Fantasy Kaisa Ye Ishq Hai ~ Ajab Sa Risk Hai ~ Reload (Completed)

[nain11ster]

Page 766 Se 775 tak har panne par update hai.

Final closing update on page:-792


Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle

"Arymani:- The Pure Alfa Between Two World's."

Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...


Filhaal Abhi vyast hun ek pure romantic journey par....

<<<< Too Young !! Too Old >>>>​

Aap sab ka hai udhar. Kahani par pahunchne ke liye story title par ulgi karne ka...

<<<< Too Young !! Too Old >>>>​

 

[Nevil singh]

Update:-31 ​

Shwetna chinkhti hui kahne lagi…

"Jo yadasat wo bhule hain, ab wo abhishapit yaden hai. Jiske laut'te hi Jivisha aur Nischal ki mirtyu tay hai aur usse koi taal nahi sakta"….


Jaise hi Shwetna chinkhti hui apni baat rakhi, sabhi khamosh ho'kar apni najren Shwetna par tika liye. Swetha dhime se lambi shwans leti hui jaise khyalon ki gahraeyon me dub gayi ho. Unhi khyalon ki gahraeyon me duba'kar Shwetna bolne lagi….


"Uska vilap hriday ko chid degi. Uski aanh ruh tak ko vismit (bhay-chakit, vyakul) kar degi. Jis sansar me uski aatma tootegi, na chahte huye bhi wahan ke samast jiv jinme pran baste ho, sab uski mirtyu tak gahre sok me rahenge. Uske dard ko aansik bhi mehsus karna 100 mirtyu ke barabar hai aur wo marne se pahle har kisi ko uss dard ka aabhash karwa'kar duniya chhodegi"….


"Tum kya bol rahi ho, apne mati me to ho. Pahle Jivisha aur Nischal ko le'kar aisa kahna aur ab ye ajib si baten... Tumhe hua kya hai"…. Kasak thoda gussa jahir karti hui kahne lagi….


Shwetna.… "Main uss dard ko bata rahi hun jo kisi kaal me humare purvajon ne mehsus kiya tha… Vish-Jivisha ki purwaj Vish-Nilayani ka dard. Jivisha ki aatma jiska tootna lagbhag tay ho chuka hai, uska viyog puri prithvi mehsus krogi.… Tum log kya unki yadast vapas laoge. Kuch salon baad wo khud-v-khud wapas aayegi... Jab wo yadast wapas aayegi to tum soch bhi nahi sakti apne sath kitna dard lekar aayegi".…

"Ek ore jahan Nischal ki puri yaad hogi, aur aakhon ke samne viyog me uski sacchi mohabbat. Mera wada hai tumse, Jivisha ke pahle din ka dard mehsus kar'ke Nischal apne pran tyag dega... Kuch waqt tak Jivisha apne viyog ka parichay iss pure sansar ko karwayegi aur uske mirtyu ke sath hi Vishes stri ka wo purana bhavya itihaas bhi uski chita ki agni me swaha ho jayega.….


Nayla:- Sharirk sambandh to matr ek chhanik sukh ki bhavna hai, jo bhuli yaad me Jivisha se ho sakta hai. Jaise Nischal ke sath ho raha hai..… wo bhi tab jab uske ander ki kaam-bhavna ko kisi bahari tatva ne jagaa diya ho…. Tab kyon Jivisha ki aatma tootne lagi…..


Ajib si muskaan thi Shwetna ke chehre par mano sabko kah rahi ho, "pagal kahin ke"… Shwetna ne jab Vish-Nilayani ka wo aakhri daur un sab ko batayi aur Jivisha ki sudhh aatma tatha uski ikchha shakti ka varnan ki, tab sabhi ek tak bina palken jhapkaye Vish-Nilayani ka wo karunamay anth sunkar lagbhag ro se diye.…


Nandni mayus thi lekin ummid ki kiran jalayi, wo kahne lagi.… "Ishwar hum par sahay hoga... Jivisha ek achhe insan ke sath gayi hai...


Shwetna:- Haan achha hi hoga, tabhi Jivisha khushi se uske sath gayi... Kintu ab wo uske sath akeli hai aur din raat ussi ke sath rahegi.… Manti hun Jivisha ka sthir mann hai, tabhi to Nischal aur Serin ki tulna me wo matr kisi ek par pahle apna dil hari hai…. Ab mamle ka main purn avlokan tumhe sunati hun...

Naag faans sammohan. Nilbhut (Shwetna ke Naag Loki Rastr me rahne wale ko Nilbhut samuday kahte hain) samuday ki ek stri yadi Naag faans sammohan karti hai tab samnya se dikhne wale 4 purshon ko wo sammohit kar sakti hai... Jivisha ke pass 1 lakh stri ke barabar ka naag faans sammohan hai. Apni kamuk awastha me wo rijhane ke liye ek baar me ek lakh naag Loki stri ke barabar naag faans sammohan kar sakti hai, shayad iske aage mujhe kuch kahne ki jaroorat nahi...


Nayla:- Lekin Jivisha to Naag Loki stri nahi hai...


Nandni:- Naag Loki ka Naag Dansh Jivisha ke anguthe par ubhri hui milegi, aur wahi Naag Dansh Nischal ke bhi anguthe par ubhra hua milega... Dono nilbhut samuday ke shashak aur Shashika hai.. jinme aakhri zahar ke mahasagar ko apne ander samane ki kshmta hai...


(Aakhri zahar yani sabse zahrila, jiske ek bund hawa ya pani me fail jaye to lakhon logon ki mirtyu tay hai... Haan kintu Nischal aur Jivisha yah zahar pacha sakte the, iska yah arth nahi ki dono zahrile hain)…


Shwetna ki purn samiksha aur Nandni ke clarification ke baad to wahan ka pura mahol hi shant ho gaya. Ek matr dimag jo sochne ki stithi me tha, wo tha HuYu. Lekin wah bhi ab kya ran'niti banaye.


Jis bade se khel ki rachna Surpmarich kar chuka tha, uske baad to Jivisha aur Nischal ko unhe yaad karne ki bhi jaroorat nahi thi. Kyonki dono ki atal mirtyu to wah tay kar chuke the... Aise paristithi me ab bus ek hi rasta bachta tha, dono ki yadasat tab tak wapas na laute jab'tak iss paristithi ka koi tod na dhundh le...


Sabhi baton par gaur karne ke baad HuYu uss khoye se mahol ko apne shabdon se bhed'te huye.…. "Hum char alag-alag prant se nahi, balki 4 alag-alag grah se hain aur fir bhi ek sath baithe hain…. Wo bhi uss khatarnak grah prithvi par, jiske ek vikrit mann (Surpmarich) ki durdarshita ko hum mehsus kar sakte hai. Hone wale sambhavnao ko hum taal to nahi sakte, lekin yah soch'kar hum chhod bhi to nahi sakte. Hum mil'kar Jivisha aur Nischal ko bachane ka athak prayas karenge"….


Kasak:- Apni bahan ke liye main kuch bhi karungi...


"Jivisha ko bachana hai to, pahle yah sochna hoga ki wo surakshit hai aur khush hai"….. Achanak se uss mehfil me Alexa ki awaj gunji aur sab uske ore dekhne lage...


Nandni:- Alexa hum ye baat maan to sakte hain lekin humara anterman kabhi nahi manega...


Alexa:- Wo 'pure soul' hai... Jahan bhi rahegi jivan aur khushiyon ki parichayak rahegi... Kitni bhi siddhiyan Jivisha kyon na hasil kar le, uski pyari muskaan aur natkhat swabhav bana rahega... Tum sab uski jaan ho aur yadi tum sab hi mayus ho gaye, to bhale ye HuYu uske dimag ki tarango ko divert karde, lekin uski ikchha shakti dur baithe mehsus kar legi ki tum sab mayus ho... jaisa ki wo pahle bhi kar chuki hai... Prithvi par baith'kar Nischal ke bare me mehsus kar lee... Jabki Nischal ki shakl tak yaad nahi usse".…


Kasak:- Alexa paheliyan mat bujhao... Jo bhi kahna hai saaf-saaf kaho... ..


Alexa:- sudhh atma ki hamesa 6 bahne hui hai..… agar uski aatma 6 bahno se judti hai to usse aasani se bachaya ja sakta hai...


Shwetna:- Kaise...


Alexa:- Sudur Himalaya ke garv me ek mahan guru ki granth hai kahin…. Uss granth me varnan kiya gaya hai sudhh aatma ko punar asthapit (fir se thik karna) kaise karen…. Lekin uske liye 6 bahno ka hona anivarya hai... Jivisha ki swatah yadasat lautne me abhi kayi saal lagenge… itne waqt me 6 bahno ko lana hoga... Jisme se 2 to mujhe samne dikh rahi hai... Teesri sambhawtah Shwetna hogi... 3 bahne mujhe dikh rahi hai, 3 aur bahne chahiye...


HuYu:- Tumhe ye sab kaise pata…


Alexa:- Murkh balak, jisne jaal mahal me santulan banaya, ussi se sawal kar rahe ho... Maine upay bata diya hai… rasta bilkul aasan hai, isliye chinta karne se achha hai, Jivisha ki talash karo aur usse jyada se jyada logon ke bich rakhne ki kosis karo, taki uski aatma apni 3 aur bahno se jud jaye... Bus itna chhota to kaam karne kah raha hun...


