Ye story bhul gye kya bhai
Nahi Bhai ji, aisa nahi ho sakta.... Story Complete bhi hogi... Please Keep SupportingYe story bhul gye kya bhai
Atulniya Update sirji
Most beautiful scene of this Update ❤
N
Nice startbro
Good name of story.
Superb update bhai......
nice update .waise santosh ne zabardasti science me daal diya aksh ko ..
aur teacher to wakai me ghatiya type tha ,pehle hi din hausla badhane ki jagah taane maarne laga aur maa baap se complain bhi kar di ..
ab aksh class change karna chahta hai isse sakshi naraj ho gayi par aksh ko ghar aane se bura kyu lagta hai.
Bdiya update bhai ji
Update padte padte kab khtm ho jata h pta nhi chalta
Bhai mere hisab se do updates ikathe diya karo to story padne me bhi dilchaspi rhegi chahe do din ke baad update do
Age apki marzi
Aksh does not want to study but he wants to be a successful man, that's a good thing. I have said this before and now I am saying here again that there is no fault of anyone, just need to understand each other and it is not good to have controversy again and again.Sakshi is intelligent and good, taking everyone along and caring.
Send that teacher to me, I teach him.
If someone says something wrong to Aksh, Sakshi does not like it, reflect her love in anger.
As always the update was great, You are writing very well, Now let's see what happens next, Till then waiting for the next part of the story.
Thank You...
Shandar Dumdar UpdateAksh Kahin per Bhi galat nahi hai, maa baap ko apne faisle kuch had tak apne baccho per thopna kam kar dene chayiye unhe apne baccho ko moivate karna chayiye saath dene chayiye agar bacche bhatag bhi jaye tho unhe sahi raaste mein lane ka kartawya bhi maa baap ka hai jo ki santosh aur radha mein nahi dekha de rahi hai aur ek taraf yeh zalim zamana to kisis ko bhi chain se zene nahi dete aksar school life mein college life mein, humhe demotivate karna aam baath hogayi log puchthe unhi ko hai zo intelegent, smart, hota hai. Aksh ke saath bhi wahi ho raha hai.
Dekthe hai Aksh ke behaviour mein kya changes aate hai....
Kya aksh apni manzil per pouch payega ya fir yunhi batag tha rahe ga.???
dekthe aage kya hota.....
Waiting for next.....
For completed 25k views on your story thread.....
hum mera manna hai baap login ko bete ki bhi sunni chahiye wo kya chahta hai kuch usko uske hisaab se bhi aage badhne dena chahiye jabardasti har baat thopna nai chahiye uspar lekin kuch mamle me jaise study me wo kya chahta hai karna kaam kya pasand usko koi bhi subject chota nai hota ok..ab aate hain nibbi par to nibbi na wo chutiya hota hai sayad
Intazar rahega bhai
Or kya chapter 2 me inke pyar ki Shuruwat hogi?
Jabardast update..bhaiChapter 2 - The Journey
Update 4
Mega Update
Word Count: 4615
Estimated Reading Time: 00:21:00
Jesa ke Javed Akhtar sahab ne kaha he "Samay Ka Pahiya Chalta He, Din Dhalta He" bas aise hi Aksh or Sakshi ke zindagi ka pahiya bina ruke chalta ja raha tha. Ek taraf Aksh ko apne kaam par lage kareeb 1 mahine se zyada ho chala tha, use apna pehla payment bhi mil gaya tha. Lekin is ek mahine me Aksh ki halat kafi kharab ho gayi thi. Thakan ke mare Aksh ki tabiyat kharab si rehti thi, Restaurant me saaf safayi ke kaam se Aksh ke haath or talvo me chaale padd gaye the, darasal jab Restaurant close hota to use sab kuch saaf karna hota tha or saaf karte waqt uske Shoes me pani chala jata tha, safayi karne ke liye kuch chemical bhi use hote the jis se Aksh ke haath me bhi chaale padd gaye the. lekin wo ye baat ghar pe kisi ko nahi batata tha, uska pura pura din bass kaam karne me hi nikal jata. Subah se dopehar tak wo Garage me, or fir waha se raat tak Restaurant me. Aksh apne haath ke chale chupane ke liye full shirt pehen raha tha, jis se ke uske Haath kisi ko nazar na aye. Or baki waqt to uske pero ke chale chupane ke liye Shoes the, Aksh subah Sakshi or Santosh ke jane ke baad apne kaam par nikal jata tha. Use ab chalne me bhi kafi dikkat si arahi thi. Lekin usne Radha ya kisi ke samne ye zahir nahi hone diya.
