Update 278
Virbhadra : Abhi wo thik hai, aage ka pata nahi. (Kamnadevi ne gusse se usko dekha, par Virbhadra ko koi fark nahi pada, wo udesinh ko dekhte hue bola) Agar khun kharaba hi chahte ho to thik hai, fir muje dosh mat dena, ya fir abhi tumhari bahu ne jo kaha hai wo karna chahte ho.
Udesinh : Kya kaha hai?
Virbhadra : Usne kaha ki ye bachcha mere sath ladega aur agar wo har gaya to wo mere sath chalegi.
(Gaavwala bajuwale ko, “Chhoti thakurain ne ye kaisi shart rakh di ha, suna hai ye Virbhadra to bahot bada haiwan hai, wo apane ilake me hamesa logo ko satata hai aur maar bhi deta hai, policewale bhi us se darte hai)
Udesinh : Ye kya bakwas hai, aisa kuchh nahi hoga, tum jante ho ki tum abhi kaha ho, tumhe lagta hai ki tum yaha se bach kar ja sakte ho?
Virbhadra : (Gandi hasi haste hue)Jab me yaha aane ki himmat kar sakta hu to sochiye me kya kya kar sakta hu. Apko lagta hai ki aap muje rok payenge, mene pehle hi chetaya hai ki agar muj par hamala hua to yaha lasho ke dher lag jayenge. Fir bhi agar ye karna chahte ho to me taiyar hu.
(Ek gaaav ki aurat dusari aurat se, “He bhagwan, ab hamara kya hoga, agar aisa kuchh hua to humari jaan ko bhi khatara hai, inlogo ke jhagade me hamari jaan bhi ja sakti hai”)
Shiv : Uski koi jarurat nahi hai, me taiyar hu ladne ke liye.
Udesinh : Tum jante bhi ho ki tum kya keh rahe ho, ye tumhara saher nahi hai, samaj me nahi aata tumhe?
Badi maa : Ha, Shivu, Ye kya keh rahe ho tum, tumhe aise logo se ulajna nahi chahiye (Padma ko dekhte hue)Tum to samajdar ho, tumne ye kaisi sart rakh di, tumne jara bhi nahi socha, ye log to janwar hai, yahi inhe aata hai, ye marna jaan lena, ye inke liye jaise aam baat hai, Shivu ko kyu tumne in sab me dala. (Virbhadra ki aur dekhte hue)Agar tumhe ladne ka itna hi shauk hai to me Pruthvi ko bulati hu, wo ladega tumse.
Virbhadra : Ha bulalo, waise bhi me uske liye hi aaya tha, Muje koi apatti nahi hai, par wo 10 minute me yaha nahi aaya to me uski bivi ko le jaunga, manjur ho to bolo.
Shiv : Apani bakwas band karo, Uski koi jarurat nahi hai, me ladne ko taiyar hu, agar me apane pariwar ki raksha nahi kar sakta to mera jivan vaise bhi kisi kaam ka nahi hai(Me aage aaya) Aa jao, Me taiyar hu.
Virbhadra : Ye hui na thakurowali baat, (Kehte hue wo ladne ko taiyar hua, Sab jante the ki ye ladayi barabar ki nahi hai, Shiv ka harna pakka hai, par koi kuchh nahi kar sakta tha, sab tamasha dekh rahe the, Ek aurat “ us chudail ne chhote thakur ko fasa diya hai, itni chhoti si umar me unki jaan bhi ja sakti hai” Dusari : “ Waise bhi itne salo baad to wo wapas aaye hai aur aate hi in sab jhamelo me pad gaye” ,Juhi aur baki sab bhi waha pahuch gaye the)
Padma : Ruk jaiye, kisi ko ladne ki jarurat nahi hai, agar tum muje le jana chahte ho to me taiyar hu, par yaad rakhna tum apani maut le ja rahe ho.
Shiv : Aap chup rahiye aur pichhe rahiye, kisi ko kahi jane ki jarurat nahi hai, agar jana hai to meri lash par se chali jana. (Padma ne Shiv ko dekha to uski ankhe jaise angare barsa rahi thi, wo turant sahem gayi aur apani najare jhukate hue pichhe hat gayi, shiv ne Virbhadra ko dekha)Ab bate bahot ho gayi, aa jao.
Virbhadra bhi jaise taiyar hi tha, wo ekdum se lapka aur Shiv ke chehre ko marne ke liye ghuse se prahar kiya, par Shiv uske liye taiyar tha aur usne apane aapko bachaya aur uski gardan par pichhe se kohni se war kiya to wo ladkhadate hue do kadam aage badh gaya par gira nahi, wo gusse me ghuma aur Shiv ko kha janewali najaro se dekhne laga, wo fir taiyar hua aur Shiv ki aur badhne laga, jaise hi wo najdik aaya Shiv ne uske chehre ko marne ke liye ghusa mara to Virbhadra ne uska mukka pakad liya par Shiv iske liye bhi jaise taiyar tha, usne apane shir se turant uske chehre par war kiya, abhi wo sambhalta us se pehle hi usne dusare hath se mukka mara to wo pichhe girne laga, usne Shiv ka gireban pakada to uske kurte ke button tut gaye aur kurta bhi fat gaya, wo pichhe ja gira.
(Ek aadmi, : “Are wah, chhote sarkar me to bahot dum hai”, (Aoabe malik ko aise harta dekh ek aadmi ne apane hath se lathi Virbhadra ki aur fenki, Virbhadra wo lathi le kar khada ho gaya)
Badi maa : Shiiiiiv. (Uske sath me kayi aur logo ke muh se bhi Shiv ka naam sunayi diya)
Wo lathi le kar mere samne khada ho gaya, tabhi Manohar ne meri aur lathi fenki, “Ye lijiye chhote thakur”. Virbhadra ne ye dekha aur wo lathi uthaye us se pehle hi us par waar karne ke irade se wo lathi le kar uski aur lapka aur prahar kiya par Shiv ne sfurti se apane aapko bachaya aur hawa me gulati khate hue jamin se lathi bhi utha li, Usne jor se dusari bar muj par prahar kiya par mene lathi se usko rok diya. Aise lathi se ladna mere liye naya tha, par me pure dhyan se usko dekh raha tha, kuchh war mene uske bachaye par ek lathi mere shir par lagi to do pal ke liye to mere samne bhi andhera chha gaya tha, par jald hi mene khud ko sambhala.
Bhabhi : Shiiiiiiiv, bachooooo, (Ye Padmabhabhi ki aawaj thi, samne se aati lathi ko mene dekha aur turant mene war rok diya, aur turant hi mene uske lathiwale hath par waar kiya to uski unglio se khun behne laga aur usne lathi chhod di, wo dard ko sambhalte hue gusse se meri aur dekhne laga, wo lathi uthane ko jhuka to mene lathi se uski lathi dur kar di. Wo gusse se muje dekhne laga, me lathi le kar uski aur badha to wo do kadam pichhe hath gaya, dusare aadmi ne uski aur lathi fenki to mene us lathi par war kiya to wo dur ja giri, me uski ur badha to wo pichhe hatne laga,
Shiv : Me tumhare jaise nahi hu, (Kehte hue mene apani lathi dur fenk di, wo meri aur daud kar aaya aur mere par prahar karta us se pehle hi mene ghum kar laat mari to wo sidha jamin par ja gira, Bhargavi ki training yaha kaam aa rahi thi)
Manohar : Chhote malik jinda baad, chhote malik jinda baad (Kuchh gaavwale bhi uske sath chillane laage, Virbhadra ne gusse se aaas pass dekha, par wo log aur jor se chillane lage to wo gusse se muje dekhne laga.
Shiv : Abhi bhi chetavani de raha hu, agar apani kheriyat chahte ho to wapas laut jao.
Virbhadra : Tu piddi, muje jane ko keh raha hai, aaj teri is bhabhi ko tere samne hi na ragada to kehna muje. (Uske aise bol sun kar mujegussaaaya aur me uski aur jor se dauda, jaise hi uske najdik pahucha usne ghusa mara par, wo kuchh samajta us se pehle mene jhuk kar kandhe se uski chhati par prahar kiya, takkat itni tej thi ki wo uchhalta hua pichhe ja gira, aur apani chhati pakad kar karahne laga.
