Incest Samraat ..The Tales of Debauchery, Hate & Revenge

[Daksh The King]

Covid Se Pahle....

covid se pahle meri busyness kuch aisi thi.. mere liye lunch ka samay nikaal pana mushkil tha... mera kaam hi aisa tha.. upar ki krpa se sab koshal mangal tha.. par covid ne aisa disturb kiya.. kuch aise halat kharab hue.. karze ke bojh tale ja daba.. jo abhi tak utar nahi saka... life jaise taise kat rahi rahi thi..
samay freee tha bohut free tha.. so XP ko khub samay dia maine...

parrr abbb

uparwale ki krpa se mera dhanda firse apni routine par aane laga ha... aise me samay ki firse kami ho gayi ha mere paasss....
ab aap sab se juda hon to to juda rahunga.... update ki speed kabhi zayda samay mila to zayada likh kar post kar dia karnga....
kam mila to kammm...

jaise hi last kuch days se udpate likhna to door ki baat.. likhna kya ha. wo bhi nahi sochne ka samay tha mere paas..

aaj kuch din me samay mila.. to socha kya likha jaaye.. fir abhi dedh ghante me update likh daala... aur post bhi kar di...

so update let ho to mayus nahi hona.. updates aate rahenge.. der se sahi.. par aap ka sath bana rahega...

Thanks For You Love......

 

[Bilal jan]

Episode:08​

Shimuna jab temple se nikli toh invisible thi. Bahar apni maujudgi zahir karke, wahan se nikal bhagi thi. Shimuna ko chahiye tha ek sharir. Shimuna R.P.O ke hi ek agent ke andar sama kar uspar apna control bana kar pahadon par rehti hui jis raste se daksh ke sath aai thi. Usi raste se wapis samudra ki orr badhne lagi.

Koi jaan nahi paya, shimuna kis ke andar rehte hue temple ke andar se nikli thi. Sab samjhe dk bahar nikla ha. Margaret ya R.P.O ke dusre agent jaan nahi paaye, unka ek sathi unme se kam ho chuka ha.

China ke samudri sahil par maujud nimoons bhi shimuna baare jaan gaye. Shimuna bhi unke baare me jaan gai aur apni power ka pura pura use karte hue sabse door nikal gai.

Agle din ke 2 baje ke baad shimuna ne do desho me do alag alag shariron me ghus kar apni maujudgi zahir kar di. R.P.O agent ko shimuna ne beech samudra me hi chhod dia tha. Jise machhliyon ne mil bant kar khar liya.

Shimuna ki alag alag desho me alag alag shariron ke andar maujdgi jaan kar sab jaan gaye, shimuna ne kuch samay ke liye DK ke sharir ko apna thikana banaya tha.

Shimuna toh kisi ke andar sama kar sabki nazron se door ho sakti thi. Kisi ke liye shimuna ko pakad pana mumkin nahi raha tha. MASTER ki baaton se bhi shimuna ka darr bohut had tak kam ho gaya tha. shimuna ne sabko DK se door kar dia tha.

Baki bache char nimoons bhi shimuna ko na pa sake.

Teesre din shimuna china laut aai. Is baar koi bhi shimuna ko china me lautte hue nahi dekh paya. Is baar shimuna ek gangster ke andar sama kar, uspar apna control bana kar temple pohnchi thi. Apne china pohnchne wali baat ko sab se chhupane ke liye usay maarna padta, jiske andar sama kar shimuna china pohnchi thi. Isliye shimuna ne gangster ke sharir ko choose kiya tha. Warna temple tak pohnch kar usay chhod deti toh nimoons jaan jaate. Ya wo admi sabko bata deta.

Margaret firse trainning me lag gai thi. Wo is mission me fail ho gai thi. Dk ke inte paas pohnch kar bhi wo usay apne kabze me nahi kar paai thi. is baat par margaret ko bada ghussa bhi aaya tha.

Par margaret ki sochon se dk nikla nahi tha. Bohut kuch wo DK baare soch rahi thi. Aisa hi kuch aur log bhi soch rahe the. Par na toh shimuna kisi ke hath lagi aur na hi DK ki koi khabar firse aai.

:::::::::::::::


India me bhi army officers ne apne sainik dhund me bhej diye.

Sainiko ko mili wahan jadujar ki koyla ban chuki lash. Paas hi padi thi awara ladki ki dono pair kati lash. Sainik awara ladke ki laash aur kate hue bina shoes wale pair utha kar wapis chal pade.

Army walun ke hath bhi kuch nahi aaya. Fir shuru hui wahan ki chhan been. Kisi ki smajh me kuch nahi aaya toh ek tantrik ko bulwa liya gaya. Usne jo bataya, wo sun kar sab shocked reh gaye.

Tantrik ne bataya, us kamre me koi aur bhi maujud tha. Jo ke dono pairon se dono shoes lekar nikal bhaga. Tantrik, jadugar ki koyla bani lash ko dekh kar sab smajh gaya tha.

Wo ye bhi samjh gaya tha. Jaisa samaan wahan par paya gaya ha. Jadugar zarur wahan kisi ki bali dene wala tha. Ladke ke girne se jadugar ka chaap adhura reh gaya aur wo mara gaya. Kaali shaktiyan paane walun ke sath aisa hi hua karta ha. Chaap adhura reh jaaye toh chaap karne wale ki mrityu pakki ha.

Jiski bali di ja rahi thi, wo ladke ke shoes lekar wahan se nikal bhaga. Wahan se kuch bhi aisa nahi pata chal paya, jisse lage keh wahan se nikal par bhaagne wala ladka tha ya ladki.

Is maamle me sab andhere me hi reh gaye. Army wale pure jungle ki khaak chhanne lage. Jungle me mile unhe ek ladki ke pairon ke nishan.

Forensic team bulwai gai. Wahan mile ladki ke fingerprints.

Kuch din pehle delhi ke busnessman ki beti jo raat sote hue apne kamre se ghayab ho gai thi. Jadugar ke kamre me paaye jaane wale fingerprints us ladki se match karte han.

Tantrik samet army ke do bade oficers ladki ke ghar pohnche.. Tantrik ke sawalun ke jawab me ladki ke maata pita ne bataya, ladki amavas ki raat paida hui thi.

Tantrik samjh gaya. Kyun wo ladki achanak se ghayab hikar us jungle me ja pohnchi thi.
Jadugar ne apne kale mantron se ladki ko ghar se uthwa liya tha.

Ladki ko dhunda gaya par ladki kahin nahi mili. Ladki ke pairon ke nishan aage ghaas ki waja se khatam ho gaye.

Raw walun ne ye case apne under le liya. Jungle me ladki ki khoj jari rahi. Baat phel chuki thi. Is baat ko leek hone se roka nahi ja saka tha.

Underworld walun tak ye khabar bhi pohnch gai.

Underworld walun ne is maamle me koodte hue ladki ke ghar par halla bol diya. Ladki ka pita delhi ka powerfull businessman tha. Uske paas bhi guards the. Underworld walun ne socha tha, sabko kidnap karke apne under le lete han. Jab ladki lautegi toh shoes unke hawale kar apne parivar ko le jaayegi. Par aisa ho nahi paya. Businessman ne apne guards ko bol dia firing ke liye. Underworld walun ke paas bhayankar weapons the. Agar koi cheez unki na ho sake toh fir wo kisi aur ki bhi nahi rehne dete. firing karke bhi underworld wale kothi me ghus nahi paa rahe the. apne kuch sathi bhi woh kho baithe.

Baat apne hath se nikalte dekh kar, apne sathiyon ko marta dekh kar puri ki kothi ko blast karke underworld wale bhaag nikle.

Kothi me ladki ke maata pita, ek bada bhai, ek bhabhi jo 7 mahine pet se thi. Sab maare gaye.

Raw walun tak ye khabar pohnchi toh sunkar sab dukhi ho gaye. Sab ek dusre ko dekhne lage. Kitni jaldi kitna kuch galat ho gaya tha. Ek ladki jo desh bhagt ban sakti thi.
Unhe shoes lauta kar desh ke kitne kaam aa sakti thi. Ab wahi ladki desh ki dushman banne wali thi. Apne parivar ko kho kar zarur uske andar negative thoughts paida hone wali thi.


:::::::::::::::::


Ladki nangi halat me thi. Aisi halat me woh kisi ke saamne nahi ja sakti thi. Jungle ke bahri ilake me ghoomte hue wo apne liye kapdo ki talash karne lagi. Din ke 3 baje ka time tha. Kanton se bachne ke liye ladki ne shoes pehn liye the. Badan ko cover karne ke liye uske paas aur kuch nahi tha.

Ek jaga baith kar wo rest karne lagi. Jungle me hi woh apna pet bhar chuki thi. Uski bhuk piyas mit chuki thi.

