Christine Unhe Der Se Dekh Rahi Thi....
Achanak
Usne Soncha Ke Kyun Na Unki Guftgu Bhi Suni Jaye....!
Christine Sweden Se Ayi Thi....Pareende Uska Khaas Mauzoo (Topic) Tha....Umar Zyada Se Zyada 25 Saal Rahi Hogi....Khush-Shakl Aur Smart Thi....!
Wo Unke Piche Jaa Khadi Hui....Iska Andaaza To Pahle Hi Se Tha Ke Dono Angrezi Hi Mein Guftgu Kar Rahe Hai....!
Kaala Aadmi Khila Hua Nigro Tha....
Aur
Dusra Jawaan Moqaami Aadmi Ho Sakhta Tha....
Ya Fir
Turk Ya Irani....!
Nigro Usse Kahe Raha Tha....Ab Yeh Tasveer Dekho Boss....Uski Chonch Dekh Kar Brandy Ki Bottle Yaad Aa Gayi....!
Haa....Jawaan Aadmi Sar Hila Kar Bola....Uski Doom Par Bhi Nazar Daalo....Bilkul Lifafa Maalum Hoti Hai....
Fir
Wo Dono Dusri Tasveer Dekhne Ke Liye Baayin (Left) Janib Kheeske....!
Christine Bhi Unke Saath Hi Kheesak Gayi....!
Achanak....Nigro Ne....Ghazab Ho Gaya Boss....Kahte Hue Dono Haathon Se Apni Aankhein Bandh Kar Li....!
Kya Hua....Jawaan Aadmi Baukhla Kar Uski Taraf Mutawajja (Attract) Ho Gaya....!