Kuchh gaavwale : Chhote thakur jindabad, chote thakur jindabad. (Unke aise nare lagane se Virbhadra chid gaya par uski chhati me joro se dard ho raha tha, fir bhi wo jaise taise khada hua aur Shiv ki aur lapka, par Shiv ab taiyar tha usne jor se uske chehre par ghusa mar diya to wo dhadam se side me ja gira, uske samne andhera chha gaya. (Uske do aadmi aage aaye aur usko sahara dene lage to wo unke sahare khada to hua par dhyan aate hi usne unke hath jatak diye aur gusse se Shiv ko dekhne laga, ab wo koi jaldbaji nahi karna chahta tha, wo samaj gaya tha ki samne koi bachcha nahi hai, usko lag raha tha ki usne galti kar di hai, par ab ijjat ka sawal tha, wo majboot kadmo se uski aur badha, jise hi Shiv ne usko marne ke liye hath chalaya usne bhi Shiv ke pet me jor se mukka mar diya, uske chehre par Shiv ka mukka pada par usne bhi mukka puri takat se mara tha jis se Shiv ne apana pet pakad liya, wo khud jamin par ja gira tha, uske samne andhera chhane laga, uske muh se khun nikalne laga, Shiv ko pet pakadkar ladkhadate dekh Padma turant daudi aur Shiv ke pass pahuchi aur wo Shiv ko thane lagi)
Padma :Tum thik ho?
Virbhadra : (Virbhadra ne bhi ye dekha, bhale hi uski halat kharab thi par akad abhi bhi barkarar thi, wo jaise taise khada hone laga, khade ho kar usne apane muh se nikalta khud thuka aur bola)Chhupale, Chhupale apane anchal me, is bachche ke sahare tune muje chalange diya tha? Me ab teri wo halat karunga ki tera pura khandan sari jindagi apana muh chhipata firega. Tuje to me...(Abhi wo apana waqya pura karta us se pehle hi uski tej chikh sunayi di)Aaaaaaaa (Uske chehre par itna jor se mukka pada tha ki wo dhadam se niche gira, abhi wo kuchh samajta us se pehle hi Shiv apani kohni se var karte hue uski chhati par kuda, ek tej dard se wo chilla utha usko laga ki ander kuchh tut gaya hai. (Shiv khada hua aur usko gireban se pakad kar khincha aur uske chehre par ek aur mukka mar diya)
Shiv : Kya bol raha tha, bol ab (Kehte hue ek aur jor se mukka mara, uske muh se khun ki ulti hone lagi par shiv nahi ruka)Bol na, kya bol raha tha tu (Sab log apana dil tham kar ye ladayi dekh rahe the, jaha pehle sabko ye lagta tha ki Virbhadra aasani se Shiv ko maat de dega, wahi shiv ki takat aur gussa dekh kar sab sahem rahe the, Shiv patak patak kar usko mar raha tha, Virbhdara ki kayi haddiya jawab de chuki thi, Shiv ke akhriwar se wo behosh ho gaya. Par Shiv gusse me usko mar raha tha to Padma daudi aur jor se chillayi)
Padma : Shiiiiiiiiiiiv. (Shiv ka hath hawa me ruk gaya)Wo mar jayegaaaaa......chhod do usko. (Shiv ne dekha ki wo behos ho chuka hai to wo khada hua par wo bhi thak gaya tha, wo jaise hi khada hua wo ladkhada gaya to Padma ne hi usko sahara diya, Juhi bhi daud kar waha aa gayi aur dusari aur se Shiv ko pakad liya. Vaiswi bhi kaha pichhe rehti, wo bhi daudi aur waha pahuch gayi aur Shiv ko sahara dene lagi.
Shiv : (Sab ko chhodne ke liye kehta hai)Me thik hu. (Usne khud ko sambhala aur sahi se khada ho gaya, usne ek najar Virbhadra par dali wo besudh ho kar pada hua tha)
Udesinh : (Usne apana phone nikala aur kisi ko phone kiya)Tumhara beta yaha aa kar baval kar raha tha, agar usko bachana chahte ho to turant usko hospital le jao, tumhare aadmi bhi yahi par hai. (Keh kar usne phone kat diya aur waha se jane laga, dusare mehman bhi uske pichhe jane lage, Sukhdev bhi bahot achambe se Shiv ko mud kardekh raha tha, wahi Prakashrao ki bhi halat waisi hi thi)
Kamnadevi : Padma(Waha aate hue boli aur padma ne bhi us aur dekha)Isko aspatal le chalo. (Shiv ki aur issara karte hue wo boli)
Shiv : Me thik hu badi maa.
