Thriller The Revenge (Completed)

[TheBlackBlood]

Abhi gaon me hi hu.
..
21 ko ek relative ki beti ki shadi me tha...
26 ka bhi ek nimamtran hai
Lekin... Shayad 1-2 din me delhi pahunch jaunga.....

Moksh kahani ki tarah hi adhar me latke huye hain aur aage bhi yahi ummid hai...had hai

 

[TheBlackBlood]

Update - 07
____________________


​

Ek to andhera aur dusre andhere ki hi tarah gahra sannata. Itne bade bangle me gallary se aage badhne ki himmat hi nahi ho rahi thi mujh me. Mere zahen me khayaal ubhra ki raat ke is bhayawah andhere aur sannate me mujhe kahi nahi jana chahiye balki kamre me hi rah kar raat guzaar deni chahiye. Subah din ke ujaale me dekhuga ki yaha par mere liye kuch bacha hai ya nahi. Ye soch kar main waapas palta aur kamre ke andar aa gaya. Darwaze ko andar se band kar ke main palta to meri nazar khuli huyi khidki par padi. Is bangle ke dono taraf kyoki unche unche makaan ban gaye the is liye sambhav tha ki subah din ke ujaale me khuli huyi khidki par kisi ki nazar pad jaye aur wo ye dekh kar apne zahen me kisi tarah ke khayaal bana le. Maine ja kar khidki ko band kiya aur fir torch ko bed ki taraf focus kiya.

Bed par bichhe kapdo me dhool aur jaala nazar aaya to maine ek hath se us kapde ko badi sawdhani se utha kar kamre ke ek taraf rakh diya. Meri dhadkane badhi huyi thi kintu pahle ki apeksha ab mere andar ghabrahat ya dar jaisi baat nahi rah gayi thi. Bed se kapda hata to neeche saaf suthra bed dikhne laga. Maine palat kar diwaar se lagi aalmari ki taraf dekha. Mujhe ummid to nahi thi lekin fir bhi dhadakte dil ke sath uski taraf badha. Aalmari ka handle ghumaya to wo kuch der ki koshish me khul gaya. Ekaek hi meri dhadkane tez ho gayi thi. Maine aalmari ke dono pallo ko sawdhani se khola to andar se ajeeb si seelanyukt smell aayi. Maine fauran hi use band kiya aur aa kar bed par baith gaya.

Kuch der tak main yu hi sochta baitha raha. Main jaanta tha ki andhere me aisi jagah par raat guzaarna itna asaan nahi tha. Halaaki mere paas torch thi lekin torch ko bhi main baar baar jala nahi sakta tha kyoki uski roshni khidki ke raaste baahar kisi ko bhi nazar aa sakti thi. Ekaek mere zahen me khayaal aaya ki khidki ko kisi moti cheez se dhank diya jaye aur fir kamre me roshni ki jaye to baahar kisi ko pata nahi chalega. Ye khayaal mujhe sahi laga to maine fauran hi is par amal kiya. Bed se jo kapda maine nikala tha usko uthaya aur ja kar khidki par lamba kar ke khada kar diya. Wo bed ka mota wala gadda tha jisne bade araam se khidki ko dhank diya tha. Agal bagal se thodi saans to thi lekin usse koi fark nahi pad sakta tha aur wo saans zaruri bhi thi kyoki andar kamre me oxigen ka aana bhi zaruri tha.

Kamre ke farsh par dhool hi dhool thi aur mere chalne se usme kayi saare kadmo ke nishaan ban gaye the. Smell abhi bhi thi lekin ab main uska aadi ho gaya tha. Torch ki roshni me maine achhe se kamre ka jaayja lena shuru kar diya tha. Bees saal ka waqt guzar chuka tha is liye mujhe zyadatar cheeze yaad nahi thi kintu fir bhi main har cheez ko dekh raha tha. Diwaar par lage bijli ke switch par meri nazar padi lekin tabhi khayaal aaya ki yaha par bijli ka connection cut kar diya gaya hoga bijli vibhaag ne.

Kamre me ek taraf book shelf thi jis par kayi saari kitaabe rakhi huyi thi. Book shelf me dhool aur jaala laga hua tha. Kuch frame lagi tasveere thi jinme main tha, mere dost the aur do tasveere aisi thi jinme main apne mata pita ke sath tha. Torch ko hath me liye main us tasveer ke paas gaya. Saari tasveero me dhool aur jaala laga hua tha. Maine ek tasveer ko paas hi pade ek gande kapde se saaf kiya aur fir torch ki roshni me us tasveer ko dekhne laga.

Apne janm dene wale mata pita ki tasveer ko bees saalo baad dekh raha tha main. Achanak se aankho ke saamne jane kitni hi yaade taro taaza ho uthi jinki vajah se meri aankho me aansu aa gaye. Dil me bada tez dard utha jisne mere vajood ko jhakjhorna shuru kar diya. Maine badi mushkil se khud ko samhala aur tasveer se nazar hata kar main baaki cheezo ko dekhne laga.

Kareeb aadhe ghante tak main kamre me idhar se udhar dekhta raha lekin mere kaam ki koi cheez na mili. Thak haar kar main waapas bed par baith gaya tha. Zahen me khayaal ubhra ki shayad bees saal pahle yaha se cheeze hata di gayi thi. Is kamre ki hi nahi balki pure bangle ki bhi. Ab sawaal ye uthta hai ki kisne hataya hoga? Kya sarkar ne ya fir mere pita ke dosto ne?? Mera anumaan tha ki aisa mere pita ke dosto ne hi kiya hoga.

Kuch der tak main inhi sab ke bare me sochta raha aur fir bag se daru nikaal kar pine baith gaya. Kafi saalo baad daru pi raha tha main. Aisi jagah par aur aise waqt me mujhe iski shakht zarurat thi. Daru pine ke baad main usi bed par let gaya aur jane kab meri aankh lag gayi.

[][][][][][]

Charo taraf ghupp andhera tha lekin ajeeb baat ye thi ki iske baavjood aas paas maujood cheeze mujhe dikh rahi thi. Main samajh nahi pa raha tha ki main kis jagah par tha ya yu kahu ki aisi jagah par kaise pahuch gaya tha. Meri aankho ke saamne ek surang thi jo kareeb paanch fit unchi aur chaar fit chaudi thi. Surang ki diwaare mitti ki thi...kaali mitti ki. Mere aas paas dusra koi nahi tha, balki aisi jagah par main akela hi us surang ke darwaze par khada tha. Aisi jagah par khud ko dekh kar ek taraf jaha main achambhit tha wahi dusri taraf ghabraya hua bhi tha. Main baar baar apne zahen par zor daal kar ye jaanne samajhne ki koshish kar raha tha ki main yaha aaya kaise lekin kuch bhi samajh me nahi aa raha tha. Main kayi baar peeche mud ke dekh chuka tha lekin peechhe ghupp andhera tha jabki saamne surang aur us surang ke agal bagal andhere me bhi main achhi tarah dekh sakta tha jo ki mere liye kisi ashcharya se kam nahi tha.

Jane kitni hi der main apni jagah par khada tarah tarah ke khayaalo me khoya raha. Mere andar us kaali surang ko dekh kar bhay utpann ho chuka tha. Koi chara na dekh kar maine apne kadam us surang ki taraf badhaye. Mere hath ekdam khaali the. Dil me bhay aur ghabrahat liye main us surang me daakhil ho gaya. Abhi main us surang me chaar paanch kadam hi aage badha tha ki main ekdam se ruk gaya aur palat kar peeche ki taraf dekha to chaunk gaya. Mere andar dar ki tez laher daudti chali gayi. Peeche mukammal taur par syaah andhera tha. Yaani ab mujhe us surang ka darwaza nahi dikh raha tha. Mere dil ki dhadkane badi tezi se chal padi thi. Main ghabra kar ekdam se palta aur saamne dekha to maine ye dekh kar raahat ki saans li ki saamne ki taraf andhere me bhi mujhe us surang ke aage ka raasta dikh raha tha.

Apni haalat ko kisi tarah niyantrit kar maine dheere se apne kadam badhaye aur aage ki taraf chalne laga. Jaise jaise main us surang me aage badh raha tha waise waise us surang me aage ka raasta andhere me bhi saaf hota ja raha tha. Maine ek baar fir se palat kar peeche dekha to gahan syaah andhere ko dekh kar ek baar fir se mere andar dar ki laher daud gayi. Main ghabra kar jaldi se palta aur fir se aage badhne laga. Jane kitni hi der tak main aage badhta raha. Aisa lag raha tha jaise us surang ka koi ant hi nahi hai. Mere paanv thakne se lage the. Neeche kachchi zameen thi jo mere nange pairo me chubh si rahi thi.

Mere paanv chalte chalte buri tarah dard karne lage the aur main us dard se girne hi wala tha ki ekdam se main kisi kamre jaisi jagah par pahuch gaya. Dikhne me to wo kamre jaisa hi lag raha tha lekin uski daro diwaare surang jaisi hi kaali mitti ki thi. Diwaare to mitti ki hi ubad khabad jaisi thi lekin neeche ka farsh thoda plane tha. Main hairaani se charo taraf nazre ghuma ghuma kar dekh raha tha. Roshni ka kahi se bhi koi jariya nahi tha lekin andhere me bhi main saaf saaf us jagah ko dekh raha tha.

Saamne ki diwaar par bijli ka ek switch laga hua tha. Switch puri tarah se ganda tha aur usme jaale lage huye the. Switch ke right side ek handle jaisa tha. Mujhe samajhne me deri nahi huyi ki wo asal me kya tha. Maine ek baar kamre me charo taraf dekha aur fir us switch ki taraf chal pada. Kamre me us switch ke siva kuch bhi nahi tha. Mere man me hazaro sawaal ubhar rahe the. Khair switch ke paas pahuch kar maine uske handle par apna right hand badhaya. Handle ko pakad kar maine neeche ki taraf kheencha to wo thode zor dene par neeche ho gaya. Jaise hi wo neeche hua to kamre me ek ajeeb si gharar gharar ki tez awaaz huyi jise sun kar main buri tarah dar gaya aur hadbada kar us switch se door hat gaya.

Awaaz mere left side se aayi thi is liye maine fauran hi us taraf dekha. Main ye dekh kar chaunk gaya tha ki us taraf ek teen by paanch ka darwaza dikhne laga tha. Hairat se aankhe faade kuch der tak main us darwaze ko dekhta raha uske baad himmat juta kar main us taraf badha. Darwaze ke paas pahucha to dekha us darwaze se sat kar hi mitti ki seedhiya bani huyi thi jo neeche ki taraf ja rahi thi. Waha bhi andhera tha lekin mujhe saaf saaf neeche ja rahi seedhiya dikh rahi thi. Main man me hazaaro sawaal liye aur dil me dar liye aage badha. Ek ek kadam un seedhiyo par rakhte huye main dheere dheere neeche ki taraf badhta chala ja raha tha. Achanak hi main ruka aur palat kar peeche dekha to ek baar fir se syaah andhere ko dekh kar mere andar dar aur khauf ki laher daud gayi. Bade ashcharya ki baat thi ki peeche ka mujhe kuch bhi nahi dikh raha tha. Main ghabra kar waapas palta aur seedhiyo par se neeche utarne laga. Kuch hi der me main neeche aa gaya.

Neeche aaya to ye dekh kar meri aankhe hairaani se fail gayi ki waha har taraf tarah tarah ka samaan rakha hua tha jo ki bahut hi purana tha. Un sab par dhool aur jaale ne kabja kar rakha tha. Kamre me kuch aalmariya thi, kuch box the, kuch electric instruments the, ek taraf kuch tooti huyi kursiya padi huyi thi, diwaaro par kuch wires the jo ek sath bandhe huye the aur charo taraf ki diwaaro par dhanse huye se the, aur ek taraf zameen me ek steel ka danda sa tha jo kareeb chaar fit uncha tha aur usme ek mota sa kapda tanga hua tha. Us kapde me bhi dhool aur jaale ne kabja kiya hua tha. Kamre ki badi hi vichitra haalat thi jiski vajah se sab kuch bada bhayanak sa dikh raha tha. Mujhe samajh nahi aa raha tha ki main yaha par kyo tha ya ye kahu ki aisi jagah par kiske dwara laaya gaya tha?

Andhera to gahra tha lekin iske bavjood main kamre me maujood har cheez ko saaf dekh pa raha tha. Meri aankho ke saamne black & white colour ke tv jaise sab kuch dikh raha tha. Fark bas itna hi tha ki tv me roshni thodi tez hoti hai jabki yaha par sab kuch thoda dhundhla sa nazar aa raha tha. Main aage badha aur har cheez ko gaur se dekhne laga. Baye taraf ki diwaar ke paas aaya to meri nazar ek bade se desk par padi jisme do computer rakhe huye the. Dono computer ki haalat kharaab thi. Aisa lag raha tha jaise unhe destroy kiya gaya ho. Dhool aur jaale ne us par bhi apna kabja kar rakha tha. Chalte huye main us steel ke dande ke paas pahucha jisme ek mota sa kapda tanga hua tha. Black colour ke us kapde ko maine dhyaan se dekha to pata chala ki wo kisi Spiderman jaise shakhs ka kapda hai. Achanak se meri ankho ke saamne kuch dhundhli si tasveere ubharne lagi. Main ghabra kar us kapde se door hat gaya. Peeche kisi cheez se takraya to main khud ko girne se bachane ke liye peeche ki taraf apne dono hath kiye to main diwaar se ja takraya.

Abhi main samhal hi raha tha ki achanak gharar gharar ki awaaz se main buri tarah uchhal pada. Khauf ke maare mere halak se cheekh nikalte nikalte rah gayi. Nazar seedhiyo ki taraf padi to ye dekh kar chaunk gaya ki waha par ek darwaza ban gaya tha. Wo darwaza aisa tha ki usme se ek baar me sirf ek hi aadmi prawesh kar sakta tha. Maine kisi tarah khud ko samhala aur us taraf badh chala. Darwaze ke andar aaya to dekha wo ek chhota sa kamra tha. Kamre ki diwaare aur farsh mitti ke hi the. Kamre me lakdi ke do box rakhe huye the jinme mota sa taala laga hua tha. Dono box me dhool aur jaala laga hua tha. Maine kamre me charo taraf nazar ghumaai lekin un do box ke alawa baaki kuch nahi dikha mujhe. Main aage badha aur un dono box ko dekhne laga.

Mujhe aisa lag raha tha jaise mere kaan me koi kah raha ho ki kholo inhe. Main ghabra kar idhar udhar dekhne laga magar kaan me bolne wala mujhe kahi nazar na aaya. Dil ki dhadkane kabhi tez ho ja rahi thi to kabhi ekdam se tham ja rahi thi. Chehre par paseena mahsoos kar maine apni asteen se use ponchha aur fir un dono box ki taraf badha. Man me ye jaanne ki ajeeb si utsukta bhar gayi thi ki in dono box me aakhir kya ho sakta hai?

Box me lage taalo me jung laga hua tha. Zahen me khayaal ubhra ki bina chabhi ke ye taale kaise khulenge? Main chabhi ki talash me idhar udhar dekhne laga magar kafi der tak dekhne ke baad bhi mujhe kahi par bhi chaabhi nahi mili. Bebas bhaav se main box ke paas baith gaya aur sochne laga ki ab in taalo ko kaise kholu? Kamre me koi aisi cheez bhi nahi thi jiski madad se main un taalo ko tod paata. Maine yu hi hath badha kar ek box ke taale ko pakda aur us par yu hi zor lagaya aur agle hi pal maano chamtkaar ho gaya. Mere zor lagane par wo taala halki si awaaz ke sath khul gaya. Maine chakit bhaav se us khul gaye taale ko dekha aur fir jaldi se use kunde se nikaal kar ek taraf rakh diya.

Mere dil ki dhadkane dhaad dhaad kar ke baj rahi thi. Man me ek dar aur ek anjaani si ashanka bhar gayi thi. Jane is box ke andar kya maujood ho? Maine aankhe band kar ke apne andar himmat jutaayi aur box ke kunde ko pakad kar use upar uthana shuru kar diya. Aisa lag raha tha jaise waqt ki raftaar ekdam se dheemi ho gayi ho. Kaano me saany saany ki awaaze goojne lagi thi. Gahan khamoshi me ek ajeeb si sansani fail gayi thi. Maine us box ko pura khol diya aur jaise hi meri nazar box ke andar padi to meri aankhe ashcharya se fat padi. Muh hairat se khula ka khula rah gaya. Yakeen nahi ho raha tha ki meri aankhe jo dekh rahi hain wo sach hai ya koi sapna.

Box ke andar sona hi sona bhara hua tha jo us andhere me bhi mujhe saaf dikh raha tha. Box ke andar do bhaag the. Ek taraf ke bhaag me sone ke sikke aur jewraat the to dusre bhaag me sone ke biscuit. Biscuits ko dekh kar aisa lag raha tha jaise dher saare sone ko bhatthi me gala kar use biscuit ka akaar diya gaya ho. Biscuits me na to kuch likha hua tha aur na hi unki chamak waisi thi jaisi chamak sarkar ke gold wale biscuits me hoti hai. Main hairaan tha ki itna sona itne bade box me kisne rakha hoga? Kafi der tak main baari baari se box ke un dono bhaag ko dekh raha tha. Uske baad maine box ko band kiya aur fir dusre box ki taraf badha.

