Update 25 Ruhi Reveals It
Shaam ke 5.15 se 6.45 tak Abhi ne Ruhi se baat kiye, aur usski maa sath thi uss waqt. Maa ki haaziri mein sab kuch kaha suna gaya, thoda English mein thoda hindi mein baatein kiye donon ne, rona dhona bhi hua, aur maa ne bhi beech beech mein baat kiye.
Mehboob ne jab dekha saare kaam karne wale chale gaye aur Abhi Ruhi ke kitchen ke chaukath par khada hai to pucha,
“are Abhi aaj ghar nahin jana hai kia tumko?”
Rahima ne Abhi ki jagah jawab diya apne pati ko,
“lagta hai aaj Abhi Ruhi ke saat dinner karke jaega ya ussi ke yahan rahega!”
Ruhi hansste hue Abhi ke chehre mein dekh raha tha, aur Mehboob ne kaha,
“Acha yeh baat hai, to thik hai kal subha phir sab se pehle kaam shuru kar dena tumko door se nahin ana padega.”
Aur Abhi ne Ruhi aur usski maa se kaha,
“Dekha, sahi to keh raha hai Mehboob, main yahin theher jaata hoon aaj ek jagah milega kia raat beetane ke liye?”
Donon maa beti hanss rahe the aur Ruhi ne thoda gambhirta se kaha,
“Aap sapnon ki dunya se nikaliye nah Abhi main ne aap se kaha nah ke it’s too late now main kissi aur ki amaanat hoon!”
Abhi ko thoda ghussa aya aur usska dil ne chaha ke chilla kar Ruhi se kahe “phir kia naatak kar rahi hai itne dinon se usske saath, kyun ussko kiss kiya kyun uss se milne aati rahi ghar ke piche, kyun ussko lunch par invite kiya, kyun ussko jeeb se chidhati hai kyun itna kuch kiya, khilwaad samajh rakah hai kia?!!”
Magar Abhi ne sayyam rakhte hue araam se kaha,
“please ghar ke piche aao nah tumse akele mein baat karni hai mujhe, bahot serious baatein karni hai.”
Ruhi ne kaha,
“nahin jo kuch kahna hai yahin kehiye aap.”
Abhi ne usske maa ke taraf dekha aur kaha,
“Magar hum donon ke beech ki baatein hein tumhari mummy ki zaroorat nahin hai nah yaar!”
Ruhi ne kaha,
“are meri mummy ko sab kuch pata hai nah usske saamne hum kuch bhi baat kar sakte hein!”
Aur mummy ji ne kaha,
“haan Abhi mere saamne baat karoge to koyi sawaal bhi nahi karega nah, agar Ruhi ke saath akele piche gaye to sawaal uthenge!”
To Abhi ne kaha okay thik hai aur baton baton mein aise hi ek ke baad ek baat nikalte gaye.
Ruhi ne kaha,
“Agar aap ko nahin yakeen ke koyi hai jo mera intezar kar raha hai to meri mummy se puch lijiye.”
Abhi ne usski maa ke taraf dekha to ussne kaha,
“Haan yeh sach hai, Ruhi ko propose kar diya gaya hai shadi ke liye humne ladke walon ko zubaan de diye hein to kuch nahin kar sakte nah ab!”
Abhi bhi serious hua aur kaha,
“Main yakeen nahin karta,yeh sab aap donon ne milkar khichdi pakaaye hue hein hai nah?!”
Ruhi Abhi ke chehre mein dekhte hue jaise usski haar par khush ho rahi thi jab usski mummy ne wo sab kuch kaha to. Aur Ruhi boli,
“kia meri maa aap se jhoot bolegi?”
Abhi: “haan jaise subha kaha tha ke tum apni nani ke ghar chali gayi ho!”
Abhi ne uss aadmi ke baare mein pucha, to Ruhi ki maa ne kaha,
“wo wahin ka rehne wala hai jahan isski naani rehti hai.”
Abhi ne kaha,
“Aap Ruhi ko France bhej rahi ho, itni door aap ko pata bhi hai wahan isski kia haal ho sakta hai?!”
Mummy ji ne kaha,
“khair dekhte hein isski kismat mein kia hai, Ruhi ko hamesha se foreign jaane ki tamanna thi to jane diya jaye main ne socha.”
Abhi ne tab Ruhi ko dekhte hue kaha,
“issi liye main ne tumse kuch der pehle pucha tha kia tumko life ki luxuries chahiye?!”
