- 75
- 459
- 54
UPDATE 24
Agli subah roz ki tarah main 5 baje uth gaya. Exercise, yoga aur meditation ke baad main niche aa gaya. Maine dekha ki bade papa, chhote papa, aur papa bhi dining table par baithe hue the.
Me: Papa, bade aur chhote papa, aap teeno? Aap to 9 baje jaate hain na?
Papa: Haan, roz 9 baje hi jaate hain, lekin aaj ek important meeting aa gayi hai, isiliye jaldi jaana hai.
Dadaji apne room se nikalte hue bole.
Dadaji: Aisa kya ho gaya? Itni subah meeting kyu hai?
Bade papa: Papa, wo A2Z company ne ek meeting rakhi hai jisme desh ki top 50 companies ka video conference rakha gaya hai 8 baje. Kuch naya idea aaya hai, jispar proper discussion hona hai.
Dadaji: Aisi baat hai kya?
Chhote papa: Haan, papa. Kuch companies ko already idea bataya ja chuka hai, aur wo log to is idea ko ek global revolutionary idea bata rahe hain. Wo Mittal saab ko bol rahe the ki agar ye idea properly kaam kar gaya, to Bharat duniya me ek alag hi level par chala jayega.
Papa: Haan, papa, wo Arora saab bhi aisa hi bol rahe the ki sabko idea bahut pasand aaya hai.
Dadaji: Are, waah. Phir to mujhe bhi chalna chahiye. Main bhi to dekhu ki aisa kya idea hai. Bahu, mera bhi nashta daal hi do.
Dadi: Sharmaji, aapke nashte ka time hua nahi hai abhi. Aapka nashta alag se banta hai, bhul gaye hain kya aap? Abhi tayar nahi hua hai kuch.
Dadaji: Urmila, ab kuch to khane ko de hi do. Office jaana hai abhi.
Dadi: Kuch nahi milega. Aap ke dawai ki timing ke anusaar aapko khana milta hai, aur abhi khane ka time nahi hua hai.
Dadaji: Are, to ab main kya karu? Ab idea sunne ke liye shaam tak ka intezaar karna padega.
Me: Nahi karna padega. Aapko bhi thodi der me pata chal jaayega.
Dadaji: Kya matlab?
Me: Are dadaji, bade papa ne kaha na ki video conference hai, to aap bhi video call karke apne room me baithkar aaram se sab dekh aur sun sakte hain. Agar sabke saath baithkar meeting karni hoti, tab na problem hoti.
Dadaji: Are haan, ye to maine socha hi nahi. Ye to ho sakta hai na, Urmila?
Dadi: Haan. Ye thik hai. Aapko main time se hi nashta de dungi. Mere pyare Prakash, jaha sabka dimaag band ho jaata hai, wahi tumhara chalna shuru karta hai.
Maa: Wahi to. Itni basic chiz thi aur hum me se kisike dimaag me aayi hi nahi.
Chhoti maa: Hai na? Mujhe to laga tha ki aaj maa aur pitaji me jhagda ho jaayega.
Badi maa: Kya bolti hai, Kanika? Shubh-shubh bol.
Me: Don’t worry, chhoti maa. Mere rehte jhagda nahi hoga. OK, ab hum chalte hain. Priya, aaj bhi didi ke saath jaana hai ya teeno saath me chal rahe hain?
Vani didi: Prakash, tum bike par hi chale jao. Mujhe aur Priya ko market me thoda sa kaam hai, to hum wo karke aayenge.
Me: Thik hai, didi.
Main ghar se nikla aur bike par baithkar college pahuch gaya.
Humare college Bharat ka one of the best colleges maana jaata tha. Top me rehne ka ek kaaran ye bhi tha ki yaha par sirf kitaabi padhai nahi hoti thi, balki physical education (PE) bhi ek important topic tha. Aaj Thursday ke pehle 2 ghante ki classes PE ki hi thi. Isme humein ground me aakar kuch basic exercises sikhaye jaate the jo body ko fit aur healthy rakhne ke liye important the.
