Mind blowing update bhaiUpdate:-80
Jaal mahal se jab main bahar aa raha tha tab Serin mukhya dwar par khadi thi… roti hui mujh se maafi mangi.. aur kahne lagi wo bhi sath chalegi aur chabhi ke pichhe ki duniya ko dono sath dekhnege..
Main hairan bhi tha aur ek baar fir gussa bhi.. kyonki Jaal mahal me ya to command dene main rah sakta tha ya wo.. lekin mujhe manjoor nahi tha ki koi teesra huamare Jaal mahal ko chalaye…
Serin ne kisi tarah mujhe manaya aur hum chal diye.. Serin ke pass kewal ye chabhi thi aur meri maa ki kuch information. Wo apne marne se pahle tak yahan iss viman me aaya karti thi…
Hum dono sath me hi pahli baar iss viman me kadam rakhe the.. aur ye hum dono ke sath ka aakhri kaam tha. Aizem se udan bharne se pahle tak, bahut si aisi baten thi jo Serin ne mujh se chhipayi thi.. kuch baton ka pata udan bharne se pahle chala to kuch ka pata tab chal gaya jab Nandu mujhe mili…
Viman ki banawat aur iska vigyan ne hum dono ko khincha tha… 3 sal sath kaam karne ke baad humne isme puri tarah se jaan dal diya tha… Khair isse banate waqt hi hume Viggo ke itihas ke bare me pata chala.. dard ki wo kahani pata chal gayi jo gussa aur takat ke nashe me humare purwajon ne likh diya tha. Sath hi sath uss bade parde se bhi raaj uth chuka tha ki kyon Aizem shasak Viggo ko marne ke liye pagal the..
Dakshat prajati jise hum vilupt mante the, bistarwadi niti aur Aaynek par humla karne ke dristikon se, unki ek puri colony Aizem par aakar basi thi aur yahan ke shashk ke sath Dakshat ki jodiyan bani thi.. jitni bhi ladkiyan thi uski jodi Aizem ke ladkon ke sath aur jitne bhi Dakshat ke ladke the unki Aizem ki ladkiyon ke sath..
Main to jindgi me mul swabhaw ko upar-upar se hi samjhta raha aur apni manmani karta tha. Lekin yahan aakar mera baudhik vikas ne aisa karwat mara ki fir main yudh aur gusse se lagbhag dur hota chala gaya..
Ek baat jo ache se sikh chuka tha wo ye ki yadi aap marne par aate ho to kewal anth me aap akela bach jaoge.. jaisa ki Viggo ke itihas se saaf pata chalta hai…
Humne apne vinash ki kahani khud apne hathon se likhi thi fir dusron ka kya dosh… Jab yah viman purn roop se naya aur technology me sabko pichhe chhod diya.... fir aayi iss viman ko uddane ki bari..
Ek complex web tha isse uddana aur dwitiya Sigma ne isse apni urja se udaya tha, jise yahan lakar jab band kiya gaya to wo dobara fir engine chalu na kiya ja saka.. isse chalane ke liye pahle to mujhe apni shakti ki pahchan karni thi, jis se ru baru hone ke liye hum medical section gaye..
Wahan hume puri jankari aur sath me wo sabhi liquid mil gaye, jo dawa dwara supress ki gayi meri power ko dobara kewal chand minute me wapas laya tha.. ye baat kewal mere aur Serin ke bich me thi aur jabtak maine nahi bataya tabtak kisi ko pata bhi nahi chala ki main ek Viggo hun…
Serin ne hi meri pahchan ki thi.. main Viggo Sigma tha .. wo bhi unclassified alpha jiske bare me aaj tak kisi bhi Viggo classification me varnan nahi tha. Shayad Dakshat aur Viggo ke milan ka natija tha ye ki mujhme kayi sare vises gun Viggo smuday ke bahar ke the, jo Serin ke guno se bahut milte the.. Halanki Serin eklauti aisi hai jo mere unclassified ko bade hi aasani se classified kar sakti thi.. aur ek baar aap classified ho gaye fir marne ka jariya bhi nikal hi aata hai…
Khair Viggo Sigma ki pahchan hote hi, iska engine start karne hum dono control room me gaye the… kafi khush the hum.. maine engine me command diya.. meri urja dhire-dhire khatam hone lagi.. lekin engine start ho gaya..
Ek baar jab iska engine shuru ho gaya, fir hum dono hi bhag'kar jaal mahal aaye the... 12 din ke kaam ke baad humne iss viman ka remote acess mode active kiya tha.. haan bus ek hi problem thi.. ye viman mere baigar start nahi ki ja sakti thi… aur satrt bhi tab hoti jab main apne full power me hota..
Khair remote acess lene ke baad hum dono lagbhag 40000 logon ke sath 6 mahine ke liye universe ki shair par nikle the… Decca aur iss jaise bahut si jagah par hum pahunche the jahan Serin ne kya utpat machaya tha..
Halanki uska maksad padesan karna nahi tha, balki mere power aur control ko parakhna tha.. Hum jab apni chhuti se laut'kar wapas aaye, tab bahut kuch badal chuka tha.. main pahle ki tarah laparwah aur aawara hi tha bus ab khatarnak nahi rah gaya tha...
Serin ko pura Jaal Magal dekar, main apne logon me vhyast ho gaya. Uss dauran kayi chhoti aur badi ghatnayen hui, jaisa ki har jagah hote rahta hai aur zindgi chalte rahte hai.. uss chhuti se lautne ke baad mujhme bahut se badlaw aaye aur insani swabhaw aur zindgi ko janne ki ruchi badhne lagi..
Main ek lambe bharman par nikalna chahta tha, khud ko dhundhna chahta hai.. main kya hun, mere paida hone ka maksad kya hai.. aakhir jab mere sabhi log mare gaye fir mujhe hi iss duniya me kyon akela chhoda gaya.. kayi sare sawal the jiska koi jawab nahi tha…
Pahle Zindgi Jaal mahal me bit rahi thi ab zindgi apne aashiyane me bit rahi thi aur waqt ki sajison ne karwat lena shuru kar diya tha, jiski bhanak Serin shuru se thi… uss raat Serin kafi ghabrayi thi, jab wo mujh se milne aayi..
Serin mujhe yahan se chale jane ke liye kah rahi thi, lekin baat kya thi wo mere palle nahi par rahi thi… jab main nahi mana tab usne raaj khole the ki mera jinda hona, ek sanki ki dur dristhi thi… yahan ka shasak yani ki mera baap ek Viggo ki shakti apne ander chahta tha, aur jab hum dono yahan nahi the, tab Jaal mahal ki bahut si anmol tecnology, Zoren se sajha karke, wahan ke Mahamahim se wo reflector device Gupt roop se mangwayi gayi thi, jiska prayog kewal Mahamahim ko pata tha aur ab Aizem ka raja janta tha… iss ke vishay me kisi ko kano-kaan bhanak tak nahi lagi thi…
Serin mujhe jane ke liye kahti rahi, lekin main apne baap ki mansa jaan kar sirf itna hi kaha tha, humare Jaal mahal ka khyal rakhna. Meri baat sun'kar Serin mujh se ek shabd nahi kahi aur gusse me pure pagal ho kar wahan se nikli thi. Uska wahan se bina kuch kahe jana, tab samjh me aaya jab usne Zoren ke kuch khas technology visesgya ke naak ke niche se apni takniki kusalta dikhate huye, pure reflector precess ko hi ulta kar diya..
Mera baap mujh se meri shakti lena chah raha tha.. Aur Serin ne mere moh me bahut bada kadam utha liya.. usne shasak ko he khatm kar diya. Apne baap ko marne ke baad wo mujh se aakar kahi thi.. "Yadi ab bhagte ho to main kahungi ki tumne machine ke sath chhed-chhad kiya, warna yahan ruke to tum apni marji ka karo aur main apni.. main sabke samne jakar sab sach kah dungi"..
Finally mujhe wahan se nikalna para.. lekin wo Jaal mahal se mujhpar pura najar banaye thi.. usne bus 5 sal mange the.. aur mujhe kahi thi 5 sal main akele apne dum se iss jahan ko samjhun.. shyad jab wo ye kah rahi thi tab baat utni samjh me nahi aayi thi, jitni ab uske kahe ka matlab samjh me aata hai…
Nischal gahri shwans lete apni puri kahani kah chuka tha aur puri kahani batane ke baad bus idhar udhar dekh raha tha mano Serin ko yaad karke wo rona chahta ho..
Nandni:- Ro lo Nischal, dil halka ho jayega..
Nischal:- Jab Serin se dur hua tab mujhe ehsas hua ki mere jindgi me uske hone ke kya mayne the… usne kewal aur kewal mere liye kiya tha… uske bina chijon aur logon ko samjhna utna hi muskil hota tha jitna kisi agyani ko vigyaan ki bhasha samjhana..
Ansh:- Jab wo tumhe itna pyar karti thi Nischal, tab tumhare maut ka farman kaise jari kar di…
Nischal:- Usse Sabaiyya ki sabhi sajison ka pata tha, lekin uski baat na maan'kar ek baar fir main bewakoofi kar gaya… Serin ne Prithvi ke karibi grah Decca par, iss viman ko mere bina chalane ki taknik develope karke, khud Decca ke sabse shatir chor HuYu ke hatho chori karwa'kar Decca tak bhijwa di thi, aur mujhe bus wo lekar aana tha…
Serin ko pahle se pata tha ki Mahamahim aur Sabaiyya kosis karna nahi band karega, isliye Prithvi se final udan bharne se pahle, Sabaiyya ko nischint kar dene ki yojna bani Jisme mujhe mara hua dikhana tha..
Serin unhe har wo pukhta jankari de chuki thi, jis se mujhe mara ja sakta tha… aur mujhe iss viman ko chalu karne ka jariya ussi waqt bhijwa chuki thi jab main Jivisha ko trained kar raha tha, taki unke jasooson ko jab yakin ho jaye ki maine apni urja ka 90% hissa viman ko shuru karne me laga diya hai, tab wo mujhpar humla karenge…
Mujhe laga lakh nafrat hi sahi, lekin hai mera bhai, mujhe jaan se to nahi hi maar sakta hai… bus issi soch ne mujhe nischint kiya tha ki, mujhe kewal gambhir roop se ghayal kiya jayega… Serin ko shayad mujhse aise hi kisi tarah ki bewakoofi ki ummid thi, isliye Viggo ko jis hathiyar se mara jata, uspar jahar ke badla, life supported material laga kar usse jahar ke tarah project ki.
Uss bhale jaise hathiyar par ek high wave device bhi lagi hai, jo biometric coded thi. Matlab Serin ko yakin tha ki uska bhai isse pahle ek baar test karega, fir wo apne Jasoos ko kaam par lagayega.. isliye jisko bhi Serin ne wo bhala mara hoga, uske sine me bhala utarne ke sath hi uss high wave ko command di hogi aur wo ussi waqt saaf…
Yadi uss hathiyar par Viggo ko marne wala zahar laga hota, fir to main mara hua hi tha. Bus mere maut ke karib pahunchne ki wajah sirf itni thi ki, wo jab pahunche the mujhe marne tab main apne sharir ki lagbhag urja viman ko chalane ke liye istamal kar chuka tha. Upar se main high heat prani hun, isliye rahi sahi kasar jami barf ne puri kar di..
Serin me chhal ke sare gun Dakshat wale hai.. Uske ander ka bal, gussa aur kusalta bhi Dakshat samuday wali hai… lekin uska hriday prithvi ke insano jaisa hai, jo sahi aur galat ko bahut achhe se fark karna janti hai…
Nandni:- Ek baat batao Nischal… tumne kaha Prithvi par aakar tumne bahut kuch sikha hai... Kuch aisa bato jis se lage ki tum aage koi bewakoofi nahi karoge..
Nischal:- Yahan aakar tum aur Jivisha mujhe jab se mile tab se main logon ko bhi samjhna sikh gaya hun.... Aur tum dono ki wajah se jab se mujhe filmi kida kata hai tab se main drame karna bhi to sikh gaya… iss se jyada main nahi sikh sakta… bus itna pata hai ki ab mera bada sa pariwar hai.. jisme ye logon ke ander chhipi mansa ka detail nikalna mere bus ka nahi.. wo tum logon ki jimmedari hai… Filhaal hum Zoren pahunchne wale hai.. Jatin ko bulana hoga…
Jatin se sampark karne se pahle, Nischal ne Ansh aur Nandni ko mask ki tarah hi ek shield diya, jo kisi bhi high wave weapon ke war ko 100 baar tak jhel sake… sath me hi Nischal ne pahli baar weapon kisi ko gift kiya tha.. Ansh ko 2 gun dete huye kaha.. "Iske ander ka wave kafi hai kisi ko bhi sulane ke liye, imandari se iska prayog kare"..
