Romance >>> Too Young !! Too Old (Completed) <<<

[nain11ster]

-----: Bulletin Board :-----

​

Update 88 (A & B) is posted on 537.. Must give your valuable feedback...

End Of The Chepter:-1 is posted on 542...

​

 

[nain11ster]

Update:-10​

Dono ki baten chalti rahi. Shayad raat kam par jaye lekin inki baten thi ki khatm hone ka naam nahi le rahi thi. Khatti mitthi purani yaden. Dono itne masgul the baat karne me ki kab ek baar fir sabhi log uske pichhe baithe, dono ko dhyan hi nahi tha.


Dono ki bhavnatmak baten pichhe baithe logon ko rulne lagi thi. Sab ke aanshu chhalak rahe the. Dulha to bollywoodiya nikla. Hone wali patni ke liye prem ke sath-sath clean cheat dilane ka aisa jajba, kamal hi tha.


Kuchh der baad ristedaron ke bich ek official intro ke baad Som wahan se apne kamre me chala aaya. Kafi accha lag raha tha Som ko bhi. Bahut dino baad khush tha wo. Haan abhi huye chos ke mahol me jo kisi ki najar thik se nahi gayi, wo tha Som ka huliya.


Agli subah se hi uske huliye ki charcha poore shadi me ho rahi thi. Khair dulhe ke liye to Som ka look normal tha. Dilfek ladkiyon ke bich hot look. Lekin in sab ke alawa Som ke look ko le'kar 2 tarah ke vichar aur bane, ek to aawara aur dusra mental.


Dulhe ki rishte me chachi lagi Sugandha Jadeja. Iss shadi me Som aur unke bich hi sabse jyada durghatnayen hui thi. Halaanki dono ki pahli mulakat thi hi aisi. Shadi ke 4 din pahle Sugandha pahunchi. Usne dur kahin tej dhuwan sa uth'te dekha. Usne socha aag lagi hai. Najdik pahunchi tab wahan ek ladka baitha hua tha, chehre ke upar poora dhuyen ka badal aur hath me ek lamba chilam.


Sugandha dekhte hi... "Ae tumhe ander kaun aane diya hai"


Abhi to Sugandha ke gussa ka pahla charan tha. Som uski baat suna ya nahi. Dhuwan chhanta bhi nahi tha uske upar chilam ka ek aur lambi kas khinch liya. Sugandha poori tarah se aag babuli hoti apne mobile se Jugnu ko call ki aur resort security ko uske pass bhejne ke liye bol dee.


Yes, Sugandha, Jugnu ki maa thi. Apni maa ko security bulate dekh, Jugnu thodi chintit hui aur 4 logon ko le'kar nikal gayi. Jabtak idhar Sugandha 4 baar Som ko bhagne ke liye bol chuki thi. Dhuwan chhanta, Som uth'kar khada hua. Wo Sugandha ki najron me Som ka pahla look... Muh se apne aap hi nikal gaya…. "Low class aawara, sadak chhap"


Som, ke samne Sugandha khadi ye bol to gayi. Lekin Som ne jaise hi apna pahla kadam badhaya. Sugandha dar ke mare uske raste se kinare hoti.… "Bhag jao yahan se. Pata nahi ye resort wale kis-kis ko ander aane dete hain. Ye ladki kahan mar gayi"..


Jis raste se Jugnu aa rahi thi, ussi raste se Som bhi ja raha tha. "Som sir koi hai wahan jo meri mom Ko dara raha hai." Som, uski baat sun kar hans diya aur chup chap wahan se chala gaya. Jugnu ukhda sa chehra banati... "Pata nahi iss mental ke dimag me kya chalta hai"… Jugnu bud-budati hui wahan se aage badh gayi.


"Mom kahan hai wo ladka jo aap ko padesan kar raha tha"


"Abhi tu jis ganjeri ko daant rahi thi wahi to tha. Usse bahar ka rasta dikhayi ki nahi"


"Kaun"


"Are wahi lambe baal wala wo awara ladka"..


Jugnu apne muh par hath rakhti shocking expression deti.… "Ye Som ki baat kar rahi hain"


"Tu aise shocking expression kyon de rahi hai"


"Kuchh nahi mom, chalo yahan se. Shadi me aayi ho ya logon ki enquiry karne"


"Ae tu event management wali. I am your client. Bhul mat paise liye hai tune. Humre sabhi sahuliyat ka intzam tujhe hi karna hai"..