Hum sab ab ground me aa chuke the. Humara sports ground ek 75*75 m ka bahut bada ground tha jisme saare students aaram se fit ho sakte the. Saare years ke students abhi ground me the aur saare teachers bhi ground me the. Saamne ek microphone tha jispar vice-principal sir ne bolna shuru kiya.
VP sir: Good morning, students. Welcome to the weekly Physical Education class. Senior years to ko pata hi hai, lekin 1st year ke liye main kuch baate batana chahunga. Ye weekly Physical Education class ek almost compulsory class hai. Ye class sirf special reasons ki wajah se hi aap chhod sakte hain. Agar aap sab ko abhi tak ye baat pata na ho, to main aapko abhi bata sakta hoon ki is class ko miss karne ke liye abhi tak 5 students ko college se rusticate kiya ja chuka hai kyuki unhone is class ko ek majaak ke roop me le liya aur bina kisi valid reason ke 2 mahine tak skip karte rahe. Jaise hi humein iski information mili, humne action liya aur ab wo students college dhundhne ki race me lage hue hain, par shayad wo kabhi aage padh bhi nahi payenge.
Khair, main aapko darana nahi chahta tha. Main bus aapko ye bata dena chahta tha ki ye college education ke saath-saath students ki health par bhi bahut focus karta hai. Khair, ab har week ki tarah is week bhi ek student aage aakar aap sabko exercises me lead karega. Ab kyuki ye is educational year ka first week hai, to who better to start with than the all-rounder? I know ki aapme se bahut log already jaante honge ki main kiski baat kar raha hoon, lekin phir bhi introduction dena mera farz banta hai. He is a student jisne bachpan se ab tak jitne bhi exams ya tests diye hain, he has always topped them, with marks always above 95%. General knowledge ka aisa koi sawal nahi hai jo use pata nahi ho. Pichhle saal ki quiz competition me to isne sabko bahut bure tarike se haraya tha.
Ab in baato se ye mat samajh lena ki ye ek nerd student hai, jo sirf padhai se related matter me hi top karta hai. Maine ek word kaha tha, all-rounder, wo aise hi nahi bulate hain hum ise. Pichhle 3 saal se sports week ke har participated event me gold medal hi jita hai usne, chahe wo running race ho ya phir sports jaise ki cricket ya football, har event me unprecedented victory. So, without any further delay, I would like to call upon the all-rounder, the evergreen topper, Prakash Sharma.
Sabke taaliyon ke gunz ke bich main aage badha aur mike par chala gaya.
Me: Thank you, sir. Aaj to aapne bahut zyaada hi taarif kar di, pichhli baar se bhi zyaada. Don’t worry, aapki wo video mere paas safe rahegi.
Mere ye bolte hi kuch logo ki hasi chhut gayi aur kuch logo ke shock se muh khul gaye.
Me: Well, maine dekh liya hai ki kuch logo ke shock se muh bhi khul gaye hain, to main bata doon ki ye ek joke tha. Jinhone bhi joke ko samajh liya, well done. Khair, jitni bhi taarif sir ne meri ki, thank you for that. Ab main ye to kahunga nahi ki ye sab jhooth hai, kyuki sab to sach hi hai. Ab agar sports ki baat ki jaaye, to main bachpan se hi roz subah jaldi uthkar exercise aur yoga karta aa raha hoon, to body humesha fresh aur ready rehti hai meri. Baaki agar topper hone ki baat hai, to wo to meri memory achhi hai, isiliye shayad mujhe sab yaad reh jaata hai. Baaki, padhai to sabse important chiz hoti hi hai ek student ke liye, no jokes there.
Lekin ek baat main sabko bata doon. Main jaanta hoon ki kuch bachche jarur honge chaaro years me, jo aise honge ki padhna hi sab kuch hai, enjoy baad me kar lenge. Let me tell you, you won’t be able to do anything by thinking that. Na padhai ho payegi, aur na enjoy. Main ye baat isiliye keh raha hoon kyuki maine kuch bachcho ki baate suni hain jo apne dosto ke saath time bitana nahi chahte kyuki unke liye padhai hi sabse zyaada important hai. Let me tell you, dosti insaan ki sabse badi gift hai. Insaan jab dharti par aata hai, to wo apni family choose nahi karta. Mata-pita, bhai-behen, dada-dadi, nana-nani, chacha-chachi, mama-mami, ye sab automatically hi janam ke saath mil jaate hain humein, there is no choice. Lekin dost banana insaan ki choice hoti hai. School me jaakar pehli baar aap apni family ke alawa logo ke saath time spend karte ho, aur jiske saath achhe se ban jaati hai, wo dost ban jaate hain. Jab aapke saath aapke dost hain, tab aapko dosti ki kimat samajh me nahi aati hai. Dosti tab samajh me aati hai jab aapke paas madat ke liye ya phir saath ke liye koi dost na ho. Tab lagta hai ki kaash dosto ke saath thoda aur time bita liya hota to aaj wo dosti aur upar ek alag hi level par hoti aur abhi tak hoti. Khair, main khush hoon ki mujhe kuch bahut achhe dost mile hain jinpar main pura bharosa kar sakta hoon aur jaanta hoon ki ye end tak mere saath rahenge. Pata nahi, unko mere saath kaisa lagta hai, lekin main apne dosto ke saath bahut khush hoon. Khair, speech bahut lambi ho gayi, ab thoda body ko open kar lete hain.
Tabhi VP sir mike par aaye aur bole.
VP sir: Well, ye baat main tabhi batana bhul gaya tha. He can give a speech inpromptu, yaani ki bina pre-information ke hi ye aisi jabardast speeches de sakta hai. Yahi ek student hai jise batana nahi padta ki tumhe ek speech deni hai to prepare kar lena, he can give speeches anytime and anywhere.
Me: Thank you, sir. Now, it’s exercise time.
Uske baad maine sabko 1 ghante tak normal body exercises karwaye jo ki basic exercises thi jis se body open ho jaati hai. Uske baad:
Me: I know yaha bahut saare bachche honge jo thak gaye honge itni exercise ke baad, lekin, let me tell you, just relax a little bit aur you will feel that your mind has completely opened up aur you are feeling a new aura. OK, tabhi dosti ke baare me bolte hue ek baat reh gayi thi, to I would like to add on to that, tab tak aap apni saanse control kar lijiye. Jab insaan pehli baar school ya college aata hai, to use dost choose karne ka option to milta hai, lekin ek chiz hai, jo choose karne ka option to nahi milta, lekin after your family, ye sabse important hain jo aapko mil sakte hain. Can anyone tell me what I am talking about?
Ek bachche ne kahi se “course” chillaya.
Me: Are bhai, course to choose karke hi aaoge na college me. Main yaha choose nahi kar sakne wale chiz ki baat kar raha hoon.
Pallavi ma’am ki awaz sunai di, unhone “teacher” kaha.
Me: Yes, you are right, ma’am. The answer is our very own teachers. A teacher, to me, is the most difficult profession. Ek teacher ko bahut saare bachcho ko sahi disha me le jaana hota hai, jis se us bachche ki zindagi ek sahi insaan banne ki taraf badh sake. Agar teachers na hote, to students bhi na hote. Isiliye sahi teacher milna ek student ke liye bahut important hota hai. Ab kyuki teacher banne me choice nahi milti, isiliye sabko apne mile hue teachers ke saath hi khush hona padta hai. Humein bhi teachers mile hi hue hain, humein to ab inse hi padhna padega.
Ye sunte hi saare bachcho ki hasi chhut gayi, aur sab teachers ka chehra aisa ho gaya jaise aadhe shock me ho aur aadhe gusse me.
Me: I am sorry, teachers. Saare students thake hue the, isiliye main bus unhe hasake unka mind divert karana chahta tha, baaki you all know ki main teachers ki full respect karta hoon. Sorry for the joke.