Iske baad Nischal ne Jatin se sampark kiya aur usse tay location par bula liya, jahan pe Jatin ne uske pure sahar jaise viman ko land karne ki jagah batayi thi..
Jatin ke pass jab yah sandesh pahuncha tab wo Baby ke sath hi kaam kar raha tha… sandesh jaise hi mila Jatin hairani se Baby ko dekh raha tha..
Baby:- Ghur kahe raha hai..
Jatin:- Wo Viggo..
Baby, utsukta se… "Aage bhi bolo na"..
Fabulous update bhaiUpdate:-81
Jatin:- Likha hai usne, jab tumhe sandesh mil raha hoga, main tumhare jamin par land kar chuka haounga aur jab main tumhari bhumi par pahla kadam rakhunga.. meri dhadkan yahan ke fijaon me aisa raag chhedegi, jo tum sab ke dil me ehsas karwayegi ki bhay kya hota hai…
Baby:- Arre baap re.... Matlab dono ki aatma jud chuki hai kya..
Jatin:- Aatma to Nischal aur Jivisha ki shayad uske janm purv hi jud chuki ho… Kisi janm ka karj ho ek dusre par jiska bhugtan karne dono sath me chale hain… Khair yadi Jivisha apna thoda bhi roop dikha di to hum kisi guard ke najar me nahi aayenge…. ret wala chasma le lo.. hum abhi nikal rahe hain..
Jatin aur baby turant hi Nischal ko receive karne nikal gaye.. lagbhag 5 miniute unki gadi chali hogi.. tabhi aasman me kale badal chhane se lage.. hawayen bekabu ho kar chalne lagi… hawayen tej bahti hui aisi awaj kar rahi thi, mano koi attahas bhadi hansi hans raha ho… aur jis ret ke gole me Jivisha ki shaktiyon ko kabu kiya gaya tha.. wahan ke charo ore ki haalat kuch aisi thi ki mano charo ore se bawandar uth raha ho aur uss bawander ke bich Jivisha itni khatarnak hans rahi thi ki wahan maujood jitne bhi guard the sab ke sab bhay se behosh ho gaye…
Jivisha ki hansi ki gunj dur-dur tak sunai de rahi thi.. jis kisi ne bhi ye hansi najdik se suni, wo behosh ho gaya. Aur jo dur se sun rahe the, wo paglon ki tarah chilla rahe the.. har kisi ko lag raha tha ki unka dum ghut raha hai. Mahamahim aur uski puri sabha jo iss waqt darbar me thi, har koi harain tha kewal Mahamahim ko chhod'kar.. wo bhi utni hi tej hans raha tha jitni tej Jivisha.. aur hanste huye kahne laga… "Ye hui na baat.. Ye hai pratham Malkia ka jalwa… kewal jine ki shwans bachi hai, fir bhi itna jod… Rijo lagta hai samay nikat aa gaya hai"..
Rijo:- Ji Mahamahim…
Idhar Nischal ne jaise hi pahla kadam rakha, uthe bawandar aur kale badal dekh'kar seham gaya.. Usne turant apna dhyan lagaya… Kuch hi pal me wo Jivisha ke pass tha… dono ke sampark pranali mano toot rahe the… "Meri jaan tum kosis mat karo.. bus thodi der aur dhairya rakho. Aur khud ko shant karo.. main aa raha hun"..
Nischal Jivisha ko shant karwa'kar jaise hi apni aakhen khola samne se khuli jeep jaise ek wahan me Jatin aur Baby aa rahe the… Jaise hi Jatin uske samne aaya… Nischal uska gala pakad kar hawa me lete… "Sale mujhe aane me der kya ho gayi, tune meri Jivisha ka kya haal bana diya"..
Baby:- Dum hai boss… hayyy aap ko dekh kar to machle hai arman Viggo..
Nischal apne baju me dekhte… "Ye teri bahan Baby hai na.. aur ye teri half blood hai ya complete"..
Jatin:- Aree bhul bhi jate ho kya, gala se pakad kar hawa me uthaye ho.. chhodo na Viggo..
Nischal ne jaisa hi Jatin ka gala chhoda, kuch der khanskar khud ko shant karne ke baad… "Aap ki wo liquid main chupke se Malkia ko pilane ke liye bhejta jaroor tha, lekin wo piti nahi thi… bahut royi thi wo aapko lekar, jabki unhe to maine bataya bhi nahi tha ki aapke sath kya hua hai"..
Nischal:- Hmmm ! Behosh hogi wo viman me, warna jama deti wo tum sabko antriksh me..
Baby:- Viggo main pawitr patthar bhi lekar aayi hun.. kya kahte ho.. ek Zoren par bhi jodi banate jao.. bus 2 min lagenge jodi banane me.. kuch ghante maze karenge, fir aap chale jana Malkia ko bachane..
Nischal:- Abe mental .. tune Viggo puran apni bahan ko nahi sunaya tha kya.. aur tune bataya na ye half hai ya complete..
Baby:- Meri maa dusri jodi banakar gayi.. laut'kar 70 sal se dekhi bhi nahi.. Viggo jodi ke koi niyam thode na hote hain.. waise bhi aapki jitni jodi rahegi, utne hi jaldi Viggo pariwar badhega.. abhi aap akela Viggo isliye aapki kosis to yahi honi chahiye ki kaise jald se jald 1000 Viggo ho jaye..
Nischal, apne sath laye tape se Baby ka muh, hath aur paun bandhte… "Aahhh ! Ab kuch acha lag raha hai... Jatin main chahta hun tum mujhe Jivisha ke chhudane ki puri yojna batao...
Jatin:- Viggo Malkia ko mahal ke thik upar, takriban 4000 fit ki unchai par rakha gaya hai.. jiske jane ka rasta kewal Mahamahim ke mukhya kamre se hokar hai. Aap ne jaisa detail diya tha waisa reflector device Mahamahim ke ussi kamre me hai…
Nischal... Viggo Veg Pariwartak lage hai kya (wo device jisse lagane ke baad koi bhi kewal paidal chal sakta hai, yadi daurne ki kosis kiya to fridge ho jayega)..
Jatin:- Rijo ko aapka khuaff aisa hua ki usne Primos aur Aizem se takriban 40 veg Pariwartak khariden, wo bhi kewal dhatu ke badle..
Nischal:- Sale prithwi ki dhatu to chura kar le aate ho tum log aur ussi chori ke maal se yahan ka amir grah bane ho… chhodo ye sab aur batao ki ye 40 veg Pariwartak kahan-kahan laga hai…
Jatin:- Yun samjh lo ki pure Zoren me kewal jahan hum khade hain, yahan se lekar pure alpaayu ke sima me nahi laga hai..
Nischal:- Koi nahi itna to main sochkar hi aaya tha.. iske machine ko deactivate to kar sakta hun, lekin kewal ek baar.. aur koi taknik lekar aaya hai ki nahi tera shasak mere khilaf istamal karne ke liye.…
Jatin:- Haan har purani waywastha jo classified Viggo ko marne ke liye kar sakte hain, ye maloom hone ke baad bhi ki tum mar gaye ho…
Nischal:- Classified par jor kyon diya..
Jatin:- Kyonki main janta hun … aap inke kisi bhi vidhi se nahi rukne wale.. haan bus usw Pariwartak ke bare me khas pucha, matlab eklauti wahi chij rora ban rahi hogi..
Nischal:- Meri jaan ko nikalne ka plan bata..
Jatin:- Aap ke liye wo reflector kitna jaroori lagta hai..
Nischal:- Jitna ki tere Mahamahim ko marna..
Jatin:- Pahle nahi bata sakte the… isme main kya madad karun, kuch samjh me hi nahi aa raha… unn umm tu kya kar rahi hai..
Nischal:- Kuch kahna chah rahi hai shayad.. kholo usse..
Jaisi hi Baby ka muh khula… "Bhaut bade wale pagal ho, koi ladki ko aisa bandhta hai kya?"
Nischal:- Baby ji aap padesan kar rahi thi.. chaho to hum ache dost ho sakte hain.. aap meri padesani samjhiye aur koi upay ho to bata dijiye..
Baby:- Upay hai mere pass lekin pahle usse kaho plan batane..
Jatin:- Yadi aap upar 4000 fit tak pahunch jate ho aur Malkia ko jis jagah par rakha hai wahan ki suraksha ko jaise hi bhed doge.. Mahal me takriban 1 lakh sainik honge aur Mahamahim khud.. uski shakti ko najarandaj karna bhul ho sakti hai.. isliye ek baar upar gaye to ek bhrm ko aap niche bhejna aur khud Malkia ko lekar pachimi dewar se niche aa jana.. aur ek baat aap normal speed se niche utroge isliye yadi wahan lage reflector ko ek line me lakar….
Nischal:- Tu rahne de bhai.. Main samjh gaya tu kitne bade wala case hai. Normal speed se main kyon utarne laga bewakoof.. hook ke sahare gutwakarshan ka istamal karunga.. Gati Pariwartak Veg, gutwakarshan ke virudh kaam nahi karta. Wo kisi girti chij ko hawa me thode na latka dega..
Jatin:- Point hai.. ab maine thode na itni science padhi hai..
Nischal:- Baby main 4000 fit se sabko safely lekar paschim ki deewar se niche le aaunga… tumhare pass Mahamahim ke kamre se hokar upar jane ka koi tarkib hai…
Baby:- Haan hai mere pass tarkib. Main Mahamahim ki hone wali jodi hun.. ek test aamntran dekar apna kamra chun lungi.. bus aap mere sath ladki ke vesh me chalna.. wo bhi kewal meke up se, kyonki kisi ka roop badlna yahan kaam na aayega..
Jatin:- Kyon ye baat yaad dila rahi hai… rahne de.. wo roop nahi badal sakte humari tarah.. lekin makeup karke ladki bam jayenge..
Nischal.. Mere pichhe aao dono…
Nischal ne wahan apne security ko hataya, bhumi ke niche se ek rasta khula aur teeno ander chale aaye… Nichal ne Jatin ko rassi aur huk wale section me bhej diya aur khud baby ko lekar medical section me aa gaya…
Nischal:- Tum bhi taiyar ho jao… hum yahin se sidha Mahamahim ke pass pahunchenge..
Baby:- Jo humum Viggo.. kapde waigrah…
Nischal:- Wahan side darwaje se ander jakar naha lo, main kapde aur sara jaroorat ki chijen bhejta hun..
Baby:- Nahi, kaam mera nahi aap ka hai.. isliye aap mujhe taiyar karoge .. main bus nahakar aaungi..
Nischal:- Matlab antim shwans tak mera test logi kya...
Baby:- Jiska itihas aur classification padhti aa rahi hun.. usse samne se janne ka mauka mila hai aur haan aap bhi bina kapdon ke rahoge to jyada acha hoga… madad ke badle ye chhoti si kimat.. ..
Nischal:- Hmmm ! Thik hai.. aao fir..
Baby bathroom me gayi, idhar Nischal hospital ke dwar par jakar pani ki achhi fuhar me jabardast nahaya.. aur nange hi khade hokar, computer par multiple command dene laga..
Itne me baby piche se aakar Nischal se lipat gayi… Baby ko aisa laga jaise wo kuch pal hawa me gayi uske hath paun apne aap uth rahe hain aur chehre par sine par halka brush chal raha hai. Sab kuch itna teji me ho raha tha ki usse kuch pata bhi nahi chala…
Jab sab kuch shant hua to Baby aaine ke samne khadi thi aur thik uske pass ladki ke vesh me Nischal khada tha.. Baby hairani se usse dekhti hui… "Kam se kam kuch pata chalne layak to karte... Jaldbaji me kahin sab kuch to na kar gaye"..
Nischal:- Sabkuch matlab
Baby:- Wahi sambhog ..
Nischal:- Kamal ke ilzam hai.. medical section me hi ho, kaho to test kar dun..
Baby, apne ghutne par aati… "Maaf karna Viggo, aap ko pane ki chahat aur ek Viggo ko apne pass dekhkar shayad mansik santulan kho chuki hun.. kisi Viggo ke sath hona to mere uss waqt ki khwish thi jabse Viggo ka itihas padhi thi…
Nischal:- Kamal hai ek kurur ke itihas se tum itna romanchit ho…
Baby:- Koi-Koi kurur hi kewal apni jodi ke liye pagal hota hai Viggo. Itihas hum jase logon ne hi likha hai aur main sochne ke liye swatantr hun… isliye koi mujh se yah tark mujhe yah yakin nahi dila sakta ki Viggo ek kurur prajati the.. Itihas likhne wala itihaskar kuch baten apni ore se jod ya ghata bhi to sakta hai..
Nischal:- Jab aisi baat hai to uss Itihas ke kewal kuch baton par yakin kyon, jisme likha tha Viggo ki kewal ek jodi hoti hai…
Baby:- Bilkul wah baten bhi jhut ho sakti hai… lekin aap ne unhe sach sabit kiya…
Nischal:- Ye sach dikhawa bhi to ho sakta hai Baby…
Fabulous escape bhaiUpdate:-82
Baby:- Aap me koi chhal nahi tha Viggo isliye shayad aap ki maa ne aap ko Nischal pukara tha… baki maine bahut duniya dekhi hai Viggo, aap itne bade chhaliya to nahi hain jo mujhe vivas kar de yah sochne par ki ek purn nagn ladki jo aap ko kaam vash me kar rahi hai aur aap ki chetna kewal apni priyasi ke dhyan me lagi ho… Yahan ki bhumi par utarte hi kewal usse wapas lane ka soch rahe.. kya khatra hai, khud ki jaan bachegi ki nahi.. kitne hathiyar honge unki koi fikr nahi… aap rahne do Viggo, aap jabardasti khud ko chhaliya kahte raho lekin wo kabhi aap ho nahi sakte…
Nischal:- Bus bhi karo aur mere bare me mujhe mat samjhana.. uss khatarnak ko safai dena jise bachane ja rahe hai.. wi mujhe to maar nahi sakegi, lekin tumhe marne me wo waqt nahi lagayegi.. yadi apne bich jo hua usse pata chal jaye to..
Baby:- Malkia ka intro to kafi khatarnak hai.. rahne do jab main unse milungi.. khud hi pura vision dikha dungi.. paap to nahi tha mere man me, aage unke nyay karne ki kshmta.. unse bhaybhit hokar kyon jhut bolna..
Niachal:- Best of luck..
Jatin ka bhi kaam ho chuka tha.. teeno jald hi bahar nikle aur chal diye apne mukhya kaam ke liye.. aage Jatin chal raha tha, piche se baby aur uske sath usko sawarne wali uski sewika. Baby ko ghayal karne wale look me dekh'kar pura darbar hi uske ore dekh raha tha.. tabhi Mahamahim protocol lete huye uthkar Baby ke pass aaya aur ghutno par baith kar apna hath aage badhate huye… "Mujhe suchna bhijwana tha na Sangini.. main khud aata lene"
Baby:- Aap humare Mahamahim hai.. aur main ab bhi kewal hone wali jodi.. apni-apni maryada hai..
Mahamahim:- Jatin tumhari bahan bhi tumhari tarah kusal hai. Kya kahte ho Rijo..
Rijo:- Ji Mahamahim aapka chunaw shresth hai.. waise Shasika ke sath ye mehman kaun hain..
Baby:- Ji jab se aap ke sath jodi ka suni hun.. inhi ki salah se sajti sawarti hun.. aaj inhone hi mujhe sajaya hai..
Mahamahim:- Aap me achhi shasika ke sabhi gun hai. Kab kya karne ka aur kis kaam ke liye uchit logon ki jaroorat hai.. iski achhi pahchan hai. Aaeye humare sath..
Mahamahim ne Baby ko apne sath bithaya aur uske pass aakar Nischal khada ho gaya. Tabhi Baby, Mahamahim ke kaan me kuch kahi aur Mahamahim ke chehre ka bhaw badal gaya.. wo apne darbar ka kaam chhod'kar baby ko lekar chal diya aur baby ke sath Nischal..
Mahamahim:- Test ki tum gawah bhi rakhna chahti ho..
Baby:- Ye gawah nahi hai mere malik, ye to mere tarike ko dekhkar mujhe aap ko khush karne ke naye tarike batayegi.. aap naye anubhaw ke liye budhe ho gaye hain kya..
Mahamahim, uchhalte huye…. "Fir to main bhi issi se naye tarike sikh lunga.. mukabla barabari ka hona chahiye"..
Baby:- kyon nahi..
Mahamahim, Baby ko ek kamre me laya.. kamra dekhte hi Baby… "Nahi pasand.. koi aur kamra dikhaeye"..
Mahamahim hanste huye… "Lagta hai jodi ke nakhre utana sikhna hoga".
Baby:- Aap ko iss kala me to main akeli aapko mahir kar dungi..
Mahamahim ko purn rijhane ka kaam chalu tha. 1 aur kamra badlne ke baad, Dono apne padaw tak pahunch chuke the.. jaise hi baby kamre ke ander aayi, Mahamahim ko chumte huye apne kandhe se dress ko sarkar kamar tak lati, upar se topless ho gayi.. Mahamahim, uske stan ko hathon me lekar… "Ye kitne aakarshit kar rahe… Abhi bahut se kaam adhure chhod aaya hun… jabtak aap ye kamra bhraman kijiye ya chahe to upar jakar Malkia ko dekh aaeye.. jise aaj tak maine kisi ko dekhne nahi diya"..
Baby, muh banakar apne kapde kandhe me dalti… "Usse kyun dekhun.. mujhe aap ko dekhna tha to aap bhag rahe hain"..
Nischal:- Ji meri jigyasa hai ek baar Malkia ko dur se hi dekh lun..
Mahamahim:- Ab to mehman ne bhi kah diya.. aur inke kaam ka bhugtan samjh kar mil aaeye, jabtak main kaam khatm karke, yahan purn roop se taiyar milunga..
Baby:- Sine me arman ki kami hai aapme .. thik hai aaeye main jara kamra ghum'kar, uss Malkia se bhi mil aati hun..
Mahamahim apne machlte arman ke sath medical section me pahuncha aur apne doctor se josh vardhak dawa lakar sidha darbar me pahuncha… darbar me Jivisha ki aaj ki harkat par baat chal rahi thi, jab Baby pahunchi thi…
Mahamahim dawa ka sewan karke 15 minute hone ka intzar kar raha tha aur gudgudate arman ke sath har kisi ki baat sun raha tha..
Rijo:- Mahamahim, jo pratham Malkia ki shakti ko purn roop se dekh chuka hai, uska darbar me aakar wapas jana kuch ajib nahi lag raha…
Mahamahim gusse me… "Rijo mat bhulo wo Vises me auhde par hai"
Rijo:- Mahamahim mujhe sajis ki bu aa rahi hai.. Jo Malkia kitne mahino se boli nahi, wo aaj chetwani bhadi hansi hans rahi thi… Jatin ko aaj ki ghtna ko lekar humare sath vichar vimarsh karna chahiye tha, to apni bahan ko lekar aaya aur uske sath darbar me aisi aurat aayi, jiski koi pahchan nahi..
Mahamahim:- Rijo sabko alert bhejo.. kahin koi galatfehmi na ho, isliye mujhe aage jane do…
Itne me hi wahan ka alarm baj gaya.. ye kamre se chori ka alarm tha.. "Rijo ye bahar nahi jane chahiye, reflector device usne abhi-abhi chori kiya hai. Mujhe khud aage jana hoga"..
Idhar Mahamahim ke jate hi… "Ye batao yahan ke lift ko kitna samay lagta hoga upar se niche jane me"…
Baby:- Upar se niche hokar aati hun tab pata chal jayega.. bewakoof..
Nischal:- Thik hai suno.. main upar jata hun, jaise hi lift niche aaye, tum ye reflector uthana aur sidhe upar chali aana..
Baby:- Dhyan se kuch gadbad hui to main adhure khwab ke sath hi mar jaungi..
Nischal:- Jiske pass dimag hota hai wo bal par bhadi par hi jate hain... tum nahi marogi.. best of luck..
Nischal upar gaya aur lift ko niche bhej diya… Upar ke behosh guard jo abhi-abhi hosh me aaye the, Nischal ko dekh'kar usse ghurne lage.. Nischal ko khyal aaya wo to alag hi roop me hai.. Khair wo apna bhesh badlne se pahle dono ko wapas se behosh kar diya..
Jaise hi uss ret me pahuncha, wahan ka tapman kam se kam 1000⁰ celcius ke aas pass hoga.. soch'kar hi uski ruh kanp gayi… Jivisha ke ore dekhne ki himmat hi nahi hui, tabhi bebas hi awaz aayi.. "yun najren na fero, aur jyada dard de jayega"..
Nischal ke aashu jhar-jhar karke bahne lage, lekin garmi itni thi ki wo aakhon me hi Sukh jate.. Baby bhi abtak upar aa gayi thi.. Nischal usse apni jagah thehar jane ke liye kaha aur pahle to usne lift ko niche bhej'kar uske sare connection cut kar diye.. fir sabhi heat reflector ko wahan se hata kar niche feka aur kone se hokar baby ko tay jagah tak pahunchne ke liye kaha...
Nischal, Jivisha ke pass pahunch'kar, apni najar utha'kar Jivisha ko dekha… uske rukhe se hont par muskan thi.. kale pare jhulsa chehra khila hua lag raha tha aur dono ek dusre ko dekhte huye honth se honth laga'kar chumne lage..
Lagbhag 5 minute tak dono ek dusre ko chumte rahe. Nischal uss se alag hokar Jivisha ko uski dawa pine ke liye diya.. Jivisha me itni jaan nahi thi ki uska hath bhi uth sake.. Nischal ne uska sar apne gode me rakhkar, wo dawa pura pilaya aur uske janjir ko jhatke me todte huye baby ke pass tak lekar gaya.. "Baby, iske sar ko gode me lekar baitho"
Nischal, Baby se apni baat kah'kar, pachimi deewar se rassi ko fasa'kar, usme huk waigrah tight karke, sabhi prakriya purn kar chuka tha, bus dono ko lekar niche kudne ki der thi. Wahin Jivisha jamin me leti Nischal ko dekh'kar bus muskura rahi thi.
Nischal nikalne ki purn taiyari kar chuka tha... uska dil abhi Jivisha se lipatne ka bhi ho raha tha, kintu dimag ke ander kuch aur hi chal raha tha. Aur apni iss soch ko aur pukhta karte huye Nischal ne Mahamahim ke kamre se churaya reflector device ko apne pichhe pith par tanga, aur wahin ret par khade hokar intzar karne laga…
Lagbhag 15 minute baad Mahamahim ussi lift se sabse pahle upar pahuncha, uske thik sath me Rijo aur pichhe se 10-12 sainik. Jaise hi Mahamahim dikha, Nischal gusse me uski ore badha aur usse gale se pakad'kar hawa me uthate...
"Jo jahan hai wahin rahna, warna iska gala nichodkar vocal cord ki pipe nikalne me waqt na lagega. Sorry Mahamahim ek purana wada pahle pura kar lun"..
Nischal apni baat kahte huye dusre hath se Rijo ko hawa me uthakar, niche sine par ek jor ka laat mara. Rijo ki gardan, ander ke kayi tarah ke pipe sahit Nischal ke hath me aur dhar jakar diwar se chipak gaya… "Tujhse kaha tha na Rijo agli baar dikhega to main itna mehrban nahi rahunga aur mera kahar dekhne ko milega"..
Mahamahim, Rijo ki haalat dekh'kar sakte me aa gaya. Uske sainik 10 kadam aur pichhe chale gaye aur baki sainik ko aane se rokne laga… idhar nichal Mahamahim ko dekhkar, gusse se laal aakhen kiye wahan ke temprature ka jayja liya… thoda normal dikha raha tha..
Nischal uske chehre par thukte huye… "Ye kyon bhul gaya ki jis device ki madad se tu dusron ki shakti apne ander leta hai, wahi device teri shakti bhi niskriya kar degi. Lekin tu dar mat gandi nali ke kide… tune meri jaan ko yahan 2 saal jhulsaya hai aur iske jaisi na jane kitno ko.. jakar yudh ki taiyari kar.. apni jaan ko main thik karke, yudh ke liye 5 din purv sandesh dunga, aur uss din main tumhe ehsas karwa dunga ki apni purn shakti ke sath bhi tu itna hi bebas hoga, jitna abhi hai.. meri jaan ne aaj hi yudh ke taan chhed di hain.. tu jitni taiyari kar sakta hai kar le.. diya waqt"..
