- 23,618
- 80,604
- 259
Update:-8
Vasnh wahan se chala jata hai.... Aur uske jate he Rajeev muskurate huye sochta hai.... "Tu to Harshwardhan aur Rounak se bhi jyada kamina hai.... Bas ye deal mere haq me ho jane de... Fir to dhire-dhire tumhari bhi aukaat pata chal jayegi".
Manu ke iss chhote se information se, pura S.S group apni-apni planning me lag gaya tha. Baat wahi purani thi, prabhutav aur dhan ka nasha. S.S group ko 2 logon ne shuru kiya tha, SamSher aur Ajitabh ne. Aur jab in dono ne apna sara karobar naye logon par shift kiya to group 6 bhago me baant diya.
Harshwardhan, Raounak, Vansh, Rajeev aur Sukanya ... in sab ko company ke 15% share mile aur 25% share, dono bhai Manas aur Manu ke naam par tha. Manas ghar chhorte waqt apne share shares Manu ke naam par kar ke chala gaya tha, aur tab se sare board of directors ki nigahen un ek chauthai share par thi, jo Manu ke pass tha.
Manu ko karobar ka anubhav kam tha, isliye usne aaj tak kabhi company ke share public nahi kiye, aur issi wajah se sare board of directors, uske company ka diwaliya nikalne me lage the. Purn adipatya hasil karne ke liye Manu ke 25% hathiyane ka khel bahut pahle se shuru tha. Jis partner ke pass 25% share pahunchta wo apne 40% share ke sath company me top position par...
Issi ka natija tha ki Manu S.S group me jis unit ko dekh raha tha, uske sare contracts aur projects unhi ke company ke logon ke dwara duba diya ja raha tha... Anth me nilaami ke faisle ne sab ko jaise hasin sapne dikhana shuru kar diye ho....
Agli Subah 12 baje.... S S group conference hall....
Sare board directors baithe huye the, 12 se 1, 1 se 2 baj gaye…. sab bare besabri se Manu ka intzar kar rahe the... chidh'te huye sab lagatar... "what the hell of this meeting" ...... "what the hell of this meeting" karne me lage huye the...
Sare board of directors chillane lage aur Manu se contect karne ki kosis karte rahe, par koi respond nahi. Finally ... 4pm baje Manu meeting hall me shirkat kiya....
Sabhi log narajgi dikhate, uske mis-behave par sawal uthane lage. Manu sab ko shant
karte huye... "Maine, meeting shuru hoga 12 baje, aisa likha tha, meeting me main 12 baje aaun, aisa nahi kaha tha. By the way maine ye samay aap sab ko sirf isliye diya, taki aap sab bid ki deal aapas me final kar sake, shanti se.. so, shall we start now" ????
Sare board directors ek dusre ka muh dekhne lage..... Itne me Sukanya
Sukanya..... Isme final kya karna hai, Manu mera bhatija hai, wo apni bua se he deal karega....
Manu..... Haan to bus deal batao na, ya fir company ke sare bounds aur share aise he aap ke naam kar dun....
Suknya ke baat par jaise he Manu ne haste huye jabaw diya, waise he uss mahol me to gahma-gahmi shuru ho gayi... sab ek dusre par aarop lagana shuru kar diye aur Manu ko apne ore milane ke liye tarah-tarah ke parlobhan dene lage.....
Achanak he whahan ka mahol bilkul shant ho gaya. SamSher Mulchandani confrence hall me sirkat karte huye chair par baith gaye....
SamSher.….. Aap sab board members ko dekhte huye mujhe lagta hai company ke
future sahi hathon me nahi. Manu ke diye gaye samay me bhi aap sab board of
directors faisla nahi kar paye, jabki Manu iss deal ko fair rajhne ke liye, open bid rakha taki aap sab mil kar ek natije par pahunche. Aur iske liye aap sabko waqt bhi diya. Lekin lagta hai aap sab abhi bare decision lene ke layak nahi huye".
"Aap sab ko di gayi jimmedari aur harkaton ko dekhte huye, main abhi se Manu ke hath me S.S group ka total control deta hun. Aaj se wo meri jagah hoga aur main self retirement leta hun, ek chhote si chetavni ke sath, final sighning authority meri hi rahegi. Company ke niyam me koi tabdili nahi hogi ab bhi niyam wahi rahenge. Sare board of director apne purposal rakhenge lekin final decision Manu ka he hoga. Abhi se sare board of directors Manu ko report karenge. Yadi kisi ko mere faisle par aitraj ho to abhi kahe".....
SamSher ki baat sun kar sabhi logon ko jaise saanp sungh gaya ho. Ab iske against kaun ja sakta tha. Sabka muh khula he rah gaya. Kahan sabko comoany ke 40% ka malik banna tha. Lekin itna bada ulat fer hua ki kisi ke liye ye pacha pana muskil tha. Kal ka ladka un sabke sar par baith gaya. Itna hone ke baad bhi log niyam ke bade pakke the. Corporate jagaht ka bahu-prachalit niyam, dil mile na mile, gale laga kar hath, mila kar badhaeyan dete rahiye....
