Episode 44
mai ab rani se baat karke achha mahsoos kar raha tha. mai fir us ped ke niche se utha to dekha mere saamne himani ji khadi thi.
mai-kya hua ab kya chahiye.
himani boli-dekho galti mujhse hui hai to jo bhi saja dena hai mujhe do lekin meri bahan ne to koi galti nahi ki hai na please ek baar us se mil lo. tumhare is tarah ghar se chale jane ke baad se wo roye hi jaa rahi hai.
mai-wo aapki bahan hai aapki jimmedari hai mai kya kar sakta hoon. aap bade log hai kuch bhi kar sakte ho mere jaise chote se mamuli se ladke ki aapke samne kya aukaat.
himani-dekho mai tumhare paav pakadti hoon please mujhse galti ho gayi. tumhe lagta hai ki mai paise ke dum pe tumhe darati hoon to mai promise karti hoon mai aaj hi apna sara jamin jaydaad sab tumhare naam kar dungi bas tum wada karo ki mere bahan ko khush rakhoge.. dekho galti maine ki hai mai kya kroon ek to mai kuwari hoon aur amir bhi maine apni adhi jindagi nikal di lekin kisi sarif aadmi se mili hi nahi jisse bhi mili use ya to mere paiso se matlab hota tha ya mere sarir se. isliye mai aisi ban gayi. dekho meri bahan ne kisi pe bharosa kiya lekin usne bhi meri bahan ko dhokha diya uske baad to mai aur bhi kathor ban gayi.mujhe laga mere us tarah bartaav karne se tum maan jaoge. mujhe nahi pata tha ye hoga please maan jao.
mai spcha mai kya karoon to mujhe apni maa ki baat yaad aayi ki sabko khush rakha kar fir rani ki baat yaad aayi ki mai bahut bahadur hoon mujhe apne kaam me piche nahi hatna chahiye. maine itni mehnat se shivani ji ko us dukh se nikala hai aur agar mai abhi unko chod dunga to sayad wo fir se us dukh me chali jaye ya fir us se bhi jada dukh me doob jaye.
mai himani ji ko bola-mai taiyar hoon chalne ke liye lekin meri ek shart hai.
himani boli-tumhari har shart manjoor hai.
mai-aap wada karo ki aap kabhi bhi apni power ka istemaal mujhpar nahi karoge.
himani-mai apni kasam kha kar bolti hoon ki.
mai-aap apni nahi shivani ki kasam khaiye.
himani-achha thik hai chalo mai shivani ki kasam kha kar bolti hoon aaj ke baad mai kabhi tumpar power ka itemal nahi karungi. arey powwr to chodo kabhi tumse uche awaj me baat nahi karungi. aur suno tum jis din bologe mai apni sari jaydaad tumhare aur shivani ke naam kar dungi.
ab chalo aur wo mera haath pakad kar jaldi jaldi chalne lagi jaise mujhe jitna jaldi ho sake apne bahan se milwa de.
aur fir hum ghar pahuche himani gate kholi aur hum andar gaye. himani mujhe shivani ji ke room me le jakar chod di.
shivani bed par leti ro rahi thi. unke hath me ek mobile tha aur screen par meri tasweer.
mai thoda sa jhuka aur bola-tasweer me kya dekh rahi hai idhar dekhiye mai khada hoon.
shivani palat kar mujhe dekhi to unko yakin hi nahi hua. unko laga ki ye unka bhram hai isliye pahle 2 minut mujhe dekhti rahi fir aur rone lagi.
shivani rote rote bolne lagi-kyon chod kar chale gaye aap mujhe. kya mai itni buri hoon. meri didi ne galti ki to unko saja dete mujhe bhi saja dete lekin aap to mujhe chod kar hi chale gaye.
mai unek chehre ko pakda aur bola-mai aapka vaham nahi hoon sachhai hoon aur jaise hi unko ye ahsaas hua ki mai sachme aa gaya hoon wo bed se uthkar mujhe jor se gale laga li.
ab wo jor se mujhe gale lagayi to mere pet me gudgud bajne laga khali pet karan.
shivani boli-aapko bhookh lagi hai na aap baithiye mai khana lati hoon. aur fir wo teji se kitchen gayi aur ek plate me khana lekar aa gayi. aur apne hathon se mujhe khilane lagi. mai unke ankhon me dekhte hue khana kha raha tha sachme kisi ne sach hi kaha hai duniya bher ke dukh ko khushi ka ek pal ek chan me apne andar samet leta hai. aaj din bhar se mai dukhi tha pareshan tha lekin is ek pal ne mere dil ko khushiyon se bhar diya . is pal me shivani ji mujhe bade pyaar se khila rahi thi.
mai bola-aapne khaya hai.
shivani-haan mai pahle hi kha chuki thi raat me.
ab khana khaya to pet bhar gaya aur raat bhar se soya nahi tha to nind lagne laga aur mai bed par thoda sa baitha ki mujhe nind lag gaya aur mai wahi bed par so gaya. shivani jab khane ka plate rakh kar aayi tab tak mai nind ke vadiyon me jaa chuka tha. shivani bhi ek achhi patni ki tarah mujhpar chadar odha di aur khud bhi usi chadar me ghus kar mujhse lipat kar so gayi. mujhe aur apni bahan ko saath sote dekh kar himani ji ko bhi achha laga aur wo sone ke liye chali gayi.