Jaise hi Nischal ki dahar samapt hui.. Baby siti bajati hui kahne lagi… "Jyada bole to bechara tunhari baton ke dar se na mar jaye.. sala napunsak Shasak".. Nischal ne baby ko reflector apne pith par bandhne kaha, aur Jivisha aur baby ko kandhe ke piche latkakar, Mahamahim ko fenka aur khud chhlanga laga diya..
Jabtak Mahamahim kuch karne ki sochta kafi teji se teeno niche ja rahe the… Jamin aane se kuch der pahle apne huk ko dhire-dhire tight kiya. Unki gati dhire-dhire ghat'ti chali gayi. Teeno jamin par the aur dare huye sainik ghati ke ore badh rahe the..
Marvelous update bhaiUpdate:-83
Nischal, Jivisha ko gode me utha'kar Baby ke piche chal diya… "Andhera hone wala hai, hume jald se jald iss ilake se nikalna hoga".. Baby gadi ka cover hata'ti kahne lagi..
Nischal, Jivisha ko lekar baith'te huye.… "Chalo fir nikla jaye iss ilake se"..
Jivisha, kuch bolne ki stithi me nahi thi isliye wo bus Nischal ko ek tak dekhe ja rahi thi.. Nischal, Jivisha ke chehre ko apne hatho ka sparsh dete… "Chirag aur Aarsi mast khel rahe hain iss waqt wo bhi puri aajadi ka luft uthate. Isliye unki chinta mat karna."
Jivisha kisi tarah se muskurakar apni aakhen mund lee, aur ek baar jab aakhen band hui tab dhire-dhire band hoti chali gayi.. Nischal Jivisha ki band aakhon ko dekh'kar vyakul ho utha…
Nischal:- Baby hum kitni dur aa gaye hain..
Baby:- 3 kilometer aa chuke hain Viggo, 20 kilometre ki lagbhag duri aur rah gayi hai..
Nischal:- Yahan se aage ka rasta tunhe pata hai kya..
Baby:- Haan bilkul sidhe issi disha me…
Nischal ne baby ko gadi lekar wahan jadi pahunchne ke liye bola aur khud Jivisha ko lekar daud laga diya.. Bus minute bhar se bhi kam waqt laga aur dono viman me ander. Nischal medical section me aaya aur Ansh ko call karne laga..
Ansh aur Nandni jo apne kamre me Jivisha ke aane ka intzar kar rahe the, jaise hi unhone Nischal ki awaz suni, dono daud'kar wahan pahunche.. Ansh teji ke sath Nischal ke pass pahuncha, wahin Nandni dur se hi apne dost ki haalat par subakti hui badhne lagi…
"Nandu bilkul bhi awaz mat karna aur jarra bhi rona mat. Acha suno please ek kaam kar do, bahar Jatin aur uski sister aane wali hai.. unhe ander le aao. Ansh tumhe invitation dun kya, check up shuru karo"..
Ansh:- Kya haalat kiya hai iska..
Niachal:- Ansh hum abhi medical section me hain, please bhawnaye baad me vyakt kar lena… jaldi se condition report do..
Ansh fatafat command deta gaya aur puri report samne thi… "Nischal, Jivisha ki haalat tum se bhi worse hai.. aisa lag raha hai jaise har body organ ander se jhulas kar kala par gaya hai. Ye agar jinda bhi rahi to kewal medical assistance ke dum par hi"..
Nischal hanste huye… "Yadi main kahun ye 1000⁰ celcius ki heat ander se bahar tak jhelti aayi hai pichhle 2 sal se"..
Ansh, apna kaam karte.. "Haan medical miracle ke kayi examples main dekh to chuka hun. Kuch higher antibiotics chahiye aur aur steroids bhi.. quick"..
Nischal:- Samne table par Pahunch gaya.. isse analgesic mat dena…
Ansh:- Bina pain control ke, condition stable kaise karunga..
Nischal apna liquid taiyar karte… "Slow iv main pain killer aur kuch supportive enzyme de raha hun.. bus 30 sec me pain control hoga".
Ansh:- Human body test to kiye ho na iss liquid ka…
Nischal:- Haan baba..
Dono apne-apne hisse ka kaam kafi teji se kar rahe the… lagatar monitoring ho rahi thi.. condition lagatar unstable bani hui thi. Lagbhag 4 ghantey bit chuke the… Nandni bus ek baar aayi thi aur Jivisha ki haalat dekh'kar besudh hokar kamre me padi rahi..
Nischal analgesic ki liquid Ansh ko dete huye kahne laga… "main kuch der ke liye bahar ja raha hun… agar lage ki analgesic dena hai to slow iv de dena".. Ansh ko samjhakar Nischal kitchen area me aaya aur fatafat sabke liye khana taiyar kar sabko khane ka sandesh bheja..
Nischal wapas medical section aaya aur Ansh se dawa ke bare me samjhakar usse aaram karne aur subah aane ke liye kahne laga.... sath hi Nandni ko samjhakar khilane ke liye bhi bol diya..
Jatin aur Baby pahle se kitchen area me thi. Ansh kisi tarah Nandni ko bhi taiyar karke khane ke liye le aaya. Wo yun to khane ko taiyar nahi thi, lekin Ansh ke hathon se kuch niwala khane ke baad bus kah di.. Ansh ne bhi thoda sa khaya aur pani me halki nind ki goli dal'kar Nandni ko pine ke liye kah diya.
Thodi si kosis aur Nandni ne wo pi liya. Ansh, Nandni ke sath wahan se chala gaya aur jaise hi dono wahan se gaye… "Ye dono kaun the Jatin"..
Jatin:- In dono ki shadi hone wali thi lekin shyad ab tak hui na...
Baby:- Tumhe kaise pata ki inki jodi lagne wali thi, lekin lagi nahi..
Jatin ne fir visual me sare diffrence dikha diya, ek ladki shadi ke pahle aur shadi ke baad. Chijen samjhne ke baad baby puchhne lagi… "Malkia ki bahan hai kya ye"..
Jatin:- Koi blood ralation nahi hai lekin pure realtion hai. Aur ye jo ladki hai na Nandni, iska bhi pure relation hai Viggo ke sath aur Viggo issi ladki ke sath rahte the..
Baby:- Aisa bhi hota hai kya…
Jatin:- Prithvi par bahut kuch apne yahan se alag hai baby.. yahan blood realation se jyada emotions ke relation kaam aate hain. Wahan power kisi ek ke hath me nahi hota, balki niyam se bandhe log hote hain aur gunaah sabit hone ke baad har kisi ko ek taraju me taula jata hai, fir wo Mahamahim ho ya Rijo..
Baby:- Rijo.. Hihihihihi.. ruko visuals dikhati hun..
Jaise hi Rijo ka visuals Jatin ne dekha… "Wo Apini ab jamin me ghus gaya hoga.. Viggo ke hath se kayi baar bach gaya hai, lekin anth uska bhi najdik hi hai"..
Dono bhai bahan kuch der ki baat chit ke baad sone chal diye. Subah ke lagbhag 8 baje Ansh pahuncha.. Nischal ab bhi jaag raha tha, aur baar-baar moniter kar raha tha… "Thodi der aaram kar lo, condition pahle se behtar dikh rahi hai.. stable hote hi inform karta hun"…
Nischal Ansh ki baat man'kar wapas aa gaya aur Sabko ek baar dekhne laga.. Nind uski aakhon se koson dur thi isliye thoda sa kha'kar wo bhi turant wapas aa gaya.. minute-minute karke ghantey me badal gaye, ghanta kab din me badla pata nahi aur ek-ek din kar'ke 6 din bit gaye… in 6 dino me Nischal ne ek bhi din apni palken nahi jhapki thi..
6th day ki subah hi khushi ka sandesh aaya, jab ansh ne lagbhag 2 ghante moniter ke baad Nischal se kaha tha.. complete stable condition me hai filhaal to hai…
Niachal:- To ab meri jaan ko tandrust karne ka waqt aa gaya hai… Ansh needle command section me deep fridge needle hai, usse please select karo… Nischal ne jaisa kaha Ansh waisa hi karne laga.. idhar Nischal ne Jivisha ke badan se pure kapde alag karke pure body par liquid lagane laga… "Arre yaar aisa kuch karne wale ho bata to dete"..
Nischal:- Khud ko doctor mante ho to ruko warna chale jao.
Ansh ne kuch nahi kaha bus apna kaam karte raha.. pura badan aisa kala tha ki Ansh bina haath lagaye rah nahi paya… "complete skin dead hai Nischal"..
Nischal:- Haan janta hun.. kya tum mera ek kaam karoge, Nandu ko bula lo uske jhatke ki jaroorat paregi..
Ansh ne announce section se awaz dekar Nandni ko bula liya.. pahle to usse bhi harani hua ki usse kyon bulaya gaya lekin baad me Nischal ne jab kaha ki uski jaroorat hai yahan tab jakar wo ruki.. Nandni bhi kewal uske jali hui puri skin ko hi dekh rahi thi.. idhar Nischal aage ke liye pura taiyar tha…
"Doctor, hurt rate maintain karna tumhara kaam hai.. bijli ke jhatke Nandu ke pass se tumhe mil jayenge… heart rate jaise hi down ho mujhe bata dena…
Nischal apni baat kah'kar needle command diya aur dekhte hi dekhte khas tarah ki needle Jivisha ke pure badan me thi… nichle ne fir aage process shuru kiya.. Nischal temprature down karte body temprature ko 35⁰ celcius lekar aaya, fir dhire-dhire 20⁰ par laya... Ansh ne rukne ka ishara kiya.. aur der ruk kar monitor kiya…
Down heart rate, kuch der me hi maintain ho gaya.. aise hi down karte huye Nischal ne temprature -1⁰ par lekar aa chuka tha… Ansh ke samjh se pare tha… "Yaar tum to ander se jama doge.. ye ab tak jinda kaise hai"..
Nischal:- Ye -100⁰ tak to aaram se jinda rah sakti hai.. bus uske niche ka pata nahi..
Ansh:- to kya tum -100⁰ tak lekar jane wale ho kya..
Nischal:- jaroorat nahi hai uski.. -5⁰ par hi kaam ho jayega.. dono taiyar ho…
.
Dono ne haan me sar hilaya aur Nischal ne fir se temperature drop karna shuru kiya.. -5⁰ tak pahunchte pahunchte na jane kitne jhatke dene pare honge lekin -5⁰ par bhi heart rate normal tha, sabhi organ stable the aur blood flow bhi normal tha… "Ho gaya doston .. bus kuch der aur do... Fir main bhi jaunga sone"..
Nischal ke kahne par dono chale gaye.. Needle lagatar Jivisha ke body me thand banaye tha aur upar badan me laga liquid ke ore Nischal dekh raha tha.. Jaise hi wo liquid Jivisha ke badan par failna shuru hua.. Nischal ko samjh me aa gaya ki upar body heat ho rahi hai...
Final process ka waqt aa chuka tha.. Nischal hospital ke pure bed section ko move karke washroom me le gaya aur Jivisha ke upar wahi liquid ka shawer dene laga.. dhire-dhire upar ka temperature bhi minus karte .. 40⁰ tak pahunch'kar chhod diya..
Screen monitoring lagatar chal rahi thi… recovery cells aise jage fir to Nischal ne finalyl jahar mishrit liquid, drop box me dal'kar, needle ke jariye sidha sarir me supply karne laga laga..
Aisa laga jaise sanp apna upar ka skin utar leta hai thik waise hi hone laga… Nischal ne turant needle ko uske body se hataya aur pura medical support hatakar Jivisha ko wahin -40⁰ me chhod diya aur bada sa sandesh likh'kar wahan se chala aaya…
Ander Jivisha -40⁰ par nahate huye, achanak hi khanste aur ultiyan karne jagi. Ander se bhi kewal kali parat hi nikal rahi thi. Aakhen jab khuli, khud ko bathroom me payi… badan pura halka aur mood fresh lag raha tha.. aisa laga jaise kayi dino ke gahre neend ke baad jaag rahi thi..
Jab sharir nirog hua to bahut se chijon ko sochne ki chetna bhi jaagi. Bite 2 salon ke kewal kuch dhundhli si yaden hi thi bus, aur kuch nahi… Jivisha charo ore dekh'kar samjhne ki kosis kar hi rahi thi, ki tabhi Nischal ka sandesh bajne laga..