SamSher announce karne ke baad wahan se chale gaye, aur baki sare log Manu ko badhai dene me lag gaye..... Turant he pure office me information chali gayi. Jise barbaad hona tha wo ab malik ban chuka tha aur baki sabhi log, kisi maat khaye khiladi ki tarah wahan se nikal gaye...
Idhar Rajeev, Vansh aur Raunak teeno meeting se nikal kar Rajeev ke ghar pahunche....
Teeno hall me baithe the, ek naukar teeno ko sarab serve kiya. Teeno apni haar
bhunate baith kar pine lage. Tabhi Rajeev ki sexy wife, Tanu un teeno ke bich sirkat karti, aa kar baith gayi, aur teeno ko sharab pite dekh taunt karne lagi.....
"Mubarak ho, Mulchandani ka waris he ab company sambhalega. Uss ladkey ko tum sab ke sar par bitha diya, jiski khud ki unit doob rahi hai. Ab to bus tum sab mehnat karte raho, aur sara credit unhe milta rahe"
Tanu ki baat par Vansh aur Rajeev bas tamasa dekhte raha. Raunak apna peg khatam kar ke ek aur peg banane laga. Badi adaa se Tanu ne Rounak ka peg banati, sexy andaj me uski ore glass badha di. Raunak ne wo peg jhat se apne hath me liya aur ek baar me hi khali kar diya...
"Raunak ji aap sab bhi iss sharab ke glass ki tarah hai. Pyar se aap teeno isse bharte rahenge... aur wo Mulchandani jhatke me khali karte rahenge. Meri mano to samay aa gaya hai jab wo mulchandani sharab ke pyale bhare, aur hum usse khali kare".
Raunak ko phir ek peg bana kar Tanu glass badha di, par Raunak usse niche rakh kar, wahan se bina kuch bole chala gaya.....
Vansh..... ye to bhag gaya....
Tanu.... Bhag to raha hai Vansh, par teer nishane par laga hai. Shamsher ke faisle ko to ye bhi nahi jhel paya. Tabhi to aaj Harshvardhan ko chhod'kar humare sath baitha tha. Ab bas ek baar aur thoda sa brain wash karungi, phir ye khud-v-khud humari ore hoga...
Rajeev.…. Ek baar ye humari taraf ho jaye, fir legally company ke chairman hum honge,
aur tab sare share ko public kar ke un Mulchandani ki jade khod denge....
Tanu.... Tum log bharam me ji rahe ho kya???? Tum teeno ke shares mila kar bhi 45% he hote hain, baki ke 55% share to unhi ke pass hai.
Vansh.…. Suknya, Harshwardhan ya Manu me se kisi ek se mil bhi jaye, par Manu aur Harshwardhan kabhi ek nahi honge.
Tanu.... Vansh ab bhi galat khyalat me ji rahe ho, teeno ko ek hote der nahi lagegi....
Rajeev.... lekin wo kaise Tanu....
Tanu..... Kyonki suknya to apna fayda dekh kar Manu ke sath he judegi, lekin Hrash
bhale Manu se mile ki na mile, lekin uski beti Kaya to Manu ko he support karegi. Aur yadi aisa hua to Harsh ko na chahte huye bhi Manu se milna hoga.....
Vansh.... Hmmm ! To ab...
Tanu.... Mere pass ek idea hai, lekin Vansh tumhe abhi faisla karna hoga ki kya tum dil se humare sath ho....
Vansh.... sath na hota to kya yahan baitha hota....
Tanu..... Hmmm ! Fir thik hai Vansh.... tum ab tamasa dekhte jao.....
Meeting se wapas aate he inki kahani shuru ho gayi thi, aur idhar Manu MD bante he... apni jit ki khushi celebrate na kar, apne agle target ki ore rukh kiya. Ab pura group he uske isharon par nachne wala tha....
Manu, joining ke pahle ghante me he pure group ko hila diya. Ek circular jari karte huye, pure group me kaam kar rahe har empolye ke salary me 20% ka izafa de diya... Manu ki iss harkat par Suknya uss par bhadkti, usse apne post ka misuse karne ka ilzam lagane lagi.... lekin Manu muskurate bas itna he kaha.... "aap chinta na karo bua... aaj ka investment kal ka fayda hai"
Suknya gusse me bhannati sidha apne chember me pahunchi. Aate hi sidha apne washroom me ghus gayi. Suknya washroom ke ander do ghunt wishkey ke piti, apna chehra noch rahi thi, aur apne baap SamSher ko pet bhar galiyan de rahi thi.
Sukanya, kafi gusse me lagatar bas yahi soch rahi thi ki... "Aakhir kyon dad ne aisa kiya, kya unhe apni beti nahi dikhi iss post ke liye". Wo chidhi-chidhi bas apne dhun me thi, tabhi SamSher ka PA Arjun Kamat, washroom ke ander gush gaya"....
Arjun ko dekh kar Suknya apne hand purse se maarti hui kahne lagi.… "Tu bhagta hai ki nahi yahan se"… Sukanya usse gusse me aise ghur rahi thi, mano wo usse kaccha hi kha jayegi.
Last edited:
