Update 12 Nayi bayaar (A)
Mere pitaji ne apni saurce lagake meri jamanat karwa Li thi , mujhe kareeb 3 mahine jail me bitaane pade , ab Mera case band ho chuka tha to mujhe phir se jaanch karwane ke liye case daalna pada , kyuki 3 tarikh me mera faisla sunaya gaya tha isliye sab pre-planned lag raha tha , aur yahi meri beghnahi ka saboot ban jaata tha
Meri mulakaat pitaji se nahi hui thi is beech , par main ye jarur soch raha tha aakhir baap hi kaam aaya , khair meri saari jaanch padtal me ye paaya gaya ki mujhe fasaya gaya tha , aakhirkaat tehsildar tha main , lekin phir bhi mujhe post nahi di jaa rahi thi , kyuki abhi faisla pending me tha ,
Khair aaj phir vahi sab , sardiyon ke din , aur main vahi apni khaat bichhaye hue khet par leta purani yaad me khoya tinka chabata hua aashman nihaar rha tha , main ye bhi soch raha tha ki is saal me mere sath kya kya hua , jeevan me ye din bhi jaruri ho gaye the kyuki ye mujhe dikha gaye the ki is duniya me aap shareef bankar nahi reh sakte ,
Vaise main shareef nahi hu lekin achchhai jarur hai mere andar , main kisi ka bura karne se pehle kai baar sochta hu, ab mere samne kai chunouti thi lekin sabse pehle ye wali ghar me meri shadi ki baat chalne lagi thi ,jiski vajah se mujhe reh rehkar rajni yaad aa jati thi , maine kai baar socha bhi ki gharwalo ko bata diya jaaye lekin bhaiyya bhi mere sath nahi the is mamle me , jab maine unse kaha tab unka jawab seedha tha ki jab hamari premgaadi aage hi nahi badhi to phir ticket lekar kya karunga ,
Maine bhi socha is baare me lekin main khud ko samjha nahi paaya , aur nikal pada seher me usko dhoondhne , vaise mujhe uske college ka pata chal gaya tha , to main sabse pehle nikal pada apne liye ek jagah talaash karne kyuki chacha ke pass rehna nahi chahta tha ,
Main roj naye hotel me rukta aur din bhar ghoomta, mujhe teen din yahi sab soojhta rha , meri college me ghusne ki himmat nahi ho rhi thi kyuki girls college tha yaar ,
Khair maine socha ki agar main aise hi karta raha to paise bhi khatam aur khane peene ka bhi masla ban jayega to main chacha ke Ghar chala gaya , halanki main ghar se bina bataye nikla tha to chacha ne mujhe daanta bhi , aur phir maa se telephone par baat karwai to unhone bhi khari khoti sunaai ,
Ab main idhar safe tha , to raat me chain se soya aur subah hote hi chachi se shaam ko aane ka batakar main baith gaya jaake college ke samne , koi to milegi , aur aaj meri kismat ne mera sath diya , mujhe Saloni dikhi , vo bhi ek ladke ke sath , ameer ladka hoga jiske pass rajdoot bike ka naya model tha , vo dug dug karti jab college gate par ruki tab maine dekha usne ek baar saloni ko muskura kar dekha aur phir Saloni ne usse hath milaya , is jamane ki ladkiya aisa bhi kar sakti hai ye maine socha nahi tha kyuki gaon me aksar ladkiyan sir se dupatta hi nahi utarne deti aur ladki bellbottom pehne khadi aur vo ladka bhi , main bas ye dekhna chahta tha ki ye ladka isse kya relation rakhta hai ,
Vo ladka bike start karke bye kehke nikal gaya aur Saloni pyaar bhari najro se usko jaate hue dekhti rahi aur main bhaagke uske pass pahuch gaya ,
Pehle to usne mujhe dekhkar ignore kiya lekin phir vo chaunki aur idhar udhar dekhne lagi
""Hello , kaisi ho saloni ?",...maine jhoothi muskaan ke sath usko dekha , kyuki mujhe dar lag raha tha ki ye pata nahi kaisa reaction degi
"Oye , main galat nahi to tum vahi ho na jo Xxxx gaon me mile the , hai na , ek saal baad yaha kaise , yaar hamne tumhe dhoondha bhi tha , tum pata nahi Kahan gayab ho gaye the ?",....vo bina ruke bolne lagi , jab chup hui to main bas usko ghoorne laga ki vo aage bolegi
""Bolo ab , chup kyun ho , tumhare gaon me log kitne badtameej hai , vo ladka hai na soni sonu kya naam tha uska , 2 baar ache se samjhaya tha usko lekin maana nahi , usne rajni ke sath jabardasti karne ki koshis ki , pata hai baad me kya hua , baad me sab log muafi mangne aaye idhar , sonu ki to ache se dhulaai karwai gai,",.....