Wahi ab Sakshi ke exams ho chuke the, ab uski bhi chuttiya shuru ho gayi thi.
Har roz ki tarah Sakshi jaldi uthkar ghar ka kaam kar rahi thi, Radha or Santosh ko urgently Radha ke Bhai ke paas 2 din ke liye jana tha, Aksh to dono ke saath nahi ja sakta tha, to dono ne Sakshi ko bhi ghar rehne ka hi thik samjha. Aaj Aksh ki chutti thi, Garage par bhi or Apne kaam par bhi, to wo aram se soya hua tha.
Radha: Sakshi..... Ja kar Aksh ko jaga de, kafi time ho gaya he. Hum nikal rahe he, parso dopehar tak ghar ajayenge.... apna Dhyan rakhna dono....
Wo jate waqt time dekhte hue Sakshi se kehti he.
Sakshi: thik he Aai.....
Fir Radha or Santosh apne bhai ke ghar jane ke liye nikal jate he, wahi Sakshi apna kaam rakh kar Aksh ke kamre ki taraf chali jati he, Sakshi jese hi Darwaza knock karne jati he to pati he ke Darwaza khula hi he, Sakshi Darwaza khol kar andar ajati he, Sakshi pehle lights on karti he or jese hi uski nazar Aksh ke per par jati he to wo heran si reh jati he. Kyu ke Sakshi ko Aksh ke talvo par chaale nazar ajate he. Sakshi jaldi se uske per ke paas akar beth jati he or Aksh ke per pe haath lagati he. Aksh ko Sakshi ke chune se thoda dard sa mehsus ho jata he or uske muh se ek karah si nikal jati he.
Sakshi: Aksh..... Aksh....
Wo Aksh ko pukar kar jagane lagti he. Aksh ki nind foran tut chuki thi. Or wo Sakshi ko dekh kar uth kar beth jata he.
Sakshi: Aksh... Ye tere pero ko kya ho gaya?
Wo chintit swar me puchti he. Uske sidhe sawal se Aksh hadbada jata he.
Aksh: wo... Wo.... to.... Amm... Kuch nahi ye to bass...
Aksh ko hadbadata dekh Sakshi samajh jati he ke wo kuch chupa raha he.
Sakshi: Aksh sach sach bata... Ye tere pero me chale kese? Or tune ye baat bhi nahi batayi?
Aksh: are Sakshi... Kuch nahi he... Wo to bas infection ho gaya hoga, mene doctor ko dikhaya tha or unhone dawai bhi de di he.
Wo apne per razayi ke andar lete hue kehta he.
Sakshi: Aksh tu mujhse jhut bol raha he, Sach sach bata baat kya he? Tujhe meri kasam Aksh....
Sakshi ne kasam de kar Aksh ko charo khane chitt kar diya tha. Ab Aksh majbur tha Sakshi ko sari baate batane me, Aksh ne Sakshi ko sari sacchayi bata di. Uska kaam, ye Chaalo ki sacchayi.... Sari sacchayi samne ane ke baad Sakshi ki akho me asu ajate he. Wo bahot hi gusse me Aksh ko thappad laga deti he. Aksh Sharminda sa apne gaal par haath rakh ke apna sar niche kar leta he.
Sakshi: Aksh tu kyu aise behave karta rehta he? Kya zarurat pad gayi tujhe ye sab karne ki? Kyu tu itne waqt se jhut bolte aya? Kyu mujhse ye baat chupayi tune?
Wo gusse me chillate hue Bed se uth khadi hokar Aksh se kehti he.
Aksh: Sakshi meri baat......
Sakshi: kuch nahi sunna mujhe, mujhse baat mat karna tu.....
Wo rote hue kafi gusse me Aksh ko ungli dikha kar kehti he or waha se apne kamre me chali jati he. Aksh jaldi se uth kar uske piche jane lagta he, lekin use chalne me thodi si dikkat ho rahi thi. Sakshi apne kamre me akar darwaza andar se band kar deti he or wahi beth kar rone lagti he. Aksh uske darwaze tak pahoch gaya or wo darwaza khat khatata he lekin Sakshi koi response nahi deti.