"Haan doli mangwa dun. Pappa ko bolun iss lagan mandap me dobara aapse lagan karne"


Chhoti si tikhi bahas dono maa-beti me wahin par ho gayi. Sugandha ko pata to chal gaya tha ki ek charsi, ladki walon ke ore se hai lekin khun tab khaul gaya jab uska bhatija yani ki Dulha Pranshu tarif karne laga Som ka. Bechari wo Sugandha. Jugnu apni maa ki haalat dekh'kar apne pappa ke pass pahunchi… "Pappa, mammi ko samjhao, wo bekar ka bawal kar rahi hai"…


Pappa Harindr Jadeja... "Uss se bahas karne se koi fayda nahi hai. Achha sun tum kab tak ye chillar business karti rahegi. Tum kabil ho, apni company kyon nahi join karti"..


Jugnu apna matha pit'te... "Aanhhh pappa, kabhi to dhandhe se bahar aabhi jao"


Harindr:- Abhi tu haan kah de to main turant teri sari baat sun leta hun...


Jugnu:- Main hi pagal hun jo aapke pass aayi. Aap apna desert enjoy karo..


Harindr:- Beta mithe ki veriety thodi kam hai. Kal se 2-4 item badha dena...


Uski maa ko aaye 2 hi din ho gaye the aur 2 dino me wo Som ke naam se bawal si machaye huye thi. Din ke waqt sangeet ka function rakha gaya tha. Subah-Subah Diksha Som ke pass pahunch gayi. Som usse dekh kar muskurate huye... "Bahut pyari lag rahi hai"


"Sach me pyari lag rahi. Achha Sia jaisi lag rahi ya uss se acchi."


"Ab ye compare kyon???"


"Bus soch rahi thi. 8 sal se tu hum dono se nahi mila, Sia abhi kaisi hogi. She grew up completely na"..


Som, Diksha ke hath se cigerette lekar kas khinchte... "Haan kafi badi ho gayi hai. Young, gourgious. Oh haan ab Lucknow me uske 3 dost bhi hai"


"3 dost. Sach me???"


"Exactly pata nahi, lekin likhi thi, pahli baar mili thi. Kafi cute aur funny boys hain. I want to meet them again."


"I am happy. At least she has some intrest to meet some new people. Kash wo yahan hoti."


"Main bhi yahi soch raha tha"….


Som apni baat kahte huye Diksha ko bade dhyan se dekha. Diksha apni lalaat upar karti hui, isharo me uss se puchhne lagi "kya hua". Som kuchh bol nahi paya. Bus aanshu uske bah chale aur Diksha ke kandhe par sar rakh'kar rone laga...


"Kamal hai, tu bhi aise rota hai"…


"Dad aur meri haalat ek jaisi thi, jise Sia ke bare me kuchh pata nahi. Aur jab pata chala tab... Aahhh !!! Mere liye to tu hi bhagwan hai. Thanks.… Tera udhar chukane ke liye ye zindgi kam pad jayegi"…


"Kya main seriously bimar padti aur tujhe pata chalta to tu nahi aata kya???"


"Mat soch aise situation ke bare me. Janti hai uss school me carorepati aur arabpati ke bich pala badha. But you are exceptional case Diksha. Tumhare parent to mahan hi ho sakte hai."


"Stop this shit yaar. Shadi hai meri. Ek hi baar me poora ro leta na. Main boli thi pool side se uthne. Sare rone wale emotion ussi din nikal lena tha. Ab kya har purani baat ke liye royega, thanks kahega. Waise bhi abhi main bahut nervous feel kar rahi hun."


"Kya ho gaya???"


"1 baje se Sangeet rakha hai. Ladki wale vs ladke walon ka dance hai. Aur mere yahan sab ko tamanche par disco hi karna aata hai".


Som jalta hua cigerette Diksha ke ore badhate… "Ab main Michel jaction to nahi ban sakta na. Wo dono pahunch jayenge"


"Sale kutte hain dono"


"Dono kutte kaise ho sakte hain"


"Right wo Madhurima kutiya aur wo Amit kutta. 2 din pahle aa jata to uske shares crash kar jate na stock market se. Bloody professionals"


"Gandi juban. Madam sun leti to bhul jati abhi ki teri shadi hai"


"Tu thappad kha jayega. Mujhe madam ko invite karne ke liye rok kyon rakha hai."


"Madam aa jayegi, that's my promise. Main khud jaunga lene."


"Bhula na to dekh lena, main tujh se baat karna chhod dungi."


Diksha gusse me bol kar Som ko ghurne lagi. Som uska gusse wala expression dekhkar jod-jod se hanste huye.… "Pakka tu mujh se baat karna chhod degi na"


Diksha japatta maar kar uss se ladne pahunch gayi..... "Ae pagal wo mera baal hai. Chhod usse"


"Gusse me baal hi noch leti hun. Insan to dikhega kam se kam"…


Dono utha patak karne lage. Ladte ladte hafne lage. Dum itna chadha tha ki shwans fulne lagi thi. Chehra laal pad gaya tha...