Maine jab ye sab suna to main bhi shock me tha lekin bhai ne mujhe bataya nahi aisa kuch to dukh bhi hua , khair ab mujhe bhi dar sa laga
""Tum log mujhe kyu dhoondh rahe the ?"...meri prashnvaachak drishti uske chehre par seedha lakeer me pad rahi thi , bhaven sikod kar dekh rha tha main usko ,
""Are yaar , uska adress nahi tha na , hum usko dhoondhne me tumhari help chahte the , baad me kai log hame gaon me lagane pade jab jaake vo mila hame , khair ab batao yaha kaise aana hua"..
""Vo main aapko hi dhoondhne aaya tha , vaise rajni kaisi hai?",....maine sharmate hue poocha usse
"Oho , to janaab ishq kar baithe hai , ek saal baad bhi nahi bhool paaye, vaise yaar tum cute bahut ho , lekin kya karu main is sabme tumhari koi help nahi kar sakti ulta tumhe salaah dungi ki tum uske peeche na hi jao to acha rahega , vo tumhare status se bahut upar ki cheej hai , aur mujhe lagta hai uska rishta pakka hone wala hai ",....ye to seedha mere Dil par chot lagne jaisa tha , ek tees si ubhri seene me ,
""Par main kya karu , usko bhula nahi paa Raha main , main jaanta tha ki vo mere level se upar ki hai lekin aajtak uske alawa kabhi koi pasand nahi aayi mujhe ",....mujhe udaas hota dekhkar saloni bhi sad sa face banake khadi ho gai , phir usne mujhe ek dum se gate se door kiya
""Shaam ko elfinston park me milo , hum tumhe vahi milenge , ab jao warden aa rahi hai ",.....itna kehke vo bina peeche dekhe seedhi building me ghus gai , main vapis mud chala , mere pass ek mauka aaya tha lekin mujhe dukh bhi tha kyuki rajni shadi karne jaa rhi hai ye baat mere liye bahut buri thi
***********************
"Ye ladki bhi mar gai , darinda hi hai ,bhagwan mujhe muaf kar dena , main ye sab jo kar rha hu mujhe karna to nahi chahiye lekin jiski maut hoti hai use yahan kheench laati hai , pata nahi us din kya hoga jab sabko pata chal jayega , itne paap kar chuka hu to ab kya hi bachna , ab to nark bhogna hi hai ",....ek boodha vyakti bade aaram se mitti me gaddha khod raha tha , vaha padi ek ladki ki laash jiske sharir par aise jakhm the jaise usko kisi dhardar hathiyar se baithke cheera gaya ho , vo ladki abhi balig bhi nahi hui jisne aisi vibhats maut grehen ki ,
""Ab isko dafna Diya hai , mujhe koi dusri jagah dekhni padegi , pata nahi kidhar jagah bachi hogi , ",....vridh vyakti ne ladki ki laash ko jab ulat palat kiya tab usme se phirse khoon risne laga , kyuki chest ke pass se vo fata hua tha aur dil gayab tha
""Naa jaane kyu ye rakt mujhe apni taraf kheech ne lagta hai , pata nahi is shraap se kab mukt honge hum , jab main nahi rahunga tab mere bachche ko ye log maar dalenge ",.....udhar ek aadmi ke sharir wala nar jo ek rakshas hi tha baitha hua mansh chaba raha tha , vo kisi bachche jaisa khus bhi ho raha tha ,uska muh jaise koi bada bandar ho , hath bhi uske jaise , lekin kale baal uske sharir ko sab taraf se ghere hue the , jahan tahan baal the jo lambe ghane the ,
""Baba , baba , ye, ye , hooooo",.....usne apni dono hatho ki ungliyon se apne pita ki taraf Ganda ishara kiya , jise samajh kar vo boodha vyakti bhi sharmane laga , boodha samajh gaya tha ki isne pehle us ladki ke sath dushkarm bhi kiya hai , phir usko cheerfaad kar dil nikala hai ,
