update :::: 2
************
meri ankhon ke saamne hi 100+ qaidi maare jaa chuke the.. aur unki maut itni bhayan-kar hoti thi k marrne wale ki maut ka manzar dekh rahe saare hi qaidi aisi maut ki kalpana se apne andar ka sabb kuch ulat kar bahar nikaal dete the ...
yahan kuch aisa tha jo illegal tarike se kiya ja arha tha .. Minerals ki kuch khaas qualities yahan par paai gai theen. kuch bade bade logon ne is island par apna qabza jamaya hua tha ..jabran bachon aur jawaano ko utha kar yahan laaya jaata aur fir unse mushaqqat karwaai jaati thi ...
1000+ qaidiyon me ek main bhi tha ... main 12 age me hi apni basti se bhaag nikla tha .... wahan ki life bhi mere liye kisi daldal se kamm nahi thi ... isliye main wahan se bhaag nikla tha .. lekin bhaag kar in haramzaadon ke chungal me phans gaya ...
ye island bhi mere liye daldal se kamm nahi tha ... pichhle 7 saalon se main soch raha tha k yahan se kaise bhaagon ... parr bhaagne ka koi bhi raasta nahi mil paa raha tha ......
aksar jabb koi sea ship aata to uspar minerals laod karne ke liye sahil dekhne ko mil jaata tha ... lekin us ke ilawa kabhi bhi hum samandar ke paas tak nahi pohnch sakte the ..... humen hamare ilaqe se nikalne ki ijazat nahi thi .. aur risk bhi kaun le .. ek galti aur aamta phurrrrr se sharir se alag ho jaayegi ....
jabb kabhi bhi sahil parr jaana hota .. to door door tak samandar ke paani ke siva kuch nahi dikhta tha ...
bass bohat door ek aur island nazar aata tha .. main aksar socha karta k yahan se kisi tarha bhaag nikloon ... aur us island par jaa pohnchoon .. shayad mujhe meri manzil kahi mil hi jaaye ...
in saath saalon me main kabhi bhi is island ki life ka aadi nahi hua tha .. aur na hi kabhi main hunter ki maar khana chahta tha ... main bass shaant reh karr harr waqt yahan se bhaag nikalne ke baare me hi sochta rehta tha ...
ye island 10 kilometer chauda aur 20 kilometer lamba tha ... yahan island ke doosre kinaare par ek basti thi .. is poore island ka malik ek tha yaa kai log .. main nahi jaanta tha .
haan parr yahan ke poore island par inki hi hakumat thi ..
saamne samandar tha ... basti ki taraf agar jaayen .. to ek bhayan-kar jungle se guzarna padta tha .... jungle me se bhaag nikalna aasaan nahi tha .. kai qaidiyon ne us jungle se ho kar bhaagne ki koshish ki thi .. lekin wo bach na sake .. ek to jungle kai kilometer takk phaila hua tha .. jahan kai taha ke jaanwar aur doosre khatre bhi the ....
daldal aur zahreele kaante bhi the us jungle me .. aksar qaidi us daldal aur zahreele kaanton se bach bhi jaate the .. lekin fir maare bhook aur piyaas ke wahi jungle me marrne lagte the .... kuch aisi bhi the jo jungle se bach kar nikal bhi jaate the .. lekin jaise hi jungle se bahar nikalte ... to guards unka sawagat karne ke liye wahi mojood hote the..
jungle se bach nikalne wale to jungle me reh kar hi marne wale ho chuke hote the . lekin fir bhi guards unko khoon-khaar kutton ke aage daal diya karte the ..
matlab aaj tak yahan se koi bhi bhaag nikalne me kaamiyaab nahi ho paaya tha ...
aur main sabb jaante huye bhi k yahan se bhaagna matlab apni maut ko waqt se pehle bulaana hai ... fir bhi koshish me laga hua tha ....