Dusra box bhi lakdi ka hi tha aur uski lambaayi chaudaayi bhi pahle wale jaisi hi thi. Us par bhi jung laga hua taala jhool raha tha. Maine us taale ko pakad kar thoda zor diya to wo bhi khul gaya. Main ye soch kar hairaan tha ki itni badi daulat par koi is tarah ka taala kyo lagayega jo itni asaani se khul jaye? Khair kunde ko pakad kar maine us box ko khola. Box ke andar laal rang ka mota kapda kisi cheez par dhanka hua tha. Us laal kapde ke upari hisse me halki dhool aur halke jaale lage dikhe. Maine us kapde ko uske chhor se pakad kar idhar udhar kiya. Uske neeche mujhe kuch awaaz si prateet huyi, aisa laga jaise andar ya to koi kaagaz hai ya fir panni. Kapda hata to mera andaza sahi nikla. Kapde ke neeche moti si panni thi aur wo panni box ke charo taraf waisi hi lagi huyi thi jaise wo laal kapda laga hua tha.

Mere man me ajeeb ajeeb si ashankaye ubhar rahi thi. Dil ki dhadkane ek baar fir se dhaad dhaad kar ke bajne lagi thi. Kaapte hatho se maine us panni ko bhi hatana shuru kiya. Kuch der baad jab puri panni upar ke bhaag se hati to meri aankhe ek baar fir se ashcharya se fail gayi. Dusra box bhi andar do bhaago me bata hua tha. Jiske ek bhaag me noto ki gaddiya kareene se saja kar rakhi huyi thi aur dusre bhaag me ek ke upar ek kuch files aur kuch kaagjaat jaisi cheeze rakhi huyi dikh rahi thi. Box ke andar se ajeeb si smell aane lagi thi jisse maine apni naak ko dhank liya tha. Meri aankhe kabhi noto ki gaddiyo par jam jaati to kabhi un files aur kaagjaato par.

Main us chhote se kamre me rakhe un dono box ke andar ki cheeze dekh kar chakit to tha hi lekin meri samajh me ye nahi aa raha tha ki ye sab kaha se aaya aur kiska hai? Sabse badi baat ye ki mere yaha pahuchne ka kya matlab hai? Abhi main ye sab soch hi raha tha ki achanak ek awaaz ko sun kar main buri tarah uchhal pada. Awaaz mere peechhe se aayi thi. Maine fauran hi palat kar peeche dekha to meri aankhe ek baar fir se fat padi aur main awaak sa apni jagah baitha rah gaya. Aisa laga waqt ke sath sath meri dhadkane bhi ruk gayi ho.

Mere saamne black & white jaise andhere me ek saaya khada tha. Nahi nahi...wo khada nahi tha balki wo to zameen se do fit upar hawa me lahra raha tha. Andhere me mujhe cheeze dikh to rahi thi lekin us saaye ka chehra mujhe saaf nahi dikh raha tha. Wo mujhse kuch doori par kisi bhoot pret ki tarah hawa me lahra raha tha. Ekdam se mujhe hosh aaya to main use dekh kar buri tarah dar gaya aur mere halak se cheekh nikal gayi.

Main hadbada kar bed par uth baitha tha. Gahri gahri saanse lete huye maine apne charo taraf dekha. Halka ujala sa prateet ho raha tha. Main ye dekh kar chaunka ki main kisi kamre me rakhe bed par baitha hua hu. Dil ki dhadkane dhaad dhaad kar ke meri kanpatiyo par bajti huyi mahsoos ho rahi thi. Mathe par chichipa sa mahsoos hua to maine hath laga kar dekha. Hatheli par paseena laga hua tha. Dimaag sakriya hua to mujhe apna pichhla sab kuch yaad aane laga. Sab kuch yaad aate hi mujhe ye bhi ehsaas hua ki abhi jo kuch maine dekha tha wo sab ek khwaab tha. Us khwaab ke bare me sochte hi mere zahen me kayi saare sawaal bijli ki tarah ubhar aaye. Mujhe yaad aaya ki khwaab me main jis tarah ki jagah me ja pahucha tha waisi ek jagah maine bees saal pahle apne pita ke kamre me rakhe bed ke neeche ek gupt jagah ke neeche dekhi thi. Main samajhne ki koshish karne laga ki aakhir mere aise khwaab ka kya matlab ho sakta tha??

✤༺✧༻✤​

Update - 08
____________________


​

Bed par baithe baithe maine apne hand me bandhi ek mamuli si ghadi me time dekha. Subah ke saadhe chaar baj rahe the. Yaani mere paas itna to time tha ki main yaha se jane ke baad waapas aa sakta tha. Ye soch kar main fauran hi bed se neeche utra aur khidki ke paas tezi se pahucha. Bed ke gadde ko halka sa nikaal kar maine khidki se baahar ki taraf dekha. Khidki ke saamne dikh rahi building ki ek khidki me mujhe roshni nazar aayi. Ye roshni us waqt bhi thi jab main yaha aaya tha. Mere is bangle se us building ki doori kaafi thi kyoki mere bangle me teen taraf se boundary wall thi jo ki bangle ki diwaar se das fit ki doori par thi. Khair maine aas paas ka muaayna kiya aur fir bed ke gadde ko khidki se hata kar use bagal se diwaar ke sahare tika kar khada kar diya. Uske baad maine apna bag liya aur khidki ke raaste baahar balcony me aa gaya.

Balcony ki railing me abhi bhi rassi fansi huyi thi. Jab main us rassi ke sahare upar aaya tha tab main us rassi ko nikaalna bhool gaya tha. Wo to shukar tha ki meri neend us khwaab ke chalte toot gayi thi warna agar subah ho jati aur kisi ki nazar us rassi par pad jati to mere liye musibat ho sakti thi. Maine bag ko peeth par taanga aur badi sawdhani se rassi ko pakad kar railing ke us paar kisi tarah jhool gaya. Neeche utarne me mujhe zyada pareshani nahi huyi. Rassi ko waisa hi latakta chhod maine pahle idhar udhar achhe se dekha aur fir dabe paanv boundary wall ki taraf badh chala. Kuch hi der me main boundary wall ke is paar aa kar sadak par pahuch gaya.

Sadak par paidal chalte huye main usi taraf ja raha tha jis taraf se kal main aaya tha. Sadak is waqt sunsaan thi aur main chaahta bhi yahi tha ki is waqt sadak par mujhe koi nazar na aaye lekin aisa hua nahi kyoki kuch door chalne ke baad mujhe ek aadmi aata hua nazar aaya. Us aadmi ki umar pachaas se upar rahi hogi. Jism par half t-shirt aur neeche ek lower pahan rakha tha usne. Pairo me sport shoes. Shayad morning walk par nikla tha wo. Jab main uske kareeb pahucha to usne ek nazar meri taraf dekha aur fir mere bagal se nikal gaya. Kuch der ke liye meri dhadkane tez ho gayi thi jinhe maine kisi tarah kaabu kiya aur fir aage badh chala.

Paanch bajne wale the. Guzarte waqt ke sath mere chehre par chinta bhi badhti ja rahi thi. Aakhir meri talash khatm huyi. Sadak ke mod par ek dukaan khuli huyi nazar aayi mujhe. Main tezi se chalte huye us dukaan par pahucha. Maine dukaan wale se paani ke kuch bottles, doodh ke kuch packets aur kuch bread wagaira kharide. Iske sath sath kuch aur bhi zaruri samaan liya aur use paise de kar waapas chal pada. Main jaanta tha ki is waqt khane ke liye iske alawa aur kuch nahi milne wala tha, jabki mujhe aaj sara din apne bangle me rahna tha aur waha chhaanbeen karni thi.

Jab main waapas apne bangle par aaya to saadhe paanch bajne wale the. Subah ka dhundhalka ubharne laga tha. Waapsi me mujhe kayi log aate jate nazar aaye jinhe dekh kar main thoda aur chintit ho utha tha. Main ye hargiz nahi chaahta tha ki log mujhe us viraan pade bangle me jate huye dekh le. Khair ye meri khush-kismati hi thi ki main bangle par pahuch gaya. Aas paas ka jaayja lene ke baad maine fauran hi jhool rahi rassi ko pakda aur upar chadhna shuru kar diya. Mere dil ki dhadkane train ki speed se daudne lagi thi aur sath hi kisi ke dwara dekh liye jane ka dar bhi badhta chala ja raha tha. Badi mushkil se main upar pahucha. Ek baar fir se maine aas paas ka jaayja liya aur fir rassi ko railing se nikaal kar use samette huye khidki ke raaste andar aa gaya.

Khidki ke dono palle band karne ke baad main bed par aa kar baith gaya tha. Meri saanse is tarah phool gayi thi maano main meelo daud kar aaya tha. Bag ko bed ke ek side rakh kar main apni phooli huyi saanso ko durust karne laga tha. Khidki par kyoki kaanch laga hua tha aur wo toote huye bhi the is liye baahar ki hawa aur halki roshni kamre me aa rahi thi. Abhi main apni saanso ko durust kar hi raha tha ki ek nayi pareshani mere liye khadi ho gayi. Pet me pressure banne laga tha. Main samajh gaya ki ye pressure bina toilet gaye thik nahi hoga. Bangle ke andar toilet ki byawastha to thi lekin paani nahi ho sakta tha. Pet me banne wala pressure dhire dhire aur bhi badhta ja raha tha.

Bag se pani ka ek bottle nikaal kar main utha aur kamre ke attach bathroom ki taraf badh chala. Bathroom ka darwaza thoda zor dene par khula lekin andar badi ajeeb si smell bhari huyi thi aur sath hi dhool ke sath jaala bhi. Gadde ke upar jo chaddar bichha hua tha use le kar maine bathroom ke jaale ko thoda bahut saaf kiya aur darwaza khol kar baahar hi khada ho gaya. Khidki se ab subah ka ujala andar aane laga tha, halaaki abhi subah ka suraj nikla nahi tha. Kuch der me jab bathroom ki smell kuch kam huyi to main andar daakhil ho gaya. Bathroom me lage paani ke nalke ko maine ghumaya to wo tas se mas na hua. Itne saalo me uska jaam ho jana laajmi tha lekin main fir bhi use ghumane ka prayaas karta hi raha. Halaaki mujhe yakeen tha ki nalke se paani aane ka sawaal hi paida nahi hota tha magar jane kyo main use ghumane ki koshish kiye ja raha tha. Idhar pet me banne wala pressure aur bhi badh gaya tha. Achanak hi toti ghoom gayi aur meri ummid ke vipreet usme se bade force se paani nikal pada. Main ekdam se uchhal pada tha aur sath hi hairaan bhi ho gaya tha. Toti se nikal raha paani ganda tha. Maine jaldi se toti ko band kiya aur fir toilet sheet par pant ke sath sath underwear utaar kar baith gaya.

Toilet karne ke baad maine bottle ke paani se shauch kiya aur fir uth khada hua. Bathroom ke kone me ek plastic ki balti rakhi huyi thi jo kafi gandi nazar aa rahi thi. Maine kapde pahanne ke baad us balti ko pani ki toti ke neeche rakh diya aur fir toti ko ghuma diya. Paani speed me nikla aur balti me girne laga magar ye kya...Pani ki speed ko balti sahan na kar saki aur wo toot gayi. Maine jaldi se pani ki speed ko kam kiya aur fir bathroom se baahar aa gaya. Balti kafi purani thi aur wo kamjor ho chuki thi. Us balti me jab thoda pani bhar gaya to maine toti band kar ke balti ke us paani ko toilet sheet par daal diya. Kamre me aa kar maine bag se saabun nikala aur bathroom me ja kar maine us saabun se hath dhoya.

Bed par baithe main us khwaab ke bare me soch raha tha. Aisi jagah par is tarah ka khwaab aana bematlab ya besabab nahi ho sakta tha aur agar bematlab tha bhi tab bhi mujhe ek baar apni tasalli ke liye us jagah par jana hi chahiye tha. Khair kisi tarah waqt guzra aur suraj nikla to dhoop nikal aayi jisse khidki ke raaste ab kamre me bhi ujala ho gaya tha.

Maine hath me bandhi ghadi me time dekha. Subah ke saadhe saat baj gaye the. Thodi si energy ke liye maine bag se doodh ka ek packet nikala aur usme thoda sa chhend kar ke sara pi gaya. Uske baad torch le kar main bed se neeche utra. Kamre ke darwaze ke paas pahuch kar maine darwaza khola. Ek baar fir se dil ki dhadkane ye soch kar thoda badh gayi ki itne bade bangle me sirf main hu jo kisi bhoot ki tarah bangle ke aise sthaan par jane laga hu jaha ke bare me jane ka koi soch bhi nahi sakta, us haalat me to bilkul bhi nahi jab pata ho ki ye bangla pichhle bees saalo se viraan pada hai.

Har taraf dhool aur jaalo ka samraajya tha jo is baat ko saabit karta tha ki ek muddat se yaha koi nahi aaya. Chalte chalte main seedhiyo ke paas aaya. Mere chalne se peeche pharsh par kadmo ke nishaan bante ja rahe the. Kyoki din ka waqt tha aur baahar dhoop khili huyi thi is vajah se uski roshni roshandaano se ho kar andar tak aa pahuchi thi jisse andar bhi thoda bahut ujala ho gaya tha. Seedhiyo se main neeche hall me aaya. Mere baye taraf kuch doori par jo kamra dikh raha tha wo hamari naukraani savita aunty ka tha. Us kamre ko dekh kar achanak se mujhe savita aunty ka khayaal aaya. Savita aunty ek aisi kirdaar thi jo namak to hamara kha rahi thi lekin jasusi Sanjay uncle ki kar rahi thi. Main sochne laga ki aaj ke waqt me wo kaha hogi? Kya aaj bhi wo Sanjay uncle ki khaas hogi ya niyati ne use is duniya se rukhsat kar diya hoga?

Mere zahen me savita aunty ke kamre me jane ka vichaar aaya to main us taraf hi chal pada. Kuch hi der me main uske kamre ke darwaze par pahuch gaya. Darwaza baahar se band tha aur us par kundi lagi huyi thi. Mere man me sawaal ubhra ki savita aunty ke kamre me taala kyo nahi laga hua hai? Fir maine socha ki ho sakta hai ki mere mata pita ki maut ke baad wo yaha akele rahne ka na sochi ho aur sanjay uncle ne uske rahne ke liye kisi dusri jagah intjaam kar diya ho. Mujhe apna ye khayaal sahi laga. Khair maine kundi sarka kar darwaze ko andar ki taraf dhakela to wo ajeeb si awaaz karta hua khul gaya. Andar se ajeeb si smell aa kar meri naak me sama gayi jisse maine apni naak par hath rakh liya.

Kamre me daakhil ho kar maine bade gaur se kamre ka muaayna kiya lekin ye dekh kar mujhe thoda hairaani huyi ki kamra ekdam se khaali tha. Kamre me ek bed zarur tha lekin usme koi kapda nahi tha. Ek kone me ek lakdi ki almaari rakhi thi jiske dono palle khule huye the. Almaari ke andar kuch bhi nahi tha. Ek taraf lakdi ki ek kursi aur ek chhota sa stool rakha hua tha. Kamre ki jo haalat dikh rahi thi usse saaf zaahir hota tha ki savita aunty ka boriya bistar yaha se bahut pahle hi uth chuka tha. Mera ab us kamre me rahne ka koi matlab nahi tha is liye waapas palta aur baahar aa kar darwaze ko waise hi kundi laga kar band kar diya jaise wo pahle band tha.

Ground floor par savita aunty ke kamre ke bagal se ek kamra aur tha jo store room tha. Usme main pahle bhi jana pasand nahi karta tha is liye is waqt bhi jana maine bekaar hi samjha. Hall ke right side me ek taraf mere mata pita ka kamra tha. Uske kuch doori par kitchen tha aur kitchen se laga hua dining hall. Maine ek baar chaaro taraf dekha aur fir apne mata pita ke kamre ki taraf badh chala. Meri aankho ke saamne ek baar fir se ateet ki yaade kisi film ki tarah dikhne lagi thi jo mujhe dukh pahuchaane lagi thi. Maine badi mushkil se khud ko samhala.

Mammy papa ke kamre ka darwaza bhi baahar se hi band tha. Maine kunde ko ek taraf sarka kar kamre ka darwaza khola. Darwaza khulte hi ek baar fir se ajeeb si smell meri naak me sama gayi jisse maine apni naak ko hatheli se dhank liya. Dhadakte dil se main kamre ke andar daakhil hua. Kamre ki haalat dekh kar mujhe thoda jhatka sa laga aur hairaani bhi huyi. Kamre me dhool aur jaale to the hi lekin hairaani ki baat ye thi ki kamre me rakhi cheeze idhar udhar bikhri huyi padi thi. Aisa lag raha tha jaise kabhi kisi ne yaha par cheezo ko idhar udhar bikher kar kisi cheez ki talaashi li ho. Kamre me rakha hua mammy papa ka bed bhi apni jagah se hat kar dusri taraf ajeeb angel se rakha hua tha. Bed ke neeche jo kaleen bichha hua hota tha wo bhi apni jagah se aadhe se zyada hata hua tha jiski vajah se uske neeche farsh me dikh rahe us gupt darwaze ki banawat saaf dikh rahi thi.