Shaam ke baad woh firse chalti hui jungle se bahar pohnchi. Ek door ki basti ke kinare par bani ek jhonpdi ke bahar usay kapde latke hue dikhe. Ladki woh kapde pehn kar shehar ki orr badhne lagi.

Huliye se ladki ek village girl dikhai pad rahi thi. Par shoes se modren.

Ek jaga se guzri toh tv par chal rahi news dekh kar wo sadme me aa gai. Tv par uske ghar ki tabahi baare bataya ja raha tha. Sab ke sab maare gaye the. Ye jaan kar woh rone lagi. Wahan Khade hue log ladki ko rota dekh kar heran toh hue par kisi ne ye nahi poochha "Ro kyun rahi ho"

Wahin baaten hone lagi. Kaise shoes ki waja se us ladki ke pure parivar ko jaan se maar dia gaya ha. Pehli baar ladki ki nazar apne shoes par gai. Isse pehle usne dhayan hi nahi dia tha. Ladki wapis palat padi. Is baar uska rukh ek dusre jungle ki orr tha. Ab woh ghar toh laut nahi sakti thi. Ghar jaati toh wo bhi apne parivar ki tarah maari jaati.

Wapis lautte samay dukh me hote hue bhi woh shoes ke bare me sochne lagi. Fir usay jadugar ke paas ka sab yaad aane laga. Kaise wo ladka upar se lakdee ki chhat phaad kar niche aan gira tha. Ladkee samjh gai shoes me zarur koi toh khaas baat ha. Kyun shoes ke chalte uske pure parivar ko jaan se maar diya gaya.

Ladki ek science student bhi thi. Ek jaga baith kar, ek pair ka shoes utaar kar wo dekhne lagi. Ajeeb si language me kuch likha hua bhi tha. Jo ladki samjh nahi paai.
Ladki badi bareeki se shoes ko dekhne, samjhne lagi.


:::::::::::::::::


MASTER ne ek bar firse shimuna ke sath wahi smell wala experiment kiya. Shimuna gangster ke andar se nikli toh gangster ko maarne ki zarurat hi nahi padi. Gangster khud se hi dhadam se niche aan gira. Woh shimuna ki power ko sehn nahi kar paya tha.

MASTER ke poochnne par Shimuna ne gangster ke bare me bataya toh MASTER shimuna se bohut khush hua.

MASTER : bohut badhiya meri bachhi. Tumne bohut sahi se dimag ka istemal kiya ha. Ab tumhe tumhare sathi bhi kabhi nahi pehchan payenge.

Shimuna prashn bhari nazron se MASTER ko dekhne lagi.

MASTER : meri bachhi, tumhare planet walun ne bohut tarakki kari ha. Par hum earth wale bhi kisi se kamm nahi ha. Tumhare harmoons me badlaao la kar tumhare pasine ki mehek ko badla ja sakta ha. Isse tumhe koi bhi pehchan nahi paayega. Tumhari surat bhi badal di jaayegi. Tum Tiger ke sath bina chhupe bhi reh sakti ho.

MASTER ki is baat par shimuna MASTER ke pairon me gir padi.

Shimuna : MASTER!! Aap great han MASTER!! Warna mere paas iska koi solution nahi tha. Pakde jane ka darr hamesha rehta mujhe. Jaisa aapne kaha ha MASTER, agar vaisa ho jata ha toh fir main apni kismat par jitna bhi naaz karun kam ha. Pehle mujhe daksh mila, fir aap mile. Mujhe lagne laga ha, jald hi wo samay bhi aayega. Jab main apne planet lautungi aur lozan ko khatam karke apne parivar ko apne planet ko bacha lungi.

MASTER ne shimuna ko khada kar dia.. Shimuna ke mathe ko choom kar usse bole.

MASTER : ummid par toh puri dunya kayam ha meri bachi. Yahi soch apne andar se kabhi khatam mat hone dena. LORD BUDDHA ne chaha toh jald hi tumhare liye bhi koi na koi intezam ho hi jaayega. Aur haan aaj se tum kabhi bhi DK ko DK ya daksh nahi kahogi. Abb se woh Tiger hai. Uska chehra, uski shanakht sab kuch badal dia gaya ha. Tum bhi kabhi usay uske purane naam se mat bulana. Kisi ko pata na chale DK ab Tiger ban chuka ha.

Shimuna daksh baare jaan kar bohut khush hui. Woh jo pehle khud ko daksh ka kasoorwar samjh rahi thi. Ab wo is maamle me bhi relax ho gai thi.

Shimuna uhni do kamro me rehne lagi. Shimuna ko tab tak wahi rehna tha, jab tak uske badan ki mehek change nahi ho jati.

::::::::::::

R.P.O, B.A.O, underworld wale khali hath reh gaye the. Shimuna ek baar china me, toh 2 baar do alag alag desho me dikhai de gai thi. Woh hath nahi aa saki thi. Sab ek dusre ko dekhte reh gaye the.

Khali hath toh RAW wale bhi reh gaye the. Par unke dil me DK ko leke ek ummid ki kiran ab bhi baaki thi. Shimuna DK ke andar se nikal chuki thi. Par DK ko paa kar another planet se judi info prapt kar sakte the. Shoes wala maamla bana toh bhi indian army aur RAW walun ke hath kuch nahi laga tha.

Indian army ka kaam khatam ho gaya tha. Raw maidan me utar aai thi. Ladki ke ghar walun ko wo bacha nahi sake the. Ladki ko dhund kar usse woh shoes hasil kar lena chahte the. Raw ke bohut se agents ladki ko dhundne me lag chuke the.

Dusri organizations bhi ladki ki talash me lag chuki thee.

:::::::::::

Daksh do din baad hosh me aaya toh rare things ke kaaran hone wale bigad ko khatam kiya ja chuka tha.

Hazaron saal purana ye temple apne andar bohut se secrets bhi rakhta tha. Aise raaz jiske baare me temple ke keval bade hi jaante the. Ya woh jante the, jo bharose layak hua karte the.

Margaret jaiso ko un secrets ke bare me kuch pata nahi tha. Margaret, daksh aur shimuna na toh chinese the aur na hi temple se jude hue.. Woh kaise temple ke secrets jaan sakte the.

Par daksh ki kismat toh shimuna ke earth par aa jaane se chamak uthi thi. Ek berang marine life jeene wale daksh ki zindagi me aane wale samay me bohut kuch aisa likha ja chuka tha. Jiske baare me daksh ne ya kisi aur ne socha bhi nahi tha.

Daksh ko teesre din basement me hosh aaya toh koi bhi uske paas nahi tha. Daksh utha toh kuch der me wahi ladki daksh ke paas pohnchi, jisne daksh ke baare me pehle din MASTER CHI-FANG ko bataya tha. Ladki MASTER CHI-FANG ki grand daughter thi.

Ladki ka naam wang-zhi tha.

Greetings and intro ke baad wang-zhi daksh ko lekar basement me bane ek kamre me ghus gai. Us kamre se jude hue aur bohut se kamre.

6th kamre ke baad ek haal aaya. Us haal ki ek diwar par wang-zhi ne ek jaga press kiya toh deewar side hatne lagi. Deewar hati toh niche stairs jaa rahi thee. Daksh wang-zhi ke sath stairs par rehte hue niche utarne laga. Stairs ghoomti hui 25 feet neeche gai. Wahan se aage 3 raste ja rahe the. Ek raste par wang-zhi daksh ko lekar aage badhne lagi. Surang dar surang se guzarte hue 25 mint baad wang-zhi daksh ko lekar ek jaga pohnch gai.

Wahan MASTER CHI-FANG ek aur MASTER ke sath maujud the. Daksh ne MASTER aur uske sathi ko greetings di.

MASTER CHI-FANG : Aao Tiger beta! Ye tumhare naye MASTER han Tiger beta! MASTER SHOON-LI! (fir MASTER SHOON-LI se bole) SHOON-LI ye hai aapka naya student Tiger.. Ummid ha aapko Tiger ke jaisa student apni puri zindagi me nahi mila hoga.

SHOON-LI : The Great MASTER CHI-FANG ne kaha ha to zarur Tiger me kuch toh khas hoga.

MASTER : jaao Tiger beta apne naye MASTER ke sath. Hum fir milenge.

MASTER CHI-FANG, MASTER SHOON-LI ko pehle hi sab bata chuke the. Daksh MASTER SHOON-LI ke sath jaane lage.

5 mint baad daskh ek bade haal me pohncha. Jahan karate, marshal art aur dusra kai tarah ki fighitng sikhane ka samaan pada hua tha.

