Thriller Sabz Lahoo

[syed arshad]

Thik Usi Waqt Halki Si Sarsarhat Tahe-Qaane Ki Fiza Mein Laherayi....
Aur
Baayein Janib Wali Deewar Mein Ek Darwaaza Namudar Hua....!

Do Naqaabposh Haathon Mein Revolver Liye Darwaaze Mein Khade Nazar Aye....!

Koi Apni Jagaah Se Jumbeesh Bhi Na Kare....Unme Se Ek Ghurraya

Ghair Iraadi Taur Par Unke Haath Upar Uth Gaye....!

Samajh Mein Nahi Aata Kiss Musibath Mein Giraftaar Ho Gaye....Zafar Bura Sa Muh Bana Kar Badhbadhaya....Aye The Kiraaye Par Makaan Haasil Karne....
Aur
Ab Savaari Qabristan Ki Taraf Jaa Rahi Hai....!

Agar....Tum Log Jahan Ho Wahin Khamosh Khade Rahe To Hum Tumhe Goli Na Maarenge....Wahi Naqaabposh Bola

Fir....Wo Unhe Cover Kiye Khada Raha....
Aur
Dusra Aage Badha....Wo Daahini Janib Wali Deewar Ki Taraf Jaa Raha Tha....!

Wo Kankhaniyon Se Use Dekhte Rahe....!

Wo Tiles Par Is Tarah Chal Raha Tha Jaise Koi Kisi Gandi Jagaah Par Ghalaazat (Gandgi) Se Bach-Bach Kar Chale....
Fir
Jaise Hi Wo Deewar Ke Khareeb Pahuncha....Halki Si Sarsarahat Ke Saath Unme Bhi Darwaaza Namudar Hota Dikhayi Diya....!

 

[syed arshad]

Zafar Malik Ghaur Se Use Chalte Dekhta Raha....!

Naqaabposh Darwaaze Se Guzar Kar Nazron Se Ojhal Ho Gaya....!

Wo Naqaabposh Jiss Ne Unhe Cover Kar Rakha Tha....Wahin Khada Raha....Jahan Pahle Tha....!

Aakhir Hume Yahan Kyun Qaid Kiya Gaya Hai....Daftan Zafar Malik Ne Naqaabposh Se Pucha

Main Kehta Hu Khamosh Raho....Wo Revolver Wale Haath Ko Jumbeesh De Kar Bola

Itne Mein Dusra Naqaabposh Haathon Mein Ek Bada Packet Uthaye Hue Daahini Janib Wale Darwaaze Se Namudar Hua....
Aur
Dusre Naqaabposh Se Bola....Aise Hi 6 Packet Aur Hai....!

Tum Inhe Upar Pahunchao....Main In Logon Ki Khabar Ghairi Karunga....Darwaaze Wala Bola

Zafar Aur Jimson Ek-Dusre Ki Taraf Dekh Kar Muskuraye....
Aur
Jaise Hi Packet Le Jane Wala Dusre Naqaabposh Ke Khareeb Pahuncha....Jimson Cheekh Padha....Arey....Packet Mein Se Kya Geer Raha Hai....!

Fauri Taur Par Revolver Wala Uski Taraf Mutawajah (Attract) Ho Gaya....!

Bas Itna Hi Kaafi Tha....Zafar Malik Ne Us Par Chalaang Laga Di....!

Jimson Bhi Usse Piche Nahi Raha....Wo Packet Wale Ki Gardan Daboch Baitha....!

 

[syed arshad]

Revolver Dusre Naqaabposh Ke Haathon Se Nikal Chuka Tha....Majid Ne Use Utha Lene Mein Phurti Dikhayi....!

Aur Fir....Fayaz Ne Uske Haathon Se Jhapat Liya....
Aur
Sher Ki Tarah Dahaada....Hatt Jao Sab....Alag Hatt Jao....
Varna
Shoot Kar Dunga....!

Mujhe Bhi Hazoor-E-Aali....Jimson Ne Apne Shikaar Ko Chhod Kar Hathte Hue Pucha

Khamosh Raho....!

Zafar Malik Apne Shikaar Ko Chhod Kar Piche Hatt Chuka Tha....!

Majid Tumhare Bag Mein Hathkhadiyon Ke Kitne Jodhe Hai....Fayaz Ne Pucha

Ek Hai Janab....!

In Dono Ke Haath Mein Ek-Ek Hathkhadi Daal Do....!

Naqaabposh Khamosh Khade The....!

Majid Bag Se Hathkhadiyan Nikaal Kar Ek Ki Taraf Badha....!

Tum Bhi Uski Taraf Jao....Fayaz Ne Revolver Wale Haath Ko Jumbeesh De Kar Dusre Naqaabposh Se Kaha

Usne Apni Jagaah Se Jumbeesh Bhi Na Ki....!