ek taraf jahan yahan mai aur shivani so chuke the wahi dusri taraf darbaar me nusrat aur jeba jaag chuki thi kyonki subah ke 5 bajne wale the. aur fir nusrat uth kar sabse pahle mere room me aayi mujhe dekhne ke liye lekin jaise hi wo mere room me aayi to mai wahan tha hi nahi. fir wo bathroom me gayi to wahan bhi mai nahi tha. to nusrat kutiya kje piche dekhne gayi lekin wahan bhi mai nahi mila aur nusrat ka dil baithne lag gaya. nusrat bhaag kar room me aayi aur boli-jeba jeba baba nahi mil rahe. ye sunte hi jeba bhi uth khadi hui. aur jeba parveen ko bhi utha kar bol di ki baba nahi mil rahe hai.
parveen rone lagi aur boli-mujhe kal hi lag gaya tha baba ab yahan nahi rahne wale isliye wo kal humse pyaar bhi nahi karna chah rahe the.dekho aaj baba chale gaye. hume to baba ka asli naam aur pata bhi nahi maloom hai ab to lagta hai is jindagi me kabhi baba se nahi mil payenge. sayad humare nasib me itna hi likha tha.
nusrat boli-nahi baba hume aise chod kar nahi jaa sakte socho unke baare me kuch bhi yaad aaye to bataana.
fir achanak se nusrat ko kuch aaya aur wo boli-haan baba ne bola tha wo jafar se badla lene aaye the aur usko bahut mara matlab jis din jafar ke mobile se message aaya tha wo baba ne hi bheja hoga. matlab baba ke pass hi jafar ka mobile hai jaldi phone karo uspar.
jeba doud ke mobile le aayi aur phone karne lagi lekin yahan mere pass phone to switch off mode me tha jafar wala to phone to laga nahi.
nusrat-arey us din ki diary lao jeba jis din jafar gayab hue the.
jeba-kyon.
nusrat-kyonki us din subah hi wo aaye honge aur humare darbaar me aane ka ek hi rasta hai aur wo hai main gate aur wahan se aaye honge to jarur is diary me entry hoga.
to jeba diary bhi le aayi aur tino check karne lagi to us din subah me sirf tin logon ki entry thi. shivani himani aur raja ki.
nusrat-ye raja koun hai kuch yaad hai chehra yaad karne ki kosis karo.
jeba yaad karne lagi tabhi jeba ko wo pal yaad aaya jab mai unse bola tha ki mai to yahahn do tin din se aa raha hoon mujhe sab dekha hua hai mai baba ke pass apne se chala jaunga.
jeba-didi yaad ayaa ek ladka tha unka chehra baba se milta julta hai.
parveen -koun
jeba-arey wo jo baba ko bole the ki gate khule rakho hume bharosa nahi aap par.
ye sunte hi parveen ko bhi yaad aa gaya aur fir nusrat ko bhi jab mai unse kutiya ke saamne mila tha.
nusrat-matlab baba ka asli naam raja hai. sach me raja jaise hai bhi wo. koi phone numbet diya hai kya isme.
jeba-haan ek phone number hai lekin sayad ye unki bua himani ka number hai.
nusrat turant diary se wo phone number mobile me type ki aur laga di.
idhar himani sone jane hi wali thi ki unka phone baja aur wo phone uthayi.
udhar se awaj aaya hello raja hai wahan par.
ye sunte hi himani turant uth kar baith gayi kyonki unke mobile par koi raja ke baare me puch raha tha.
himani-tum koun ho.
udhar se nusrat boli-ji hum darbaar se bol rahe hai ye puchna tha ki raja ji ab kabhi darbaar aayenge ya nahi.
ye sunkar himani ko hasi aa gayi aur wo man me boli-dil ke bahut sachhe ho tum raja. inlogon se bhi 2 din jhuth nahi bol paye.
fir himani muskura karphone par boli-tumhare baba abhi so rahe hai dopahar tak aa jayenge.
ye sunkar nusrat ko sukoon mila aur ye baat wo jeba aur parveen ko bhi boli.
nusrat-aaj jab baba aayenge uske baad hum ek baar alag se unki bua se baat kar lenge.
jeba-kyon.
nusrat-arey agar hume baba ke ghar ka pata hoga to hum sab bhi unse milne jaa sakte hai na kabhi kabhi. samjha karo kyonki baba khud se hume kuch nahi batayenge lekin hume bhi aise baba ko kabhi nahi chodna chahiye jo itne achhe ho. bhale wo humesha yahan na rahe lekin humare contact me to hone chahiye na.
jeba-sahi bola didi aapne. aapka dimag to bahut tej ho gaya hai baba ke saath rahte rahte aur fir tino khushi se batchit karte hue darbaar ki saaf safayi ke kaam me lag gayi. udhar himani bhi so gayi.
