Fantasy Kaisa Ye Ishq Hai ~ Ajab Sa Risk Hai ~ Reload (Completed)

[nain11ster]

Page 766 Se 775 tak har panne par update hai.

Final closing update on page:-792


Issi ke sath Ishq Risk reloaded ka ye season poora hua. Next fantasy journey announce ho jayegi. Ummid hai pahle

"Arymani:- The Pure Alfa Between Two World's."

Yahi aaye... Jo bhi hoga purv suchna mil jayegi... Fihlaal end enjoy karenge... Aur kahani ka poora safar kaisa rahega wo ek baar jaroor sajha karen...


Filhaal Abhi vyast hun ek pure romantic journey par....

<<<< Too Young !! Too Old >>>>​

Aap sab ka hai udhar. Kahani par pahunchne ke liye story title par ulgi karne ka...

<<<< Too Young !! Too Old >>>>​

 

[Salu bhai]

Hahaha ... Thank you so much salu bhai... Aapki mehanat ka natija hai ye

Bhai meri nh

Ya naina g ke mehant ka natija ha
Wohe ziyada tar time is theard pe rehte hen

To thanks unko kahi

 

[nain11ster]

Update:-30 ​

Jaise hi Nayla aur Shwetna ne saikdon mile suna, HuYu ka gidewan pakadti hui.… "Saikdon mile ka fasla... Kaise, ab kaise tay karenge… sabhi viman to bhej diye. Akl ke paidal, Pune pahunch'kar bhi to viman wapas bhej sakte the"….


Ek pal ke liye to HuYu bhi dar gaya ki kahin ye dono sakdon mil chalne ke naam par uska gala hi na daba de. Kintu jamin par pahunch'kar Alexa se jab inka parichay hua, fir to unke khushi ka thikana hi na raha...


Haan Nayla ke liye double khushi thi, kyonki Jaal mahal me jis bad'bole autonomous body, "Central System" ko wo sun'kar chid jaya karti thi, aaj insani vesh me samne khada tha... Aaj bhi pahle ki tarah hi autonomous body tha, jisme bhavnayen thi. Nayla to puri tarah khush thi, kyonki Jaal mahal me jitna Alexa ne usse sataya tha, ab gin gin'kar badla lene ka waqt aa gaya tha...


HuYu ne Alexa se sidha Jivisha ke pass hi le chalne ki maang kiya, taki abhi se hi Jivisha ke aas-pass ke mahol ka jayja liya ja sake aur uss par najar rakhi jaye... Kintu jab ye log pahunche Jivisha pub se furrr ho chuki thi aur 3 gussaye striyon ka shikar, Kasak ka mangetar Sahil ho raha tha…


Jyoti bhabhi, Kasak aur Nandni, tino mil'kar uske chhati par 'mung darar' rahi thi aur wo bechara apne dono hath jode itna hi kah raha tha, "mai to bus madad kar raha tha"...


Jab Jivisha thi hi nahi tab ye teeno dur se kya Nandni par najar rakhte, bus yahi soch'kar Shwetna ne apni upastithi Nandni ke pass jahir kar dee... Sabhi logon ko dekh'kar Nandni ne Kasak ko ishara kiya...


Kasak Nandni ke ishare ko samjhti hui Sahil se kah dee.… "Dur ke kuch dost aa gaye, warna aaj tumhari Khair nahi thi Sahil"…. Sahil yun to kisi ko janta nahi tha, lekin jate-jate un sab ke samne apne dono hath jod'kar, bhavuk hote huye kahne laga.… "Mere liye to bhagwan aap log hi ho, bacha liya in duston ki god mothers se"


Sahil ke jate hi, Nandni ne Jyoti bhabhi ko bhi vida kar diya aur Kasak ke sath sabko le'kar apne flat chali aayi... Wahan par sabne apne-apne paksh ko rakha, aur jab sabhi paksh samne ek jagah aaye to natije kafi chaukane wale the.…


"Jivisha, Nischal aur Serin teeno ki hi yaden gayi thi… aur purv ke jeevan (tab ki baat ho rahi hai jab Nischal aur Jivisha nahi mile the)… par gaur kiya jaye to..…. Jivisha ko ek sapno ka rajkumar to chahiye tha, lekin kabhi apne partner ke liye aise openly pahal nahi thi... Yahan tak Nischal se itni chahaten hone ke bavjood bhi kbhi bahar itna open ho kar nahi aayi"…


"Nischal to bilkul shant sa dikhne wala ladka tha, jiske kabhi kisi stri ke sath sambandh nahi rahe the"….


"Serin apni marji se kabhi-kabhi sambandh to banati thi, lekin wo bhi kafi reserv hote the, kisi ko na pata chalne wala"….


In sab points par jab manthan hua fir iske bhyavaah natija Shwetna jaan chuki thi. Surpmarich ka pura khel usse samajh me aa chuka tha, jiske baare me shaq usse shurwaat me hi ho chala tha. Lekin uss vishay par soch'kar wo ander se hi seham chuki thi, aur anterman me yahi khyal laati rahi ki jo wo soch rahi hai, waisa bilkul na ho.


Shwetna puri sacchai jan'ne ke baad itihaas ki gahraeyon me thi, jab Zoren par Jivisha ki kayi pidhi purv ki vansaj aur Vishesh samuday ki sabse shashakt nayika Vish-Nilayani ka shashan tha...


Vishesh samuday ki Pratham vansaj Vish-Kritima thi, jo Surpmarich ke sath Sattvik Aasharam ke mahan guru Vishisth ki anuyayi thi. Yah wahi Saattvik Aashram hai jiske gurugul me Apasyu ki siksha hui thi.…


Vish-Nilayani ke samay Saatvik Aashram ka sanchalan guru Vshudhar karte the. Vish-Nilayani ko uss waqt Surpmarich ke vishay me purn gyan hua tha...


"Koi pratham shishya jo brahmand me Vish-Kritima ke sath jivan aur sabhyata basane gaya tha, wah ab bhi apni purn siddhiyon ke sath jinda hai.… Itne lambe jivan kaal ko wo prakriti ke niyam ke virudhh ek sharir se dusre sharir me prawes karke jee raha hai"...


Aisa karna hi kisi Vikrut manskita ki pahchan thi, fir to Surpmarich se puchhna bhi vyarth tha ki wo aisa kyon kar raha tha... Vish-Nilayani ne pahle prithvi par sampark kar'ke Saattvik Aasharm ke tatkalik guru Vashudhar ko yah suchna pahunchayi, aur baad me akeli hi nikal gayi Surpmarich ko dhundhne...


Kuch waqt parishram ke baad Surpmarich usse "Far Universe" ke ek grah par mila tha… Vish-Nilayni aur Surpmarich ke bich 4 baar yudhh hua aur charo baar wo haar'kar, apni jaan bachate huye bhaga tha. 12 sal ka yudhh kaal raha tha Surpmarich aur Vish-Nilayani ke bich.….


Vish-Nilayani se jab Surpmarich jit nahi paya tab chhal ka ek vyuh racha.… Aakhri yudhh Himalaya ke ussi tibbath ke khestr me hua tha, jise tatha-kathit Kailash parwat ka rasta kaha jata hai... Kafi lambe chale iss dwand me Vish-Nilayni ki jit hui thi aur Surpmarich maara gaya tha.


Surpmarich maara gaya, aisa sab ko laga tha... Lekin jab Vish-Nilayani akasmat mirtyu mari tab puri sacchai ka pata Sattvik aashram ke tatkalik guru Vashudhar ko chala tha... Jiska varnan Zoren ke Vishesh itihas ki pustak me tha, Sattvik Aashram ke "Gurukul Itihaas" me bhi varnit hai...