Kasak:- Haan to pahle ab hum uss Apasyu ke bachhe ki talash karenge aur kahenge... "Sale humari majboori hai isliye tu bhi rah humare sath, aur Jivisha ke liye bahan dhundhne me madad kar"..


Nandni:- Right Kasak... Jyada urrega to bijli ke jhatke se kabu me rakhungi...


HuYu:- Usse dhundhne ke liye hume plan karna hoga...


Nayla:- Ban gaya plan…


Sab ek sath... "Kya???"…


Nayla:- Bahan ke badle maa-bahan...


Kasak:- Gali dena plan hai kya???


Nayla:- Nahi Nahi !!! Usne bahan kidnapped kiya hai, hum uske maa-bahan ko kidnapped karenge….


Nandni:- Yessss !!!! Maa bahan hi kyon, pure khandan ko hi utha lo... Agle hi din wo daura-daura aayega.…


Alexa:- Khandan matlab ek pidhi na, ya 7 pidhiyan.……


Nandni:- Alexaaaa...


Alexa:- Ufff aise hi chillate rahiye, dekhiye ek din pyar ho jayega...


Nayla:- Pyar kar ke bhi kya karoge Alexa sir, niche gahrai mapne ka yantr Nischal ne lagaya hai ki nahi... Mujhe nahi lagta ki Nischal ke pass itni advance technology hogi jo kamuk awastha me khada pole aur samanya awastha me murjhaya roll wo bana sake...


Nandni aur Kasak dono muh par hath dale hans bhi rahi thi aur aaschrya se unki aakhen bhi badi thi... Khair team disperse hui aur agle din subah baki ki yojna banti…


Idhar Jivisha bhag gayi iss baat ko ghar me dabane ke liye, Shwetna ke sath aayi uski ek sahayika Ert ko Jivisha ka roop de diya gaya aur Kasak usse le'kar Swarn villa chali aayi.….


Pura 1 din tak internet ke jariye Apasyu ke pariwar ka pata laga gaya. Kidnapping ki puri planning HuYu ko shaunp di gayi thi aur kidnapping kaise karte hain, uske refrence ke liye HuYu Hollywood ki movie dekh raha tha... Wo alag baat thi ki movie itna pasand aaya ki baki sab apne kaam me lage huye the aur HuYu bus movie dekhne me...


Haalanki kidnapping ko le'kar, Nandni-Kasak aur Nayla-Shwetna ke bich matbhed bhi chal raha tha. Nayla aur Shwetna chahti thi ki puri jagah ko hi bhumigat karke sabko utha liya jaye. Jabki Kasak aur Nandni ka kahna tha ki unko bhumigat karne ke chakkar me pura ghar gir sakta hai, jis'se wahan kaam karne wale log maare ja sakte hain, jo wo log kisi bhi soorat me nahi chahte the..….


Dusre din ki subah in logon ka hot discussion jari tha aur idhar HuYu apne aanshu baha raha tha... Kuch der baad jor-jor se rote huye, Kasak ko hi gale lagate... "Serin... Meri Serin"….


Kasak HuYu ko khud se alag karti, khinch'kar ek thappad lagati…. "Dobara Serin kah'kar lipatne ki kosis ki na to Nischal se bol'kar tumhari khaal khinchwa dungi... Pichhe hat, gadha"...


HuYu, chhota sa mayus chehra banate... "Sorry, thoda bhavnao me bah gaya tha"…


Nandni:- Tumhe kidnapping wali movie kahi thi dekhne, ya romantic... Tum sach me gadhe ho... Kuch soche ki nahi...


HuYu:- Jaldi se Kidnapping ka kaam khatm karo, uske baad main apni Serin ke pass jaunga...


Nayla:- HuYu, Serin ki yadasat aane me abhi samay hai, tab-tak kaam kar len...


HuYu:- Haan kaam karte hain pahle… maine sab soch liya hai ki kaise kidnap karna hai.… Lekin uske liye kuch gazette aur equipment chahiye... Aur unhe banane ke liye ek work station…


Nandni:- Work station to hai apne pass... Lekin uss se pahle tum apni jaroorat ke sare saman le aao... ..


HuYu:- Mujhe yahan ke market ka idea nahi hai...


Nandni:- Hmmm !!! Thik hai fir hum Aarsi aur Chirag ki madad lenge… Alexaa … Alexaa..


Alexa:- Sab sun liya Aarsi aur Chirag dono commissioner sahab ke ghar par hai.. sath me Doc bhi hai...


Kasak:- Ansh wahan kya kar raha hai...


Nandni:- Isme itna aaschrya ki kya baat hai? Aarsi aur Chirag ki jahan baat ho fir katghare me koi bhi ho sakta hai... Ek kaam karte hain, sab wahin chalte hain... Wahan se hum dono (Kasak aur Nandni) Aarsi aur Chirag ko le'kar pahle sara saman kharid lenge aur fir work station...


Kasak:- Yessss !!! Kidnapping ka kaam hum kal din tak nipta lenge... Kal ke kal hi wo Apasyu, Jisa ke sath yahan apne iss flat me hona chahiye aur ghutno par baith'kar iss farsh par apne naak ragadte huye kahte najar aana chahiye.… "Mujhse galti ho gayi"….


Shwetna:- Ghutne par to usse kya uske baap ko bhi main bitha dun lekin Jivisha uss par fida hai… jara dhyan se deal karna hoga...


Idhar commissioner ke ghar me alag hi mello drama chal raha tha… Aarsi ki maa dupatte se apna muh dhak'kar subak rahi thi.… Sawalker sir kahin kona dhundh'kar dubak rahe the... Commissioner sahab aankhon se sole barsa rahe the aur Doctor Ansh charo ore ka mahol dekh'kar ander hi ander rote huye soch rahe the.…. "Main hi kyon bakra banta hun???"….


Iss mello drama ke king aur queen arthat Aarsi aur Chirag subah ke 10.30 baje school me hone ke badle, commissioner aawas me the. Chhote se music system par background me pyara sa dhun baj raha tha.… "Mere naina kafir ho gaye, ho gaye. Teri galiyon ke musafir ho gaye"…


Aarsi aur Chirag gaana sunte huye ek dusre ko dekh'kar muskura rahe the. Aur muskurate huye bina ek dusre se najren hataye, Aarsi, Chirag ko chamach se ice-cream khila rahi thi aur Chirag Aarsi ko.…

Rahsyemayi update dost

 

[sorbobhuk]

Update:-39 ​

Nischal aur Orja kisi anjaan ki tarah Jyoti bhabhi dekhe, lekin Jyoti bhabhi.… Ek jhannatedar thappad Nischal ke gaal par chipkate, bikul kha jane wali najron se ghurne lagi…..


Jitne gusse me Jyoti bhabhi Nischal ko ghur rahi thi, uss se kahin jyada hairani se Nischal usse dekh raha tha…. "Kya main aapko janta hun"… Nischal apni hairan aakhon se Jyoti bhabhi ko dekhte huye puchha...


"Jivisha ki tarah iska bhi fuse gaya kya, aur ye ladki kaun hai"…. Jyoti bhabhi apne khyalon se ubarti hui khud ko normal karti kahne lagi…. "Shayad mujhe dhoka hua hoga… tumhare jaisa hi kisi ki talash thi, galti se maine tumhe wahi samjh liya"


Ab Nischal, Jyoti bhabhi ko ghurte... "Pagal hai yahan ke sabhi log"… Apni baat kahte huye Nischal ussi ore jane laga jis ore Jivisha nikli thi...


Jyoti bhabhi bhag'kar apni jagah par pahunchi aur sabko connect karti hui kahne lagi.… "Nischal laut aaya hai aur Jivisha bhi ussi jagah hai jahan Nischal hai"…


Kasak, Aarsi, Chirag aur Ansh sab yah sun'kar hairan the aur apni khushi ka izhar kar rahe the… bus uss mahol me ek hi thi jo khamosh rah gayi aur apni bhavnayen chhipati hui bedroom me chali gayi... Nam aakhkon ke sath Nandni ke chehre par khushi bhi utni hi thi...


Shyad apni bhavna wah kisi ko dikhana nahi chahti thi isliye chup-chap screen se hat gayi... Kuch der tak har kisi ki baat hoti rahi.… Aarsi aur Chirag to jid pakad liye ki hum sab unhe lene USA hi aate hain…


Nandni apni bhavnao se ubar'kar wapas screen par aati hui kahne lagi.…. "Yun hi nahi Nischal ussi jagah pahuncha hai jahan Jivisha hai... Dono ko khud samjhne do abhi... Sab unhe akela chhod do. Jahan itne din ruke hain wahan thode din aur sahi"…


Jyoti bhabhi bhi Nandni ki baton ka samarthan karti ek aur khush khabri suna chuki thi... "Nischal ke sath Serin bhi laut aayi hai, raat tak wo humare sath hogi"….


Serin ke bare me sun'kar to Aarsi aur Chirag ko jaise khushi ka double dose mil gaya ho... Idhar HuYu "Gulf of Alaska" me jaise hi apna viman land kar'ke niche utra, samne Serin thi aur ander dil ki bhavnayen…


Serin bhi charo ore ke mahol ka jayja le rahi thi, jab usse samne se dilfek Sahjada HuYu aur worrior Luna dikhi…. Serin iss se pahle ki kich samjh pati, HuYu uske karib ja'kar Serin ko khud me aise sameta ki wo bilkul hairan ho gayi...


