• If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Adultery Kundali Bhagya

N

nishap

Member
405
264
64
Vega Star said:
Update 276



Subah uthkar me nahane gaya, abhi bahar aa kar tauliye me tha tabhi mere darwaje par dastak hui, muje laga ki badi maa hai to me turant gaya aur darwaja khola, par samne Padmabhabhi khadi thi, wo bhi shayad naha kar aayi thi par unhone achchhi saree pehan li thi par baal abhi towel me bandhe hue the, wo behad sundar dikh rahi thi, mene bad unhe ek baar upar se niche dekha par itne me hi unhone muje pakad liya.

Padma : Dekhliya ho to ab niche aa jao, maji ne naste ke liye bulaya hai. (Mene unke chehre ko gaur se dekha to waha gussa nahi tha, bas ek pyari si muskan thi)

Shiv : Aap kya chahti ho, aap jab samne aao to apani ankhe band kar lu? (Mene bhi muskurate hue kaha)

Padma : Mene kuchh kaha kya? Waise kal sabke samne muje bhabhi kaha tha tumne yaad hai na tumhe?

Shiv : To aur kya kahu?

Padma : Jab keh rahe ho to risata mano bhi. (Jaise wo muje pyar se suna rahi thi)

Shiv : Aapne bhi to muje upar se niche tak dekha, mene kuchh kaha kya?

Padma : Bate banana achchha aata hai, Kapade pehno aur niche aao, me dudh bana rahi hu tumhare liye aur kuchh banau?.

Shiv : Nahi, aap chaliye me aata hu. (Wo muskurate hue jane lagi par me wahi khada reh kar unhe jata dekh raha tha, me dekhna nahi chata tha par ek ajeeb sa akarshan tha unke dehlalitya me, mere maan me koi galat vichar tak nahi the par fir bhi me dekh raha tha, par fir me pakada gaya, wo aage ja kar pichhe mudi me jhep gaya par wo kuchh nahi boli aur muskurate hue waha se chali gayi, me turant ander chala gaya aur khud ko galiya dete hue mene simple se kapade pehan liye, aur niche chala gaya, badi maa table par bethi mera intejar kar rahi thi, Krupaliji bhi bethi hui thi)

Badi maa : Aa gaye (Muskurate hue)Betho. (Mene unke pair chhue)Jite raho. (Me beth gaya)

Shiv : Hum kal aaye to bua nahi dikhi thi, kya wo wapas chali gayi?

Badi maa : Nahi, wo apani ek saheli ke ghar gayi thi, puja me aa jayegi. (Ek naukar apane sath nasta le kar aaya aur sath me Padmabhabhi bhi aayi, unhone khud mere liye dudh ka glass rakkha, naste me kuchh nahi tha)

Shiv : Nasta nahi banaya?

Badi maa : Puja hone tak kuchh khana nahi hai, uske baad wahi khana kayenge. Agar bhukh lagi hai to fal kha lo.

Shiv : Nahi badi maa, meto bas aise hi keh raha tha. (Tabhi Swarnadidi bhi waha aa gayi, wo bhi nasta karne ke liye beth gayi)

Badi maa : (Shiv ko)Achchhe kapade pehn lena (Padma ko dekhte hue)Tum dekh lena.

Krupali : Me dekh lungi. (Wo utsahit ho kar boli)

Badi maa : Wo sab Padma dekh legi, tu khud achchhe se taiyar ho jaye wahi bahot hai.

Krupali : (Ruthte hue)Aisa kyu keh rahi ho, kya me aisa karti hu?

Badi maa : Abhi ye sab baate chhod aur jaldi se taiyar ho jao, time nahi hai. Padma tumhe pata hai na kya karna hai?

Padma : Ji maaji. (Keh kar unhone meri aur dekha jaise keh rahi ho ki tum mere under me ho samje bachchu, me muskuraya aur fir dudh piya, uske baad apane kamare me chala gaya aur kapade dekhne laga ki kya pehnu tabhi pichhe se aawaj aayi) Me deti hu. (Mene pichhe mud kar dekha to bhabhi thi, me side me ho gaya to unhone mere liye kapade nikale) Tum ye pehan lo me kuchh gehne deti hu fir.

Shiv : Gehno ki kya jarurat hai, me aise hi achchha hu.