Fayaz Kuch Kahne Hi Wala Tha Ke Zafar Ne Naqaabposh Ki Gardan Dabochi....
Aur
Dusre Ki Taraf Dakhel Diya....!

 

[syed arshad]

Dono Ke Ek-Ek Haath Mein Hathkhadiyan Daal Di Gayi....Teen-Chaar Khadiyon Ki Ek Zanjeer Dono Hathkhadiyon Ko Ek-Dusre Se Milaati Thi....!

Majid Ne Un Dono Ke Chahron Se Naqaabein Hata Di....!

Khoob....Fayaz Majid Ki Taraf Dekh Kar Bola....Jani-Pehchani Suratein Hai....!

Hum Se Bhi Taroof Karaiye....Zafar Ne Fayaz Se Kaha

Dono Aadi Mujrim Aur History Sheeter Hai....Ab Yeh Batayenge Ke Unka Boss Kaun Hai....!

Is Packet Mein Kya Ho Sakhta Hai....Jimson Bola

Khabardar Ise Haath Na Lagana....Fayaz Ne Use Lalkara

Jimson Khamosh Khade Raho....Zafar Bola

Ok Boss....!

Udhar Dekho....Fayaz Ne Dusre Darwaaze Ki Taraf Ishaara Kar Ke Majid Se Kaha

Wo Udhar Chala Gaya....
Aur
Fayaz Dono Qaidiyon Ko Mukhateeb Kar Ke Bola....Is Baar Tum Dono 10 Saal Se Kam Ke Liye Na Jaoge....!

Wo Kuch Na Bole....!

Kya Ab Hume Ijazath Hai....Zafar Malik Ne Pucha

Hargiz Nahi....Tum Dono Bhi Saath Hi Chaloge....!

Aakhir Hume Le Jaa Kar Kya Ki Jiyega Janab-E-Aali....Jimson Se Apni Daadhi Par Haath Pherte Hue Kaha

Bakwaas Bandh Karo....!

Zafar Malik Ne Jimson Ki Taraf Dekh Kar Baayin Aankh Dabayi....
Aur
Usne Apne Honth Saqti Se Bhinch Liye....!



Continue..................................................................................................................................!

 

[Bittu]

Ky

Bittu Bhai
Zafar Aur Jimson Ko Baqoobi Pehchana Aap Ne Aur Unhe Yaad Bhi Rakha....Isi Se Andaza Lagta Hai Ke Aap Imran Series Ko Kitni Sheedath Se Follow Karte Hai

Kya karein janab aapke hatho likhi Pehli story Neele Parinde, fir uske bad saapon ke shikari padhne ke baad to bus lat hi gayi Imran bhai sahab ki.

 

[Bittu]

Bhai, Imran bhai ke to Kehne hi kya. Koi muqabla hai hi nhi. But Zafar aur James bhi ultimate hai. Jab inki first appearance huyi thi series mein, mujhe bhi Zafar Imran aur James Joseph laga. But James ka huliya Joseph se alag tha. Par Imran aur Zafar mein himaqton ka style same hai. Dono Handsome bhi kafi hai. Par Zafar bhai humour mein Imran Ki kami nhi khalne dete.

 

[Chhotigudiya]

going

 

[syed arshad]

Ky

Kya karein janab aapke hatho likhi Pehli story Neele Parinde, fir uske bad saapon ke shikari padhne ke baad to bus lat hi gayi Imran bhai sahab ki.

Bittu Bhai
Mere Haathon Ki Nahi Ibne Safi Sahab Ki Lekhni Hai....Mujhe To Baas Safi Sahab Ki Lekhni Aap Sab Ke Saamne Pesh Kar Raha Hu

 

[syed arshad]

Bhai, Imran bhai ke to Kehne hi kya. Koi muqabla hai hi nhi. But Zafar aur James bhi ultimate hai. Jab inki first appearance huyi thi series mein, mujhe bhi Zafar Imran aur James Joseph laga. But James ka huliya Joseph se alag tha. Par Imran aur Zafar mein himaqton ka style same hai. Dono Handsome bhi kafi hai. Par Zafar bhai humour mein Imran Ki kami nhi khalne dete.

Bittu Bhai
Imran Aur Zafar Dono Hi Nawabzaade Jo Thahere Isliye Dono Ki Aadathein Taqreeban Mel Khaati Hai....
Aur
Joseph Aur James Dono Hi Wafadar Khadeem Hai....James Ka Andaaz Alag Hai....Joseph Jaisa Wafdar Shayad Hi Koi Ho

 

[syed arshad]

going

Gudiya
Aise Hi Saath Bane Rahiye