Aksh: Sakshi, please meri baat ek baar sunn le.... Agar tu aise mujhse naraz ho jayegi to... To... Ye to aisi baat ho gayi na ke ek chor ko chori ki saza fasi se mil rahi ho.... Sakshi... Please darwaza to khol... Sakshi.....
Wo bahar se lagadar darwaza khat khata raha tha, lekin Sakshi to andar bethe roye ja rahi thi. Kafi der tak Sakshi ko awaz lagate hue Aksh ab thak gaya tha, usne socha ke wo Sakshi se uska gussa thanda hone ke baad aram se baat kar lega. Tabb Aksh apne kamre me ajata he kr washroom me jakar fresh ho jata he.
Wahi Sakshi apne aap ko thoda sambhal leti he or sabse pehle Aksh ke kamre me ajati he, jah Aksh apne talvo par marham laga raha tha. Sakshi andar ajati he or Aksh ke bagal me beth kar uske haatho se marham le kar, khud Aksh ke pero par lagane lagti he.
Aksh: Sakshi I'm Sorry.... Please mujhe maaf kar de....
Wo apne kaan pakad kar Sakshi se kehta he, lekin Sakshi bina Aksh ki taraf dekhe use marham lagati he.
Sakshi Aksh ko marham laga kar bahar jane lagti he ke tabhi Aksh uska haath pakad leta he. Sakshi ko Aksh ka sparsh kuch alag sa lagta he, wo piche mudkar Aksh ki taraf dekhne lagti he or Aksh ka ek haath pakad kar use palat deti he. Ab Aksh ke haatho me bhi chale dekh kar uska dil challi challi ho raha tha. Wo bina der kiya Aksh ko kaskar gale laga leti he.
Sakshi: kyu aisa kiya tune Aksh? Kyu?
Wo sisak kar rote hue Aksh se kehti he.
Aksh: Sakshi please mujhe maaf kar de na......
Sakshi: nahi karungi.... Tu itne waqt se mujhse jhut bolta aya he....
Aksh: Sakshi me kya karta? Aage ja kar Startup karne ke liye paise to lagte hi he na? To bas isi wajah se mene....
Sakshi: tujhe ye sab nahi karna chahiye tha Aksh... Nahi karna chahiye tha....
Sakshi Aksh ko kaskar rote hue hi kehti he, wo to Aksh se alag hone ka naam hi nahi le rahi thi. Kuch der baad Aksh use shant kara deta he.
Sakshi Aksh ke akho me akhe dalkar uske haath apne hatho me tham leti he.
Sakshi: Aksh... Kya ho, agar me tujhse ye kahu ke paisa jawab nahi he? Is society ne sab par ek belief thop di he, ke khushi or sukh ka sirf ek hi jawab, Paisa. Par aisa nahi he Aksh, zara khudko yaad kar, jab tu ek baccha tha, wo bacche ki duniya... Tab thi to bas kuch ajib si icchaye... Kaam to tabb bhi tu karta tha na, par kisi ke darr ya kataar me first ane ke liye nahi. Lekin jese hi tum thode se bade hue, kuch mahan, kuch bahot bada karne ke shuru ho gaye tamashey. Fir agaya tu bhi is chuho ki daud me, sabse ameer, sabse powerful..... sabse zyada successful bann ne ke...... Jab ab tu khud apni khushi apne bank me pade aakdo se ginta he bachpan se bilkul alag. Ab mujhe impractical mat kehna, me aisa bilkul bhi nahi keh rahi hu ke paise important nahi he, paise bahot zaruri he, par sirf pet bharne ke liye, survival ke liye.... Ab wo fuddu sa Quote nahi "sadak pe rone se accha to Lamborghini me rona he" Aksh dukh to dukh hota he, kahi par bhi Rovo.... ha, paise se hum sari temporary pleasures kharid sakte he, lekin uska khushi se koi lena dena nahi he, wo to sab andhruni kaam he na? Paiso ka extreme desire aapke saath yahi karta he, wo aapko bandh deta he... Tumhara hi lalach tumhare gale me 9-5 ka patta band deta he. "Us millioar ko dekh, kya class he uski, mujhe abhi se kamana shuru kar dena chahiye" tere dimag ne kaha, Or is sare circus ke bich tu sabse zaruri awaz sunna to bhul gaya, us bacche ki awaz, apne dil ki awaz.....