Kamnadevi : (Halke gusse se Padma ko dekhte hue)Mene tumse kuchh kaha?
Juhi : Me gadi lati hu. (Kehte hue wo bahar bhagi)
Gaavwale : (Jo abhi tak khamos the wo hosh me aaye aur unhe ehsas hua ki unka gaav jit gaya hai) Chote thakur....Jindabad. Chote thakur ...Jindabad. (Pure mele me aawaj jor jor se gunjne lagi, Shiv ne najar daudayi to paya ki sab gaavwalo ke chehre par bahot khusi thi, sab jor jor se chilla rahe the, tabhi Juhi car le kar waha pahuchi aur Shiv ko ander bitha kar Padma, Kamnadevi waha se nikal gaye, Anjali, Vaidehi Krupali aur Vaiswi bhi bahar ki aur gaye aur car se ghar ki aur nikal gaye, Vaiswi Shiv ke sath jana chahti par abhi fil hal ghar ki aur jana hi uchit samja. Jaise hi thodi durgaye Kamnadevi ne apani bahu ko danta)
Kamnadevi : Tumhe Shiv ko in sab me nahi ghasitna chahiye tha, aur kya jarurat thi unse ulajne ki? (Wo gusse se par awaj saymit kar ke bol rahi thi)
Padma : (Dukhi ho kar)Mene kuchh nahi kiya tha. Wo log pata nahi kaha se aaye aur mere sath badtamiji karne lage, wo log keh rahe the ki wo unke (Pruthvi) ke liye aaye the, unki wajah se unhone muje target kiya tha. Shiv waha kaise aaya muje nahi pata.
Juhi : Humne upar se dekha tha, Hum log kafi upar the, Shiv ne apani parwah na karte hue pata nahi kaise waha se utara, muje to bahot dar lag raha tha par Shiv waha se niche utar gaya.
Kamnadevi : Par tumne Shivu ko akele ladne ke liye to kaha tha na, tumhe samajna chahiye tha ki wo kaise in janglio ka mukabala karta.
Padma : Wo log sab hathiyaro ke sath ek sath ispar hamala karne wale the, aise me usko jyada chot lag sakti thi, usko bachane ke liye hi mene usko akele ladne ko uksaya tha.
Kamnadevi : Wo abhi bachcha hai, aise kaise tum unjaise logo ke sath akele ladne ke liye keh sakti thi.
Shiv : Badi maa, aap bhabhi ko mat dantiye, jo hona tha wo ho gaya.
Kamnadevi : Kya hona tha ho gaya, agar kuchh ultasidha ho jata to, tuje sochna chahiye tha na.
Shiv : Koi aise bhabhi ko paresan kare aur me sochne baithu?
Padma : Aapne isko pehle ladte dekha nahi tha na is liye aisa keh rahi hai, wo pehle hi 10 logo ko sabak sikha chuka tha, hathiyaro ko dekh kar me dar gayi thi, muje us waqt jo sahi laga mene wahi kiya tha, aur dekh lijiye, isne us kamine ko jis tarha se mara hai wo tin char mahine tak uth nahi payega. (Shiv ki aur pyar se dekhte hue wo boli)
Kamnadevi : Tu samajti kyu nahi hai.... (Tab tak car aspatal pahuch gayi)
Shiv : Ab gussa thuk do badi maa, jo hua nahi us ki baat karna bekar hai, aur muje kuchh nahi hua hai, me thik hu.
Kamnadevi : tu to chup hi reh. (Kehte hue wo car se utari hum sab bhi utare, Juhi aur bhabhi muje sahara dene lagi, badi ma turant ander ki aur bhagi, hum dhire dhire unke pichhe ander gaye)
Udesinh ghar pahuch gaya tha, Shiv ko dekh kar uski bhi halat ajeeb ho rahi thi, wo samaj gaya tha ki Shiv kya hai. Wo abhi betha hi tha ki Sukhdev aur dusare sab bhi waha aa gaye. Sukhdev ko dekhte hi usne kaha,
Udesinh : Dekh liya, jab jab tumhari beti uski jindagi me aati hai uske upar koi na koi musibat aati hi hai. Ye musibat to mere karan nahi thi na?(Sukhdev ke paas bolne ko kuchh nahi tha) Filhal me Shivans ka gardian hu, jo mera faisala hoga wahi Shivansh manega. (Sukhdev abhi koi bahes karna nahi chahta tha to wo bina kuchh bole waha se bahar nikal gaya aur uski bivi bhi nikal gayi)
Ye sab sun kar waha Krupali aur Vaiswi ke maan me kayi sawal uth rahe the, Krupali to waise bhi Prakruti ko janti thi par uske liye uske papa aise kyu bol rahe the wo uski samaj me nahi aaya, aur Vaiswi to bilkul anjan thi is baat se, par abhi kuchh puchh bhi to nahi sakti thi.
Prakashrao : Ye sab kya tha thakur sahab, aapne to muje kuchh aur kaha tha, aur yaha to mamla kuchh aur hi hai.
Udesinh : to mene kya galat kaha tha, wo bachpan ki bate hai, us bat ko aaj koi nahi manta. Mene aapse jo kuchh bhi kaha tha sab soch samaj kar hi kaha tha, aaapko meri bato par bharosa nahi hai kya?
Prakashrao : Aisi baat nahi hai, par Sukhdevji bhi koi mamuli insan nahi hai, wo itni aasani se ye sab manenge nahi.
Udesinh : wo sab aap muj par chhod dijiye, mene jo kaha hai wo hoga, aur abhi ye bachche hai, kis bat ki jaldi hai aapko.
Prakashrao : Nahi wo baat nahi hai, me to bas puchh raha tha.
Harisinh : Kis bare me baat kar rahe hai aap log?
Prakashrao : Inhone meri beti aur Shivans ke liye kaha tha, aur yaha aa kar ye sab pata chal raha hai is liye me bas puchh raha tha, muje in par bharosa hai. (Harisinh ne apani bivi ki aur dekha jaise keh rahe ho ki mene kaha tha na ki Juhi ko samjao)
Sukhdev bahot gusse me tha, wo car se nikal gaye the, Aiswarya bhi unke gusse ko dekh rahi thi.
Sukhdev : Wo samajte kya hai, meri beti ko kuchh bhi kahenge, agarmene nako chane na chabva diye to kehna, yaha meri beti ki jindagi kharab ho rahi hai aur wo muje hi suna rahe hai, me bhi dekhta hu ki kaise unhe sab milta hai, wo kya samajte hai ki me koi aira gaira hu,ab me tumhe batata hu Udesinh ki Sukhdev kya hai.
Aishwarya : Aap shant rahiye, ye hamari beti ka sawal hai.
Sukhdev : To me kya apani beti ka sukh nahi chahta, koi jarurat nahi thi unse baat karne ki fir bhi me unke pass gaya na, par unhone mere sath kya kiya, unhone meri beti ko kya kaha? Ab me unhe dikhata hu, agar meti beti nahi to unhe bhi kuchh nahi milega.
Aishwarya : Aap ko jo karna hai karna par abhi shant rahiye, kahi aapki tabiyat na bigad jaye.
Baat Mamta aut Beena tak bhi pahuch gayi thi to wo dono bhi waha aa gayi thi, sab ko chinta ho rahi thi. Swarna, Mamta aur Beena sab Krupali ko puchh rahi thi aur waha jo kuchh hua tha wo sab Krupali unhe bata rahi thi. Shiv bhi marham patti karwa kar ghar aa gaya. Sab uska halchal puchhne lage, thodi der sab chala. Samay kafi ho gaya tha to baki mehman wahi ruk gaye the, Juhi ko uski mummy ne kamare me bulaya aur danta,
Raginidevi : Hum tumse keh rahe the tab baat samaj me nahi aa rahi thi tumhare, ab dekho yaha kya ho raha hai.
Juhi : Kya hua maa?
Raginidevi : Tera shir hua hai, humne pehle hi tumse kaha tha ki agar Shiv pasand hai to bata de, agar us waqt mana na karti to baat yaha tak pahuchti hi nahi.
Juhi : Kya kehna chahti ho maa?
Raginidevi : Wo Swarna ke sasur apani beti ka rista Shiv se karwa rahe hai, samaj nahi aata tumhe?
Juhi : Aisa kisne kaha aapse?
Shiv : Tuje pata hai Shiv pehle se shadisuda hai.
Juhi : Ye sab kya keh rahi ho aap? (Juhi ko kuchh samaj me nahi aa raha tha)
Raginidevi : Teri buddhi par to patthar pade hue hai, humne pehle hi tumse kaha tha tab samaj me nahi aaya tuje. Shiv ki shadi bachpan me hi ho chuki hai, aur (Unhone sari baat usko batayi jo kuchh yaha hua tha) Aisa hi ravaiya raha tera to kuchh nahi bachega. (Juhi sab samaj rahi thi, fir gehri sans lete hue)
Juhi : Wo jo kuchh ho muje fark nahi padta maa, waise bhi muje in sab me intrest nahi hai, mere lakshya kuchh aur hai.
Raginidevi : Teri akal par to patthar pade hue hai, tuje ssamjana bekar hai, tu bas dekhti reh jayegi aur kuchh nahi.
Juhi : Me apana dekh lungi maa, aap fikar maat kijiye.
Kafi der waha sab alag alag baate karte rahe,uske baad Mamta, Beena aur unke gharwale sab wapas chale gaye, baki bache mehmano ke liye intejam kardiye gaye, Krupali apane pati ke sath thi, Swarna bhi apane pati ke sath thi, sab apani apani jagah the, Juhi, Vaiswi, Anjali aur Vaidehi sath me ek kamare me so rahi thi. Vaiswi bahot khus thi, wahi Juhi thodi dukhi thi, par wo janti thi ki wo jis rah par chal rahi hai us rah par usko aisi kayi kurbaniya deni padegi. Shiv apane kamare me tha aur Kamnadevi ne usko haldiwala dudh pila diya tha aur uske sath hi so gayi thi.
Raat ko Kamnadevi ne Pruthvi ko phone kiya aur usko sab batadiya tha aur usko mele me na aane ke liye bahot khari khoti sunayi thi, jo sun kar Pruthvi ka dimag bhi kharab ho gaya tha aur wo sharab pi raha tha. Usko aise sharab pite dekh Akshay uske pass betha,
Akshay : Kya hua dost, kuchh problem hai?
Pruthvi : Kuchh nahi chhod na.
Akshay : Tumhe dekh kar lag raha hai ki tum gusse me ho, akhir baat kya hai?
Pruthvi : Maa ka phone aaya tha, ghar na aane ke liye wo suna rahi thi aur kuchh nahi.
Akshay : Itni si baat nahi hai, baat kuchh aur bhi lag rahi hai, kya tum muje apana dost nahi samajte, aur ab to hum ristedar bhi hai, mene tumhe apano behan di hai, fir bhi tumhe muj par bharosa nahi hai.
Pruthvi : (Nashe me usko dekhte hue)Aisi baat nahi hai, darasal...(Usne jo gaav me hua tha wo sab usko bata diya) Bina baat ke maa muje dant rahi thi, mera koi lena dena nahi hai us aurat (Padma) se, wo chahe jiye ya mare muje us se koi fark nahi padta. Aur wo do kodi ka ladka, usne usko bachaya to maa uski bahot tarif kar rahi thi.
Akshay : Kon ladka?
Pruthvi : Wo hai na, papa usko chacha ka ladka bana kar laye hai, bhade ka tattu.
Akshay : Kyu?
Pruthvi : Sukhdev se apani property nikalwane ke liye.
Akshay : Me kuchh samja nahi.
Pruthvi : Mere chacha Yogendra aur Sukhdev dono bussiness partner hai, barso se chaha coma hai to unki property bhi usne daba rakkhi hai, unka ladka mar gaya tha, papa ne kisi ladke ko uski jagah rakha hai taki wo sab wapas nikalwa sake.
Akshay : Oh! To ye baat hai.
Pruthvi : Wo Virbhadra mujse badala lene aaya tha, wo Padma ko utha ke le ja raha tha, le jata hai to le jata, jaan chhut ti, par is kamine ne usko bachaya.