Serin ko gale lagana to dur ki baat thi, koi uske marji ke bagair usse chhu bhi le tab uska roop hi kuch aur hota hai. Kintu iss waqt Serin ke ander ki jo bhavna thi wo khud bhi nahi samjh pa rahi thi... Usse kafi sukoon sa mehsus ho raha tha... Aisa laga jaise wo yah sparsh pahchanti hai...


Serin khud ko HuYu se alag karti… "Sahjada HuYu, tumne kaun sa sammohan istamal kiya hai jo main virodh nahi kar payi"…


HuYu:- Mohabbat ka sammohan hai Serin... Mere tadapte dil ki bhavna...


Serin:- Kya??? Kahin tumhe khabar to nahi ho gayi ki meri memory loss hai aur tum mujhe fasane ka koi naya jariya dubdh rahe...


Luna:- Master Serin abhi in baton ka waqt nahi hai... Aap ko pahle yahan ke haalat jan'ne jaroori hai... ..


Serin:- Tumhe dekh'kar bahut khushi hui Luna.… Tumhe kaise pata ki hum yahan prithvi par hain...


Luna:- Master Serin...


Luna kuch bolne hi wali thi ussi bich HuYu usse rokte huye.… "Yahan se pahle apne adde par chalte hain, fir baat karte hain"…


Serin:- Nahi abhi hum kahin nahi ja sakte... Sahjade HuYu apne adde se sampark kar'ke yahan fanse humare dusre logon ki khoj karwao, wo bhi aas-pass hi honge... Hum sab ek sath jayenge tunhare adde par...


Search aur rescue operation me shaam Dhal chuki thi.… Alag-alag kinaron se sabhi Aizem wasiyon ko uthaya gaya... Saanjh dhal chuki thi aur HuYu sab ko lekar adde par lautne ke raste me hi tha...


Tabhi Alexa ka sandesh pahuncha…. "Alaska ke jungle me Narbhakshiyon ke samne masoom insaan fanse huye hain… unki suraksha bhi jaroori hai"…


Jaise hi Alexa ka sandesh gunja, Serin.… "Ye kaun hai jo hume order de raha hai"..


Luna:- Jaal mahal ka Central Autonomus Body... Jise Sahjade Nischal ne insani roop diya hai. Ussi ne aapko dhundha aur baki ke logon ko bhi...


Serin:- Oh to ab ye Alexa sir ban gaye. Bhala main apne master ki baat kaise taal dun... Pran chale jaye to bhi gum nahi lekin uss Jungle me ek bhi masoom ki jaan nahi jani chahiye... Aur koi mujhe batayega ki ye namurad Zoren ke narbhakshi yahan kya kar rahe hain…


Luna:- Zoren ke Shashak aur Shashika ne humare dimag par kabu karke hume apne darbar me bahut Jalil kiya tha aur yahan prithvi par la'kar hume kisi ka gulaam…


Serin:- Busss.. aage nahi... Viman utaro un kidon Makdon ki jagah.…


Kuch hi der me viman Alaska ke jungle me utar chuka tha... Serin ne HuYu aur Luna ko ander rahne ka hidayat de'kar, uss pure ilake ko hi apne vayumandaliya aavran me kaid ki aur teji ke sath aage badhne lagi.…


Bade bhaiya ek Adrishi jaanvar ke niche bus maut se chand faslon ki duri par aur agle hi pal kata hua sir thik bade bhaiya ke muh par gira.… Bade bhaiya ko jab Serin uss janvar ke niche bahar nikali…. Bade bhaiya aakhen badi karte…. "Serin"…


Serin hairani se bade bhaiya ko dekh hi rahi thi ki itne me kayi disha se 7 Adrishi jaanwar kud chuke the. Serin chillati.… "Niche baitho" aur agle hi pal kamar me kasi uske 10 se 12 fit ke patle dono blade Serin ke hathon me the...


Serin apne sharir ko pura dhila chhodti, apne hathon ko sabhi disha me lahrane lagi... Uske hath ke isharon par wo 10 fit lamba blade bhi lahrane laga….. Serin ki lahrati blade har Adrishi jaanvar ka imtihan lena shuru kar chuki thi... Fir kya mazal ki Adrishi jaanvar ki moti chamri usse maans ke lothre me tabdil hone se rok paye...


Hawa ke dhun ki tarah wo blade lahra rahi thi aur har Adrishi jaanvar ke aad-paar wo chidte ja rahi thi.… Bhayawaah najara tha... Issi bich narbhakhiyon ki bhi toli pahunch chuki thi, jo adyadhunik hathiyaron se laish thi...


Sawalker ne jaise hi samne ka gun point dkeha wo khada ho'kar Serin ko dhakka dete huye ek ped ke pichhe le gaya aur agle hi pal wo ped girte huye najar aane laga… dono chhipne ke liye ek ped se dusre aur dusre se teesre ped ke ore bhaag rahe the.….. "Hmmmmm !!! Ye Zoren wale to puri taiyari se aaye hain….. fir meri taiyari kyon adhuri rahe..."…


Serin ne jaise hi ishara kiya Luna aur HuYu viman ke sath un narbhakshiyon par humla bol chuke the... Kintu ye Zoren wale to kuchh jyada hi taiyari karke Pahunche the...


HuYu ka ek marak vimaan ke samne agle hi pal 39-40 Viman aa chuke the.… "Sach me ye log pahle se har sambhavna ke liye taiyar the.… Lagta hai aaj aakhri din hone wala hai"… HuYu samne ka najara dekhte huye kahne laga...


Luna:- Aaj nahi fir kabhi aur marenge janeman.… abhi apni bejjati ka badla liya kahan hai...


Luna ne palak jhapakte hi engine band kiya... Agle hi pal poora viman niche jamin par... Aur thik jamin se ek inch upar engine start...


Luna viman ko teji ke hath thoda uncha hawa me lee. Aur agle hi pal viman ko left mod'kar khadi karti hui pedon ke bich se nikalti, samne hathiyar chala rahe dushnano par canon fire karti hui nikli... Raste me padne wale sabhi narbhakshi aur gulam, dharashahi hote ja rahe the... Aur idhar narbhakshiyon ke sabhi viman upar ke position par hone ke bavjood, pedon ke bich ojhal hoti aur dikhti Luna ke viman par nishana lagane me asmarth the...


Issi bich Adrishi jaanvar ka ek jhund goli ki maar jhelte dayen aur bayen se plan par humla karne hi wala tha, ki tabhi Serin Luna ke viman ke thik niche apne dono hath ke 10 fit blade ko aise lahrayi ki agle hi pal wo sab Adrishi jaanvar dharashahi ho'kar jamin par bikhre pare the... Viman jaise-jaise aage badh rahi thi... Pichhe se Aizem ki force apna hathiyar liye niche kud rahi thi...


Sabhi Luna ke single command par kaam kar rahe the… agle hi pal Serin jis jagah thi wahan paglon ki tarah bomb aur goli barasna shuru ho chuka tha.… Luna teji ke sath cover fire deti viman ko dushmano ke viman ke thik samne aur unse upar le'kar aayi.. Ek hi waqt me multiple target leti wo Zoren ke 5 viman par missile chhod'kar kafi teji ke sath 35-36 viman ke upar se nikal gayi...


HuYu to aakhen fade bus Luna ki pal-pal badalti niti ko hi dekh raha tha. Planning jaisi to koi baat hi nahi thi ki kya karna hai... Luna ko jaisi paristithi dikhi uss hisab se utni hi tej faisle ke sath, viman ko bhi utna hi tej gati se apne isharon par nacha rahi thi, jiska javab dushman sena ke pass bhi nahi tha…


Vimano ke jakhire me 4-5 vimaan dhwast ho chuke the aur Zoren ki puri viman shrinkhla uss ek Luna ke viman ka pichha karne lagi…


Halanki Luna ke viman ki gati, Zoren ke viman beat kar rahe the... Humla karte huye wo Luna ke viman ke karib aur karib pahunchte ja rahe the... Lekin Luna jo viman ke sath kartab kar rahi thi uska koi tod nahi tha inke pass...


Jitni teji se aage badh rahi thi... Utni hi teji se wo aa rahi missile se bachne ke liye flip kar rahi thi... Kabhi viman ko sidhe jamin par to kabhi hawa ki unchaeyon me le ja rahi thi…. Aur ab thi bari aakhri dav ka... Luna auto pilot set ki. Viman ki gati full aur HuYu ko lekar niche jamin par kud gayi...


Jabtak wo dono parachute ke sath niche jamin par land karte…. Hawa me hi ek sath kayi visphot dekhne mil gaye... Darasal jaise hi radar me vayumandaliya aavran aadha km dur dikhne laga, waise hi Luna, HuYu ko le'kar kud chuki thi aur baki sabhi viman uss deewar se ja'kar takra gayi...


HuYu:- Tumhe wo deevar kaise dikh gayi..aur kya tumhe pahle se pata tha ki Serin hawa ki deewar banayengi...


Luna:- Baat jab izzat ki ho tab kisi ko kaise bhagne de sakti thi Serin... Aur Sahjade HuYu jab hum apne hi faile jaal ko nahi pahchane tab to bekar hai apni traning...