**********************************************************
jabb se main jawaan hua tha. khul kar naha bhi nahi paaya tha ... aur poore jism par jahan jahan baal the.... wo bhayankar had takk lambe ho gaye the ...
saara din hath me hathoda hota aur oopar suraj ki aag barsaati dhoop .. hathon ko to adat pad chuki thi ... hathoda chala chala kar lekin dhoop me kaam karna aur phir kabhi nahane ko na milna .. sarr ke lambe baalon ki waja se dhoop se bachat to ho jaati thi.. lekin chehre par ugg aane wali be-dhangi daadhi ki waja se bohat uljhan hoti thi .. paseene ki waja se chip-chapa sa lagne ki waja se damag to kharab hona hi tha .. aur sabb ke zayada jiss baat se pareshani hoti thi ..
wo thi armpit aur lund ke lambe baal.. saale abb to moot'te huye bhi lund ko baalon me se nikal kar mootna padta tha. itne bade baal ho gaye mere lund ke.
jitna waqt beet chuka tha ..aise hi halaton ka aadi to hona hi tha .. lekin paseene ki waja se jo chip-chapahat hoti .. uski waja se saara din hi bechaini me guzarta tha.. lekin hum kuch kar bhi to nahi sakte the ..
kai baar complain bhi ki k kamm se kamm humen kisi hadd takk to insaan rehne do .. lekin hunter ki maar hi milti khaane ko ..
shuru shuru me sabb se k saath hi kisi hadd takk kuch behtar bartao kar liya jaata tah .. lekin maine bataya naa k aksar qaidi yahan nahi rehna chahte .. to bhaagne ke chakkar me doosron ke liye bhi milne wali sahulat khatam karwa baithte the...
bhaagne wale qaidi kabhi samandar ke sahil par nahane ke bahane bhaag jaate ..to kabhi apne kaam me laane ke liye ustra chhupa lete the .. jis waja se aksar yahan
jhadpen bhi ho jaati theen ..
guards ne tang aa kar sabb qaidiyon ke saath sakhti karni shuru kardi .. aur humen insaan samajhna bhi chhod diya .....
yahan kisi se baat karne ki ijazat nahi thi .. kyunki guards kisi ko bhi koi planning karna ka chance nahi dena chahte the .. na qaidi plan bana kar bhaagen aur na hi marte jayen.
aise hi to nahi wo harr baar qaidiyon ko maarna shuru kar den .. badi mehnat se qaidiyon ko yahan laaya jaata tha ...
lekin maine fir bhi maine do ladkon ko apne saath mila liya hua tha .. unko bhi apne saath hi main bhaga kar le jaana cahhta tha .. akela bhaagna riski tha.
aur wo bhi mere saath ek baar bhaagne ka chance zaroor lena chahte the .. yahan reh kar zindagi bhi to kisi kaam ki nahi thi ..
koshish karne me harj hi kya tha .. zaroori to nahi jo bhaagne ke chakkar me pehle sabb maare gaye the .. to hum teeno bhi maare jaayen .. sabb ki kismat apne apne saath hoti hai ..
ek ka naam sanjay tha. aur doosre ka naam zaheer tha. sanajy ko yahan aye 4 saal ho gaye the.to zaheer ko 3 saal ho gaye the.. aur wo dono hi buzdil nahi the ..
wo bhi meri hi tarha kisi ko dhoond rahe the apne saath milane ke liye .. aur fir dono ko mujhse behtar koi kaise mil sakta tha ..
is'se pehle bhi bhaagne walon ne mujhe apne saath milaane ki koshish ki thi .. lekin maine kisi ka saath nahi diya tha .. kyunki mujhe un sabb me wo nahi dikha jo mujhe sanjay aur zaheer me dekhne ko mila ..
zaheer ek middle class family se belong karta tha. to sanajy ek raees baap ka beta tha .. bass ek raat ghar late ho jane ki waja se dhar liya gaya ... sansaan raod par sanjay ki gaadi kharab ho gai thi .. aur fir usay wahi log mil gaye .. jin logon se mujhe kidnap kiya tha ..
dono hi jeedaar the. marne se darrne wale nahi the..dono hi achhi sehat ke maalik the .. aur yahan reh kar saari zindagi nahi guzarna chahte the ..
agar kuch guards ko maarna bhi pade to peeche hatne wale nahi the ...
ek din maine in dono ki planning sun li thi .. to
sanjay :- raja tumne sabb sun hi liya hoga .. k uhm yahan sebhaagna chahte hain. raja tum hi humen ek aise insaan lagte ho. jis ke saath mil ka hum yahan se bhaag sakte hain ..
zaheer:- haan raja hum jaante hain k tum yahan ke baare me humse zayada jaante ho . tum bhi yahan se bhaagna chahte ho aur tumne zaroor koi achhi planning bhi soch rakhi hogi ..
main haste huye ..
raja:- tum dono ne sahi andaza lagaya hai . main bhi yahan se bhagna chahta hoon lekin stupid qaidiyon ke jaise nahi .. k bhaagne ke chakkar me maara jaaon .. kuch din yaa mahino aur sahi lekin soch samajh kar hi bhaagonga ....
sanjay:- raja humen matt bhool jana humen bhi apne saath le jaana. yaar pata nahi mere ghar walon ka ka hua hoga .. mere judaai ko kaise sehn kar pa rahe hoonge ..
zaheer ne achanak se sanjay ka mohn band kar diya. kyunki guards aa rahe the.
to hum teeno jaldi se alag ho gaye ..
is baat ko bhi aaj 2 mahine ho chuke the . aur waqt milte hi hum teeno aage ki planning karne lag jaate the ....
main sabb halaat par nazar rakh raha tha. jungle ke raaste jaana hai ya fir samandar ke raaste doosre island parr.... island ke doosri taraf basti ke ilawa aur bhi koi island hai ya nahi ye main nahi janta tha.. basti ka bhi bass pata isliye chal gaya tha. k jo qaidi jungle se guzar kar us basti ki taraf pohnchte the. to baatein phel jaaya karti theen.
risk dono taraf se hi tha.. abb main tair kar to doosre island par ja nahi sakta tha. to abb jungle ke ilawa koi chance nahi tha.
maine kai baar koshish ki thi k kisi tarha se kisi ship ya boat me chup jaaon. lekin har kuch der baad ki counting ki waja se main ye chance nahi le paaya tha.
warna main to kabb ka yahan se bhaag chuka hota ..... maine kaha k main stupid bann kar yahan se nahi bhaag sakta tha. jaan ko khatra ho bhi to liya ja sakta hai. lekin jaan boojh kar phans jana mujhe gawara nahi tha. jungle ke baare suna tha. k bohat hi khatar naak hai kein chance to liya hi ja sakta tha. abb yahan se bhaagna hai to fir sochna kamm aur karna zayada tha.
7 saalon se main soch hi to raha tha. abb karne ka time aaya tha to peeche hattna sahi nahi tha. abb nahi to fir kabhi bhi nahi. yahi soch kar maine sanjay aur zaheer ko green signal de diya.
mere signal milte hi dono ke dil ki dhadkan badh gai. aur unke chehre josh se bhar gaye. unho ne guards se chhupa kar mujhe thumbs up kiya. aur apne kaam me lagg gaye......
maine kuch tayari ki hui thi . to kuch zaheer aur sanjay ne bhi ki thi. humen jungle ke raaste ke liye torch aur chaku rassi zaroor chahiye the. jungle me is ki badi zaroorat pad sakti thi. khaane ke liye to kuch le kar ja nahi sakte the. kyunke pehle 0.5 kilometer bhaag kar jaana padta tha. aur pahadi ilawa tha. khaane ko sambhalte ya fir khud ko .. khane peene ke liye jungle me hi kuch dekha jayega... akhir aur bhi to kahi qaidi jungle se bach nikle the. matlab kuch to tha wahan unke pet bharne ke liye aur unki piyaas bujhane ke liye ..
********************************************************************************
aaj hum teeno hi yahan se bhaagne wale the.
jahan hum kaam kar rahe the. wahan hum 200 ke kareeb qaidi kaam kar rahe the. aur un 200 ke oopar 20 guards gun le kar nigrani me lage huye the.
zayada tar qaidi underground surag me kaam kar rahe the. aaj hamari duty oopar lagi thi.
lunch time takk hum kaam me lage rahe. fir humen khaane ke liye diya gaya.
guards bhi lunch kiya karte the. lekin is beech 3 guards pehre par rehte the. wo baad me lunch kiya karte the . ek guard hamari wali side hota to baaki do doosri taraf ... sabhi guards ke hath me machine gun hoti theen.