Vishesh samuday ko vishesh isliye bhi kaha jata tha, kyonki Vish-Kritima ki jitni bhi arjit shaktiyan thi, wo anuvansik roop se uski kisi ek beti ko chun liya karti thi. Jabki iske viprit itni sari siddhiyon wale koi bhi purush ya mahila apni siddhyan anuvansik taur par apne agli pidhi ko nahi de sakte the...


Inke Vishesh hone ke pichhe ek karan aur varnit hai, jiske vishay me pratahm guru Vishisth ne ullekh kiya tha ki Vish-Kritima ka janm ek khas nakshtr me 7 grahon ke samanantar hua tha. Grahon ki yah dasha Vish-Kritima ko ek sudhh aatma (pure soul) banati thi...


Pure soul ka arth hi hota hi khush'hali. Muskura'kar jivan ko samjhne wali. Shaktiyon ko bhul'kar jivan ka aanand uthane wali. Shansar ka har vish pi'kar badle me amrit barsane wali... Pure sole. Sudhh aatma...


Inhi sab khas guno ke karan Vishesh ko janni hone ka sawbhagya prapt tha, jo naye jivan ka srijan kare. Har vishesh stri ko 6 putriyon ka saubhagya prapt tha... Unki sabhi 6 putriyon me ek saman tej aur chanchal swabhav dekhne ko milta. Saton bahno ke bich prem anutha hota aur janm ke shurwati salon me hi kisi ek putri ko aap-rupi "sudhh aatma" hone ka uttardayitv milta. Jiske guno ko sabhi bahne aur mata mil'kar nikharti thi, aur unhe Vishes hone ka darja milta...


Surpmarich se yudhh ke baad Vish-Nilayani ki bhi kuch varshon ki yadast kahin gum ho gayi thi. Jisme uske vivaah se lekar 3 santan uttpatti ki yaden thi... Uss daur me wo kisi ki nahi suni aur unhone dusri shadi kar lee.


Sab ko laga shayad purv pati se prem samapt ho chuka hai. Ab Vish-Nilayani hi vishesh thi, isliye uski baat nahi tali ja sakti thi... Pati ke badle jate hi ek badlav dekhne mila tha, chaturth (4th) santan ke roop me unhe ek putr prapt hua...


Har koi yahi samjh raha tha ki prabhu ki yahi marji thi... Samay bit'ta raha aur kuch salon baad Vish-Nilayani ki yaden dhire-dhire sangrahit ho rahi thi… Lagbhag 7 sal bit chuke the aur in 7 salon me ek-ek kar'ke Vish-Nilayani ki sabhi putriyan aksmaat mirtyu ki shikar hoti chali gayi... Vish-Nilayani ki yaden jaise-jaise sangrahit ho rahi thi, Vish-Nilayani ki aatma tak toot'ti ja rahi thi...


Marne ke purv unhone aakhri baar prithvi par sampark kiya aur unke marne ke purv Guru Vashudhar swyam aaye the… Aakhri waqt me Vashudhar aur Vish-Nilayani ki akele me baten hui thi…


Vish-Nilayani guru Vashudhar ke charno me gir'kar purn viyog me kahne lagi, "Meri aatma toot chuki hai gurudev. Yah puri maya uss Surpmarich ki rachi hui thi, kintu mai yah bhed kyon nahi samjh payi"…


Vashudhar:- Tumse koi galti nahi hui hai Nilayani, khud ko dosh mat do… jo bhi hua wo agyaan man ki bhavna thi...


Nilayni:- "Main kaise maan lun ki meri kamuk ikchha ne kisi aur ko chun liya.... Mujhme bhi to shaktiyan thi, jiska kahin na kahin maine triskaar kiya hai... Main til-til mar rahi hun gurudev. Kisi tarah pran roke hun taki aapke hathon mukti mile"...

"Mujhe mukti de do... Main aur jina nahi chahti.. meri sabhi santan mar gayi.. kewal ek putr bacha hai aur wo bhi vikrit hai. Kyonki main dekh pa rahi hun ki meri sabhi putriyon ki mirtyu ke pichhe mera putr Adharva hai. Kintu mai usko kuch nahi kar sakti, kyonki main putr moh me hun... Mujhe mukti de'kar mere vikrit putr ko bhi mukti de dena, kyonki uske aander uss Surpmarich ki gandi chhap hai. Ye bhavishya me uss se bhi jyada ghinauna aur kurur hoga"...


Vashudhar:- Hmmm ! Tumhari tadap mujhe viyog me daal rahi hai... Tumhari anuvansik shaktiyon ko tumhari bahno ke ander barabar nihit karna hoga, tabhi punah kabhi bhavishya me jab 7 grah samananter honge aur tumhare vansaj me se kisi ki santan uttpatti hogi, tab wo tumhari sudhh anuvansik shaktiyan grahan kar payegi… baki unki agli pidhi me kuch anuvansik kshmta to hogi kitu purn nahi hogi...


Nilayani:- Gurudev meri shaktiyan yadi mere bahno ko de di, to unka bhi vinash mera putr kar dega... Humare sampurn vinash ke liye hi isse mere garv me dala gaya tha... Adharva ek bhishan shrap hai jo mere kul ke nash ke liye bana hai... Uska janm "navgrah amavashya" me hua hai. Gurudev mai bahut dard me hun... Pran tyagne ko vyakul hun, kewal aapki pratiksha me nikalte pran ko apni Prabal ikchha shakti se kisi tarah roke hun...


Guru Vashudhar ne turant hi purn yojan ka karya prarambh kiya. Vish-Nilayani ki sari shaktiyon ki 6 purn nakal (6 Complete Copy) banaya aur teleportation ke jariye un 6 purn shaktiyon ko Vish-Nilayani ke sabhi bahno ki mashtisk me nihihit kiya. Yadhpi wah sabhi shaktiyan mashtisk ke soye hisse me thi jinka istamal wah nahi kar sakti thi, kintu anuvansik gun me the jo ek pidhi se dusri pidhi tak pahunchti.


Vish-Nilayani jab apna pran tyag rahi thi, uske chehre par bahut samay baad wapas se wahi muskaan thi. Ek tej raushni wahan charo ore dikhi aur Vish-Nilayani apni sweksha se apne pran tyag chuki thi.


Guru Vashudhar ne Vish-Nilayani ki aakhen band ki aur sabse pahle Vish-Nilayani ke putr ko dhundhne nikle. Kintu guru Vashudhar ko wah balak nahi mila. Guru Vashudhar ne usse apne divya dristi se bhi dhundhne ki kafi kosis kiye, kintu uska koi pata nahi chala... 6 sal ka balak kaise itni jaldi gayab ho sakta tha, iska pata aaj tak nahi chala tha…


Vish-Nilayani ka parthiv sarir ko aakhri vidai dene ka waqt tha. Kintu tabhi guru Vashudhar kisi gahri soch me pad gaye aur samay barbaad na karte huye wah swayam (self) ek sntust mirt sarir ke mastisk me prawes kar gaye...


Santust mirt sarir wah sarir hoti hai jiski aatma ek lok se dusre lok me chali jati hai... Guru Vashudhar jante the ki wah kya karne ja rahe hai aur uska parinaam kya hoga, lekin fir bhi Guru Vashudhar kuch baaton ka pata lagane Vish-Nilayani ke mastishk me prawesh kar chuke the...


Kisi mrit ke mastishk me prawesh karna matlab ek ant'hin duniya me kadam rakhna, jahan ek baar fase to fir kabhi nahi nikal sakte... Bahar aapka sharir bejan ho jayega aur mrit mastisk ke ander aap fase rah jaoge...


Mrit sharir ke mastishk ke ander guru Vashudhar prawes kar chuke the. Surpmarich ne Vish-Nilayani ke mashtisk ke ander aisa kya kiya jo yah sab ghatit hua, wo pata lagane me jut gaye... Kayi caror snayu tantu me se kisi ke sanayu tantu ki kisi ek kosika se chhed-chhad ka yah natija tha, jiska pata lagana tha...


Guru Vashudhar ka hukum tha ki jab tak wo apni aakhen na khole, tab-tak dono hi sharir ko na to barbaad hone diya jaye aur na hi antim kriya ki jaye. Zoren grah taknik roop se kisi sharir ko kshay (distroy) hone se bacha nahi sakte the, isliye un logon ne Universe ke sabse viksit samuday ko iss karya ke liye bulaya tha…


Yani ki Viggo samuday ke mul grah Aaynek se scientist ki ek team aayi thi aur wo waqt Viggo itihas ka sabse sunhehra aur kala dono daur kaha jata tha... Wo waqt tha Nischal ke paitrik vansaj Dwitiya Viggo Sigma ka, jiske kayi pidhiyon baad Nischal paida hua tha...


Aaiyenk grah ke scientist ne Zoren grah ke Naag-Loki samuday se Vish-Nilayani aur guru Vashudhar ki kahani suni... Aur wo log inke sarir ko sanrakshit karne ke liye khushi-khushi raaji ho gaye...


Halanki sanrakshit karna to scientist kewal Zoren wasiyon se kah gaye the, lekin unka maksad tha in bodies par parikshan karna.…. "Prithvi se kaise koi manushya khud ke pure sharir ko hi bina kisi viman ke, ek jagah se dusri jagah transport kar sakta hai"...


Haalanki 'complete transportation' Kafi jatil vidya thi, jo samast brahmand me kewal teen log kar sakte the... Ek Vish-Nilayani jo mrit thi.. Dusra guru Vashudhar jo apne kisi bhi shishya ko yah vidya sikhaye bina hi ek jokhim bhara kaam kar chuke the aur teesra Surpmarich, jo har badalte sharir ke sath ye vidya khota ja raha tha, kyonki kuch siddhiyan Prakrit ke niyam anusar hi chalte hain aur aprakritik kisi bhi chij me sath chhod dete hain… isliye Surpmarich yah vidya janta to tha, kintu badalte sharir ke sath wah isse kar pane me asamarth tha…


Aaynek grah, Viggo samuday ka apna grah. Tatkalik shasak dwitiya Viggo Sigma ne jab guru Vashudhar aur Vish-Nilayani ki kahani suni, wah baki scientists ko iss project se hata'kar khud ke hi dekh-rekh me Vish-Nilayni aur Guru Vashudhar ke sharir ko sanrakshit kiya, aur apne sodh karta raha.…


Sambhavtah guru Vashudhar mrit mastishk ke jaal me phans chuke the, ek ant'hin duniya jahan se wo nikalne me nakamyab huye.… Haan lekin unhone jo bhi Vish-Nilayani ke mastishk me pata lagaya wo sab unke shishyon tak sandesh ke jariye milta raha...


Vish-Nilayani aur guru Vashudhar ka sharir Aiynek grah me tab-tak surakshit raha, jab'tak ki ahankari Viggo samuday ke tirtiya Viggo Sigma ne apna home planet Aaynek aur Dakshat samuday ke home planet Masoori ko tabah na kar diya. Toot'te Aaynek grah ke sath wo log bhi wahin vilin ho gaye...


Vish-Nilayani ke marmik itihaas ki bahut si baten, Naag Loki me pidhi dar pidhi sunayi jati rahi, jisme kahani ka yah bhag to sabke dimag me chhapa tha.…


Vishses darja prapt stri ek "sudhh aatma" hoti hai. "Sudhh aatma" arthat vishesh stri ke hriday aur mann ki bhavna kisi se judne se pahle hi uski aatma uss'se jud jati hai... Sudhh aatma ki bhawna hi ikchha shakti kahi jati thi, jiske sudhh riste uski aatma ki bhavna tay kar leti thi, bhale hi uske hriday aur mann ki bhavna kuch bhi rahe.

Haal ke dino me isse Jivisha aur Apini ke riste se tay kiya ja sakta tha. Jivisha aur Nischal ke pahli mulakat se bhi tay kiya ja sakta tha.

Sudhh aatma apne purn jivan kaal me apne ek sacche sathi ki aatma se judti thi. Aur uske alawa yadi man aur hriday ki bhavna kisi karanvash kisi anya purush ko apna sab kuch samarpit kar de, tab wah sudhh aatma toot jati thi. Jiska viyog aur vilaap kalpna se bhi pare tha. Uss viyog aur vilaap ko kewal Vish-Nilayani ne mehsus kiya tha aur apni marji se apni pran tyagi thi"


Wahi ghatna fir se dohrayi gayi thi. Ye wahi chhaliya tha, jiske vajah se saikdon varsh purv Vishesh samuday ka lagbhag samapti si ho gayi thi aur bacha hua kaam wo iss baar pura kar lega... Kyonki Surpmarich apna pura khel rach chuka tha.…


Nandni, Kasak, HuYu, aur Nayla, charo to kewal yahi soch rahe the ki Surpmarich ne Nischal, Serin aur Jivisha ke dimag se chheh-chhaad kar'ke uski kamuk ikchhon ko badha diya hai, jiska ek matr ilaj hai unki yadast wapas lana aur teeno ko samjhana ki unke sath ye ghatiya sa khel Surpmarich ne racha tha... In charon (Nandni, Kasak, Nayla aur HuYu) ki sahmati jaise hi in bato par bani.. Shwetna chinkhti hui kahne lagi…


"Jo yadasat wo bhule hain, ab wo abhishapit yaden hai. Jiske laut'te hi Jivisha aur Nischal ki mirtyu tay hai aur usse koi taal nahi sakta"….

 

[nain11ster]

Update:-31 ​

Shwetna chinkhti hui kahne lagi…

"Jo yadasat wo bhule hain, ab wo abhishapit yaden hai. Jiske laut'te hi Jivisha aur Nischal ki mirtyu tay hai aur usse koi taal nahi sakta"….


Jaise hi Shwetna chinkhti hui apni baat rakhi, sabhi khamosh ho'kar apni najren Shwetna par tika liye. Swetha dhime se lambi shwans leti hui jaise khyalon ki gahraeyon me dub gayi ho. Unhi khyalon ki gahraeyon me duba'kar Shwetna bolne lagi….


"Uska vilap hriday ko chid degi. Uski aanh ruh tak ko vismit (bhay-chakit, vyakul) kar degi. Jis sansar me uski aatma tootegi, na chahte huye bhi wahan ke samast jiv jinme pran baste ho, sab uski mirtyu tak gahre sok me rahenge. Uske dard ko aansik bhi mehsus karna 100 mirtyu ke barabar hai aur wo marne se pahle har kisi ko uss dard ka aabhash karwa'kar duniya chhodegi"….


"Tum kya bol rahi ho, apne mati me to ho. Pahle Jivisha aur Nischal ko le'kar aisa kahna aur ab ye ajib si baten... Tumhe hua kya hai"…. Kasak thoda gussa jahir karti hui kahne lagi….