Padma : Apani badi maa ko ja kar kaho, unhone hi kaha hai muje. (Kehte hue wo muskurati hui bahar chali gayi, mene kapade pehan liye, aur unka intejar karne laga, kafi der baad wo aayi par is baar wo khud gehne pehne hui thi aur taiyar bhi ho chuki thi, ab wo aur jyada khubsurat lag rahi thi par jaise hi mene unhe dekha turant apani najare fer li, wo apane sath kuchh gehne le kar aayi thi wo muje dene lagi, kuchh anguthiya thi aur badi si chain jis par surya ka locket tha. Muje anguthiya dete hue) Kyu me achchhi nahi lag rahi?

Shiv : Aisa kyu keh rahi hai?

Padma : Aise najare fer li is liye keh rahi hu.

Shiv : Jab dekhta hu tab bhi problem hai jab nahi dekhta tab bhi problem hai, aap ladkio ka kuchh samaj me nahi aata.

Padma : Mene kab dekhne se mana kiya jo aisa keh rahe ho? Mene bas us tarha se dekhne se mana kiya tha, aur muje pata hai ab tum waise muje nahi dekhte.

Shiv : Achchha , wo kaise?

Padma : Hum aurto ko samaj aa jata hai ki kon kaise dekta hai hume. Lo ye anguthiya pehan lo, me tumhe chain pehna deti hu.

Shiv : Pata nahi in sab ki kya jarurat hai. (Mene anguthi pehante hue kaha)

Padma : Chacha chachi ab kaise hai?

Shiv : Jaise the.

Padma : Fir kab janewale ho?

Shiv : Ek do din baad. Kyu?

Padma : Me bhi chalungi, muje bhi milna hai, muje to pata hi nahi tha par jab se suna hai unke bare me milne ki badi ichchha ho rahi hai, le jaoge muje?

Shiv : Chhoti malkin ko me bhala kaise mana kar sakta hu. (Mene mukskurate hue kaha tabhi bahar se ek naukar ne kaha)

Naukar : Badi malkin bula rahi hai.

Padma : Hum abhi aate hai. (wo chala gaya, unhone muje upar se niche tak dekha)Achchhe lag rahe ho. (Mene unke chehre ko dekha jaha bas pyar hi tha, mene bhi mukurate hue kaha)Par aapke jitna nahi. (wo bhi muskurayi aur hum dono niche chale gaye, badi maa aur tauji dono hall me bethe hue the, mene dono ke pair chhue, Krupaliji bhi wahi thi)

Badi maa : (Padma ko) Pruthvi kaha hai?

Padma : (Hichkichate hue)Wo to nahi aaye the kal raat.

Badi maa : (Udesinh ki aur dekhte hue)Usme itni bhi akal nahi hai, kaha hai wo?

Udesinh : Muje pata nahi hai, me phone karta hu. (Kehte hue unhone phone kiya par samne se phone pick nahi hua) Utha nahi raha hai, shayad so raha hoga?

Badi maa : Aap dono ke liye ghar jaisa kuchh hai bhi ki nahi, jaha taha raat gujar dete ho.

Udesinh : Aa jayega,mera call dekhega to phone karega,filhal hum chalte hai.

Hum sab waha se nikal gaye, badi maa aur tauji ek car me gaye aur me ek kar me beth to sath me Krupaliji jaldi se aa kar beth gayi, Padmabhabhi aur Swarnaji dusari car me beth gayi, tino car driver hi chala rahe the. Waise bhi jyada dur to jana nahi tha, thodi hi der me hum mele ke sthal par pahuch jane wale the, Krupaliji mere sath me bethi thi to unhone janbuj kar mere hath par hath rakh diya, meri najar turant driver par gayi par wo aage dekh raha tha, mene Krupaliji ko dekha to wo muje dekhte hue muskura rahi thi, me bhi muskuraya, wo mere hath ko jis tarha se daba rahi thi me unke irade samaj raha tha, par driver ki wajah se wo kuchh boli nahi, thodi hi der me hum mele ki jagah pahuch gaye, waha ander jane ke liye gate banaya hua tha par charo aur se mela waise khula hi tha, par gaaav se aati sadak par gate bana hua tha jo saja hua bhi tha, waha pehre dar bhi the. Kafi log aa chuke the, jaise hi car ruki sarpanch daudte hue tauji ki car ke pass pahucha, aur unka gate khol diya, hum apane aap hi bahar nikale aur unke pass pahuche.