Gaon ke aaspass najar rakhne walo ne is aadmi ko bataya ki khet me ghas lene gai ek ladki gayab hai 3 din se , to boodha vyakti us khandarnuma jagah aa pahucha , jahan usne dekha ki ek laash buri awastha me padi hai aur vaha uska beta ajeeb ajeeb tarah ke khilono se khel raha hai ,
Boodhe ne phir vaha use andar band karke sab jagah dekha aur kaala kambal odhe vo vaha se chala gaya , uske baad ek cheekh jo janwar jaisi thi , jaise koi bhediya chillaya ho vaha ke vatavaran me gooj gai ,
**************************
"Hii, pavan , saloni ne jab bataya ki tum aaye hue ho to pehle to mujhe yakeen nahi aaya , baad me isne kaha ki tum yaha miloge to main badi besabar hui jaa rahi thi ",....nisha ne aate hi pehle mujhe gale se lagaya aur phir mujhse hath milakar mera hath thaame hue badi exited hote hue bolne lagi
""Hello nisha , vo main kuch musibat me fas gaya tha to mil nahi saka , lekin mujhe tum sab yaad ho , main yahan kisliye aaya hu ye tum jaanti ho to baat mat ghumao aur seedhe se batao "...mujhe pata tha nisha mere sath majaak jarur karegi , isliye maine saaf kehne ko kaha kyuki jabse mujhe pata chala rajni shadi kar rhi hai tabse mujhe na jaane kya ho gaya hai ,
""Well, rajni ko tum bhool jao , Varna baad me pachtaoge , kyuki vo pyar vyar me interest nahi rakhti , yadi ab bhi tum nahi maane to phir mat kehna ki maine tumhe chetaya nahi tha ",.....nisha serious face banake boli thi aur main ab bhi yahi soch raha tha ki ye ladki mujhe serious nahi le rhi
""Ek baar mujhe rajni se milwa do , phir mai khud ye decide karunga ki mujhe kya karna hai , batao ab , kaha milegi vo ",.....mera sapaat chehra dekh nisha ko pata nahi hua usne to seedhe se saloni ki taraf dekha aur phir bas ek naam liya
"Sadiq hussain ", ..... Vo dono chali gai ya ye kehna jyada sahi rahega ki nisha saloni ko kheech kar le gai , idhar me park me khada sochta reh gaya ki ye naam mera peecha kab chhodega aur ye sadiq Hussain to muslim hai na , phir rajni ka isse kya lena dena ,
Main pagal ho jaunga yadi maine jyada socha , isliye aaj peene ka man ho gaya aur main seedha daru peene bar chala gaya , ab ve baat kahan chhoti moti canteen hua karti thi , maine ek half liya aur sath Pani ki packed polythene lekar chana fry lekar main peene baith gaya ,
Abhi maine 2 peg liye honge ki udhar saala jhagda ho gaya kisi ka , 2 aadmi 3 logo se jhagad rahe the , baat pata nahi kya thi lekin ek dusre ke girebaan pakde idhar se udhar -udhar se idhar dhakkamukki chalu thi , ki tabhi ek ne meri half bottle uthake uske sir me se maari
Mujhe bhi ab gussa aa gaya , aur maine udhar vo lohe ke pipe wali kursi hi uthake de maari uski kamar me aur phir udhar chane wale ke pass danda rakha tha jise vo utha nahi Raha tha , maine uthaya aur de Dana Dana kar di pelaai ,
Abhi main un sabko jyada maarta ki peeche se mujhe bhi laat padi
Main ludhakta hua gira udhar hi , peeche 2 hawaldaar danda liye khade the , saalo ne mujhe dekha aur phir un baakiyo ko bhi ,
Unhone mujhe pakda aur kaha ki chal thaane , saale teri khaal utaarta hu , daru peeke jhagda karta hai ,
Meri kismat kharab kaho ya achi , lekin vo canteen wala mere paksh me bol pada , main Bach Gaya aur un sabse nuksaan ki bharpai karwai gayi aur thane le gaye ,
Idhar main sochne laga ki ab mujhe rajni se ek baar to milna chahiye, kahin aisa na ho ki maine apni mohabbat paane ke liye mehnat to ki nahi aur baad me pachhtava ki mera jeevan kha jaaye