Akshay : Tum kyu tension lete ho, sab thik ho jayega, jao so jao abhi. (Pruthvi ladkhadate hue sone chala gaya, Akshay apane dimag me kuchh soch raha tha)
. Sukhdev aur Aishwarya ghar ki aur ja rahe the, dono ke bich Shivans ko lekar hi baate chal rahi thi, Sukhdev ne pehle kisi ko Shivans ke bare me pata karne ko kaha tha, par hospital me jab Shivans ki wajah se Yogendra aur Chandrika me jo badlav dekhe the us wajah se unhone us khabari ka contact nahi kiya tha, wo jab ghar ja rahe the tabhi kisi ka phone aaya, unknown number dekh kar be man se Sukhdev ne phone uthaya,
Samne se : Hello sukhdevji bol rahe hai?
Sukhdev : Ha boliye.
Samne se : Mera naam Akshay hai, muje aapse kuchh jaruri baat karni hai.
Sukhdev : Abhi me busy ho, aap kal office aa jaiye.
Akshay : Baat personal hai, aur apke fayde ki.
Sukhdev : Mere fayde ki baat batane se tumhara kya fayeda?
Akshay : Meri company xxx hai, hamare bich ek deal pending hai, mere pass kuchh aisi information hai jo aapke bahot kaam ki hai.
Sukhdev : Aisi kya information hai.
Akshay : Aapke dost Yogendraji ke bete ke bare me hai, shayad aap intrested ho.
Sukhdev : Aisi kya baat hai?
Akshay : Wo ladka nakali hai, usko Udesinh ne istemal karne ke liye bhade se rakkha hai.
Sukhdev : Tum kaise jante ho, aur tumhare pass kya sabut hai.
Akshay : Mere pass saboot hai tabhi to baat kar raha hu aur bata raha hu aapko, me aapko saboot de dunga par hamare bich wo deal honi chahiye.
Sukhdev : Thik hai, pehle saboot le aao, fir baat karte hai.
Akshay : Thik hai fir kal milte hai. (Akshay apaane phone ko dekh raha tha aur soch raha tha, usne Pruthvi aur uske bich ki baate record kar li thi, wo apana fayeda hi soch raha tha, agar uske aur Sukhdev ke bich deal hoti hai to usko karodo ka fayeda mil sakta tha.
Aishwarya : Kiska phone tha?
Sukhdev : Tha koi, par wo keh raha tha ki Shivans asali nahi hai, usko Udesinh ne hire kiya hai.
Aishwarya : Kya sach? Par ye kaise ho sakta hai. (Waise to Sukhdev ko is baat par yakin nahi tha, par wo is baat ko gambhirta se le raha tha, Usko lagta tha ki jis ladke se wo mila tha wo Shivans hi hai par ab wo is baat ko khud hi jutla na chahta tha, ek to Udesinh se uski bahes hui thi aur ab ye jan ne ko mila tha, bhale uska dil kuchh aur keh raha tha par usne apane dimag ki suni aur maan me maan liya ki ye ladka wo nahi hai aur bas Udesinh uska istemal kar raha hai. Ghar ja kar usne Prakruti ko bhi yahi batadiya ki wo sab baate juth hai aur aisa kuchh nahi hai.
Wahi Prakruti ki bhi mansik sthiti kuchh stable ho gayi thi, usne bhi maan bana liya tha ki ab wo apani padhayi par hi dhyan degi, kyu ki usko lag raha tha ki Shiv aur Lata ke bich kuchh jarur hai aur wo in sab me nahi padna chahti thi, jo usne apane liye pehle manjil chuni thi, usi par kayam rehne ka faisala kar liya.