Udesinh : Kyu Vidhyadhar, sab thik?

Vidhyadhar : Ji thakur sahab, sab thik hai, aaiye.

Hum mandir ki aur jane lage, gaav ke jitne bhi log aaye hue the wo sab raste ke dono taraf khade hue the aur tauji ko aur sabko namaste kar rahe the, unko jawab dete hue wo aage badh rahe the, me badi maa ke pichhe chal raha tha aur, Krupali, Swrnaji aur bhabhi sath me chal rahe the. Jab hum mandir ke pass pahuche to waha chacha, chachi, Beena madam, Mamtabhabhi, Vaiswi, Juhi, Jignesh bhai aur sab the. Sab taiyar ho kar aaye the, sab paramparik paridhan me the. Swarnabhabhi ko dekhte hi Vaiswi bhi unke pass aayi, aur meri aur dekh kar muskurayi.

Swarna : Bahot pyari lag rahi ho.

Vaiswi : Thank you bhabhi, aap bhi bahot achchhi lag rahi ho. Mamtadidi, Juhi aur baki sab bhi waha aa gaye, hum sab sath me mandir ke ander jane lage, mandir puri tarha se saja hua tha, havan ke liye bahar hi jagah banayi hui thi, hum sab ander gaye aur mene maa ko hath jod kar pranam kiya aur apane maa baap ke liye unse prathna ki. Jab mene ankhe kholi to dekha Vaiswi mere sath me khadi thi, aur ankhe band kiye hue prathna kar rahi thi, usne apane shir par pallu bhi liya hua tha, tabhi meri najar dusari aur gayi to waha Juhi bhi waise hi pallu liye ankhe band kar ke prathna kar rahi thi. Pujari aaye aur sab ko tilak lagane lage, ladkia aur aurte khud hi unki thali se tika laga rahi thi. Uske baad hum sab wapas mandir se bahar aaye jaha bahot sare pandit khade the.

Ek pandit : Thakur sahab, havan ke liye kapade badal lijiye.

Badi maa : Is baar havan me hum nahi ye bethega. (Unhone meri aur issara karte hue kaha, mene tauji ki aur dekha to jaise unke chehre par koi fark nahi pada tha jis se pata chal raha tha ki badi maa ne pehle hi unhe bata diya tha)

Shiv : Badi maa???

Badi maa : Ja tu taiyar ho ja. (Padma ki aur dekh kar)Kapade layi hai na.

Padma : Ha maji.

Badi maa : Shiv ko le jao. (Mere liye kehne ko kuchh tha nahi to mene Padmabhabhi ko dekha to wo ek aur jane lagi to me bhi unke pichhe pichhe jane laga, wo muje mandir ke pichhe bane ek kamare ke pass le gayi, unhone darwaja khatkhataya to ek aurat bahar aayi.)

Padma : Namaste panditain.

Panditain : Are chhoti thakurain, me aa hi rahi thi, aap kyu aayi?

Padma : Inhe kapade badalne hai.

Panditain : Achchha achchha, aiye aiye. (Hum ander gaye) Waise ye ko hai? Maaf karna mene pehchana nahi is liye puchh rahi hu.

Padma : Mere devar hai, Yogendrachacha ke bete hai ye

Panditain : Kya sach me? (Unke chehre par aschrya tha)

Padma : (Ek pila kapada muje dete hue)Ye pahen lo. (Sirf ek hi kapada tha)

Shiv : Ye kya hai?

Padma : Ye dhoti hai.

Shiv : Isko kaise pehante hai?

Panditain : Laiye me pehna deti hu. (Me jhep gaya aur bhabhi ko dekhne laga, meri jhijhak ko samajte hue)aap mere bete jaise ho, mujse kya sharmana.

Padma : Pehan lo na. (Meri aur dekhte hue wo boli, mere pass aur koi rasta bhi nahi tha)

Panditain : Itna kya soch rahe ho, kapade nikalo, bhabhi hi to hai aapki. (Mene upar ka coat nikala, baniyan bhi nikalva di, unhone mera lehnga bhi nikalne ko kaha, sath me towel bhi diya, mene wo bhi nikal diya, uske baad wo muje dhoti pehnane lagi aur mera towel bhi nikal diya, muje sharm aa rahi thi par me khada raha, thodi der me unhone muje dhoti pehna di)Lo, pehna di, par thodi chhoti ho rahi hai, ye hai bhi bahot lambe. (Upar se me nanaga hi tha)

Shiv : Upar kuchh nahi pehan na hai?

Panditain : Nahi, sirf dhoti, aur sharmane ki kya jarurat hai, aap aise bhi bahot achchhe lag rahe hai, kyu thakuin?

Padma : (Unhone koi jawab na dete hue kaha)Chalo ab, sab rah dekh rahe honge. (Unhone mere kapade bag me rakh diye, mere sharir par upar sirf sone ki chain thi., hum dono bahar aaye, waha sab muje ghur ghur ke dekh rahe the, waha ladkia muje jaise dekh rahi thi muje sharm aa rahi thi, hum dono sab ke pass pahuche, muje dekhte hue badi maa muskurayi, wo meri jhijhak samaj rahi thi)

Badi maa : Bahot achchhe lag rahe ho, sharmao maat. (Unhone apani ankh se kajal nikala aur mere kaan ke pichhe lagaya)Kisi ki najar na lag jaye mere bete ko. (Fir muje panditji ne waha bethne ko kaha aur fir puja suru ho gayi.)

Log bhi aate ja rahe the, Mansi bhi apani dono betio aur apane pati ke sath waha aa gayi, Krupali ke gharwale bhi aa gaye the. Mamta ke sasural se bhi log aa gaye aur Swarna ke sasural se Vaiswi ke gharwale bhi aa gaye. Ghar ki sari ladies Shiv ke pichhe bethi hui thi aur mehmano ke liye samne gadde bichhaye hue the. Vaiswi ne apane gharwalo ko aate dekha tha, usne bas mukura ke unka swagat kiya, wo Shiv ke pichhe hi bethi hui thi to wo apani jagah chhodna nahi chahti thi. Shiv ka janeu sanskar kiya gaya, uske hatho puja karwai gayi, fir yagya suru ho gaya tha. Logo ki bhid mele me badhti ja rai thi. Mandir me darshan ke liye bhi lambi katar lag chuki thi. Gaav ki aurte aur ladkia aur mard sab ikattha ho chuke the. Gaav ki aurte Shiv ke pichhe bethi aurto ke sath beth gayi thi. Puja ki ek vidhi ke dauran Shiv ko badi si talvar di gayi, pehle uski puja karwayi gayi fir usko wo talwar de kar khada hone ke liye kaha gaya. Shiv talvar apane hath me liye kisi yoddha jaisa lag raha tha, jise dekh kar ladkio ka dil apane shine se nikala ja raha tha. Sabki ghurti nigaho ko dekh kar Vaiswi ko apane bhagya par bahot garv ho raha tha, jaha sab ladkio ke chehre par Shiv ko pane ki ichchha dikh rahi thi wahi wo uska tha ye soch kar wo apane bhagya par itra rahi thi, yahi hal Juhi ka bhi tha. Manusi jaha nirash ho chuki thi wahi uske maan me bhi Shiv ko pane ki lalsa samapt nahi ho rahi thi. Vidhi ke liye jab Shiv chaurahe ki aur jane laga to uske pichhe aurto ka pura jhund chal raha tha. Dhol nagade baj rahe the. Churahe par ja kar ek bade se fal ko Shiv ne talvar se kata aur fir wapas yagya kund ki aur aaya. Ghar ki aurto ne Shiv ko is tarha se ghera hua tha ki kisi aur ladki ya aurat ka Shiv tak pahuchna na mumkin tha. Shiv ko itni ehmiyat milte dekh Mansibua ko kuchh samaj nahi aa raha tha, ek taraf to uska bhai keh raha tha ki ye sirf ek mohra hai aur wahi usko ghar ke itne bade samaroh ka mukhiya banaya gaya tha. Jitni bhi ghar ki behne thi wo Shiv ke pichhe chalti hui ek loti me paise rakh kar usko khanka rahi thi taki usko kisi ki najar na lage. Anjali aur Vaidehi bhi isme samil thi. Anjali ko bhi aisa koi lagav nahi tha par wo wahi kar rahi thi jo usko kaha ja raha tha. Vahi Vaidehi ko ye sab bahot achchha lag raha tha. Apane hamumar bhai ko pa kar wo bahot khus thi. Shiv aa kar fir se havankund ke pass beth gaya aur fir havan suru ho gaya. Speaker par pandito ke mantra gunj rahe the. Wahi Sukhdev aur Aishwarya bhi waha aaye, par Prakruti nahi aayi thi, is baat ko le kar Sukhdev ne usko bahot danta tha par wo aane ko taiyar hi nahi hui.