Sakshi bina ruke Aksh ki akho me akhe dalkar sabkuch kehti he, Sakshi ki har baat Aksh ke dil me pahoch rahi thi, kyu ke aaj tak usne bhi ye sare sawal apne aap se nahi puche the.
Aksh: S.... Sakshi..... Me.... Mene kabhi ye sab socha hi nahi, me to bas jese ek katputli ki tarah tha jise mera dimag handle kar raha tha.... Me....
Sakshi: Aksh meri ek baat jaan le, me tujhe aisa nahi keh rahi hu ke Business na kar.... Zarur kar, lekin apne dimag ko dil par hawi mat hone dena, dimag se hazar guna zyada takat Dil me he, Dimag bolega mat kar dard hoga, dil bolega jitna dard hoga me sehne ke liye tayar hu.
Aksh ab puri tarah se sadme me ja chuka tha, use samajh nahi araha tha ke itne salo ki uljhan Sakshi ne ek pal me hal kardi.
Sakshi: ab tu zyada soch mat.... Yahi beth me abhi ayi....
Wo Aksh ke sar se haath ferte hue kehti he or kitchen me Aksh ke liye breakfast lene chali jati he. Yaha Aksh ka haal bura tha, or ho bhi kyu na, janab ye emotions he, or Emotions ko badalne me bas friction of seconds lagte he. Jo Aksh abhi mehsus kar raha tha.
Sakshi uske liye breakfast le kar ajati he lekin Aksh ab bhi apne khayalo me gum tha, Sakshi akar uske bagal me beth jati he or ek niwala bana kar Aksh ko khilane lagti he lekin Aksh uska haath bich me hi rok deta he.
Aksh: Sakshi.... T.... Thanks.... Thank You So Much, agar to tu.... Tu... Meri Zindagi me nahi hoti to.....
Wo apni num akho se apni adhuri baat kehta he.
Sakshi: me nahi hoti to koi or hota.... Ab muh khol...
Wo Aksh ki taraf niwala badhate hue kehti he, Aksh bhi uske haatho se niwala kha leta he. Aise hi Sakshi Aksh ko apne haatho se khilane lagti he, dono bass ek dusre ko dekh rahe the, Sakshi Aksh ko breakfast kara kar Plate le kar kamre se bahar ja rahi hoti he ke tabhi Aksh use awaz laga kar rok leta he.
Aksh: Sakshi.....
Uski awaz se Sakshi kamre ke darwaze par hi ruk jati he or piche mudkar Aksh ki taraf dekhne lagti he.
Sakshi: kya hua?
Aksh: kya?
Sakshi: to fir tune mujhe pukara kyu?
Aksh: mene kaha pukara.... Wo to mere dil ne pukara....
Wo muskurate hue Sakshi ko dekh kar kehta he. Jis se Sakshi ke chehre par bahot hi pyari si hasi ajati he.
Sakshi: Bavlat......
Wo haste hue Aksh se kehti he or kamre se bahar chali jati he.
Sakshi(mann me): Bavlat kahi ka..... Kya kaha Dil ne pukara? Huhhh..... Dil to mera bhi tujhe har waqt pukarta rehta he Aksh.... Lekin mujhe samajh nahi araha ke mere saath kya ho raha he, bahot ajib si feeling arahi he mujhe. Dil karta he ke humesha bass tere saath hi rahu....
Wo kitchen me bartan saaf karte hue apne hi dhun me thi, wahi Aksh ka bhi kuch aisa hi haal tha.
Aksh(mann me): yaar Sakshi ne to mujhe hakka bakka kar diya, uski baat to bilkul sahi he, lekin ab aage kya? Mene to kabhi is tarah se socha hi nahi, or ab jab mujhe sacchayi samajh ayi to me confuse ho raha hu, Bappa(Ganesh Bhagwaan) ab mujhe is raste se bhatakne mat dena.... Please.....
Wo sofe par bethe soch raha tha, Sakshi ki nazar Aksh par pad jati he or wo apna kaam jaldi jaldi nipta kar Aksh ke paas akar beth jati he.
Sakshi: Kya Soch raha he Aksh?
Wo Aksh ke kandho par haath rakhte hue puchti he.
Aksh: n.... Nahi.... Bass soch raha tha ke ab aage ka rasta kesa hoga....
Sakshi: jesa bhi rasta ho, saath milkar use paar karenge....
Wo Aksh ke kandhe par apna sar rakhte hue kehti he. Kuch der dono aise hi bethe rehte he, lekin tabhi Aksh ke dimag me koi baat ajati he.
Aksh: Sakshi..... Jaldi se tayar ho ja....
Wo apni jagah se fatak se uth te hue kehta he.
Sakshi: kyu?
Aksh: are chal aaj bahar ghum kar ate he, pure mahine se bass kaam hi kaam chal raha tha, dimag band sa ho gaya he mera....
Aaj Aksh kafi khule mijaz se baat kar raha tha, jis se Sakshi ko bahot zyada khushi hoti he. Kyu ke uska yahi mijaz salo pehle kahi kho sa gaya tha.
Sakshi: thik he.... Are lekin tere per....
Aksh: kuch nahi hua he, chal sakta hu me... Tu tayar ho ja jaldi....
Wo Sakshi ki baat ko kaat te hue kehta he.
Sakshi: thik he, me abhi ready ho kar ati hu....
Or wo apne kamre me chali jati he. Aksh bhi change kar ke tayar ho gaya or hall me Sakshi ka intezar karne laga. Lekin jese hi Sakshi tayar ho kar bahar ati he to Aksh ki nazar bhi bass uspar tik si jati he.
Aakho me gehra kala kajal, honto par halki halki lagi hui lipstick, safed rang ka Salwar Kameez or khuli hui zulfe, ye tha Sakshi ka Keher. Jab Sakshi ki nazar Aksh par jati he jo ek tak use hi nihar raha tha, jis se Sakshi ko sharm arahi thi.
Sakshi: K..... Kya Hua? A... Aise... Kyu dekh raha he?
Wo haklate hue Aksh ke samne khade ho kar puchti he. Aksh bhi uski awaz sunkar hosh me ajata he.
Aksh: n... Nahi.... K.. kuch nahi... Ab chal nikalte he....
Wo apne aap ko sambhalte hue kehta he, fir dono Aksh ki bike par beth kar nikal jate he.
Sakshi apne kanpte hue haath Aksh ke kandho par rakh deti he, wo baar baar Aksh ko dekh rahi thi or uski ye harkat Aksh mirror se dekh leta he.
Is waqt dopeher ke kareeb 12:30 ho rahe the.
Aksh: yaar Sakshi me kya kehta hu, pehle khana hi kha lete he, aise bhi waqt to ho hi chuka he na?
Wo bike chalate hue Sakshi se kehta he lekin use ye nahi pata tha ke Sakshi to kahi or khoyi hui thi.
Aksh: Sakshi..... Sakshi..... Kaha kho gayi tu?
Jab use apne sawal ka jawab nahi milta to wo piche mudkar Sakshi ko dekh kar puchta he. Ab ja kar Sakshi hosh me ajati he.
Sakshi: ha..... Ha.... Kya... Kya kaha?
Aksh: mene kaha pehle khana kha lete he, time dekh..
Sakshi: ha... Ha thik he....
Fir wo dono paas hi ke restaurant me chale jate he. Aksh ne har ek chiz Sakshi ki pasand ki order kar di thi. Waha se khana kha kar dono pura din yaha se waha ghumte rahe the, Aaj Aksh jitna khush tha utna shayad hi in kuch salo me wo khush dikha tha. Or baat kare Sakshi ki to uski khushi jese sirf or sirf Aksh se judi hui thi. Aksh ko khush hota dekh Sakshi ko kafi sukoon sa mil raha tha.
Dono Pura din thak haar kar ghar ajate he or bas bed par girte hi dono ko hi gehri nind ajati he.
•
•
•
•
•
•
•
Shaam ke kareeb 6 baje hue the, Sakshi ghar ka kaam nipta rahi thi or Aksh Garage par ek zaruri kaam me fasa hua tha. Aaj Radha or Santosh ghar ane wale the, Sakshi dono ka hi intezar kar rahi thi. Kuch der baad ghar ki doorbell bajti he Sakshi jaldi se ja kar darwaza khol deti he, Darwaze par Radha or Santosh the lekin Santosh ko dekh kar Sakshi ke chehre ka rang hi udd jata he. Kyu ke Santosh ke haath par ek patti bandhi hui thi.