(jab tak daksh ki shanakht nahi khul jati daksh ko Tiger hi likha jaayega)

MASTER SHOON-LI Tiger ko wahin khada karke ek deewar ke paas pohche. Ek jaga hath lagaya toh ek almari open ho gai. MASTER ne uske andar se 8 goliyon wala ek revoler nikala. Revolver ke chamber ko khol kar usme bullets bhari. Kuch bullets pocket me daal kar MASTER SHOON-LI Tiger ke paas pohnch gaye.

MASTER ne revolver Tiger ke hath me thama dia. Tiger kuch na samjhte hue revolver ko pakde MASTER ko dekhne laga. MASTER ek aur deewar ke paas pohnche. Wahi se cheekhte hue bole.

SHOON-LI : Tiger!! SHOOT ME!!

Tiger toh MASTER ki baat sunkar dang hi reh gaya. Kabhi apne hath me maujud revolver ko dekhne lagta to kabhi MASTER ko.

SHOON-LI : Tiger tum ek student ho aur main tumhara MASTER. Aur ek MASTER ke shabd ek student ke liye hamesha order hua karte han. hath uthaao aur mujhe shoot karo.

Tiger ko ek bar toh laga MASTER pagla gaya ha. Par MASTER ke cherhe ke bhav dekh kar aisa kuch nahi laga raha tha. MASTER ne is baar apne lahje ko sakht karte hue Tiger ko fire karne ka order dia.

Tiger jo marine life jeete hue kabhi khatron se nahi ghabraya tha. Revolver wale hath ko uthate hue uska hath kaanpne laga tha.

SHOON-LI : Khud par control banao Tiger. Aur fire karo mujhpar.

MASTER ke lehje ki sakhti aur bhi badhne lagi. Tiger ne ek lambi saans li aur revolver wala hath seedha MASTER ki orr karke ek fire kar dia.

Tiger heran reh gaya. MASTER ke pet ka nishana lekar Tiger ne fire kiya tha. Par goli MASTER ke pet me ghusti usse pehle hi MASTER apne pairon ko sakhti se zameen par jamaye rakhte hue tedha ho gaya. Tiger ki chalai hui goli side se guzar gai.

SHOON-LI : Pura ka pura revolver mujhpar khali kardo. Revolver 8 goliyon wala ha. Abb bhi isme 7 goliyan baki han. Bina ruke musalsal trigger dabate jao.

Tiger samjh gaya tha MASTER goliyon se bachna janta ha. Bohut furti thi MASTER me, Ye baat smajh gaya tha Tiger. Ye bhi uske liye koi lesson hi ha.

Tiger ne is bar normal rehte hue ek ke baad ek fire MASTER par karna shuru kar dia. MASTER SHOON-LI goliyon se bachta hua Tiger tak jaa pohncha. Tiger akhri goli chala pata, usse pehle hi MASTER SHOON-LI ne Tiger ke hath se revolver chheen kar Tiger ke mathe par rakh kar trigger daba dia.

Ye sab itni jaldi hua tha Tiger samjh hi nahi paya.

"kdichh" ki awaz aai, revolver ke chamber me MASTER ne akhri goli nahi dali thi. ye baat Tiger nahi jaanta tha.

Tiger jo ek marine life me anginat baar khatarnaak se bhi khatarnaak situations ko face kar chuka tha. Aisa marhala kabhi bhi uski zindagi me nahi aaya tha. Hamesha woh khud se khatron me kood jaya karta tha. Achanak se bane khatre ko bhanp nahi paya. Tiger ke sharir ke sare ruen khade ho gaye the. Pura sharir pasine chhodne laga tha. Kanpati par pasine ki aai ek boond phisalti hui niche kaan ki orr aane lagi. MASTER Tiger ke saamne khada hua muskura raha tha. Tiger ki saans tak atak chuki thi.

SHOON-LI : Ye tumhara imtihan tha Tiger!! Jaisi zindagi tum ji chuke the. Anginat bar tum samudra ki khatarnaak se khatarnaak gehraai tak ja chuke ho. Par aisi situation se tumhe kabhi vaasta nahi pada. Tumhe judge karne ke liye bhi mujhe aisa sab karna pada. Insani sharir me kitni lachak hoti ha, kitni furti hoti ha. Ye sab bhi tumhe dikhana tha.

Tiger ne ek lambi saans li. Bola kuch nahi. Uske hosh abhi bhi thikane par nahi aaye the. Hamesha marne ke liye khatron me kood jane wala Tiger MASTER ke ek hi pentre me apni sudh budh kho baitha tha.

Kuch der baad MASTER Tiger ko ek aur haal me le gaya. Us haal me ek chhota sa talab bana hua tha. Us talab me Tiger ko khada karke deewar ke sath uske dono hath ek kade me bandh kar, Tiger ke sar par ek ajeeb o gareeb kisam ka headphone laga kar MASTER SHOON-LI ne talab me halka garam paani chhod dia.

SHOON-LI : Tiger apni will power ka pura pura use karna ha tumhe. Isse tumhe judge karne me asaani rahegi. (MASTER fir haste hue bola) na bhi karoge toh khud se majbur ho jaaoge.

Tiger bhi talab me dhire dhire badh rahe garam pani ko dekhne laga. Pani zayada garam nahi tha. Par ghutno se upar aaya toh uski heat kuch badhne lagi. Tiger jo pehle khud par kabu paaye hue the. Garam pani ke kaaran uski sehn shakti jawab dene lagi. MASTER SHOON-LI side lagi ek screen par nazar daudane lage.

Dhire dhire paani Tiger ke seene tak pohnch gaya. Tiger ki bardasht khatam hone lagi. Par wo bhi kisi se kamm nahi tha. Jo life woh ji chuka tha. Wo koi asaan life nahi thi. Apne jabdon ko sakhti se kasste hue, sarr ko jhatakte hue wo garam pani me khada raha.

25 int baad Tiger ki will power ke sath sath sharir bhi jawab dene laga. MASTER ne ek button press kiya, 2 mint me hi sara pani talab se nikal gaya.

Tiger ka jism garm paani ke kaaran sara hi laal pad gaya tha. MASTER ne Tiger ko bahar nikala aur utha kar ek kamre me farsh par lita dia. Uske baad MASTER Tiger ke jism ki heat ko kamm karne ke liye Tiger ki malish karne lage. Jisse Tiger ko Thanda Thanda Lagne laga.


:::::::::::


SHOON-LI : (MASTER CHI-FANG se) Pehle marhale par toh Tiger bhi dusron ki tarah fail ho gaya tha MASTER. Par baad me jaisi performance usne di ha, Main heran reh gaya hon MASTER. Aise marks toh aaj tak kabhi kisi ke nahi aaye.

Tiger jab talab me tha. Toh headfhone jo Tiger ke sarr par laga hua tha. Uske kaaran Tiger ki mentally report us screen par dikhai dene lagi thi.

MASTER CHI-FANG ke hath me wahi report thi.

MASTER CHI-FANG : SHOON-LI ye baat maine pehli baar hi Tiger bete me dekh li thi. jaisi aag uski ankhon me dekhi thi maine, jaise sanskar mujhe usme dekhne ko mile the. main samjh gaya tha, Tiger bohut khaas ha. isi liye maine usay apne paas aane ko kaha tha. main chahta hon MASTER hamare paas ka wo sara fun jo hum apne baad kisi me transfer kar sakte han, To aisa insan sirf akela Tiger hi ha. hum dono ke baad koi bhi humen apne jaisa nahi mila. Tiger ko sab sikha kar hum apne purkhon ke fun ko aur aage badha sakte han. nature me bhi Tiger beta hamare jaisa hi ha. Na toh koi matlab parasti ha usme aur na hi wo ghamand ki dunya ka insan ha.

MASTER CHI-FANG ki baat sunkar MASTER SHOON-LI soch me pad gaye. kuch der baad wo bole.

SHOON-LI : MASTER kya aisa karna sahi rahega. hum apne desh ke kisi naujawan ke andar bhi toh apni sari kalayen transfer kar sakte han.

MASTER CHI-FANG : SHOON-LI report aap ke saamne ha. kitne saalon se hum dono kisi apne jaise hi ko dhund rahe the. kahin koi mila kya? nahi mila humen koi bhi apne jaisa. aur fir hamare paas jo kuch bhi hai, woh agar hum apne desh ke kisi naujawan ko na dekar Tiger ko de dete han, toh ye koi galat baat nahi ha. hum chahte han, hamara fun hamesha zinda javed rahe, aage badhta rahe. humen ek Tiger hi mila ha, jiske andar hum apna sara hunar transfer kar sakte han. hum dono apni zindagi ki akhri saansen le rahe han SHOON-LI. nahi jante kab hamari saanse band ho jaayen aur hum apne purkhon ke humen sikhaye sare gur apne sath le jaayen. nahi SHOON-LI aise toh hamari aur hamare purkhon ki aatmayen hamesha bechain rahengi. kaise hum dono unke paas ja kar unse nazren mila paayenge. 100 saal ji kar bhi hum unke diye hunar ko aage kisi me transfer nahi kar sake. unka diya fun ek aisi cheez ha SHOON-LI, jise pusht dar pusht aage badhna hi hoga. hamari desh me agar koi hum dono ke jaisa nahi ha toh Tiger hum dono ke jaisa ha. jaise marks uske aaye han, wo aap bhi dekh chuke ho SHOON-LI. Aur mujhe yakeen bhi ha Tiger beta kabhi bhi humen ya hamare badon ki aatmaon ko sharminda nahi karega.