Sukhdev aaj samne se Udesinh ke pass gaya aur namaskar kia, Udesinh ne aupcharik tar par abhivadan kiya par aaj wo bhav kha raha tha. Is bat ka ehsas Sukhdev ko bhi ho raha tha par usne is baat ko najarandaj kiya. Asspass ke gaav ke bhi kayi log aaye hue the, waha bahot log upasthit the. Kayi gaav ke log is waqt mele ka luft utha rahe the, jhulo me jhul rahe the. Aurte bhi kharidari karne me vyast thi. Badi maa ne muje bataya tha ki ye havan khas taur par mere maa baap ki achchhi sehat ki kamna se rakkha gaya tha to me bahot maan se wo sab kar raha tha. Vaha prajvalit agnee ke samne bethna bahot jyada muskil tha par fir bhi me betha tha aur jo jo panditji keh rahe the us hisab se sab karta ja raha tha.

Wahi ek aadmi ne kisi ko phone kiya.

Aadmi : Hello.

Samne se : Ha bolo.

Aadmi : Malik yaha abhi havan chal raha hai par Pruthvithakur kahi dikhayi nahi de rahe hai.

Samne se : Aisa kaise, har baar to wo hota hi hai na?

Aadmi : Ha, par abhi wo nahi aaye hai, ha unki bivi jarur hai.

Samne se : Thik hai, agar wo aaye to muje phone karna.

Aadmi : Ji malik.

Dopahar ho gayi thi aur sabko khane ke liye kaha gaya, gaav vale sab vyavastha me lag gaye the. Havan lamba chalne wala tha to muje khane ki ijajat nahi thi to sare gharwalo ne bhi khane se parhej kiya hua tha. Us aadmi ne fir phone kiya.

Aadmi : Hello.

Samne se: Kya hua, aa gaya?

Aadmi : Nahi malik, wo abhi tak nahi aaye hai, muje nahi lagta wo aayenge, aanewale hote to ab tak aa jate.

Samne se : Waha sab intejam kaisa hai?

Aadmi : Police hai yaha.

Samne se : Unki hame koi fikar nahi hai, hamare aadmio ka kya hal hai?

Aadmi : Sab yahi hai, fil hal idhar udhar ghum rahe hai taki kisi ko shak na ho.

Samne se : Thik hai, agar Pruthvisinh nahi to uski bivi hi sahi, thodi derme me nikalta hu.

Sab hote hote Sham ho chuki thi. Ab havan sampann hone wala tha. Mere sath tauji, chachaji, Jigneshbhai bhi aa gaye aur sabne mil kar havan ko sampann kiya. Uske bad mene sab bado ka pair chhu kar ashirwad liya, mere sath me Juhi, Vaiswi aur Padmabhabhi chal rahi thi , sab ne muje sagun ke paise bhi de rahe the, me dhoti me tha to paise rakh nahi sakta tha to mere sath me chal rahi Padmabhabhi ne apane purse me rakh rahi thi. Sab bado ke pair chhune the to me bari bari sab ke pair chhu raha tha. Sukhdevji aur Aishwaryaji ke pair chhue to unhone muje bahot pyar se ashirvad diya aur noto ki ek gaddi di, uske baad mene Vaiswi ke maa baap ke bhi pair chhue to aaj pehli baar uske papa ne ashirwad bhi diye aur apani jeb se paise nikal kar muje diye, me mana karne laga to Vaiswi ki mummy ne jabardasti muje paise thamaye. Ye sab dekh kar Vaiswi bahot khus ho rahi thi, Juhi ke maa baap ne bhi muje ashirvad aur paise diye. Mamtadidi ke pati ke pair me ab patta nahi tha par fir bhi wo abhi walker ke sahare the, abhi muje apane anathalay ke logo ki bhi yaad aa rahi thi, agar muje pata hota ki itna sab honewala tha to me kamse kam Lata ko to jarur bulata, par ye bhi pata tha ki sab ko chhod kar wo akeli to nahi aati. Mene aurto me bhi sabke pair chhue, badi maa bhabhiya aur behne, sab ke pair chhue, jo bhi ho chuka tha uski wajah se hamare riste thode ulje hue the par jo sach tha wo bhi jutlaya nahi ja sakta tha, to sab ne muje dil se ashirvad diya. In sab ke baad akhir sab khatam hua aur mene kapade bhi badl liye. Uske baad jo khas mehman the unke liye aur gharwalo ke liye khane ka daur chala. Mata ka darbar tha to sab niche beth kar hi khana kha rahe the, meri ek taraf Jigneshbhai bethe hue the. Aur unke baju me chachaji bethe the, dusari aur mere baju me Sukhdevji bethe hue the aur unke baju me tauji aur unke baju me Prakashraoji bethe hue the. Khana khane ke baad sabne mele ka maza lene ka socha.

Sukhdevji: (Udesinhji ko dekhte hue) Muje aapse kuchh bat karni hai. Kya hum haveli chal sakte hai.

Udesinhji : Aisi kya baat karni hai?

Sukhdevji : Prakruti ke bare me.

Udesinh : (wo janta tha ki ye din to aanewala hi hai) Thik hai.

Sukhdevji : Bhabhi ko bhi sath le lijiyega.

Udesinhji : Sab sath me chalenge. Bachcho ko male ka maza lene dijiye, hum bade haveli chalte hai.

Sukhdevji : Thik hai, me Aishwarya ko le kar pahuchta hu.(Keh kar wo apani bivi ko le kar bahar ki aur nikal gaye)

Udesinh is din ka intejar kar raha tha, usne Prakashrao ko bhi bol diya aur apani bivi ko bhi bol diya.

Udesinh : Kamna, hame ghar jana hai, Chandrabhan aur Nirmala ko bhi bol do, Mamta ke saas sasur bhi aa rahe hai.

Kamnadevi : Aisa kyu?

Udesinh : Tum chalo sab batata hu.

Kamnadevi : Par bachche?

Udesinh : Unhe mele ka maza lene do.

Badi maa ne hum sab ko bataya ki sab bade ghar ja rahe hai, unhone sab se puchha ki kon kon yaha rehna chahta tha to Mansibua ki dono ladkia, Juhi, aur Vaiswi ne rehne ko kaha to badi maa ne muje aur Padmabhabhi ko bhi rukne ko bola, Krupaliji bhi ruk gayi, Swarnadidi aur Beenabhabhi thak gayi thi to wo ghar jane ko taiyar ho gayi. Sab chale gaye, hum sab waha mele me ghumne ko ruk gaye.

Hum sab aise hi sab dekhte hue ghum rahe the, gaav ke log hume dekh kar rasta de dete the, ladkio ko sabse jyada pasand saaz singar lagta hai to ladkia stall me ghum ghum kar sab dekh rahi thi, kharidti kaam thi par dekh sab rahi thi, baki aurto ka bhi yahi hal tha to aise stall par bhieed bhi jyada dikh rahi thi. Me aur Padmabhabhi unhe dekh rahe the.

Shiv : Aapko nahi lena kuchh?

Padma : Nahi.

Shiv : Aisa kyu? Sab log le rahe hai, agar koi nahi le raha fir bhi dekh to sab rahe hai, aapko in sab me intrest nahi hai?

Padma : Kya karna in sab ka? (Unhone mayus ho kar kaha)

Shiv : Pruthvibhai nahi aaye is liye?(Unhone koi jawab nahi diya) Wo kyu nahi aaye?

Padma : Pata nahi.

Shiv : Aise kaise pata nahi, baat to hui hogi kuchh.

Padma : Wo kya karte hai, kaha jate hai kuchh batana unki shan ke khilaf hai.(Muje lag raha tha ki wo udas hai, tabhi Juhi ne jhumke muje dekhaye)

Juhi : Ye kaise hai Shiv?

Shiv : Achchhe hai.

Juhi : (Dusare dikhate hue)Ye kaise hai?

Shiv : Ye bhi achchhe hai.

Juhi : Konse lu? Ye ki ye?

Shiv : Tumhe jo pasand ho wo le lo, mujse kyu puchh rahi ho?

Juhi : Kyu ki me tumhari pasand ke lena chahti hu. (Vaiswi ne jab ye suna to wo hum dono ko dekhne lagi) Bolo na, konse lu?

Shiv : (ek ki aur issara karte hue)Ye wale.(Wo khus ho kar dukanwale se baat karne lagi) Aap ko bhi kuchh lena hai to le lijiye, me paise de dunga.(Mene unka mood thik karne ke irade se kaha)

Padma : (Halka sa muskurayi) Achchha tum le doge?