"Main baad me aati hun"…. Jugnu darvaje se khadi ho kar kahne lagi...


Diksha, chadi si shwans ke sath... "Maar pit khatm ho gaya. Darvaje se sidha ander. Isne allowed kiya hai kya???"


Jugnu:- Haan sir ne daya dikha di mujh par…


Uski baat sun kar Diksha hansne lagi. Som ki bhi hansi nikal gayi... Diksha hath ke ishare se bulati… "Sit here"


Jugnu:- Main to sangeet ke bare me puchhne aayi thi, aap kya pahan kar jaogi.


Diksha:- Jugnu leave it. Ab kaam apne logon ko de do. I respect your dedication, lekin kaam ko thoda enjoy karna sikho aur yahan to tumhari poori family hai.


Jugnu:- Diksha maim, main kya karun? Apne pappa se pareshan hun. Yahan thodi bhi chuk ho gayi to mujhe jabardasti ghar ke business me laga denge. Aur mujhe office se nafrat hai... Jo satisfaction apne logon ke sath kaam karne me milta hai na wo mujh se office me rah'kar nahi ho payega…


Diksha:- Mere pappa ka bus chalta to iss gadhe se meri shadi karwa dete. Pappa aise hi hote hai. Apni beti ke liye jo sabse best aur secure lagta hai wahi chunte hain…


Jugnu, hairani se dekhte... "Aap ke papa... Lekin Som sir to aksar kahte hain tumhare neta ji papa mujhe gayab karwa denge..."


Diksha:- Hathi ke daant hain. Dono baith kar daru bhi pite hain...


Jugnu:- Lekin aunty uss raat...


Diksha:- Uska ye nalayak beta hai... Ab ristedaron ke bich kuchh to drama dikhana tha na...


Jugnu:- Lekin aap ke rishtedaron ko kuchh pata nahi kya??


Diksha, Som ke ore dekhti... "Kuchh tu bhi bol le na... Main hi akeli jawab dun kya?"


Som:- Kuchh der pahle kuchh nurvous feel kar rahi thi na...


Diksha, ek cigerette jala kar ek kas lee... "Haan yaar nurvous to feel kar rahi hun"…. Diksha, Jugnu ke ore cigerette badhati... "Lo"


Jugnu:- No maim.. main smoke nahi karti.


Diksha:- Jugnu itni formal kyon ho..


Som:- Bahut professional hai ye Diksha. Iske ander kaam karo to mujhe "tum-tum" kahti hai. Aur jaise hi duty off to sidha "Sir aur aap" par aa jati hai.


Diksha:- Ye, iski cousin Suhani, Wo Mandeep, Harpreet, Divya, Parthiv… iske poora group hi brilliant tha..


Jugnu:- Aap ne hum sab ko notice kiya tha..


Diksha:- Iss baat ki gahraeyon me mat jao Jugnu. Aur haan please itna formal na raha karo. Diksha didi sounds cute, wahi rahne do.


Jugnu:- Wo aadat ko ab chhudani hogi na. Ab to Diksha bhabhi kahne ki aadat dalni hogi..


Som:- Dikshaaaa.. Wo kuchh baat karne aayi thi sangeet ke bare me...


Diksha:- Oh haan. Jugnu mere 2 kamine friends 12 baje aayenge aur main khud unhe receive karne jaungi...


Som:- Tu pagal ho gayi hai kya?


Diksha:- Shut Up… Jugnu can you do something..


Jugnu:- Thik hai sangeet shaam ko kar deti hun..


Diksha:- Thanks a lot. Ye ehsaan udhar raha mujh par.


Jugnu:- Ehsaan kaisa. Aap logon jaisi friedship ki kalpna hi ki ja sakti hai. You are best.


Som:- Dusron ko dekh kar khud ko judge karna band karo.


Jugnu:- Main ja rahi hun. Sangeet aaj sham 7 baje se. Menhdi kal rakh lete hain din me... Chalega na..


Diksha:- Daurega Jugnu. You are superb…


Jugnu ke jate hi Diksha uth khadi hui... "Taiyar rah, hum abhi niklenge. Ek khuli jeep aur chilled beer ka poora stock. Ek baat aur, aaj raat baithak ki vayvastha kar lena. Main aur mere wo dono ke liye.


Som:- Ji maim aur koi order...


Diksha, Som ke gaal khinchti…. "Thankooo sooo muchh babua... Akele me pahle 2 peg markar sangeet me jaungi, fir dekhna Deeksha Mishra ka jalwa"


Dono khuli jeep me nikle. Ghumavdar khubsoorat rasta, Diksha ke hath me beer aur dono chale ja rahe. Ghumte firte bus stand pahunche. Diksha poore bus stand ghum ghum kar apne doston ko dhundhne lagi. Jyada mehnat nahi karni padi. Amit aur Madhurima ne unhe dekh liya tha… Fir to teeno (Diksha, Amit aur Madhurima) ke milne ki gram joshi bhi dekhne ko mil gayi.