Shwetna.… "Main uss dard ko bata rahi hun jo kisi kaal me humare purvajon ne mehsus kiya tha… Vish-Jivisha ki purwaj Vish-Nilayani ka dard. Jivisha ki aatma jiska tootna lagbhag tay ho chuka hai, uska viyog puri prithvi mehsus krogi.… Tum log kya unki yadast vapas laoge. Kuch salon baad wo khud-v-khud wapas aayegi... Jab wo yadast wapas aayegi to tum soch bhi nahi sakti apne sath kitna dard lekar aayegi".…

"Ek ore jahan Nischal ki puri yaad hogi, aur aakhon ke samne viyog me uski sacchi mohabbat. Mera wada hai tumse, Jivisha ke pahle din ka dard mehsus kar'ke Nischal apne pran tyag dega... Kuch waqt tak Jivisha apne viyog ka parichay iss pure sansar ko karwayegi aur uske mirtyu ke sath hi Vishes stri ka wo purana bhavya itihaas bhi uski chita ki agni me swaha ho jayega.….


Nayla:- Sharirk sambandh to matr ek chhanik sukh ki bhavna hai, jo bhuli yaad me Jivisha se ho sakta hai. Jaise Nischal ke sath ho raha hai..… wo bhi tab jab uske ander ki kaam-bhavna ko kisi bahari tatva ne jagaa diya ho…. Tab kyon Jivisha ki aatma tootne lagi…..


Ajib si muskaan thi Shwetna ke chehre par mano sabko kah rahi ho, "pagal kahin ke"… Shwetna ne jab Vish-Nilayani ka wo aakhri daur un sab ko batayi aur Jivisha ki sudhh aatma tatha uski ikchha shakti ka varnan ki, tab sabhi ek tak bina palken jhapkaye Vish-Nilayani ka wo karunamay anth sunkar lagbhag ro se diye.…


Nandni mayus thi lekin ummid ki kiran jalayi, wo kahne lagi.… "Ishwar hum par sahay hoga... Jivisha ek achhe insan ke sath gayi hai...


Shwetna:- Haan achha hi hoga, tabhi Jivisha khushi se uske sath gayi... Kintu ab wo uske sath akeli hai aur din raat ussi ke sath rahegi.… Manti hun Jivisha ka sthir mann hai, tabhi to Nischal aur Serin ki tulna me wo matr kisi ek par pahle apna dil hari hai…. Ab mamle ka main purn avlokan tumhe sunati hun...

Naag faans sammohan. Nilbhut (Shwetna ke Naag Loki Rastr me rahne wale ko Nilbhut samuday kahte hain) samuday ki ek stri yadi Naag faans sammohan karti hai tab samnya se dikhne wale 4 purshon ko wo sammohit kar sakti hai... Jivisha ke pass 1 lakh stri ke barabar ka naag faans sammohan hai. Apni kamuk awastha me wo rijhane ke liye ek baar me ek lakh naag Loki stri ke barabar naag faans sammohan kar sakti hai, shayad iske aage mujhe kuch kahne ki jaroorat nahi...


Nayla:- Lekin Jivisha to Naag Loki stri nahi hai...


Nandni:- Naag Loki ka Naag Dansh Jivisha ke anguthe par ubhri hui milegi, aur wahi Naag Dansh Nischal ke bhi anguthe par ubhra hua milega... Dono nilbhut samuday ke shashak aur Shashika hai.. jinme aakhri zahar ke mahasagar ko apne ander samane ki kshmta hai...


(Aakhri zahar yani sabse zahrila, jiske ek bund hawa ya pani me fail jaye to lakhon logon ki mirtyu tay hai... Haan kintu Nischal aur Jivisha yah zahar pacha sakte the, iska yah arth nahi ki dono zahrile hain)…


Shwetna ki purn samiksha aur Nandni ke clarification ke baad to wahan ka pura mahol hi shant ho gaya. Ek matr dimag jo sochne ki stithi me tha, wo tha HuYu. Lekin wah bhi ab kya ran'niti banaye.


Jis bade se khel ki rachna Surpmarich kar chuka tha, uske baad to Jivisha aur Nischal ko unhe yaad karne ki bhi jaroorat nahi thi. Kyonki dono ki atal mirtyu to wah tay kar chuke the... Aise paristithi me ab bus ek hi rasta bachta tha, dono ki yadasat tab tak wapas na laute jab'tak iss paristithi ka koi tod na dhundh le...


Sabhi baton par gaur karne ke baad HuYu uss khoye se mahol ko apne shabdon se bhed'te huye.…. "Hum char alag-alag prant se nahi, balki 4 alag-alag grah se hain aur fir bhi ek sath baithe hain…. Wo bhi uss khatarnak grah prithvi par, jiske ek vikrit mann (Surpmarich) ki durdarshita ko hum mehsus kar sakte hai. Hone wale sambhavnao ko hum taal to nahi sakte, lekin yah soch'kar hum chhod bhi to nahi sakte. Hum mil'kar Jivisha aur Nischal ko bachane ka athak prayas karenge"….


Kasak:- Apni bahan ke liye main kuch bhi karungi...


"Jivisha ko bachana hai to, pahle yah sochna hoga ki wo surakshit hai aur khush hai"….. Achanak se uss mehfil me Alexa ki awaj gunji aur sab uske ore dekhne lage...


Nandni:- Alexa hum ye baat maan to sakte hain lekin humara anterman kabhi nahi manega...


Alexa:- Wo 'pure soul' hai... Jahan bhi rahegi jivan aur khushiyon ki parichayak rahegi... Kitni bhi siddhiyan Jivisha kyon na hasil kar le, uski pyari muskaan aur natkhat swabhav bana rahega... Tum sab uski jaan ho aur yadi tum sab hi mayus ho gaye, to bhale ye HuYu uske dimag ki tarango ko divert karde, lekin uski ikchha shakti dur baithe mehsus kar legi ki tum sab mayus ho... jaisa ki wo pahle bhi kar chuki hai... Prithvi par baith'kar Nischal ke bare me mehsus kar lee... Jabki Nischal ki shakl tak yaad nahi usse".…


Kasak:- Alexa paheliyan mat bujhao... Jo bhi kahna hai saaf-saaf kaho... ..


Alexa:- sudhh atma ki hamesa 6 bahne hui hai..… agar uski aatma 6 bahno se judti hai to usse aasani se bachaya ja sakta hai...


Shwetna:- Kaise...


Alexa:- Sudur Himalaya ke garv me ek mahan guru ki granth hai kahin…. Uss granth me varnan kiya gaya hai sudhh aatma ko punar asthapit (fir se thik karna) kaise karen…. Lekin uske liye 6 bahno ka hona anivarya hai... Jivisha ki swatah yadasat lautne me abhi kayi saal lagenge… itne waqt me 6 bahno ko lana hoga... Jisme se 2 to mujhe samne dikh rahi hai... Teesri sambhawtah Shwetna hogi... 3 bahne mujhe dikh rahi hai, 3 aur bahne chahiye...


HuYu:- Tumhe ye sab kaise pata…


Alexa:- Murkh balak, jisne jaal mahal me santulan banaya, ussi se sawal kar rahe ho... Maine upay bata diya hai… rasta bilkul aasan hai, isliye chinta karne se achha hai, Jivisha ki talash karo aur usse jyada se jyada logon ke bich rakhne ki kosis karo, taki uski aatma apni 3 aur bahno se jud jaye... Bus itna chhota to kaam karne kah raha hun...


Kasak:- Haan to pahle ab hum uss Apasyu ke bachhe ki talash karenge aur kahenge... "Sale humari majboori hai isliye tu bhi rah humare sath, aur Jivisha ke liye bahan dhundhne me madad kar"..


Nandni:- Right Kasak... Jyada urrega to bijli ke jhatke se kabu me rakhungi...


HuYu:- Usse dhundhne ke liye hume plan karna hoga...


Nayla:- Ban gaya plan…


Sab ek sath... "Kya???"…


Nayla:- Bahan ke badle maa-bahan...


Kasak:- Gali dena plan hai kya???


Nayla:- Nahi Nahi !!! Usne bahan kidnapped kiya hai, hum uske maa-bahan ko kidnapped karenge….


Nandni:- Yessss !!!! Maa bahan hi kyon, pure khandan ko hi utha lo... Agle hi din wo daura-daura aayega.…


Alexa:- Khandan matlab ek pidhi na, ya 7 pidhiyan.……


Nandni:- Alexaaaa...


Alexa:- Ufff aise hi chillate rahiye, dekhiye ek din pyar ho jayega...


Nayla:- Pyar kar ke bhi kya karoge Alexa sir, niche gahrai mapne ka yantr Nischal ne lagaya hai ki nahi... Mujhe nahi lagta ki Nischal ke pass itni advance technology hogi jo kamuk awastha me khada pole aur samanya awastha me murjhaya roll wo bana sake...


Nandni aur Kasak dono muh par hath dale hans bhi rahi thi aur aaschrya se unki aakhen bhi badi thi... Khair team disperse hui aur agle din subah baki ki yojna banti…


Idhar Jivisha bhag gayi iss baat ko ghar me dabane ke liye, Shwetna ke sath aayi uski ek sahayika Ert ko Jivisha ka roop de diya gaya aur Kasak usse le'kar Swarn villa chali aayi.….


Pura 1 din tak internet ke jariye Apasyu ke pariwar ka pata laga gaya. Kidnapping ki puri planning HuYu ko shaunp di gayi thi aur kidnapping kaise karte hain, uske refrence ke liye HuYu Hollywood ki movie dekh raha tha... Wo alag baat thi ki movie itna pasand aaya ki baki sab apne kaam me lage huye the aur HuYu bus movie dekhne me...


Haalanki kidnapping ko le'kar, Nandni-Kasak aur Nayla-Shwetna ke bich matbhed bhi chal raha tha. Nayla aur Shwetna chahti thi ki puri jagah ko hi bhumigat karke sabko utha liya jaye. Jabki Kasak aur Nandni ka kahna tha ki unko bhumigat karne ke chakkar me pura ghar gir sakta hai, jis'se wahan kaam karne wale log maare ja sakte hain, jo wo log kisi bhi soorat me nahi chahte the..….


Dusre din ki subah in logon ka hot discussion jari tha aur idhar HuYu apne aanshu baha raha tha... Kuch der baad jor-jor se rote huye, Kasak ko hi gale lagate... "Serin... Meri Serin"….


Kasak HuYu ko khud se alag karti, khinch'kar ek thappad lagati…. "Dobara Serin kah'kar lipatne ki kosis ki na to Nischal se bol'kar tumhari khaal khinchwa dungi... Pichhe hat, gadha"...


HuYu, chhota sa mayus chehra banate... "Sorry, thoda bhavnao me bah gaya tha"…


Nandni:- Tumhe kidnapping wali movie kahi thi dekhne, ya romantic... Tum sach me gadhe ho... Kuch soche ki nahi...


HuYu:- Jaldi se Kidnapping ka kaam khatm karo, uske baad main apni Serin ke pass jaunga...


Nayla:- HuYu, Serin ki yadasat aane me abhi samay hai, tab-tak kaam kar len...


HuYu:- Haan kaam karte hain pahle… maine sab soch liya hai ki kaise kidnap karna hai.… Lekin uske liye kuch gazette aur equipment chahiye... Aur unhe banane ke liye ek work station…


Nandni:- Work station to hai apne pass... Lekin uss se pahle tum apni jaroorat ke sare saman le aao... ..


HuYu:- Mujhe yahan ke market ka idea nahi hai...


Nandni:- Hmmm !!! Thik hai fir hum Aarsi aur Chirag ki madad lenge… Alexaa … Alexaa..


Alexa:- Sab sun liya Aarsi aur Chirag dono commissioner sahab ke ghar par hai.. sath me Doc bhi hai...


Kasak:- Ansh wahan kya kar raha hai...


Nandni:- Isme itna aaschrya ki kya baat hai? Aarsi aur Chirag ki jahan baat ho fir katghare me koi bhi ho sakta hai... Ek kaam karte hain, sab wahin chalte hain... Wahan se hum dono (Kasak aur Nandni) Aarsi aur Chirag ko le'kar pahle sara saman kharid lenge aur fir work station...


Kasak:- Yessss !!! Kidnapping ka kaam hum kal din tak nipta lenge... Kal ke kal hi wo Apasyu, Jisa ke sath yahan apne iss flat me hona chahiye aur ghutno par baith'kar iss farsh par apne naak ragadte huye kahte najar aana chahiye.… "Mujhse galti ho gayi"….


Shwetna:- Ghutne par to usse kya uske baap ko bhi main bitha dun lekin Jivisha uss par fida hai… jara dhyan se deal karna hoga...


Idhar commissioner ke ghar me alag hi mello drama chal raha tha… Aarsi ki maa dupatte se apna muh dhak'kar subak rahi thi.… Sawalker sir kahin kona dhundh'kar dubak rahe the... Commissioner sahab aankhon se sole barsa rahe the aur Doctor Ansh charo ore ka mahol dekh'kar ander hi ander rote huye soch rahe the.…. "Main hi kyon bakra banta hun???"….


Iss mello drama ke king aur queen arthat Aarsi aur Chirag subah ke 10.30 baje school me hone ke badle, commissioner aawas me the. Chhote se music system par background me pyara sa dhun baj raha tha.… "Mere naina kafir ho gaye, ho gaye. Teri galiyon ke musafir ho gaye"…


Aarsi aur Chirag gaana sunte huye ek dusre ko dekh'kar muskura rahe the. Aur muskurate huye bina ek dusre se najren hataye, Aarsi, Chirag ko chamach se ice-cream khila rahi thi aur Chirag Aarsi ko.…

 

[nain11ster]

Bhai meri nh

Ya naina g ke mehant ka natija ha
Wohe ziyada tar time is theard pe rehte hen

To thanks unko kahi

Bhoot ki tarah wo akeli thode na rahegi yahan thread par.... Ek prabandhak tabhi parbandhan karega na jab log honge... bus isliye sab ko thanks... Aur unko bhi thanks...

 

[SANJU ( V. R. )]

Thankooo so much leaon bhai... Aapke yogdan ke bina bahut pichhe rahte

न जाने क्यों ! पर लियोन भाई को मैंने जब से इस फोरम पर देखा और पढ़ा है , उनसे एक अपनापन सा हो गया है ।
उन्होंने हर समय राइटर्स को उनके कहानियों के लिए अच्छे ही शब्द कहे । कभी भी ऐसा कुछ नहीं कहा जिससे राइटर निराशावादी हो जाएं ।
मैंने तो बहुत पहले ही उन्हें अपना छोटा भाई मान लिया है क्योंकि मुझे यकीन था मैं उनसे उम्र में बहुत ज्यादा बड़ा होउंगा ।

 

[ragish7357]

Update:-29 ​

Aadrishi janvar apne shikar ka muh jhapatne ke liye apna khula muh teji se niche le'kar aaya aur niche leta uska shikar Sawalker, yani ki bade bhaiya ki aakhen band hi gayi aur dimag me kewal itna hi.… "Hey deva"….


Kuch mahine purv.…


Ghatna kram ka ek chakr jaal sa bunta ja raha tha... Jahan sajison ka bunta jaal universe ke kayi grahon tak failta ja raha tha. Parbhakshi (predators) aur vikrut manushya (malformed human) sab ek sath hone ke kagaar par the...


Jahan ek ore Surpmarich ke 2 ansh Pratham aur Joy, Zoren grah par Hella aur Astak ke liye ran'niti bana rahe the. Wahin uske 2 Ansh Arf aur Yuvi, prithvi par the. Aur in dono ke jimme tha iss shamast brahmand ke sabse prakrami buddhi jiviyon ko apne niyatarn me rakhna...


Nischal dwara bheje gaye ek khoji dasta jo Aizem se Zoren ke ore nikla tha, uska mukhiya Puncham mar chuka tha. 1000 Zoren ke parbhakshi ke sath Adrishi jaanwar ki 500 tukdi, Final Planet ke shasgak Aawesh ki dono beti Vishi aur Nilayani, aur inke sath Aizem ke gulaam sab prithvi pahunch chuke the.


Adhrishya yaan Alaska (US) ke junglon me hi land kiya tha... Jahan Yuvi aur Arf khud sabko lene ke liye pahuncha hua tha… Viman ka darwaja khulte hi 2 sunder aur ati-kamuk yuvtiyan pahle utri...


Kate fate sexy fashionable dress shayad unviers ke fashion me kafi trend kar tha, isliye jab Vishi aur Nilayni bahar nikli tab uske chhati aur kamar ke kuchh niche se lage kapde to salamt the.... Baki kapde ki ladiyan charo ore hawa me aise lahra rahi thi mano kah rahi ho hum to aapke najron ke teer ke swagat me hai, lekin jarra bachke ye apne grah ki sahjadiyan hai...


Dono kamuk yuvtiyon ko dekh'kar to Yuvi apne khyalon me hi kho sa gaya... Man ke ander hi sapne aane lage the, jahan Vishi aur Nilayni dono bade se desk ke do kianro par apna chehra desk ke surface se chipkaye, kamar bahar nikale, aadha dhar desk par litaye, jhuk'kar khadi hai...


Tabhi Arf Khan Yuvi ko hilaya… Yuvi pura jhatka khate... "Sasure Khan tu kuch karne dega ke nahi"…


Arf:- Pahle kaam kar le…


Yuvi:- Kaam hi to karna hai... Ye dono meri rani hui, tu kisi aur ko pasand kar le... Mera bara sa table dono ke vaste intzar kar raha hai...


Vishi aur Nilayani, un dono ke karib pahunchti.… "Hume to bataya gaya tha Surpmarich 4 nahi 1 hai, lekin sabhi me kuch na kuch alag hai"….


Arf:- Yahi to vishesta hai, abhi samjhne me waqt lagega.


Yuvi:- Zoren se aaye sabhi khas sainikon se mil'kar hum chalte hain. Meri asli vishesta to tum dono ko bade se table par hi dikhegi...


Vishi aur Nilayani se baat karne ke baad Yuvi aur Arf, Zoren ke sainiko se milne chal diye. Zoren se aaye sabhi sainikon ko 2 mahine yahin Alaska ke jungle me ruk'kar unhe prashikshit karne ka kaam kiya jana tha, isliye unhe yahin apna aashiyana banane ka aadesh mila.


Apni baat samapt kar'ke Arf aur Yuvi ne Aizem ke "khoji dasta gulaam" ko alag kiya aur dono bahan (Vishi aur Nilayani) ke saath unhe bhi le'kar newyork pahunch gaye. Vishi aur Nilayani ko Yuvi apna agenda samjhane ke liye apne adde par le gaya aur udhar Arf ne Aizem ko aur bejjat karne ki thaan lee thi. Sabhi Aizemvasiyo ko le jaa'kar ek jisfroshi ke baajar me khada kar diya...


Khoji dasta ka dusra jattha Lobhu ke patni Nayla ki dekh rekh me, prithvi par, purvi Himalya ke kshetr me utara. Barfile mausam ka maza leti Nayla apne 2 sewika ke sath bade se barf ke maidan me bhraman kar rahi thi.… "Kuch gahri soch me ho Nayla"… Ek Sewika Lima ne puchha...


Nayla,kuch sochti hui... "Lima aur Kov yahan rukenge bakiyon ko Aizem kaho laut jane aur Zoren ke liye apni hawai seema purn pratibandhit kar do"...


Dusri Sewika, jo sath aayi thi.… "Lekin Nayla humare yahan aane ka maksad"…


Nayla- Miossion mera hai wo mujhe samjhne do kya karna hai... Ek bhi dur sanchar nahi hoga. Contact karne ki sari pranali shut down karke Aizem pahuncho….


Nayla ke sath ek Sewika Lima aur ek worrior head Kov, apne kuch hathiyar aur technology ke bade se box ke sath bahar khade the. Aizem ke sainya Viman se ek chhota marak yatri viman ko niche laya ja raha tha, uske baad ye log laut jate...


Ye log apne kaam ke madhya me the tabhi ek anjaana vimaan unke viman ke renge me tha... Ek pilot ne Nayla ko information diya. Nayla ne sab kaam rok'kar sabhi worrior ko taiyar ho'kar bahar aane ka hukum dee...


Dusri ore jo viman utar raha tha wo Horiyant planet ki viman thi. Jisme HuYu, Shwetna aur uske kuch sathiyon ke sath prithvi par aa raha tha... "Shwetna, niche Aizem ka viman hai"… HuYu apne kamal ki technology se uske radar me aaye viman ki janch karte huye bola...


Shwetna:- Sabhi taiyar rahenge... Hume pata nahi ki wo dost hai ya dushman...


Barf ka bada sa ujla maidan. Tight suit aur purn sainik'vesh me, bade-bade hathiyaron se laish ho'kar ek pure raw ka nirman karti, Nayla apni team ke sath Shwetna ke ore badh rahi thi...


Wahin Shwetna, apne sahayak Lin aur 6 logon ke sath, shwet (white) kapdon me chali aa rahi thi. Khud ko shaanp me pariwartit kar lene wale ye Zoren ke shape shifter the. Zoren ki aawo-hawa aur jalwayu aisi thi ki wahan ke dono Rastr, Nag Loki aur Dridh aayu rastra, apna shape shift kar sakte the. Inme, kisi bhi jiv ka manchaha roop rang aur aakar me pariwartit hone ki kshmta thi..


Shwetna sabse aage lead karti hui Nayla ke ore chali jaa rahi thi. Yadhpi dono grah vashi mitr grah the, lekin dono (Nayla aur Shwetna) ki yah pahli mulakat thi.… Nayla aur Shwetna bilkul aamne-samne thi aur pichhe se unke sabhi log taiyar...


Tabhi bich me daud'kar HuYu pahunch chuka tha. HuYu Horiyant grah ke shashak ka sabse dilfek putr, jise lagbhag sabhi grah ke technician aur inventor jante the. Aur HuYu yahan eklauta aisa tha jo dono pakshon ko janta tha.…


HuYu, Nayla aur Shwetna ke thik madhya me khada ho'kar.… "Aizem aur Zoren ka viman ek hi point par aa kar ruka hai"….


Nayla kuch bolne hi wali thi tabhi Shwetna.… "Yahan kisi teesre samuday ki bhi gandh hai.. humara yahan aana kisi teesre ne tay kiya tha, shayad. Lin pure kshetr ki janch karo"…


Nayla:- Hmmm ! Sajis chakr..… HuYu kya hum ek dusre par bharosa kar sakte hain…


HuYu:- Bilkul ek dusre par bharosa kiya ja sakta hai ..


Nayla:- Main chahti hun tumlog bhi prithvi par apne kam se kam log rakho, aur bakiyon ko wapas bhej do... Hume ye kshetr chhod'kar nikalna hoga...


Nayla aur Shwetna ke bich baat-chit kuchh aur aage badhti, uss se pahle hi sarp bhashi sandesh wahan charo gunjne laga... Shwetna ne wapas se sarp bhashi sandesh bheja aur samne dekh'kar kahne lagi.… Aapas ki baten baad me hongi, pahle batao jo aa rahe hain unse ladna hai ya khud ko chhipana"...


Nayla:- Chhipne me buddhimani hai…


Shwetna bhi issi vishay me soch rahi thi... Shwetna ke viman me wo log sawar huye jo prithvi par rukte aur wapas jane wale log Nayla ke viman me sawar ho gaye... Idhar ye log viman me sawar huye aur udhar dekhte hi dekhte dono viman barf ke chadar ke niche chale gaye, jo pani ke upar aur barf ke niche tha…


Bhumigat hote hi Shwetna ke 2 log, dono viman ko khinchte huye, niche hi niche kisi jamini kshetr me le jane lage... Idhar upar Surpmarich ka sabse majboot gulamon me se ek aur Asian reason ka second most powerful team, uss kshetr me pahunch chuki thi...


Barf ke ujle maidan me kale kapdon me takriban 200 log pahunche... Barf par chalne wali gadiyan... Shant fijaon me engine ki ghaannn-ghaannn awaj gunj rahi thi aur wahan pahunche log baar-baar ussi point par aa'kar apna sar khuja rahe the, jahan Aizem aur Zoren ka viman utra tha.…


"Shikariyon ke pichhe bhi koi shikari laga hua hai"…. HuYu barf ke uss maidan me, apna live-cam chhod aaya tha. Jo bina netwroking ke 100km ke range tak me, HuYu ke single divice par audio-video bhej sakta tha...


Nayla:- Kya matlab hai tumhara, wahan 2 group hai…


HuYu:- Haan nischit taud par... Yahan bahut si baten hain jo hume samjhne ki jaroorat hai.…. Lagta hai unke bich action shuru hoga...


Shwetna:- Shikariyon ka shikar karne aaye logon ko pata hoga ki wo kyon aur kiske pichhe hai... Aisa to hai nahi ki jo hume iss point tak le'kar aaya hai, usne yahan apne dushman nahi banaye ho, lekin...


Nayla:- Lekin abhi hum dono hi pura puzzle bane huye hain... Hume pahle khud me samiksha karni hogi... Main apna paksh rakhna shuru karti hun... Sab log yahan se chale jayen siway hum teeno ke... (Nayla, Shwetna aur HuYu)


Shwetna:- Tumhe apne logon par bharosa nahi to mat karo, Lin aur Ert (Shwetna ke sathi) mujhse alag nahi...


HuYu:- Nayla ka kahna sahi hai... Mudda yah nahi ki hum bharosa karte hain ya nahi... Mudda ye hai ki jab kuch janege hi nahi to kisi ko batayenge kya... Isliye jaroori ho jata hai yah kadam..… Hum sab ko apne dushmno ke bare me pata nahi hai, jabki usse humare yahan aane ki suchna pahle se thi... aur buddhiman to hai hi, tabhi to dono viman ko ek hi jagah land karwaya...


Shwetna:- Lin dhyan rahe yahan ki baat koi sune nahi... Sabko bahar lekar jao... Samay aane par main khud sab saajha karungi..


Wahan se jaise hi sab log bahar gaye, Shwetna ne kahna shuru kiya.… "Hum yahan Sahjade Nischal ki jodi Jivisha ka pata karne aaye the... Ek viman Zoren gaya tha Jivisha ki detail lene.… Uss tukdi ke head Puncham aur mere bich yah tay hua tha ki wo Zoren grah par pahunchne ki suchna to dega, lekin wahan se jab prithvi ke liye niklega to koi suchna nahi dega"…

"Lekin mere pass Aizem ke base se suchna pahunchi ki Puncham apni team ke sath Zoren se nikla hai.… Iska saaf matlab tha ki kuch to Zoren grah par galat hua hai. Zoren grah par kuch bhi galat hone ka matlab tha ki humari suchna pranali bhi unke hath me hai. Kyonki hunara ek sainya viman unke pass hai. Isliye main yahan se sare logon ko wapas bhej rahi thi, Taki yah suchna meri Jodi maha Prabandhak Lobhu tak maukhi roop se pahunche… Udhar suchna milte hi viman ke sare sampark pranali ko pahle toda jayega aur baad me Zoren ja'kar pata lagane ka kaam bachta hai ki wahan unke sath hua kya tha…..


Shwetna:- Zoren par Mahamahim ko apne ishare par nachane wala pahunch chuka hai... Kaun hai aur kaisa dikhta hai, yah hume pata nahi... Lekin uske bare me ek baat janti hun, wo kisi ke bhi dimag ko kabu kar sakta hai…

Uske lautne ki gandh jab maine hawon me mehsus ki, apni seema ko surakshit kar'ke prithvi chali aayi. Kyonki Mahamahim ka sara khel humare vishesh samuday ke ird gird hi hota hai... Asur vishesh samuday ki ek matr uttradhikari aur humari Shashika Jivisha, iss waqt prithvi par hai aur unki surakha humari pahli prathmikta….


HuYu:- Hmmmm to ye mamla hai...


Shwetna aur Nayla dono ek sath.…. "Kya malmla hai"…


HuYu:- Khud ko prakriti kahne wala ek vikrit insan Surpmarich ab tak jivit hai aur wahi puri sajis rach raha hai... Sambhawtah aakhri yudhh me uska marna bhi ek chhalwa hi raha hoga...


Shwetna:- Humari Shashika Jivisha ne usse maara hota to uske chhal ke sath wo Surpmarich bhi kabhi laut'ta nahi...


Nayla:- Sahjada Nischal nahi tha, warna uski khanjar jab chalti to uske sharir ke sath aatma ke bhi chhote-chhote tukde hote...


HuYu:- "Uss aakhri yudhh me un dono ke alawa Serin bhi thi... Aur teeno mil'kar ek sath samna kiya tha uss ek Surpmarich ka... Fir bhi teeno lagbhag maare gaye the.…. Wo hum sab ki soch se jyada khatarnak hai, aur uss se bhi jyada khatarnak hai uska dimaag... Rare aur deadly combination"…

"Usne apni jagah par bula'kar iss brahmand ke 3 sabse khatarnaak yodhhaon ke sath, Na sirf wo lada tha, balki ek hi waqt me teeno ko dhul chatai thi... So uski kshmta ka andaja lagao... Aur uska prakram bal me jitni kshmta hai, usse kahin jyada wo buddhiman hai... Hum isse hara nahi sakte kyonki pure khel ki rachna ye apne hisab se karta hai aur humara kiya har kaam uske liye kiya gaya kaam hoga...


Nayla:- Dushman ki itni tarif, kahin koi stri to nahi Surpmarich, jo dilfek Sahjade HuYu ka dil uss par aa gaya...


Shwetna hansti hui.… "HuYu to kisi ke prem me hai... Safar par hum sath the. Na to iski najar me koi bhavna thi, aur na hi patane wali iski dikash baten.… HuYu to kisi ke moh jaal me hai...


Nayla hansti hui.… "Kya mai apne kamuk shewika ko bhejun ek baar kosis karne"…


Shwetna:- Kosis karke dekh lo... Ert ne Naag Faans sammohan kiya tha... Nahi uljha.. tab hume pata chala iski dilfek bhavna kyon badli hai... HuYu ko hua saccha Prem…


Nayla:- Naag Faans wahi na jisme naag Loki samuday apne sathi ko rijhane ke liye hawaon me khas kism ka madak khusboo chhodte hai, jike vash me ho'kar stri ya purush khud par kabu na rakh'kar, khinche chale aate hain…


Shwetna:- Tumhe itna kaise pata…


Nayla:- Nischal uss madak khusbu ko apne ander samet'kar Zoren se Aizem laya tha. Serin ne uske dimag se kuch fluid ke sath nikala tha aur uska artificial hume bana'kar dee thi...


