Koi Nahi Jaanta Tha Ke Kab Uske Sitaare Gardish Mein Aa Jaye....Joseph Ke Bayaan Ke Mutabeeq....Imran Ne Bas Yun Hi Baithe-Bithaye Wo Musibath Apne Sar Mol Li Thi....
Varna
Kahan Imran....
Aur
Kahan Mrs Phatakiya....!
Mrs Phatakiya Kam-Az-Kam 50 Ke Lag-Bhag Rahi Hogi....Pakka Jamuni Rang....Aankhein Choti....
Aur
Dhundli Thi....Pasta (Small) Qad (Height)....
Magar
Vazan Dhai-Teen Mann Se Kisi Tarah Kam Na Raha Hoga....Imran Ki Padosan Thi....!
Joseph Ka Bayaan Hai Ke Wo Apne Flat Se Nikli Thi....
Aur
Uske Haath Mein Lohe Ke Pipe Ka Do Feet Lamba Tukdha Tha....
Aur
Wo Shayad Jaldi Mein Kahin Jaa Rahi Thi....!
Imran Bahar Se Aya Tha....Baraamde Mein Dono Ka Saamna Hua....Imran Ne Apne Dono Haath Phaila Diye....
Aur
Raasta Rok Kar Khada Ho Gaya....!
Mrs Phatakiya Baukhla Kar Do Khadam Piche Hati....Hairath Ki Baat Thi....Saal-O-Saal Se Padosi Hone Ke Bawajood Aaj Tak Dono Ke Darmiyaan Kabhi Rasmi Qism Ki Guftgu Bhi Nahi Hui Thi....
Achanak
Is Tarah Betakalufana Andaaz Mein Raasta Rok Kar Khade Ho Jana...!
Aaj Main Jawaab Sunna Chahta Hu Darling....Imran Ne Kaha
Aur Mrs Phatakiya Ka Muh Hairath Se Khul Gaya....
Fir
Wo Sambhal Kar Bharrayi Hui Awaaz Mein Boli....Kya Bakta Hai....!
Wo Bakta Jo Mere Dil Ki Pukaar Hai....Imran Ne Seene Par Haath Rakh Kar Thandi Saans Li....
Aur
Chaaron Taraf Dekh Kar Ahista Se Bola....Hum Se Love Karna Maangta Ke Nahi....!
Sssuu....Suar....Ka....Bachcha....Wo Halaq Phaadh Kar Cheekhi....
Aur
Lohe Ke Pipe Wala Haath Ghooma Diya....!
Khataak....Imran Ki Aankhon Mein Taare Zaroor Naach Gaye Honge....!
War Bharpur Tha....Sar Se Khoon Ki Chadar Chahre Par Ayi....
Aur
Uske Khadam Ladhkhadane Lage....!
Mrs Phatakiya Puri Khuvvat Se Cheekhe Jaa Rahi Thi....!
Zara Hi Si Der Mein Pura Baraamda Tamaashaiyon Se Bhar Gaya....!