Kafi der tak main kamre ki aisi haalat ko dekhta khada raha uske baad main aage badha. Kamre ki diwaaro par frame lagi huyi tasveere tangi huyi thi. Main aahista se un tasveero ki taraf badha aur ek ek kar ke unhe dekhne laga. Tasveero me dhool aur jaala laga hua tha jinhe maine thoda sa saaf kiya. Tasveer me mammy papa the aur unke beech me main baitha hua tha. Us tasveer me meri umar das ya baarah saal ki thi. Aankho ke saamne kuch dhundhli si yaade flash huyi jisne mere dil me dard bhari tees paida kar di. Ek taraf ek badi si tasveer thi. Maine use saaf kiya to maine dekha usme main apni Mammy ke sath khada hua tha. Mammy has rahi thi aur main unke peechhe khade ho kar apne sir ko unke left kandhe par rakhe huye tha jiski vajah se wo apne left hand se mere gaal ko pyaar se sahlaate huye dikh rahi thi. Neeli saadi me wo bahut hi khubsurat dikh rahi thi, hasne ki vajah se unke motiyo jaise daant chamak rahe the. Mujhe yaad aaya ye tab ki tasveer thi jab main college pass out kar ke ghar aaya tha aur mammy papa mere ghar aane se khush ho gaye the. Papa tasveer khich rahe the aur main mammy se chhupak ke khada ho gaya tha. Aankho ke saamne wo manzar flash hua to ekdam se mere dil me ek hook si uthi aur meri aankhe chhalak padi. Mere mammy papa mujhe bahut pyar karte the...mujh par apni jaan chhidakte the. Aankhe band kar ke maine apne jazbaato ko samhaalne ki koshish ki aur upar wale se kahne laga ki kyo usne mere sath aisa kiya?

Yu to kamre me aisi na jane kitni hi tasveere lagi huyi thi lekin un sabko dekhne ki main himmat nahi juta saka. In tasveero ki vajah se palat jhapakte hi na jane kitni hi yaade ubhar aati aur mujhe rulaane lagti. Khair maine kisi tarah khud ko samhala aur kamre me bikhri padi cheezo ko dekhne laga.

Yu to mammy papa ke kamre me rakhi cheezo ko maine pahle kabhi gaur se nahi dekha tha is liye mere liye ye jaanna thoda mushkil tha ki agar yaha par kabhi kisi ne talaashi li thi to wo yaha se kya le ke gaya hoga? Itna to main samajhta tha ki mere pita ka sambandh C. M. S. jaisi sanstha se tha aur un dono ki maut ke baad unke dosto ne sabse pahle yahi kaam kiya hoga ki unke bangle se aise har wo saboot mita diye jaye jisse kisi ko ye pata na chal sake ki mere pita ka sambandh C. M. S. jaisi kisi sanstha se raha hai. Main samajh gaya ki kamre me mujhe is tarah ki koi cheez milne wali nahi thi aur waise bhi mera yaha aane ka maksad kuch aur tha.

Maine kaleen ko hataya to gupt tahkhane ka wo darwaza achhe se ubhar kar saamne aa gaya. Uske baad main kamre ke us taraf badha jaha par us darwaze ko kholne ka switch tha. Maine us khaas switch ko dabaya lekin koi faayda na hua. Ekdam se mere zahen me khayaal ubhra ki bangle me bijli nahi hai. Bina bijli ke kuch nahi ho sakta tha aur ye mere liye sabse badi samasya wali baat ho gayi thi.

Main waapas us gupt tahkhane ke darwaze ke paas aaya aur ukdu baith kar use gaur se dekhne laga. Gupt tahkhane ke us darwaze ka ek sira kaleen ke neeche abhi bhi thoda daba hua tha is liye maine kaleen ko waha se thoda aur peeche hataya. Kaleen ke hatte hi jo dikha usse meri aankhe fail gayi. Darwaze ka ek sira toota hua tha aur uske sath hi farsh bhi kinaare se udhda hua dikh raha tha. Zaahir hai kisi ne us darwaze ko todne ki koshish ki thi ya fir ye bhi kaha ja sakta hai ki darwaze ko tod hi diya hoga. Maine hathaudi ke dusre sire ko us toote huye hisse pas fansaya aur use upar karne ki koshish ki to wo ek taraf se uth gaya. Maine thoda aur uthaya to wo dusri taraf se thoda sarka aur agle hi pal jo hua usne mujhe buri tarah dara diya. Kamre me badi tez awaaz huyi thi. Gupt darwaza moti ply ka tha jiske upar white rang ki sunmica lagi huyi thi. White sunmica lagi hone se wo kamre ke farsh par lagi white tiles se match kar jata tha jisse asaani se koi guess nahi kar sakta tha ki wo kya hai. Khair maine jaise hi hathaudi se use zor de kar thoda aur uthaya to wo dusri taraf se sarak gaya tha jisse puraani ho chuki ply us taraf se toot gayi aur wo bharbhara kar neeche ja giri thi. Usi se tez awaaz huyi thi.

Kamre ke farsh par ab us gupt tahkhane ka chaukor raasta saaf dikh raha tha jiski seedhiyo par girne wala wo ply ka darwaza toot kar kayi tukdo me bat gaya tha. Seedhiyo ke neeche andhera tha. Maine pahle ply ke un toote huye tukdo ko baahar nikala aur fir neeche jane ke liye seedhiyo par kadam rakha. Ek baar fir se mere dil ki dhadkane badh gayi thi. Zahen me tarah tarah ke khayaal ubharne lage the. Jaise hi main neeche ki taraf aaya to meri naak me ajeeb si smell samane lagi. Maine naak ko hatheli se dhanka aur torch ko jala kar dheere dheere neeche utarne laga. Is jagah par main pahle bhi aa chuka tha lekin tab me aur ab me bees saalo ka fark ho gaya tha. Viraan pade itne bade bangle ke gupt tahkhane me main akela hath me torch liye neeche pahuch gaya tha.

Tahkhane me syaah andhera tha aur ajeeb si gandh bhari huyi thi. Torch ki roshni me maine dekha andar tahkhane me har taraf jaale lage huye the jiski vajah se waha ka manzar behad hi daraawna lag raha tha. Dar aur ghabrahat se meri dhadkane dhaad dhaad bajti huyi mahsoos ho rahi thi. Tahkhane ke us kamre ka manzar waisa hi tha jaisa maine kal raat khwaab me dekha tha lekin kuch cheezo me fark tha. Mujhe yaad aaya ki bees saal pahle jab main is tahkhane me aaya tha tab yaha par do teen computers lage huye the aur kuch alag type ke instruments rakhe huye the jabki is waqt kamre me na to computers the aur na hi koi instruments. Kamre ki diwaaro par chipki huyi wires zarur thi lekin kinaare par bane desk me sirf dhool hi thi. Maine torch ki roshni idhar udhar ghuma kar har taraf dekha. Ek kone me ek revolving chair ulti huyi padi thi aur usi ke paas lohe ke do teen tukde pade huye the jo rod jaise the. Ek taraf chaddar ki ek almaari thi jiske dono palle khule huye the aur un par jaale lage huye the. Desk se thodi doori par lakdi ka toota hua ek waisa hi box tha jaisa maine khwaab me dekha tha. Kamre ki haalat dekh kar saaf zaahir hota tha ki yaha par jo kuch bhi pahle maujood tha use hata diya gaya hai.

Maine torch ka focus diwaaro par Kiya to ek taraf mujhe bijli ka ek switch nazar aaya. Meri aankho ke saamne khwaab wala switch chamak utha to main us taraf badha. Switch par bhi dhool aur jala laga hua tha. Maine switch ke handle ko neeche ki taraf kheencha to wo thode prayaas me khatt ki awaaz ke sath neeche ho gaya lekin us switch ko neeche karne se koi pratikriya nahi huyi. Tabhi mujhe dhyaan aaya ki yaha bijli nahi hai aur shayad is vajah se kahi par koi pratikriya nahi huyi hai. Main sochne laga ki bijli ke na hone se agar kuch na hua to fir mere yaha aane ka koi faayda hi nahi hoga. Mujhe samajh me nahi aa raha tha ki ab kya karu? Torch ki roshni me main har taraf dekhne laga. Mujhe yaad aaya ki maine khwaab me ek aur gupt darwaza seedhi ke neeche pragat hote huye dekha tha. Main fauran hi seedhi ke neeche ki taraf badha.

Seedhi ke neeche diwaar ke kareeb pahuch kar maine torch ki roshni ko diwaar par focus kiya. Is taraf jaale ki bharmaar thi. Main muda aur revolving chair ke paas pade lohe ke ek rod ko utha liya. Rod le kar main seedhi ke paas aaya aur jaale ko us rod se saaf karne laga. Kuch hi der me saara jala lohe ki us rod me baith gaya. Maine rod ko kamre me ek taraf fenka aur fir se torch ke prakash ko diwaar par focus kiya. Seedhi ke neeche jo diwaar thi use main achhe se torch ke prakash me dekh raha tha. Kafi der tak dekhne ke baad bhi mujhe aisa kuch nazar na aaya jisse mujhe ek dusre gupt darwaze ko kholne ka koi suraag mil sake ya ye pata chal sake ki yaha par koi dusra gupt darwaza bhi hai. Thak haar kar main waapas mudne hi laga tha ki achanak main ruk gaya. Torch ka prakash bedhyani me seedhi ke neeche ek kone me chala gaya tha aur mujhe ek pal ke liye kuch dikha tha. Maine jaldi se us jagah par torch ke prakash ko focus kiya.

Seedhi ke neeche bilkul kinaare par, yaani baahri side kinaare par ek angul ki patti lagi huyi thi jo ki puri seedhi par lagi thi, usi patti ke just bagal se yaani andar side ek keel jaisa kuch dikh raha tha jiske upar ka bhaag thoda chauda tha magar gol tha. Kamre se seedhi ki taraf dekhne se na to wo ek angul ki patti samajh me aati thi aur na hi uske aage andar ki taraf wo keel jaisi cheez dikh sakti thi. Seedhi ke paas aane ke baad wo ek angul ki patti nazar to aayegi lekin uske aage lagi wo keel jaisi cheez nahi dikhegi aur na hi koi ye soch sakta hai ki aisi koi cheez seedhi ke baahri kinaare par ho sakti hai. Mere man me us keel jaisi cheez ko dekh kar utsukta jaag uthi aur sath hi dhadkane bhi tez ho gayi. Maine torch ko left hand me liya aur right hand ki ek ungli se us keel jaisi cheez ko sahlaya. Keel jaisi dikhne wali wo cheez chhoone par kuch alag hi mahsoos ho rahi thi. Maine uske upar ungli ko rakh kar sahlaate huye use thoda dabaya to agle hi pal gharar gharar ki awaaz sun kar main ekdam se chaunk gaya.

Mere peeche diwaar me ek aisa darwaza pragat ho gaya tha jisme ek baar me sirf ek hi aadmi andar daakhil ho sakta tha. Maine jaise hi us taraf torch ka prakash kiya to mujhe us darwaze par udti dhool nazar aayi. Main ye soch kar thoda soch me pad gaya tha ki ye darwaza kaise khul gaya tha, jabki yaha to bijli hai hi nahi? Is tarah ka system bina bijli ke nahi ho sakta tha, matlab zarur iske khulne ka koi na koi dusra khaas jariya tha. Main torch ki roshni ko us darwaze par focus kiye aage badha aur kuch hi palo me main us darwaze ke andar daakhil ho gaya.

✤༺✧༻✤​

 

[TheBlackBlood]

Dosto, Story ka next update post kar diya hai

 

[kamdev99008]

Update - 08
____________________


​

Bed par baithe baithe maine apne hand me bandhi ek mamuli si ghadi me time dekha. Subah ke saadhe chaar baj rahe the. Yaani mere paas itna to time tha ki main yaha se jane ke baad waapas aa sakta tha. Ye soch kar main fauran hi bed se neeche utra aur khidki ke paas tezi se pahucha. Bed ke gadde ko halka sa nikaal kar maine khidki se baahar ki taraf dekha. Khidki ke saamne dikh rahi building ki ek khidki me mujhe roshni nazar aayi. Ye roshni us waqt bhi thi jab main yaha aaya tha. Mere is bangle se us building ki doori kaafi thi kyoki mere bangle me teen taraf se boundary wall thi jo ki bangle ki diwaar se das fit ki doori par thi. Khair maine aas paas ka muaayna kiya aur fir bed ke gadde ko khidki se hata kar use bagal se diwaar ke sahare tika kar khada kar diya. Uske baad maine apna bag liya aur khidki ke raaste baahar balcony me aa gaya.

Balcony ki railing me abhi bhi rassi fansi huyi thi. Jab main us rassi ke sahare upar aaya tha tab main us rassi ko nikaalna bhool gaya tha. Wo to shukar tha ki meri neend us khwaab ke chalte toot gayi thi warna agar subah ho jati aur kisi ki nazar us rassi par pad jati to mere liye musibat ho sakti thi. Maine bag ko peeth par taanga aur badi sawdhani se rassi ko pakad kar railing ke us paar kisi tarah jhool gaya. Neeche utarne me mujhe zyada pareshani nahi huyi. Rassi ko waisa hi latakta chhod maine pahle idhar udhar achhe se dekha aur fir dabe paanv boundary wall ki taraf badh chala. Kuch hi der me main boundary wall ke is paar aa kar sadak par pahuch gaya.

Sadak par paidal chalte huye main usi taraf ja raha tha jis taraf se kal main aaya tha. Sadak is waqt sunsaan thi aur main chaahta bhi yahi tha ki is waqt sadak par mujhe koi nazar na aaye lekin aisa hua nahi kyoki kuch door chalne ke baad mujhe ek aadmi aata hua nazar aaya. Us aadmi ki umar pachaas se upar rahi hogi. Jism par half t-shirt aur neeche ek lower pahan rakha tha usne. Pairo me sport shoes. Shayad morning walk par nikla tha wo. Jab main uske kareeb pahucha to usne ek nazar meri taraf dekha aur fir mere bagal se nikal gaya. Kuch der ke liye meri dhadkane tez ho gayi thi jinhe maine kisi tarah kaabu kiya aur fir aage badh chala.

Paanch bajne wale the. Guzarte waqt ke sath mere chehre par chinta bhi badhti ja rahi thi. Aakhir meri talash khatm huyi. Sadak ke mod par ek dukaan khuli huyi nazar aayi mujhe. Main tezi se chalte huye us dukaan par pahucha. Maine dukaan wale se paani ke kuch bottles, doodh ke kuch packets aur kuch bread wagaira kharide. Iske sath sath kuch aur bhi zaruri samaan liya aur use paise de kar waapas chal pada. Main jaanta tha ki is waqt khane ke liye iske alawa aur kuch nahi milne wala tha, jabki mujhe aaj sara din apne bangle me rahna tha aur waha chhaanbeen karni thi.

Jab main waapas apne bangle par aaya to saadhe paanch bajne wale the. Subah ka dhundhalka ubharne laga tha. Waapsi me mujhe kayi log aate jate nazar aaye jinhe dekh kar main thoda aur chintit ho utha tha. Main ye hargiz nahi chaahta tha ki log mujhe us viraan pade bangle me jate huye dekh le. Khair ye meri khush-kismati hi thi ki main bangle par pahuch gaya. Aas paas ka jaayja lene ke baad maine fauran hi jhool rahi rassi ko pakda aur upar chadhna shuru kar diya. Mere dil ki dhadkane train ki speed se daudne lagi thi aur sath hi kisi ke dwara dekh liye jane ka dar bhi badhta chala ja raha tha. Badi mushkil se main upar pahucha. Ek baar fir se maine aas paas ka jaayja liya aur fir rassi ko railing se nikaal kar use samette huye khidki ke raaste andar aa gaya.

Khidki ke dono palle band karne ke baad main bed par aa kar baith gaya tha. Meri saanse is tarah phool gayi thi maano main meelo daud kar aaya tha. Bag ko bed ke ek side rakh kar main apni phooli huyi saanso ko durust karne laga tha. Khidki par kyoki kaanch laga hua tha aur wo toote huye bhi the is liye baahar ki hawa aur halki roshni kamre me aa rahi thi. Abhi main apni saanso ko durust kar hi raha tha ki ek nayi pareshani mere liye khadi ho gayi. Pet me pressure banne laga tha. Main samajh gaya ki ye pressure bina toilet gaye thik nahi hoga. Bangle ke andar toilet ki byawastha to thi lekin paani nahi ho sakta tha. Pet me banne wala pressure dhire dhire aur bhi badhta ja raha tha.