Shwetna:- Haan Nischal par Naag Loki kayi ladkiyan moh gayi thi… unme se ek main bhi thi... Ek Naag Faans nahi, kayi Naag Faans ek sath sabne chalaya tha... .. Lekin hum jhuk gaye uski sachhi mohabbat ke samne.…. Pahli baar pure Naag Loki samuday yah mehsus kar raha tha ki kisi ki chahat bhi aisi ho sakti hai.… Tab humne mehsus kiya ki Viggo ke bare me sach hi kaha gaya hai.… Wo apne sacche mohabbat ke bina duniya chhod sakte hai... Wo chahat hi kuch aur thi.…


Nayla:- Sahjade ki yadast jane ke baad lagta hai ussi Naag Faans ka asar hai... Jab unhe apni sacchi mohabbat yaad nahi, to aaj kal har kisi ke sammohan me rahte hain…


Shwetna:- Kya ????? Nischal apni sacchi chahat bhula chuka hai...


Nayla:- Tumhe pata nahi thi ye baat kya???


Shwetna:- Jaise-jaise baten khul rahi hai... Mamla aur bhi pechida ho raha hai... Main dekh pa rahi hun ki ab Nischal aur Jivisha alag-alag hi honge...


Nayla:- Haan dono alag hain kyonki Sahjada to Aizem me hai... Aur maine bataya tha na yahan Jivisha ka hi to pata lagane aaye hain...


Shwetna:- Mujhe laga 2 premi jodi ke bich hat khel chal raha hai, iss wajah se tum Jivishsa ko manane ja rahi thi.… Sahi waqt par mile hai... Hum dono ki manjil ek hai...


HuYu:- Ab Jivisha ka pata laga'kar bhi hum kuch nahi kar sakte… mere dimag me kuchh baat chal rahi hai, lekin usse abhi samjhane ka waqt nahi hai.…. Pahle hume pura khel samjhna hoga ki yahan chal kya raha hai..... Iske liye sabse jaroori hai bina Jivisha ki najar me aaye uss par najar banaye rakhna.… Vishwas karo humara dushman kis had tak soch'kar rakhe huye hai, uska pata lagaye bina humari to baat chhod do…. Nischal aur Jivisha ek minute nahi tik payenge….


Shwetna aur Nayla ek sath.… "Hum Jivisha par najar rakhe hain ye usse pata chal jayega"….


HuYu:- Kuch to hunar Huriyant grah ke shashak aur uske Sahjade ke pass hogi.… Chinta mat karo.… Dimag se jude, chalne wale har tarang ko divert karna hume achhe se pata hai.…


Puri baat ke dauran ye log Assam ke junglon tak pahunch chuke the. Pahle jahan ek yaan rakhne ki baat ho rahi thi, wahin ab dono viman wapas bhejne ki yojna bani. Sath me dushman ki chaal ko samjhte huye har viman ko HuYu ne Huriyant planet par hi land karne ki salaah di, taki Universe me un viman par koi humla na ho jaye... Aur rahi baat Aizem ko aagah karne ki to uska pura kaam Huriyent grah ka shashak dekh lega….


Sabhi viman laut gaye. Viman ke hawa me gayab hone ke sath hi HuYu ne wapas sabko bhumigat karne ke liye kaha, kyonki Surpmarich ko pata chal chuka hoga ki viman iss point par utra hai aur uske log chhanbin karne pahunchenge, ki viman ke sath log to nahi utre...


HuYu ka dimag dekh'kar Nayla apni aakhen badi kar'ke…. "Jasoosi ki traning tumne kahan se lee"…. HuYu hanste huye kahne laga.…. "Tum Universe ke sabse satir chor ke samne ho... Kisi khufiya jagah yadi chori hoti hai to log bus anuman lagaate hain ki ye HuYu ne kiya hai, lekin mere wahan hone ki ek nishani nahi dhundh pate.… Jabki main dusre grah ki hawai seema me ghuspaith karta hun... Chori ki jagah me ghuspaith karta hun... Tej se tej janvar bhi meri gandh ko mehsus nahi kar sakte"…


Baton ke dauran hi sab bhumigat ho chuke the. Jaisa ki HuYu ne andaza lagaya tha, kuch der baad hi Surpmarich ki ek team uss Jungle bhi pahunchi thi aur kadmon ke nishan dhundh rahi thi... Telepaithy samaprk pranali ko activate karke wahan maujood dimag ke tarangon ko mehsus karne ki kosis me jute the.…


Telepaithy sampark pranali ka pata bhi isliye chal paya kyonki wahan HuYu maujood tha aur usse pata tha ki ye log kya kar rahe hain, aur uska tod kya hai.… Sabhi surakshit jagah jaise hi pahunche, Shwetna aur Nayla ek sath.… "Ab aage kya"…


HuYu:- Hum sab abhi Bharat Rastr ke purvi kshetr me hai... Hume sakdon mile ka fasla tay kar'ke, paschim ke ore sthit inke Pune sahar pahunchna hoga...


Jaise hi Nayla aur Shwetna ne saikdon mile suna, HuYu ka gidewan pakadti hui.… "Saidkin mile ka fasla... Kaise, ab kaise tay karenge… sabhi viman to bhej diye. Akl ke paidal, Oune pahunch'kar bhi to viman wapas bhej sakte the"….

ye kya nain bhai nischal jivi ko chodakr idhar aa gye
alaska m bde bhaiya ko bhi phsa kr aa gye
ab ek nagin . chor or jasus ko sath milakr pahucha diya bharat desh
wese chor ko apne sath rakhna kam kr gya jo unhe wo so called prakriti se bcha laya
baki sb to back to home
dekhte h in tino ki tikdi kya kand krti h
abhi tk to wese aapne sbko beech m hi ltkaya hua h

 

[ragish7357]

Ye isliye ki Ham fan bhi unhi mahanubhav ke hai jo shabd jal rchana ke mahir hai

tbhi nam bhi 11 ster fan rakh liya lgta h

 

[Ankitarani]

Gret, intelligent aur knowledgeable ko hi to pagal kahte hain

Ji ha...lekin bewluf log pagal kahte hai...

 

[ragish7357]

Mai soch rha hu kyo na hella apasyu ko chir far ke kha jaye but kuchh condition ke sath isse Naina mam ko Shanti mil jayegi so condition ye rahega apasyu ko covid 19 hua ho sath me ibola aur swaien flu ho aur hal me pleg aur kod hua ho aur isse hella ko ye sab rog ho jayega tab wo samajh jayegi ki khane se pahle isi mark tatha exp date dekhana kitna necessary hota hai phir hella kod se bhara chehara bukhar aur jakaran se bhara badan ibola se hone wale dard swaien flu ke Karan bina rukne wali sukhi khasi ke sath jakar nishchal ko jakar apne bikrit ho chuke munm se ooo ma go truuuu lobe bolte hua apne man ke ander apne mrityu ki kamna kare aur jab nishchal bhi I love you bol de to wo kahe ki mere ander rdx bharkar mujhe uda do mere se yah dard ab saha nhi jata aur nishchal bade pyar se use hitlar ke gas chamber me le jakar rote hua uske ander rdx bharkar use uda de jisse hella ka harek cell phatti hui mahsus ho aur Jo cell na phat paye wo us chamber me rakh ban jaye is tarah se Naina mam ka badala tatha hella ka pyar pura ho jayega phir baki readers nishchal aur jivu ke isqe ka lutf uthayenge isse Naina mam ko objections Karne ka utna thos Karan nhi milega

ab itna sb hone ke bad naina ji kyo objection krne lgi unhe to bs bali chadane se mtlb

 

[Ankitarani]

Wow nice update nain ji...