Sakshi: Baba..... Ye... Ye kya... Ye patti kese?
Wo ghabra kar Santosh ka haath pakadte hue kehti he.
Santosh: beta kuch nahi he, chal andar.....
Fir wo tino andar akar Sofe par beth jate he.
Radha: Sakshi... Baba ke liye pani le kar aa....
Sakshi: ha abhi layi....
Wo jaldi se kitchen me jakar pani le ati he or Santosh ko de deti he.
Sakshi: lekin ye chot kese lagi Baba?
Radha: darasal jab hum arahe the to inka per fisal gaya or ye apne haath par hi gir gaye, jis se ye chot lagi....
Sakshi: or kahi chot to nahi na lagi?
Santosh: are chinta matt kar, bass haath par thodi si chot lagi he....
Sakshi: ise choti si chot kehte ho aap?
Santosh: beta zyada nahi lagi...
Wo Sakshi ko samjhate hue kehta he, or tabhi Darwaze se Aksh ghar ke andar ajata he. Radha or Santosh ko ghar aya dekh use accha lagta he, lekin tabhi uski nazar Santosh ke haath par lagi patti par padti he, ye dekh kar Aksh ke dil me bhi ek chubhan si hoti he, lekin pata nahi kyu use aage ja kar Santosh ka samna karne ki himmat hi nahi thi. Wo kuch seconds aise hi Santosh ko dekh raha tha, or jab us se Santosh ka haal puchna nahi hota to uske akho me Asu ajate he or wo jaldi se apne kamre me chala jata he, lekin ye sab Sakshi ne dekh liya tha.
Santosh: Aksh itni jaldi agaya kaam se?
Sakshi: Baba.... Wo.... usne 2 din kaam se chutti li thi...
Radha: baat to kar sakta tha na, bina kuch kahe chala gaya kamre me....
Wo kafi narazgi se kehti he.
Sakshi: nahi Aai... Wo subah se Garage par tha, kuch zaruri kaam se, to bass thak gaya hoga....
Radha: thik he.... Accha aap pehle apni dawai le lijiye....
Wo Santosh ko bag se dawai nikal kar de rahi thi, Sakshi jaldi se uthkar Aksh ke kamre me chali jati he, jaha Aksh diwar par apna haath zor zor se maarte hue roye ja raha tha. Uske haatho par pehle se hi chaale pade hue the, or usme diwar par itni zor se marne se Aksh ke haath me thoda khun sa nikal raha tha. Sakshi ye nazara dekh kar dangg si reh jati he.
Sakshi: Aksh.... Aksh..... Ye.... Kya kar raha he tu?
Wo bhagte hue andar akar Aksh ko rokte hue kehti he. Lekin Aksh ko to jese koi hosh hi nahi tha, wo bass roye ja raha tha..
Sakshi: Aksh.... Aksh.... Chup kar... Or mujhe bata kya hua?
Wo Aksh ka chehra apne hatho me thamkar puchti he.
Aksh: lanat he mujhpar..... Lanat he....
Wo Sakshi ko kas kar gale lagate hue kehta he or fut fut kar rone lagta he. Aksh ko aise rota dekh Sakshi kese shant reh sakti thi, ab Sakshi bhi rone lagti he.
Sakshi: Aksh... Please chup ho ja.... Or mujhe bata na kya ho gaya tujhe?
Wo Aksh ke sar me haath ferte hue Aksh se puchti he. Lekin Aksh to kuch bolne ko tayar nahi tha, tabb Sakshi use apne se alag karti he or bed par bitha kar uske Aansu saaf kar ke use shant kara deti he.
Sakshi: kya baat he Aksh? Tu suddenly aise kyu behave karne laga?
Wo Aksh ke haath apne hatho me thamkar puchti he.
Aksh: lanat he mujhpar Sakshi..... Dekha nahi? Baba ko chot lagi he ye dekhte hue bhi me.... Me unse kuch keh nahi paya..... Meri himmat nahi hui unke paas jakar... Unka haal puchne ki.....
Wo rote hue Sakshi se kehta he.
Sakshi: aisi baat nahi he Aksh.... Tujhme ab bhi wahi purani baate reh gayi he, is wajah se..... Lekin tu wo sab bhul jana Aksh.... Puri duniya ghum lo, lekin Maa se mehfuz jagah kabhi nahi mil sakti, Baap se bhale hi har roz ladd lo, lekin unke jitna Saccha or tumhara accha chahne wala or koi insan duniya me kabhi milega nahi.... Aksh ab tere samne ye chunoti he ke apni purani adate bhul ja, or ek nayi zindagi ki Shuruwat kar... Or sabse behtar Shuruwat to Aai Baba ke Ashirwad se hi ho sakti he na?
Wo Aksh ka chehre apne haatho me thamkar uske asu saaf karte hue kehti he.
Aksh: lekin.....
Sakshi: Aksh jaa.... Bahar Baba se baat kar, Aai se baat kar...
Wo Aksh ki baat bich me kaat te hue kehti he. Ab Aksh ke bhi samajh me achuka tha, wo Sakshi ko ek jhalak dekhta he to Sakshi use bahar jane ka ishara karti he. Aksh uthkar bahar chala jata he, jaha Santosh or Radha bethe hue the, Aksh firse wahi ruk jata he or piche mudkar Sakshi ko dekhta he. Sakshi use aage jane ka ishara karti he. Aksh badi himmat kar ke Santosh ke samne ajata he, or uske samne apne ghutno par beth kar Santosh ke haath tham leta he. Santosh Aksh ka aisa behavior dekh kar kuch samajh nahi pata, lekin jese hi use Aksh ke haath kuch alag se mehsus hote he to wo Aksh ke haath palat kar dekhta he, jispar chaale or thoda sa khun tha.
Santosh: Aksh.... Ye kya? Ha? Ye tere haatho ko kya ho gaya? Bata na?
Wo Chintit lehze me Aksh ke haatho se khun saaf karte hue puchta he. Santosh ki apne liye chinta dekh kar Aksh ki aakhe num ho jati he.
Radha: Aksh... Bol na beta, ye sab kya he? Or tu ro kyu raha he?
Wo Aksh ki akho me aye Asu dekh kar puchti he.
Aksh: Aai, Baba...... Me janta hu ke... Ke mene aapko bahot dukh pahochaya he. Mere sapno ke samne mene kabhi aapki baat nahi mani, lekin... Lekin Baba, Talvar to usi yoddha ke haatho me shobti he na, jise na to maut ka dar hota he, jise jitne se nahi balki ladne se ishq ho.... is duniya ka bahadur yoddha wahi kehlata he na, Jiska dhyan sirf sangharsh me rahe, or is jung me ladte ladte hi uska dum nikal jaye.... Agar law of Attraction ki baat sach he to me is puri duniya se, jannat nahi, jahannum ki aag mangta hu, jalne do mera har ek khwab, bas nakamyabiya do, rulao mujhe har ek raat, jiske paas pane ya khone ke liye kuch bache hi na, banu me wo nidar yoddha...... Jo kisi raja ka gulaam nahi, jo jung jitne ke liye nahi lekin apne aap ko behtar banane ke liye lade. Jsiki talvar kisi ke kehne pe nahi, balki apne marzi se chalti ho. Jiski Jeet dushman ki haar me nahi par khudko behtar banane me ho, jo manzilo ka nahi, safar ka Aashiq ho..... Mujhe Bass ishq ki Talvar utha kar khudki har hadd langni he, zindagi ki is jung me, mujhe ladte hue marna he....
Wo Santosh ki akho me akhe dalkar sari baate kehta he, apne bete ka zindagi ko dekhne ka nazarya jaan kar Radha or Santosh heran se reh gaye the. Dono ke hi aakhe Aksh ki baat sunkar Num ho gayi thi.
Santosh: tujhe kya lagta he? Me jab tujhe dant ta, tujhpar chillata, gussa karta... Wo khushi khushi karta hu? Tera bhala hi chahta hu na? Ha, mera nazarya or tera nazarya bilkul alag he, me to humesha yahi chahta hu ke tu ek acchi zindagi jiye.... Lekin, ab tu jo bhi karna chahta he, me tujhe karne se nahi rokunga... Aaj se mere bete ke sapne mere sapne... Or wo sapne pure karne ke liye me humesha tera saath dunga....
