UPDATE-270
Ek baar fir pura sehar dhamako se dahal gaya. Lucifer ki aankhon ke samne uska sahar tabah ho raha tha aur vo kuch bhi nahi kar pa raha tha
24 ghanto se bhi kam ke samay me ye tesri baar dhamaka hua tha. Ab sahar ke char kono me se teen jal rahe the aur chautha tha vo jaha lucifer khada tha
Use ye to pata chal gaya tha ki ye kaun kar raha hai lekin vo use rokne ka kuch bhi soch nahi pa raha tha. Bahar sakthi bahut thi aur agar vo kuch bhi unsual karta to police ya army ki najaro me aane ke pure pure chances the aur vahi agar vo kuch nahi karta hai to bahut jaldi sab khatam ho jane wala tha
Ashmita jo lucifer ki bahoo me thi uske kaano me bhi abhi tak dhamako ki aawaz gunj rahi thi aur yehi karan tha ki usne lucifer ko bahut jor se jakad raha tha. Esliye nahi ki use dar lag raha tha balki esliye ki vo lucifer ko kuch nahi hone dena chahti thi aur ye bhi chahti thi ki ab lucifer ghar se bahar nahi jaye
Lucifer use vaise hi khud me samete ander leke jane laga aur fir bade pyaar se sofe par batha kar uske pairo ke pass bath gaya
Lucifer- look at me
Behad shant lahje me lucifer bola
Lucifer- ashu?? Look at me?
Es baar usne khud hi ashmita ka chehra pakad par upar uthaya aur uski aankhon me dekhne laga
Lucifer- mujhe lagta hai mera hi koe dusman ye sab kar raha hai. Vo har us chhij par attack karega jis se mujhe pyaar hai. Es sehar ne mujhe tum sab diye ho aur esliye ye mere liye bahut ajeej hai aur esliye hi usne sabse pehle city ko target kiya.
Ab jab sehar ke har kone me se chhikhe gunjane lagegi tab vo un logo par aayega jinse mujhe pyaar hai matlab tu, inaaya, anisha, madhuri maam, tara, payal, anika sab. Ek ek karke vo enhe nuksaan pahuchane ki kosis karega aur jaha tak mujhe lagta hai vo suruvaat tumse ya inaaya se hi karega.
Lucifer- esliye jab tak ye sab khatam nahi kar du tum vohi karogi jo main bolunga. Naag jaha sab ko rakhe hue hai vaha rahoge mujhe pata hai tum bahut strong ho lekin baki sab nahi hai esliye aise hard time me tumhe unki dekhbaal karni hai, unhe sambhalna hai. Vo chahe tumse chhote ho ya fir tumse bade un sabko tumhri jarurat hai aur tumhe unka sath dena hoga
Lucifer- shhiss beech me nahi bolo. Mujhe khatam karne do pehle
Lucifer- abhi sirf film ka ek chhota sa teaser hi aaya hai bahut jaldi ek trailer aayega fir movie aur movie ke end me kya aata hai? Climax to jab tak ye kahani apne climax par nahi pahuch jati tab tak tumhe un sabka khayal rakhna hai aur sath me apna bhi
Lucifer- mujhe pata hai meri ashu bahut strong hai aur vo ye sab bahut aaram se kar legi. Karogi na tum? Mere liye?
Ashmita- promise me
Lucifer- mujhe pata hai tum kya promise mangogi lekin vo promise main nahi kar sakta. Mujhe nahi pata main vapas aaunga ya nahi lekin wada karta hu kisi na kisi roop me tumhre sath humesha rahunga. Tumhre pass tumhra lucifer humesha rahega
Ashmita- fir main bhi kuch nahi karungi. Agar tum vapas nahi aaoge to main tumhre sath hi rahungi aur tumhre sath hi jaungi. Parvaah nahi mujhe jamane ki agar us jamane me mera dost mere sath nahi
Lucifer- tumhe parvaah karni padegi. Jo aage hoga usme tumhra ek bahut bada yogdaan hoga aur ye ek behtar bhavisay ki sathpna karega
Ashmita- mujhe nahi chahiye behatar bhavisay. Agar es dunia me tum nahi to puri dunia ko aag laga dungi main
Lucifer- us se main vapas aa jaunga?
Ashmita- nahi. Lekin fir jala dungi main puri dunia ko
Lucifer- pata nahi maine jindagi me kaunsa acha kaam kiya tha jo mujhe tu mili. Ashu ek baat bata deta hu tujhe aaj jab bhi mera naam liya jayega uske sath humesha sabse pehle tera naam aayega. Lucifer ashmita ke bagair adhuri hi rahega jindagi bhar
Ashmita- let’s go and kill that fucker
Lucifer- i will do that for you don’t worry. Ab please meri jaan meri baat maan le aur sabke pass chali ja
Ashmita- main nahi jaungi lucifer aur nahi jaungi ka matlab hota hai nahi jaungi.
Lucifer- abhi mujhe sirf check karne jane de. I promise main raat ko aaunga tere pass
Ashmita- promise kar raha hai tu?
Lucifer- promise kar raha hu main aur tujhe to pata hi hai lucifer ka promise kabhi nahi tutata
Ashmita- and you’re gonna tell me everything. Every fucking thing
Lucifer- tumhe vaise hi pata chal jayega sab
Ashmita- mujhe tere muh se sunana hai
Lucifer- theek hai main tujhe sab bata dunga. Aur kuch? Ya chale ab?
Ashmita- mujhe puri raat chahiye teri
Lucifer- mera sab kuch tera hi to hai
Ashmita- aaj ki raat puri ki puri mujhe chahiye teri
Lucifer- theek hai aur kuch?
Ashmita- a…
Lucifer- aur kuch nahi ab. Bahut ho gaya. Chal chhup chhap nahi to tujhe tere dhungo se utha kar leke jaunga ab
Ashmita- acha? Hai etni himmat?
Lucifer- himmat to etni hai ki tujhe puri raat khadi na rahne du
Ashmita- vo bhi dekh lungi raat ko. Chal ab
Fir lucifer ashmita ko baki sab ke pass chhod deta hai
Lucifer ko sahi salamaat dekh kar sab bahut khush the lekin usne jaise hi jane ki kaha vaha mojud har ek jan ka chehra utar gaya. Ek ajeeb sa dar bath gaya unke ander
Inaaya- tum kyu ja rahe bahar? Pata hai na kitna khatra hai bahar? Please mat ja na
Lucifer- apno ke liye hume bahut kuch karna padta hai my love. Main bhi vohi karne ja raha hu
Inaaya- to fir hume bhi nahi rahna yaha. Hum bhi sath chalenge
Lucifer- main to tumhe samjhdar samjhta tha lekin tum to anisha se bhi bewakuf nikali?
Anisha jo ek kone me chhup chhap khadi sab dekh rahi thi. Ek vohi to thi jisko lucifer ki sachae ka pata tha aur uske tej dimag ne abhi tak ki ho rahi chhije ka bhi analysis kar liya tha esliye hi usko natija kya hone wala tha uska andaja tha. Lekin vo lucifer ko rok bhi nahi sakti thi. Bhale hi vo kitni bhi muhobat karti ho lucifer se lekin ye baat bahut ache se janti thi ki lucifer takleef me hai aur vo bhi sadiyo se aur agar use kuch mukti de sakti hai to vote hai maut. Esliye hi apni bhavnao ko kabu me rakhte hue vo shanti khade rahne ki kosis kar rahi thi
Lucifer- anisha?? Sahi soch rahi ho tum
“Sahi soch rahi hu main” ye sunte hi ek peeda uthi anisha ke dil me jo uske chehre par saaf saaf ubhar kar aa gaye thi lekin usne turant use chhupa liya
Anisha- mujhe pata hai aapko jana hi padega. Aapke pass aur koe rasta nahi hai aur agar aapko aapki manjil mili to sabse jada khushi mujhe hi hogi
Ashmita- manjil? Matlab?
Anisha- vo samjh gaye didi aap bhi jaldi hi samjh jaogi
Inaaya- sapne sach hote hai lucifer? Kya ye sab un sapno ki vajah se hi ho raha hai?
Lucifer- nahi ye sab ho raha hai uski vajah se vo sapne aa rahe the
Tara- mujhe to kuch samjh nahi aa raha
Lucifer- aapko bhi aa jaega. Maam? Sabka dhayan rakhogi na aap? Jaise aapne mera rakha tha?
Madhuri jo abhi ho rahi conversation ka matlab samjhne ki kosis kar rahi thi lucifer ke achanak pukarne se chaunk gaye
Madhuri- ha? Kya? Ha matlab kyu nahi. Tum sab mere apne hi ho
Lucifer- bache kaha hai?
Madhuri- sula diye
Lucifer- acha kiya vaise bhi raat bahut daravani aati hai
Ashmita- lucifer tu sidha baat kar le nahi to main tujhe kahi nahi jane dungi
Lucifer- aap sab ek dusre ka khayal rakhna main aaunga vapas
Anisha- i am having your back lucifer. You go and do what you need to do
Lucifer- i know.
Ek baar sabki taraf najar ghumaye usne. Vaha ek bhi aisa nahi tha jiske chehre par tension nahi ho. Koe nahi chahta tha ki lucifer vaha se jaye kyuki thoda bahut to sab lucifer ke behaviour se vakif the aur unhe lagne lag gaya tha ki ye jo abhi hone wala hai ye koe ache sanket bilkul nahi layega
Vahi door khadi payal jo baki se bilkul nahi ghuli mili thi uski aankhon me to kisi bhi waqt aashu aa sakte the. Halanki jada milan nahi hua tha uska aur lucifer ka lekin fir bhi jo atoot rishta bana tha vo chhikh chhikh kar kah raha tha ki lucifer vapas nahi aayega. Aur sabse dikhdayak ye tha ki vo kuch bhi nahi kar sakti thi. Na to vo lucifer ko rok sakti thi aur na hi vo lucifer ko bacha sakti thi
Kisi tarah apne aapko diwar ka sahara diye vo khadi rahne ki kosis kar rahi thi
Lucifer ne uski taraf dekha dono ki aankhen mili, dard sajha kiya fir lucifer muskraya aur mud kar vaha se chala gaya
Sab khade khade tab tak lucifer ko dekhte rahe jab tak vo unki aankhon se ojhal na ho gaya ho
Ab raat hone ko aa gaye thi aur raat ka matlab hi tha devil ka waqt
Lucifer bhi ghar se yehi soch kar nikla tha ki aaj es sehar ki galliya khoon se bhar dunga insaano ki nahi un sabki jinhone es sehar ko rulaya hai
Usko ye bhi samjh aa gaya tha ki ab uski identity jada der tak chhupane wali nahi hai esliye usne apne chehre par oddi hue nakli parat ke bare me bhi jada nahi socha aur utar pada madaan me
Raat hue aur uski sense din se kae guna badh gaye aur vo un kaali galliya me etne raftaar se udne laga ki agar koe beech me aa jaye to lucifer ki raftaar hi use do tukdo me baat kar rakh de aur kuch hi seconds me vo ek chorahe par ruk gaya
Samne andera tha lekin fir bhi vo aage ka najara saaf saaf dekh sakta tha. Ek darvani muskaan liye vo aage badh gaya aur…..