sanjay raees baap ka beta tha. to us ne gun chalani seekhi hui thi. lekin machine gun kabhi nahi chalaai thi. lekin sanjay confident tha. k agar usay machine gun chalani pad gai.. to wo koshish zaroor karega.
abb yahan harr ek cheez me risk tha. to fir zayada sochne ki zaroorat nahi thi.
hum apna khana le ke ik chattan ke peeche chale gaye. wo jaga guards se zayada door nahi thi.abb hum khule me to koi chance le nahi sakte the. agar guard kisi tarha se chattan ke paas aa jaye. to hum usay kaabu me karke maar sakte the. aur yahan se guard ke cheekhne ki awaz bhi doosre guards tak nahi pohnch paayegi. is liye maine zaheer aur sanjay ko sabb samjha diya tha.
jabb hum chattan ke paas lunch ke liye baithe. to lunch humne jungle ke liye bacha liya. abb yahan se bhaagna tha to. hum khali pet hi sahi se bhaag sakte the. bhare huye pet se bhagna matlab pakde jaane ka khatra.
aur fir humen jungle me khaana mile na mile.. wahan kaam a sakta tha.
hamare baithne ke 3 mint baad hi zaheer aur sanjay aaps me ulajh pade. hamare ulajhne ki awaz se guard bhaagta hua hamare paas aaya.
guard:- (machine gun ko hamari taraf seedha karte huye) chhodo ek doosre ko warna main tumko yahi bhoon kar rakh dunga. haramzaade lunch ke time bhi ladne lag jaate hain.
guard ka fasla mujhse 5 feet tha. aur main yahan se us par hamla nahi kar sakta tha. sanjay ne ek tirchi nazar se guard ko dekha aur fir kuch feet aur zaheer ko ghaseet'te huye le gaya. guard ko ghussa aa gaya.
guard:- kutte ke bachho ruk jaao. nahi to yahi maare jaaoge. aur yahan tum jaison ko maarne ke liye mujhe sochne ki zaroorat bhi nahi hai.
ye bolte hi guard thoda sa aage aaya to maine der ne karte huye uske gun wale hath ko pakad kar oopar kar diya. bass fir sanjay aur zaheer ne palak jhapakte hi mere sath mil kar guard ko kaabu kar liya.
guard trigger dabane hi wala tha. k maine uski gardan hi tod di...
sanjay aur zaheer ne jab guard ko kaabu kiya to maine der na karte huye. gaurd ki gardan ko kaabu me kar liya tha. abb saara din hathoda chala chala kar badan bhi lohe jaisa ho gaya tha. aur hath hathoda jaise. to guard ki gardan ke tootne me der nahi lagi.
humne jaldi se guard ki talashi li aur jo kuch bhi uske paas se mila. le kar pahadi ki doosri taraf ko bhaag liye. sanjay ne machine gun aur uski goliyon wali belt bhi saath le li thi.
jabb guard sanjay aur zaher ki jhadap se hamari taraf aaya tha. to kuch fasle par 5 aur bhi qaidi baithe the. wo humen hi dekh rahe the. haamre bhaagte hi wo bhi uth kar hamare peechhe bhaagne lage.
saalon ke bhaagne ki waja se doosre door khade do guards ka dhayan bhi hamari taraf ho gaya. aur fir un dono ne wahin se machine gun ka rukh hamari taraf kar trigger daba diya...
dhad..dhad..dhad..dhad..dhad..dhad..dhad..dhad..dhad..dhad.. ki awaz se saare hi guards lunch chhod kar apni guns uthaye hamari taraf aane lage.
hamare peechhe bhaagne wale stupid qaidi wahi maare gaye. aur humen lagne wali goliyan un qaidiyon ko lag gaeen. bass un me se ek bacha saka . wo bhi bhaagta hua hamare peechhe ho liya. pahadi se utarna aasan nahi tha. lekin jaan bachana bhi zaroori tha.
agar 5 qaidi na bhaagte to 20 mint tak kisi ko hamare baare pata hi nahi chalna tha. kameno ne humen marwaa diya tha. abb bass kismat se hi bach sakte the.
********************************************************************************