Bag se pani ka ek bottle nikaal kar main utha aur kamre ke attach bathroom ki taraf badh chala. Bathroom ka darwaza thoda zor dene par khula lekin andar badi ajeeb si smell bhari huyi thi aur sath hi dhool ke sath jaala bhi. Gadde ke upar jo chaddar bichha hua tha use le kar maine bathroom ke jaale ko thoda bahut saaf kiya aur darwaza khol kar baahar hi khada ho gaya. Khidki se ab subah ka ujala andar aane laga tha, halaaki abhi subah ka suraj nikla nahi tha. Kuch der me jab bathroom ki smell kuch kam huyi to main andar daakhil ho gaya. Bathroom me lage paani ke nalke ko maine ghumaya to wo tas se mas na hua. Itne saalo me uska jaam ho jana laajmi tha lekin main fir bhi use ghumane ka prayaas karta hi raha. Halaaki mujhe yakeen tha ki nalke se paani aane ka sawaal hi paida nahi hota tha magar jane kyo main use ghumane ki koshish kiye ja raha tha. Idhar pet me banne wala pressure aur bhi badh gaya tha. Achanak hi toti ghoom gayi aur meri ummid ke vipreet usme se bade force se paani nikal pada. Main ekdam se uchhal pada tha aur sath hi hairaan bhi ho gaya tha. Toti se nikal raha paani ganda tha. Maine jaldi se toti ko band kiya aur fir toilet sheet par pant ke sath sath underwear utaar kar baith gaya.

Toilet karne ke baad maine bottle ke paani se shauch kiya aur fir uth khada hua. Bathroom ke kone me ek plastic ki balti rakhi huyi thi jo kafi gandi nazar aa rahi thi. Maine kapde pahanne ke baad us balti ko pani ki toti ke neeche rakh diya aur fir toti ko ghuma diya. Paani speed me nikla aur balti me girne laga magar ye kya...Pani ki speed ko balti sahan na kar saki aur wo toot gayi. Maine jaldi se pani ki speed ko kam kiya aur fir bathroom se baahar aa gaya. Balti kafi purani thi aur wo kamjor ho chuki thi. Us balti me jab thoda pani bhar gaya to maine toti band kar ke balti ke us paani ko toilet sheet par daal diya. Kamre me aa kar maine bag se saabun nikala aur bathroom me ja kar maine us saabun se hath dhoya.

Bed par baithe main us khwaab ke bare me soch raha tha. Aisi jagah par is tarah ka khwaab aana bematlab ya besabab nahi ho sakta tha aur agar bematlab tha bhi tab bhi mujhe ek baar apni tasalli ke liye us jagah par jana hi chahiye tha. Khair kisi tarah waqt guzra aur suraj nikla to dhoop nikal aayi jisse khidki ke raaste ab kamre me bhi ujala ho gaya tha.

Maine hath me bandhi ghadi me time dekha. Subah ke saadhe saat baj gaye the. Thodi si energy ke liye maine bag se doodh ka ek packet nikala aur usme thoda sa chhend kar ke sara pi gaya. Uske baad torch le kar main bed se neeche utra. Kamre ke darwaze ke paas pahuch kar maine darwaza khola. Ek baar fir se dil ki dhadkane ye soch kar thoda badh gayi ki itne bade bangle me sirf main hu jo kisi bhoot ki tarah bangle ke aise sthaan par jane laga hu jaha ke bare me jane ka koi soch bhi nahi sakta, us haalat me to bilkul bhi nahi jab pata ho ki ye bangla pichhle bees saalo se viraan pada hai.

Har taraf dhool aur jaalo ka samraajya tha jo is baat ko saabit karta tha ki ek muddat se yaha koi nahi aaya. Chalte chalte main seedhiyo ke paas aaya. Mere chalne se peeche pharsh par kadmo ke nishaan bante ja rahe the. Kyoki din ka waqt tha aur baahar dhoop khili huyi thi is vajah se uski roshni roshandaano se ho kar andar tak aa pahuchi thi jisse andar bhi thoda bahut ujala ho gaya tha. Seedhiyo se main neeche hall me aaya. Mere baye taraf kuch doori par jo kamra dikh raha tha wo hamari naukraani savita aunty ka tha. Us kamre ko dekh kar achanak se mujhe savita aunty ka khayaal aaya. Savita aunty ek aisi kirdaar thi jo namak to hamara kha rahi thi lekin jasusi Sanjay uncle ki kar rahi thi. Main sochne laga ki aaj ke waqt me wo kaha hogi? Kya aaj bhi wo Sanjay uncle ki khaas hogi ya niyati ne use is duniya se rukhsat kar diya hoga?

Mere zahen me savita aunty ke kamre me jane ka vichaar aaya to main us taraf hi chal pada. Kuch hi der me main uske kamre ke darwaze par pahuch gaya. Darwaza baahar se band tha aur us par kundi lagi huyi thi. Mere man me sawaal ubhra ki savita aunty ke kamre me taala kyo nahi laga hua hai? Fir maine socha ki ho sakta hai ki mere mata pita ki maut ke baad wo yaha akele rahne ka na sochi ho aur sanjay uncle ne uske rahne ke liye kisi dusri jagah intjaam kar diya ho. Mujhe apna ye khayaal sahi laga. Khair maine kundi sarka kar darwaze ko andar ki taraf dhakela to wo ajeeb si awaaz karta hua khul gaya. Andar se ajeeb si smell aa kar meri naak me sama gayi jisse maine apni naak par hath rakh liya.

Kamre me daakhil ho kar maine bade gaur se kamre ka muaayna kiya lekin ye dekh kar mujhe thoda hairaani huyi ki kamra ekdam se khaali tha. Kamre me ek bed zarur tha lekin usme koi kapda nahi tha. Ek kone me ek lakdi ki almaari rakhi thi jiske dono palle khule huye the. Almaari ke andar kuch bhi nahi tha. Ek taraf lakdi ki ek kursi aur ek chhota sa stool rakha hua tha. Kamre ki jo haalat dikh rahi thi usse saaf zaahir hota tha ki savita aunty ka boriya bistar yaha se bahut pahle hi uth chuka tha. Mera ab us kamre me rahne ka koi matlab nahi tha is liye waapas palta aur baahar aa kar darwaze ko waise hi kundi laga kar band kar diya jaise wo pahle band tha.

Ground floor par savita aunty ke kamre ke bagal se ek kamra aur tha jo store room tha. Usme main pahle bhi jana pasand nahi karta tha is liye is waqt bhi jana maine bekaar hi samjha. Hall ke right side me ek taraf mere mata pita ka kamra tha. Uske kuch doori par kitchen tha aur kitchen se laga hua dining hall. Maine ek baar chaaro taraf dekha aur fir apne mata pita ke kamre ki taraf badh chala. Meri aankho ke saamne ek baar fir se ateet ki yaade kisi film ki tarah dikhne lagi thi jo mujhe dukh pahuchaane lagi thi. Maine badi mushkil se khud ko samhala.

Mammy papa ke kamre ka darwaza bhi baahar se hi band tha. Maine kunde ko ek taraf sarka kar kamre ka darwaza khola. Darwaza khulte hi ek baar fir se ajeeb si smell meri naak me sama gayi jisse maine apni naak ko hatheli se dhank liya. Dhadakte dil se main kamre ke andar daakhil hua. Kamre ki haalat dekh kar mujhe thoda jhatka sa laga aur hairaani bhi huyi. Kamre me dhool aur jaale to the hi lekin hairaani ki baat ye thi ki kamre me rakhi cheeze idhar udhar bikhri huyi padi thi. Aisa lag raha tha jaise kabhi kisi ne yaha par cheezo ko idhar udhar bikher kar kisi cheez ki talaashi li ho. Kamre me rakha hua mammy papa ka bed bhi apni jagah se hat kar dusri taraf ajeeb angel se rakha hua tha. Bed ke neeche jo kaleen bichha hua hota tha wo bhi apni jagah se aadhe se zyada hata hua tha jiski vajah se uske neeche farsh me dikh rahe us gupt darwaze ki banawat saaf dikh rahi thi.

Kafi der tak main kamre ki aisi haalat ko dekhta khada raha uske baad main aage badha. Kamre ki diwaaro par frame lagi huyi tasveere tangi huyi thi. Main aahista se un tasveero ki taraf badha aur ek ek kar ke unhe dekhne laga. Tasveero me dhool aur jaala laga hua tha jinhe maine thoda sa saaf kiya. Tasveer me mammy papa the aur unke beech me main baitha hua tha. Us tasveer me meri umar das ya baarah saal ki thi. Aankho ke saamne kuch dhundhli si yaade flash huyi jisne mere dil me dard bhari tees paida kar di. Ek taraf ek badi si tasveer thi. Maine use saaf kiya to maine dekha usme main apni Mammy ke sath khada hua tha. Mammy has rahi thi aur main unke peechhe khade ho kar apne sir ko unke left kandhe par rakhe huye tha jiski vajah se wo apne left hand se mere gaal ko pyaar se sahlaate huye dikh rahi thi. Neeli saadi me wo bahut hi khubsurat dikh rahi thi, hasne ki vajah se unke motiyo jaise daant chamak rahe the. Mujhe yaad aaya ye tab ki tasveer thi jab main college pass out kar ke ghar aaya tha aur mammy papa mere ghar aane se khush ho gaye the. Papa tasveer khich rahe the aur main mammy se chhupak ke khada ho gaya tha. Aankho ke saamne wo manzar flash hua to ekdam se mere dil me ek hook si uthi aur meri aankhe chhalak padi. Mere mammy papa mujhe bahut pyar karte the...mujh par apni jaan chhidakte the. Aankhe band kar ke maine apne jazbaato ko samhaalne ki koshish ki aur upar wale se kahne laga ki kyo usne mere sath aisa kiya?

Yu to kamre me aisi na jane kitni hi tasveere lagi huyi thi lekin un sabko dekhne ki main himmat nahi juta saka. In tasveero ki vajah se palat jhapakte hi na jane kitni hi yaade ubhar aati aur mujhe rulaane lagti. Khair maine kisi tarah khud ko samhala aur kamre me bikhri padi cheezo ko dekhne laga.

Yu to mammy papa ke kamre me rakhi cheezo ko maine pahle kabhi gaur se nahi dekha tha is liye mere liye ye jaanna thoda mushkil tha ki agar yaha par kabhi kisi ne talaashi li thi to wo yaha se kya le ke gaya hoga? Itna to main samajhta tha ki mere pita ka sambandh C. M. S. jaisi sanstha se tha aur un dono ki maut ke baad unke dosto ne sabse pahle yahi kaam kiya hoga ki unke bangle se aise har wo saboot mita diye jaye jisse kisi ko ye pata na chal sake ki mere pita ka sambandh C. M. S. jaisi kisi sanstha se raha hai. Main samajh gaya ki kamre me mujhe is tarah ki koi cheez milne wali nahi thi aur waise bhi mera yaha aane ka maksad kuch aur tha.

Maine kaleen ko hataya to gupt tahkhane ka wo darwaza achhe se ubhar kar saamne aa gaya. Uske baad main kamre ke us taraf badha jaha par us darwaze ko kholne ka switch tha. Maine us khaas switch ko dabaya lekin koi faayda na hua. Ekdam se mere zahen me khayaal ubhra ki bangle me bijli nahi hai. Bina bijli ke kuch nahi ho sakta tha aur ye mere liye sabse badi samasya wali baat ho gayi thi.

Main waapas us gupt tahkhane ke darwaze ke paas aaya aur ukdu baith kar use gaur se dekhne laga. Gupt tahkhane ke us darwaze ka ek sira kaleen ke neeche abhi bhi thoda daba hua tha is liye maine kaleen ko waha se thoda aur peeche hataya. Kaleen ke hatte hi jo dikha usse meri aankhe fail gayi. Darwaze ka ek sira toota hua tha aur uske sath hi farsh bhi kinaare se udhda hua dikh raha tha. Zaahir hai kisi ne us darwaze ko todne ki koshish ki thi ya fir ye bhi kaha ja sakta hai ki darwaze ko tod hi diya hoga. Maine hathaudi ke dusre sire ko us toote huye hisse pas fansaya aur use upar karne ki koshish ki to wo ek taraf se uth gaya. Maine thoda aur uthaya to wo dusri taraf se thoda sarka aur agle hi pal jo hua usne mujhe buri tarah dara diya. Kamre me badi tez awaaz huyi thi. Gupt darwaza moti ply ka tha jiske upar white rang ki sunmica lagi huyi thi. White sunmica lagi hone se wo kamre ke farsh par lagi white tiles se match kar jata tha jisse asaani se koi guess nahi kar sakta tha ki wo kya hai. Khair maine jaise hi hathaudi se use zor de kar thoda aur uthaya to wo dusri taraf se sarak gaya tha jisse puraani ho chuki ply us taraf se toot gayi aur wo bharbhara kar neeche ja giri thi. Usi se tez awaaz huyi thi.

Kamre ke farsh par ab us gupt tahkhane ka chaukor raasta saaf dikh raha tha jiski seedhiyo par girne wala wo ply ka darwaza toot kar kayi tukdo me bat gaya tha. Seedhiyo ke neeche andhera tha. Maine pahle ply ke un toote huye tukdo ko baahar nikala aur fir neeche jane ke liye seedhiyo par kadam rakha. Ek baar fir se mere dil ki dhadkane badh gayi thi. Zahen me tarah tarah ke khayaal ubharne lage the. Jaise hi main neeche ki taraf aaya to meri naak me ajeeb si smell samane lagi. Maine naak ko hatheli se dhanka aur torch ko jala kar dheere dheere neeche utarne laga. Is jagah par main pahle bhi aa chuka tha lekin tab me aur ab me bees saalo ka fark ho gaya tha. Viraan pade itne bade bangle ke gupt tahkhane me main akela hath me torch liye neeche pahuch gaya tha.

Tahkhane me syaah andhera tha aur ajeeb si gandh bhari huyi thi. Torch ki roshni me maine dekha andar tahkhane me har taraf jaale lage huye the jiski vajah se waha ka manzar behad hi daraawna lag raha tha. Dar aur ghabrahat se meri dhadkane dhaad dhaad bajti huyi mahsoos ho rahi thi. Tahkhane ke us kamre ka manzar waisa hi tha jaisa maine kal raat khwaab me dekha tha lekin kuch cheezo me fark tha. Mujhe yaad aaya ki bees saal pahle jab main is tahkhane me aaya tha tab yaha par do teen computers lage huye the aur kuch alag type ke instruments rakhe huye the jabki is waqt kamre me na to computers the aur na hi koi instruments. Kamre ki diwaaro par chipki huyi wires zarur thi lekin kinaare par bane desk me sirf dhool hi thi. Maine torch ki roshni idhar udhar ghuma kar har taraf dekha. Ek kone me ek revolving chair ulti huyi padi thi aur usi ke paas lohe ke do teen tukde pade huye the jo rod jaise the. Ek taraf chaddar ki ek almaari thi jiske dono palle khule huye the aur un par jaale lage huye the. Desk se thodi doori par lakdi ka toota hua ek waisa hi box tha jaisa maine khwaab me dekha tha. Kamre ki haalat dekh kar saaf zaahir hota tha ki yaha par jo kuch bhi pahle maujood tha use hata diya gaya hai.

Maine torch ka focus diwaaro par Kiya to ek taraf mujhe bijli ka ek switch nazar aaya. Meri aankho ke saamne khwaab wala switch chamak utha to main us taraf badha. Switch par bhi dhool aur jala laga hua tha. Maine switch ke handle ko neeche ki taraf kheencha to wo thode prayaas me khatt ki awaaz ke sath neeche ho gaya lekin us switch ko neeche karne se koi pratikriya nahi huyi. Tabhi mujhe dhyaan aaya ki yaha bijli nahi hai aur shayad is vajah se kahi par koi pratikriya nahi huyi hai. Main sochne laga ki bijli ke na hone se agar kuch na hua to fir mere yaha aane ka koi faayda hi nahi hoga. Mujhe samajh me nahi aa raha tha ki ab kya karu? Torch ki roshni me main har taraf dekhne laga. Mujhe yaad aaya ki maine khwaab me ek aur gupt darwaza seedhi ke neeche pragat hote huye dekha tha. Main fauran hi seedhi ke neeche ki taraf badha.

Seedhi ke neeche diwaar ke kareeb pahuch kar maine torch ki roshni ko diwaar par focus kiya. Is taraf jaale ki bharmaar thi. Main muda aur revolving chair ke paas pade lohe ke ek rod ko utha liya. Rod le kar main seedhi ke paas aaya aur jaale ko us rod se saaf karne laga. Kuch hi der me saara jala lohe ki us rod me baith gaya. Maine rod ko kamre me ek taraf fenka aur fir se torch ke prakash ko diwaar par focus kiya. Seedhi ke neeche jo diwaar thi use main achhe se torch ke prakash me dekh raha tha. Kafi der tak dekhne ke baad bhi mujhe aisa kuch nazar na aaya jisse mujhe ek dusre gupt darwaze ko kholne ka koi suraag mil sake ya ye pata chal sake ki yaha par koi dusra gupt darwaza bhi hai. Thak haar kar main waapas mudne hi laga tha ki achanak main ruk gaya. Torch ka prakash bedhyani me seedhi ke neeche ek kone me chala gaya tha aur mujhe ek pal ke liye kuch dikha tha. Maine jaldi se us jagah par torch ke prakash ko focus kiya.