Abhi bahot depressed feel karne laga tha yeh usski chehre se zaahir tha, jab bhi Abhi udaas hota ya koyi bhi chiz ussko pareshan karta to Abhi ke chehre pe saaf nazar ata tha aur wo Ruhi ko achi tarah se pata tha, wo Abhi ke chehre mein hi dekhe jaa rahi thi, ussko pata tha ke Abhi ko gehri choat lagi hai yeh sab baatein sunkar…… Abhi itna khushnuman insaan tha ke usske chehre par hamesha ek raunak hua karta tha, doston ke beech bhi koyi bhi usske chehre se pehchan leta tha jab bhi Abhi ko koyi pareshani hoti thi, kyunke Abhi tha hi aisa ke usska chehra sab bata deta tha. Abhi ek joyful happy going insaan tha. ab aise insaan ko choat lage to saaf dikhta hai.
To Ruhi Abhi ke chehre mein dekh kar samajh sakti thi ke Abhi ghayal hua hai aur khud Ruhi ke aankhen bhar aayi abhi ko weise dekh kar.
Abhi ne sar jhuka liya tha aur kuch der tak kuch nahin bola, aur jab phir se Ruhi ke chehre mein dekha to Ruhi ne ussko jeeb se chidhaya. Iss baar Abhi ko usska chidhana acha nahin laga, Abhi ne bahot seriously Ruhi ke chehre mein dekha ur ek gehra saans liya….
Bina kuch kahe Abhi ne apne kadam ko jaane ke liye moda, sar jhukaate hue to Ruhi ki maa ne usskko roka yeh kehte hue,
“are ruko to, abhi sirf 15 mins baat kiye hein aur jaane lage thehro to aur baatein karte hein nah!”
Abhi ne dabbe awaaz mein kaha,
“Ab kia kehna baki hai aunty?!”
Abhi ne ek cigarette jalaya, aur Ruhi ko piche apne kamre ki khidki ke paas aane ko kaha. Magar usski maa ne kaha,
“nahin wo ab aap se akeli baat nahin karegi, jo kuch kehna hai mere saamne kehye nah aap!”
To bhi ne kaha,
“To aap bhi wahin aaiye usski kamre mein wahin baat karte hein nah yahan Mehboob aur Rahima hamaare baton ko sun sakte hein nah!”
To Abhi piche gaya Ruhi ke khidki ke paas aur dekha ke Ruhi wahan uss se pehle pahunch gayi hai aur apne donon kehuniyon ko khidki se tek kar sar baahar nikaal kar muskuraate hue Abhi ko aate hue dekh rahi thi…. Jab Abhi wahan reach hua to dekha usski maa usske piche khadi hai.
Abhi ne ruhi ke aankhon mein dekhte hue kaha,
“Ruhi ab main apne gharwalon se, Naina se, doston se kia kahunga?!”
Donon maa beti ne ek saath kaha,
“Yeh aap ki ghalati hai kyun sabko bataya aap ne?!”
Baatein gambhir hote gaye, Abhi bahut hi seriously baat kar raha tha, ussne apni maa ke baare mein kaha Ruhi ko, uss se kaha ke ussko usski maa ki jaisi saas life mein kahin nahin milegi, usskki maa itni achchi hai…..
Ruhi ki maa ne Abhi ke thartharaate hue honth ko dekhte hue kaha,
“Ab yahan rona mat Abhi….”
Abhi ne kaha,
“nah, yahan nahin yeh tab hoga jab akele tanhaayi mein hunga tab…”
Jab Abhi ne weisa kaha to dekha ke Ruhi ki aankhen bhar aaye aur ansoo chalak gaye… Abhi ne turant apna haath badhaya usske chehre ke taraf aur Ruhi ne ek kadam piche kiya aur Abhi ne usski honton ko kaampte dekha…. Usski maa wahin rahi bina hille to Abhi ne usski maa se kaha,
“Ab aap mujhe yeh samjhao ke Ruhi kyun rone lagi? Dil mera tuta nah? dard mujhe hua, takliff mujhko ho rahi hai to Ruhi kyun ro rahi hai? Samjhaiye aap mujhe yeh baat! Agar Ruhi mujhse pyar nahin karti to ussko kyun aise mere haal par rona ata?!”
Ruhi apni bed par leyt kar ro rahi thi apne aankhon se aansoo poncte hue, to Abhi ne ussko bulaya, paas aane ko kaha…. Aur kaha,
“Ab tumhi batao mujhe Ruhi, ke kyun rone lagi tum? Rona to mujhe tha nah? wo main ghar jaakar kar lunga ya bus mein jaate hue munh chhupa kar ro lunga magar tum kyun rone lagi agar mujhse pyar nahin hai to?!”
Ruhi ne aur zor se rona shuru kiya apni takiye mein munh dabaate hue to Abhi ke bhi aankhen bhar aaye aur chalak bhi gaye aur tadapti awaaz mein, rote hue Abhi ne kaha,
“aao nah Ruhi ek saath milkar rote hein aao rona share karte hein donon aah nah Ruhi!!”
Abhi Ruhi ko zorse apne seene se lagaana chahta tha uss waqt, magar wo ghar ke baahar tha aur Ruhi andar thi apni bed par thi to behte aansoowon se Abhi ne usski maa ko dekha aur kaha,
“Please aap piche wala darwaza open karo nah, main Ruhi ko hug karna chahta hoon chaahe wo aakhri baar hi kyun nah ho, kholo nah please….”
Ruhi ki maa ne nah mein sar hillaya magar Ruhi apne aansoo ponchte hue uth kar piche wale darwaze ko khol diya, to jhapat kar Abhi wahan gaya aur uss chawkat par Ruhi ko zor se baahon mein bhar kar rone laga… donon ek dusre ko baahon mein bhade ro rahe the, maa dekh rahi thi aur kaha,
“Ruhi!! ahista sabko batana hai kia sssshhhh”
Aur maa ne uth kar darwaza band kiya aur donon ko bed par baithne ko kaha, khidki ke parde ko khinncha aur donon ko bilkool aahiste baat karne ko kaha, magar baat kahan donon ek dusre ke baahon mein rote jaa rahe the do chhote bachon ki tarah…..
Aur ab Ruhi ne kal ki tarah dobara apni maa ke saamne pucha,
“aap mere saare ghalatiyan maaf kar sakte ho Abhi?!”
Abhi ne Ruhi ke aankhon ko ponchte hue kaha,
“are baba kal keh diya nah HAAN” HAAN” HAAN” sab maaf kiya main ne kuch bhi ho!”
Tab Ruhi ne English mein baat kiye….
“And if I am not what I am looking to you, if I am someone else, different then?!”
Abhi ne kaha,
“It makes no difference to whatever it be! I would accept to marry you even if you had a child, even if you are a divorcee, even if you are a widow!”
Ruhi ne Abhi ke uss baat ko sunkar, upar chhat ko dekha, usski aankhen phir bhar aaye aur ek bacchi ki tarah rote hue Abhi ka haath bahut zor se pakar kar Ruhi ne pucha;
“AND IF I AM NOT A VIRGIN ABHI??!”
To be continued…. (5,752 words from all 3 updates)
5700 + words hamare liye likhne ke liye tehe dil se dhanyawad Casi ji
Ab aate hein update pe.
Casi ji emotion dikhaane, feel karaane aur likhne mein aap pakka ustaad ho. Hats off isske liye
Rula hi diya aap ne mujhe. Lag raha tha rone wale scene aega aur jabardast aya. Wow.... ufff... mujhe ruk kar rona pada aage nahin padh paayi, kuch mins baad padhna jaari rakha to aur bhi rona aya.
Kia likhte hi aap Sir. Dhamaal, kamaal.
Pehla rona tab aya jab khidki k baahar se Abhi ke honth thartharaaye aur Ruhi ki maa ko dikh gaya aur ussne Abhi se kaha ke rona mat... aur ulta Ruhi ko Abhi ke chehre ko dekh kar rona agaya. Tab mere aankhen dabdaba gaye.
Phir jab Abhi ne jawab diya k kissi kone mein baad mein roega ya buss mein chehra chhupa k roega tab main fut padi Ruhi k saath...
Aur jab Abhi ne kaha aawo ek saath milkar rote hein aawo nah Ruhi.... tab mujhse sambhala nah gaya, padhna rok kar rona pada.
Padhna resume kiya to aur bhi jiada rone lagi jab Abhi ne rote hue kaha ke chot ussko lagi, dil usska tuta to Ruhi kyun ro rahi hai.... main ne fir padhna roka aur khub royi.
Phir royi jab Abhi ne darwaja kholne ko kaha ye kehte hue k wo Ruhi ko hug karna chahta hai magar maa ne mana kiya....
Aur jab khud Ruhi ne door open kiya aut jab donon ek dusre ko baahon mein bhar kar rone lage to main bekaabu hokar rone lagi. Mujhe laga ke main hi Ruhi hoon aur mujh par sab beet rahi hai.....
Aap readers ko character k andar ghusaa dete ho casi ji yehi aap ka likhne ka kamaal hai hats off.
Baaki jo hua mere liye secondary hai
Thanks itni khubsurat lajawaab update dene k liye casi ji.