SHOON-LI bohut gehri soch me dooba gaya tha. baat bohut badi thi. unke purkhon ka diya hua fun desh se bahar jaane wala tha. unke apne desh ka koi bhi naujawan, purkhon se mile fun ko puri tarah se seekh paane layak nahi mila tha. ek Tiger mila tha, wo bhi unke desh ka nahi tha. SHOON-li ye sab bhi soch raha tha.

apne purkhon ke fun ko desh se bahar jaane dena, ya kisi galat haath me chale jana, dono baaten SHOON-LI ke liye bohut dardnaak thi. Par Tiger ke liye THE GREAT MASTER CHI-FANG serious thi, bharosa kar rahe the. toh SHOON-LI is maamle me shak nahi kar sakta tha.

SHOON-LI ne ek gehri saans li.

SHOON-LI : THE GREAT MASTER mujhse behtar samjhte han. Par main Tiger ko apne hisab se aur bhi kai maamlon me parkhonga. agar mujhe laga, waaki me hi Tiger woh jawan ha, jise hum apna, apne purkhon ka sara hunar de sakte han toh main khushi khushi apna sara hunar Tiger me tranfer kar dunga MASTER.

MASTER CHI-FANG : (smile) Maine toh ek nazar me hi parkh liya Tiger bete ko SHOON-LI. aap bhi apne mann ki puri kar len. mujhe yakeen ha aapko Tiger ke jaisa waaki me hi koi nahi milega. Tiger ka pichhla sara record meri nazron me ha. aap bhi jald jaan jaaoge.

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

Fantastic update

 

[Bilal jan]

Episode:09​

Location: B.A.O Headquater Israel..

B.A.O ke 7 leaders the.....

Balck Adam:No:1,2,3,4,5,6,7.......... Ye bhi kisi ko jawab dene ke paband the. Barson se kisi ne koi galti nahi ki, jis bina par saaton regular sath bane hue the. Yadi koi galti karta ha, kisi ki permormance sahi nahi rehti toh uski jaga koi aur aa jata. Kisi ke under hote hue bhi saaton independent the.

Saaton sheeshe ke alag alag cabins me black kapdon se chehron ko cover kiye baithe hue the. Sabhi ne skin colour ke fitting wale gloves pehne hue the. Jo unke hathun par ghor karne kar bhi dekhe nahi ja sakte the.

Sheeshe ke cabin ek round shape me bane hue the. Sab ek dusre ko dekh sakte the. Office se nikal kar koi bhi kisi ko pehchan nahi sakta tha. Saton ke liye alag alag raste bane hue the. Koi bhi kisi dusre ka rasta use nahi kar sakta tha.

Is samay bhi sab apne apne cabin me baithe hue Shimuna, dusre nimuns aur DK baare hi discuss kar rahe the. Sab ke cabins par numbers lage hue the. Shimuna aur dusre nimuns ko kaise apni pakad me laaya jaaye, ispar discussion jaari thi. Dk ka ab nimuns se koi lena dena ha ya nahi, is par bhi sab ek dusre se discuss kar rahe the. Sab ke paas koi na koi solution tha, koi na koi idea tha.

Black Adam number 3 (BA3) apne cabin me khamosh baitha hua tha. Uske hath me ek pencil thi. Woh sabki baaten sunte hue aur bhi kai angle se soch raha tha. Kabhi woh hath me pakdi pencil se table par rakhe ek paper par aarhi tirchhi lakeeren khenchne lagta toh kabhi pencil ko ulat kar table par maarne lagta. Jab bhi wo aisa karta toh "thak" "thak" "thak" ki awaz aati. Sab usay dekhne lagte, usay khamosh aur gehri soch me dooba dekh kar firse apni baton me lag jaate.

Black Adam no:6 (BA6) : Iban Marsh jisne cobra mission ko akele complete kiya ha, usay china bhejna sahi rahega.

Ba2 : Nahi sophia sahi rahegi. Fighting and intelligence me wo sabse best ha. Mere khayal se usay shaolin temple me bhejna sahi rahega. Sophia bohut chalak ladki bhi ha, wahan reh ke jald hi woh DK ka bhi pata chala legi.

(DK baare temple ke baad ki koi info nahi thi kisi ke paas. B.A.O wale wahin se kaam ki shuruat karne wale the. Shimuna bhi firse manzar se hat gai thi, bohut se plan bana kar alag alag angle se discussion chal rahi thi)

Ba7 : Sahi kaha tumne BA2 Sophia par mujhe bhi pura yakeen hai. She is one of the best agent our B.A.O.

Bohut der se aisi hi baaten BA3 sun raha tha. Usne firse pencil ko ulat kar table par marna shuru kar dia. Sab firse usay dekhne lage.

Is bar wo bola......

BA3 : Kuch missions aise hote han, jinme zahanat kaam aati ha aur na hi taqat. Is baar ka mission hamare liye bhi challene ki hasiyat akhtiyar kar gaya ha. Hamare liye hi nahi, puri dunya ke liye challenge bana hua ha. Par humen hamesha hi sabse aage rehne ki adat ha. Isi bina par hamara naam puri dunya par chhaya hua ha. Puri dunya me koi bhi, kisi bhi maamle me humse badhkar nahi ha. Is maamle me bhi hum hi sabse aage rahenge. Is dunya ke baad dusri dunyaon ki khoj bhi hum hi sabse pehle karenge. Wahan tak pohnch pana asaan hua ya mushkil, mumkin ha ya namumkin, par wahan pohnchne walun me hum hi sabse pehle honge. Har maamle ki tarah is maamle me bhi hum sabse aage rahenge.

Itne dino tak humne R.P.O,RAW,China, Underworld aur dusri organizations ki bhaag daud dekh li ha. Shuru me humne bhi koshish ki, par sabki tarah hum bhi khali hath reh gaye. Fir mere hi kehne par saari bhaag daud khatam kar di gai. Kisi cheez ko pana ho to race me sabse aage rehna zaruri nahi hota. Asal maksad target achieve karna hota ha.

Hum bhi dusre planet se aaye huon ke peeche bhaagne walun ki list me shamil han. Par hum dusron ki tarah nahi han. Humne aaj tak jis kaam me bhi hath dala ha, jis kisi cheez ko bhi paane ki sochi ha, usay paa kar hi dumm liya ha. Dusre palnet se jude hui sabhi baaton par, sabhi cheezon par hamara haq sabse pehle ha. Puri dunya me koi bhi kisi bhi maamle me hamara hum-palla nahi ha.

(sab BA3 ko bade dhayan se sun rahe the. Aksar wo sabse badhkar baat kar jaya karta tha. Aur uske mashware sabse best bhi hua karte the. Baat desh ki hoti thi, koi bhi achhi baat karta toh sab usay appreciate kiya karte the. Ab bhi sab BA3 ko pure dhayan se sun rahe the.

BA3 : Race me sabse aage rehna zaruri nahi hota. Winning point tak sabse pehle pohnchna asal baat hoti ha. Is baar ka mission hamari zindagi ka sabse hatkar, sabse kathin mission ha. Is mission me hum jald bazi nahi kar sakte. Jinho ne ki, kya woh kuch hasil kar paaye. Nahi.. Koi bhi kuch bhi hasil nahi kar paaya. Margaret jiska koi jawab nahi ha. R.P.O ki kitni kabil agent ha wo, Sophia se kam ha toh sirf fighting me, warna usme aur Sophia me koi farq nahi. Itni talented agent hoke bhi Margaret khali haath rahi.

Aap sab Iban Marsh aur Sophia ki baat kar rahe han. Unki kabliyat par shak kisi ko bhi nahi ha. Iban Marsh aur Sophia par hum jitna bhi fakhar karen kam ha. Par is baar ke maamle humen ladai se zayada basics info ki zarurat hai. Dusri dunya wale hamari dunya par aaye. Isse zayada hum kuch nahi jaante. Yadi jante bhi han toh bas itna hi, aane wale powerfull, bohut chalak han. Khud ko hamari nazron se bachana jaante han. DK jiske baare me humne sari info hasil kar li ha. Dusri dunya se aane walun me se ek ka DK se jude hone ka pata chala ha. Abb bhi woh usse juda hua ha ya nahi, hum nahi jaante. Fir dusri dunya se aaye huon me se kisi ne do alag alag deshon me apni presence show karwa kar puri dunya ko ek baar firse hairat me bhi daal dia ha. Aur sath sabko uljha bhi dia ha. Isi baat par maamla bohut complicated ho gaya ha. Hume zarurat ha ab basic info ki. Aur basic info humen milengi shaolin temple me. Aur basics info ke liye humen aam routine se hatkar chalna hoga.