Seedhi ke neeche bilkul kinaare par, yaani baahri side kinaare par ek angul ki patti lagi huyi thi jo ki puri seedhi par lagi thi, usi patti ke just bagal se yaani andar side ek keel jaisa kuch dikh raha tha jiske upar ka bhaag thoda chauda tha magar gol tha. Kamre se seedhi ki taraf dekhne se na to wo ek angul ki patti samajh me aati thi aur na hi uske aage andar ki taraf wo keel jaisi cheez dikh sakti thi. Seedhi ke paas aane ke baad wo ek angul ki patti nazar to aayegi lekin uske aage lagi wo keel jaisi cheez nahi dikhegi aur na hi koi ye soch sakta hai ki aisi koi cheez seedhi ke baahri kinaare par ho sakti hai. Mere man me us keel jaisi cheez ko dekh kar utsukta jaag uthi aur sath hi dhadkane bhi tez ho gayi. Maine torch ko left hand me liya aur right hand ki ek ungli se us keel jaisi cheez ko sahlaya. Keel jaisi dikhne wali wo cheez chhoone par kuch alag hi mahsoos ho rahi thi. Maine uske upar ungli ko rakh kar sahlaate huye use thoda dabaya to agle hi pal gharar gharar ki awaaz sun kar main ekdam se chaunk gaya.

Mere peeche diwaar me ek aisa darwaza pragat ho gaya tha jisme ek baar me sirf ek hi aadmi andar daakhil ho sakta tha. Maine jaise hi us taraf torch ka prakash kiya to mujhe us darwaze par udti dhool nazar aayi. Main ye soch kar thoda soch me pad gaya tha ki ye darwaza kaise khul gaya tha, jabki yaha to bijli hai hi nahi? Is tarah ka system bina bijli ke nahi ho sakta tha, matlab zarur iske khulne ka koi na koi dusra khaas jariya tha. Main torch ki roshni ko us darwaze par focus kiye aage badha aur kuch hi palo me main us darwaze ke andar daakhil ho gaya.

✤༺✧༻✤​

Bahut badhiya...
Ab shayad yahan se kuchh pata chale...

Kyonki is tahkhane ke andar ke tahkhane ki details se aisa lag raha hai ki shayad CMS walon ko bhi iski jankari nahi hogi....

Ab is mod par update jaldi dena....
Waiting eagerly

 

[parkas]

Update - 08
____________________


​

Bed par baithe baithe maine apne hand me bandhi ek mamuli si ghadi me time dekha. Subah ke saadhe chaar baj rahe the. Yaani mere paas itna to time tha ki main yaha se jane ke baad waapas aa sakta tha. Ye soch kar main fauran hi bed se neeche utra aur khidki ke paas tezi se pahucha. Bed ke gadde ko halka sa nikaal kar maine khidki se baahar ki taraf dekha. Khidki ke saamne dikh rahi building ki ek khidki me mujhe roshni nazar aayi. Ye roshni us waqt bhi thi jab main yaha aaya tha. Mere is bangle se us building ki doori kaafi thi kyoki mere bangle me teen taraf se boundary wall thi jo ki bangle ki diwaar se das fit ki doori par thi. Khair maine aas paas ka muaayna kiya aur fir bed ke gadde ko khidki se hata kar use bagal se diwaar ke sahare tika kar khada kar diya. Uske baad maine apna bag liya aur khidki ke raaste baahar balcony me aa gaya.

Balcony ki railing me abhi bhi rassi fansi huyi thi. Jab main us rassi ke sahare upar aaya tha tab main us rassi ko nikaalna bhool gaya tha. Wo to shukar tha ki meri neend us khwaab ke chalte toot gayi thi warna agar subah ho jati aur kisi ki nazar us rassi par pad jati to mere liye musibat ho sakti thi. Maine bag ko peeth par taanga aur badi sawdhani se rassi ko pakad kar railing ke us paar kisi tarah jhool gaya. Neeche utarne me mujhe zyada pareshani nahi huyi. Rassi ko waisa hi latakta chhod maine pahle idhar udhar achhe se dekha aur fir dabe paanv boundary wall ki taraf badh chala. Kuch hi der me main boundary wall ke is paar aa kar sadak par pahuch gaya.

Sadak par paidal chalte huye main usi taraf ja raha tha jis taraf se kal main aaya tha. Sadak is waqt sunsaan thi aur main chaahta bhi yahi tha ki is waqt sadak par mujhe koi nazar na aaye lekin aisa hua nahi kyoki kuch door chalne ke baad mujhe ek aadmi aata hua nazar aaya. Us aadmi ki umar pachaas se upar rahi hogi. Jism par half t-shirt aur neeche ek lower pahan rakha tha usne. Pairo me sport shoes. Shayad morning walk par nikla tha wo. Jab main uske kareeb pahucha to usne ek nazar meri taraf dekha aur fir mere bagal se nikal gaya. Kuch der ke liye meri dhadkane tez ho gayi thi jinhe maine kisi tarah kaabu kiya aur fir aage badh chala.

Paanch bajne wale the. Guzarte waqt ke sath mere chehre par chinta bhi badhti ja rahi thi. Aakhir meri talash khatm huyi. Sadak ke mod par ek dukaan khuli huyi nazar aayi mujhe. Main tezi se chalte huye us dukaan par pahucha. Maine dukaan wale se paani ke kuch bottles, doodh ke kuch packets aur kuch bread wagaira kharide. Iske sath sath kuch aur bhi zaruri samaan liya aur use paise de kar waapas chal pada. Main jaanta tha ki is waqt khane ke liye iske alawa aur kuch nahi milne wala tha, jabki mujhe aaj sara din apne bangle me rahna tha aur waha chhaanbeen karni thi.

Jab main waapas apne bangle par aaya to saadhe paanch bajne wale the. Subah ka dhundhalka ubharne laga tha. Waapsi me mujhe kayi log aate jate nazar aaye jinhe dekh kar main thoda aur chintit ho utha tha. Main ye hargiz nahi chaahta tha ki log mujhe us viraan pade bangle me jate huye dekh le. Khair ye meri khush-kismati hi thi ki main bangle par pahuch gaya. Aas paas ka jaayja lene ke baad maine fauran hi jhool rahi rassi ko pakda aur upar chadhna shuru kar diya. Mere dil ki dhadkane train ki speed se daudne lagi thi aur sath hi kisi ke dwara dekh liye jane ka dar bhi badhta chala ja raha tha. Badi mushkil se main upar pahucha. Ek baar fir se maine aas paas ka jaayja liya aur fir rassi ko railing se nikaal kar use samette huye khidki ke raaste andar aa gaya.

Khidki ke dono palle band karne ke baad main bed par aa kar baith gaya tha. Meri saanse is tarah phool gayi thi maano main meelo daud kar aaya tha. Bag ko bed ke ek side rakh kar main apni phooli huyi saanso ko durust karne laga tha. Khidki par kyoki kaanch laga hua tha aur wo toote huye bhi the is liye baahar ki hawa aur halki roshni kamre me aa rahi thi. Abhi main apni saanso ko durust kar hi raha tha ki ek nayi pareshani mere liye khadi ho gayi. Pet me pressure banne laga tha. Main samajh gaya ki ye pressure bina toilet gaye thik nahi hoga. Bangle ke andar toilet ki byawastha to thi lekin paani nahi ho sakta tha. Pet me banne wala pressure dhire dhire aur bhi badhta ja raha tha.

Bag se pani ka ek bottle nikaal kar main utha aur kamre ke attach bathroom ki taraf badh chala. Bathroom ka darwaza thoda zor dene par khula lekin andar badi ajeeb si smell bhari huyi thi aur sath hi dhool ke sath jaala bhi. Gadde ke upar jo chaddar bichha hua tha use le kar maine bathroom ke jaale ko thoda bahut saaf kiya aur darwaza khol kar baahar hi khada ho gaya. Khidki se ab subah ka ujala andar aane laga tha, halaaki abhi subah ka suraj nikla nahi tha. Kuch der me jab bathroom ki smell kuch kam huyi to main andar daakhil ho gaya. Bathroom me lage paani ke nalke ko maine ghumaya to wo tas se mas na hua. Itne saalo me uska jaam ho jana laajmi tha lekin main fir bhi use ghumane ka prayaas karta hi raha. Halaaki mujhe yakeen tha ki nalke se paani aane ka sawaal hi paida nahi hota tha magar jane kyo main use ghumane ki koshish kiye ja raha tha. Idhar pet me banne wala pressure aur bhi badh gaya tha. Achanak hi toti ghoom gayi aur meri ummid ke vipreet usme se bade force se paani nikal pada. Main ekdam se uchhal pada tha aur sath hi hairaan bhi ho gaya tha. Toti se nikal raha paani ganda tha. Maine jaldi se toti ko band kiya aur fir toilet sheet par pant ke sath sath underwear utaar kar baith gaya.

Toilet karne ke baad maine bottle ke paani se shauch kiya aur fir uth khada hua. Bathroom ke kone me ek plastic ki balti rakhi huyi thi jo kafi gandi nazar aa rahi thi. Maine kapde pahanne ke baad us balti ko pani ki toti ke neeche rakh diya aur fir toti ko ghuma diya. Paani speed me nikla aur balti me girne laga magar ye kya...Pani ki speed ko balti sahan na kar saki aur wo toot gayi. Maine jaldi se pani ki speed ko kam kiya aur fir bathroom se baahar aa gaya. Balti kafi purani thi aur wo kamjor ho chuki thi. Us balti me jab thoda pani bhar gaya to maine toti band kar ke balti ke us paani ko toilet sheet par daal diya. Kamre me aa kar maine bag se saabun nikala aur bathroom me ja kar maine us saabun se hath dhoya.

Bed par baithe main us khwaab ke bare me soch raha tha. Aisi jagah par is tarah ka khwaab aana bematlab ya besabab nahi ho sakta tha aur agar bematlab tha bhi tab bhi mujhe ek baar apni tasalli ke liye us jagah par jana hi chahiye tha. Khair kisi tarah waqt guzra aur suraj nikla to dhoop nikal aayi jisse khidki ke raaste ab kamre me bhi ujala ho gaya tha.

Maine hath me bandhi ghadi me time dekha. Subah ke saadhe saat baj gaye the. Thodi si energy ke liye maine bag se doodh ka ek packet nikala aur usme thoda sa chhend kar ke sara pi gaya. Uske baad torch le kar main bed se neeche utra. Kamre ke darwaze ke paas pahuch kar maine darwaza khola. Ek baar fir se dil ki dhadkane ye soch kar thoda badh gayi ki itne bade bangle me sirf main hu jo kisi bhoot ki tarah bangle ke aise sthaan par jane laga hu jaha ke bare me jane ka koi soch bhi nahi sakta, us haalat me to bilkul bhi nahi jab pata ho ki ye bangla pichhle bees saalo se viraan pada hai.

Har taraf dhool aur jaalo ka samraajya tha jo is baat ko saabit karta tha ki ek muddat se yaha koi nahi aaya. Chalte chalte main seedhiyo ke paas aaya. Mere chalne se peeche pharsh par kadmo ke nishaan bante ja rahe the. Kyoki din ka waqt tha aur baahar dhoop khili huyi thi is vajah se uski roshni roshandaano se ho kar andar tak aa pahuchi thi jisse andar bhi thoda bahut ujala ho gaya tha. Seedhiyo se main neeche hall me aaya. Mere baye taraf kuch doori par jo kamra dikh raha tha wo hamari naukraani savita aunty ka tha. Us kamre ko dekh kar achanak se mujhe savita aunty ka khayaal aaya. Savita aunty ek aisi kirdaar thi jo namak to hamara kha rahi thi lekin jasusi Sanjay uncle ki kar rahi thi. Main sochne laga ki aaj ke waqt me wo kaha hogi? Kya aaj bhi wo Sanjay uncle ki khaas hogi ya niyati ne use is duniya se rukhsat kar diya hoga?

Mere zahen me savita aunty ke kamre me jane ka vichaar aaya to main us taraf hi chal pada. Kuch hi der me main uske kamre ke darwaze par pahuch gaya. Darwaza baahar se band tha aur us par kundi lagi huyi thi. Mere man me sawaal ubhra ki savita aunty ke kamre me taala kyo nahi laga hua hai? Fir maine socha ki ho sakta hai ki mere mata pita ki maut ke baad wo yaha akele rahne ka na sochi ho aur sanjay uncle ne uske rahne ke liye kisi dusri jagah intjaam kar diya ho. Mujhe apna ye khayaal sahi laga. Khair maine kundi sarka kar darwaze ko andar ki taraf dhakela to wo ajeeb si awaaz karta hua khul gaya. Andar se ajeeb si smell aa kar meri naak me sama gayi jisse maine apni naak par hath rakh liya.

Kamre me daakhil ho kar maine bade gaur se kamre ka muaayna kiya lekin ye dekh kar mujhe thoda hairaani huyi ki kamra ekdam se khaali tha. Kamre me ek bed zarur tha lekin usme koi kapda nahi tha. Ek kone me ek lakdi ki almaari rakhi thi jiske dono palle khule huye the. Almaari ke andar kuch bhi nahi tha. Ek taraf lakdi ki ek kursi aur ek chhota sa stool rakha hua tha. Kamre ki jo haalat dikh rahi thi usse saaf zaahir hota tha ki savita aunty ka boriya bistar yaha se bahut pahle hi uth chuka tha. Mera ab us kamre me rahne ka koi matlab nahi tha is liye waapas palta aur baahar aa kar darwaze ko waise hi kundi laga kar band kar diya jaise wo pahle band tha.

Ground floor par savita aunty ke kamre ke bagal se ek kamra aur tha jo store room tha. Usme main pahle bhi jana pasand nahi karta tha is liye is waqt bhi jana maine bekaar hi samjha. Hall ke right side me ek taraf mere mata pita ka kamra tha. Uske kuch doori par kitchen tha aur kitchen se laga hua dining hall. Maine ek baar chaaro taraf dekha aur fir apne mata pita ke kamre ki taraf badh chala. Meri aankho ke saamne ek baar fir se ateet ki yaade kisi film ki tarah dikhne lagi thi jo mujhe dukh pahuchaane lagi thi. Maine badi mushkil se khud ko samhala.

Mammy papa ke kamre ka darwaza bhi baahar se hi band tha. Maine kunde ko ek taraf sarka kar kamre ka darwaza khola. Darwaza khulte hi ek baar fir se ajeeb si smell meri naak me sama gayi jisse maine apni naak ko hatheli se dhank liya. Dhadakte dil se main kamre ke andar daakhil hua. Kamre ki haalat dekh kar mujhe thoda jhatka sa laga aur hairaani bhi huyi. Kamre me dhool aur jaale to the hi lekin hairaani ki baat ye thi ki kamre me rakhi cheeze idhar udhar bikhri huyi padi thi. Aisa lag raha tha jaise kabhi kisi ne yaha par cheezo ko idhar udhar bikher kar kisi cheez ki talaashi li ho. Kamre me rakha hua mammy papa ka bed bhi apni jagah se hat kar dusri taraf ajeeb angel se rakha hua tha. Bed ke neeche jo kaleen bichha hua hota tha wo bhi apni jagah se aadhe se zyada hata hua tha jiski vajah se uske neeche farsh me dikh rahe us gupt darwaze ki banawat saaf dikh rahi thi.

Kafi der tak main kamre ki aisi haalat ko dekhta khada raha uske baad main aage badha. Kamre ki diwaaro par frame lagi huyi tasveere tangi huyi thi. Main aahista se un tasveero ki taraf badha aur ek ek kar ke unhe dekhne laga. Tasveero me dhool aur jaala laga hua tha jinhe maine thoda sa saaf kiya. Tasveer me mammy papa the aur unke beech me main baitha hua tha. Us tasveer me meri umar das ya baarah saal ki thi. Aankho ke saamne kuch dhundhli si yaade flash huyi jisne mere dil me dard bhari tees paida kar di. Ek taraf ek badi si tasveer thi. Maine use saaf kiya to maine dekha usme main apni Mammy ke sath khada hua tha. Mammy has rahi thi aur main unke peechhe khade ho kar apne sir ko unke left kandhe par rakhe huye tha jiski vajah se wo apne left hand se mere gaal ko pyaar se sahlaate huye dikh rahi thi. Neeli saadi me wo bahut hi khubsurat dikh rahi thi, hasne ki vajah se unke motiyo jaise daant chamak rahe the. Mujhe yaad aaya ye tab ki tasveer thi jab main college pass out kar ke ghar aaya tha aur mammy papa mere ghar aane se khush ho gaye the. Papa tasveer khich rahe the aur main mammy se chhupak ke khada ho gaya tha. Aankho ke saamne wo manzar flash hua to ekdam se mere dil me ek hook si uthi aur meri aankhe chhalak padi. Mere mammy papa mujhe bahut pyar karte the...mujh par apni jaan chhidakte the. Aankhe band kar ke maine apne jazbaato ko samhaalne ki koshish ki aur upar wale se kahne laga ki kyo usne mere sath aisa kiya?

Yu to kamre me aisi na jane kitni hi tasveere lagi huyi thi lekin un sabko dekhne ki main himmat nahi juta saka. In tasveero ki vajah se palat jhapakte hi na jane kitni hi yaade ubhar aati aur mujhe rulaane lagti. Khair maine kisi tarah khud ko samhala aur kamre me bikhri padi cheezo ko dekhne laga.

