Sabki juban par ek hi charcha ka vishay tha...un char laasho ka jikra.....kisne mara hoga....kyu mara hoga...kitni bedrdi se mara hai unko...tabhi koi dusara kahta~: wo bhi saale gunde hi the....logo ko marna unka pesha tha....tabhi koi teesra bolta...."fir bhi yaar ...is tarah maarkar laashe tangna ...ye kya baat huyi...tabhi koi aur bolta,....ye sahar aajkal sarifo ke rahne layak bacha hi nahi hai....charo taraf gunda raaz hai.....abhi
ki isase pahle ye silsila tham pata.....chand dino baad fir usi halat me...fir do gundo ki laashe ped par tanki mili....thik usi tarah...jis tarah pahle mili.....ulti latki huyi....chhati par D guda huaa...unhe bhi kafi torcher kiya gaya.....unhe chaakoo se goda gaya...
is bar media police se pahle pahuncha...police se is bar mili chitthi ko chupana asan nahi tha....chitthi bhi media ki nazar me aa chuki thi.....ab toh us chitthi ne aag me ghee ka kaam kiya.....media ne police ki jamkar udayi...news reader kah raha tha~: pichle hafte bhar me 6 logo ko maarkar ped par taang chuka hai benaam hatyara....police hath par hath dhare baithi hai.....hatyare ko pakdna toh dur ki baat hai ..hatyara ka surag tak nahi dhundh payi hai police....kya aise rakshako ke raaz me public chain se so sakti hai....
maze ki baat dekhiye hatyara hatya karta...laasho ko ped par taangta hai....ek chithi bhi chodta hai.....aaiye apne reporter rajat se aankho dekha chithi ka haal sunate hai....rajat kya sun rahe ho hume...
tabhi tv screen par do tasveere sath dikhayi jati hai...dusara rajat hota hai.....haan ramesh sun raha hun...
ramesh~: rajat ..humare darshako ko bataiye kya chal raha hai....
rajat~: ramesh ...is
waqt police ne laash ko utarkar postmortem ke liye bhej diya hai...laasho se ek chitthi bhi mili hai jisme likha hai " meri chetavani ke bawjood inhone jurm se apna nata nahi toda...majbooran mujhe inka naata ,inaki saanso se todna pada...jo bhi jurm ka sath dega...use uski DISHA dikha di jayegi....mout ki DISHA....
mujrimo ki mout..."D"...!
ramesh is chithi aur in laasho ne aam aadmi ko khoufjada kar diya hai.....vagairah vagairah.....na jane kya kya kahta raha.
SP ~ne tv off kiya....wo gahan chinta me the....aakhir sahar ki surksha ka sawal tha....isase pahle aam aadmi khoufjada ho jaye ...police ko action lena tha...kuchh karna hi padega....
sp khanna ne deepak ko call kiya....samne se call recieve ki gayi.....
SP~: insp..deepak...ye kya chal raha hai.....aaj fir do laashe mili..?
deepak~: yes sir...bilkul usi andaz me....
SP~:ye toh hum jaan chuke hai....tumhari jaanch kahan tak pahunchi....?
deepak~: sir ..ye log bhi gunde hi the....in par bhi loot aur hatya jaise cases chal rahe the...
sp~:iska matlab ye toh nahi ki hum hath par hath rakhe baithe rahe...
deepak~: nahi sir...aisa kuchh nahi hai....main tahqiqat kar raha hun...?
sp~: tahqeeqat se ko tez karo....mujhe jald hi result chahiye...samjhe ?
deepak~: yes sir...main jald hi iski tah tak pahunchunga sir...
sp~: good !
aur sp ne call disconnect kar diya...,!!
*******
deepak pareshan ho utha.....abhi thik se jaanch bhi nahi kar paya tha ki fir mili in laasho ne uska sar dard aur badha diya....
deepak ko lagne laga ki use jald hi kuchh karne padega varna mamla aur bigad jsyega....
magar,karu bhi toh kya...koi saboot hi nahi hai....
ramdin.....deepak ne awaz lagayi...
ek hawaldar prakat huaa...yes sir...
deepak~: mujhe in sare log jo mar chuke hai ...inki poori kundali chahiye....kiske liye kaam karte the....aur kya kya jurm kiya tha inhone......har details chahiye....chahe jitne bhi aadmi lage...laga do...mujhe sham tak sari kahani apni table par chahiye aur haan ...inke gunaho ki wo list bhi nikalo ..jo police filo me darz nahi hai....samjhe ?
ramdin~: yes sir....
deepak~: jaao...jakar kaam par lag jaao.
ramdin ne salam thoka aur bahar nikal gaya....
saleem.....gadi nikalo...deepak ne driwar ko awaz dete huye kaha.
thodi der baad hi deepak police jeep me delhi ki galiyo ki khak chhan raha tha....!!!!!!!