HuYu natmastak hua... Aur udhar Serin apne bldae hawa me lahrate katne ka daur ba -dastur jaari rakhi hui thi... Pichhe aur samne se jitne bhi humla karne wale Narbhakshi aur gulaam the, wo ab Aizem ke un sipahiyon ke hatthe chadh rahe the jinhe black hole se nikala gaya tha…


Dekhte hi dekhte wahan puri laash bichhi hui thi aur sabhi Aizem wale ek point par mil rahe the... Serin, Luna ko dekh'kar apna sir jhukati.… "Ek dari si ladki ki samjhdari…. Tum aur Puncham dono ne shuru se prabhavit kiya hai... Puncham ke hote humara itna apman kaise kar gaye ye log"..


Luna:- Humare dimag ko hi kabu kar liya tha… Puncham tab nahi tha humare sath aur jab wo lauta tab humari haalat dekh'kar usne khud ko goli maar lee...


Serin poori tarah se jalti hui.…. "Puncham ka ek bhi doshi yadi bach gaya to main khud apne hathon se apna gala kaat lungi... Lekin pahle mujhe jarra pura mamla samjhne do ki ye dimagi bimari kya hai... Pahle main aur Nischal … aur ab ye sab... Nayla kahan hai"...


Luna:- Master Serin wo Zoren ko sabak sikhane aur sabko aagah karne ke liye aaj hi Aizem ke ore uraan bhari hai...


Serin:- Wo prithvi vashi kahan hai jo mujhe pahchanta tha...


Sawalker:- Yahin hun mai… kya tumhari bhi yaaden gayi hai Jivisha ki tarah...


Serin:- Kya ????


Chaunkna to lajmi hi tha lekin iske aage aur kuch baat hoti... Ek backup viman vayumandaliya aavran ke bahar shor machane laga... Serin hawa ki deevar hata'kar, sabko le'kar viman me sawar ho gayi aur baat karte huye adde tak pahunchi…


Wahin dusri ore Nischal, Orja ke sath beach se ussi ore chal diya jis ore Jivisha gayi thi.…. "Orja mujhe uss ladki ke thik samne wala ghar chahiye taki uss par najar rakh sakun"…


Orja:- Tum mujhe meri shaktiyon ka durupyog karne kah rahe…


Nischal:- Kisi achhe kaam ke liye bus thoda chhal karne kah raha hun...


Orja:- Jaisa tum kaho… lekin najar rakhoge kaise…. Uske liye taknik aur device wo sab lane honge. Par uske liye hume pahle samjhna hoga ki yahan ke logon ka saman bechne ka tarika kya hai...


Nischal:- Haan thik hai. Pahle Jivisha ke samne wala ghar lete hain, aur wahin baith'kar sochenge ki yahan ki duniya me saman kaise kharidte hain...


Nischal, Orja ke sath baat karte huye kisi colony ke shurwaat me khada tha.… "Orja, pata karo wo dono (Apasyu aur Jivisha) kahan hai"…


Orja:- Mujhe pahle se pata hai... Chalo apna kaam ho gaya hai…


Orja, Nischal ko thik samne wale ghar dikhati hui kahti hai.…. "Yahi wo ghar hai... Is ghar me filhaal koi manushya nahi rahta"..


Nischal:- To hum yahan kyon ruke huye hain chalo ander chala jaye…


Orja:- Lekin bina malik ke iZazat ke ghusna.… Kahin kisi ne kuch kaha to...


Nischal:- Had hai tumhare itne sare sawal…


Kahte huye Nischal jaise hi darwaja khola, wahan ka sequrity alarm shor karne laga...… Shor sun'kar Jivisha balcony tak aayi aur samne Nischal ko dekh.… "Mujhe jalane ke liye yahan mere samne rahne aaya hai... Tujhe to ab police le'kar jayegi bacchu"….


Jivisha soch hi rahi thi ki tabhi syren bajati hui police bhi wahan pahunch gayi, aur pahunchte hi pahle I'd hi mangne lagi.… Jivisha dur balcony se sara tamasha hote dekh rahi thi lekin gussa tab aa gaya jab police muskurati hui unhe ishare se ander jane kahne lagi aur wo dono (Nischal aur Orja) ghar ke ander chale gaye... "Hhuhhh !!! Lagta hai mere hathon hi marega"….


Jivisha jhatak'kar gusse me apni baat kahti wahan se ander chali aayi.… "Kya ho gaya, itne gusse me kyon ho mitr"..


Jivisha:- Kuchh nahi samne wo kamina Nischal rahne aaya hai, apni nayi girlfriend ke sath...


Apasyu:- Ha ha ha ha... Agar itni hi samasya hai to ek baar baat kar lo...


Jivisha:- Apni salaah apne pass rakho, aur jis kaam ke liye taiyar huye ho, ja'kar wo kaam karo...


Apasyu, Jivisha ki haalat par hasnte huye usse "bye" kah'kar nikal gaya... Apasyu jaise hi bahar nikla, Nischal.… "Orja tum iss ladke ka pichha karo aur dekho ye kahan ja raha hai, kya kar raha hai"…


Orja, apni aakhen dikhati…. "Tumne samjh kya rakha hai mujhe.….. jab dekho order hi dete rahte ho"…


Nischal:- Yahan mera koi sath dene wala nahi... Tumhe bus ek sathi samjh raha hun jo mere bure waqt me mera sath de rahi hai...


Orja, Nischal ki baat par muskurati…. "Bahut chalu ho, tumhe pata hai ki kaise apna kaam nikalwate hain... Thik hai mai uske pichhe jati hun, lekin tum ye mat bhulna ki aaj raat tumhe fight karni hai, warna yahan par jine ke liye hume jo sabse jyada jaroori hai, "Paise" wahi nahi milega"…


Nischal:- Haan samajh gaya... Ab tum uske pichhe jao.… Aur apna khyal rakhna...


Orja ko Apasyu ke pichhe laga'kar Nischal ghar ke hall me baith'kar sochne laga... "Abhi ghar me akeli hogi Jivisha, ja'kar baat kar lun kya… Ek baar puchhna to banta hai ki aakhir mera intzar kyon nahi ki"…


Dusri ore Jivisha apne ghar ke hall me baithi.… "Rishta to toota hi hua hai, ek baar kam se kam puchh lun ki aakhir uski sacchi mohabbat me kaun si kami rah gayi jo usne kisi aur ko chun liya"….

Abhi current update bhi padh liya bhai......nischal or jivisha dono ke bich kya baat hai samne dekhte hai....
Waiting for next update

 

[Naina]

Balance review bardast nahi kar pate... Negative review dekha kahan hain.... Dil jala jate hain ... Aur bhai sahab jo jaab bujh'kar negative dete hain ... Wo to kaan se dhuwan nikal dete hain ...

Unko short story me paad kin karno se nikli aur gas banne ki kya prakriya thi wo bhi janna hota hai

Aur reviews hamesha sakaratmak hone chahiye.. Hai na nain11ster saheb ji
critics aur critical criticism aur analysis se duri banake rahiye..hain na nainu saheb
Baaki is story pe aur NC wali story pe sabhi revo shaam ko.. abhi busy

 

[The king]

Nice update bhai to bade bhaiya ko serin ne bacha liya sath me jabarjast action bhi hua Hmmm to nischal or jisa ek dusre se bat karna chahate he or nischal ne orja ko apasyu ke pichhe laga diya agale update me dekhate he ki nischal or jisa ki mulakaat me kya dhamal hota he waiting for next update

 

[SHADOW KING]

nice update ..aadha hi padha hai ...

 

[nain11ster]

nice update ..aadha hi padha hai ...

Had hai yaar ... Aise likhte hain ... Aap bhi na... Rukiye sikhaya hun ... Aisa likhna tha...

Wahhh nain bhai bhai ... Abhi aadha hi padha hun aur khud ko rok nahi paya ki ye update kitna mast hai ... Lajawab hai ... Bavandar hai bavandar.... Baki detailed review pura padhkar deta hun...

Aisa likhna tha na .... Agali baar aise hi likhna

 

[Vikram Bhosle]

Superb updates

 

[Asif khan]

Update:-16 ​

Surpmarich apni purn gatividhi ko pure jor par laga chuka tha, matr uss chij ki talash me jo Drak Universe se bahar aaya tha...


Idhar Nischal, apni bahan Serin ke sath 100 bacchon ko lekar Aizem ki pashchimi seema se Wishper Planet ke ore nikla tha. Dark Universe ke Dakshni seema se laga yah aakhri planet hone ke karan yahan par insani sabhyta nahi basti thi.


Iss grah par jo bhi tha wo kewal prakritik aur prakriti hi inka srijan karti thi. Aizem ki seema se 4 din ki duri par aur raste me takriban 28 planet gujarte the...


Serin ke sath uski niji surakha viman bhi thik uske pichhe chal rahi thi. Jisme 100 worrier ki team thi. Sath me anya crew aur team member...


3 din ki yatra puri kar'ke dono bhai-bahan Dark Universe ke dakshini seema ke ore badh rahe the… Bacche udham chokdi macha rahe the aur dono (Serin aur Nischal) Medical area me the, jahan Serin leti hui thi aur Nischal screen dekh raha tha…


"Mujhe to lagta hai ye Sabaiyya aur Nova ka kiya dhara hai. Pata hi nahi chal raha dimag ke ander kya gadbadi kar gaye hain"… Nischal screen dekhte huye kahne laga..


Serin apni jagah se uth'kar, wardrobe se kapde nikalti… "Sabaiyya kahan se karega, aur uska doctor Parache bhi kabka maara gaya. Upar se jab hum laute to agli subah hi aham saal ki yaad blank thi"..


Nischal:- Haan to ho sakta hai biti raat hi kaam kar gaye ho.. Jo image footage hai uss se bhi chhed chhad kar diye ho.... Ek baar pata chal jaye ki ye karstani kiski hai, usse to main..


Serin:- Tu faltu ke logon ke bare me sochega to natija kabhi nahi niklega... Upar se Viggo viman kho diya... Wo bhi khone ki chij thi.. Jaal mahal se jyada wahan ka medical advanced tha.. upar se pata na tu prithvi par wahan ki technology ke sath kitna upgrade kiya hoga.. Main to kahti hun tu prithvi par he dekh, wahin chhod aaya hai Viggo viman.


Nischal:- Main sanrakshak niti follow kar raha hun... To sawal hi nahi hota ki jahan meri sacchi chahat hogi, wahan main Viggo viman ko chhod aaun... Taki meri gair maujoodgi me koi meri Sacchi premika ko pareshan kare...


Serin:- Screen me ghusne se kuch nahi milega. 5 mahine ho gaye yahi sab roj-roj karte.. tu kapde pahan…


Nischal:- Haan ab to doctor Sule ka hi bharosa hai...


Serin, samne para ek chaku Nischal ke ore badi teji se fenkte huye.… "Ussi ke chakkar me tu prithvi nahi ja raha hai.… Kab se kah rahi hun, ja wahan Viggo viman na bhi mila to Jivisha se to mil lega... Prithvi vale kisi dusre ke grah nahi jate hain pagal aur ho sakta hai khoyi memory ka raaj wahin ho...


Nischal:- Mujhe bhi pata hai. Lekin Madhya rastra me shanti ke baad tumne bhi kartavya se muh moda aur maine bhi. Laute to yahan Mahavinashi (Uttari Rastra ka shashak) ne Purv, Paschim, Dakhin rastr tak ko yudh ke liye protsahit kar chuka tha.. Mujhe yudh nahi chahiye shanti chahiye…


Serin, gusse me Nischal ke naak par itna tej mukka mari ki naak se khun nikal aaya.…. "Yahan se laut'kar tu jodi banayega. Lobhu ke sath mil'kar mai shanti varta kar lungi aur tu 10 din baad prithvi ke liye niklega"…


Nischal, apna naak saaf karte.… "Lekin Jivisha meri sachi chahat hai"…


Serin:- Tu na kuch-kuch mand buddhi ka ho raha hai… bhola tha, masoom tha, duniyadari ka gyan nahi tha tab bhi tu dimag se itna sust nahi tha…


Nischal:- Ab aisa kyon kah rahi ho..


Serin:- Aur nahi to kya kahun Nischal... Chakr niti... Kisi samuday ka patan ho to usse kayi mishrit jodi bana'kar apne samuday ko sanrakshit karne ki pahli uttardayitv banta hai..


Nischal:- Lekin ye to Dakshat samuday ki niti hai na...


Serin:- Ji to karta hai gala ghont dun... Dakshat samuday ki niti thi isliye Dakshat samuday jivit hai... Aur Viggo vilupt ho gaye...


Nischal:- Sache mohabbat ke viyog me to mai bhi chala jaunga...


Serin:- Aisa kuch nahi hoga... Jivisha ke sath mishrit jodi hai teri pagal… tu Viggo hai wo nahi... Sacha jodi ban'ne ke baad tu chupke se apni purani jodi ko...


Nischal:- Purani jodi ko kya...


Serin:- Wahi jo tu soch raha hai.. Saririk sukh dete rahna..


Nischal:- Nahi ye anaitik hai aur dhoka bhi..


Serin:- To tujhe kya har chij thali me pados kar denge... Achha tu kisi ko bhi dhoka mat de... Main unke sukh suvidha ka intzam kar dungi... Aur bhul mat tujhme bij ek Dakshat ka hai.. Isliye chakr niti apna, jodi bana.. apna samuday sanrakshit kar… Jodi ban'ne se purn shanti prastav mai le aaungi... Aur uske baad tu pritvi ja raha hai...


Nischal:- Wo Sule ne 2 mahine aur maange...


Serin:- Us Sule ko main suli par chadha dungi…. Ab agar tu nahi maana to mai khud prithvi jaungi...


Nischal:- Teri har shart manjoor hai... Lekin shanti varta smapan hone ke baad tu mere sath nahi jayegi...


Serin:- Teri buddhi ka karishma mai dekh chuki hun.. Apni buddhi bhi dekh chuki hun... Aaye badlav ki kahani par gaur karwaun... Humne aaj tak kisi ko marne ke udeshya se koi nirman nahi kiya... Surwat ke 2 mahine me aisa kamal ka nirman tha ki pura Aizem ko gayab kar deta... Wo to Lobhu ne hastchhep kiya, aur aaj kya hai... Hum dono ko hi usne pratibandhit kar diya...
Jaan se maarna tumhara antim nirnay hota tha. Master Nischal aaj kal maar kar lash se baat karte hain... Dekh main tujhe akele pritvi nahi jane de sakti... Tujhse milne jab tere sahar aa rahi thi tab ek ladka tere upar hans diya... Main ussi pal uska gala katne wali thi.... Bacche the sath me isliye khud ko roki... Main to rok bhi leti hun, tera kanjar to rukte-rukte bhi aadha chid chuka hota...



Nischal:- Isliye tune system feeding karke mere dimag me hi donload kar diya hai.… Jab bhi khanjar hath lagaun to kano me record bajta hai... Yaad rakho jaan lene ke baad tum wapas pran nahi dal sakte sharir me... Isliye jaan lene ki sochna bhi mat...


Serin:- Haan to aur kya karun... Ye mere bhi kano me bajta hai jab mai blade ko hath lagati hun... Sach to yah hai, jo bhi ho raha hai, wo bhuli yaad ki kadi hai. Ye sab ussi ka natija hai aur hum yahan bus din kaat rahe hain...


Nischal:- Thik hai tu jaisa chahe waisa hi hoga... Abhi khush na...


Serin chehre par shant bhav laati… "Haan Khush"…


"Pagal kahin ki"…. Kahte huye Nischal ne Serin ki hatheli par ek nayab sikka rakh'kar uske upar hath rakhte.… "Vachanvaddh hota hun ki iss dimagi samsya se niklne tak tunhari hi baten chalegi, aur wo main manuga"…


Muskaan ki lahar Serin ke chehre par thi. Wo Nichal ko chumti hui uske gale lag gayi aur jod se bhinchti hui uske gale ko chumti.… "Pahunch'kar jalsa karenge… Mahavinashi ki Judwaa mubarak ho"…


Nischal, jhatke ke sath alag hote.… "Jodi banane ki baat hui thi, ye to jodiyan hain"…


Serin:- 4 gol matol tere jaise ladke honge... Dono judwaa ke judwaa bacche. Kam mehnat me jyada natije..


Nischal:- Tabhi tune aaj tak kabhi nahi bataya ki jodi kiske sath ban rahi hai.... Kabhi socha hai, jodi yadi tooti to uske dushparinam kitne ghatak honge... Waise bhi Mahavinashi ke bete Avinashvi ko humne hi maara tha...


Serin:- Tujhe yaad hai kya, kab aur kaise mara???


Nischal:- Nahi...


Serin:- To rahne de na uss baat ko... Tu to bus Aizem ke Uttri rajya ki khubsurat sahjadiyon ke sapne dekh aur rajniti mujh par chhod de... Yudhh ke sabse bade karan ko hi mutthi me daboch rahi hun, baki sab to pahle bhi sidhe the, unhe sidha karne me kitna waqt lagega..


Nischal:- Tu aur teri rajniti.... Sapne tu saja, main chala bacchon ke pass...


"Ruk, sath me chalte hain"…


Serin aaj kuch jyada hi khush thi. Mukhya hall me pahunchte hi usne khushkhabri bhi announce kar dee. Sabhi logon ke bich dono baithe huye the. Hansi khusi ka mohol chal raha tha, tabhi suchna sachar pranali par ek anjaana sandesh aaya...


Nischal:- Serin koi humse sampark karne ki kosis kar raha hai...


Serin:- Desert planet se kaun hume sampark kar sakta hai... Kahin koi chhal to nahi...


Nischal:- Swabhavik hai... Ya fir koi fasa bhi to ho sakta hai...


Serin:- Kya kahte ho fir...


Nischal:- Passage jod do dono viman ke... 30 logon ki team ke sath hum Desert Planet utarte hain, baki dusra viman jab tak Wishper ki ore badhega...


Serin ne turant dusre viman se sampark kiya. Wahan se bhi yahi suchna mili ki koi strong signal bhej raha hai, lekin massage decode nahi ho pa raha hai...


Serin ne dono viman ke external passage ko jodne tatha us viman me 30 worrior ko chhod'kar baki sab iss viman me aakar aage ki yatra karenge, aisa hukum de dee...


Kuch hi der me external passage joda ja raha tha. Kaam pura hote hi dono viman ka darwaja kula. Jaise hi dono viman ka mukhya darwaja khula thik ussi waqt ek anjaana viman kafi teji se unke karib se gujra.


Wo jitni teji se gujra uss bhi kahin tej wo 2 missile girate huye gujra. Dono missile itne karib se chhode gaye ki anti-missile jab tak uss missile ho hawa me maar'kar niche girati. Anti-mussile aur missile ki takkar thik bahari deewar se ho gayi.


Pura viman hi chhatigrast ho gaya. 80% viman damage ho chuka tha aur ab kewal aur kewal emergency exit hi rasta bacha tha. Palak jhapakte hi Nischal ne sabhi bachon ko emergency panel me daalkar Desert planet feka. Itni hi der me Nischal ke viman ke sare crew member ek chhote se steel ball me sawar ho chuke the.


Nischal ne turat hi sabko exit kiya. Sabko niche bhej'kar, nichal ne puri suchna pranali ka backup le'kar jaroori sabhi device ke sath, ammunation aur arms ko ek emergency exit panel me dal'kar fekhne ke baad, Nischal bhi ek panel me sawar ho gaya.


Lagbhag 15 minute baad Nischal, niche land kiya. Jaise hi wo land kiya, waise hi sabko dhundhne nikal gaya. Jo bhi milta unhe samet'kar ek jagah karne laga..


Sabhi jab ek jagah huye.… "Apni ginti puri hai"…


Serin:- Nahi, dusre viman ke 12 log emergency panel phans gaye.


Worrier head Remmy.… "Bina kisi dushmani aur bina kisi warning ke hum par humla hua hai Nischal.. humare 12 log mar gaye ya jinda hai pata nahi. 100 next generation ko unhone daraya hai... Aise to unhe nahi jane diya ja sakta hai…


Nischal:- Suchna pranali shuru karo aur locate karo ki hume sandesh kis jagah se mila tha... Jaldi karo isse pahle ki wo laut jaye...


Serin, Nischal ke kande par hath rakh'kar tik'kar khadi hoti.… "Bina humare hathiyar ka maza chakhe wo laut nahi sakte"…


Nischal:- Kyon nahi laut sakte..


Serin:- Wajah samne se dauri chali aa rahi hai...


Nischal jab Serin ke ishare ko dekha, 6 fit ki ek khubsurat aur aakarshak yuvti, maile kuchaile kapdon me unhi ke ore bhagti hui chali aa rahi thi.


Wo un sabke karib pahunch'kar muskurati hui kuch boli.. Har koi ek dusre ka muh ek baar dekha fir uski ore hairani se dekh'kar... "Kaun se planet se ho"…


Iss baar wo ladki thodi si hairani se dekhi. Dono ko ek dusre ki bhasha samjh me nahi aa rahi thi. Wo ladki idhar udhar dekhne lagi. Tabhi uski najar jaise hi suchna pranali ke sabhi device par gayi, wo hathon se rukne ka ishara karti hui turant wo device ke pass pahunchi.


Apne hisab se wo sari tarah ki wiring karti, screen me puri programming ko khol'kar baith gayi. Puri programming ko wo bade dhyan se dekhne ke baad program run karke ander ki jankari, yani ki bhasha ko padhne lagi.


Sablog muk darshak bane huye the... "Off O ye Viggo ki satak gayi hai. Chid'kar iss Alian ko khatam bhi karo na. Hume action dekhna hai aur iss bawre ko shayad romance sujh raha hoga"…


Ek chhoti ladki bolne lage aur sabhi bacche hasne lage.… "Mujhe maar'kar tum kya flash soup banaoge ya mera boneless meat kahoge, jo marna hai..."


"Tum humare system ke sath kya kar rahi thi"… Serin uss ladki ke gale par chaku rakhti...


Ladki:- Tum ajib se bolne walon ki bhasha sikh rahi thi. Waise ye Viggo yahan ka mukhiya hai kya?? Mujhe chidne ka faisla ussi ka hoga, ya tum me se koi bhi sawatantr hai maarne ke liye...


Serin:- Badi tarap hai kya marne ki...


Ladki:- Maar hi dalogi to main girgira kar bhi kya kar lungi. Marna to waise bhi hai..


Serin:- Apni pahchan batao...


Ladki:- Pahchan … Ek bhagi hui ladki jiski pahchan jan'ne ke baad usse koi sharan (shelter) nahi dega.


Nischal:- Bahut baten ho gayi... Ladki tum apni pahchan batao… aur wo viman kiski thi jo Desert planet par utri hai..


Ladki:- Tum sab kitne jigyashu log ho. Arre bhukhi pyasi ek komal hridayni sunder ladki tumhare pass aayi hai. Kuch khane ke liye to do. 3 din se bhukhi hun. Mere kapde gande ho chale, kahin-kahin se to fat bhi gaye hain...


"Ae Aedi, chupchap apna naam bata na.. baat kyon ghuma rahi hai. Aur jaldi bata wo viman kidhar hai, abhi apna hero pahle usse chirega fir tere ku aakar kiss karega"…. Ek chhota ladka bolne laga...


"Ewwww !!! Isske honth to sukhe hai aur mitti bhi lagi hai... Isse kaise Nischal chumega"…. Bhid se ek aur ladka bola..


Nischal:- Serin jarra inko shant karwao… Suno ladki, abhi humare 2 viman ko usne raund (distroy) dala jo shayad tumhe lene aaya tha… Mere 12 log lapata hai, 200 se jyada yahan fase hai aur mera dhairya bilkul toota hua hai..


Ladki:- Tum to jinda ho janashi. Jaan bach gayi hai. Ab meri tarah tum bhi chup chap yahan tab tak raho jab'tak wo chale nahi jate... Warna mera jo hona hai wo to ho'kar rahega, lekin kismat baar-baar sath nahi degi...


Nischal:- Hmmm !!!! Unki detail batao, jo hume maar'kar tumhe le jayenge...


Ladki:- Kyon jid kar rahe ho...


Nischal:- Kyonki raat hote hi yahan ka jo najara hota hai usse dekh'kar to shristi rachayita bhi kaanp jayenge... Dard aur rahashymayi maut se yadi khud ko bachana hai to mujhe detail batao..


Ladki:- Chal fenku, 3 din se yahan hun... Dard aur Rahashymayi maut.. huhhh. Pahle kabhi koi yahan aaya hai kya..


Sab ek sath.… "Nahi"..


Ladki:- Tab jaroor koi gair kanooni wale hain yahan, jisne ye afwah udayi hai...


Serin:- Nischal aur planet ki information na ho, ho hi nahi sakta... Nischal afwah ko maane, ho hi nahi sakta... Nischal ye koi chhalawa lagti hai…


Nischal kuch bhaanpte huye muskurane laga... Aur muskurate huye.…

"Hmmmm, Yahan ke rahashymayi jiv, jisme jyadatar saanp aur yahan ke na dikhne wale suksham jiv jo rahashymayi maut dete hain unpar tumhe yakin nahi. Ya fir ye.… Khair isse chhodte hain afwah maan'kar…

"Fir meri half (half blood, sauteli bahan) jo tumhe chhalawa samjh rahi, par tum mujhe kisi dur grah ki najar aa rahi... "

"Tum Dark Universe ki koi bhagodi ho. Agar mai galat nahi hun, to ye Astak ki koi karibi hai.. kyonki Astak apne kisi bhagodon ko dhundhne Dark universe ke bahar nahi aata."

"Aur agar ye satya hai ki ye Astak ki karibi hai. Iska arth hai ki ye pura planet jahaj se ghir chuka hota. Lekin kamal hai kewal Astak ka 1 viman yahan pahuncha hai. Ye ladki hume suchna bheji.. wahi suchna un viman walon tak bhi pahunchi hogi. Ab main aage..."


Nichal ek chhota sa viram liya hi tha ki wo ladki jor se kahne lagi... "Bus ab aur nahi... Kuch baten mujhe kah lene do.. aur kuch hum aapas me akele me kar lenge"…

Excellent fantastic bemissal shandar update

 

[SHADOW KING]

jyoti bhabhi ne sabko bata diya nischal ke baare me aur sab khush ho gaye ..
par nandni lagta hai emotional ho gayi isliye kamre me chali gayi ,,waise wo nischal ke sabse karib rahi hai prithvi par ,,aur dono jyadatar saath hi rehte the to emotional hona hi tha usko ..

huyu ko serin mili to sidha lipat gaya usse ..

serin ne luna ki kahani suni to bahut gussa ho gayi thi aur usike chalte jab insano ko bachane jungle me gayi to apne blade ka tandav dikha diya dushmano ko ..
waise dushman bhi puri taiyari se aaye the par luna ne sabke jahaaj ko destroy kar diya apni style me ..
nischal se li gayi training ka natija tha aisa laga ..

orja ne us ghar me entry ke liye gate khola aur alarm baja par lagta hai police aane par unka bhi mind control kiya hoga isliye wo chupchap hanste huye chale gaye aur yaha jivisha jal bhun gayi ..

nischal fight karnewala hai tabhi paise milenge yaha pe jaruri saman kharidne ke liye ..

ab sab ek jagah aa gaye hai ,,jivisha aur nischal to galat sochkar ek dusre se nafrat karte hai ,,par abhi serin se mulakat nahi huyi nischal ki ..
jab nischal ko pata chalega ki uske logo ke saath kya hua tha to wo kya karta hai dekhte hai ..

 

[Asif khan]

Update:-17 ​

Nichal ek chhota sa viram liya hi tha ki wo ladki sabko sunati hui kahne lagi... "Bus ab aur aage tum kuch nahi kaho... Kuch baten mujhe kah lene do.. aur kuch hum aapas me, akele me kar lenge"…


Nischal ne ishara kiya, uske logon ne apne sath laye pani ka ek thaili usse badha diya... Wo ladki 2 ghunt pani pi'kar sukoon sa mehsus karti.…

"Mera naam Orja hai. Main Astak ki beti hun, aur mai wahan wapas nahi jana chahti aur naa hi mujhe abhi marna hai.."


Nischal:- Unke bare me batao jo iss planet par aaye hain…


Orja:- Main Astak ki vansaj hun to wo kisi sena ko nahi bhejega, balki vansaj sena aayi hogi. Ek sardar ke sath 8 vansaj.


Nischal:- Kya hum lad sakte hai...


Orja:- Mat lado... Mai yah nahi janti ki tum jitoge ya nahi.. lekin mai unhe janti hun... Yadi tum sab ladne ke irade se ho to mujhe bata do.. Mai na chahte huye bhi wapas laut jati hun. Aur haan tumhare 12 log jinda hai, lekin viman ke sath hi unka exit panel fasa hua hai. Unke jahaj ka malwa Dark Universe ke dakhini dwar ke ore badh raha hai, jo 4 din me Dark universe ki seema ke ander hoga...


Nischal:- Boys sab ready hai..


"Yahan girls bhi hai" Ek crew member boli..


Nischal:- Mai chup hun Serin tum hi command sambhalo …


Orja, wahan ka mahol bhaanpti… "Tum sab karne kya wale ho????"


Niachal:- Tumne jo circuit joda hai uss se tumhari technology parakh rahe the.. report aa gayi hai…


Orja:- Kaisi report..


Nischal:- Yahi ki tecnically tum log achhe ho, lekin hum se achhe nahi… Tumhari technology ab bhi pichhe hai aur purely Dakshat samuday ki technology hai.. iss technology ko humare yahan ka baccha bhi beat kar de...


Orja:- Dushman se milne se pahle hi usse kamjor parakh rahe ho... Unhe iss faltu ke machino ki jaroorat nahi, kyonki unke hath hi technology hai... Yahan ki ret tumhari dushman hogi. Yahan ki hawa tumhari dushman hogi. Yahan ret ke niche ke saanp tumhare dushman honhe. Unki taknik ke aage tum kuch bhi nahi... Tumhari faltu ki machine chalegi, tab unhe bhedne se pahle uske dhatu (metal) aur rashayan (chemical) hawa me bikhar jayenge aur wo log unhi rashayan ko sagrahit karke tum par hi.….


Nischal:- Hum par hi humla kar denge..


Orja chehre par aisi bhavna thi mano kah rahi ho, bhavna me bah'kar bahut kuch bol gayi.… "Ye mai tumhe baad me bhi bata deti, lekin jigyasu insan jab tak aakhon se dekh na le, tabtak unhe viswas nahi hota isliye taal rahi thi..."


Nischal:- Tumne jo abhi bataya usse kaun si taknik bolte hain...


Orja:- Ye nature science hai... Apni sharirik urja se prakritik urja ko niyantran karna aur usse istamal karna..


Nischal:- Tum me kaun sa gun hai...


Orja:- Mere ander bij daloge to kal tak tunhare jaisa ek bacha tumhare god me dal dungi, jo parso hi tunhare jitna bada ho jayega... Aur kuch jan'na hai...


Orja ki baat sun'kar sabhi hansne lage. Serin jigyasavash… "Kya sach me aisa hota hai…. Iss shakti ko mai parakhna chahungi"…


Orja:- Ab to mujhe bhi lag raha hai ki tum logon ke pass had se jyada advance technology hai, jo nature ko bhi challenge kar de. Tumhare yahan kya madayen bhi bij dal sakti hai... Shayad ungliyon me technology laga rakha hoga... Nar na mile to madyen khud se ungli karke bij daal le... Mujhe bhi sikha dena...


Nischal:- Iss lihaj se to tum log rachayita se bhi aage nikal gaye. Kyonki tumne rachayita ki banayi chij ko kewal control hi nahi kiya, balki unme badlaav bhi le aayi..


Orja:- Ae Viggo Sigma, unclassified first Alfa… itne bhi na pratibha dikhao ki main rijhti chali jaun... Tum mujhe pasand aaye... Mujh me koi shaktiyan nahi… Main bus ek sandesh vahak hun… kisi bhi medium me main sandesh bhej sakti hun... Tumhara viman gujra to maine sanket de diya..
Mujhe pata nahi tha ki kisi sardar ka viman ass pass hai... Tum chaho to apna badla mujhse le sakte ho. Tumhare sath hui ghatna ke pichhe mera hath hai. Bus maarna mat pleaseee. Mujhe abhi jina hai"..


Nischal:- Unhe suchna bhejo aur iss location par bulao.


Worrier head Remmy:- Yahan bahut sare bacche hain..


Nischal:- Befikr raho mujhe unse kewal baat karni hai..


Orja:- Off O tumhe baat karni hai, lekin wo baat nahi karte... Baat hi karni hoti to tum par humla kyon karte..


Serin:- Tum ho na, tumhari liye baat karenge... Kuch bahut purana hisab barabar karna hai.. Kyon half..


Nischal:- Bilkul sahi kahi Serin..Unhe baat karna pasand ho ki na ho, mujhe baat karni hai. Abhi usse yahan bulao... Serin meri chijen do.…


Orja bahut samjhati rahi, lekin koi nahi maana. Ant me haar'kar, Orja ne unhi ki suchna pranali se sandesh bheja. Sandesh bhejne ke thik agle pal hi ek viman unke samip aa'kar ruki.


Iss baar uss viman ke ander se koi bhi humla nahi hua. Shayad Orja sath thi, aur unka maksad Orja ko jinda le jana tha. Ek ore Nischal apne logon ke thik aage khada aur dusri ore takriban 200 meter ki duri par Dark Universe ke Astak ke vansaj ka viman.


Viman ka bada sa darvaja khula. Sidhiyon se log utar rahe the. "Orja, unhe humari bhasha samjao"..


Orja:- Puri bhasha wo tumhari jaan chuke hain. Wo baat-chit karenge, lekin baat chit ke baad tum mujhe inke sath jane doge..


Nischal:- Ab ye to unke baat-chit par nirbhar karta hai...


Nischal apni baat puri kar hi raha tha, tabhi Serin, Nischal ki banayi suraksha ghere ko khol'kar bahar nikal aayi aur Nischal ke kandhe par hath rakhi...


Nischal, Serin ki iss harkat par kuch kahta, uske thik pahle hi usse bhi samne kuch log najar aa rahe the... Nischal ke aakhon me bhi wahi khun utar aaya, jo iss waqt Serin ki aakhon me tha...



Kuch varsh purv.….


Kai varsh purv Nischal aur Serin dono science exhibition aayojan me Aizem ke Madhya rastra ka pratinidhitwa kar rahe the. Ussi science exhibition me Serin aur Nischal ne pahli baar "complete safe exit panel" ke nirman ko sabke samne rakha tha..


Ek aisa safe exit panel jo Unerverse ocean me bhi feka gaya to apne aas pass ke kisi bhi grah ka vayumandaliya kshetr dhundh'kar, wo panel wahan tak ka safar tay kar sakta tha.


Ye wirless circuit ka bana apne tarah ka pahla exit panel tha, jo 3 mahine tak Universe Ocean me urr sakta tha. Iske ander ka rashayan (chemical) kisi bhi prani ko 3 mahine tak poshan de sakta tha jo tube ke jariye naak se auto-connect ho jata aur sarir ke jarooraton ke hisab se usse poshan dete...


Poshan dene wale rashayan ko ek sal ke baad badalna tha. Uss rashayan ko banane ki vidhi kafi saral thi aur chhote se chhote lab me bhi taiyar kiya ja sakta tha.


Charo ore Nischal aur Serin ke aawishkar ki dhoom machi hui thi. 60km ka bada sa maidani kshetr tha jahan ye exhibition chal raha tha. Takriban 3000 vaigyanik, 20000 mukhya log jo kayi grah ke shashak ki ore se yah exhibition dekhne pahunche huye the. Suraksha ke lihaj se 1 lakh uss grah ke sainik, jahan ye exhibition chal raha tha. 10 lakh any grah ke sainik.. aur itne logon ki maujudgi me yah science exhibition aayojit hua tha…


Tabhi achanak hi wahan par humla ho gaya... Kisi ko kuch pata nahi ki ye humla kisne kiya aur kyon kiya. Wahan Aizem ke 2000 sainik jattha bhi tha, jinki lash any surksha karmiyon ke sath palak jhapkte hi gir chuki thi.


Kiski kis se dushmani thi kisi ko pata nahi. Hawai kshetr me kab ghuspaith hui kisi ko pata nahi. Har koi vigyan ke kshetr me huye aawiskaron ka luft utha raha tha… Bus ek pal se dusre pal matr ka fark tha.


Abhi aankh khole the, palak jhapak'kar jab wapas aankh khole to sab badal chuka tha. Sab kuch itni jaldi hua ki kisi ko samjh me nahi aaya ki wahan hua kya. Serin ko Nischal ki fikr thi aur Nischal, Aizem ka nirbhik Sahjada apne hath me bada sa khanjar liye, apni na dikhne wali gati se tej daud laga chuka tha...


Ek aisa kshn (moment) aaya jab wo chhota ladka Nischal teji se daudte huye hawa me chhalang laga chuka tha. 4 fit ka ek ladka, samne 8 fit se jyada lambe kad ka ek anjaana dushman, jiski na to wo kshmta janta tha aur na hi uss par humla karne ka kya natija hoga uski koi parwah.