Yu to mammy papa ke kamre me rakhi cheezo ko maine pahle kabhi gaur se nahi dekha tha is liye mere liye ye jaanna thoda mushkil tha ki agar yaha par kabhi kisi ne talaashi li thi to wo yaha se kya le ke gaya hoga? Itna to main samajhta tha ki mere pita ka sambandh C. M. S. jaisi sanstha se tha aur un dono ki maut ke baad unke dosto ne sabse pahle yahi kaam kiya hoga ki unke bangle se aise har wo saboot mita diye jaye jisse kisi ko ye pata na chal sake ki mere pita ka sambandh C. M. S. jaisi kisi sanstha se raha hai. Main samajh gaya ki kamre me mujhe is tarah ki koi cheez milne wali nahi thi aur waise bhi mera yaha aane ka maksad kuch aur tha.

Maine kaleen ko hataya to gupt tahkhane ka wo darwaza achhe se ubhar kar saamne aa gaya. Uske baad main kamre ke us taraf badha jaha par us darwaze ko kholne ka switch tha. Maine us khaas switch ko dabaya lekin koi faayda na hua. Ekdam se mere zahen me khayaal ubhra ki bangle me bijli nahi hai. Bina bijli ke kuch nahi ho sakta tha aur ye mere liye sabse badi samasya wali baat ho gayi thi.

Main waapas us gupt tahkhane ke darwaze ke paas aaya aur ukdu baith kar use gaur se dekhne laga. Gupt tahkhane ke us darwaze ka ek sira kaleen ke neeche abhi bhi thoda daba hua tha is liye maine kaleen ko waha se thoda aur peeche hataya. Kaleen ke hatte hi jo dikha usse meri aankhe fail gayi. Darwaze ka ek sira toota hua tha aur uske sath hi farsh bhi kinaare se udhda hua dikh raha tha. Zaahir hai kisi ne us darwaze ko todne ki koshish ki thi ya fir ye bhi kaha ja sakta hai ki darwaze ko tod hi diya hoga. Maine hathaudi ke dusre sire ko us toote huye hisse pas fansaya aur use upar karne ki koshish ki to wo ek taraf se uth gaya. Maine thoda aur uthaya to wo dusri taraf se thoda sarka aur agle hi pal jo hua usne mujhe buri tarah dara diya. Kamre me badi tez awaaz huyi thi. Gupt darwaza moti ply ka tha jiske upar white rang ki sunmica lagi huyi thi. White sunmica lagi hone se wo kamre ke farsh par lagi white tiles se match kar jata tha jisse asaani se koi guess nahi kar sakta tha ki wo kya hai. Khair maine jaise hi hathaudi se use zor de kar thoda aur uthaya to wo dusri taraf se sarak gaya tha jisse puraani ho chuki ply us taraf se toot gayi aur wo bharbhara kar neeche ja giri thi. Usi se tez awaaz huyi thi.

Kamre ke farsh par ab us gupt tahkhane ka chaukor raasta saaf dikh raha tha jiski seedhiyo par girne wala wo ply ka darwaza toot kar kayi tukdo me bat gaya tha. Seedhiyo ke neeche andhera tha. Maine pahle ply ke un toote huye tukdo ko baahar nikala aur fir neeche jane ke liye seedhiyo par kadam rakha. Ek baar fir se mere dil ki dhadkane badh gayi thi. Zahen me tarah tarah ke khayaal ubharne lage the. Jaise hi main neeche ki taraf aaya to meri naak me ajeeb si smell samane lagi. Maine naak ko hatheli se dhanka aur torch ko jala kar dheere dheere neeche utarne laga. Is jagah par main pahle bhi aa chuka tha lekin tab me aur ab me bees saalo ka fark ho gaya tha. Viraan pade itne bade bangle ke gupt tahkhane me main akela hath me torch liye neeche pahuch gaya tha.

Tahkhane me syaah andhera tha aur ajeeb si gandh bhari huyi thi. Torch ki roshni me maine dekha andar tahkhane me har taraf jaale lage huye the jiski vajah se waha ka manzar behad hi daraawna lag raha tha. Dar aur ghabrahat se meri dhadkane dhaad dhaad bajti huyi mahsoos ho rahi thi. Tahkhane ke us kamre ka manzar waisa hi tha jaisa maine kal raat khwaab me dekha tha lekin kuch cheezo me fark tha. Mujhe yaad aaya ki bees saal pahle jab main is tahkhane me aaya tha tab yaha par do teen computers lage huye the aur kuch alag type ke instruments rakhe huye the jabki is waqt kamre me na to computers the aur na hi koi instruments. Kamre ki diwaaro par chipki huyi wires zarur thi lekin kinaare par bane desk me sirf dhool hi thi. Maine torch ki roshni idhar udhar ghuma kar har taraf dekha. Ek kone me ek revolving chair ulti huyi padi thi aur usi ke paas lohe ke do teen tukde pade huye the jo rod jaise the. Ek taraf chaddar ki ek almaari thi jiske dono palle khule huye the aur un par jaale lage huye the. Desk se thodi doori par lakdi ka toota hua ek waisa hi box tha jaisa maine khwaab me dekha tha. Kamre ki haalat dekh kar saaf zaahir hota tha ki yaha par jo kuch bhi pahle maujood tha use hata diya gaya hai.

Maine torch ka focus diwaaro par Kiya to ek taraf mujhe bijli ka ek switch nazar aaya. Meri aankho ke saamne khwaab wala switch chamak utha to main us taraf badha. Switch par bhi dhool aur jala laga hua tha. Maine switch ke handle ko neeche ki taraf kheencha to wo thode prayaas me khatt ki awaaz ke sath neeche ho gaya lekin us switch ko neeche karne se koi pratikriya nahi huyi. Tabhi mujhe dhyaan aaya ki yaha bijli nahi hai aur shayad is vajah se kahi par koi pratikriya nahi huyi hai. Main sochne laga ki bijli ke na hone se agar kuch na hua to fir mere yaha aane ka koi faayda hi nahi hoga. Mujhe samajh me nahi aa raha tha ki ab kya karu? Torch ki roshni me main har taraf dekhne laga. Mujhe yaad aaya ki maine khwaab me ek aur gupt darwaza seedhi ke neeche pragat hote huye dekha tha. Main fauran hi seedhi ke neeche ki taraf badha.

Seedhi ke neeche diwaar ke kareeb pahuch kar maine torch ki roshni ko diwaar par focus kiya. Is taraf jaale ki bharmaar thi. Main muda aur revolving chair ke paas pade lohe ke ek rod ko utha liya. Rod le kar main seedhi ke paas aaya aur jaale ko us rod se saaf karne laga. Kuch hi der me saara jala lohe ki us rod me baith gaya. Maine rod ko kamre me ek taraf fenka aur fir se torch ke prakash ko diwaar par focus kiya. Seedhi ke neeche jo diwaar thi use main achhe se torch ke prakash me dekh raha tha. Kafi der tak dekhne ke baad bhi mujhe aisa kuch nazar na aaya jisse mujhe ek dusre gupt darwaze ko kholne ka koi suraag mil sake ya ye pata chal sake ki yaha par koi dusra gupt darwaza bhi hai. Thak haar kar main waapas mudne hi laga tha ki achanak main ruk gaya. Torch ka prakash bedhyani me seedhi ke neeche ek kone me chala gaya tha aur mujhe ek pal ke liye kuch dikha tha. Maine jaldi se us jagah par torch ke prakash ko focus kiya.

Seedhi ke neeche bilkul kinaare par, yaani baahri side kinaare par ek angul ki patti lagi huyi thi jo ki puri seedhi par lagi thi, usi patti ke just bagal se yaani andar side ek keel jaisa kuch dikh raha tha jiske upar ka bhaag thoda chauda tha magar gol tha. Kamre se seedhi ki taraf dekhne se na to wo ek angul ki patti samajh me aati thi aur na hi uske aage andar ki taraf wo keel jaisi cheez dikh sakti thi. Seedhi ke paas aane ke baad wo ek angul ki patti nazar to aayegi lekin uske aage lagi wo keel jaisi cheez nahi dikhegi aur na hi koi ye soch sakta hai ki aisi koi cheez seedhi ke baahri kinaare par ho sakti hai. Mere man me us keel jaisi cheez ko dekh kar utsukta jaag uthi aur sath hi dhadkane bhi tez ho gayi. Maine torch ko left hand me liya aur right hand ki ek ungli se us keel jaisi cheez ko sahlaya. Keel jaisi dikhne wali wo cheez chhoone par kuch alag hi mahsoos ho rahi thi. Maine uske upar ungli ko rakh kar sahlaate huye use thoda dabaya to agle hi pal gharar gharar ki awaaz sun kar main ekdam se chaunk gaya.

Mere peeche diwaar me ek aisa darwaza pragat ho gaya tha jisme ek baar me sirf ek hi aadmi andar daakhil ho sakta tha. Maine jaise hi us taraf torch ka prakash kiya to mujhe us darwaze par udti dhool nazar aayi. Main ye soch kar thoda soch me pad gaya tha ki ye darwaza kaise khul gaya tha, jabki yaha to bijli hai hi nahi? Is tarah ka system bina bijli ke nahi ho sakta tha, matlab zarur iske khulne ka koi na koi dusra khaas jariya tha. Main torch ki roshni ko us darwaze par focus kiye aage badha aur kuch hi palo me main us darwaze ke andar daakhil ho gaya.

✤༺✧༻✤​

Bahut hi badhiya update diya hai TheBlackBlood bhai.....
Nice and beautiful update....

 

[TheBlackBlood]

Bahut badhiya...
Ab shayad yahan se kuchh pata chale...

Kyonki is tahkhane ke andar ke tahkhane ki details se aisa lag raha hai ki shayad CMS walon ko bhi iski jankari nahi hogi....

Ab is mod par update jaldi dena....
Waiting eagerly

Maybe aisa hi ho. Vikram singh ka bangle me jana bekaar nahi jaayega. Well shukriya, next update haazir hai

 

[TheBlackBlood]

Bahut hi badhiya update diya hai TheBlackBlood bhai.....
Nice and beautiful update....

Shukriya bhai

 

[TheBlackBlood]

Update - 08
____________________


​

Bed par baithe baithe maine apne hand me bandhi ek mamuli si ghadi me time dekha. Subah ke saadhe chaar baj rahe the. Yaani mere paas itna to time tha ki main yaha se jane ke baad waapas aa sakta tha. Ye soch kar main fauran hi bed se neeche utra aur khidki ke paas tezi se pahucha. Bed ke gadde ko halka sa nikaal kar maine khidki se baahar ki taraf dekha. Khidki ke saamne dikh rahi building ki ek khidki me mujhe roshni nazar aayi. Ye roshni us waqt bhi thi jab main yaha aaya tha. Mere is bangle se us building ki doori kaafi thi kyoki mere bangle me teen taraf se boundary wall thi jo ki bangle ki diwaar se das fit ki doori par thi. Khair maine aas paas ka muaayna kiya aur fir bed ke gadde ko khidki se hata kar use bagal se diwaar ke sahare tika kar khada kar diya. Uske baad maine apna bag liya aur khidki ke raaste baahar balcony me aa gaya.

Balcony ki railing me abhi bhi rassi fansi huyi thi. Jab main us rassi ke sahare upar aaya tha tab main us rassi ko nikaalna bhool gaya tha. Wo to shukar tha ki meri neend us khwaab ke chalte toot gayi thi warna agar subah ho jati aur kisi ki nazar us rassi par pad jati to mere liye musibat ho sakti thi. Maine bag ko peeth par taanga aur badi sawdhani se rassi ko pakad kar railing ke us paar kisi tarah jhool gaya. Neeche utarne me mujhe zyada pareshani nahi huyi. Rassi ko waisa hi latakta chhod maine pahle idhar udhar achhe se dekha aur fir dabe paanv boundary wall ki taraf badh chala. Kuch hi der me main boundary wall ke is paar aa kar sadak par pahuch gaya.

Sadak par paidal chalte huye main usi taraf ja raha tha jis taraf se kal main aaya tha. Sadak is waqt sunsaan thi aur main chaahta bhi yahi tha ki is waqt sadak par mujhe koi nazar na aaye lekin aisa hua nahi kyoki kuch door chalne ke baad mujhe ek aadmi aata hua nazar aaya. Us aadmi ki umar pachaas se upar rahi hogi. Jism par half t-shirt aur neeche ek lower pahan rakha tha usne. Pairo me sport shoes. Shayad morning walk par nikla tha wo. Jab main uske kareeb pahucha to usne ek nazar meri taraf dekha aur fir mere bagal se nikal gaya. Kuch der ke liye meri dhadkane tez ho gayi thi jinhe maine kisi tarah kaabu kiya aur fir aage badh chala.

Paanch bajne wale the. Guzarte waqt ke sath mere chehre par chinta bhi badhti ja rahi thi. Aakhir meri talash khatm huyi. Sadak ke mod par ek dukaan khuli huyi nazar aayi mujhe. Main tezi se chalte huye us dukaan par pahucha. Maine dukaan wale se paani ke kuch bottles, doodh ke kuch packets aur kuch bread wagaira kharide. Iske sath sath kuch aur bhi zaruri samaan liya aur use paise de kar waapas chal pada. Main jaanta tha ki is waqt khane ke liye iske alawa aur kuch nahi milne wala tha, jabki mujhe aaj sara din apne bangle me rahna tha aur waha chhaanbeen karni thi.

Jab main waapas apne bangle par aaya to saadhe paanch bajne wale the. Subah ka dhundhalka ubharne laga tha. Waapsi me mujhe kayi log aate jate nazar aaye jinhe dekh kar main thoda aur chintit ho utha tha. Main ye hargiz nahi chaahta tha ki log mujhe us viraan pade bangle me jate huye dekh le. Khair ye meri khush-kismati hi thi ki main bangle par pahuch gaya. Aas paas ka jaayja lene ke baad maine fauran hi jhool rahi rassi ko pakda aur upar chadhna shuru kar diya. Mere dil ki dhadkane train ki speed se daudne lagi thi aur sath hi kisi ke dwara dekh liye jane ka dar bhi badhta chala ja raha tha. Badi mushkil se main upar pahucha. Ek baar fir se maine aas paas ka jaayja liya aur fir rassi ko railing se nikaal kar use samette huye khidki ke raaste andar aa gaya.

Khidki ke dono palle band karne ke baad main bed par aa kar baith gaya tha. Meri saanse is tarah phool gayi thi maano main meelo daud kar aaya tha. Bag ko bed ke ek side rakh kar main apni phooli huyi saanso ko durust karne laga tha. Khidki par kyoki kaanch laga hua tha aur wo toote huye bhi the is liye baahar ki hawa aur halki roshni kamre me aa rahi thi. Abhi main apni saanso ko durust kar hi raha tha ki ek nayi pareshani mere liye khadi ho gayi. Pet me pressure banne laga tha. Main samajh gaya ki ye pressure bina toilet gaye thik nahi hoga. Bangle ke andar toilet ki byawastha to thi lekin paani nahi ho sakta tha. Pet me banne wala pressure dhire dhire aur bhi badhta ja raha tha.

Bag se pani ka ek bottle nikaal kar main utha aur kamre ke attach bathroom ki taraf badh chala. Bathroom ka darwaza thoda zor dene par khula lekin andar badi ajeeb si smell bhari huyi thi aur sath hi dhool ke sath jaala bhi. Gadde ke upar jo chaddar bichha hua tha use le kar maine bathroom ke jaale ko thoda bahut saaf kiya aur darwaza khol kar baahar hi khada ho gaya. Khidki se ab subah ka ujala andar aane laga tha, halaaki abhi subah ka suraj nikla nahi tha. Kuch der me jab bathroom ki smell kuch kam huyi to main andar daakhil ho gaya. Bathroom me lage paani ke nalke ko maine ghumaya to wo tas se mas na hua. Itne saalo me uska jaam ho jana laajmi tha lekin main fir bhi use ghumane ka prayaas karta hi raha. Halaaki mujhe yakeen tha ki nalke se paani aane ka sawaal hi paida nahi hota tha magar jane kyo main use ghumane ki koshish kiye ja raha tha. Idhar pet me banne wala pressure aur bhi badh gaya tha. Achanak hi toti ghoom gayi aur meri ummid ke vipreet usme se bade force se paani nikal pada. Main ekdam se uchhal pada tha aur sath hi hairaan bhi ho gaya tha. Toti se nikal raha paani ganda tha. Maine jaldi se toti ko band kiya aur fir toilet sheet par pant ke sath sath underwear utaar kar baith gaya.

Toilet karne ke baad maine bottle ke paani se shauch kiya aur fir uth khada hua. Bathroom ke kone me ek plastic ki balti rakhi huyi thi jo kafi gandi nazar aa rahi thi. Maine kapde pahanne ke baad us balti ko pani ki toti ke neeche rakh diya aur fir toti ko ghuma diya. Paani speed me nikla aur balti me girne laga magar ye kya...Pani ki speed ko balti sahan na kar saki aur wo toot gayi. Maine jaldi se pani ki speed ko kam kiya aur fir bathroom se baahar aa gaya. Balti kafi purani thi aur wo kamjor ho chuki thi. Us balti me jab thoda pani bhar gaya to maine toti band kar ke balti ke us paani ko toilet sheet par daal diya. Kamre me aa kar maine bag se saabun nikala aur bathroom me ja kar maine us saabun se hath dhoya.