Ye sunkar saare teachers bhi shaant ho gaye.
Me: Ufff, that was close, warna agli result me sidha 0 milna tha saare subjects me. OK, I take your leave. Thank you, everyone.
Sabne taaliyaan bajayi aur main apni jagah aakar khada ho gaya. Tabhi mike par Principal ma’am aayi.
Aishwarya: Well, aisa pehli baar hua hoga ki ek student ne teachers par aisa joke maara ho, aur teachers ko gussa na aaya ho. Lekin ye student hi kuch special hai. Pallavi ma’am, aap nayi aayi hain uske course mein, I think you know what you would have to deal with. OK, we are done with today’s PE session. Students, you can go to your classes. Your next period is starting in 10 minutes, so go and get ready for your classes.
Ye sunkar sab waha se nikal gaye aur apne-apne classes me aa gaye.
Amir: Saale, kya bol raha tha tu?
Me: Kya ho gaya?
Sohan: “Pata nahi, mere dosto ko mere saath kaisa lagta hai.” Kya tha be ye?
Karan: Saale, hum tujhse itna khush hain, itne achhe se baat karte hain, aur tu aise bolega?
Me: Are, joke tha yaar. Tum log to serious ho rahe ho. Aise hi majaak me bola tha. Tum logo to jaante ho ki main aise hi majaak me bolta rehta hoon. Ab tum log bhi majaak band karo aur jaakar baitho. Mere saamne jhuthe gusse ka naatak nahi chalega.
Sohan: Saale, kya chiz hai tu? Har chiz pata chal jaati hai tujhe. Itna plan banaya tha ki gusse se baat karenge, aur tune samajh liya. Sana, tumne bata diya kya?
Sana: Nahi, maine kuch nahi bataya.
Me: Sana ne kuch nahi bola hai. Tum teeno ke chehre hi bata rahe the ki jhutha gussa kar rahe ho. Ab baith jao apni jagah par, Pallavi ma’am aa rahi hongi.
Sab log apni jagah par baith gaye aur kuch hi der me Pallavi ma’am class me aa gayi. Unhone padhana shuru kiya aur thodi der ke baad mujhse boli.
Pallavi ma’am: Prakash, tumhe kabhi 95% se kam nahi mila hai na? Aisa hi bola tha na VP sir ne?
Me: Yes, ma’am.
Pallavi ma’am: Well, is baar record tut jayega.
Me: Main samjha nahi, ma’am.
Pallavi ma’am: Jab main tumhe exam me 0 dungi, tab to 95% se kam ho hi jaayenge na. I hate students who make such jokes on teachers.
Me: (bhola chehra banate hue) OK, ma’am, as you wish.
Mere bhole chehre ke saamne to patthar bhi pighalkar tut jaaye, ma’am to phir bhi ek maa thi.
Pallavi ma’am: Are, are, ye kya? Itna bhola chehra? Don’t worry, main sirf majaak kar rahi thi, jaisa ki tumne kiya tha.
Me: (normal chehra banakar) I knew it, ma’am, isiliye maine ye majaak me bhola chehra banaya tha taaki aapke muh se sach nikalwa saku.
Pallavi ma’am: (shocked) Kya? To acting ka bhi talent hai tumme? Pata nahi is ek saal me aur kya talents dekhungi main tumhare.
Sana: (mere kaan mein) Main talent to abhi ma’am ne dekha hi nahi hai, kyu?
Me: Chup kar, zyaada na bol.
Uske baad class aage badhi.
Break-time me hum sab canteen me baithe hue baate kar rahe the. Tabhi Priya canteen me aayi.
Priya: Suniye.
Me: Are Priya, tum? Aur ye suniye kya hota hai? Tum to aise bol rahi ho jaise ki meri behen nahi, biwi ho.
Priya: Meri marzi hai.
Me: Haan haan, pata hai. Bachpan se hi ek baar bhi bhaiya ya bhai nahi nikla tumhare muh se. Ab bolo, kya baat hai?