Uske aankhon ke aage to bus unki lashen dikh rahi thi, jinhe yah tak pata nahi tha ki unhe mitrtyu dand kyon mili. Teji se daudta hua wo chhota ladka 50 fit se uncha chhalang laga chuka tha.


Apni sari urja hatahon me lekar aaya. Uss chhote ladke ki khanjar chal chuki thi jiske bare me wahan ke sabhi planet wasiyon ko pata tha ki jab uski khanjar chalti hai to saikdon salon se majboot khade ped ko bhi ek hi bar me upar se niche tak chirta hua wo ladka jamin par kadam rakhta hai..


Uss chhote ladke ki khanjar ki dastan sabne kuch din pahle suni thi. Jab khelte huye wo uttri seema me ghus gaya tha aur jab wahan ke fauj me samil 20 fit unche janwar ko katna shuru kiya, tab kewal maans ke lothre aur khun hi khun charo ore tha.… Jab bhi ye khanjar chali thi raktranjit hi hua tha...


50 fit ki unchai, aur ek baar fir wah ladka apni khanjar chala chuka tha. Jab uss ladke ki khanjar apne dushman ke sar se takrayi, visphot jaisa awaj hua tha. Aisi awaj jise sun'kar wahan ka pura mahol hi tham gaya ho. Bijli si raushni hui thi.


Nischal ki khanjar uske dushman ke sar par lagi lekin pahli baar uski khanjar ne dhokha de diya aur sar se takrane ke baad khajar ka dhatu jaise dhul ke kan me badal gaye ho. Ek Abhed dushman, jise Nischal ki khajar bhed nahi payi thi.


Sarir Abhed hua to kya hua, lekin sar par khajar lagne se jo visphot ki awaj ke sath raushni hui, uss se ek baat to saaf thi ki itni takat se sar par humle ke baad uski akl to thikane aayi hi hogi.


Sath hi sath ek chhote se Viggo ke gusse ka samna bhi karna para tha, jo itna nirbhik tha ki usne yah nahi socha dushman ki takat kya hai, balki hath se khanjar khone ka gum bhulate agle hi pal jab wo uske sine ke pass tha, logon ne fir se wahi visphotak awaj ke sath raushni dekhi...


Dono visphot aur raushni me second ke 100we hisse se bhi kam ka samay tha... Uss 4 fit chhote ladke ki laat apne dhushman ke chhati par chali thi. Nischal jab niche jamin par khada hua tab uska wo dushman kahin dur-dur tak uss madan ki seema me najar nahi aaya jo ki 60 kilometer ke kshetr me faila hua tha…


Jaise hi wo anjaana duhman kahin dur jaa'kar gira, bahut hi teji se teen log kuch fit ki duri par ek chhote ladke ko ghere khade the. Wo teen aur naye dushman kuch bol to nahi the, lekin aakhon se unke soley barash rahe the.


Dekhte hi dekhte teeno ne apna naqab hataya aur ek sath apne hath ko disha de diya. Thik ussi waqt Serin, Nischal ke sath khadi ho gayi. Jaise hi un-logon ne apni shaktiyan chalayi, aisa laga do shaktiyan takra gayi ho.


Nischal aur Serin ki jab aakhen khuli tab wo jaal mahal ke medical section me the. Dono ki maa.. unke karib baithi muskura rahi thi... Serin ki maa ek kusal Dakshat sumday ki sahjadi thi, to Nischal ki maa ek kushal Viggo.


Jahir hai dono bacche ke man me kayi sare sawal the. Serin ki maa ne Nischal aur Serin ka sar chumte huye kahne lagi.… "Tum dono pahle aise insan ho jo Astak ke vansaj sena ke samne khade the, aur jivit bhi ho. Nischal mujhe afsos hai, tumhare guruji ka diya hua pendent wo le gaye."..


Jaise hi Serin ki maa ne yah bataya, thik ussi pal Serin apna pendent dekhne lagi jo Nischal ki maa ne usse diya tha....


Serin:- Mera wala pendent to hai...


Nischal ki maa... "Kise pata iss pendent ki wajah se dono jivit ho. Tum dono aaram karo aur kuch hi dino me ek chhota sa badlav tum dono apne ander mehsus karoge. Ye ek Dakshat aur Viggo (Serin aur Nischal ki maa) ki mehnat hai. Dono kabhi alag mat hona... Hum chalte hain"…


Wakai, dono ne kuch din baad apne ander badlav mehsus kiya tha. Vayumandaliya aavran ye khud apne hathon se bana sakte the... Dono ne mil'kar fir iske ek device banane par kaam kiya, jiska naam diya tha fasal-raksha. Kyonki bahut se sukshm jiv aur janvar fasal ko barbad kar dete the, isliye unhe bachane ke liye ye device banane lage taki pure fasal ki raksha ho sake.


Dono sath milkar fir se ek bade project par kaam to shuru kiye, lekin banate waqt dono hi viprit aur jigzag the. Waise to Nischal aur Serin ke bich jitna gahra pyar tha, utni hi ladai bhi hoti thi. Upar se ye project...


Nichal apne haton se prawaah hone wale aur mastisk se control hone wale iss project ko bahut barikiyon se parakh kar. Yadi Nuschal urja ki reading yadi +2 leta to wahin Serin ke result -2 hua karta tha. Ek ka natija jo hota wo dusre ke na kewal thik viprit balki aara-tirchha bhi hua karta tha...


Jaise nischal ne koi manak nikala +5 to ussi ka manak Serin ka hota +12. Nischal 1 negative wiring ki baat karta aur Serin 2 positive wiring karke test karti... Kya hi ladaeyan hua karti thi dono ke bich iss project ko le'kar…


Ladai jhagre wala yah project dhire-dhire progress karta 2 sal me taiyar hua tha. Shayad dono ki maa iss device ki kimat janti thi, isliye medical section me jab dono aankh munde behosh the aur dono ke upar dono ki maa medical experiment kar rahi thi, tab anti jigzag visualisation dal diya tha…


Dono hi apne dono bachon ko jante the, aur unhe pata tha ki ye dono mil'kar vayumandal aavran device ko banane par kaam shuru karenge aur bana bhi lenge. lekin dono ki maa ye kabhi nahi chahti thi ki kuch gupt chijen bahar aaye.


8 aise vachan the jo Serin aur Nischal ki maa ne marne se pahle, kuch kewal Serin se to kuch dono se liye the. Nischal ke ore se Serin ne hi wo wada kiya tha, jisme se ek ye vayumandaliya aavran device bhi tha. Jo device ye bana rahe the kewal uski swikriti mili thi, lekin kewal ek shart par ki aage ye iski copy nahi banayenge. Koi bhi reserach paper taiyar nahi karenge. Aur jin'par itna bharosa ho ki jindgi apni unke hawale kar sake kewal unhi ko istamal karne denge…


Vayumandaliya aavran device ka nirman to dono ne kar liya tha, aur iss dauran Serin ko bhi andruni kayi sari baton ka pata chal chuka tha, ki inke pariwarik mahol me kya khel chal raha tha...


Uss device ko banate waqt dono ne ek nayi paddhati ko janm diya.. Tum kuch kaho hum kuch kare aur nirman hote rahe. Issi ke tarj par bahut se nirman huye jinme se wo hand mask bhi tha, jise iss waqt Nandni istamal kar rahi thi.. pardarshi energy gloves ke naam se.


Aur yahi karan bhi raha hai ki Nischal ke dimag se jab Surpmarich chori kar raha tha to usse anokhe aur nayab nirman safalta purvak hote to dikhe lekin unka nirman nahi kar paya.


Iska sadharan sa karan yah bhi tha ki Surpmarich kewal Nischal aur Jivisha ke dimag par focus kiye huye tha. Dono ke mahasagar jaise dimag ko pahle chori karne ke karm me kuch Nischal ke dimagi hisse ki yaad chhut gayi aur Serin ka puri yaden rah gayi...


Surpmarich ke pass waqt itna bhi nahi bacha ki wo Serin ke dimag ki ek jhalak le sake. Bewakoof Surpmarich, kyonki Nischal ke jivan ki puri aham janakari to Serin ke dimag me thi... Aakhri me bus teeno ke dimag ke softwere ko corrupt kar'ke maara gaya… Aaj jab Nischal ke nirman ki dekh'kar nirman ki sochta hai to kewal visphote hi hota hai.. kyonki sare nirman dono ne viprit jigzag policy ke tahat kiya…


Nischal ne -1 socha to Serin bus uski aakhen padh'kar chup chap +6 kar deti thi. Mudda yah nahi tha ki unhe ya unki maa ko Surpmarich ke aane aur dimag se kuch churane ka purvanuman hua tha... Wo dono to bus Jaal mahal me faile, apne hi pariwar bane dushman se apne nirman ko surakhit rakhte the, jo har waqt in par najar diye hote… jiski jankari Serin ko to thi, lekin Nischal ko bahut baad me hui.....


Chaliye vartman samay me chala jaye kyonki kuch varsh purv jo narsanhar ke jimeedar the. 3 benaquab huye log Nischal aur Serin ke samne the. Aur ek jo Nischal ke guruji ka pendent lekar bhaga tha, Wo pendent pahne huye hi thik samne khada tha, Sardar Dreda.…

[/QUO
zabarast nice update