Bed par baithe main us khwaab ke bare me soch raha tha. Aisi jagah par is tarah ka khwaab aana bematlab ya besabab nahi ho sakta tha aur agar bematlab tha bhi tab bhi mujhe ek baar apni tasalli ke liye us jagah par jana hi chahiye tha. Khair kisi tarah waqt guzra aur suraj nikla to dhoop nikal aayi jisse khidki ke raaste ab kamre me bhi ujala ho gaya tha.

Maine hath me bandhi ghadi me time dekha. Subah ke saadhe saat baj gaye the. Thodi si energy ke liye maine bag se doodh ka ek packet nikala aur usme thoda sa chhend kar ke sara pi gaya. Uske baad torch le kar main bed se neeche utra. Kamre ke darwaze ke paas pahuch kar maine darwaza khola. Ek baar fir se dil ki dhadkane ye soch kar thoda badh gayi ki itne bade bangle me sirf main hu jo kisi bhoot ki tarah bangle ke aise sthaan par jane laga hu jaha ke bare me jane ka koi soch bhi nahi sakta, us haalat me to bilkul bhi nahi jab pata ho ki ye bangla pichhle bees saalo se viraan pada hai.

Har taraf dhool aur jaalo ka samraajya tha jo is baat ko saabit karta tha ki ek muddat se yaha koi nahi aaya. Chalte chalte main seedhiyo ke paas aaya. Mere chalne se peeche pharsh par kadmo ke nishaan bante ja rahe the. Kyoki din ka waqt tha aur baahar dhoop khili huyi thi is vajah se uski roshni roshandaano se ho kar andar tak aa pahuchi thi jisse andar bhi thoda bahut ujala ho gaya tha. Seedhiyo se main neeche hall me aaya. Mere baye taraf kuch doori par jo kamra dikh raha tha wo hamari naukraani savita aunty ka tha. Us kamre ko dekh kar achanak se mujhe savita aunty ka khayaal aaya. Savita aunty ek aisi kirdaar thi jo namak to hamara kha rahi thi lekin jasusi Sanjay uncle ki kar rahi thi. Main sochne laga ki aaj ke waqt me wo kaha hogi? Kya aaj bhi wo Sanjay uncle ki khaas hogi ya niyati ne use is duniya se rukhsat kar diya hoga?

Mere zahen me savita aunty ke kamre me jane ka vichaar aaya to main us taraf hi chal pada. Kuch hi der me main uske kamre ke darwaze par pahuch gaya. Darwaza baahar se band tha aur us par kundi lagi huyi thi. Mere man me sawaal ubhra ki savita aunty ke kamre me taala kyo nahi laga hua hai? Fir maine socha ki ho sakta hai ki mere mata pita ki maut ke baad wo yaha akele rahne ka na sochi ho aur sanjay uncle ne uske rahne ke liye kisi dusri jagah intjaam kar diya ho. Mujhe apna ye khayaal sahi laga. Khair maine kundi sarka kar darwaze ko andar ki taraf dhakela to wo ajeeb si awaaz karta hua khul gaya. Andar se ajeeb si smell aa kar meri naak me sama gayi jisse maine apni naak par hath rakh liya.

Kamre me daakhil ho kar maine bade gaur se kamre ka muaayna kiya lekin ye dekh kar mujhe thoda hairaani huyi ki kamra ekdam se khaali tha. Kamre me ek bed zarur tha lekin usme koi kapda nahi tha. Ek kone me ek lakdi ki almaari rakhi thi jiske dono palle khule huye the. Almaari ke andar kuch bhi nahi tha. Ek taraf lakdi ki ek kursi aur ek chhota sa stool rakha hua tha. Kamre ki jo haalat dikh rahi thi usse saaf zaahir hota tha ki savita aunty ka boriya bistar yaha se bahut pahle hi uth chuka tha. Mera ab us kamre me rahne ka koi matlab nahi tha is liye waapas palta aur baahar aa kar darwaze ko waise hi kundi laga kar band kar diya jaise wo pahle band tha.

Ground floor par savita aunty ke kamre ke bagal se ek kamra aur tha jo store room tha. Usme main pahle bhi jana pasand nahi karta tha is liye is waqt bhi jana maine bekaar hi samjha. Hall ke right side me ek taraf mere mata pita ka kamra tha. Uske kuch doori par kitchen tha aur kitchen se laga hua dining hall. Maine ek baar chaaro taraf dekha aur fir apne mata pita ke kamre ki taraf badh chala. Meri aankho ke saamne ek baar fir se ateet ki yaade kisi film ki tarah dikhne lagi thi jo mujhe dukh pahuchaane lagi thi. Maine badi mushkil se khud ko samhala.

Mammy papa ke kamre ka darwaza bhi baahar se hi band tha. Maine kunde ko ek taraf sarka kar kamre ka darwaza khola. Darwaza khulte hi ek baar fir se ajeeb si smell meri naak me sama gayi jisse maine apni naak ko hatheli se dhank liya. Dhadakte dil se main kamre ke andar daakhil hua. Kamre ki haalat dekh kar mujhe thoda jhatka sa laga aur hairaani bhi huyi. Kamre me dhool aur jaale to the hi lekin hairaani ki baat ye thi ki kamre me rakhi cheeze idhar udhar bikhri huyi padi thi. Aisa lag raha tha jaise kabhi kisi ne yaha par cheezo ko idhar udhar bikher kar kisi cheez ki talaashi li ho. Kamre me rakha hua mammy papa ka bed bhi apni jagah se hat kar dusri taraf ajeeb angel se rakha hua tha. Bed ke neeche jo kaleen bichha hua hota tha wo bhi apni jagah se aadhe se zyada hata hua tha jiski vajah se uske neeche farsh me dikh rahe us gupt darwaze ki banawat saaf dikh rahi thi.

Kafi der tak main kamre ki aisi haalat ko dekhta khada raha uske baad main aage badha. Kamre ki diwaaro par frame lagi huyi tasveere tangi huyi thi. Main aahista se un tasveero ki taraf badha aur ek ek kar ke unhe dekhne laga. Tasveero me dhool aur jaala laga hua tha jinhe maine thoda sa saaf kiya. Tasveer me mammy papa the aur unke beech me main baitha hua tha. Us tasveer me meri umar das ya baarah saal ki thi. Aankho ke saamne kuch dhundhli si yaade flash huyi jisne mere dil me dard bhari tees paida kar di. Ek taraf ek badi si tasveer thi. Maine use saaf kiya to maine dekha usme main apni Mammy ke sath khada hua tha. Mammy has rahi thi aur main unke peechhe khade ho kar apne sir ko unke left kandhe par rakhe huye tha jiski vajah se wo apne left hand se mere gaal ko pyaar se sahlaate huye dikh rahi thi. Neeli saadi me wo bahut hi khubsurat dikh rahi thi, hasne ki vajah se unke motiyo jaise daant chamak rahe the. Mujhe yaad aaya ye tab ki tasveer thi jab main college pass out kar ke ghar aaya tha aur mammy papa mere ghar aane se khush ho gaye the. Papa tasveer khich rahe the aur main mammy se chhupak ke khada ho gaya tha. Aankho ke saamne wo manzar flash hua to ekdam se mere dil me ek hook si uthi aur meri aankhe chhalak padi. Mere mammy papa mujhe bahut pyar karte the...mujh par apni jaan chhidakte the. Aankhe band kar ke maine apne jazbaato ko samhaalne ki koshish ki aur upar wale se kahne laga ki kyo usne mere sath aisa kiya?

Yu to kamre me aisi na jane kitni hi tasveere lagi huyi thi lekin un sabko dekhne ki main himmat nahi juta saka. In tasveero ki vajah se palat jhapakte hi na jane kitni hi yaade ubhar aati aur mujhe rulaane lagti. Khair maine kisi tarah khud ko samhala aur kamre me bikhri padi cheezo ko dekhne laga.

Yu to mammy papa ke kamre me rakhi cheezo ko maine pahle kabhi gaur se nahi dekha tha is liye mere liye ye jaanna thoda mushkil tha ki agar yaha par kabhi kisi ne talaashi li thi to wo yaha se kya le ke gaya hoga? Itna to main samajhta tha ki mere pita ka sambandh C. M. S. jaisi sanstha se tha aur un dono ki maut ke baad unke dosto ne sabse pahle yahi kaam kiya hoga ki unke bangle se aise har wo saboot mita diye jaye jisse kisi ko ye pata na chal sake ki mere pita ka sambandh C. M. S. jaisi kisi sanstha se raha hai. Main samajh gaya ki kamre me mujhe is tarah ki koi cheez milne wali nahi thi aur waise bhi mera yaha aane ka maksad kuch aur tha.

Maine kaleen ko hataya to gupt tahkhane ka wo darwaza achhe se ubhar kar saamne aa gaya. Uske baad main kamre ke us taraf badha jaha par us darwaze ko kholne ka switch tha. Maine us khaas switch ko dabaya lekin koi faayda na hua. Ekdam se mere zahen me khayaal ubhra ki bangle me bijli nahi hai. Bina bijli ke kuch nahi ho sakta tha aur ye mere liye sabse badi samasya wali baat ho gayi thi.

Main waapas us gupt tahkhane ke darwaze ke paas aaya aur ukdu baith kar use gaur se dekhne laga. Gupt tahkhane ke us darwaze ka ek sira kaleen ke neeche abhi bhi thoda daba hua tha is liye maine kaleen ko waha se thoda aur peeche hataya. Kaleen ke hatte hi jo dikha usse meri aankhe fail gayi. Darwaze ka ek sira toota hua tha aur uske sath hi farsh bhi kinaare se udhda hua dikh raha tha. Zaahir hai kisi ne us darwaze ko todne ki koshish ki thi ya fir ye bhi kaha ja sakta hai ki darwaze ko tod hi diya hoga. Maine hathaudi ke dusre sire ko us toote huye hisse pas fansaya aur use upar karne ki koshish ki to wo ek taraf se uth gaya. Maine thoda aur uthaya to wo dusri taraf se thoda sarka aur agle hi pal jo hua usne mujhe buri tarah dara diya. Kamre me badi tez awaaz huyi thi. Gupt darwaza moti ply ka tha jiske upar white rang ki sunmica lagi huyi thi. White sunmica lagi hone se wo kamre ke farsh par lagi white tiles se match kar jata tha jisse asaani se koi guess nahi kar sakta tha ki wo kya hai. Khair maine jaise hi hathaudi se use zor de kar thoda aur uthaya to wo dusri taraf se sarak gaya tha jisse puraani ho chuki ply us taraf se toot gayi aur wo bharbhara kar neeche ja giri thi. Usi se tez awaaz huyi thi.

Kamre ke farsh par ab us gupt tahkhane ka chaukor raasta saaf dikh raha tha jiski seedhiyo par girne wala wo ply ka darwaza toot kar kayi tukdo me bat gaya tha. Seedhiyo ke neeche andhera tha. Maine pahle ply ke un toote huye tukdo ko baahar nikala aur fir neeche jane ke liye seedhiyo par kadam rakha. Ek baar fir se mere dil ki dhadkane badh gayi thi. Zahen me tarah tarah ke khayaal ubharne lage the. Jaise hi main neeche ki taraf aaya to meri naak me ajeeb si smell samane lagi. Maine naak ko hatheli se dhanka aur torch ko jala kar dheere dheere neeche utarne laga. Is jagah par main pahle bhi aa chuka tha lekin tab me aur ab me bees saalo ka fark ho gaya tha. Viraan pade itne bade bangle ke gupt tahkhane me main akela hath me torch liye neeche pahuch gaya tha.

Tahkhane me syaah andhera tha aur ajeeb si gandh bhari huyi thi. Torch ki roshni me maine dekha andar tahkhane me har taraf jaale lage huye the jiski vajah se waha ka manzar behad hi daraawna lag raha tha. Dar aur ghabrahat se meri dhadkane dhaad dhaad bajti huyi mahsoos ho rahi thi. Tahkhane ke us kamre ka manzar waisa hi tha jaisa maine kal raat khwaab me dekha tha lekin kuch cheezo me fark tha. Mujhe yaad aaya ki bees saal pahle jab main is tahkhane me aaya tha tab yaha par do teen computers lage huye the aur kuch alag type ke instruments rakhe huye the jabki is waqt kamre me na to computers the aur na hi koi instruments. Kamre ki diwaaro par chipki huyi wires zarur thi lekin kinaare par bane desk me sirf dhool hi thi. Maine torch ki roshni idhar udhar ghuma kar har taraf dekha. Ek kone me ek revolving chair ulti huyi padi thi aur usi ke paas lohe ke do teen tukde pade huye the jo rod jaise the. Ek taraf chaddar ki ek almaari thi jiske dono palle khule huye the aur un par jaale lage huye the. Desk se thodi doori par lakdi ka toota hua ek waisa hi box tha jaisa maine khwaab me dekha tha. Kamre ki haalat dekh kar saaf zaahir hota tha ki yaha par jo kuch bhi pahle maujood tha use hata diya gaya hai.

Maine torch ka focus diwaaro par Kiya to ek taraf mujhe bijli ka ek switch nazar aaya. Meri aankho ke saamne khwaab wala switch chamak utha to main us taraf badha. Switch par bhi dhool aur jala laga hua tha. Maine switch ke handle ko neeche ki taraf kheencha to wo thode prayaas me khatt ki awaaz ke sath neeche ho gaya lekin us switch ko neeche karne se koi pratikriya nahi huyi. Tabhi mujhe dhyaan aaya ki yaha bijli nahi hai aur shayad is vajah se kahi par koi pratikriya nahi huyi hai. Main sochne laga ki bijli ke na hone se agar kuch na hua to fir mere yaha aane ka koi faayda hi nahi hoga. Mujhe samajh me nahi aa raha tha ki ab kya karu? Torch ki roshni me main har taraf dekhne laga. Mujhe yaad aaya ki maine khwaab me ek aur gupt darwaza seedhi ke neeche pragat hote huye dekha tha. Main fauran hi seedhi ke neeche ki taraf badha.

Seedhi ke neeche diwaar ke kareeb pahuch kar maine torch ki roshni ko diwaar par focus kiya. Is taraf jaale ki bharmaar thi. Main muda aur revolving chair ke paas pade lohe ke ek rod ko utha liya. Rod le kar main seedhi ke paas aaya aur jaale ko us rod se saaf karne laga. Kuch hi der me saara jala lohe ki us rod me baith gaya. Maine rod ko kamre me ek taraf fenka aur fir se torch ke prakash ko diwaar par focus kiya. Seedhi ke neeche jo diwaar thi use main achhe se torch ke prakash me dekh raha tha. Kafi der tak dekhne ke baad bhi mujhe aisa kuch nazar na aaya jisse mujhe ek dusre gupt darwaze ko kholne ka koi suraag mil sake ya ye pata chal sake ki yaha par koi dusra gupt darwaza bhi hai. Thak haar kar main waapas mudne hi laga tha ki achanak main ruk gaya. Torch ka prakash bedhyani me seedhi ke neeche ek kone me chala gaya tha aur mujhe ek pal ke liye kuch dikha tha. Maine jaldi se us jagah par torch ke prakash ko focus kiya.

Seedhi ke neeche bilkul kinaare par, yaani baahri side kinaare par ek angul ki patti lagi huyi thi jo ki puri seedhi par lagi thi, usi patti ke just bagal se yaani andar side ek keel jaisa kuch dikh raha tha jiske upar ka bhaag thoda chauda tha magar gol tha. Kamre se seedhi ki taraf dekhne se na to wo ek angul ki patti samajh me aati thi aur na hi uske aage andar ki taraf wo keel jaisi cheez dikh sakti thi. Seedhi ke paas aane ke baad wo ek angul ki patti nazar to aayegi lekin uske aage lagi wo keel jaisi cheez nahi dikhegi aur na hi koi ye soch sakta hai ki aisi koi cheez seedhi ke baahri kinaare par ho sakti hai. Mere man me us keel jaisi cheez ko dekh kar utsukta jaag uthi aur sath hi dhadkane bhi tez ho gayi. Maine torch ko left hand me liya aur right hand ki ek ungli se us keel jaisi cheez ko sahlaya. Keel jaisi dikhne wali wo cheez chhoone par kuch alag hi mahsoos ho rahi thi. Maine uske upar ungli ko rakh kar sahlaate huye use thoda dabaya to agle hi pal gharar gharar ki awaaz sun kar main ekdam se chaunk gaya.

Mere peeche diwaar me ek aisa darwaza pragat ho gaya tha jisme ek baar me sirf ek hi aadmi andar daakhil ho sakta tha. Maine jaise hi us taraf torch ka prakash kiya to mujhe us darwaze par udti dhool nazar aayi. Main ye soch kar thoda soch me pad gaya tha ki ye darwaza kaise khul gaya tha, jabki yaha to bijli hai hi nahi? Is tarah ka system bina bijli ke nahi ho sakta tha, matlab zarur iske khulne ka koi na koi dusra khaas jariya tha. Main torch ki roshni ko us darwaze par focus kiye aage badha aur kuch hi palo me main us darwaze ke andar daakhil ho gaya.

