Chapter 11: Asura ki Wapsi aur Arena mein Dhamaka
Surya Sect ka Grand Arena aaj khacha-khach bhara hua tha. Hazaron disciples, Elders, aur bahar se aaye hue guests stands mein baithe thay. Shor itna tha ki kaan phat jaayein.
Aaj Outer Sect Tournament ka din tha.
Arena ke beech mein ek bada sa stone platform (ring) tha. Ek taraf VIP seats thin, jahan Elder Shang (Vikram ka chacha) aur Elder Sharma (Medicine Hall) baithe thay.
Doosri taraf, participants khade thay.
Vikram sabse aage khada tha. Wo golden armor pehne hua tha aur bohot confident lag raha tha. Uske aas-paas ke disciples uski chatukarita (flattery) kar rahe thay.
"Brother Vikram, is baar toh Champion aap hi hain!"
"Haa, sunne mein aaya hai aapne 'Spirit Awakening' realm touch kar liya hai?"
Vikram ghamand se muskuraya. "Sirf Champion banna mera goal nahi hai. Mera goal hai us 'Trash' Aryan ke tukde karna... agar wo darpok aaya toh."
VIP stand mein, Kavya chupchap baithi thi. Uski aankhein baar-baar entrance gate ki taraf ja rahi thin. Wo aaj pehle se bhi zyada sundar lag rahi thi, lekin uske chehre par tension thi.
"Kahan reh gaye tum, bewakoof?" Kavya ne dheere se kaha.
Thodi door, Zara bhi baithi thi. Wo chips kha rahi thi (kyunki wo rich hai).
"Mera investment doobna nahi chahiye, Aryan. Agar tum nahi aaye, toh main tumhari jhopdi jala dungi."
Stage par Referee ne mic uthaya.
"Ladies and Gentlemen! Tournament ka pehla round shuru hone wala hai! Lekin usse pehle, ek participant abhi tak missing hai."
Referee ne list check ki.
"Match 1: Vikram vs Aryan."
Bheed mein shor mach gaya.
"Aryan? Wahi jisne Vikram par hamla kiya tha?"
"Wo darpok bhaag gaya hoga!"
"Hahaha! Stage 9 ke Vikram ke saamne aane ki himmat kaun karega?"
Referee ne ghadi dekhi.
"Agar Aryan agle 1 minute mein nahi aaya, toh use 'Disqualified' maana jayega aur Sect se nikaal diya jayega!"
Elder Shang ne Elder Sharma ki taraf dekh kar thahaka lagaya. "Dekha Sharma ji? Maine kaha tha na, wo apradhi bhaag gaya. Aapne bekaar mein uspar bharosa kiya."
Elder Sharma shant thay, lekin unki ungliyan kursi ko zor se pakad rahi thin. 'Ladke, naak mat katwa dena meri.'
Countdown shuru hua.
"10..."
Vikram stage par gaya aur haath hilane laga. "Jeet meri hai!"
"9... 8... 7..."
Kavya ne apni aankhein band kar li.
"5... 4... 3..."
Bheed "Loser Aryan" ke naare lagane lagi.
"2... 1..."
Referee ne saans li. "Kyunki Aryan present nahi hai, main Vikram koโ"
ROAAAARRRR!!!
Achanak aasmaan mein ek tez garaj (thunder) hui.
Lekin baadal nahi thay. Yeh awaaz kisi janwar ki dahaad thi.
Sabne upar dekha.
Suraj ki roshni ko cheerte hue, ek kaala saya (black shadow) tezi se neeche aa raha tha. Wo kisi meteor ki tarah seedha Arena ke beech mein girne wala tha.
"Bachoooo!" log chillaye.
BOOOM!
Wo saya seedha stage ke beech mein gira. Dhool aur pathar hawa mein ud gaye. Poora stadium hil gaya jaise bhukamp (earthquake) aaya ho.
Vikram, jo stage par style maar raha tha, shock wave ki wajah se piche girte-girte bacha.
Dhool ka gubaar (dust cloud) dheere-dheere neeche baitha.
Sabki nazrein us gaddhe (crater) par thin.
Dhuyein ke beech se ek awaaz aayi.
"Sorry traffic mila. Late toh nahi hua?"
Ek ladka dhuyein se bahar nikla.
Usne fate hue purane kapde pehne thay, lekin uska shareer...
Uska shareer kisi greek god jaisa tha. Shirtless. Broad shoulders. Muscles par naye scars. Aur uski peeth par ek badi si kaali talwaar (Shadow Fang) bandhi thi.
Sabse darawani cheez?
Uski aankhein. Wo ab normal brown nahi, balki halki Redish-Black chamak rahi thin.
"Ye... Ye Aryan hai?!"
"Nahi ho sakta! Aryan toh patla-sukha tha!"
"Iska aura dekho... yeh 'Trash' nahi lag raha!"
Aryan ne apne kandhe par se dhool jhaadi. Uske kandhe par baitha Kaalu (ab kutte ke size ka dragon) ne bhi ek choti si dahaad maariโRoar!
Elder Shang apni kursi se khade ho gaye. "Yeh... yeh aura Stage 3 ka nahi hai. Yeh toh..."
Aryan ne Vikram ki taraf dekha, jo abhi bhi zameen par gira hua tha.
Aryan ne apna haath aage badhaya (help karne ke liye nahi, uthane ka ishara karne ke liye).
"Khada ho ja, 'Number 1'," Aryan ne thande swar mein kaha. "3 mahine pehle tune kaha tha ki main kachra hoon. Aaj main kachra saaf karne aaya hoon."
Kavya VIP stand mein khadi ho gayi. Uski aankhon mein chamak aa gayi. "Wo aa gaya..."
Zara ne chips ka packet side mein feka aur seat ke kinare par aa gayi. "Ooh mama! Look at those abs!"
Vikram gusse mein khada hua. Uski beizzati ho gayi thi sabke saamne.
"Tu aa gaya? Acha hua. Main dar raha tha ki mera punching bag kho gaya hai."
Vikram ne apni Spear nikaali.
"Referee! Match shuru karo! Main abhi iska natak khatam karta hoon!"
Referee, jo khud dara hua tha, ne kampte hue haath se ishara kiya.
"M-Match Start!"
Poore stadium mein sannata cha gaya.
Ek taraf Golden Dragon Vikram (Stage 9 Peak).
Doosri taraf Asura Aryan (Stage Unknown).
Aryan ne apni talwaar nahi nikaali. Usne bas apni ungli hilayi (Come here gesture).
"Aaja. Pehla mauka tera."
Update