Dusare din mehman apane apane ghar nikal gaye the. Juhi, Mamta aur uske gharwale bhi nikal gaye, jane se pehle wo Shiv se mile, wahi Vaiswi aur uske gharwale bhi nikal gaye, Krupali bhi apane gharwalo ke sath nikal gayi, Swarna nahi gayi thi. Sukhdev aur Udesinh me kya baat hui, in sab bato se anjan Shiv ko apane maa baap ki fikar thi. Shiv ko jab Prakashrao aur unki bivi uske kamare me milne aayi thi to bahot pyar se uske sath vyavhar kar rahi thi, Shiv ko bahot ascharya ho raha tha, Vaiswi bhi usko dekh kar bahot muskura rahi thi aur sharma bhi rahi thi. Us din subah se gaavwale bhi uski khabar lene ke liye haweli aa rahe the, dopahar ko Pruthvi bhi ghar aa gaya. Kamnadevi ne fir wahi sab usko sunaya jo unhone phone par sunaya tha, Pruthvi ko bahot gussa aa raha tha par wo apani maa ke samne chup raha. Par jaise hi wo apane kamare me gaya apana sara gussa usne Padma par nikala, in sab ke liye usne usko hi doshi thehraya aur bahot galiya bhi di, Padma roti rahi, uske baad Pruthvi gusse me wapas ghar se nikal gaya. Virbhadra ki halat bahot kharab thi, bhale hi jaan ka jokhim nahi tha par maar bahot lagi thi usko aur haddiya bhi tut gayi thi. Uska baap bhi bahot jyada gusse me tha. Aur kya hua kaise hua uski jankari ikattha kar raha tha.
Sham ko Beena madam aur unke gharwale Shiv ki khabar puchhne aaye the. Beena ko wahi rukna tha par wo keh nahi payi aur fir sab khana kha kar wapas chale gaye. Udesinh aaj ghar par hi tha to Kamnadevi, Shiv ki khabar lene ke baad apane kamare me hi thi. Swarna aaj Shiv ke sath hi sonewali thi, waise bhi sab chale gaye the to wo aur Padma hi thi. Kapade badal kar gown pehan kar wo Shiv ke kamare me aa gayi, Shiv lete lete mobile dekh raha tha.
Swarna : Mobile kyu pakade ho, hath me dard nahi ho raha kya?
Shiv : Nahi, aaj sab thik hai. (Pichhe pichhe Padma bhi us kamare me aayi)
Padma : Didi aap yaha?
Swarna : Ha me aaj yahi sonewali hu. Aao na betho. (Wo bhi gown pehne hue thi, gown me se unke bade bade kharbooje apana aakar dikha rahe the, Shiv apane bistar par bethne laga) Tum kyu beth rahe ho, lete raho.
Shiv : Lete lete thak gaya hu, pura din to leta raha hu. (wo dono bethne me madad karne lagi) Are me thik hu, itna bhi kamjor nahi hu me.
Swarna : Ha ha pata hai, sab suna mene, sab tumhari tarif hi kar rahe the.
Padma : Par kya jarurat thi aise jaan jokhim me dalne ki, wo bhi meri wajah se. (wo thoda dukhi ho kar boli)
Swarna : Aisa kyu bol rahi ho bhabhi, isne jo kuchh bhi kiya sahi kiya.
Padma : Par haro koi muje hi dosh de raha hai, sab keh rahe hai ki meri wajah se iski ye halat hui.
Swarna : Kon bevakuf aisa keh raha hai, kya aap Pruthvi ki baat kar rahi ho? Uski baato ka kya bura maan na, usme to akal hi nahi hai, kya keh raha tha?
Padma : Chhodiye na, ab to aadat ho gayi hai.
Swarna : Jo usko karna chahiye tha wo Shiv ne kiya, usko to Shiv ka sukar man na chahiye, aur tumhari koi galti nahi thi, usne kyu tumhe danta?
Padma : Chhodiye na didi, aap ku tention le rahi ho, aapko is halat me aisa gussa nahi karna chaiye.
Swarna : Aaj bhi wo ghar par nahi hai, akhir rehta kaha hai wo?
Padma : Muje nahi pata.
Swarna : To pata rakkha karo, bivi ho tum uski. (Padma dukhi ho kar niche dekhne lagi) Khair chhodo us baat ko, waise bhi wo meri baat sunta nahi hai to kya hi baat karu us se, itna bada ho gaya hai par fir bhi samaj nahi hai. Maa se baat karungi.
Padma : Maa ne danta tha tabhi to mere par bhadak rahe the, fir maa dantegi to fir mere upar bhadkenge, kahenge mene hi sikayat ki hogi. Meri baat chhodiye, mera to bhagya hi aisa hai, aap apani sehat ka khayal rakhiye, chaliye me sone chalti hu.
work maja agaya Virbhadra ki dhunayi dekh kar Shiv se ye hi ummid thi but fir bhi rayta bahut faila hua hai waiting for next