✤༺✧༻✤​

Update - 09
____________________


​

Wo ek madhyam size ka kamra tha lekin hairaani ki baat thi ki kamre ki diwaare aur farsh pakka tha aur ekdam plane, jabki jis kamre se main abhi aaya tha uski na to diwaare plane thi aur na hi farsh. Maine kamre me charo taraf torch ki roshni me nazar ghumaayi to dekha ek taraf ek bada sa lohe ka kuch rakha hua tha. Aisa lagta tha jaise koi instrument ho kyoki uske kone me gol gol do battiya lagi huyi nazar aa rahi thi jo ki ek laal thi aur dusri hari. Maine torch ki roshni me bade dhyaan se use dekha. Uske peechhe kuch mote mote wires nazar aaye jo usse sati diwaar me andar kahi gaayab huye dikh rahe the. Mere dimaag ki batti ekdam se jal uthi. Ye instrument kuch aur nahi balki ek inverter tha. Main chakit tha ki itne saalo baad bhi ye kaam kar raha tha aur yakeenan isi ki vajah se is gupt kamre ka wo darwaza khula tha.

Kuch der tak main us inverter ko dekhta raha uske baad usse nazar hata kar main torch ki roshni me kamre me maujood dusri cheezo ko dekhne laga. Meri nazar kamre ke dusre kone me bane ek desk par rakhe un box par thahar gayi jinhe maine khwaab me dekha tha. Unhe dekh kar jane kyo mere samuche jism me jhurjhuri si daud gayi. Aisa shayad is liye kyoki khwaab me jo dekha tha wo mujhe sach me bhi dikh gaya tha. Main ye sochne par majboor ho gaya ki aisa kaise ho sakta hai? Kahi aisa to nahi ki mere mata pita ki aatmaye aaj bhi is bangle me maujood hain aur unhone hi mujhe khwaab ke roop me ye sab dikhaya tha? Meri is soch me koi logic to nahi tha lekin main chaah kar bhi isse inkaar nahi kar pa raha tha. Main kafi der tak yahi sab sochta raha uske baad maine apne zahen se in saare khayaalo ko jhatka aur un boxes ki taraf badh chala.

Khwaab aur hakikat me bas itna hi fark tha ki khwaab me wo box kamre ke farsh par rakhe huye dikhe the jabki hakikat me wo kamre ke side bane desk ke upar rakhe huye nazar aaye the. Khwaab me maine is inverter ko nahi dekha tha jabki hakikat me yaha ek inverter bhi tha. Desk ke upar rakhe dono box lakdi ke the kintu unki haalat dekh kar saaf pata chalta tha ki lakdi ke bane wo dono box mamuli nahi the. Dono box ke upar dhool chhapi huyi nazar aa rahi thi. Boxes me lage bade bade taale abhi bhi majboot nazar aa rahe the jabki khwaab me jo taale maine dekhe the unme jung laga hua tha.

Maine torch ke focus ko is ummid me diwaar par ghumana shuru kar diya ki shayad in taalo ki chaabhi kahi nazar aa jaye magar kaafi der idhar udhar dekhne ke baad bhi mujhe chaabhi nahi dikhi. Thak haar kar maine waapas un dono box par torch ko focus kiya. Torch ka tez prakash taale par focus tha aur tabhi mujhe kuch mahsoos hua. Dono hi box desk par rakhe huye the. Neeche taraf mujhe aisa laga jaise box ka nichla kinara desk se bas zara sa hi utha hua hai. Maine jaldi se box me lage taale ko pakda aur jor de kar use upar uthaya magar box hila tak nahi. Taale ke dwara uthane se zor kam pada tha is liye maine is baar torch ko apne muh me fansaya aur dono hatho se box ko upar ki taraf uthaya to box thoda peeche ki taraf sarak gaya. Box peechhe sarka to ekdam se meri nazar box ke neeche rakhi us cheez par pad gayi jise main khoj raha tha.

Taale ki chaabhi box ke neeche chhupa kar rakhi huyi thi. Moti si chaabhi thi jo ki peetal ki thi. Box uske upar rakha hua tha is liye desk se wo thoda sa utha hua samajh me aaya tha. Khair chaabhi mili to mujhe khushi si mahsoos huyi lekin fir zahen me sawaal ubhra ki kya ye chaabhi dono taalo me lag jaayegi ya dusre taale ki chaabhi alag hogi? Waise dono box par lage taale ek jaise hi dikh rahe the lekin apni tasalli ke liye maine dusre box ko bhi waise hi dono hatho se uthaya to uske neeche mujhe ek chaabhi aur nazar aa gayi. Yaani dono taalo ki alag alag chaabhi thi.

Kaafi soch vichaar karne ke baad maine dhadakte dil se ek box ka taala khola aur kunde ko pakad kar box ka dhakkan upar kar diya. Torch ke focus ko jaise hi maine khule huye box me daala to meri aankhe waise hi fail gayi jaise khwaab me tab fail gayi thi jab maine box me maujood dher saare sone ko dekha tha. Box ke andar do bhaag the jiske ek bhaag me gold ke biscuits the aur dusre bhaag me dher saari jwellery. Ye sab dekh kar ekdam se mere zahen me ye khayaal ubhra ki kya sach me yaha mere mata pita ki aatmaye maujood hain aur kya unhone hi mujhe aisa khwaab dikhaya tha taaki main hakikat me yaha aau? Kuch samajh me nahi aa raha tha mujhe. Aisa lag raha tha jaise main kisi sapne ki duniya me hu. Box ke andar maujood gold ke biscuits waise hi the jaise maine sapne me dekhe the. Un biscuits me koi marking nahi thi. Aisa lagta tha jaise dher sare sone ko gala kar biscuits me badal diya gaya tha.

Maine box ko band kiya aur dusre box ke taale ko khola. Box ka dhakkan khula to maine torch ki roshni me dekha box ke andar laal kapde ki parat lagi huyi thi. Ek baar fir se khwaab me dekha hua wo box meri aankho ke saamne chamak utha. Main ye soch soch kar hairaan tha ki khwaab me dekha hua sab kuch sach me dikh raha tha. Maine dhadakte dil se aur apne kaapte hatho se laal kapde ko hataya to dekha uske andar moti si panni ki parat bhi lagi huyi hai. Dil ki dhadkane mere kaano me dhaad dhaad kar ke baj rahi thi. Main jaise ye bhool hi baitha tha ki is waqt me viraan pade bangle ke tahkhane me maujood hu. Ek aise tahkhane me jiske bare me baahri duniya ke log kalpana bhi nahi kar sakte.

Panni ko hataya to meri aankhe ek baar fir hairat se fail gayi. Box ke andar do bhaag the jiske ek bhaag me noto ki gaddiya lagi huyi thi aur dusre bhaag me kayi tarah ki files aur kaagjaat rakhe huye the. Is sabko dekh kar ek baar fir se mera zahen us khwaab ke bare me sochne laga. Kafi der tak main is sabke bare me sochta raha uske baad ek gahri saans le kar maine dusre bhaag me dikh rahi files aur kaagjaato ki taraf dekha. Man me sawaal ubhra ki aakhir ye kaisi files hain aur itne saare kaagjaat kis cheez ke ho sakte hain?

Maine ek file ko sawdhani se nikala. Files aur kaagjaat bhale hi itni suraksha se rakhe gaye the lekin waqt ne un par bhi apna asar dikha diya tha. File ka cover thoda nazuk sa ho gaya tha. Maine dhadakte dil se use palta to meri nazar usme maujood kaagaj par padi. Halaaki us kaagaj ke neeche kuch aur bhi kaagaj the lekin main ye dekh kar sahsa chaunka ki pahle kaagaj me ek side Sanjay uncle ki photo lagi thi. Photo passport size ki thi aur kafi purani thi lekin Sanjay uncle ka chehra main hargiz nahi bhool sakta tha. Ekdam se mere dilo dimaag me halchal si mach gayi thi. Bijli ki tarah mere zahen me sawaal ubhra ki kya is file me Sanjay uncle ke bare me saari details hain? Agar aisa hai to fir ye bhi ho sakta hai ki mere papa ke sabhi dosto ki files is box me maujood hogi. Tabhi ekdam se mere zahen me ek aur khayaal ubhar aaya_____Mere pita ne apne sabhi dosto ke bare me aisi files kyo banaayi hongi?

Main us file me maujood kaagajo ko bade gaur se dekh raha tha aur sath hi padh bhi raha tha. File me kayi saare kaagaj the jo alag alag tarah ke the. Main jaise jaise un kaagajo ko padh raha tha meri aankhe hairat se failti ja rahi thi aur sath hi mera zahen dhamake mahsoos kar raha tha. Kareeb do ghante lage mujhe box me rakhi un sabhi files ko dekhne aur padhne me. Mere aankho ke saamne jaise har tasveer clear dikhaayi dene lagi thi. Jane kitne hi aise chehre the jin par naqaab laga hua tha. Mera dilo dimaag ek ajeeb se ehsaas se bhar utha jiske chalte mera chehra shakht ho gaya. Main soch bhi nahi sakta tha ki ek sach aisa bhi ho sakta hai.

Maine apne bag se ek notepad aur pen nikala. Us notepad me maine wo sab cheeze likhi jo un files me maujood thi. Uske baad maine notepad ko waapas bag me rakh liya. Aane wale samay me main ab jo kuch karne wala tha uske liye mujhe paiso ki bhi zarurat thi is liye maine box se paiso ki kuch gaddiya nikaali aur unhe bag me rakh liya. Dono box me taala laga kar maine chaabhi ko waise hi box ke neeche rakh diya jaise wo pahle rakhi huyi thi. Uske baad main us kamre se baahar aa gaya. Seedhi ke neeche jo keel jaisi cheez thi wo asal me gupt darwaze ko kholne wala button tha. Maine us button ko dabaya to darwaza fir se band ho gaya.

Mere paas ab bahut si jankaariya thi jo mere kaam ki thi aur ab main wo karne wala tha jiske liye niyati ne mujhe yaha bheja tha. Main din me bangle se baahar nahi nikal sakta tha kyoki aise me koi bhi mujhe dekh leta aur mere liye mushkil khadi ho jati is liye main upar apne kamre me hi aa gaya tha. Mujhe aaj ka din kisi tarah kamre me rah kar hi guzaarna tha. Kamre me rakhe bed par leta main apne mata pita ke bare me sochne laga tha. Rah rah kar unka chehra meri aankho ke saamne aa jata tha. Unke sath bitaye huye khubsurat pal mujhe yaad aate to meri aankhe chhalak padti. Main bahut koshish kar raha tha ki mujhe ye sab yaad na aaye magar main chaah kar bhi apne zahen se ye sab nikaal nahi pa raha tha.

Us din badi mushkil se mera waqt guzra tha. Khane pine ka jo samaan main khareed kar laaya tha wo waisa hi bag me rakha rah gaya tha. Khane ki ichha hi nahi huyi thi. Dil udaas aur dukhi tha. Baar baar ishwar se apne mata pita ko waapas kar dene ki minnate kar raha tha magar ye bhala kaha sambhav ho sakta tha? Kisi tarah din guzra aur raat huyi to main raat ke kareeb das baje bangle se nikla. Rassi ke sahare hi main apni khidki ke raaste neeche aaya tha aur fir bahut hi sawdhaani se bangle se door hota chala gaya tha.

Raat ko ek taxi kar ke main waapas gaziabad aa gaya tha. Bade kaam ka Shri Ganesh karne ke liye mujhe kuch plans banane the jiske liye mujhe sukoon se bhara thoda waqt chahiye tha.

Us waqt raat kaafi guzar gayi thi jab main dinesh jha ke ghar pahucha tha. Itni raat ko mujhe aaya dekh kar wo jane kaise kaise sawaal karne laga tha mujhse jiske jawaab dene ke baad main upar apne kamre me aa gaya tha. Dinesh ne mujhse khane pine ke bare me puchha to maine use mana kar diya tha. Kamre me aa kar main bistar par pasar gaya tha. Uske baad meri aankh tabhi khuli jab dinesh ki beti poonam ne aa kar mere kamre ka darwaza khatkhataya tha. Usne bataya ki naasta ban gaya hai is liye main fresh ho kar neeche aa jaau. Mere puchhne par usne bataya ki uske papa dinesh subah chaar baje hi auto le kar nikal gaye hain. Dinesh aur uske pariwar ke sabhi sadasya mujh par bharosa karte the aur mujhe maan sammaan dete the. Main aksar sochta tha ki aaj ke yug me bhi aise log hain jo ajnabiyo par itna bharosa karte hain. Bhala wo jaante hi kya the mere bare me??

Fresh hone ke liye main kamre se nikla to meri nazar Ramesh ki biwi aarti par pad gayi. Wo bathroom ke paas hi ek side baithi kapde dho rahi thi. Uska mukh meri taraf hi tha is liye uska saara view mujhe dikh raha tha. Saadi ko usne ghutno tak utha rakha tha jisse uski saanwli taange ghutno tak beparda thi. Upar aanchal dhalka hua tha jiski vajah se uske blauj ke khule huye gale se uski badi badi chhaatiyo ke ubhaar mujhe saaf dikh rahe the. Kapde dhone ki vajah se wo baar baar hil rahi thi jiski vajah se uski chhaatiya uske ghutno par dab jaati thi aur dabne ki vajah se wo kuch zyada hi ubhar aati thi. Ye sab dekh kar mere jism me jhurjhuri si huyi. Jaise hi use mere aane ka abhaas hua to usne chehra utha kar meri taraf dekha. Mujh par nazar padte hi uske chehre par chamak ubhar aayi aur sath hi uske hotho par muskaan fail gayi. Idhar usse nazar milte hi main thoda hadbadaya aur tezi se bathroom ki taraf badh chala.

Pichhle kuch samay se aarti ka jis tarah ka behaviour tha usse mujhe asahaj feel hota tha. Main achhi tarah samajh chuka tha ki use mujhse kya chahiye lekin main uski hasrat ko pura nahi karna chaahta tha. Aisa nahi tha ki mere andar jazbaat nahi bhadakte the balki main to sirf ye chaahta tha ki is sabki vajah se dinesh aur uski family ke saamne meri izzat na utar jaye. Bees saalo baad kahi se itna maan sammaan mil raha tha aur dinesh ke pariwar wale mujhe apna samajh rahe the is liye main ye hargiz nahi chaahta tha ki ek pal me ye sab khaak me mil jaye.

Bathroom se fresh ho kar main seedha apne kamre me gaya aur fir taiyar ho kar neeche naasta karne chala gaya. Dinesh ke bachche school jate the is liye dinesh ki biwi subah jaldi hi unke liye breakfast ready kar deti thi. Main aaya to dekha poonam ke sath uski chhoti bahan aur uska chhota bhai naasta kar rahe the. Sab school ke uniform me hi the. Mujhe dekhte hi Poonam ke alawa sabne mujhse namaste kiya aur fir se khane me lag gaye. Main jab dusri kursi par baith gaya to poonam ne apni maa ko awaaz de kar bataya ki main aa gaya hu. Kuch hi palo me dinesh ki biwi ek thaali me mere liye naasta le aayi. Naaste ke dauraan hi maine Poonam ki maa se dinesh ke bare me thoda bahut puchha aur fir naasta kar ke upar apne kamre me aa gaya.

Bangle ke tahkhane me rakhe box se jo files mujhe mili thi unse mujhe apne pita ke dosto ke bare me bahut kuch pata chala tha. Itna hi nahi balki C.M.S. jaisi sanstha se sambandhit bhi mujhe bahut kuch pata chal gaya tha. Main ye soch kar thoda chakit tha ki C.M.S. jaisi sanstha bees saalo baad bhi apna makaam banaye huye thi. Khair mere liye ab ye jaanna zaruri tha ki aaj ke samay me mere pita ke sabhi dost kin jagaho par apna ashiyana bana rakhe hain aur sath hi duniya ko dikhane ke liye ab wo kaun sa business kar rahe hain?

Dopahar khana khane ke baad main apne kamre me leta is sabke bare me plan bana raha tha. Mera plan tha ki dinesh se main kuch time ke liye kah duga ki main uska auto nahi chalaauga, kyoki mujhe apne kuch zaruri kaam ke chalte iske liye time hi nahi milega. Dinesh ko bhala isse kya problem hogi, use to apne kamre ke kiraye se aur khane ke paise se hi matlab hona tha. Apne zahen me sab kuch set kar ke main araam se shaam hone ka intzaar karne laga tha. Halaaki dinesh dopahar ke do baje bhi ghar aata tha lekin main is bare me usse shaam ko hi baat karna chaahta tha.

Lete lete mujhe neend aane hi lagi thi ki tabhi kisi ne mere kamre ka darwaza halke se khatkhataya. Pahle to maine koi pratikriya nahi di lekin jab dubara darwaza khatkhataya gaya to mujhe uthna pada. Alsaaye man se maine darwaza khola to baahar khade jis shakhs par meri nazar padi use dekh mere zahen me halchal si mach gayi.

✤༺✧༻✤​

 

[TheBlackBlood]

Dosto, Story ka next update post kar diya hai

 

[kamdev99008]

Alsaaye man se maine darwaza khola to baahar khade jis shakhs par meri nazar padi use dekh mere zahen me halchal si mach gayi.

Aarti.... Kajal (dr sahab wali) ka dusra avtar banti najar a rahi hai....
Jahan dekho halchal machane a jati hai

Dekhte hain....
Kajal.... Oops
Arti ke karname