AGHORI .
gehri amavasya ki raat ,baadal garaj rahe hai aur kahi sumsan jungle ke bicho bich ek jhopdi bani huyi hai jisme se mantro ki aawaj gunj rahi hai jo pure ilaake me ek darr paida karne ke liye kaafi hai ,par waha koi hoga tab usko darr lagega par waha koi maujud hi nahi ..
jaanwar bhi jaise kahi chupke baithe ho ,bhediye bhi aaj shikar par nahi nikle .
us jhopdi me jo hai wo koi insan to nahi lag raha ,wo aadha kata hua sharir hai jisme kamar ke niche ka hissa hai hi nahi .
par wo kaunsi kriya kar raha hai jiske liye itne jorshor se mantra bolke aahuti diye jaa raha ye abhi pata nahi ..
1 saal baad
******
ek team jo ped paudho par research karti hai wo jungle me jaane ke liye taiyar hai jisme kuch mid age to kuch jawan log hai ..
sab log apna saman pack karke gaadi me jungle ke ander nikal jaate hai ,,unko waha 3 se 4 din rehna tha kyunki bahut se pedo par reserch karna hai ..
us team me 7 log hai jisme 3 aurate hai ..
subah ke nikle sab 3 ghante me jungle ke ander tak pahuch gaye jaha unko kuch alag kism ke ped milne ki chaah thi jinpar wo khoj kar sake ..
mina raj aur nikesh teeno jawan hai jinme josh ki kami nahi hai to wo sab jungle ka muwayna karne ki sochke alag nikal jaate hai .
jungle ke ander jaate jaate unko ye bhi yaad nahi rehta ki raat ho chali hai ,teeno ko jab ye lagta hai ki bahut dur nikal aaye aur raat bhi ho chali hai to pichhe laut chale .aaj ki raat sabne jungle me khana banake khaya aur kis kis ped par shodh kiya ye aapas me discuss karne lag gaye aur ant me so gaye ..
par in sabko pata hi nahi hai ki inpar koi najar rakhe huye hai .
usi jungle me kuch ander bani jhopdi me aaj bhi aahutiya di jaa rahi hai par mantro ka aawaj itna nahi ki kisiko disturb ho ,aakhir jo aahuti de raha hai wo nahi chahta ki koi darr jaaye .par usko bhi ye nahi pata ki uspar bhi koi 2 din se najar rakhe huye hai ..aur wo aisa kyu kar raha hai iska jawab shayad aage pata chale ..
dusre din bhi sabhi log apne kaam pe jut gaye aur aaj bhi jawan log alag chale gaye jungle ke ander .jaha ek badi musibat unka hi intejar kar rahi thi .
sham ka samay ho chala aur mina ko jor ki peshab lagi thi to wo un dono se dur chali gayi aur ye dono bhi dusri side chale gaye aakhir unko bhi wahi karna tha .
par jaise hi wo aage badhe mina ke chillane ki aawaj aayi jisse raj aur nikesh bhi darr gaye kyunki aawaj thi hi itni dardnak .aur dono ne mina ke side daud laga di jaha mina to thi hi nahi ,itni jaldi kaha ghum gayi mina ye sochkar dono usko dhundne aage nikle jaha ek jhopdi dikh rahi jiske darwaje par mina ki ek sandle padi thi ,dono ne ander jaane ka socha mina ko bachane ke liye aur jaise hi ander kadam rakha darwaja apne aap band ho gaya .ab dono ladko ki halat bhi kharab ho gayi .
mina ke karahne ki aawaj ko sunkar dono us aur badhne lage to mina ko janjeer me jakda paya jaha ek aadhe sharir ka aadmi hawan ke saamne baithke kuch taiyari kar raha hai .uske saamne hi ek siyar bhi hai jisko vash me kiya hai us aadhe sharir wale ne .
nikesh--- thoda hosh sambhalkar ,kaun ho tum aur ye meri dost ko kyu janjeero me jakadkar rakha hai .
aadmi -- ek attahas aur shaitani hansi hanste huye ,haah haaah haaah me hu is jungle me rehnewala aghori sadanand aur ab me tum sabki bali dekar apne aadhe sharir ko prapt kar lunga ..