Is baar hum ek genius ko nahi, ek best fighter ko nahi ek stupid ko shaolin temple me bhejenge. Wahi dega humen basics info. Aur mujhe pura pura yakeen ha jaise ek stupid hamare haan ha, woh is mission ko achhe se anjaam dega. Jaise woh ab tak mile mission sar-anjaam deta aaya ha. ab ka mission bhi wahi pura karega.

Sab BA3 ki baat sunkar shocked reh gaye the. Sabke paas ek se badhkar ek plan tha. Par jaisa plan BA3 ne sabke saamne rakha tha. Koi soch bhi nahi sakta tha.

Kuch der tak sannata chhaya raha. sab ko saanp soong gaya tha. Fir sab jaise hosh me aaye. Sabne ek ek hath se tables bajane shuru kar diye. Sab ko BA3 ka plan bohut zabardast laga tha. Ek stupid tha B.A.O walun ke paas aur woh aise aise mission kar chuka, jiske pura hone ki ummid tak khatam ho chuki thi.

BA3 : Aaj se do section another planet walun ke liye banaye jaate han. Dono sections ki leader Sophia rahegi. Iban Marsh 2nd section ka leader rahega. Kahin bhi ladai ki zarurat rahegi, wo sab khud se manage kar lega. Sophia apne section ke sath sath Iban Marsh ke section ki bhi preformance dekhti rahegi. Sophia sari detail direct humen tranfer karti rahegi.

Sabne BA3 ke plan ko saraha.. kisi ne koi objection nahi uthaya.

BA3 : Is baar ka maamle dusre planet se jude huon ka ha toh jis stupid ko humne shaolin temple me bhejna ha, uske brain ke cells me changes laaya jaayega. Hum nahi jaante dusri dunya wale kitne shatir han. Kaisi kaisi abilities unke andar han. Jaise ek DK me samaa gaya tha. Dk ko powerfull bana gaya tha. Aise hi woh hamare stupid ke andar ghus kar sab jaan bhi sakta ha. aisa hone se hamara mission hi fail nahi hoga, hum bhi nazron me aa jayenge. Is ka intezam bhi karna hoga.

::::::::::::::

Tiger ki shuru hui fir priksha. MASTER SHOON-LI ne garam paani ke baad Tiger ki malish karke usay firse pehle jaisa kar dia tha.

Tiger hosh me aaya toh khud ko nanga dekh kar jhatke me uth khada hua. Kuch der me jab MASTER SHOON-LI uske saamne aaya toh Tiger ke dono hath tangon ke beech me latak rahe saman ko cover karne lage. MASTER ye dekh kar hasne laga.

MASTER ne Tiger ko rest nahi karne di. Tiger ko parkhne ke liye naye naye harbe istemal karne laga.

Kabhi Tiger ko pehle se zayada garm paani ke talab me khada kar dia jata, toh kabhi thande paani me. Time duration is kaam ke liye kam rakha tha MASTER ne. Asal baat toh Tiger ki sehn shakti, mansik shakti ko puri tarah se janchna tha.

Tiger ki halat har baar patli hone lagti thi. Par ek zid bhi uspar sawar ho jaya karti thi. Jitni nafrat uske dil me bhar di gai thi. Wahi nafrat yahan Tiger ke kaam aane lagi. Jitni bhi sakht se sakht priksha MASTER SHOON-LI Tiger se leta. Behosh hone tak Tiger data rehta. Har dusri priksha me Tiger ke hosh ke lamhat kam hote the. Woh cheekhta chillata bhi tha. Par MASTER ko sab band karne ke liye nahi kehta tha. Behosh ho jata, par MASTER ki priksha me pura utarne ki jaise usne bhi kasam khaa li thi.

4 din tak MASTER shon.Li ne Tiger ke sharir ka hashar kar ke rakh dia tha. Har priksha ke baad Tiger cheekhta, ladkhada jata. chal bohut mushkil ho jaya karta tha Tiger ke liye. Tiger kabhi sochta uske sath aisa sab kyun kiya jaa raha ha. pehle usne poochhne ki sochi par fir woh apna irada badal gaya. Usne socha shayad ye bhi trainning ka hi koi hissa ha. Tiger ki har priksha ke baad halat bohut kharab ho jati thi.

MASTER ki di hui strange foods ke chalte Tiger kuch minton me firse pehle jaisa ho jata.

Panchwen din MASTER SHOON-LI Tiger ko lekar the great MASTER CHI-FANG ke paas ja pohncha.

MASTER CHI-FANG ke honto par badi pyari muskan thi. Greeting ke baad Tiger aur MASTER SHOON-LI MASTER CHI-FANG ke saamne baith gaye.

CHI-FANG : Kya raha MASTER!

MASTER chi fang sab samjhte bhi the, fir bhi poochhne baithe.

MASTER SHOON-LI, jiske chehre par bhi ab chamak aa gai thi. Woh bhi ab dil se Tiger ko apna sara fun de dena chahte the. Tiger abhi aisa kuch nahi jaanta tha. Woh toh bas MASTER CHI-FANG ki waja se khamosh tha. Dard se uska vaise bhi purana rishta tha. Isliye bhi woh sab sehn kar gaya tha. Aur zillat mile insan ko aisa dard bhi rahat hi deta ha, so Tiger bhi sab sehn kar gaya tha. Sari prikshayen de kar khud ko bhi jaanch gaya tha. Uski 6 saala zindagi me bohut si kathnaiyan aai thi, kuch aur aa gai thi toh kyun woh muh moodta.

SHOON-LI : MASTER bohut saalon baad main dil se khush hua hon. Koi apne jaisa na mil paane ke kaaran jo udasi thi woh khatam ho chuki ha MASTER. Main khushi khushi apna sab kuch Tiger bete ko dene ke liye tayyar hon.

Tiger ko MASTER SHOON-LI ki baaten badi ajeeb lagi thee, par woh kuch bola nahi. Uski ankhon hairat ke bhav MASTER CHI-FANG ne dekh liye the.

MASTER CHI-FANG uth khade hue, unke khade hote hi Tiger aur MASTER SHOON-LI bhi uth khade hue. MASTER ne dono ko apne sath chalne ko kaha. Kuch minto me teeno ek gufa ke muh par khade hue the. Tiger toh saamne ka nazara dekh kar heran reh gaya. Temple yahan se 500 meter door dikhai de raha tha. Tiger ab bhi kuch nahi bola.

CHI-FANG : Tiger beta tumhari ankhon me mujhe bohut kuch dikh raha ha. Kisi ko bhi fighting sikhane ke liye aise test paas nahi karne padte, jaise tumne paas kiye han. Yaad ha Tiger beta, maine tumse kaha tha, kabhi china mere paas aana, mujhse fighting seekhna. Tiger beta ye sab maine kisi bina par kaha tha.

Tiger badi hairat se MASTER ko dekhne laga, itna toh wo bhi samjh hi gaya tha MASTER kuch toh aisa bolne wale han, jo uske guman me bhi nahi ha.

CHI-FANG : Tiger beta, yadi tum dunya me hui saalon purani ghatnaon baare kisi library me padi books me padho, purane akhbar ke tarashon ko khangalo toh tumhe aisi bohut si ghatnayen dekhne ko milengi. Jinka tumhe koi sar pair nahi milega. Hazaron aise logon ke column tumhe padhne ko milenge jo kisi anjaan vyakti ke karnamo se bhare pade honge.
Tiger beta un purani kitabo me, un akhbar ke tarasho me, jo bhi karname likhe hue han, wo sab ya toh mere han ya fir MASTER SHOON-LI ke.

Tiger ko laga jaise uske niche ki zameen hi khisak gai ho. Woh ek strongman na hota, itne dino se prikshayen na de raha hota toh zarur woh aisa sab sunkar gir padta. Tiger khule muh, pheli ankhon se dono MASTERs ko dekhne laga. Dono MASTER ab bohut zayada serious ho gaye the. Warna Tiger ke aise aaye bhav ko dekh kar zarur muskura dete.

CHI-FANG : Tiger beta, humen hamare purkhon se virasat me mile fun ko apni zindagi ke khatam hone se pehle kisi aur me transfer karna padta ha. Aaj se 50 saal pehle tak bohut se aise the jinke andar aisi capabilities hua karti thi, jo hamare purkho ke virse ko apne andar sama sakte. Sab seekh kar hamare purkhon ke banaye raaston par chal sakte. Bade dukh ke sath mujhe ye kehna pad raha ha Tiger beta keh saalon se hamari khoj adhuri rahi thi. Tum mujhe ship par mile, tab tum kuch bhi nahi the, par mujhe tum me woh dikha Tiger beta jo dekhne ke liye maine puri dunya khangal daali. Hunar seekhne ke liye har saal hazaron aate han hamare paas. Par ek bhi aisa nahi mila jise hum apne purvaju ka diya sab kuch daan kar saken. Usay apne purvaju ke raste par chalne ke liye tayyar saken.

MASTER CHI-FANG ki awaz me ghambirta bohut badh gai thi. MASTER SHOON-LI ke chehre par chattano jaise sakhti aa gai thi. Tiger bhi bade dhayan se ek ek lafz ko apne andar utar raha tha. MASTER uske liye badi ahmiyat ka hamil insan tha.

CHI-FANG : Tiger beta, hamari khoj puri ho chuki ha, barson se jo insan humen nahi mila tha. Tumhari surat me humen woh mil chuka ha. Hum chahte han, hum apna sab kuch tumhe dekar apni baki bachi zindagi apne LORD BUDDHA ki ibadat karte hue guzar den. LORD BUDDHA ha toh hum han Tiger beta. Par hum par apne purvaju ki orr se mili zimmedari ka bojh bhi tha. Usi ki waja se hum apne LORD BUDDHA ko utna samay nahi de sake, jitna dena chahiye tha. Tiger beta, purani kitabo aur purane akhbaro ke tarasho ke baare me bata kar maine tumhe sab samjha diya ha. Jo zimmedari humen apne purvaju se virasat me mili thi. Hum wahi zimmedari tumhe sonpna chahte han. Dusron ke liye apni zindagi ko tyag dena hamara maksad raha ha. Par hum tumhe tumhare maamle me bhi khuli chhoot denge. Tumpar hamari orr se koi bhi dabao nahi rahega Tiger beta.

Itna bol kar MASTER CHI-FANG khamosh ho gaye. MASTER SHOON-LI bhi Tiger ko dekh ummid bhari nazron se dekh rahe the. Unki khawahish thi Tiger haan bol de. Haan bol kar unhe ek nayi zindagi de de. Unke purvaju ke virse ko aage badhne ka rasta mil jayega. Dono fir sukun se apni baki ki bachi saansen puri kar sakenge.

Jo baat Tiger ke saamne rakhi gai thi woh koi chhoti baat nahi thi. Itni badi baat thi keh Tiger ko apne andar ka sab freeze hota hua mehsus hone laga tha. Faisla karna asaan nahi tha. Bohut badi zimmadari Tiger ke kandhon par daali ja rahi thi. Tiger khud ko is layak nahi samjhta tha. Na hi uske kandhe itni badi zimmedari ke bojh uthane ki shakti khud me rakhte the. Koi toh jawab dena hi tha Tiger ko. So woh MASTER ko dekhte hue bola.

Tiger : MASTER!! Main nahi janta aapne mujhme kya dekha ha. Kyu aapko lagta ha main aapke purjavu ki virasat ko aage badha sakta hon. Haan itna main jaanta hon, jaisi zindagi mujhe jeene ko mili ha. Us zindagi me maine aneko baar khatarnak se khatarnak situations ko face kiya ha. Yahan mujhse liye gaye testo me bhi maine apni puri jaan lada di thi. Shayad main isse bhi badi kisi priksha me safal ho jata. Mujhe aag ke jalte hue koylon par bhi chalne bhi kaha jaata toh shayad main us priksha me bhi safal ho jata. Par MASTER jaisa sab aap keh rahe han, main khud ko us layak nahi samjhta. Jitni baat main samjha hon MASTER! Us hisab se mujhe apni puri zindagi logon ki seva karni hogi. Koi kisi par zulm kar raha ho toh usay usay rokna hoga. MASTER yadi dekha jaaye toh main ab puri dunya ki nazron me aa chuka hon. Par maine zindagi bhar kisi ka khun nahi bahaya. Zalimo se takrate hue mujhe khun bahana padega. Jo shayad mujhse na ho sake. Logon ki seva karte hue bhi aisa hi kuch scene banega MASTER. Main kis kis ki seva karta fironga MASTER. Do ka bhala karunga toh hazaron aur rote hue mujhe milenge MASTER. Hazaron ka toh bhala nahi ja sakta na MASTER. Kaise main akela sabpar dhayan de sakunga. Baad me yadi mujhe laga keh mere dhayan na de paane ki waja se koi rota bilakta, kisi ka zulm sehta hua mar gaya ha toh kaise sukun se fir main so sakunga.

Tiger ki baaten sunkar MASTER CHI-FANG ke honto par muskan aa gai. MASTER CHI-FANG MASTER SHOON-LI ko dekhne lage. Jo badi hairat se Tiger ko dekhne lage the. Pehle wale bhav badal chukye the.

CHI-FANG : dekha SHOON-LI aapne. Jo priksha abhi humne Tiger bete se nahi li, Tiger beta usme bhi safal rahe. Ankhen dekh kar toh aap sab sach jaan hi gaye honge, Tiger bete ke muh se nahi, dil se sabhi shabd nikle han. Zimmedari kisi aise hi insan ke kandhon par daali ja sakti ha SHOON-LI, jiske dil me dusron ke liye dard ho. Sahi galt ka pura pura gyan ho jise. Abhi kisi ka bhala nahi kiya, kisi ka khun nahi bahaya, fir bhi sab sachhe vichar Tiger bete ki ankhon me dekhe ja sakte han..

SHOON-LI : MASTER! Main toh pehle se Tiger bete par yakeen kar chuka tha. Abb main Tiger bete par ankhen band karke bhi vishwas kar sakta hon. Mujhe hamesha Tiger bete par garv rahega.

Tiger jo apni baten bol kar MASTER ke vichar janne ke liye unhe dekh raha tha. Ab ki baaten sunkar aur bhi heran reh gaya. Tiger ki bechaini aur bhi badh gai thi.

CHI-FANG : Tiger beta, zimmedari ye nahi kehti keh tum hamesha hi jaagte raho, hamesha hi sabki bhalai karte raho. Bhalai ye ha Tiger beta. Jise dard me dekho, uska dard khatam kardo. Khatam na kar sako toh kam kar do. Kisi zalim ko zulm karte dekho toh khun toh bahana hi padta ha. Koi yadi tumhare ghar par achanak se hamla kar de. Toh kya tum apne kisi bade se mashwara karoge ladne ke liye. Nahi Tiger beta, tum kuch bhi soche bina apnu ki raksha ke liye maut ke muh me kood padoge. Akhri saans tak ladte hue, khun ke akhri katre ke behne tak tum apne parivar ki raksha karoge. Aur parivar sirf wahi nahi hota jisse khun ka risha ho. Insaninat ke naate is dunya me rehne wale sabhi parivar ke jaise han.

Ab rahi khun ki baat toh khun tumhara toh ab umar bhar behta hi rahega Tiger beta. Shimuna ke aa jaane ke baad jaisi life ab tumhe mil chuki ha. Us zindagi me tumhara khun bhi bahega aur tum kisi ka khun bahaoge bhi. Yadi nahi bahate toh bohut jald tumhara ya fir tumhare kisi apne ka khun behne wala ha.

Jabse maine apne puvaju se mili zimmedari ko nibhana shuru kiya ha na Tiger beta. Tab se maine dunya ke takreeban har desh me ghoom liya ha. Kabhi khud se gaya toh kabhi mujhe taqdeer lekar gai. Jahan jahan bhi main gaya hon na Tiger beta toh dunya ke sare hi rang me dekh chuka hon. Dunya me sab kuch hai, sabse badhkar yadi is dunya walun ke paas kuch ha toh woh ha lalach. Hamesha sab se bartar rehne ka lalach. Sabse badhkar taqatwar hone ka lalach. Aur yahi lalach aage chal kar tumhari puri zindagi ko badal dene wala ha. Yahi lalach abse tumhara aur tumhare parivar ka dushman ban chuka ha. jald hi tum aisi hi kuch khabren sunoge. saalon se nahi gaye ho na tum apne ghar. jaana padega tumhe Tiger beta. apnu se gile hon toh chalta ha, yadi koi bahar ka apne parivar ko nuksan pohnchaye toh koi bhi sehn nahi kar sakta.

Ek fighter ki zindagi me uska rishta yadi sabse badhkar kisi cheez se hota ha toh woh ha khun se. Aam mukable me khun behna aam baat ha. Jab real fight ho toh fir pehli baat hi khun ki hua karti ha. khun bahana paap bhi ha aur punya bhi.

Tum khud bhi toh mere paas fighting seekhne ke liye aaye the. Fighting matlab sab seekh kar apni raksha kar sako. Aur raksha tab hi mumkin ho sakti ha. Jab saamne wale ka khun bahaya jaaye, usay zakhmi kar diya jaaye, usay jaan se maar ke mukable layak na chhoda jaaye.

Ye tha tumhari baaton ka jawab Tiger beta. Tum apni zindagi apne hisab se jio, apni zindagi me mast raho, dushman toh tumhari zindagi me ab jaldi khatam hone wale nahi han toh sath hi hamara kaam bhi karte rehna. Jahan zulm dekho, usay khatam kardo. Jahan koi zarurat mand dekho, uski madad kar do. Is dunya se jaane se pehle "imandari ke sath, puri parkh ke baad, jo kuch hum tumhe den" woh tum apne hi jaise kisi dusre me transfer kardo. Bas itna hi ha. Isse zayada toh kuch bhi nahi. Aam log dusron ka bhala karte hi han, tumhe dusron se badhkar karna padega, Itni si baat ha.

Samjh toh Tiger pehle bhi sab kuch gaya tha. Par jo baaten pehle woh bhula hua tha ab woh sab usay yaad aane lagi thi. Apne parivar se bhi woh saalon se door tha. MASTER ki is baat par "Shimuna ke kaaran tumhare parivar walun ka bi khun bahega" Tiger jo hamesha hi apne parivar ko yaad karne se khud ko rok liya karta tha. Uska khun ubal utha tha. Woh chahe toh umar bhar apne parivar ka na chehra dekhe, na unhe apna chehra dikhaye. Par kisi aur ki aisi himmat kaise ho sakti thi, jo uske parivar ka khun baha sake. khun bahana to door ki baat ha, kisi ki orr ankh utha kar bhi yadi koi dekh toh Tiger uski ankhen nikal kar rakh de. Aise maamle me Tiger ek khandani admi tha. Apne parivar ke liye apna sar katwa sakta tha, kisi ka sar kaat bhi sakta tha. MASTER ki dusri sari baaten bhi Tiger ab sahi se samjh gaya tha.

Tiger ne ek lambi saans li.

Tiger : MASTER!! Samaaj seva ka moka toh kisi nasib wale ko hi mil sakta ha MASTER. Yadi main haan kar deta hon toh main bhi nasib walun me shamil ho jaaonga. MASTER main nahi jaanta main aapki ummidon par khara utronga ya nahi. Jaan toh maine hamesha hi khud se khatron ke hawale aneko baar ki ha MASTER. Jo zimmedari aap mere kandhe par laadna chahte han, apni jaan dekar bhi main uspar pura utarne ki koshish karunga MASTER.

Ant me Tiger ki awaz me bhi chattano jaisi sakhti aa gai thi. Tiger tha bhi toh ek singh parivar se.. Fauladi irade toh usay bhi virasat me mile the. Pichhle 6 saalon ne usay aur bhi chattaon jaise fauladi irade bakhsh diye the. Yadi uske kandhon par uske man chahe vyakti zimmedari dalna hi chahte han toh fir piche hatna uski fitrat me bhi shamil nahi tha.

MASTER CHI-FANG aur MASTER SHOON-LI ne baari baari Tiger ko apne gale se laga kar pyaar diya. Tiger ne bhi dono ko pura pura samman diya. Dono MASTERs ke face khushi se chamak uthe the toh Tiger ke chehre par sanjeedgi badh gai thi.

CHI-FANG : Tiger beta tumhe apne purvaju se mile fun ki ek jhalak main tumhe abhi se dikha deta hon. Teeno gufa se bahar nikal pade. Niche se upar dekha nahi ja sakta tha. Ye area chattao me chhupa hua tha.

Ek chattan ke paas pohnch kar MASTER CHI-FANG Tiger se bole.

CHI-FANG : Tiger beta is chattan ko dono hathon se zor laga kar hatane ki koshish karo. Tumme 10 admiyon ke barabar taqat bhi ha na. Toh lagao zor aur dikhao humen apni taqat.

Tiger kuch nahi bola, chattan uske qad ke barabar thi. Tiger ne dono hath mazbuti se chattan ke sath jodte hue apna pura zor laga dia. Chattan tas se mass nahi hui.

CHI-FANG : Tiger beta bas ab tum piche hat jaao.(Tiger piche hata toh MASTER SHOON-LI se bole) SHOON-LI pehle simply zor laga kar chattan ko hilaao. Fir apne fun dwara.

MASTER SHOON-LI ne bhi normal way me chattan par zor azmaai ki. Chattan ko koi farq nahi pada. Fir MASTER SHOON-LI seedhe hue, ankhen band karke saans rok li. Tiger MASTER ko bade dhayan se dekh raha tha. Kuch seconds hi MASTER ne ankhen band rakhi, fir MASTER ne ankhen kholi toh unki ankhen gehri sabz ho chuki thi. MASTER SHOON-LI ne is baar ek hath chattan par rakha, thoda sa zor lagaya toh chattan hilne lagi. Tiger ye sab dekh kar bada heran hua.

CHI-FANG : aa jaao SHOON-LI. Kuch der me teeno firse gufa ke andar the.

SHOON-LI : jante ho Tiger beta, chattan ko hatane ke liye mujhe apni jis skill ko active karne ke liye kuch second lage han, The Great MASTER use ek hi pal me active kar lete han.

Tiger ye jaan kar aur bhi heran hua.

CHI-FANG : SHOON-LI Tiger beta ko ek jhalak aur dikha dete han. MASTER SHOON-LI sab samjh gaye.

Kuch der me teeno us haal me the, jis haal me Tiger ne MASTER SHOON-LI par firing ki thi. MASTER SHOON-LI ne revolver nikala aur Tiger ke saamne asli bullets ek ek karke revolver me bharne lage. Bullets bhar kar revolver MASTER CHI-FANG ki orr kar dia. Tiger samjh gaya, MASTER CHI-FANG bhi MASTER SHOON-LI ki tarah hi karne wale han. Shayad MASTER CHI-FANG ki furti zayada thi, wahi usay dikhane wale the. Tiger sab dekh kar normal khada raha.

MASTER SHOON-LI ne revolver seedha MASTER CHI-FANG ke seene par karke trigger dabana shuru kar dia. Tiger jo sukun se khada hua sab dekh raha tha. Woh ekdumm se cheekh pada. Revolver ke chalte hi MASTER CHI-FANG ne apni jaga nahi chhodi thi, goli se bachne ki bhi koi koshish nahi kari thi. Sab ki sab goliyan MASTER ke seene se takrati chali gai. Jald hi Tiger ko ehsas bhi ho gaya, koi bhi goli MASTER ke seene me chhed nahi kar paai thi.

Tiger toh khada khada lehra gaya tha. MASTER ne koi bulletproof jacket nahi pehni ha, Tiger ye baat janta tha.

Dono MASTER shocking condition me khade hue Tiger ke paas pohnche. Tiger ke kandhe par hath rakha MASTER CHI-FANG ne toh Tiger ke khula muh band ho gaya.

CHI-FANG : Tiger beta tumhari li gai prikshayon se jo marks aaye han, utne marks mujhe 60 saal ke hone par milne lage the. Jitni sehn shakti, dimag shakti tumme ha, jitne fauladi irade tumhare han, utne tumhare umar me mere nahi the. Jis stage tak pohnchne me mujhe 40 saal lage, tum kuch hi saalon me us stage par pohnch sakte ho. Revolver se nikli goliyon mere sharir se takrate hi be-asar ho gai. Meri is skill ko active hue abhi 10 baras hi beete han Tiger beta. Par tumhare andar kuch aisa ha, tum chaho toh is stage par 1 saal ke andar andar pohnche sakte ho. Bahar jaisa SHOON-LI ne us chattan ke sath kiya ha. SHOON-LI ko 20 saal lage apne andar ko active karne me. Tum kuch hi mahino me use prapt kar sakte ho. Yadi dekha jaaye toh tum abhi se hi hum dono se badhkar ho. Kuch bhi seekhne ki capability tumme hum dono se kahin badhkar ha.

Tiger ab hairat ke jhatke se bahar nikal chuka tha. Aisa sab sirf usne kitabo me padha tha. Ya filmo me dekha tha. Real life me kabhi aisa sab dekha, suna nahi tha. Tiger ki dilchapsi sab dekh kar bohut badh gai thi. Wo bhi ye sab seekh jane ke liye betaab hone laga tha. Sab kuch tha bhi toh uski soch ke bohut pare.