"Hey Jaan, pichhle kayi dino se main soya nahi tha, aur main nahi chahta ki aadhe jaage aur aadhe soye me main tumse milun… mujhe ek gahri nind ki jaroorat hai. Nandu aur Ansh bhi yahin hain wo, tumhare har sawal ka jawab de denge, isliye sochne par jyada jor mat dena, abhi tum kuch kamjor ho. Ek baat aur, tumhare kuch sawalon ke jawab viman me maujood humare mehman de denge.. Mehman hai aur shuru se humare sath hain, isliye ache se pesh aana.. ab tum aaram se taiyar ho jao aur medical section se apna drink leti jana"..
Awesome update bhaiUpdate:- 84
Jivisha, Nischal ka sandesh sun'kar muskurai… "Love you mere hero.. par ye kya baat hui, meri itni sewa ke baad khud hi chale gaye sone.. ye bhi na soche ki hosh me jab rahungi to kitni bekarar rahungi tumhe dekhne… koi baat nahi.. abhi aaram kar lo, jabtak main Nandu se mil leti hun"..
Jivisha khud se baat karke muskurai aur chahkti hui taiyar hone lagi…. Apne liye bhadkile rang ek khubsurat libas select ki, jiska top narrow aur kamar me niche full ghera banate niche paun tak tha...
Hathon me laal rang ki chudiyan, kano me badi-badi baliyan, halka laali powder jo dawa ke karan hone wale glow ko thoda aur nikhar de. Jivisha apna energy dring 4 ghunt pine ke baad usse apne shoulder bag me rakhti, bade pyar se lahrate hui kahne lagi… "Mere janu ne jo mere liye aaram-dayak baggi banayi hai usse bhej de please"..
Bus kuch pal intzar aur baggi uske samne the. Jivisha baggi me baith'te…. "Computer ji, mere love apne kamre me aaram kar rahe hai.. bina unhe distrub kiye, unke kamre me chalen"…. "Acess denied"…. Jivisha ek baar fir… "Computer ji please, main unhe jagaye bina bus thoda pyar aur dular karke chali aaungi…. "Jhalli, Nandu aur Ansh se mil... Jhalli, Nandu aur Ansh se mil"… "Sale computer teri to.. Nischal se bol'kar tujhe replace karwa dungi. Chal meri Nandu ke pass"…. "I too love Nandu, wo bahut decent hai aur tunhari tarah mujhe dhamki nahi deti"
Jivisha hasne lagi. 6 mahine ke traning ke dauran, Jivisha jab iss viman me aaya karti, tab Nischal se tarah-tarah ki farmayshen kiya karti thi… Earth ke halke aur majboot dhatu ke karan iss Viman me Nischal pahle hi bahut se badlaw kar chuka tha, uske baad earth ki technology se apni technology ka aisa samgam karwaya, ki yahan ki technology pahle se 20 guna jyada upgraded ho chuki thi, jisme se ek tha ye computer se baat chit…
Computer se bahas karne ke baad Jivisha control room ke pass wale hall me pahunchi… Jahan sabhi log baithe huye the. Jivisha ko dekh'kar Nandni uski ore daur kar bhagi… dono ek dusre ko dekh'kar jor-jor se hasne lagi aur hansti hui gale lag gayi… Ansh pichhe se khada… "Hume bhi to gale laga lijiye sali sahiba"…
Jivisha hansti hui… "Puch kar gale nahi lagte, jinhe bhadosa hota hai wo aa kar apni khushi jahir mar dete hain, samjhe doctor babu"..
Ansh:- Ji yaad rakhunga ye baat…
"Hay ye adaa, kafi gore chitte ho gaye hain doctor sahab"… Jivisha muskurati hui apni baat kah'kar Ansh ke gale lag gayi aur uske kano me dhime se kahne lagi…. "Aap ka ye naya roop pasand aaya"…
Jivisha ab tak Nandni aur Ansh se hi mili thi, aur milne me iss prakar vyast thi ki dhyan 2 mehmano par nahi gaya… khushi ke pal thode se jab samanya huye, aur Jivisha ki najar jaise hi Jatin par gayi…. "Iski to.. computer ji isse hawa me latkaya jaye"..
Jaise hi Jivisha ne kaha, Jatin apna hath paun failaye hawa me akad gaya…. Minnaten karte Jatin kahne laga… "Malkia, main to aapke sath hun"..
Jivisha gusse se usse ghurti hui, apni dono aakhen sikod kar…. "Bhantay, tujhe to pahle bhi mana ki thi na iss boaring naam se mujhe nahi pukarne.. computer ji jara 2 thappad lagaya jaye.. thode gusse wale, aur thode kam asar wale.. lekin panja chhape galon par"..
Hawa me hi Jatin ko 2 thappad pare aur panje ke nishan chhap gaye uske gaal par… Nandni Jivisha ko aakhen dikhati… "Ye computer ki aad me tu uss se khelna band karegi, niche utar abhi"..
Jivisha:- Computer ji lagta hai Nandu ko meri baten mazak lag rahi hai.. apne hone ka saboot den..
Computer:- Ye ladki aedi ho gayi hai.. main bus command aur control dekhta hun.. hawa me uddana mere bus ka nahi.. hawa me panja chhap lagana mere bus ka nahi.
Jivisha:- Computer ji aap ki juban bahut tej chalne lagi hai.. mute ho jao..
Computer:- Sach ko chup karane se sach chup nahi hota. Tum achhi ho Nandu.. I love you..
Ansh:- Abe ye meri maal hai..
Computer:- To maal ko sambhal bhau… main to apne dil ka haal bata raha tha…
Nandni:- Jisa ye feature bhi hai ise jagah me, mujhe kabhi maloom hi nahi chala…
Jivisha:- Computer ji iss nalayak Jatin ko niche utareye, aur aap yahan maujood the, iss baat ki jankari Nandu aur Ansh ko kyon nahi..
Computer:- Acess denied.. Jawab nahi mil raha.. access denied..
Ansh:- Tum yahan ho Jivisha, lekin Nischal kahin najar nahi aa raha…
Jivisha:- Meri jaan aaram kar rahe hain.. unhe rest karne dijiye jiju.. lekin iss waqt jo mere najron ke samne hai.. ek hot si ladki jo iss mahol me khud ko garib sabit karti hui.. bilkul kona pakde chupchap baithi hai, wo kaun hai…
Baby, apne ghutno par jaise hi aayi… "Computer ji iss ladki ko apne dono paun par khada kar dijiye, aur yadi usne mera wo boaring sa naam lee, to mute kar dena. Haan tum aaram se kadhi hokar ya baith'kar kaho, ye ghuntno ki pratha to humere yahan sadiyon pahle khatm ho gayi"..
Baby:- Main Baby hun, Jatin ki bahan..
Jivisha:- Maaf karna wo main iss nalayak se thode gusse me thi, isliye 2 thappad laga di.. mujhe laga isne mujhe, mere bete aur bahu ko dhoke se chhla hai aur jabardasti yahan lekar aaya..
Baby:- Meri ore se bhi 2 lagana tha na.... Malk.. maf karna ab kya kah kar pukarun samjh me hi nahi aa raha..
Jivisha:- Arre yaar.. naam lene me itna atak kyon rahi hai Baby… Jivisha kah lo.. samjhi.. lekin Malkia mat kahna..
Baby:- Wo kya hai na aap itni badi shaksiyat hain, naam lena to chhodiye aap ke samne khade rahne me bhi hichak rahi hun..
Jivisha:- Acha, par jahan tak mujhe yaad hai tumne mere sar ko apne gode me rakh'kar, mujhe wo drink pilayi thi na.. jab uss waqt main badi hasti nahi thi, fir iss waqt aisa kyon samjhna…
Baby:- Wo to Viggo ne kaha tha isliye, main wo pila rahi thi.. warna hichak to uss waqt bhi thi…
Jivisha:- Dost ab ek hi baat par baar-baar bahas nahi karna mujhe, yahan aaram se raho, sab kuch apna samjho, siway humare hone wale patiyon ko chhod'kar.. kay re Nandu..
Nandni:- Acha par Tera hone wala to live show dekh raha tha..
Jivisha, aaschrya se muh banati… "Live show.. kahin tere ishare tere aur.."
Nandni:- Yes exactly…
Jivisha:- Teri maa ki aankh computer, abhi ke abhi uss Nischal ko bistar samet yahan lekar aao…
Computer:- Shant ho jaeye maim, Nandni ko bus chhed rahe the sir. Waise bhi wo kisi ki surveillance nahi karte.. yahan ke sare camere kisi ke romance ya private scene ko capture nahi karte… aap ne hi to pura system desine kiya tha..
Jivisha:- Tu mera chamcha hai ya uss badi si aakhon wale ka.. mujhe tu aaj bata hi de..
Computer:- Acess denied.. jawab nahi mil raha hai.. access denied..
Jivisha:- Sala Nischal ka chamcha, jakar dub mar kahin..
Computer, Jivisha ki aawaz nikalte… "Baby abhi to mujhe tumahre sath jina hai.. kayi sare action karne hai.. iss viman ke har kone se apne bachhon ki kilkari gunjegi"..
Jivisha muh chhipa'kar hansti hui kuch command di aur auto answer bich me hi band ho gaya.. computer ki baat sunkar wahan maujood sabhi prani thahake lagane lage… Jivisha jahan ho wahan pagalpan na ho, aisa bhi ho sakta tha kya…
Har koi hansi mazak me duba raha.. khushiyon ke pal ek lambe arse baad aaya tha, jise wo log har pal bhuna rahe the.. bus pichhe se thodi mayusi bhi thi Nandni aur Jivisha ko.. kayi din ho gaye the unhe pariwar se dur huye.. yaad to aa hi rahi thi sath me unka kya haal ho raha hoga uski bhi kafi chinta sata rahi thi…
Sham ka waqt tha.. din me khane ke baad thoda aram karke sabhi laut kar hall me jama huye the, tabhi Jivisha… "Iss tin ke dibbe ke ander tum log bore nahi huye kya, chalo.chakar bahar ghuma jaye..
Baby:- Jivisha, iss ilake me ghumna kafi khatrnak hai… Isliye yahan se bahar na hi jao to achha hai..
Nandni:- Ho gaya fir to… ab to super girl Jivisha khatre ko bhanp hi aayegi… kyon madam..
Jivisha:- Nah aisi koi baat nahi hai... Main to bas iss jagah ko dekhna chahti thi…
Baby:- Iss grah me kuch bhi ghumne layak nahi bacha Jivisha.. ye Mahamahim kisi grahan ki tarah hai yahan chipka hua hai.. jo khud to kabhi marta nahi lekin uski wajah se hum mar rahe hain…
Jivisha:- Aisa kyon kah rahi ho tum Baby..
Baby:- Iss manhush ka prakop hi aisa hai.. pahle humari ausat aayu 600 varsh thi.. jab se ye satta me aaya hai, ghatkar pahle 400 varsh hui, ab 300 rah gayi hai..
Ansh:- Humare yahan to log 80 paar karte hi swaha ho jate hain..
Jatin:- Hawa aur jalvayu ka asar hota hai doctor sahab. Main wahan 60 sal raha tha, agar insani urja hum apne ander nahi lete, to wahan ke climate me humari bhi ausat umr utni hi hoti... ..
"Kyon na tunhare iss jawab ke liye main tunhe mukti de dun Jatin. Insan tumhe urja ka jariya lagte hain.. achi science tumhe padhayi gayi hai".. Nischal pichhe se aate huye apni baat kaha..
"Hayyy kya lag rahe ho jaan… ji karta hai tumhe chum lun.. lekin pahle bhadas to nikal lene do.. Computer ji mere nalayak lover ko ulta tang do"…
Jaise hi Nischal hawa me gaya, apni aakhen mund kar wapas hawa se Gulati markar niche aa gaya… "Computer ji kah do meri jaan se gussa thuk de"..
"Aise kaise gussa thuk dun Haan"… Kitchen ka sara saman ek sath hawa me uddte huye Nischal ke upar .. aur Nischal uss se bhi jyada tej hota, har ek saman ko aaram se ek-ek karke pakadte huye, wapas uski jagah fenk'kar wapas arrange kar diya..
"Kya bachpana hai Jisa, sab ghyal ho sakte hain"… Nischal ne samjhaya…
Jivisha gusse me aakhen dikhayi aur Nischal ke sine par aisa dhakka para ki wo jis deewar se takraya. Wahan ke lohe ki moti chadar ki deewar, pichhe ghus gayi… tabhi Jivisha ko ek jordar tamacha para… Nandni gusse me usse ghurti… "Bus bhi karo tum dono.. koi kuch kahne wala nahi to manmani karte raho"..
Super fantastic update bhaiUpdate:-85
Jivisha:- Aree itni jor se kisne kaha chipkane..
Nandni:- Haan to tu bhi kahan sun rahi thi.. wo 2 saal se mara para tha, tu to shwans bhi le rahi thi...Nischal ki to lagbhag shwans band thi...
Nischal:- Usse pata hai Nandu sab pahle se… wo to gussa sirf isliye thi, kyonki bina uski jankari ke maine Jivisha ko yahan lane ka plan kar liya tha..
Nandni:- Idhar aao to jarra.. tum bhi..
Nischal:- Ab ho gaya na tu Jivisha ko shant karwana chah rahi thi aur wo hi gayi..
Jivisha:- Nandu faisla barabar ka hona chahiye warna mujhe lagega bhed bhaw ho raha hai…
Nandni:- Nischal abhi aao yahan..
Jaise hi Nichal uske pass pahuncha, 440 volt wala kadak thappad usse jadti hui… "Kasam kha lo tum Nischal ki aaj ke baad koi plan nahi karoge. Tumhari wajah se hum 2 salon se apne pariwar se na mile… tunhare wajah se Jivisha til-til marti rahi.. aur tumhari wajah se tunhari bahan, na jane kin musibaton ka samna kar rahi hogi"..
Nischal, muskurate huye, apne dono kaan pakad liya aur kahne laga…. "Haan main kasam khata hun.. ab chal tu bhi gussa thuk de"..
Nandni:- Hmmm ! That's better..
Jivisha:- Computer ji meri wajah se viman ko jo damage hua hai, kya usse aap thik kar sakte hai..
Computer:- O airi ladki, uss chadar ke ander kitne sari lines aur function hai pata bhi hai… ander ja'kar manually thik karo warna bulate rahna saman, kuch na pahunchega..
Jivisha:- Koi na computer ji mere janu kis Marj ki dawa hai.. Janu wahan jao abhi aur thik karo… Waise iss grah par kuch hari sabjiyan milti hain kya?
Baby:- Yahan kuch bhi hara nahi.. aur jo bache hain, mujhe to lagta hai wo bhi banjar na ho jaye..
Sab baton me vyast ho gaye… takriban 2 ghante ki mehnat ke baad, wahan ke sari chijon ka proper function check karke Nichal wapas lauta… control room jakar sab kuch check kiya aur wahin aaram se baith gaya..
Achanak hi Nischal ko Serin ka pendent yaad aaya aur wo pendent nikal'kar dekhne laga… pendent kafi khubsurat dikh raha tha jiske niche takriban 3 inch ke size ka ek hexagonal patthar ka dhancha tha.. Dekhne me kafi khubsurat aur gahre hare rang me tha..
Nichal uss ruby se dikhne wale hare patthar ko hath me lekar bade gaur se ulat-palat kar dekhne laga… "Ye Serin ka banaya hua to nahi lagta hai… banawat kafi khubsurat hai jo kisi jewar ka hissa lagta hai. Iske ander itni urja kaise jo Viman shuru kar sake"… Nischal uss pathhar ko aur bhi bariki se janch karne ke liye, hawa me rakh'kar uss patthar ko hook kiya.
Apne aakhon par magnifying glass lagakar bade gaur se uski barik banawat dekhne ke baad, achanak hi usse kuch dhyan aaya aur wo turant Mahamahim ke reflector device ko nikal kar dekhne laga… "Hmmm ! To ye raaj hai… lekin itna jatil science.. dekhna hoga ki iska nirman kab hua tha"…
Nischal ne fir parten kuredni shuru ki… Pendent me lage ruby lagbhag 20000 vrash se bhi purv banaya gaya tha… computer system 20k varshon ke purv aur kitna pahle bana tha uski jankari nahi de sakta tha…
Fir uss reflector me lage patthar ki janch karne laga jo hu-bahu Serin ke diye patthar jaisa tha, kewal rang kala tha. Uss patthar ke bhi banne ki kahani uske judwa green patthar jaisa hi tha..
Hairani to tab ho gayi jab dono patthar ke banne ki location ko dhundha gaya… Dono patthar ka nirman earth par Antartica me hua tha. Lekin ye patthar Nischal ke milne ke purv kayi grahon par ja chuka tha… Ek to in pattharon ka jatil vigyaan, upar se earth me bana patthar kayi sare grah par le jaya ja chuka tha, jo ki saaf taur par sabit kar raha tha ki purv me bani har technology sajha ki jati thi.. kintu abtak iske kahin koi prman nahi mile the..
Nischal ne sabse aakhri me in patthar ki gunwatta aur karya saili ko janchna ki shuru kiya. Kamal ke parinam nikal kar aaye. Yah patthar manav nirmit nahi, yadhpi ye prithvi ke garv se nikle the.. kayi tarah ke khanij, aur bhutal me hone wale reaction ke karan in pattharon me gun paida huye the. Isse Prakrit ka vigyaan bhi kaha ja sakta tha, jo kayi sare reaction aur certain temprature se gujarkar bana ek nayab patthar, jise lab me kisi bhi vidhi se nahi banaya ja sakta tha..
Inka prayog kafi santulit aur nischit simaon tak hi tha… Jahan Serin dwara khoja gaya green patthar ek chhota paket energy tha jo kisi bhi media me apni energy khud banane ki capacity rakhta hai.. jo maximum 1200 mega watt prati ghante tak ja sakta tha .. yadi bijli generate karne ke sandarv me ek udharahan matr liya jaye to.
Wahin Mahamahim ke reflector me laga patthar thik green patthar ka ulta tha… Ye energy ko khich kar ek media se dusre media me transfer kar sakta tha... Iski capacity ka pata kar pana muskil tha kyonki jabtak maximum energy ke bich nahi rakha jata pata laga pana muskil tha..
Nischal dono hi patthar me jaise dub sa gaya tha. Har tarah ke prayog se to saaf tha ki is patthar ka prayog kewal ek kusal Vaigyanik hi kar sakta tha, anytha yah ek khubsurat nayab patthar tha jo kisi ke gale me latak'kar uski shaano shaukat badha sakta tha…
Lagbhag janch khatam ho chuki thi. Nichal dono patthar ko dekh'kar kuch soch hi raha tha, ussi waqt Jivisha control room me pahunch gayi… "Sir kaun se sawal ka jawab dhundh rahe han".. Nischal dono patthar ko wapas high security me rakhte huye, Jivisha ko dekha aur muskurane laga…
Jivisha:- 2 ghantey se control room me ho, main 3 baar aakar ja chuki hun..
Nischal:- Pagal, apne computer ko hi bol deti mujhe yahan se uthane..
Jivisha:- Wo computer bahut dhit ho gaya hai. Ek to meri sunta nahi, upar se pol bhi khol deta hai… Hatao inhe, chalo na baby ek walk par chalte hain..
Nischal:- Haan kyon nahi.. chalo chala jaye..
Dono viman ke bahar aakar ret par thodi dur chalne ke baad wahin baith gaye… "Tumhe to thik se mayus hona bhi nahi aata Nischal"..
Nischal:- Hey Jisa tumhe kisne kaha main mayus hun..
Jivisha:- Koi kahega to hi mujhe pata chalega ki tum mayus ho… Suno baby tumne koi galti nahi ki hai, aur na hi main tumhare wajah se til-til mari hun… Nandu shayad apne ghar ko miss kar rahi hai.. aur humare wajah se fans gayi, isliye gusse me wo sari baten kah gayi..
Nischal:- Miss to tum bhi sabko kar rahi ho Jisa..
Jivisha:- Bus ab to sab kuch samet'kar unse hi milenge na.. jahan 2 sal intzar kiye hain.. 2-3 mahine aur intzar kar sakte hain… lekin tum nakam nahi huye .. bus mera Nischal dil ka saaf hai.. ..
Nischal:- Bewakoof kahte hain usse..
Jivisha apna sar Nischal ke gode me rakhti… "Apne bholepan ko bewakoofi na batao, mujhe chubhta hai. Tum jis wajah se bhi maut ke muh me gaye hoge, kisi ke viswas me hi gaye hoge. Jisne viswas toda wo uski bhul thi ki usne kya khoya, tumhari koi galti nahi thi love"..
Nischal:- Lekin sach to ye bhi hai ki Serin wahan sirf mere wajah se na jane kya-kya sah rahi hogi. Kahin wo toot na jaye..
Jivisha:- Tumne hi to bataya tha ki wo shuru se tumhare liye khamoshi se ladti rahi, khud ke pita aur bhai se, lekin tumhe kabhi pata nahi chalne di, aur na hi wo kabhi samne aayi, fir uski chinta karke usse kamjor sabit karne me kyon tule ho.. Jante ho Nischal sabke dard wala kaam kya hota hai..
Nischal:- Kya ?
Jivisha:- Jab apne hi pariwar ke log galat ho, aur uske khilaf ladna.. kayi baar mere ghar ke log sahi hokar bhi galat the lekin main kahan lad payi thi.. wo tumhare liye unse ladti bhi rahi aur na to apne pariwar ko aur na hi kabhi tumhe ehsaas hone diya… tum to samne se jakar khade ho gaye ki le lo meri shaktiyan, lekin wo kya aisa hone di… uske husle ko hans kar salaam karo Nischal.
Nischal:- Haan thik hai samjh gaya… waise kitni khamosh hai na ye raat …
"Ander se mayus rahega to raat khamosh hi hogi na.. warna yun Jivisha ko apne gode me sulaye rahta"… Nandni dono ke pass aati hui kahne lagi…
Nischal uska bhi hath pakad kar uske sar ko apne gode me lekar jod jor se thokte huye…. "So ja lalli so ja… laal palang par so ja"..
"Lalli… hihihihihi… lalli… hihihihi"… Nischal ki lori sunkar Jivisha hans hans kar lotpot ho gayi… Nandni khadi ho'kar kuch dur pichhe hati aur apne dono kaan pakadti… "Maaf kar de yaar gusse me thi, nikal gaya muh se…. Main ander se bahut guilt feel kar rahi"..
Nischal:- Pagal, bura lage ya acha lage jo bol di so bol di.. tu hi to kahti thi na ye baat..
Nandni:- Mujhe yaad nahi.. kab kahi thi..
Jivisha.. lalli ko lori gakar yaad dilao Nischal… shayad yaad aa jaye…
Nandni… Jisa apne computer ko kabu rakh … ye mera paun ret me khinch raha hai..
Jivisha… Nahi re ullu.. main kuch na kar rahi… Nischal… aaaooo..
Ek ore Jivisha to dusri ore Nandni… dono ret ke ander pura dhans gayi… Nischal teji se Nandni ke ore bhaga, lekin ret me jo bhi tha, wo tha kafi tej… Nischal apni purn gati se bhag'kar jabtak Nandni ke pass pahuncha, uske kewal hath hi dikh rahe the.
Nischal ne Nandni ka hath tham to liya lekin khinch'kar bahar nikalne ki himmat nahi hui, kyonki jis gati wo Nandni ko ret me le ja raha tha, yadi Nischal takat lagata to Nandni ko bhadi nuksan ho sakta tha.
Super fantastic update bhaiUpdate:- 86
Nandni jis teji ke sath khinch rahi thi, Nischal apna dhyan laga'kar, aakhen munda aur Nandni ke katuhal man me pahunkar…. "bilkul shant ho jao Nandu, aur jor lagana band karo. Apni aakhen mundi raho aur shwans mat lena"..
Nischal pura dhyan laga'kar Nandni ke dimag ko kabu kiya.. usse shant rakha….. aur ret ke ander teji se uske barabar aate huye, uske naak ko daba kar, muh se muh laga'kar usse shwans dene laga…
Nischal ab bhi uske dimag ko shant karke shwans diye ja raha tha… takriban 5 minute tak ret me ghusne ke baad Nischal ko aisa laga ki wo hawa me hai… turant hi usne Nandni ko apne hatho se upar uthaya aur khud niche dharam se gir gaya… charo ore ghanghor andhera aur kewal sapon ke fufkar ki awaj aa rahi thi… "Nandu tu thik hai"…. "Nischal, mujhe kuch dikh nahi raha.. bahut dar lag raha hai"..
Nischal:- Dar mat, main hu na…
Nischal ne Nandni ko apne kandhe par rakh'kar usse pakda aur apni aakhe mundkar fir se dhyan lagaya.. uska dimag jaise Nandni ke charo ore ghum raha ho.. Nischal ko charo ore ka najara bhi saaf dikh raha tha..
Charo ore kewal sanp hi sanp the.. kayi sanp Nischal ke paun ko das rahe the, to kayi uske paun se mans noch rahe the. Nischal lekin apne jagah par khada, apna pura dhyan Nandni par lagaye huye tha..
Tabhi kayi sapon ne ek sath hawa me uchhal'kar Nandni par humla kiya. Jaise hi Nandni par sapon ne humla kiya, Nischal apne puri raftaar me aaya… sapon ke humla karne ki gati aisi thi ki wo yadi ek sath 1000 ki tadat me bhi humla karte, to bhi Nischal ko koi fark nahi parna tha…
Nischal apni puri raftaar se charo ore hath ghum'kar, ek sath sabhi sapon ko jamin me girakar dharasahi kar chuka tha…. "Dekho, tum alpaayu ho ya kya ho, mujhe nahi pata, kintu tum jo bhi kar rahe ho, bahut galat kar rahe ho. Please ye humla rok do, hum aapas me baith'kar baat kar sakte hain"
Nischal lagbhag minnate karte huye kaha, lekin humla aur bhi teji se hone laga… Nischal lagatar uss andhere me Nandni par ho rahe humle ko rokte…. "Maine kaha bus bhi karo tumlog, humne tumhara kya bigara hai"… Nischal ne ek aur kosis ki, lekin humle ki gati me kami aane ke badle briddhi hoti chali gayi.
Nischal:- Yaar Nandu, bade dhit hai ye..
Nandni:- Mujhe to kuch dikhai nahi de raha Nischal, tum kis se yahan baat kar rahe ho…
Nischal:- Ab ye jo koi bhi ho iss andhere me to inse nahi nipta ja sakta…
Nandni:- Mere pass bijli to hai..
Nischal:- lekin na to yahan bulb hai aur na hi itne sare jiv ko tum ek sath jhatke de paogi… shyad laaton ke bhut hai…….. Main to baat chit ka prastaw de raha tha, lekin tum to humle hi kiye ja rahe, aise thode na hota hai dost.. ab to yahan toofan uthega aur garaj tumhari iss mand me hogi"..
Nischal tej chinkh ke sath apna ek paun pura jamin par de mara.. aisa laga jaise wahan ka pura mahol hi kampan karne laga ho. Nischal ab kisi ko ghayal nahi karne wala tha balki sidha jaan se hi marta..
Nischal purn roop se apne humle ko taiyar tha, tabhi uske kano me aisi dhwani sunai pari, jis se uska dhyan tootne laga. Jabtak aakhen munde tha tab tak sab kuch saaf najar aa raha tha, lekin aankh ke khulte hi wo kuch dekh nahi pa raha tha..
Ek madhur prem ras dhwani jo Jivisha dwara chhodi gayi thi. Idhar Nischal ka bus ek pal ke liye dhyan toota aur udhar kayi lakh saanp Nischal ke upar ek sath humla kar chuke the. Nischal apne sharir me zahar ka tej asar bhi mehsus kar raha tha….
Uski gati atyant hi dhimi par gayi. Nandni bhi murchhit uske kandhe par pari thi aur uske kamar tak sapon ka ghrea pahunchne wala tha… tabhi Nischal ke chehre par muskan fail gayi…
Saapon ke iss mayawi jaal me Jivisha ki tej awaj aisi gunji ki mano wo kahar ban'kar baras rahi ho…. Har sanp ke gale me jaise moti rassi bandh'kar, puri takat se dono siron ko khinch diya gaya ho… wahan maujood anginat saanp, apna pura muh fare, swans lene ke liye chhapta rahe the, aur Jivisha ke sar par to mano khun sawar tha…
Jivisha apne dono hath hawa me lahrayi aur wahan ke vayu me purn pariwartan ho gaya… uss jagah par maujood har jiv hawa me jame huye the. Nischal ke aas pass ki jagah purn roop se khali ho chuki thi…
Jivisha ab unke purn safaye ki mansa se apne lahrate hath ko bhumi par marne wali thi, jiska yah natija hota ki hawa me jame saanp, bhumi par iss kadar takrate, ki unke chithre ho jate. Lekin tabhi Nischal pure jor se chillate huye kahne laga…..
"Ye sataye huye prani hai Jivisha, inhe mat maro… ye yahan bhumigat hone par majboor the… Main sampark tod raha hun.. shyad mujhme tej jahar ka asar ho raha hai… Nandu bhi behosh hai aur isse purn ilaj ki turant jaroorat hai. In praniyo ko mat maro… yahan aa kar Nandu ko dekho"..
Nischal apna sandesh kah'kar behosh ho gaya. Ussi ke pass Nandni bhi behosh pari thi.. Tabhi Jivisha kisi kaal ki tarah chinkhi…. "Yadi mere dost ko kuch hua to fir dobara tum sab pachtane ke liye jivit nahi rahoge… Meri jaan ke kahne par tum sab ko chhod rahi hun."
Jivisha apni baat kah'kar apni shakti un sapon ke upar se hatayi, aur wahin bhumi par baith gayi… dekhte hi dekhte wahan purn raushni ka shrijan hone laga aur andhera jab chhata, to anginat log apne ghutne par baithe sir jhukaye the..
"Tum sab kaun ho aur bina karan hume maarna kyon chah rahe the.." Jivisha ke aakhon me gussa aur shabdon se jaise bhay baras raha tha… wahan maujood har koi iss bhay ko mehsus kar raha tha…
"Rajkumari main yahan ki mukhiya Shwetna hun. Aap aur aapke logon par humla karna, humari bhul thi, kshma kar dijiye"… Nile rang ki dikhne wali ek kamsin si ladki, sir jhukaye apni jagah se khadi hoti hui kahne lagi..
Jivisha usse gusse me ghurna shuru ki aur wo dekhte hi dekhte apna gala pakde hawa me aa gayi. Apne mukhiya ko hawa me dekh, wahan ke log minnate karte "maafi maafi".. chillane lage…
Jivisha:- Sabhi ek dum khamosh. Meri dost kahan hai.. aur kaisi hai…
Lin:- Rajkumari mera naam Lin hai. Yahan ka main pratham mukhya sahayak hun…
"Kisi ka naam ya pahchan puchhi main. Meri dost kahan hai"…. Gambhir si awaz thi Jivisha ki aur aisa lag raha tha uske awaz ke sath hawa me tarang bhanwar banati charo ore tair rahi hai, jo har kisi ke sar me paglon ki tarah dard de rahi thi… har koi apna sar paglon ki tarah jhatkne ke liye vivash tha….
Lin:- Aap ke dono dost surakshit hain aur hum bhi aap ke he log hai. Apni ye trarang band kijiye, warna humara dimag fat jayeg"..
Lin ki baat sunkar Jivisha shant hoti hui aur tej-tej shwans lene lagi…. "Mere dost kahan hain, main unhe dekhna chahti hun.
Shwetna:- Rajkumari wo dono khatre ke bahar hain.. dono ka upchar chal raha hai… aap apne gusse ko shant kare aur in bebas mukh ko dekhe, jo aap ke aane ki pratiksha me na jane kabse aas lagaye the..
Jivisha:- Inhe bebas kahte hain to fir jalim kaun hoga… bebes to mera Nischal tha, jise ek ore fikr thi ki yahan rah rahe saanp, ya jo koi bhi tum log ho wo majboor hain. Uske kandhe par ek masoom si ladki hai, jo tumhare zahar ke asar se mar sakti hai… meri jaan ne minnat tak ki tum sab se, lekin kisi ne bhi suna kya.. haan batao…
Shwetna:- "4 pidhi jinki andheron me gujari ho Rajkumari, pichhle 800 salon se jisne suraj ki raushni na dekhi ho… hum bhi manushya hai.. lekin humari aabadi itni hai ki shayad hi kabhi manushya roop me rahte hai.. jyadatar sanp bane hi ghumte hain aur jinda rahne ke liye kiron-makodon ko khane ke liye vivas hai."
"Aise me pata chale ki humara haal karne walon me se koi yahan humari jamin par ghum raha hai, fir kaun samjhega minnat aur kaun samjhega ki humne anjaane me aise logon ko pakda hai jo nirdosh hai… kyonki 4 pidhi bitne baad to sari ummid hi khatam ho chali hai…
Jivisha, puri tarah hairan hoti…. "800 saal se tum logon ne upar jamin par kadam nahi rakhe. Aisa kya ho gaya tha?"..
Shwetna:- Ji haan 800 sal Rajkumari. Humara itihas kayi hazaron varsh purana hai, lekin bilkul chhipa hua. NilBhut samuday se humlog hain, Pratham rani, Vish Kritima ki praja, jo iss Zoren grah ke mul niwasi hain… Vish Kritima alokik shaktiyon ki devi hua karti thi, jiske gun unki agli pidhi me se kisi ek ko mil jati thi. Jinke pass bhi yah gun hota, wo swabhaw ki kafi chanchal aur itni milansar hua karti thi ki dekh'kar koi kah nahi sakta ki wo alokik shaktiyon ki malkin hai aur ek pure samuday ki sanchalak.
Hum yahan anya 5 samudayon ke sath bade hi shanti se raha karte the. Yahan ke sabhi samudayon ki alag-alag seema thi, jisme sabse bada samuday Takshat (Mahamahim ka Samuday) ka tha, kyonki wo log marte kam the aur paida jyada lete the. Humara samuday NilaBhut ko bhu-vashi bhi kahte the, kyonki jyadatar hum jamin par hi rahna pasand karte the.. anya samudayon ki tarah na to hum unchi building banana pasand karte the aur na hi bahut jyada technology ka prasar pasand tha.. Hum apni sabhyata me jite the, apni mulbhut jaroorton ke liye mehnat karte aur bache samay me pariwar aur apne samuday ke sath jashn manate rahte..
Takriban 800 varsh purv ye Takshat samuday ka ek parbhakshi (parasite) Mittoso (Mahamahim) satta me aaya tha, wo bhi aap ke ek jo mitr hain Viggo, unke purvajon ki wajah se. Ek baar wo satta me kya aaya, humari duniya hi usne ujar kar rakh di…
Uss waqt Vishi Kritma ki vansaj, Visi Nilayani humara pratinidhitwa karti thi. Unke aur uss parijivi Mittoso ke bich kya hua tha wo to pata nahi, lekin Visi Nilayani apne mirtu ke purv, apne ansh ko apni 6 bahno me bant'kar badi hi dardnak mirtu mari thi.
Unki aagya anusar 6 bahne, 6 dur ke kisi grah me chali gayi. Yadi suni sunayi baat ko mane to kaha ye jata hai ki NilBhut samuday ke logon ki tarah hi Viggo samuday bhi tha, bhole log jinhe koi bhi chhal sakta ho… Mittoso ne Viggo ko chhala tha aur pahle to satta hathiya liya, fir unhi Viggo ke banaye kisi upkaran ke karan Visi Nilayani apni shaktiyon ka prayog nahi kar payi thi, kintu wo purvanuman kar chuki thi isliye pahle hi apni bahno ko yahan se kafi dur bhej dee aur kahi thi….
"Jahan ke manusya me buddhi ka vikas sabse atydhik hoga, jo saaf dil ke hone bawjood kisi chhaliya ke majboot se majboot bhrm jaal todne me sakshm hogi, jise fasane ke chakkar me kapti khud fas jaynge, jiske purvanuman ko koi thag na sake, bhale hi wo kitna achha hone ka natak hi kyon na kar le, ussi me Vishi Kritima ke alokik shaktiyon ka srijan hoga aur wo apne sabhi sawalon ke jawab ke liye yahan jaroor pahunchegi, apne logon ke bich, fir chahe aane ka karan kuch bhi ho, ya fir jariya koi bhi ho."
Update:- 87
Jivisha:- Kya yaar Shwetna, jo mere Nischal ke kaam ka tha wo mujhe bata gayi. Isme to mera computer bhi madad nahi karega, mujhe Nischal ko khud puri baat batani hogi… waise tumhe kya pakka yakin hai ki main hi wo ladki hun jise rani Vishi Kritima ki shaktiyan mili hai, aur issi wajah se tum mujhe Rajkumari kah rahi ho..
Shwetna:- Aap ko ye shaktiyan kahin aakash se nahi mili hain.. aap unhi ki vansaj hai.. aur vivaah ke purv Rajkumari aur vivah ke baad hongi humari Rani…
Jivisha:- Tum koi kahani to nahi bana rahi, jaise aksar main banaya karti hun…
Shwetna, badi utsah se….. Ye eklauti aisi kahani hai jo hum me jine ki ummid diye hai… itihaas ki yah sachai hi to humara bacha hausla hai, lekin Rajkumari humari utsah to abhi aap ki kahaniyon me hai… ek lamba arsa huye kuch naya sune… hume bhi kuch kahaniyan sunao na…
Jivisha:- Abhi nahi Shwetna, mera aadha dhyan to unhi logon par hai…
Shwetna, ne apne partham mukhya sahayak Lin se kuch kahi aur wo turant uski baat par amal karta hua Nischal aur Nandni ki haalat ka jayja lekar Shwetna ke pass pahuncha….. "Rajkumari aap ke sath aayi wo ladki…"
Jivisha:- Nandni, naam hai uska..
Shwetna:- Ji Rajkumari, wo kewal behosh matr thi, unhe kuch nahi hua tha. Wo abhi hosh me aa chuki hai. Aur wo ladka..
Jivisha:- Ladka nahi hai wo… meri jaan hai.. meri dhadkan.. mera pyar.. Nischal..
Jivisha ke mukh se ye shabd sunkar Shwetna hasi, aur kahne lagi… "42000 sapon ka vish unke ander gaya tha, kintu zahar jaise sama gaya ho unke ander. Behosh hain wo, kintu koi khatra nahi hai… unhe aaram karne dijye, jab aankh khulegi to wapas pahle jaise ho jayenge"..
Jivisha:- Hmmm ! Mujhe milwao dono se..
Ajib si bhumigat jagah thi, jahan charo ore kafi nami thi. Aisa lag raha tha chattano se bani pillar par, iss jagah ka pura dhacha taiyar kiya gaya tha aur wahan ki har chattan halke hare aur nile rang ke ghas jaisi paudho ke chadar se dhaki thi. Un paudho ke patti ka aakar bindu jitna tha, jo pure chattan ko dhake huye tha aur uss jagah ko kafi manmohak bana raha tha..
Jivisha uss jagah ko niharti hui aage badhne lagi. Ek jagah ke manmohak banawat ne Jivisha ka kadam rok liya…. "Shwetna ye itni sare manmohak aur khubsurat tane ki jal ki deewar kitni pyari lag rahi hai…..
Shwetna:- Rajkumari wo ek tarah ka deewar hai, jiske piche ek khubsurat vatika aur alokik talab hai…
Jivisha:- Aisa kya, fir to main bhi wo vatika aur talab ghumungi…
Jivisha, Shwetna se baat karte huye Nandni ke kamre tak aayi. Nandni kisi se baat kar rahi, Jivisha ko dekhte hi uske ore bhagi… "Ahhhh ! Tu thik hai Jisa"…
Jaise hi Nandni ne Jivisha ka haal lee, pass khadi Shwetna ke muh se "khiii-khiii" nikal gaya… Jivisha usse tej najron se ghur'kar pura dhyan Nandni par lagayi…
Jivisha:- Main bilkul thik hun.. tu kaisi hai.. koi taklif to nahi diya inhone..
Nandni:- Andhere me to kuch pata bhi nahi chala mujhe, sadme se sayad main behosh ho gayi thi. Aankh khuli to main yahan thi. Bahut ache hai ye log aur kafi pyari baten karte hain. Nischal kahan hai..
Jivisha:- Wo aur uska vigyaan, jab se yahan raushni hui hai, bus sodh kar rahe hain… chal aaj raat tu yahin aaram kar, main jarra unki khabar lekar aaun..
Nandni:- Nahi yaar, ya to Ansh ko yahan bula de ya chal wahin chalte hain… Chinta kar raha hoga bechara..
Jivisha:- Kamini sab samjhti hun main.. Shwetna, kya tumhe humare jahaj ke bare me pata hai..
Shwetna:- Haan Rajkumari, aap ke viman ki jankari hai mujhe..
Nandni:- Rajkumari, ye kab hua…
Jivisha:- Shwetna, Nandu ko bhi wo itihaas bata do jo tumne mujhe sunaya hai… aur haan humare viman me 3 log honge.. dhyan se sunna 3 log.. jisme se 2 issi grah ke hain... Tumhari jimmedari hai un tino ko yahan surakshit lekar aao..
Shwetna:- Rajkumari uss Parijivi Mittoso (Mahamahim ka naam) ke log ke baare me sochkar hi aap logon par aise humle ho rahe the.. aap soch sakti hai kitna rosh hai unke liye..
Jivisha:- Thik hai fir hum hi yahan se chale jate hain…
Shwetna:- Rukiye, kisi ko kuch nahi hoga yah mera wada hai.. lekin hum viman ke ander nahi ja sakte… pahle bhi kosis karke dekh chuke hain...
Jivisha:- Computer ji iss kharnak si ladki aur iske sathi ko wahan please acess de dijiye.. Shwetna is baar mukhya dwar se jana aur haan suno wahan Ansh hoga, tum pahchan jaogi..
Shwetna:- 2 uss Mittoso ke log hain, to bache huye teesre ki aap baat kar rahi hai na, bilkul pahchan jayenge…
Jivisha:- Smart haan. Ansh ko mere dost ke kamre me chhodna aur khyal rahe unhe koi padesan na kare..
Shwetna:- hihihi.. thik hai Rajkumari main samjh gayi..
Jivisha:- Nandu ab to khush.. chal ab main jarra apne unke pass jati hun... Tu aaram kar..
Jivisha Nandni ko aankh maar kar wahan se nikali aur Shwetna ke gair maujoodgi me uska pratham sahayak Len Jivisha ko Nischal ke pass tak lekar gaya…
Nischal khule badan behosh para hua tha. Kamar par kapda matr tha aur wahan aas pas baithi kuch ladkiyan Nischal ke dilkash badan ko dekh'kar mand-mand muskura rahi thi…. Jivisha unhe ghurti hui… "Chalo bahar niklo yahan se… Ye sab kaun thi, Lin"..
Lin:- Ye sewika thi, jo inki sewa aur jaroorton ke liye rakhi gayi thi..
Jivisha, badi si aakhen kiye… "Kis tarah ki jaroorat"..
Lin:- Aushdhi aur any vastu ki jaroorat…
Jivisha:- Nana koi nahi rahega yahan.. inki har chhoti badi jaroorat ke liye main hun yahan … abhi ke abhi jao sabhi yahan se…
Lin aur wahan jitni bhi ladkiyan thi, wo sab sar jhuka kar wahan se bahar nikal gayi… Jivisha ne aaram se uss kamre ko lock kar di. Nischal ke khule badan ko dekh'kar thandi aahen bharti … "hayyyyyyy".. ki madhoshi bhadi awaj Jivisha ke shwanson se nikli aur sine me gud-guda ehsas machalne laga…
Jivisha apna pura panja Nischal ke sine par rakhti, uska chehra dekhne lagi. Idhar jaise hi Jivisha ka hath Nischal ke sine se laga, wo tej gahri shwans apne ander khincha.. aur fir sukoon ki shwans lene laga…
Hath lagane se uske chehre par aaye sukoon ko dekhkar Jivisha hasne lagi… "Behoshi me bhi sparsh pahchan rahe ho haan.. natkhat kahin ke"… Jivisha hasti hui apne sar ko jhuka li aur pyar se Nischal ke naak par apne naak firati wo honth se honth ko sparsh karne lagi"..
Jivisha jab honth ko chum'kar uthi tab wo Nischal ke badan par huye kuch badlaw ko dekh rahi thi. Kuch der tak wo uske badan ko gaur se dekhti rahi.. uska skin aisa lag raha tha jaise bilkul soft hokar hawa me ek madam khusboo chhod rahi thi, jiska asar Jivisha ko pagal banane laga…
Jivisha turant hi uske pass se uthi aur thodi dur khadi hokar apni shwans samanya karti hui… "Baby tum to pagal banane lage mujhe… Aahhh ! Aise behosi me rijhane ka kya matlab hai jaan… Hosh me to khud ko kabu me rakhte ho"..
Jivisha apni swans samanya karne lagi… kuch duri bana kar uske badan ki dilkash najara leti rahi. Kuch der baad jab sab kuch samanya hua, tabhi Jivisha ki najar paun se khinche mans par gayi.. itne gahre jakhm dekh'kar uski aakhen badi ho gayi….. gusse me aakhen laal kiye wo fir ek baar nikli…
Shwetna aur uske log Jatin aur Baby ko ghere baithi aapas me hi hans rahe the, jaise hi Jivisha pahunchi, sab ke sab apna sar pakad kar niche jhuka liye….. "Mari jaan ka ye haal kisne kiya.. unke paun me itne sare jakhm kaise huye.. jitne bhi uske jimmedar hain wo samne aa jaye"..
Shwetna:- Rajkumari, wo kisi ghor dushman ko marne ke aawesh uthaya gaya kadam tha, kintu aap to jaan-bujh'kar har baat par apne logon ko yatnayen de rahi hain… shakti ke sath itna aawesh thik nahi.. aap bekabu ho rahi hain..
Shwetna ki baat sun'kar Jivisha khud ko kabu ki aur wahin baith gayi…. "Maaf karna wo Nischal ki haalat dekh'kar mujhe rah-rah kar gussa aa raha hai"..
Shwetna:- Ab to gussa nahi aa raha na Rajkumari, ab to muskura sakti hai.. kash is waqt aap humare dil ka haal bhi samjh pati…
Jivisha:- Hmmm ! Chalo mera to dil bechain hai, tum sab apne hi dil ka haal bata do..
Shwetna ne apne mukhya sahayak ko kuch vaywastha karne kahi aur baki sabhi mehmano ko unke kamre me pack kar diya gaya, ek khas jashn jo apne samuday ke bich hi manaya jata tha…
Jivisha ke liye fulon se saji ek baithki ka intzam kiya gaya jahan uske khane aur pine ki vises suwdhyen thi... Charo ore fulon ki khusbu se vatavaran mahak utha… dekhte hi dekhte wo jagah kewal aur kewal sapon se bhad gayi jo ek madhur sangit par jhum rahe the..
Kayi sharp Jivisha ke paun ke charo ore chakkar laga rahe the to kayi Jivisha ke hathon se lipte rahe… utsaw jaisa mahol tha jo kafi lamba chala tha… anth me sabha ka samapan ho gaya aur sabhi log sone chale gaye..
Jivisha ek baar fir Nischal ke pass thi. Muskurati hui, fir wo lamha ek baar mehsus karna chahti thi, jo ab se chand ghantey pahle wo mehsus ki thi. Ek baar fir Jivisha pyar se Nischal ke honth ko chum'kar, un madak ehsas ke sath Nischal ke sine se lipat kar so gayi.
Kafi khili hui subah thi. Charo ore se manmohak pusp ki khushboo aa rahi thi, mithi si angdai lekar Jivisha jab apni apni aakh kholi… "Ufff baby ab kitna tadpaoge. Ek lambe arse ke baad dono sath hain.. lekin sath milkar ab tak sukoon ke wo pal humne bitaye nahi. Mujhe chhod'kar kahan chale gaye"..
Jivisha muskurati hui uthi aur charo ore ka najara lene lagi. Char kadam chali hogi ki tabhi wo hari bhari ladiyon ki unchi deewar najar aayi. Jivisha uske banawat ko dekh'kar uss ore aakrashit hoti hui, apne kadam badha di.
Jaise hi Jivisha uss dwar ke pass pahunchi, bahar khadi sewika apna muh niche karke hansi aur talab ka darwaja khol di.... Jivisha khule darwaje se jhank'kar ander ke lubhawne drishya ko apne jehan me samet'ti hui ander ghusi, aur sewika ne uss dwar ko band kar diya.
Itna khubsurat talab Jivisha ne aajtak nahi dekha tha… aisa pratit ho raha tha mano kisi dev lok ki vatika me wo aa gayi ho.. Jivisha talab kinare bane ghat ki sidhiyon se pani me utarne lagi… Talab ka shital jal jaise hi Jivisha ke paun ko chhune lage… Jivisha ka man prashann ho gaya..
Wo dhime-dhime talab me utar'ti chali gayi aur ghat ke kinare baith'kar, shital jal ka aanad lene lagi… Jivisha ka pura mann shant ho gaya aur aakhen mund'kar wo sukoon ki gahraiyon me chali gayi… Bahut hi umda anubhaw tha ye..
Tabhi achanak uss pani me hulchal hui aur Jivisha ki aakhen khul gayi… Jaise hi uski aakhen khuli aur samne Nischal ka khula pith dikha… Jivisha ka dil joron se dhak-dhak karne laga….. "Baby tum yahan"..