Priya: Mujhe yahi baithna hai aapke paas.
Me: Haan, to aa jao, baitho.
Priya: Ye Pooja hai, meri best friend.
Me: Tum Pallavi ma’am ki beti ho na?
Pooja: (surprised) Aapko kaise pata chala?
Me: Tumhe to maine pehle bhi Priya ke saath dekha tha, bhale hi humari baate na hui ho aaj tak. Us din jab pehli baar Pallavi ma’am ko dekha tha, tabhi ek resemblence dekha tha main tum dono ke chehre me, isiliye puchha.
Pooja: Haan, wo meri hi maa hain. Waise aapki speech kamaal ki thi aaj. Aur jo aapne bich me jokes maare, they were amazing. Those jokes came out of nowhere, completely unexpected.
Priya: Ek hi baat kitni baar bolegi? Mujhe tabhi se bole ja rahi hai ki “kitna achha speech dete hain, kitne achhe se bol rahe the, kya jokes maare”.
Me: Well, thank you.
Ye sunkar Karan, Amir aur Sohan ki hasi nikal gayi.
Suhana: Kya hua?
Anushka: Tum teeno aise kyu has rahe ho?
Phir Sana ne unhe puri baat batayi.
Pooja: Wow. Acting talent bhi hai aapme?
Me: Maine to bus thodi si acting ki thi, baaki ek maa ke dil ko achhe se pehchanta hoon main. Hum dono ki umar lagbhag barabar hi hai to main jaanta tha ki wo hum sab ko apne bachche ki tarah hi treat kar rahi hai. Baaki mere ghar me 3-3 maaye hain, to maa ke dil ko kaise jeetna hai, achhe se jaanta hoon main. Bus, thoda sa bhola chehra bana diya to ma’am ka dil pighal gaya, aur bus, ma’am ka majaak ka mood hi change ho gaya aur emotional hokar sach bol gayi.
Priya: Acting talent ka to puchho hi mat, maa aur pariwar ke sabhi logo ke saamne itni baar acting ki hai na, ki daant to padti nahi hai, upar se ghar ke sabse pyaare aur laadle hain ye.
Me: To tum kya chahti ho? Mujhe sabse daant padti rahe.
Priya: Bilkul nahi. Main aisa kyu chahungi? Main to bus bata rahi thi.
Me: Thik hai. Ab chalo, class ka time ho raha hai.
Phir sab log apne classes me aa gaye. Uske baad ki classes karke hum nikal gaye aur ghar par aa gaye.
Suhana: Kya hua?
Anushka: Tum teeno aise kyu has rahe ho?
Phir Sana ne unhe puri baat batayi.
Pooja: Wow. Acting talent bhi hai aapme?
Me: Maine to bus thodi si acting ki thi, baaki ek maa ke dil ko achhe se pehchanta hoon main. Hum dono ki umar lagbhag barabar hi hai to main jaanta tha ki wo hum sab ko apne bachche ki tarah hi treat kar rahi hai. Baaki mere ghar me 3-3 maaye hain, to maa ke dil ko kaise jeetna hai, achhe se jaanta hoon main. Bus, thoda sa bhola chehra bana diya to ma’am ka dil pighal gaya, aur bus, ma’am ka majaak ka mood hi change ho gaya aur emotional hokar sach bol gayi.
Priya: Acting talent ka to puchho hi mat, maa aur pariwar ke sabhi logo ke saamne itni baar acting ki hai na, ki daant to padti nahi hai, upar se ghar ke sabse pyaare aur laadle hain ye.
Me: To tum kya chahti ho? Mujhe sabse daant padti rahe.
Priya: Bilkul nahi. Main aisa kyu chahungi? Main to bus bata rahi thi.
Me: Thik hai. Ab chalo, class ka time ho raha hai.
Phir sab log apne classes me aa gaye. Uske baad ki classes karke hum nikal gaye aur ghar par aa gaye.
Last edited:
