Fantasy RUDRADIP- The God And Devil

[Zas23]

Waiting

 

[Vickey1211]

Waiting

 

[Arjun Singh 72]

waiting for the next update

 

[RD193]

UPDATE 8

Aur phir hum Sab ne Khana khaya Aur hum Sab Hall me akar jisko jaha Jagah mili vaha baith Gaye Hamari bani banayi Story sunne ke liye..............


AGE............................


Di- To Chalo batao ab Tumhari Yaddast kaise laut ayi Aur vaha par huva Kya aur ye Rasika Kon hai...

Mai Ritika ki taraf dekhne laga aur wo Meri taraf.. Kyu ki usko hi in sab chijo ke bare me batana tha...

Lekin wo abhi Shant thi.. aur Mai yaha hairan ho Gaya ki ye kuch bol Kyu nahi rahi hai. Ab Mai Kya Karu..

Lekin tabhi Sonam sabse kahti hai...

Sonam- Rasika Meri Choti bahan hai...

Ye sunkar to Ghar walo ke sath Mai bhi Shock me rah Gaya..

unke sath Mai bhi sochne laga ki Sonam Kya Bak rahi hai Kya ye sahi hai...

(man me) Matlab... Nahi re.. kuch bhi mat soch...

Sach me uske baat ne sabko chauka Diya tha... Par abhi to Shuruwat thi..

Mom- (Chonkte huye) Tumhari Bahan.... Lekin ye baat Tumne pahle hi Hume Kyu Bata nahi di Aur ab....

Sonam- uske liye I am Really sorry... Par us waqt Mai is bare me soch hi nahi payi. Kyu ki Mujhe us waqt itna jyada pata nahi tha.. Matlab abhi bhi nahi hai par...

Bhabi- Wo Sab to Thik hai par Mujhe ek baat batao ye itne din kaha thi.. aur ye Tumhe mili kaha...

Ab Ritika ka Dimag Chal Gaya Matlab uske Dimag me ek nayi kahani ne janam le liya Matlab Idea...

Lekin ye sunkar Mujhe kuch rahat mahsus huyi Kyu ki Sonam ne aise hi kuch kah Diya tha...

Ritika- Wo Kya hai na Bhabi.. Sonam Aur Rasika ke mom-Dad ka accident ho Gaya tha aur wo Dono Mar Gaye..

par in Dono ko akela chod Gaye. Is accident ko Sonam bardast nahi Kar payi aur uski Dimagi halat aisi ho gayi...

Uske baad Un Dono bahno ko unke rishtedaro ne apne sath le Gaye lekin alag alag...

Sonam apne Chacha ke sath aur Rasika apne Mama ke sath...

Lekin un Dono ko unke Rishtedar bahut torcher karte the.unse Ghar ka Sara kam karwate the...

Aur isiliye Sonam vaha se Bhag gayi Aur Hume mil gayi... Phir hum Jab Dipu ka ilaz Kar rahe the..

tab ek Jungle me Hume Rasika bahut hi buri halat me mili thi...

To jaha se Dipu ka ilaz Kiya vahi par Rasika ka bhi ilaz Kar Diya Aur wo Thik ho gayi...

Sonam Rasika ko pahchan nahi payi par Rasika ne use pahchan liya...

Ab wo Dono Sage bahne hai to Rasika ko akele chodna Acha nahi laga to hum use bhi sath le aye...

(Emotional hote huye) Kya mom humne ye Acha nahi Kiya....

Wahhh.... re Ritika Kya kahani sunayi tumne.. ek baar to Mai bhi vishwas Kar lu is Story par..

par Mujhe sab malum hai na... Lekin Ritu ki kahani sunkar Sab aise Emotional ho Gaye the ki sabki Ankho me se ansu ane lage...

Mom Apni Jagah se khadi huyi aur Ritu ko apne gale lagate huye kahti hai..

Mom- Nahi Beti tumne ye bahut hi Acha Kiya... ( Phir Sonam Aur Rasika ki taraf jate huye)

Aur tum Dono Mai aaj se tum Dono ki maa hu samje.. ab kabhi bhi apne Aap ko akeli mat samajna...

Bhabi-Aur Mai bhi hu Apki badi bahan...

Mai-(Man me) husssshhhh..... Chalo ye to matter solve ho Gaya ab dekhte hai age kya puchte hai...

Bhaiya- lekin Rudra tumhari Yaddast kaise laut ayi.

Ab Kya kahe... Sala jab Bina padayi ke exam dene jao na waise feel ho raha hai ab Mujhe...

Ab phir se Sab Apni Jagah akar baith Gaye the...

lekin is sawal ka Jawab to Ritu hi dengi Kyu ki vahi to hai Jo Mujhe yaha se le gayi thi...

Ritu- Bhai jab Hume RD mil Gaya tha usi Raat mujhe ek sapna Aya tha usme Mujhe kisi ki abaj sunayi di..

Jo kah raha tha ki agar Tum RD ki Yaddast lautana chahati ho to Tumhe Himalaya ki sabse badi Choti par usko sath lekar Ana hoga..

aur wo bhi kisi ko bhi Bina bataye.To Maine use abaj se pucha ki mere Ghar wale Mujhe itna Dur nahi bhejenge akele.

To us abaj ne kah Diya ki Tumhare Pariwar ka ek aisa hissa Jo Tumhara Pariwar ke sath rahta ho..

par Tumhara usse koi rishta nahi hona chahiye use apne sath lekar a jao..

To mai Apne sath Sonam ke lekar Chali gayi... Aur vaha pahuchne ke liye Hume 3-4 din lage..

aur jab Hume vaha par ek bahut Budhhe baba se mile to wo Rudra ko apne sath le Gaye..

Aur Hume 7 Din baad ane ke liye kah Diya. Tab Tak hum vaha Ghumte rahe lekin tabhi Hume vaha Rasika mil gayi...

Aur jab 7 Din baad hum vaha pahuchne to iski Yaddast wapas aa gayi thi.. aur ye pahle ki tarah Thik ho Gaya tha..

to humne vaha Rasika ko bhi dikha Diya to us Baba ne unka ilaz Kar diya to hum yaha chale aye...

Bhabi- wo Sab to Thik hai Par Mujhe Ek baat batao Tumhare andar itne sari powers kaha se ayi..

hum sabne us din Dekhi thi jis din Hume Dipu mile the.. aur ha wo Sapna sirf Tumhe hi Kyu Aya..

Ab Kya kahe use bhi samaj nahi aa raha tha. Aur nahi humme se kisi ko..

lekin iska Jawab hamare alawa kisi aur ke pass bhi tha...

Papa-Kyu ki iske andar bhi Rudra ki tarah hi powers hai Jo uske andar bachpan se hi hai...

Ye baat sunkar sab phir se chonk Gaye tabhi Bhai kahte hai..

Bhai- To Dad aapne ye baat Hume pahle Kyu nahi batayi...

Papa-Yuvraaj us waqt humne is chij par jyada dhyan nahi diya.. par waqt ke sath sath inki powers badhti Chali gayi aur aaj Dekho...

Bhabi- wo sab to thik hai Lekin Ritu Tumhe hi wo Sapna Kyu Aya ye nahi bataya tumne..

Sala aaj to Bhabi jurnalist hi ban gayi hai.. unke to sawal hi khatam hone se nahi rahe..

Lekin kisi Sawal ka Jawab Ritu na de aisa kabhi ho sakta hai...

Ritu-Bhabi wo to Mujhe bhi nahi pata aisa Kyu huva... shayad mujh me kuch powers hai isliye...

Maine Socha aaj ke liye bahut huva ab chalte hai Varna inke sawal khatam hi nahi honge...

Mai- chalo ab bahut huyi mulakat ab Hume Aram karna hai...

mom- Dipu beta aaj tu mere sath soyega...

Ritu- Aur mom Mai....

Mom-Tu apne room me jakar so Jana...

Ritu- (Emotional Blackmail) ye to Sarasar na insafi hai mere sath..

Dekho na apne is Ladle ke sath Mai bhi to yaha ayi hu to phir Aap use hi Kyu apne sath le ja rahe ho...

Mai- (Chidate huye) Kyu ki Mom tujhse Jyada Mujhe Pyaar karti hai na mom...

Mom- Nahi mainTum Dono se hi Pyaar karti hu...Chal Thik hai tu bhi aaja mere room me some ke liye... Nautanki...

Hamara yaha ye Sab chal raha tha lekin di abhi bhi Shant thi.. ye Maine notice kar liya tha aur ab waqt aa chuka tha unse baat karne ka...

