne bhi Vyas ko hi fasaya... Jija ji mera ho gaya... Chalo aap bhi kitchen, ek chhota sa holi samaroh to ho hi jaye."


Pichhe se Diskha, Sia ko ander room ke ore dhakka deti... "Sari baten clear kar ke chehra saaf kar le. Lunch ka samay ho raha"…


Sia:- Are kuchh nahi, aaj bechare Vyas ka durbhagyapurn din hai. Lagta hai Asif aur Riaz kisi kaam se gaye hain. Ek ladka ek ladki ke dosti par sawal ho sakta tha, par meri to tkri ke sath dosti hai... Baki duniya jo bhi samjhe usko samjhte rahne do... Aunty aati hun thoda rang saaf kar ke tab tak leti rahiye Vyas babu ki class... Main to kahti hun yahin lawn ke bahar scooter bana do...


Sia apni baat kah kar chali... Uska andaj-e-byan dekh kar Vyas hasne laga. Lata Mishra Diskha ko dekh kar… "Tu kya muhrat ka intzar kar rahi hai. Tu bhi ja na"


Diksha:- Ja rahi hun maa lekin jaane se pahle Alka aunty se kahti chalun.. Aunty mujhe Vyas par kuchh-kuchh shak sa ho raha hai, jarra daba ke khabar lijiye... Ladka kahin dahej me aag na laga de...


Alka Shashtri:- Batao duniya itni bhi chhoti hoti hai kya... Yahan sab ek dusre ko jante hai bus ye nahi jante ki wo log bhi aapas me ek dusre ko jante honge...


Meera:- Haan pahle din college me mera bhi yahi haal tha. Jab mujhe pata chala ki Sia didi aur Vyas pahle se ek dusre ko jante hain…


Lata Mishra:- Ek kaam karo tum log ek list banakar de do kis-kis ko jante ho... Ek baar uss list ko dekh kar hum bhi taslli kar le ki unme se hum kis-kis ko jante hain… taki agli baar aise gajab ke mahol dekhne ko nahi mile... Aur Pranshu babu apni kaki ko mana karo warna Sugandha aati hi hogi idhar...


Pahle jitne shock huye uske baad utni ji jyada hansi mazak. Upar se Lata Mishra ka mazakiya andaz. Sabhi log khane ke liye bunglow ke hall me hi gaye. Nirbhay ki patni Shanti ne sab ke khane ka intzam wahin kiya tha.


Lata Mishra, Sia aur Diksha sabse aakhri me pahunchi thi, kyunki Lata Mishra ki bahu pahli baar apne sasural aayi thi, aise kaise khali haath jane deti. Diksha aur Sia ne bhi Meera ko le kar jo samiksha ki thi wo apne tak hi rahne dee aur Lata Mishra ke sath gift ki planning karne lagi. Ab ek ko diye baki ko nahi diye ye bhi achha nahi lagta isliye teeno mil kar kiske liye kaun sa gift, kya kaise pack kar ke lana hai, wo Som ko sandesh me likh dee...


Idhar Som, Zerul se jamin ka mamla settle karne nikla tha. Dimag me pahle se tay tha ki 10 rupya ki chij ka bhaw 5 rupya ya 6 rupya lagega. Lekin Som jab Zerul Imam ke yahan pahuncha to usse baithne tak nahi diya jabki ussi ke aankhon ke samne 25 se 30 sal ke bich ke majdoor type ke dikhne wale aadmi sidha ja jar sofe par baith gaye the aur unka swagat bhi kafi josh me hua tha...


Ek to khade rakh kar bejjati kiya, upar se jamin ki kimat kaidiyon ke bhaw laga diya. Mano Zerul Imam ko 10 rupya ki chij 10 paise me chahiye tha. Upar se warning bhi de dala... "November tak wahan party office ban jayega"…


Nirbhay, wahan se Som ko le kar bahar aa gaya. Dono car me jaise hi baithe, Nirbhay Som ko dekhne laga. Som bus shant Zerul Imam ki baton par hi gaur kar raha tha… Dono ke bich kuchh baat ho pati uss se pahle hi Diksha ka sandesh pahuncha gaya jisme lambi chaudi shopping ki list thi.


Som:- Singh sahab ghar se lambhi chaudi shopping ki list aa gayi...


Nirbhay:- Tumhe Zerul ki ghatiya harkaton par koi baat nahi karni...


Som:- Baat karne ke liye koi wajah chhodi hai kya?


Nirbhay:- Nahi...


Som:- To fir bus... Ek baar sahi tarike se ab samjhaunga dekhna hans ke kahega, aap ki jamin aap ko mubarak. Filhaal to meri jigyasa abhi Vijya aur Ajay me hai. Dono school se aa gaye honge kya?.


Nirbhay:- Nahi...


Som:- Ghar call kar dena... main unke sath kharidari karne ja raha hun.


Som Nirbhay ko uski jagah chhod kar Vijya aur Ajay ko lene school pahunch gaya. Som ko dekh kar dono hi bacche khush ho gaye. Wo apne doston se Som ka parichay karwaye aur Som unhe apne aane ka karan batane laga.


Som dono ko le kar shopping kar raha tha aur Zerul Imam se hui mulakat par bade dhyan se soch raha tha. Takriban 2 baje ke karib Som Nirbhay ke dono bacchon ke sath shopping samapt kar ghar pahuncha.


Ghar ka mahol poora bhara hua tha. Haan lekin ghar ke ander Meera ko dekh kar Som poori tarah se harbada gaya. Som, Meera ke har baat ki gahrai ko bhaanp chuka tha aur khud ko uss se dur rakhne me hi apni bhalai samjha. Som khane ke bahane se chup chap wahan se nikla aur bunglow ke hall me aa kar baith gaya...


Alka Shashtri bhi kab se jane ki jid pakdi hui thi. Som ke aate hi Lata Mishra ne bhi sab ko uska gift ka packet thama diya, aur anth me Meera ke hath me packet thamati.… "Kuchh bachpana kabhi kam nahi honi chahiye Meera. Main to chahti thi ki tum yahin ruk jao"…


Meera:- Aunty baad me aap se milti hun abhi jane do. Bhaiya main intzar kar rahi hun please aana. Bahut si baten karni hai aap se...


Pranshu:- Sham ko aata hun Kuku. Khyal rakhna apna...


11 baje jo kautuhal ka mahol shuru hua so lagbhag 3 bajte-bajte samapt tha. Lata Mishra to poori tarah se jhum rahi thi kyonki pahle to mann me sanka bhi tha ki Sugandha ki beti kaisi hogi, lekin ye ladki to pahle se jaanchi parkhi hui nikli...


Surprise se bhada din tha jahan kahan-kahan se bhatake log ek poori kadi me najar aaye. Waise to kautuhal ka mahol Shashtri family me lautne ke sath hi tha. Poore raste ek to Vyas bechara dono bahno ke bich pis gaya, aur fir raste me jate waqt aaj sham ko scooty ki kharidne ki jid hone lagi...


Khiar, Mate Alka Shahstri ne Nirali aur Jannat ko 2 din ruk jane ke liye bol di kyunki Sunday ke din poora parivar sath hoga. Zarina ki chutti hogi, Pandit ji freer rahenge... Zarina ki baat par Alka ka matha thanka... "Ye Asif kidhar hai"..


Vyas:- Maa wo Kamil ke sath kahin nikla hai...


Alka:- Ye wahi Zarina ke maa ki bahan ka pota hai na jo IIT Kanpur me hai..


Jannat:- Chachi itna kaise yaad rakh leti ho...


Alka:- Bacche kiske sath gunte hain uski detail to honi hi chahiye... Waise sahi kiya jo tum dono uss family se milne chali gayi... Haay kitni pyari ladki hai na Sia. Humare samne humari maa ne aise puchh liya hota to ghabra hi jate, lekin kitna santulit ho kar jawab dee..


Jannat:- Kyun chachi, dosti ke badle prem ka rishta soch kar aap ghabra jati...


Teeno bacche thahake laga kar hasne lage. Alka ghurti najron se teeno ko ek-ke kar ke dekhti... "Haan hanso teeno. Beta mujh me tum teeno ke jaisa presence of mind bhale na ho lekin mere hath me hamesa situation advantage to rahta hi hai. Teeno ye bhulna mat"…


Vyas:- Maa dhamki try kar rahi ho kya?


Alka Shashtri:- Wo sab chhod... Tu mujhe Sia ke bare me bata. Ae tum dono jarra kaan band karo, mujhe kuchh aapas ki baat karni hai..


Jannat:- Kyun ab ye din aa gaye ki bete ko ladki patane kahogi...


Nirali:- Humara samaj... Beti raste me kisi sath padhne wale se baat kar le to muh chadh jaye... Yahan maa-beta baith kar ladki patane ki baat karenge... Ye humara samaj ka jhukav shuru se hi ek pakshiya raha hai..


Alka:- Bhaiya gadi roko... 2 sawari ko raste me hi fenkna hai.... Chakachak ladki thi, tere bhi sath padhne walon me se koi mujhe achha lagega to kya main ruki rahungi...


Jannat:- Jyada sapna mat dekho chachi… Ladki 5 sal England me padh kar lauti hai. Wo har kisi se pyar se hi baat karegi…


Alka:- Ohhhh … tabhi ek ladke se dosti unke liye samanya si baat thi. Kafi khule mahol me parwarish hui hai… Ek minute... Tujhe kaise pata ki wo kahan padhi hai..


Nirali:- Bhaiya ne bataya tha...


Ek thappad kadake wali Vyas ke gaal par... "Chotta... Bahan ke sath ladka-ladki wale matter discuss karte sharm na aati"…


Vyas:- "Main kuchh bolunga hi nahi... Samajh se pare ho tum log. Poora ghar jab sath hota hai aur humare samne kisi ladke ki detail kahani tum dono pati patni batiyati ho... Pandit ji falane ka beta.. kal mila. Ye achha wo achha yahan padh raha wahan padh raha tab kya main bhi kah dun ladka-ladki ki baat ho rahi..."

"England me padhi hai lekin wo padhai karti hai. Kisi ko bina jane matr kahin videsh me padhi hai, iss baat se judge karna galat hai. Fir jab bahar hi akele padhna hai fir desh kya aur videsh kya? Dil saaf hai isliye uska poora parivar hi hum teeno (Vyas, Asif aur Riaz) ke bare me jaanta hai, iss baat ko bhi socha. Usse nahi laga ki doston ke bare me kuchh chhipana chahiye aur aap ki tarah unke gardian ko bhi khabar hai ki uske bacche kinse milte hai...


Alka Shashtri chidhti hui... "Wo kahin bhi padhe mujhe kya? Wo kaisi hai uski detail mujhe kyun suna raha. Maine bus common si baaten boli thi..."


Vyas kuchh bolne ko hua, Jannat haath dikhati... "Bus bhaiya ruko tum. Chachi yahan tum galat ho. Aap ka facial expression sari kahani kah raha tha. Bhaiya bus aap ko sahi kar rahe the."


Nirali:- Maa Chidhna band karo. Har baar aap sahi ho aisa sambhav hai kya..


Alka thodi afsos karti... "Bacche jab jawab dete hain na wakai bura lagta hai. Mauje bhi yaad aa gaya jab maa se meri bahas hoti thi. Mujhe lagta tha ki ye meri maa sunti kyun nahi, main sahi hun fir bhi daant deti hai... Aaj wo yaad aa gaya.. Khair main samjh gayi ki mujh se galti ho gayi... England me padhne ko le kar mujhe muh nahi banana chahiye tha...