Som drive kar raha tha. Amit, Madhurima aur Diksha, Som ko poore raste chhdte huye ja rahe the. Diksha kafi khush lag rahi thi. Amit aur Madhurima ke aane ke baad Som ko bhi kuchh releif tha, kyonki Diksha sangeet ke liye dono ke sath vyast ho gayi. Sangeet ka ayojan hua jahan pahli baar sab ekttha huye the. Haan ikattha to khushiyan manane hi huye the, lekin kise pata thi ki ye raat kafi lambi hoti chali jayegi...

<---------------{ }------------>

Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye

<---------------{ }------------>
​

 

[krish1152]

Mind-blowing behtreen update

 

[ragish7357]

behatrin update bro

 

[Chinturocky]

To diksha sagar ki bhabhi banke jaane wali hai lakhanaw aur sia bhi wahi hai. Wo teeno saagar ke jariye in sab se judenge mast plot banaya hai.

 

[nain11ster]

To diksha sagar ki bhabhi banke jaane wali hai lakhanaw aur sia bhi wahi hai. Wo teeno saagar ke jariye in sab se judenge mast plot banaya hai.

Kya hai ye... Kahani ke poore emotion ko hi badal diye

Sagar Chaturvedi to ladki paksh ka hai fir Diksha bhabhi kaise ho gayi. Sagar ne kaha tha uske netaji pita ke koi businessman politician ki beti ki shadi hai... Iska matlab Sagar Chaturvedi aur Mishra parivar me ek jaan pahchan se jyada koi sambandh nahi...

Baki it's destiny... Jise jahan judna hoga jud hi jayenge ... Aap bus aaram se maze le... Aur itna dur ka connection na bhidaye

 

[KEKIUS MAXIMUS]

majedar update ..dono ki baate pichhe baithkar suni sabne aur emotional ho gaye ..

aur ye sugandha jo jugnu ki maa hai usse nok jhok hoti rahi som ki ,
chilam pite huye dekh liya sugandha ne to chidh si gayi low class samajhke ..

aur ye jugnu ke papa pakke businessmen hai ,jo beti se kuch baate karne ki bajay business join karne ki baate hi karte rahe ..
amit aur madhurima ko lene gaye wo bhi drive karte huye drink ..
diksha khush ho gayi apne dosto ke aane se ..

ab sangeet ke programme me kya karte hai ye sab dost dekhte hai ..

diksha ki nok jhok mast thi som ke saath ..
jugnu to bas professional banke ghum rahi hai ..

 

[Naina]

waise writer sahab ke soch aur kalpna ko manna padega ki jis tarike se apne Kalpana jariye aise shabdo ka roop deke kahani mein darshaya hai... sach mein saraahaneeya aur prashansaniya hai..

kahani mein ek khushnuma mahol banane mein aap mahir hai... jishe padhte waqt dilo dimag tarotaza ho jaye..

aur jo scenes create ki hai update ke har ek point pe wo sach mein adbhut aur kabile tarif hai... jagah, paristhiti, waqt aur kirdaar... kaise, kaha, kis tarah se, kis karm mein rahenge kahani mein bhumika nibhate huye iska sathik mulyankan karke update ko jis tarah pesh ki hai hum readers ke samaks wo apne apme bemisaal hai..
bole to



Let's see what happens next
Brilliant update with awesome writing skills
(Btw thank you.... mood of tha.. Aapke is update ne to mind refreshing kar diya )

 

[nain11ster]

Mind-blowing behtreen update

Thankooo sooo much Krish bhai

 

[nain11ster]

behatrin update bro

Thanks a lot

 

[nain11ster]

majedar update ..dono ki baate pichhe baithkar suni sabne aur emotional ho gaye ..

aur ye sugandha jo jugnu ki maa hai usse nok jhok hoti rahi som ki ,
chilam pite huye dekh liya sugandha ne to chidh si gayi low class samajhke ..

aur ye jugnu ke papa pakke businessmen hai ,jo beti se kuch baate karne ki bajay business join karne ki baate hi karte rahe ..
amit aur madhurima ko lene gaye wo bhi drive karte huye drink ..
diksha khush ho gayi apne dosto ke aane se ..

ab sangeet ke programme me kya karte hai ye sab dost dekhte hai ..

diksha ki nok jhok mast thi som ke saath ..
jugnu to bas professional banke ghum rahi hai ..

Hahaha ... Bahut sari ghatnayen aur durghtmayen likhi hui hai iss chepter me... Bus maze lete rahiye ... Aur aise hi mazedar comment dete rahiye a lot