To mom se kuch kam hai kahkar Mai apne room me Chala Gaya aur kuch der baad di bhi apne room me Chali gayi to Mai pahucha sidha unke Kamre me..

Jo di Bed par baithi kuch Kar rahi thi.. Mujhe apne door par dekh Kar bhi unhone andekha Kar Diya...

Mai- Hi Di...

Lekin unhone koi response nahi Diya to Maine unse phir se pukara lekin phir bhi waisa hi huva...

Mai-Di Mujhe pata nahi aap mujhse Kyu naraz ho lekin Mai aapse bahut Pyaar karta hu..

aur Mujhe ye apka aisa mujhse naraz hone nahi dikhayi deta..

agar aap Meri vajah se naraj ho to Mai hi ye Ghar chodkar Chala jata hu...

Ye Kahkar Mai palta aur room see Bahar hi Jane Wala tha ki tabhi Di ne Mujhe piche se akar Gale laga liya..

aur rone lagi. Unka Rona sunkar Maine unhe chodkar age se gale laga liya..

Mai-Kya huva di apko aap itna to kyu rahe ho . Kisi ne kuch kaha hai Kya apko batao na di..

Unhe aisa dekhte huye mere bhi Ankho me Ansu aa rahe the.tabhi Di ne kaha...

Di- Tu Mujhe kaha chodkar Chala Gaya tha Dipu.. pata hai Mai kitna royi thi Teri bajah se...

Mai-I am sorry Di... Lekin age se aisa nahi honga.. ab to Maaf kardo mujhe...

Di- ye Yaddast kaise Chali gayi thi Teri...Mujhe to laga tu Gaya ab hum sabko chodkar..

Lekin Tumhe hamari koi parwah hi nahi hai. Agar hoti to Tu hume batakar jata jaha bhi Jana hai..

Mai- I am sorry Di.. par ab main apko kahi bhi chodkar nahi jaunga...( man me) Ansh Kya Mai Di ko Sach Bata du...

Ansh- Ye apka faisla hai to Bata dijiye... Par utna hi Bata dijiye jitna wo Janna chahati hai...

Phir Maine Di ko Bed par bitha Diya Aur unhe Pani pilaya to Di kahne lagi...

Di- Ab Bata kaha Gaya tha Tu.. aur Teri Yaddast..?

Mai- Di apko to pata hai mere andar Shaktiya hai.. par Jab apke pass koi Shakti ho to apke upar badi jimmedari bhi ati hai..

aur wo Kya hai wo Mujhe nahi pata par uske liye Mujhe ready rahna hoga...

Isliye Mujhe Guruji ne kuch Shaktiya hasil karne ke liye bheja tha..

to vahi par kuch buri shaktiya mere Dimag par havi ho Gaye the isliye Mujhe kuch yaad nahi tha...

aur ab Un shaktiyo ka Prabhav kam ho Gaya to mai pahle ki tarah ho Gaya...

Di- aisi baat hai to phir tune niche sabko ya baat Kyu nahi batayi ..

Mai-Kyu ki Mai nahi chahata ki Meri bajah se koi aur Pareshan ho . Aur aapke upar Mai pure bharosha Kar sakta hu isliye apko bataya...

Di-Lekin agli baar Tu kahi nahi jayega aur agar jayega to Tu Mujhe apne sath lekar jayega chal Mujhe promise Kar...

Mai-Ok Baba promise... Ab to pahle ki tarah muskurao na...

Phir Di jab hasi yo Mujhe laga jaise Mujhe Meri jannat mil gayi...

Ab kuch der aise hi bate karne ke baad Mai Mom ke room me sone ke liye Nikal pada...

Jaha par pahle se hi Ritu soyi huyi thi Aur Papa Najar nahi aa rahe the Shayad mere room me Gaye honge sone ke liye...

Phir Kya Maine Ritu ko side me Kar Diya Aur un Dono ke bich me so Gaya..

to mom ne Mujhe apne sine se kaskar lagakar rakha us raat Mujhe bahut Chain se nind ayi..............................

 

[sonukale]

Super mind-blowing update

 

[Acme]

Excellent update bhai... keep rocking

 

[Hacker]

Nice

 

[Dev123]

Hmm...nice

 

[John Cena]

Nice bhai

 

[Fighter]

Mast Update Yaara

Nice Going