Next episode
Update 51:- (One Year Deal)
Rudra pure revolt pe utar aaya tha. QI Province ke is New Rising Star ki aankho mein Rules Kuch bhi nahi they, wo QI Province ke ander har rule ko Ignrore kar sakta tha. Rudra ko Rules se Restrict karna impossible aur bewkoofi thi aisa AK ka maanna tha. Rudra Insaano ke bich mein tiger tha, uske Chaaro taraf ek King ka Aura tha, wo Paida hi Great Destiny ke liye hua tha. Uske Future ki koi Limit nahi thi aur wo kisi bhi Divine Continent ke Super Geniuses se kam nahi tha. Aur AK ki nazro mein wo itni Ego itna Pride rakhne ke liye Qualified tha.
Rudra khud ko apne aap ko sabse upper samjhta tha koi uski Insult karne ke liye allowed nahi tha. Isliye wo aaj AK ko insult karke maarna chahta tha. Tabhi AK aage ko nikal ke aaya aur bilkul Rudra ke saamne khada ho gaya.
Uske Face pe ek Smile thi, uska Black Robe aur Silver White Hair Rudra ke Pressure ke niche hil rahe they lekin wo sidha Rudra ki aankho mein dekh raha tha Smile karte huye. Koi bhi ye dekh ke bata sakta tha ki AK ko ghanta fark nahi pad raha Rudra se naa hi usey dar lag raha hai.
Rudra "Tumhe mere se dar nahi lagta kya?"
AK "Aur mujhe tumse dar kyu lagna Chahiye? Sayad tumhe mujhse dar lagna chahiye!"
Rudra "Mujhe tumse darna chahiye, kya tum koi Joke maar rahe ho. Tumhe aisa nahi lagta ki main tumhe abhi isi waqt kisi chitti ki tarah nahi masal sakta."
AK "Hahaha, Kyuki tumhe pata hai, mera Potential tumse itna sa bhi kam nahi hai aur sayad jyada hi hai. Isliye tum mujhe maarna chahte ho, Tumhe dar hai ki main Strong ho gaya aur future mein tumhe maar diya to."
Ye baat AK ne kaafi Tez boli thi jisey Almost sabne sun liya tha, aur is baat se sabhi ko realize hua ki jo AK ne kaha hai wo sahi hai. Aur isi ke sath Crowd mein baate suru ho Gayi.
"Waise AK sahi keh raha hai uska Potential Rudra se jyada hai aur usne aaj ye dikha bhi diya hai. Aur ye bilkul possible hai ki Future mein AK Rudra ko surpass kar de. Rudra ko sayad sahi mein dar lag raha hai ki AK Strong na ho jaaye isliye wo usey maarna chahta hai."
"What a Joke, Rudra ko kabse reason ki jaroorat padne lagi kisi ko maarne se pehle. Sayad AK sach mein usey threat lagta ho kya pata?"
Crowd ke words Rudra ke kaano mein pad rahe they aur wo Rudra ke Pride ko jaga rahe they. Agar wo aaj AK ko maar deta hai to usey hamesa log kahenge ki wo AK se dar gaya isliye usey maar diya.
Rudra "AK, Tumhe samjhna hoga ki tum mere saamne ek chitti ke alawa kuch nahi ho. Jo mera Elite Status hai Uske bawjood tum mere saamne khade hoke baat kar rahe ho usey bhi apna honor samjho. Agar main Tumhe maarna chahta hu to mujhe koi reason nahi chahiye uske liye."
AK "Rudra, apne is Elite Aura ko Apne pass rakho. Mere Saamne ye Elite Aura mat dikhao. Ye mat socho ki tum hi bas is World mein Greatest Genius ho. Mujhe bas 1 saal ka time do aur fir dekhna hum dono mein se Great kon hai."
Rudra "Hahahaha, AK tum kaafi Clever ho, Jo aisi trick use ki hai tumne apni life bachane ke liye. Well Congratulations tum safal huye. Main tumhe 1 Year deta hu aur 1 Year baad aaj ke hi din main aur tum Deathmatch karenge aur tab dekhenge tum is 1 Year mein Kitna Strong huye ho."
Ye baat Rudra ne tez boli thi isliye sab ko sun gayi thi uske baad wo hawa me udke gayab ho gaya aur uske jaate hi uski aawaz piche reh gayi.
Rudra "AK, apni life ka 1 Year aur enjoy kar lo."
Rudra ke jaate hi AK ne rahat ki saans li kyuki yahi ek tarika tha Rudra se aaj bachne ke liye. AK ka Vision kaafi Precise tha isliye usey pata tha ki Rudra Kis type ka insaan hai. Rudra ek aisa insaan hai jiske Body mein Pride uski Bones tak mein bhara hua hai. Isiliye AK ne Rudra ke Pride ke sath 1 Year ka Gamble khela tha. Usne predict kar liya tha ki Rudra maan jaayega. Agar Rudra AK ko yaha maar deta to logo ko Lagta ki Rudra AK se darta hai lekin Rudra kisi se nahi darta aur yahi Prove karne ke liye wo AK ki 1 Year Deal se agree kar gaya.
AK is Competition ka sabse bada Winner tha ek Infamous Rouge Culti