Wo Aksh ke akho me aye Asu saaf karte hue kehta he, uski baat sunkar Aksh kas kar Santosh ko gale laga leta he. Piche se Thodi khadi Sakshi bhi ye sab dekh kar khush thi.
Radha: Ab bass kar.... Aise hi rota rahega kya? Me to aaj kuch accha sa khane ke liye banaungi....
Wo bahot hi utsukta ke saath kehti he.
Radha: ab aap jayiye or kuch der aram kar lijiye.... Me khane ke liye bana deti hu....
Fir Santosh apne kamre me chala jata he or Radha kitchen me apne kaam karne chali jati he. Aksh uthkar dur khadi Sakshi ko dekh muskuraye ja raha tha. Sakshi bahot bhavuk ho gayi thi wo jaldi se apne kamre me jati he or waha ja kar Rone lagti he. Aksh Sakshi ke kamre me ajata he, or akar Sakshi ke bagal me beth kar Sakshi ke sar pe haath ferne lagta he, Sakshi bina der kiya Aksh ko ekdum kas kar gale se laga leti he.
Aksh: or kitne ehsan karegi Sakshi tu mujhpar? Har din mujh me ek badlav la rahi he tu.... Kese chukau ye ehsan?
Wo Sakshi ko apni baho me kaste hue kehta he.
Sakshi: ehsan chukana chahta he na tu mera? To mujhse wada kar... Ke tu kabhi mujhe akele nahi chhodega....
Wo Aksh se alag hokar kisi bacche ki tarah Aksh se kehti he, jise dekh Aksh ki hasi chutt jati he.
Aksh: thik he Chipkali.... Promise.....
Uski baat sunkar Sakshi ka para chadd jata he or wo Gusse bhari nazro se Aksh ko dekhti he.
Sakshi: Aksh.... Tu pitega mujhse.... Hazar baar kaha he ye chipkali matt bola kar mujhe.....
Wo bahot hi gusse me Aksh ko ungli dikhate hue kehti he.
Aksh: ab Chipkali ko Chipkali hi bolunga na me.... Chipkali....
Or ye kehkar wo tezi se kamre ke bahar jane lagta he, Sakshi bhi gusse me uske piche chal padti he. Aksh apne kamre me ajata he Sakshi bhi andar akar uspar jhapat padti he. Kuch der baad Sakshi Radha ki madat karne ke liye ja rahi hoti he ke Aksh use awaz lag kar rok leta he.
Aksh: Sakshi........
Uski awaz sunkar Sakshi Darwaze par hi ruk jati he or palat kar Aksh ki taraf dekhti he.
Sakshi: kya?
Aksh: kya?
Sakhsi: awaz kyu lagayi?
Aksh: mene kaha?..... Awaz to mere dil ne lagayi.....
Wo muskurate hue Sakshi se kehta he.
Sakshi: Bavlat.....
Wo sharmate hue Aksh se Kehti he or Radha ke kaam me haath batane lagti he.
Or is tarah aaj ka din nikal jata he, jaha humne Aksh me aye kuch positive changes dekhe, jaha par ek pariwar ke khuch bikhre se rishte puri tarah se mazbut hote dikhayi diye. Ab ek baat bata du, ke Aksh ki life me ek or Achievement ane wali he, or wo Achievement apne saath kya kya le kar ayegi ye jaan ne ke liye bane rahiye.
Agar Update accha laga ho to like zarur karna or Comment kar ke apna view mere saath zarur share karna. Agla Update jald hi ayega till then Stay Tuned And Keep Smiling
you dear brother pura ka pura Update Emotional raha 
Sakshi bahut hoshiyar hai, use pata hai kis situation mai kaise react karna hai aur sabse badi baat wo aksh ko bahut Samajhdari se sambhalti hai. Aaj ka sara Update sirf aksh or sakshi par hi tha sachme maza aya waiting for the next Update 
..dono bhai behen ke pyar ko bahut hi achche tarike se dikhaya hai yaha pe ..sakshi apne bhai ke pair ke chhale dekhkar ro deti hai aur aksh sakshi ko rota dekh nahi pata aur apne dil me jo hai wo batata hai ....
....