CHI-FANG : SHOON-LI abb se Tiger bete ki asli trainning shuru kardo. Jitni jaldi ho sake ise basics sikha do. Fir iski asal trainning shuru ki jaayegi. Tiger bete ko upar temple me bhi sabki nazron ke saamne lana ha.


:::::::::::::::


Sophia kuch dino se rest par thi. Uske pass koi mission nahi tha karne ko. Aaj kal uske din raat ghar par apni family ke sath beet rahe the. Apne bhai ke baby ke sath khel rahi thi sophia, uski bhabhi sophia ka fone la kar usay dete hue boli.

Bhabhi : Mobile toh apne paas rakha karo sophi, kabse bel baj rahi ha iski. Sophia ne mobile lekar call history check ki toh baby ko apni bhabhi ko dete hue apne kamre me bhaag gai. Pc on karke mail check karne lagi. Missed call wala number dekh kar hi woh sab samjh gai thi.

Jab mail check kari sophia ne toh cheekhti hui wapis kamre se bahar daudi aur apni bhabhi ko pakad kar baby samet dance karne lagi.. Sab ghar wale bhi wahi aa gaye.

Sophia : (chiilate hue) Yaaahoooo!! Dusre planet se aane walun ke liye do section banaye gaye han aur mujhe dono sections ka leader choose kiya gaya ha.

"kyaaaaaaaaaaaaaa" sab bhi sophia ki baat par jhum uthe.

Sophia : Haan main bata nahi sakti main kitni hoon. Dil se bhi main chah rahi thi, mujhe aisa hi koi mission mile. Main kuch aisa bhi karna chahti thi. Jiske karne se mere desh ka naam inta ooncha ho, jitna pehle koi na kar saka ho.

Sophia apni khushi chhupa nahi paai thi. Sab Sophia ki baat sunkar jhum uthe the.

Do ghante baad sophia aur Iban marsh plane me baithe hue india ja rahe the. Ghar me chulbuli dikhne wali Sophia ke chehre par ab aisi sanjeedgi aai hui thi, kamzor dil wale dekh kar thar thar kaanpne lagen. Iban Marsh bhi bohut khush tha. Sophia se uski bhi achhi banti thi. Sophia kai maamlon me Iban Marsh se badhkar thi. Iban Marsh jealousy feel nahi karta tha is baat par. Woh toh bohut khush tha uske desh me Sophia jaisi ladki bhi ha. Usay sophia ke sath reh kar kaam karna tha, ye baat jaan kar uski khushi ka koi thikana nahi raha tha.

Sophia...Age:25 B.A.O ki sabse kabil female agent.... Fighting Expert.. Genius, Best Planner.. Situation ke hisab sahi faisle lene ki ahliyat khud me rakhti ha.




Iban Marsh ... Age: 29.. Ye bhi fighitng me B.A.O ka best agent ha. sabko ispar garv ha. Sophia ka bohut bada fan bhi ha. badi respect karta ha Sophia ki.



::::::::::::

Nimuns do alag alag desho me Shimuna ki presence jaan kar sakht ghusse me aaye hue the. Saali sabko nachaye hue the. Badi mushkil se sab ne khud ko chhupaya tha earth walun se. Badi mushkil pesh aa rahi thi, dusron ki nazron se khud ko safe rakhne me.

Shimuna ko kabze me karne ke liye koi option nahi tha unke paas. Woh laut bhi nahi sakte the, warna Lozan sabko maar deta. Ek island par rehte hue wo samay beetne ka intezar karne lage. Baar baar insani dunya me jaana bhi unke liye khatre ko badha sakta tha. Insani Dunya me ja kar woh karte bhi kya. Jab Shimuna hi unki nazron se ojhal thi.
Woh wapsi ka bhi soch rahe the. Par Lozan ke dar se apne irade ko badal bhi dete the.

:::::::::::::

Nimunica me scientists ne searching machine bana li thi. Lozan ko khabar di gai toh wo bhaga bhaga aaya.

Machine chalu karke earth ko searching mod par laga dia gaya. Sath lagi hui thi ek screen, jispar sab ki nazren jami hui thi.

Lozan ek VIP chair par baitha hua earth par ho rahi searching ko dekh raha tha. Searching percentage ke sath sath badh rahi thi Lozan ke dil ki dhadkano ki raftar.

Lozan : Is machine ki progress itni slow kyun ha.. Lozan ne khuni ankhon se ek scientist ko dekha toh woh puri jaan se kaanp utha.

Scientist : The GREAT KING ki bechaini ko hum jaante han, isliye humne isay turant start kar diya, warna abhi machine puri tarah se ready nahi hui. Scientist sar jhuka kar, chaplusi ke andaz me bola. Toh Lozan ko ghussa kuch kam ho gaya.

40 mint tak searching jari rahi.....

Screen par 4 red colour ke dot dikhai dene lage. Pata chala chaorn nimuns hi ha.

Lozan : ye char kyun dikhai de rahe han aur ye kaisi jaga par reh rahe han. Aas paas ka sab neela neela kyun ha.

Sci 2 : THE GREAT KING charon nimuns ek island par han, charon aur samudra ha.

Lozan : kyaaaaaaaaaa?

Lozan sochne laga, kuch der khamosh raha fir woh bola. Shimuna in charon me nahi ho sakti. Kisi tarah se woh hamari nazron se bach nikli ha. Ek nimun maara ja chuka ha. Sonu tum sab aisa karo koi aisi device banao jisse earth par nimuns se rabta mumkin banaya ja sake.

Sci 3 : THE GREAT KING, aisi ek device banai ja sakti ha, par hum apni awaz un tak nahi pohncha sakte, typing dwara hum koi bhi sandes wahan tak bheja ja sakta ha.

Lozan : Good ye toh achhi baat ha. Tum jaldi se woh device banaao aur 2 nimuns ko unke paas bhejo.

Aisi device banana unke liye mushkil nahi tha. Usi din do nimuns ko device ke sath earth par charon nimuns ke paas bhej dia gaya. Dono nimuns ko khaas shoes diye gaye the, jisk kaaran woh jald earth par pohnch jaate. Ek capsule ke khaa lene se 3 mahino tak dono ki bhuk piyas bhi khatam hoke reh gayi thi. Badi tezi ke sath woh earth ki orr badh rahe the.
.
.
.
.
.
Aaj Ke Liye Itna Hi Mitro!! Milte Han Agle Episode Ke Sath Jald Hi......
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

Zabardast update

 

[Bilal jan]

Waiting for next update

 

[Daksh The King]

Mezedaar update

Mezedaar update

Nice update

Dhanyavaad Bhai! keep supporting

 

[Daksh The King]

Zabardast update

Awesome update

Zabardast update

Zabardast update

Zabardast update

Zabardast update

Fantastic update

Fantastic update

Zabardast update

Waiting for next update

Dhanyavaad Bilal jan Mitr! sath bane rahe

 

[Daksh The King]

Waiting for next update bro....

Update aaiga aaj bhai ?

Today Night.....

 

[Lib am]

BAO ab ek dum serius approach le rahi hai iss case mein, Inka plan bhi kaafi strong hai ki kisi stupid ko bhejne ka jis par koi shaq bhi nahi karega aur wo saari information le kar aa jayega.

Tiger ne bhi apni Agni pariksha poori kar li hai aur ab wo ready hai dono masters ki special knowledge aur powers ko lene ke liye.

Ab Shimuna ka kya role rahega story mein jab wo Tiger ke ander nahi hai aur Tiger masters se training le raha hai to. Very nice update.

 

[Daksh The King]

BAO ab ek dum serius approach le rahi hai iss case mein, Inka plan bhi kaafi strong hai ki kisi stupid ko bhejne ka jis par koi shaq bhi nahi karega aur wo saari information le kar aa jayega.

new world ki khoj ka maamla ha aur sab se aage bhi rehna ha. seriously toh lenge hi.

Tiger ne bhi apni Agni pariksha poori kar li hai aur ab wo ready hai dono masters ki special knowledge aur powers ko lene ke liye.

Ab Shimuna ka kya role rahega story mein jab wo Tiger ke ander nahi hai aur Tiger masters se training le raha hai to. Very nice update.

story ka hero ha daskh.. shimuna se badhkar toh usay banna hi padega. shimuna khud me bohut kuch ha. aur daksh ko usse badhkar banna ha. shimuna help ke liye aai ha earth par. khud se woh kuch nhi kar sakti. ek samay aayega jab daksh hi shimuna ke kaam aayega.

shimuna firse daksh me samayegi k nahi. dekhte han aage chal k kya hota ha. door toh shimuna bhi daksh se nahi rahegi.

Thanks Bhai! sath bane rahe

 

[Samar Singh]

Nest Update Bro

 

[Daksh The King]

Nest Update Bro

Dhanyavaad Mitr! keep supporting