Nirali aur Jannat dono Alka se lipat kar uske gaal chumti... "Ye hui na baat... Aap best ho maa... Haan chachi aap best ho."…


Thode se parivarik drame. Vyas aankhon se hi apni bahno ka abhivadan kar raha tha. Soch ki gape yani middle class family ki generation gape ki kahani thi, jahan dono beti apni maa ko janti thi aur unhe kaise sidhe samjhana hai ye bhi.

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

ye baat maine kayi baar jikar ki hai.... ki saamaj humse nahi saamaj se hum hai.. hum jis saamaj mein jee rahe usi ke taur tarike rahna padta hai...
haalaki aaj sabhi kuch adhunkik ho chuke yaha tak ki humare ird gird ke log, saamaj sabhi.... lekin phir bhi kuch soch nahi badal sakti... wo soch purane khayalato ki, jaise ladka - ladki ke bich dosti.. haalaki bachpan wali dosti ko consider kar dete hai, lekin ye jo jawani mein, school ke upper class mein ya college mein dosti hoti hai ushe hamesha se shaq ki nazar se hi dekhte hai, aur kayi baar anchaahi baatein bhi suna dete hai..
waise is saamaj se maa baap, bhai bahan, rishtedaar bhi alag nahi.. so weh bhi to wohi sochenge na ki akhir ye rishta dosti ka hai ya kuch aur..
Lata ya Alka ji ya phir soni kaki... ya phir pranshu ho ya Nirali Jannat inka Vyas aur meera par shaq hona lazmi hai...
lekin ye log kuch baaton se anjaan the... Meera had zyada ghulne milne wali ladki hai, wait a minute.. par wo ushe parakh hai samne wale ki... ki samne wala kaisa hai... wo dekhte hi pehchaan leti hai ki saamne se jo jaan pehchaan badhane aaya ya aayi hai wo kis swabhav ke hai..
saamne wale ki nazar ko chutkiyo mein pehchaan leti hai wo..
Aur aaj jamana jaisa hai, kayi log jo chehra pe kam ladki ke sarir pe zyada nazar rakhe is baat ki bhi gyat hai ushe... isiliye meera har wo saksh ke sath nahi ghul milti... wo unhi logo ke sath zyada ghulti milti hai, apnapan dikhati hai, Jo sach mein ush kabil hai, Vyas bhi us kabil logo ki list mein aata hai, Vyas meera ki dosti haalaki abhi haalhi mein huyi hai aur mulakat bhi,,, lekin unki dosti dekh lage ki dono bachpan se sath mein khelte kudte bade huye ho...
wo hota hai na kuch logo ke bich ajib sa connection , Jaise kab kaise best friend ban gaye pata hi nahi chale.. ki kab hum apni saari baatein puri viswash ke sath sirf unhi ke samne share karte hai, unhi se help lete hai,
Meera aur vyas ka rishta bhi wohi hai...
inhi baaton se anjaan the sabhi gharwale.. isliye is galatfami ki suruwat huyi, haalaki Sia jaanti thi saari baatein,,, isliye usne deri na karte huye galatfami ko dur karte huye is baat ko confirmation kar di ki Vyas aur meera ke bich sirf dosti hai... uske atirikt aur kuch nahi..
waise meera aur vyas ko dekh jo galatfami huyi soni kaki ko... iski khabar Sugandha ji tak pahunch gayi thi..
Well.. par Alka ji shayad mann hi mann Sia ko apni bahu maan chuki hai...
isliye ghar aate waqt uske charche kar rahi thi, waise teeno bachho ki kuch baatein sun aur kuch baaton jaan kar gussa bhi ho gayi thi,, yaha tak ki Vyas ko thappad bhi maar di lekin saari baatein clear hote maafi bhi maang li..

Udhar jo meeting honi thi jameen ko leke, zerul ne jo kiya... lage ki wo insaan power aur paise ke chalte andha ho gaya hai, baatein to suno uski, Khair Som udhar to thande dimag se kaam liya lekin wo samjhayega jarur usko apne hi tarike se, aaj nahi kal.. Tab shayad zerul ko ehsaas ho ki bina jaane parkhe har kisi se aise vyavahar karne ka natiza kya hota hai..

Update mein kuch baatein jisse gussa badha de ~

Sia:- Are kuchh nahi, aaj bechare Vyas ka durbhagyapurn din hai. Lagta hai Asif aur Riaz kisi kaam se gaye hain. Ek ladka ek ladki ke dosti par sawal ho sakta tha, par meri to tkri ke sath dosti hai... Baki duniya jo bhi samjhe usko samjhte rahne do... Aunty aati hun thoda rang saaf kar ke tab tak leti rahiye Vyas babu ki class... Main to kahti hun yahin lawn ke bahar scooter bana do...

Sia sachme premika hi hai na Vyas ki, par uski baaton se, uski soch se to lage ki sia jaani dusman hai Vyas ki, lage ki kal ko Vyas ko kuch ho bhi jaaye to Sia party hi karegi... apne hi premi ke liye aise shabd..
Mujhe afsos hai ki sia ko Vyas ki heroine maan baithi
Sia jo pyar ka izhar kar rahi thi pichli raat wo ek jhuth hai, in fact Sia hi jhuthi hai, jhuthi uske wade, jhutha uska pyar... behtar yahi hoga ki Vyas Sia ko apni jindagi se bahar nikal feke... warna kabhi bahot badi musibat mein fansh sakta hai Vyas..
huma best hai Vyas ke liye
Khair.. update kaafi dilchasp tha aur sath hi kirdaaro ki bhumika bhi
Let's see what happens next
Brilliant update with awesome writing skills
Edited ~ Sugandha ji agar chaahti to Jugnu ke liye Vyas ko as a dulha select kar sakti thi,

 

[Chutiyadr]

Update:-49​

Riaz ke pass baithi ladki Mahira ne Vyas par tippni karti hui kahi. Tabhi Riaz bench par khada ho gaya aur Mithun Da style, aage se kamar par hath, pichhe se sar par hath aur.. "ya dishhh.. ya dhishhh.. ya dhishhh.. dhishhh dhishh" chillate huye wo bhi nacha...


Poora class abhi Vyas ka, drama dekh kar thik se sidha bhi nahi hua tha ki ye Riaz ke chillate disshh-dishhh par sab thahake laga diye. Thahakon ki awaj ruki bhi nahi thi ki Meera bench ke bahar nikal kar... Sakira se jyada lak ni hila kar bole to kamar lachka kar 4-5 thumke lagane lagi…


Ab bhala Meera nikli to Neerav kaise pichhe rahta lekin Meera ko bhi pata tha, isliye sidha najar Neerav par aur aankhon ke ishare se strictly mana kar dee... Guruji poora tamtamaye... "Ye kya behuda mazak hai"…


Vyas:- Feeling thi express kar rahe the...


Proff.:- To bahar ja kar feeling expreee karo... Poori class distrub hoti hai...


Riaz:- Thoda manoranjan ki aap ko, aur iss class ko shakt jaroorat hai sir. Aage ja kar to maal chhapne ke chakkar me jyadatar drs to hasne ke liye bhi lafter club aur video ka sahara lene wale hain...


Proff.:- Haan to tum teeno kya lafter club ke class me the...


Meera:- Lo sir, aap bhi drs ke bich rah kar na..…. Ye feeling aap ke liye hi to humne express kiya..


Proff.:- Mere liye, jaan sakta hun kyun…


Meera:- Ek hi vishay padhate-padhate aap itne manjh gaye sir ki kal jo aapne padhaya tha...


Riaz:- Aaaa haaa haaa... Kya padhaya tha sir... Main to kahta hun har proff. aap jaisa hona chahiye...


Vyas:- Aur aaj jab aapne padhana shuru kiya... Aisa ghusa hai bheje me baat, ki topic related kuchh puchh lo... Ab to aisa lag raha hai poore class ko padha dunga...


Meera:- Ab sir feeling iss class ki thi isliye yahan express kar diye...


Riaz:- Haan lekin kuchh log humare khul ke jine ko jokergiri kah sakte hain, kyonki unke liye zindgi ek target hai, jiska achievement kolhu ke bail ban kar karna chahte hain.. Gadhe aur gadhi hain jo humare khul ke jine par tippni karte hain...


Proff.:- Areee bus bhi karo tum teeno. Achha laga tum teeno ko sun kar. Study related kabhi bhi kuchh bhi puchhna ho behichak mere pass aa jana. Ab baith jao tumhare wajah se class distrub ho rahi hai...


Vyas:- Nahi sir, galti to humne ki hai aur punishment me hum bahar ja rahe, taki har galti ki saza milti hai ye ehsas hona chahiye. Fir aisa koi na kahe sir ki dekho apne favourite student ko sir punishment nahi dete.… Chalo Meera, chal Riaz…


Riaz bilkul dhime... "Abe mujhe kyun liye ja raha hai… Ek ko muh tod jawab diya hai... Ab post analysis to le lun… pahle wo sorry kahegi... Fir sir ke class ka confirmation legi, kya wakai me maine itna sikha... Baad me main Neerav ka gyan pel kar shining marunga… mujhe na jana...


Meera:- Sir kewal humare bich ke sab se jyada intelligent Riaz ko yahan rahne dijiye, taki aaj ki class me jo ye sikhe hume sikha de.


Meera apni baat kah kar Riaz ko aankh maarti dhime se best of luck boli aur Vyas ke sath nikal gayi. Dono canteen area me pahunche… Vyas gahri shwans lete... "Meera... Meera.."..


Meera:- Haan jija ji bolo na..


Vyas:- Sar tod dunga... Kyun fasne par lagi ho.. suno to..


Meera:- Haan sun rahi hun lekin dhyan shayad kahin aur tha...


Vyas:- Haan to mera bhi dhyan udhar hi bhatak raha na... Kuchh baat ho jati Sia se to maza aa jata... Mann vyakul hai… ji karta hai bus ussi ke pass aur ussi ke sath rahun...


Meera:- Haan main samjh sakti hun... Pata na dono kya kar rahe honge ..


Dono kya kar sakte the. Mishra parivar subah-subah chale the isliye fresh ho kar alp aahar liye aur so gaye. Som thoda hangover me tha isliye wo bhi let gaya. Kal raat Sia bhi der se soyi thi... So wo bhi so gayi. Kul milakar poora parivar hi kharrate bhar raha tha...


Nirali aur Jannat ka college lagbhag 11 baje khatm ho jata tha. College jaise hi over hua, Jannat ne bhi paison ko le kar chinta jahir ki. Dono ko ek baat samjh me nahi aa rahi thi ki aakhir ye bade bhaiya kaun hai aur Vyas ne itna viswas se uska number kyun diya...


Ek viprit khyal jo dono ke mann me aaya... "Kahin kuchh gadbad to nahi kar rahe jo chhipane ke liye saboot de raha tha bhai"… khyal thode vichlit karne wale the aur dono ne tay kiya ki ye bade bhaiya naam ke prani se mil kar dekhe to sahi ki wo aadmi kaisa hai...


3 poore call jane ke baad udhar se Som ka call back hua...


Nirali:- Hello, Som bol rahe hain..


Som:- Haan..


Nirali:- Sir main Vyas ki chhoti bahan Nirali bol rahi hun...


Som:- Haan Nirali..


Nirali:- Bade bhaiya aap se milna tha..


Som:- Hmmm !!! Kuchh jyada jaroori ho to ghar chali aao…


Nirali, mike par hath rakhti, Jannat se... "Ye sala to sidha ghar bula raha hai. Kahin kuchh gadbad to nahi"…


Jannat:- Tu adress le le.. phone rakh fir baat karte hain...


Nirali:- Haan bhaiya adress de dijiye na... Jaroori laga to aa jaungi...


Som:- Thik hai main message karta hun…


Nirali ne phone rakha aur udhar se message aa gaya.… Nirali message check karti… "lagta hai roj sab ko adress deta hai Jannat dekh"…


Jannat:- Ab bina mile to paise ke bare me kuchh pata chalne se raha. Uske ghar jana safe rahega kya?


Nirali:- Bhaiya ne viswas ke sath kaha tha cross varification karne, to mujhe ghar jane me koi samsya nahi lagti. Vishvahniya aadmi hoga..


Jannat:- Haan to iss hisab se dekha jaye to bhai ne viswas se paison ke bare me bhi kaha tha na ki sahi dhang se kama rahe, fir iss baat par yakin kyun nahi...


Nirali:- Insan achha aur karm bure bhi to ho sakte hain na...


Jannat:- Haan to niyat nahi fisalegi ye bhi confirm kar de... Ab Vyas aur Asif bhaijaan ke sath achha bana hua hai, iska ye matlab to nahi ki hum par buri najar na dale...


Nirali:- Bheja fry ho gaya... Lekin bina mile chain nahi aayega... Bhai galat dhang se paise kama raha hoga to shurwat me hi davab banaya ja sakta hai, warna ek chhoti si chuk se hum apne bhai ko galat raston par payenge...


Jannat:- Chacha (Pandit ji) to bardast hi nahi kar payenge...


Nirali:- Haan mujhe bhi issi baat ki chinta hai.
.. Maa ko bula leti hun... Aise kisi ke bulane par sidha ghar chale jana mujhe sahi nahi lag raha...


Jannat:- Haan tu sahi kah rahi hai... Chachi ko bula le...


12 baje ke karib teeno maa beti Nirbhay Singh ke mukhya dwar par the. Guard ne unhe ek baar dekhte.… "Ji kya kaam hai?"..


"Som se milna hai, unhone bulaya tha"… Nirali boli...


Guard:- Aapka naam..


"Ji Nirali.…"


Nirali naam sun kar hi guard darvaja kholte…. "Ji wo pahla wale cottage me chale jaeye. Sir ne bataya tha aap aane wali hain"… Guard ne hath ke ishare se jane ke liye kaha. Guard ki baat sun kar Jannat aur Nirali dono hi ajib dar me the...


"Maine apna mann badal liya hai... Chalo chalte hain"…. Nirali boli..


Alka Shashtri:- Ae pagal jab milna hi nahi tha to bich serial se utha kar bulayi kyun? Yahan tak aa gaye hain to mil kar hi jayenge...


Ab bechari Nirali aur Jannat kya kahti ki unhe guard ki baat sun kar sanka ho rahi hai ki ye aadmi sahi nahi hai... Maa sath me thi to Nirali aur Jannat ne bhi thodi himmat bandhi aur chal diye.


Cottage ke darvaje par dastak hui aur Som ne darvaja khola. Samne jo pahla look Som ka tha usse dekh kar to Alka Shashtri ki bhi aankhen badi ho gayi. Ghane lambe baal ka puff... Poori jatayen lahrati…. "Aap log ander aaeye."..


Som ne ander aane kaha lekin teeno ek dusre ka muh hi dekh rahe the.… "Nahi hum yahin thik hain"… Alka Shashtri ne jawab diya..


Som:- Nirali kaun hai yahan...


Nirali:- Ji main hun...


Som:- Tum kisi kaam ke bare me kah rahi thi..


Nirali:- Haan wo main Vyas bhaiya ke bare me puchhne aayi thi…


Som:- Hmmm !!! Kya puchhna tha...


Nirali:- Kuchh nahi… bus yun hi … main hi thodi confuse thi. Ab sab thik hai...


Som:- Hmmm !!! Koi nahi..


Pichhe se Lata Mishra hall me pahunchi. Bahar khade logon ko dekhti... "Sanskaar bech khaya hai kya? Darwaje par hi khada kiye hai... Aap log ander aaeye na"…


Sab kuchh jaise puzzle sa tha. Som haalanki in logon ke ander naa aane ki vajah bhaanp gaya tha. Som iss baar poori baat batate… "Meri maa hain. Subah hi pahunchi thi aur inhe chhod kar aaj kahin jane ka dil nahi kiya isliye Nirali se kaha tha yahin aa jane"…


Alka Shashtri:- Main Vyas ki maa hun. Ye meri beti Nirali aur Jannat...


Som:- Ander aa jaeye warna mera poora parivar poore din sunata ragega...


Lata Mishra:- Haan beta de de ulhana mujhe hi... Waise bataya nahi ye kaun hai..


Som:- Maa wo Sia ne bataya tha uske 3 dost, Vyas, Asif aur Riaz.. To ye Vyas ki bahan aur maa hain. Nirali ko shayad mujhse kuchh kaam tha aur issi silsile me mujhe call ki thi...


Jitni samanya tarike se Som, Lata Mishra se apni baat kah gaya, utna samanya nahi tha Nirali, Jannat aur Alka Mishra ke liye yah sun'na. Alag-alag hi duvidha thi. Som ki baat sun kar Nirali aur Jannat ek dusre ka muh isliye dekh rahi thi kyunki pahle pata hota ki ye Sia ke bade bhai hai to maa ko na bulana padta. Sath hi sath dusra aaschrya ye bhi tha ki Sia ne poore parivar ko hi apne 3 ladkon se dosti ki baat bata rakhi thi.


Wahin Alka ke liye to poore hairani bhada mahol tha. In tikri ki ek ladki dost jo ki kahin dur dur se link nahi thi, fir ye dosti kaisi hui. Ladki ne apne poore parivar ko pahle bata rakha hai... Padhne likhne walon me dosti ho sakti hai... Ek amir ladki ki hum middle class walon se dosti aur parivar ko koi aitraj nahi...


Lata:- Aap itne aaschrya me kyun hai...


Alka, puzzle sa chehra banayi... "Kuchh nahi"


Jannat, natkiya andaz me Som se.… "Ohhh aap ki sister ke through mere bhaiyon se jaan pahchan hai"..


Lata Mishra:- Ye kaisa sawal hai. Kya tumhare bhai ke dost honge to ussi ke through na tum bhi unhe janoge... Mishra ji sunte ho, Sia ke doston ka parivar aaya hua hai... Deeksha.. Pranshu... Siaaaa..


Sia ke dosto ka parivar... Sun kar hi sabhi teji se bahar aaye. Bahar to sabhi teji se hi aaye lekin Sia ka matha thanka, kyunki kal feeling batayi aur aaj Vyas apni maa aur bahan ko ghar bhej chuka tha. Sia hairan aur pareshan, upar se samne poora khandan. Kisi ko bhanak bhi lagi to fere karwa kar hi chhodenge… Sia dar se bahar hi nahi aayi... Gusse me apna phone uthayi aur lag gayi type karne.… "Shashtri main fansi na tab tumhe batati hun"… meesge type & send aur phone off.


Ander ke sath Bahar bhi alag hi drama... Nikal kar aayi Diksha aur in logon ne samjh liya Sia. Ek ati khubsurat, umr me badi aur shadi suda aurat. Iss prakar ki dosti ka matlab teeno khub janti thi jahan sidha aurat se dosti ho jaye. Teeno bhauchakki aur ander se utne hi kudh gaye. Nirali aur Jannat ki hichki hi na ruke jab khyal aaya ki Vyas ne ek shadi suda aurat propose kiya tha… Wahin Alka ke muh se nikal gaya... "Ye shadi shuda hai"…


Lata:- Haan abhi haal me hi shadi hui hai... Sia, kahan rah gayi, tujhe sunai nahi de raha"… Lata Mishra dobara chillayi... Usse sun kar teeno ke jaan me jaan aa gayi, wahin Diksha inka vichitr rawaiyya dekh kar kuchh bhi samjh nahi pa rahi thi...


Sia kuchh jyada hi ghabrai. Ghabrayi si bechari bahar nikal kar aayi... Jaise hi pahli jhalak Sia ki mili, teeno usse dekhte hi... "Woooo, iss ladki se kaise dosti ho gayi." Ek tak lagatar dekhte hi rah gaye. Sia ki ghabrahat bechaini me badal gayi, usse samjh me hi nahi aa raha tha ki wo kya kare.… Sia kisi tarah apne dono hath jodti... "Namaste aunty"


Lata:- Tum inse pahli baar mil rahi ho kya?


Sia:- Haan maa...


Ek aupcharik jaan pahchan hui. Sia ko jab pata chala ki Nirali kisi aur wajah se pahunchi hai, tab uske jaan me jaan aayi. Aur idhar Shashtri family...


Sia ki pahli jhalak milne ke baad teeno aapas me ek dusre se najre milate maano najron ke ishare se puchhne ki kosis kar rahe ho.… "Iss model (Sia) se inki kaise dosti"… Khair ye sawal to Vyas se puchha jana tha isliye sabhi samne chal rahe mahol par dhyan lagaye...


Vyas ke kayi doston ke yahan Alka Mishra ja chuki thi, lekin dost kahne par jo swagat yahan ho raha tha wo kahin aur nahi hua. Poora Mishra khandan jaise Shashtri khandan ko palkon par bithaye the... Ye ek aur hairani kyunki ek ladki ke ghar kisi dost ladke ka pariwar pahuncha aur itna jabardast swagat... Alka Mishra se raha nahi gaya...


Alka Mishra dabe kuchle shabdon me Mishra family ki bhavna tatolti.... "Aap logon se kahin koi galtfehmi to nahi ho rahi"…


Diksha:- Aunty swagat dekh kar kahin ye khyal to nahi aa raha ki hum rishte ki baat karne wale…


Nirali, bilkul dhime... "Haan lag to aisa hi raha hai".


Lata Mishra:- Nirali beta kuchh kahi kya?


Nirali:- Kya aunty kaisi baten karti hain..


Lata:- Kaisi baten kya... Shadi to kisi na kisi se hogi hi... Ladki yahin hai pasand ho to apne ladke ke liye puchh lo, haan kah dee to hume koi aitraj nahi...


Som:- Haan bus hum dahej nahi denge...


Sia:- Very funny… Aunty aap in sab ki nahi suniye...


Alka Mishra:- Nahi achha lag raha hai sun'ne me... Mujhe to tum pasand aayi..


Nirali aur Jannat ek sath.… "Hume bhi aap behad pasand ho. Bus sidhe-sidhe ab aap bhi Vyas bhaiya ke bare me openion de dijiye"..


Sia:- Bus bhi karo sab. Kyun mil kar mujhe khinch rahe...


Lata:- Jannat aur Nirali ke baat ka ye jawab to nahi hua...

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

What a drama , isliye mujhe aapki stories itani pasand aati hai.. jo drama creat hota hai bilkul maja hi aa jata hai

 

[Kingfisher]

Update:-19​

Bharat me ek khas din, ek poora khas samroh, ek poora jashn ka mahol har ladka aur ladki ke kismat hota hai. Kaisi bhi dikhne wali ladki kyon na ho, jise logon ne kurup ka sangyan de kar kabhi pookara ho, apne iss khas din me wo duniya ki sabse khoobsoorat ladki dikhti hai. Solah shringar kiye jab koi ladki dulhan ke libas me poori sajti hai, fir uss se khubsoorat koi nahi dikhta.


Diksha to waise bhi bhid me alag dikhne wali ladki thi, jise sab se khas uska hasmukh chehra aur uski pyari baaten bana deti thi. Diksha, poori tarah se taiyar ho chuki thi. Ye din uska tha. Dulhan ke libas me jab wo poori tarah taiyar hui, uski khubsoorti apna moh jaal uss mahol me aise bikher rahi thi, har najar bus thehar jaye aur jo pahli awaj dil se nikle... "Wowww !!! Khubsurat !!! Kya lag rahi hai"

​

Poore badan par khoobsoorat aabhushan, hathon ki khubsoorat menhdi, solah sringar aur dulhan ka libas, in sab me lipti Diksha apne pahli jhalak se har kisi ka dil dharka rahi thi. Apartim khoobsurati, jiske bare me jitna bhi likh dijiye, jitna bhi upma se tulna kar lijiye, ek malal sa har baar rah hi jaye, nahi iss se bhi jyada khubsoorat aur pyari dikh rahi thi.


Diksha poori tarah saji baithi hui thi apne bestie ke intzar me, jiske sath wo stage tak jati. Aamuman aise maukon par dulhan ka kamra ladies se bhada hua rahta hai lekin Diksha ka poora kamra khali tha. Uss kamre se bahar nikal kar nayi zindgi me kadam rakhne se pahle usse Som se khul kar baat karni thi. Aadhe ghante ka yun to waqt jyada nahi tha lekin fir bhi aaj apne iss khas din se Diksha ne aakhri palon me apne papa se Som ke liye aadha ghanta maang lee thi.


Som jab Diksha ko lene apne kamre se bahar nikla tab koi bhi usse pahchan nahi paya. Baal bilkul kisi model ki tarah set the. Haan dadhi badhi hui thi lekin trim aur setting ke baad bus kahar hi dha raha ho jaise. Aaj uski aankhen na to koi kahani kah rahi thi aur na hi nashe me dubi hui thi. Badi-badi kali retina wali khubsoorat aakhen aur chehre par faili muskan.


Shadi ke iss mauke par Diksha aur Som ke liye Sia ne khud shopping ki thi. Na to dono se puchhi thi aur na hi unhe bhejne se pahle dikhayi thi ki usne kya kharida hai. Haan kewal chhota sa armaan jahir kar diya tha Sia ne, nahi pasand aaye to bata dene lekin shadi me dono uske pasand ke kapde pahne.


Diksha ne bhi poori khushi se Sia ke bheje kapde pahan kar taiyar thi. Som bhi Sia ke bheje suit pahne hua tha. Kamal lag raha tha. Shayad wo aaj jitne waqt Diksha ke sath khada hota, kisi aur ko kahne ka mauka nahi dena chahta tha ki Dulhan ke sath kaun khada hai.


Lagbhag 6 fit hight ki khatarnak body physique, Som jab taiyar ho'kar kale suit me nikla, bus sab ko mud kar ek baar dekhne par majboor kar raha tha. Chehre par faili si muskaan aur badhte kadam Diksha ke kamre ke ore.

Chhoti si aahat ke sath darvaja khula. Diksha jo najren jhukaye Som ke intjar me thi, darvaja khulne ke aahat me wo najren utha kar dekhi aur Som ko dekhte hi muskurati wo khadi ho gayi.….

Dulhan ke libas me poore shrinagar ki hui Diskha. Darvaja khulne ke sath jaise hi uski najar upar uthi, Som ke honth halke khul gaye. Hath sine tak uth kar aaya aur dhime-dhime shwans khinkhte Som apne sine par hath fer raha tha... "Shuuhhhh .. Shuhhh... Shuhhhh... Shant... Shant... Shant".


Shabdon ki koi jagah nahi thi lekin sine par hath ferne ki pratikriya aur halke khule hont se jo dhimi hawa wo apni dharkan ko shant karne ke liye bahar nikal raha tha, Diksha ko dekh kar aniyantrit hui dharkano ko shant karne ke liye tha. Som to apni badhi dharkano ko shant kar raha tha lekin Diksha...


Kuchh der pahle Diksha ke jahan me hajaron sawal the. Shadi ke liye kadam badhane se pahle kayi baton ka dar sine me dard utha raha tha. Taiyar ho kar 10 minute se Diksha, Som ka intzar kar rahi thi. In 10 minute me ek ke baad ek aate khyalon ne sine me aisa dard uthaya tha ki wo khud me shadi ke liye nurvous feel kar rahi thi. Manodasha aisi thi jo kah rahi thi abhi shayad main shadi ke liye taiyar nahi.


Darwaje ka wo khulna aur najar utha kar Som ko dekhna. Mehfil me shayad kayi aise ladken aise hon jo "point of attraction" ho sakte hain. Kayi itne paise wale the ki fashion designers ki line laga chuke honge, khud ko sabse best sabit karne ke liye. Lekin koi aaj Diksha se puchh le ki Som kaisa dikh raha hai... Shyad wah tulna karte huye yah bhi kah sakti thi ki swyam ishwar ka roop aaj fika hai Som ke samne.


Kahe bhi kyon na zindgi me pahli baar Som ko taiyar ho kar kisi function ko aatend karti hui dekh rahi thi. Aaj bhi yadi wo kisi nashedi ki tarah ban kar aata to bhi Diksha ke liye wo sabse khubsurat hi rahta. Som ki to dhadkane badhi thi lekin Diksha ka dil uchhal raha tha.


Wo bus Som ke wapas uski ore dekhne ka intzar kar rahi thi taki Diksha dikha sake wo kitni khush hai. Som apni badhi dharkan ko hath ke ishare se niche karte jaise hi najar upar uthaya…


Tej Seety ki awaj gunjti rah gayi. Diksha ruki hi nahi kuchh minton ke liye aur jab ruki tab sidha daur chuki thi. Wah bhool chuki thi ki wo poore gahno se ladi hai. Bhul chuki thi ki wo kis libas me hai. Bhul chuki apni sari soch...


Som hanste huye usse gode me sambhala. Khud ko thoda pichhe karti Diksha, Som ke gal ko apne hath me tham kar uske chehre ko bade dhyan se dekhti rahi aur fir shawans ke chalne matr jitni awaj se bus itna hi kah payi.… "Thankeeuuuuu"


Som usse nicha uthara, uske gal par hath ko kisi abhibhavak ki tarah ferte... "Bahut pyari lag rahi hai. Chal ab jara sab ko dikha de"


Diksha:- Papa ko maine 8.30 ka waqt diya hai. Abhi humare pass aadha ghanta se upar ka samay hai. Ek cigerette pilayega.


Som:- Mandap par baithegi na. Wahan cigerette pi kar jana allowed hai kya...


Diskha:- Upar-upar funk dungi...


Som:- Na na.. wo kapde juthe wale system hota hai na... Juthe kapde pahan kar lagan-mandap me kaise baithegi…


Diksha:- Haaannn... Maa ne bataya tha... Kuchh kar na jo mere hath muh tak nahi jaye...


Som:- Pagal... Ruk jalata hun...


Som ne cigerette jala kar aage badhaya. Diksha muh aage badha'kar ek kas khinchti... "Bahut pyara dikh raha hai. I want capture this moment. Oh haan wo bag khol na."


Som bag kholne laga... Diksha ishare se... "Haan wo box nikal".


Som, box nikalne ke badle box khol kar aneder se phone nikalte... "Thanks a lot. Kitna kharch kar dee iss phone par"


Diksha:- Apni khushiyan kharch ki hun. Isme maine apna number save kar diya hai. Tere sare email waigarah sab active hai. Tera number kisi se share karun ya nahi...


Som:- Sia kya boli...


Diksha:- Tu apni bol..


Som:- Koi issue nahi hai. Jisko bhi jaroorat ho unhe number de dena... Sia se baat kare kya?


Diksha:- Main ussi ke samne to taiyar hui hun. Usne kaha wo shadi live dekh rahi hai, lekin ab baat nahi kar payegi, rona aa raha hai.


Som:- Haan tere pass na aa payi na, usse bhi akhad raha hoga...


Diksha:- Tu bhi nahi aa pata to main samjh sakti thi. Khair, kya tune sach kaha tha, main shadi ke baad badal jaungi? Meri priority badal jayegi?


Som:- Pata nahi, ab to anubhav kar hi legi to mere sath bhi share kar dena.


Diksha:- Tu aise na dekh mujhe sharm aa rahi hai. Najar samne kar…


Som:- Kya karun.. bahut pyari lag rahi hai… dekhne de..


Diksha:- Fenk uss cigerette ko aur jaldi se hath dho kar aa.. Main iss moment ko capture karungi… Achhe se hath ponchh kar aana.


Labhag 10 minute tak alag-alag emotion aur alag-alag pose me dono selfie click karte rahe. Fir agle 5 minute tak dono apne-apne mobile se ek dusre ki tasveer lene lage.


Som:- Chalen madam. Ab jara Pranshu ko bhi apni shakl dikha de. Bechara mara ja raha hoga. Aur tu bhi to excited hogi uske first look ke liye.


Diksha:- Yep kafi jyada excited hun, lekin bechara, aadhi shakl dekhega kyonki maa ne kaha hai aadha ghunghat.


Som:- Ooooooo bechara. Matlab I am the luckiest one.


Diksha:- Tu to meri maa hai re. Well explained Som. Main chah kar bhi kya hai hum dono ke bich bata nahi pati. But yep mera chhota Som. Tujhe taiyar ho kar aaye dekh aisi feeling aa rahi hai, mano koi maa apne bacche ko pahli baar school ke liye taiyar karne ke baad dekh rahi ho. Duniya me sabse pyaraaaa aur sab se khubsurat...


Som:- Bus bhi kar. Kitni tarif karegi. Main nurvous feel karne lagunga..


Diksha:- Tujhe kahi na samne dekh. Ander se sharm aa rahi hai. Achha Som tu na abhi poori shadi me mere sath hi rehna. Dil me fir se ghabrahat si hone lagi hai.


Som:- Aaj jab teri najren mujhe dhundhegi to main tere aankhon ke samne rahunga. Lekin meri ikchha hai ki tu poora dhyan Pranshu par laga. You know ab tum dono ek dusre ko complete karoge isliye chhote Som aur chhoti Diksha ko ab bada hona hoga. Hum har mehfil me logon ko clarification nahi de sakte ki hum kya hai aur ye sahi bhi nahi hai. Hum jis samaj me rahte hain, hume kuchh uske anusar bhi chalna padta hai. Bhale family kitna bhi allowed kyon na kare. Hope you understand..


Diksha:- Iss samaj ki to...


Som:- Kya boli...


Diksha, chhota sa muh banati.… "Chhoti Diksha ko chhoti hi rahne do, wo badi nahi hona chahti."


Som:- Kya samaj ke kuchh niyam maan kar aur ek fit dur baith kar chhoti Diksha aur Chhota Som nahi rah sakte. Kya sab ke bich gale lag kar, ya gal ko chum kar hi feeling express hoga..


Diksha:- Bilkul nahi.. Ek fit kya 1000 km dur baith kar bhi Chhoti Diksha apne chhote Som se utna hi pyar kar sakti hai aur apni feeling express kar sakti hai. Maan lenge hum samaj ke niyam. Sab ke bich lahje se gale lag jaungi apne chhote se Som ke. Khush na...


Som:- Bahut Khush.... Chalne ab..


"Tum dono.… Sommmm... Mera baccha... Aaj baal me kanghi kar ke aaya hai. Bhagwan ye to shoot boot me hai.… Diksha ek photo le na re jaldi"…. Diksha ki maa Lata Mishra aayi to thi kahne... "Tum dono raat yahin bita do baat karte-karte"... Lekin jaise hi Som muda. Lata Mishra ki bhi wahi bhavnayen thi jaisi Diksha ki..


Kuchh der Selfie-Selfie khelne ke baad... "Mishrayan ji aap badho hum dono bhi aaye"..


Diskha:- Maa ruko ek minute...


Lata Mishra jaise hi mudi Diksha bhinch kar gale lagti…. "Maa, I love you"…


"Love you too beta. Lekin dekh abhi mere aanshu nikal degi to mera makeup kharab ho jayega aur main nahi chahti ki teri vidai se pahle mere aanshu nikle. Chal ab mujhe chhod aur jaldi se aao"


Diksha:- Sath me hi chalte hain. Jarra ek baar dress to dekh lo aur sahi kar do..


Lata ne dress thik karne ke sath hi ghunghat ko aankhon ke niche tak le aayi. Aadha ghunghat jaise hi aaya, ek baar fir Som ke hath uske sine par firne lage aur wo apni badhi dhadkano ko shant karne laga. Lata Mishra hansti hui kahne lagi… "Mera bhi yahi haal hai. Bahut pyari lag rahi hai na Diksha?"


Som chillaya… "Mishrayan ji sambhalo, ek hi emotion me raho aur dialogue bahar mat aane dena jo dimag me hai"


Lata:- Kaun sa re...


Som:- Beti kab badi ho gayi...


Lata Mishra kuchh bolne ko hui. Som usse hath dikhate…. "Isse stage tak chhod aaye fir baat karte hain"


Lata:- Kuuta, mere bolne ka waqt aaya to... Khair, jayega kahan ab to tera number aa gaya hai mere pass... Chal..


Diksha ki Maa Lata Mishra ander apni bhavnayen samete hansti hui aage nikli. Som ke sath kadam se kadam milati Diksha chali. Dono apni chhoti ungli fansaye huye dhime-dhime chal rahe the. Diksha apne ek jivan ki dahlij paar karne se le kar dusre jivan me praves karne ka safar apne sab se pyare dost ke sath, kadam se kadam mila kar tay kar rahi thi...

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

Update:-20​

Diksha ki Maa Lata Mishra ander apni bhavnayen samete hansti hui aage nikli. Som ke sath kadam se kadam milati Diksha chali. Dono apni chhoti ungli fansaye huye dhime-dhime chal rahe the. Diksha apne ek jivan ki dahlij paar karne se le kar dusre jivan me praves karne ka safar apne sab se pyare dost ke sath, kadam se kadam mila kar tay kar rahi thi...


Jaise hi darvaje se bahar nikle, 4 rishtedar char kone se chunni ki chhat banaye sath chal rahe the.


Jugnu iss mauke ke liye, doli-kahar, modern entry chhote rikshaw se, aur bhi 20 tarah ke ideas diye the. Lata Mishra ne sabhi idea ko kharij karti hui simple le jane ke plan karne kahi. Unka kahna tha Diskha ko to uski dahlij se bahar Som hi le kar aayega uske naye jivan ke mandap tak.


Itne sajo-sajja aur tarah-tarah ke bharkile log apni klaa tab na dikhaye jab Diksha apne kadam shadi ke liye badha rahi ho. Uss waqt har kisi ki najar kewal dulhe aur dulhan par rahe. Hua bhi wahi. Lawn me takriban 600 guest baithe huye the. Sabhi ki najar uss chunni kee chhat ke niche thi, jahan Diksha aadhi ghunghat me thi aur log ki najren khinch rahi thi.


Photographers "khich-khich-khich" click par click kiye ja rahe the. Kuchh utsahit ladke-ladkiyan kafile ko rok kar ek selfie lene ki kosis kar rahe the. Haan lekin unhe bhi thodi mehnat karni padi thi kyonki selfie to le sakte the lekin chalte-chalte.


Waise social profile par picture ki gallary lagane walon ke pass kamal ki taknik to thi tasveer khinchne ki. Kafila kise ke liye nahi ruka siway madam ke, jiski awaj par hi kafila ruk gaya. Jaise hi kafila ruka Diksha dhime se jhuk kar madam ke dono paun chhu kar aashirwad lee.


Madam bhi dono hath se aashirwad deti chunni ke niche aakar jaise hi dono ko dekhi. Aankhon se unke bhi aanshu the.… "Dono dil me utar rahe ho. Lagta hai mujhe apne fb wall par photoshop karwana hoga.. agar allowed karo to 2-3 selfie le lun"


Diksha:- Aap aise puchhogi to main aage nahi ja paungi yahin baith kar rone lagungi...


Diksha apni baat kahti dono hath failate… "Aaj apne sweetie ko gale nahi lagaogi maa"


Madam gale lagti... "Bahut pyari lag rahi ho Diksha. Khush rahna aur aa kar milte rahna. Ab main retire ho gayi hun. Kayi salon se koi tour par nahi gayi. Ek tour plan karungi, waqt ho to aa jana. Som tum Diskha ko chhod kar aao, kuchh baat karni hai"..


Jab tak madam khadi thi Diksha, Som ke hath ko kas kar thami rahi. Shayad khud ke aanshu ko rokne ki kosis kar rahi thi lekin ye aanshu the ki rukte hi nahi the.


Kafila aage badha… "Aanshu pochh le rotlu. Kitna roti hai"


Diksha:- Sorry wo apne aap aa gaye...


Som:- Dhyan Pranshu par laga… my best suggestion.. yahan se tu kuchh nahi khone wali hai. Na to Mishrayan aur Mishra ji ko. Na hi Som ko. Na hi Sia ko. Na hi madam ko aur na hi kisi anya ko. Lekin jiske sath umr bhar rahna hai, uske sath bandhne ki jo excitment hai. Wo tu ektarafa feeling ke jhukav se maar rahi hai. Ye din tum dono ke jivan me dobara nahi aayega. Haan lekin bhavuk ho kar jitne baar rona chahti hai, wo kabhi bhi ro sakti hai. Chal ab hans.


Diksha:- Ek peg pilayega to excitement me Pranshu ke sath nachungi bhi.


Som:- Pranshu tak teri feeling pahunch jayegi. Lekin tera dress jutha na hoga. Tujhe to shadi hone tak pani bhi pine na denge…


Diksha:- Haan to usse dance karna hoga to sare terms and conditions ko follow karega. Waise bhi main ladki hun iss tarah ki tikrambaji nahi kar sakti.


Stage ki sidhiyan dono chadhne lage. Pranshu pahle se wahan pahuncha hua tha. Uske dost, bhai, bahan sab usse ghere huye the. Diksha ke pahla kadam jaise hi sidhiyon par pade, charo ore se fulon ki barish hone lagi. Issi bich Diksha ko Pranshu ki pahli jhalak mili. Bilkul hi dhimi awaj me.… "Hayyyy killer look me aaya hai ye bhi. Main flat ho gayi"


Som:- Control, bhul mat tu dulhan hai...


Diksha:- Haan so to hai. Tum T&C samjha dena. I wanna dance with him.


Som:- Thik hai. Ab main yahan se jaunga. Tu stage sambhal.


Diksha:- Please tu rah na mere sath…


Som:- Yaad hain na... Chhote Som aur aur Chhoti Diksha ko bada hona padega taki chhota Som aur Chhoti Diksha kabhi gayab na ho..


Diksha:- Love you Som.. you are right. Ja tu enjoy kar... Meri shadi hai iss khushi me 4-5 peg laga aur haan jhagda mat karna…


Som:- Love you too... Tu yaad rakhna dulhan hai..


Pranshu:- Main bhi ander aa kar sunu dono kya meeting kar rahe.….


Pranshu bol hi raha tha tabhi upar ki chhat hat gayi. Som apna sar jhukaye Diksha ko uski jagah tak le kar aaya. Diksha Som ke hath ko achanak hi bhinch lee aur fir apna panja khol di. Som ruka nahi aur teji se sar jhuka kar hi nikla. Diksha bhi apne hath ke rumal ko apne chehre tak le gayi.


Pranshu, wo to Diksha ke aadhe ghunghat ke pahle look me hi bolte-bolte aisa khoya ki uski bolti hi band thi. Wahan maujood har koi Diksha ke pahle look ke sath hi bus khinche chale gaye aur photo khinchne ki hor si lagi hui thi. Pranshu ke bhai-bahan usse hosh me late huye pass wali chair par bithaya.


Jaise hi Pranshu ko dhyan aaya, wo khoye aalam se bahar aaya aur thoda sa kinare ho kar dhime se kahne laga, "Main to tumhe dekh kar hi kho gaya. Tum kamal lag rahi ho Diksha"


Pranshu samne dekhte huye apni baat dhime se 2-3 baar kahta raha lekin Diksha ke ore se koi pratikriya nahi aayi. Pranshu jab najren tirchhi kar ke dekha to usse pata chal gaya ki Diksha ghunghat ki aad me subak rahi hai.


Pranshu chair ke hand rest ke upar hath rakh'kar, Diksha ke mehndi rache khubsurat haath ko tham kar apni pancho ungliya uski ungliyon me fansa'kar dhime se kahne laga.… "Tum roti kyon ho. Ruko Som ko bula deta hun"


Disksha, Paranshu ke hath ko bhinchti... Kalai ko na ke ishare ne hila dee. Pranshu ishare samjhte fir se kaha... "Tumhara rona achha nahi lag raha"


Diksha hath ke upar apna dusra hath rakhti Pranshu ko saaf sanket de dee nahi wo thik hai. Idhar Som apna sar jhukaye sidha washroom pahuncha aur apne chehre par pani marne laga. Chehra saaf kar ke Som bahar nikla.


Uski najar Jugnu ko dhundhne lagi. Jugnu bhi stage par hi thi. Som, Diksha ke mobile se usse call kiya. Diksha ka call dekh kar Jugnu thodi hairan hoti niche ghutno par baithi aur ghunghat ke niche se puchhne lagi... "Bhabhi aap ka call aa raha hai"


Diksha:- Som hoga, mera mobile ussi ke pass hai.


Jugnu thodi hairan thi. Call pick ki to Som usse thik pichhe niche aane ke liye bola. Jugnu jab pichhe mudi tab wo bhi pahli baar Som ko dhyan se dekh rahi thi. Jugnu uske karib pahunchti.… "Sir, kafi dashing lag rahe ho, jarra najren charo ore bhi dal lo, kayi deewani dil liye ghum rahi hai"…


Som:- Jugnu leave this. Ek chhota sa favour karogi..


Jugnu:- Order karen sir..


Som ne Jugnu ko sare T&C samjha diya. Diksha ko nacahne ka tarika bata kar wahan se chala gaya. Jaise hi Som ke kadam resort ke west side pool area ke ore badhe wo khud me hi hasne laga. Haan ummid jaisa kiya tha bilkul waisa nahi tha lekin mahol tha.


Mishra ji apne 3 samdhiyon ke sath baithak laga rahe the. Jisme Pranshu ke papa aur uske 2 chachere bhai the. Som jitne tej pahuncha tha, bhid dekh kar uss se bhi tej apna rasta moda lekin tab tak Mishra ji dekh chuke the.… "Oye lafantus kidhar?"..


Som bina jawab diye nikalne ki kosis me tha lekin tabhi Mishra ji fir chillaye.… "Haan main bhi faltu hi hun na. Ek Diksha se tu poori baat nahi kar sakta. Dusre ko tu kyon tokega"…


Som pichhe muda aur hath ke ishare se hi... "Kya hai"… Mishra ji bhi usse isharon me hi bulane lage. Dono ka khel dekh kar Pranshu ke papa Veraji Jadeja... "Kya bhai nahi aayega kya? Soch le tera mere yahan aana paratibandhit kar dunga"


Som ko majbooran aana pada. Mishra ji apne pass bitha kar Som ke ore glass badhate… "Kyon muh utra hai. Le le ab"


Viraji:- Tu karta kya hai?


Som apna peg uthate... "Freelancer hun"


Viraji:- Freelancer kya hota hai..


Harindr:- Kisi kaam ke...


Viraji:- Wo kaam karta hai na Harindr to usse bolne de.


Som:- Self-employed hote hain. Hume kisi company ya group dwara kaam offer kiya jata hai. Apna kaam kiye aur paise liye.


Viraji:- Aur kisi ne kaam nahi diya to berojgari… ha ha ha..


Som:- Haan kah sakte hain…


Viraji:- Aise berojgar ladke ka naam apni bacchi ke sath joda ja raha tha. Harinadr yahan se hum uss scientist ke yahan chalenge. Mujhe wo ladka pasand aaya.


Harindr:- Haan din dekh kar chalte hain..


Viraji:- Tujhe kaam na mile to humari company hai join kar lena. Waise padha kitna hai.


Som:- PhD in linguistics...


Mishra ji:- Oh ho Dr Som. Tune bataya nahi.


Viraji:- Managment ka cource hai kya?


Mishra ji:- Nahi ye...


Viraji:- Aree usse bolne dijiye, padhai to usne kiya hai na.


Som:- Nahi Jadeja sahab ye management ki padhai nahi hai. Bhasha ke bare me padhai ki jati hai.


Viraji:- Oh translator hai...


Som, Kapendra Mishra ko ishare kiya. Mishra ji samajh gaye... Som ko ek aur peg offer karte… "ye khinch aur ja ander ka kaam dekh"


Viraji:- Aree ander ka kaam to kramchari dekh rahe hain. Usse meri beti itne paise kyon deti hai, ghar walon ko kaam karne ke liye kya? Sab enjoy karenge… ..


Som apna peg khinchte... "Aap log aaram se lijiye main jata hun"


Som apni baat kah kar peg khincha aur wahan se jane laga. Tabhi, Pranshu ke papa Viraji... "Suno ladke"


Som:- Haan ..


Viraji:- Kafi achhe dikh rahe ho. Uss se bhi achha tumhara attitude hai, (Jugnu ke phone call ki ghatna, jab usne Som ko propose kiya tha usse dhyan me rakh kar) jise dekh kar main sukoon me hun. Warna majboori me hume bacchon ke pyar ka dushman ban'na padta.


Som dhanywad kahta mud gaya. Uske pichhe Mishra ji nikle apne samdhiyon ko kahte, kuchh jaroori baat karni hai... "Som sun to"..


Som:- Chilla kyon rahe ho, muh fula kar ya naraj ho kar thode na ja raha hun…


Kapendra:- Nahi mujhe laga ki kahin tujhe ye na lage Diksha kin logon ke ghar ja rahi hai…


Som:- Main Mishra ji ko janta hun. Right Mishra ji. Aur Mishra ji Diksha ke liye kabhi koi galat faisla nahi le sakte. Isliye chill...


Kapendra:- Nahi Pranshu ke papa ko sun'ne ke baad dil thoda ghabra raha hai...


Som, Kapendra ka hath apne sine par rakhta... "Aap ka dil idhar hai. Aur jante hain ye dil kya kah raha hai?


Kapendra:- Kya?


Som:- Jab tak Som jinda hai, aapki har galti ko wo sahi kar dega. Chinta chhod dijiye. Abhi Gajendra Mishra ki beti Lata Mishra ko inke bich bitha dun na to sab ki ghighi chhutne lagegi... Aap na apne samdhiyana walon ke sath raha karo na tab Mishrayan ji ko sath le'kar raha karo..


Kapendra:- Haan samjh gaya. Waise ek baat to sach hai ki tu bhi aaj bada lag raha hai... Ye pakad, apne bike ki chabhi..


Som:- Sab aaj hi kar lo mujhe jane hi mat do. Khud to yahan ho aur mujhe bhi pakde raho.


Kapendra:- Nahi wo baat nahi hai, main bus...


Som:- Bus Mishra ji bahane band kijiye ki beti ko dur jate dekha na jayega.… Rona aa raha hai…. Ja kar shadi me samil ho jaeye. Warna ye raat gayi na to kosoge khud ko. Kaisa lagega Diskha ko jab shadi ki tasveer me aap uske sath raho hi na. Main ja raha hun sabha khatm kar ke jaldi aao. Jyada hi-fi logon ke bich baith kar naya-naya culture ko sikhne ki kosis na karo to hi achha hoga… ja raha hun.. ..


Som apni baat kahte huye chala lawn ke ore. Charo taraf ka mahol kafi achha lag raha tha. Som stage par ek najar diya jahan Diksha sab ke bich baithi thi. Kuchh ladki paksh ke log stage par the to kuchh ladke paksh ke.

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

Update:-21​

Diksha ki ghunghat ab abhi uska aadha chehra dhake hui thi. Wo shayad sar utha kar dekh na pa rahi ho lekin Som janta tha ki Diksha ki najren usse hi dhundh rahi hogi. Issi bich karykarm shuru hone laga. Ladka aur ladki dono aamne samne the.


Som bhi stage par pahunch gaya. Som ko apne pass mehsus kar Diksha uska hath tham kar apne karib le aayi… "Kahan tha"


Som:- Kya hua so..


Diksha:- Kuchh nahi. Madam se mila.


Som:- Ohhh, bhul gaya. Varmala daal fir main chalun...


"Are Som sir, kuchh log aap ko pukar rahe aur aap hai ki dhyan hi nahi de rahe"… Mayank ne kaha


Som:- Mayank tum to boarding me nahi the na fir ye sir kyon kah rahe...


Mayank:- Ab Jugnu didi humari leader hai na. Unhone jo kah diya so humne follow kar liya..


Som:- Ji sir samajh gaya... Waise Jugnu kahin dikh nahi rahi..


Mayank:- Kisi VIP guest ko attend karne gayi hai. Unka request tha ki jab tak wo rahen Jugnu didi unke sath rahe...


Som:- Thik hai.. waise bhai utaar de Pranshu ko. Kahan Diksha varmala dalne ke liye 8 fit kudegi...


Mayank:- Ab har kisi par mera jod chalta fir kya baat thi... Aap hi request kar lo..


Tabhi Diksha Som ko thuski deti... "Duffer mujhe upar utha na. Har baat main hi sikha rahi hun"…


5 minute tak stage par kautuhal aur hooting ka mahol chalta raha. Wahan har koi bahut kuchh notice bhi kar raha tha siway Som ke. Kyonki uss stage par kitne log the aur kis-kis paksh ke ye to Som bhi nahi janta tha.


Baharhaal Som ne Diskha ko upar uthaya aur ussi ke sath taliyan bajne lagi. Dono ke gale me varmala padte hi Som wahan se niche aaya aur madam se milne chal diya.


Madam ab bhi wahin baithi hui thi jahan wo mili thi. Haan lekin jahan madam ho wahan log na ho aisa ho sakta tha kya? Log khade ho kar madam se baten kar rahe the. Som bhi uss bhid ke pichhe samil ho gaya.


Tabhi madam ne samay dekha aur sab ko wahan se jane ke liye bolne lagi. Bhid jaise hi chhati Som madam ke najron ke samne tha.… "Mujhe to laga announce karna hoga. Stage se to kab ka utar kar gaya tha."


Som:- Najar kamjor nahi hui kya?


Madam:- Chal mujhe drop kar de.


Som:- Gadi to Jugnu ke pass hogi aur wo kisi guest ko attend karne gayi hai.


Madam:- Jugad laga. Mujhe abhi jana hai lekin uss se pahle jara tujhe dekh lun. Bahut pyara lag raha hai.


Som:- Thanks madam


"Aa idhar aa" kahti hui madam khadi ho gayi. Som madam ke gale lagte apni aakhen mund liya. "Hum dono (Som aur Sia) aap ke ideal hai" .. Som ne gale lag kar khote huye dhime se kaha.


"Sab ke samne boli na, fir bhi tujhe shak ho raha hai. Haan lekin wo touchy moment tha jab main Diksha ke sath tasveer le rahi thi. I want that pics too on my wall. Jugnu ko nahi bolungi usse bura lag jayega"


"Koi nahi Sia kar degi. Thanks a lot madam. Kabhi kisi mehfil me aaj tak koi naam nahi liya gaya. First time jab aap ne itne logon ke bich bola na. Its feeling like... Yep I am something."


"Som ek baat bata, main itna bhai-bahan se mili hun. How could you manage or trained your sister"… Som ki baat sun kar madam shayad uss par pratikriya nahi dena chahti thi isliye topic change kar dee.


"Main samjha nahi madam"


"Ya fir batana nahi chahta"


"She loves me a lot madam, aur kya kah sakta hun"


"Haan so to hai. Sia ke PhD class ki jab chhutti ho to uske sath aana. Tumhare official pata hone se main bahut khush hun. Achha sun ab main retire ho gayi hun to mere pass bahut waqt hoga faltu ki bakwas karne ke liye"


"Main, Sia aur Diksha teeno confrence par roj aap ki bakwas sunege madam aur hum sab bhi bakwas karenge."


"Mera baccha. Log kitne bharm me hain, Som baat nahi karta. Sia hamesa formal rahti hai. Koi mujh se puchhe kitni baaten karta hai"..


"Jane do madam. Curious log hote hain. Unke jaise common harkaten na karo to unke ander jigyasa jaag jati hai dusron ke personal life me ghusne ki. Jo main karta hun wahi to duniya ke log karte hain. Anjano ko avoid aur apno ke pass waqt bitana"


"Haan lekin baat karna ya na karna thode na issue hai, tere aur Sia ke sath. Bus tum log apne charo ore baat karne wale logon ko nahi jodte. Dusre aise nahi karte."


Bade se lawn me shadi ka poora arrangements tha. Bich se 8 fit ke raste par cham chamata red carpet bichha hua tha aur dono kinaro se sitting arrangements thi. Madam aur Som dono raste ke kinare ek dusre se gale lage huye the. Dono aanken munde ek dusre me lagbhag khoye se baat kar rahe the.


Madam ke liye bhi ye pahla mauka tha jab usne Som ko taiyar ho kar pahli baar samne khada dekhi thi. Som ke liye madam ke dil me bhi dher sari bhavnayen thi aur wo gale lag kar apni bhavnao ko sukoon de rahi thi. Thik waisi hi haalat Som ki bhi thi.


Madam, Som ke gaal ko chumti, "Aa jaa, iss moment ko capture karte hain"


Som, madam se alag hua. Dono satge ke ore hi dekhe pahle, jahan Diksha aur Pranshu hanth jode khade the. Diksha itni pyari lag rahi thi ki madam aur Som dono ussi ko dekhne lage... "Som Diksha aadhe chehre me kahar dha rahi hai na"


"Madam aaj wo itni pyari lag rahi thi ki kya kahun. Maine kayi pics click kiye"


"Aree wahhh ladke, naya coat, naya paint, nayi boot, naya mobile. Sab chakachak hai"... Madam Som ka mobile dekhti hui uski khinchai ki..


"Areee yaar, ye ladke paksh wale bhi na. Bechari ke ghunghat ke pichhe pade hai"..


"Bewakoof hain sabhi. Daughter of Lata Mishra kabhi apni maa ke kahi un baat ko kaat sakti hai kya jise wo khushi se aur bina pareshani ke kar sake"..


"Madam ulte ho jate hain. Selfie me Diksha ko bhi capture karenge."


"Good idea."


Dono stage ke opposite face kar rahe the. Tabhi madam ki najar charo ore gayi.… "Som lagta hai tera idea viral ho gaya. Poori mehfil hi mobile nikale Diksha ke sath selfie le rahi"


"Wo itni pyari lag rahi hai ki koi bhi iss moment ko capture karega"…


Dono fir Selfie-Selfie khelne lage. Madam kisi bacchi ki tarah pose de rahi thi. Madam aage khadi, Som apna chehra madam ke kandhe par lade, unke gaal se apna gaal chipkaye, aadhe frame me dono ko aur aadhe frame me stage ko capture kiye ja raha tha..


Madam kabhi jibh nikalti, kabhi teasing moment. Khud to kar rahi thi sath me Som ko bhi copy karne kah rahi thi. Som tha to madam ka hi chela. Bilkul unhi ke rang me rangte selfie click kar raha tha. Madam jibh bahar nikal kar bayen ore karti to Som dayen ore... Eeeeeee.. uuuuuu... Chiissss... Aur na jane kaun-kaun se selfie pose the.


Dono bacche ki tarah magan the. Issi bich Som aur madam ke kandhe par kisi ka hath pada aur bilkul naam matr ka halka push hua. Shadi ka mahol me to ye aam baten thi, bhukamp se aaj jamin bhi hil jati to bhi dono aaj screen me ghuse rahte.


2 selfie aur liye the ki thoda tej jhatke ka push hua aur kisi ne Som ke hath se mobile le kar ander kursiyon ke ore uchhal diya. Ander kursiyon ke ore dhakka thoda jod ka laga tha. Kisi ne dono ko raste se ander jane ke liye dhakela tha. Madam ladkhadati hui apna balance kho dee aur kurshiyon par girne lagi.


Som apne dayen hath se madam ko sambhala aur ussi ke agle pal chehra halka pichhe kiya. Unhe dhakka de'kar aur mobile uchhal'kar aage badh gaya aadmi, jisne pichhe mud kar dekha tak nahi ki kya kiya usne.… Som apna bayan hath pichhe le jaa kar, uske gardan ko pichhe se dhar dabocha aur uss sadhe 6 futiye (6.5 fit) aadmi ko gardan se pakad kar hawa me utha diya aur usse kinare rakhe kurshiyon par dhair-paith patak diya.


Som madam ko chhoda aur kinare kiya. Ye kisi VIP ke kafile ka highly trained videsi bodyguard tha. Jaise hi ek par humla hua, 2 ussi hight ke bodyguard daur gaye. Som coat ko teji se madam ke gode me diya. Som, ek underground fighter, 2 kadam ke chhote se daur ke sath uchhal kar ek chair to top par paun dala aur hawa me aur uncha uchhal kar punch chala diya. Kinare se bhagte aa raha bodyguard ke chehre par ek jordar punch laga aur wo apna naak pakad kar baith gaya.


Wahin uska sath daurte aa raha dusra bodyguard, usne bhi apne punch se Som ke chehre par humla kiya. Som usse dodge kar gaya. Dodge karne ke sath hi wo bodyguard Som ke thik pichhe chala gaya. Som teji se uske kamar me hath dal kar usse khincha. Belt ke niche se kamar ki pakad aur dusra hath pichhe se gardan ko daboch'kar Som ne usse upar hawa me utha liya. Dharammmmm.. dharam ki jordar awaj aur Som ne usse chair ke bich patak diya. Mahaol poora intense ho chala. Aise videshi bodyguard ki kami nahi thi. Pichhe se kaun kya chilla raha tha Som ko kuchh sunai nahi de raha tha.


Gussa aur kewal gussa. Madam ko dhakka de diya... Diksha ka diya mobile hath se chhin kar fenk diya.…. Som paglon ki tarah kewal aur kewal utha kar hi fekne me vyast ho gaya tha. 2 ko kursyion ke bich utha'kar feka tha. Teesra bodyguard wahin biatha naak pakad kar aankhon ke aage se andhera chhtne ka intzar kar raha tha. Issi bich Som ne uske kamar ko dono hath se pakda aur kandhe par uthaya hi tha ki samne se 2 aur daure aa gaye.


Som ne kandhe par wale bodyguard ko bhi kursyion ke bich uchhal kar usse bhi uske stahiyon ke bich pahunchaya. Aur agle hi pal 2 daudte huye aa rahe bodyguard bhi uchhalte huye pahunhe. Som 2 kadam pichhe hata. Dono ka attack missed hua aur issi ke sath Som ne ek ka tie khinch kar uske chehre par ghutne se itna tej mara ki uska muh aur naak fat gaya. Jis waqt pahle ka tie khincha tha thik ussi ke sath hi dusre bodyguard ka gala dhar dabocha tha. Idhar ek bodyguard ka chehra ghutno se takraya aur udhar dusre wale ko ek hath se hi usse utha'kar usse bhi kurshiyon ke bich dharaammmm...


5 bodyguard ko Som buri tarah se pit chuka tha. Tabhi Som ke sine par poora panja tha... "Sommm... Sommm... Sommmm"…. Aakhen utha kar dekha to samne Diksha thi aur uske pichhe kayi sare VIP log aur uske bodyguard ki bhid. Uss VIP ke poori bhid ko najren gada kar Som poore gusse se ghur raha tha.

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

Both are awesome mind-blowing fabulous marvelous shandar amazing lajvab outstanding update nain Bhai

To akhirkar vo vakt bhi aa gya MATLAB Diksha ki shadi hone Vali hai ,
Dekhne me Diksha Kisi swarg ki apsra we kam nhi lag rhi vhi som bhi Kisi Turkish hero se kam nhi lag rha
Ye dono jab bhi sath hote hai apna bachpna kabhi nhi chodte ....ye Diksha bhi mashedi nikli ab ye bhi kya kre jidka best friend hi aisa ho
Vhi Lata ji bhi aaj bhavuk ho gai ji swabhavik bhi tha
Diksha ne to pranshu ko dulhan ke getup ne first drishye se hi guayal Kar Diya , Diksha lag hi etni pyari rhi to bechara Kar bhi kya Kar Sakta hai ( sab photo Ka Kamal hai )
Viraj ji ne purusom ki insult Karne me koi kasar nhi chodi , par som bhi pristhitiyon ke anukul hi koi step uthata hai
Vhi jugnu bhi som ki Dekh Kar uski tarif kiye bagair nhi re ski ab Esme uska kya koosur som kahani Ka hero Jo thehra
Vhi madam ke sath bahut bhavnatmat conversation hui , mja to tab ayega jab Sia som sath me madam se milenge
End last jab varmala ke time Jo bilkul unexpected or unwanted tha vo ho gya matalab dhisumm dhisumm ...som me sab ki ache se pelai kri Kisi me vapas utha kat fight Karne ki himmat nhi hue Diksha ke rokne par par som Sant hua
Ab dekhna ye Hoga ki ye fight kya rang leke ATI hai

Let's see what happens next

 

[Kingfisher]

Meera purohit bas pyar kare nischal se hi.. kisi kide makode jaise som vom samo chachha se nahi..

Som hi asli hero hai ....vo legend hai or legend never kide makode

 

[krish1152]

Nice update

 

[The king]

Update:-51​

Sabhi ki najren ek tak tapak Vyas par.… Tabhi Pranshu… "Haan bhai, kyun nahi. Ab to Meera ji badi ho gayi hain. Boyfriend ke sath ghumti hai aur unke boyfriend ko ye tak pata hai ki Diksha se shadi hone par Meera shadi attend karti aur koi dusri ladki se shadi hoti to nahi aati. Jaisa ki Meera naa aa kar ye sabit bhi kar chuki hai"…


Meera, Paranshu ke baal dono hath se pakad kar nochti.… "Boyfriend… boyfriend… yahan Vyas sir ki maa baithi hai bahane baithi hai aur tumhe aise mazak karte sharm nahi aati"…


Pranshu jhat se apna mobile dikhate... "Ye le dekh le... Aaj subah ki viral tasveer.. Ab kya kahna hai... Sugandha kaki 5 baje ke karib Lucknow ke liye nikal rahi hai"…


Meera sab ko hath dikhati... "Main manti hun aap sab shocked hain aur bolne ke liye hi utavle. Thodi si confusion hai aur humare thode se masti mazak ko Soni kaki ne kuchh jyada he seriously le liya. Matr galatfehmi hai."


Alka Shashtri, Vyas ko ghurti... "Tasveer me confusion hai ya fir abhi confusion creat ki ja rahi hai. Ek ladki se dosti dusre se affair, sara din aawaragardi... Na tu chahta kya hai Vyas"…


Vyas:- Ek ladki se dosti ka matlab... Main aur Sia sath ek campus me hai, achhi baat hoti hai. Thode se hansi mazak ho jate hain... Isme ek ladki se dosti par jor dene wali baat kahan se aayi... Aur Meera ko lekar iske house maid ko confusion hua hai. Tum log bhi to dekhe the hum bus combined study karte hain... Ek sath baithne ko aise rumour udaoge"…


Pranshu:- Kuchh din pahle Soni kaki ki tabiyat kharab nahi thi balki Meera unse boli thi ki wo Vyas ko parakh rahi hai... Hone wali jamai ki taiyari kar le.…


Nirali:- Tabhi main kahun ki ye kal itna chahak kyun rahe the... Main to kal hi ye baat samjh gayi thi...


"Kya main bhi participate kar sakti hun"…. Darwaje par khadi Sia boli...


Sia ki aawaj sun kar Vyas ki najar ek pal ke liye thehar gayi. Vyas ki haalat dekh kar Sia ki hansi nikal gayi... Idhar darvaje par khadi Sia jiska chehra rang se pura laal tha aur Diksha jo tel me naha kar aayi thi… dono ki haalat dekh kar..


Lata Mishra:- Kaun sa paap hua jo dono ko kitchen me jaane di. Paglon kisi ke liye khana bhi banayi hai ya kichen ke sara saman ke sath udham chaukdi macha kar aa rahi...


Diksha:- Sia tu maa ko ignore maar. Dekh uss bechare Vyas ko jo ek ladki se dosti aur dusre ladki ke pyar me pad gaya... Ab bolti band hai bhai sahab ki...


Sia Vyas ke ore dekh kar hansti hui... "Ab jo ladkiyon se dosti karega usse aise sun'na to padega hi... Bechara... Waise Meera ke case me main clarification de deti hun ki, uss raat jo ghatna hui thi.. I mean Meera ke house maid ka wo tabiyat kharab hona, wo meri aur Meera ki shart ka natija tha. Main sunischit thi ki Vyas ke sath Asif aur Riaz bhi hospital jaayega... Jabki Meera kah rahi thi Vyas hi chal de hospital to wahi bahut hai..."

"Ab hum sab Meera ko Riaz ka female version mante hain. Jo log Riaz ko nahi jante hain wo detail Alka aunty se le le aur jo log Riaz ko jante hain wo samjh gaye honge ki bechari Meera apne badbole pan me khud to fasi hi, sath hi sath Riaz ki tarah Meera ne bhi Vyas ko hi fasaya... Jija ji mera ho gaya... Chalo aap bhi kitchen, ek chhota sa holi samaroh to ho hi jaye."


Pichhe se Diskha, Sia ko ander room ke ore dhakka deti... "Sari baten clear kar ke chehra saaf kar le. Lunch ka samay ho raha"…


Sia:- Are kuchh nahi, aaj bechare Vyas ka durbhagyapurn din hai. Lagta hai Asif aur Riaz kisi kaam se gaye hain. Ek ladka ek ladki ke dosti par sawal ho sakta tha, par meri to tkri ke sath dosti hai... Baki duniya jo bhi samjhe usko samjhte rahne do... Aunty aati hun thoda rang saaf kar ke tab tak leti rahiye Vyas babu ki class... Main to kahti hun yahin lawn ke bahar scooter bana do...


Sia apni baat kah kar chali... Uska andaj-e-byan dekh kar Vyas hasne laga. Lata Mishra Diskha ko dekh kar… "Tu kya muhrat ka intzar kar rahi hai. Tu bhi ja na"


Diksha:- Ja rahi hun maa lekin jaane se pahle Alka aunty se kahti chalun.. Aunty mujhe Vyas par kuchh-kuchh shak sa ho raha hai, jarra daba ke khabar lijiye... Ladka kahin dahej me aag na laga de...


Alka Shashtri:- Batao duniya itni bhi chhoti hoti hai kya... Yahan sab ek dusre ko jante hai bus ye nahi jante ki wo log bhi aapas me ek dusre ko jante honge...


Meera:- Haan pahle din college me mera bhi yahi haal tha. Jab mujhe pata chala ki Sia didi aur Vyas pahle se ek dusre ko jante hain…


Lata Mishra:- Ek kaam karo tum log ek list banakar de do kis-kis ko jante ho... Ek baar uss list ko dekh kar hum bhi taslli kar le ki unme se hum kis-kis ko jante hain… taki agli baar aise gajab ke mahol dekhne ko nahi mile... Aur Pranshu babu apni kaki ko mana karo warna Sugandha aati hi hogi idhar...


Pahle jitne shock huye uske baad utni ji jyada hansi mazak. Upar se Lata Mishra ka mazakiya andaz. Sabhi log khane ke liye bunglow ke hall me hi gaye. Nirbhay ki patni Shanti ne sab ke khane ka intzam wahin kiya tha.


Lata Mishra, Sia aur Diksha sabse aakhri me pahunchi thi, kyunki Lata Mishra ki bahu pahli baar apne sasural aayi thi, aise kaise khali haath jane deti. Diksha aur Sia ne bhi Meera ko le kar jo samiksha ki thi wo apne tak hi rahne dee aur Lata Mishra ke sath gift ki planning karne lagi. Ab ek ko diye baki ko nahi diye ye bhi achha nahi lagta isliye teeno mil kar kiske liye kaun sa gift, kya kaise pack kar ke lana hai, wo Som ko sandesh me likh dee...


Idhar Som, Zerul se jamin ka mamla settle karne nikla tha. Dimag me pahle se tay tha ki 10 rupya ki chij ka bhaw 5 rupya ya 6 rupya lagega. Lekin Som jab Zerul Imam ke yahan pahuncha to usse baithne tak nahi diya jabki ussi ke aankhon ke samne 25 se 30 sal ke bich ke majdoor type ke dikhne wale aadmi sidha ja jar sofe par baith gaye the aur unka swagat bhi kafi josh me hua tha...


Ek to khade rakh kar bejjati kiya, upar se jamin ki kimat kaidiyon ke bhaw laga diya. Mano Zerul Imam ko 10 rupya ki chij 10 paise me chahiye tha. Upar se warning bhi de dala... "November tak wahan party office ban jayega"…


Nirbhay, wahan se Som ko le kar bahar aa gaya. Dono car me jaise hi baithe, Nirbhay Som ko dekhne laga. Som bus shant Zerul Imam ki baton par hi gaur kar raha tha… Dono ke bich kuchh baat ho pati uss se pahle hi Diksha ka sandesh pahuncha gaya jisme lambi chaudi shopping ki list thi.


Som:- Singh sahab ghar se lambhi chaudi shopping ki list aa gayi...


Nirbhay:- Tumhe Zerul ki ghatiya harkaton par koi baat nahi karni...


Som:- Baat karne ke liye koi wajah chhodi hai kya?


Nirbhay:- Nahi...


Som:- To fir bus... Ek baar sahi tarike se ab samjhaunga dekhna hans ke kahega, aap ki jamin aap ko mubarak. Filhaal to meri jigyasa abhi Vijya aur Ajay me hai. Dono school se aa gaye honge kya?.


Nirbhay:- Nahi...


Som:- Ghar call kar dena... main unke sath kharidari karne ja raha hun.


Som Nirbhay ko uski jagah chhod kar Vijya aur Ajay ko lene school pahunch gaya. Som ko dekh kar dono hi bacche khush ho gaye. Wo apne doston se Som ka parichay karwaye aur Som unhe apne aane ka karan batane laga.


Som dono ko le kar shopping kar raha tha aur Zerul Imam se hui mulakat par bade dhyan se soch raha tha. Takriban 2 baje ke karib Som Nirbhay ke dono bacchon ke sath shopping samapt kar ghar pahuncha.


Ghar ka mahol poora bhara hua tha. Haan lekin ghar ke ander Meera ko dekh kar Som poori tarah se harbada gaya. Som, Meera ke har baat ki gahrai ko bhaanp chuka tha aur khud ko uss se dur rakhne me hi apni bhalai samjha. Som khane ke bahane se chup chap wahan se nikla aur bunglow ke hall me aa kar baith gaya...


Alka Shashtri bhi kab se jane ki jid pakdi hui thi. Som ke aate hi Lata Mishra ne bhi sab ko uska gift ka packet thama diya, aur anth me Meera ke hath me packet thamati.… "Kuchh bachpana kabhi kam nahi honi chahiye Meera. Main to chahti thi ki tum yahin ruk jao"…


Meera:- Aunty baad me aap se milti hun abhi jane do. Bhaiya main intzar kar rahi hun please aana. Bahut si baten karni hai aap se...


Pranshu:- Sham ko aata hun Kuku. Khyal rakhna apna...


11 baje jo kautuhal ka mahol shuru hua so lagbhag 3 bajte-bajte samapt tha. Lata Mishra to poori tarah se jhum rahi thi kyonki pahle to mann me sanka bhi tha ki Sugandha ki beti kaisi hogi, lekin ye ladki to pahle se jaanchi parkhi hui nikli...


Surprise se bhada din tha jahan kahan-kahan se bhatake log ek poori kadi me najar aaye. Waise to kautuhal ka mahol Shashtri family me lautne ke sath hi tha. Poore raste ek to Vyas bechara dono bahno ke bich pis gaya, aur fir raste me jate waqt aaj sham ko scooty ki kharidne ki jid hone lagi...


Khiar, Mate Alka Shahstri ne Nirali aur Jannat ko 2 din ruk jane ke liye bol di kyunki Sunday ke din poora parivar sath hoga. Zarina ki chutti hogi, Pandit ji freer rahenge... Zarina ki baat par Alka ka matha thanka... "Ye Asif kidhar hai"..


Vyas:- Maa wo Kamil ke sath kahin nikla hai...


Alka:- Ye wahi Zarina ke maa ki bahan ka pota hai na jo IIT Kanpur me hai..


Jannat:- Chachi itna kaise yaad rakh leti ho...


Alka:- Bacche kiske sath gunte hain uski detail to honi hi chahiye... Waise sahi kiya jo tum dono uss family se milne chali gayi... Haay kitni pyari ladki hai na Sia. Humare samne humari maa ne aise puchh liya hota to ghabra hi jate, lekin kitna santulit ho kar jawab dee..


Jannat:- Kyun chachi, dosti ke badle prem ka rishta soch kar aap ghabra jati...


Teeno bacche thahake laga kar hasne lage. Alka ghurti najron se teeno ko ek-ke kar ke dekhti... "Haan hanso teeno. Beta mujh me tum teeno ke jaisa presence of mind bhale na ho lekin mere hath me hamesa situation advantage to rahta hi hai. Teeno ye bhulna mat"…


Vyas:- Maa dhamki try kar rahi ho kya?


Alka Shashtri:- Wo sab chhod... Tu mujhe Sia ke bare me bata. Ae tum dono jarra kaan band karo, mujhe kuchh aapas ki baat karni hai..


Jannat:- Kyun ab ye din aa gaye ki bete ko ladki patane kahogi...


Nirali:- Humara samaj... Beti raste me kisi sath padhne wale se baat kar le to muh chadh jaye... Yahan maa-beta baith kar ladki patane ki baat karenge... Ye humara samaj ka jhukav shuru se hi ek pakshiya raha hai..


Alka:- Bhaiya gadi roko... 2 sawari ko raste me hi fenkna hai.... Chakachak ladki thi, tere bhi sath padhne walon me se koi mujhe achha lagega to kya main ruki rahungi...


Jannat:- Jyada sapna mat dekho chachi… Ladki 5 sal England me padh kar lauti hai. Wo har kisi se pyar se hi baat karegi…


Alka:- Ohhhh … tabhi ek ladke se dosti unke liye samanya si baat thi. Kafi khule mahol me parwarish hui hai… Ek minute... Tujhe kaise pata ki wo kahan padhi hai..


Nirali:- Bhaiya ne bataya tha...


Ek thappad kadake wali Vyas ke gaal par... "Chotta... Bahan ke sath ladka-ladki wale matter discuss karte sharm na aati"…


Vyas:- "Main kuchh bolunga hi nahi... Samajh se pare ho tum log. Poora ghar jab sath hota hai aur humare samne kisi ladke ki detail kahani tum dono pati patni batiyati ho... Pandit ji falane ka beta.. kal mila. Ye achha wo achha yahan padh raha wahan padh raha tab kya main bhi kah dun ladka-ladki ki baat ho rahi..."

"England me padhi hai lekin wo padhai karti hai. Kisi ko bina jane matr kahin videsh me padhi hai, iss baat se judge karna galat hai. Fir jab bahar hi akele padhna hai fir desh kya aur videsh kya? Dil saaf hai isliye uska poora parivar hi hum teeno (Vyas, Asif aur Riaz) ke bare me jaanta hai, iss baat ko bhi socha. Usse nahi laga ki doston ke bare me kuchh chhipana chahiye aur aap ki tarah unke gardian ko bhi khabar hai ki uske bacche kinse milte hai...


Alka Shashtri chidhti hui... "Wo kahin bhi padhe mujhe kya? Wo kaisi hai uski detail mujhe kyun suna raha. Maine bus common si baaten boli thi..."


Vyas kuchh bolne ko hua, Jannat haath dikhati... "Bus bhaiya ruko tum. Chachi yahan tum galat ho. Aap ka facial expression sari kahani kah raha tha. Bhaiya bus aap ko sahi kar rahe the."


Nirali:- Maa Chidhna band karo. Har baar aap sahi ho aisa sambhav hai kya..


Alka thodi afsos karti... "Bacche jab jawab dete hain na wakai bura lagta hai. Mauje bhi yaad aa gaya jab maa se meri bahas hoti thi. Mujhe lagta tha ki ye meri maa sunti kyun nahi, main sahi hun fir bhi daant deti hai... Aaj wo yaad aa gaya.. Khair main samjh gayi ki mujh se galti ho gayi... England me padhne ko le kar mujhe muh nahi banana chahiye tha...


Nirali aur Jannat dono Alka se lipat kar uske gaal chumti... "Ye hui na baat... Aap best ho maa... Haan chachi aap best ho."…


Thode se parivarik drame. Vyas aankhon se hi apni bahno ka abhivadan kar raha tha. Soch ki gape yani middle class family ki generation gape ki kahani thi, jahan dono beti apni maa ko janti thi aur unhe kaise sidhe samjhana hai ye bhi.

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

Awesome update bhai waiting for next update