Shiv : Ha, itna bhi garib nahi hu.

Padma : Tum kyu garib hone lage, ab to chachaji ke varis ho.

Shiv : Wo sab mera nahi hai, mera jo hai wo me apani mehnat se kamata hu.

Padma : Achchha, kitne paise hai?(Wo halka sa mazak karte hue boli)

Shiv : Itne to hai jis se me apano ko khus kar saku.(Tabhi Vaiswi ne ek bangle dikhaya)

Vaiswi : Ye kaise hai Shiv?

Shiv : Achchhe hai.

Vaiswi : Aur ye.

Shiv : Achchhe hai.

Vaiswi : Aur ye?

Shiv : Wo bhi achchhe hai.(Muje samaj aa gaya ki wo kya kar rahi hai to mene kaha)Wo wale jyada achchhe hai. (wo khus ho gayi aur dukanwale se bhavtal puchhne lagi, waha se kharidne ke baad hum aage badhe, waha ek jhula tha)

Vaiswi : Chalo is par bethte hai.(Sabko dekhte hue wo boli)

Krupali : Me nahi bethungi, muje chakkar aate hai.

Padma : Me bhi nahi bethungi.

Vaiswi : Kyu aapko bhi chakkar aate hai?

Padma : Nahi, Waise bhi Kruapli pregnant hai unhe to bethna hi nahi hai, aur muje waise bhi nahi bethna, me unka sath deti hu, tum sab jao.

Vaiswi : Aisa kyu kar rahe ho sab? (wo mayus hote hue boli)Tum to chaloge na shiv?(Mene muskura ke ha kaha, fir finally un dono ko chhod kar sab ne hami bhari to hum sab ek ride ki taraf gaye, waha jhule bane hui the aur wo side se ghum raha tha, log joro se chilla rahe the, kuchh dar ke mare to kuchh maze se, hum waha pahuche, me ticket lene pahucha to ek aadmi aaya.

Aadmi : Aapko ticket lene ki jarurat nahi hai thakur sahab, aiye me aapko aage le chalta hu. (Mene dekha to gav ki kuchh ladkia aur ladke line me lage hue the, wo hamari aur dekh rahe the)

Shiv : Uski jarurat nahi hai, hum sab ke sath hi jayenge.

Aadmi : Jaisi aapki marji, aayiye is taraf.

Usne hame ticket to nahi lene di, hum jaha line thi waha chale gaye, hum line me khade ho gaye, mene Anjali aur Vaidehi ko aage khada kiya uske baad Vaiswi khadi ho gayi uske pichhe Juhi aur uske pichhe me, Vaiswi ko Shiv ke sath rehna tha par wo kuchh nahi boli,

Vaidehi : Muje to dar lag raha hai, ye to kitna tej ghum raha hai. (Wo Vaiswi se baat karne lagi)

Anjali : Isme kya darna, maza aayega. Thodi der me hum sab Jhule me beth gaye,ride suru ho gayi, jaise hi ride tej hui Vaidehi ko bahot dar lagne laga aur wo joro se chillane lagi. Par jhulewale ke liye ye aam baat thi, jyada bhid hone ki wajah se jald hi usne ride khatam kar di, Vaidehi ki jaan me jaan aayi, niche utarte hi wo khasne lagi.

Shiv : Tum thik ho?

Vaidehi : Muje nahi bethna kisi jhule me. (Wo roni surat banate hue boli)

Hum sab wapas aaye Jaha Krupaliji aur Padmaji thi,

Anjali : Itna kyu dar gayi tum? Kitna maza aaya waha,hai na Vaiswi.

Padma : Usko dar lag raha hai to rehne do, tum log jao.

Vaidehi : Ha muje nahi aana hai, wo pet me bahot gud gudi ho rahi thi, sehan nahi ho raha tha, pehli baar bethi hu na.

Anjali : Ye waise bhi darpok hai.

Padma : Aisa nahi kehte Anjali, hota hai kisi kisi ko. (Tabhi pasme se kuchh gaav ki ladkia gujar rahi thi jisko dekh kar Vaiswi ne kaha)

Vaiswi : Hi, Manusi.

Manusi : (Hichkichate hue ruk gayi)Hi. (Padmaji ki aur dekh kar)Namaste choti thakurain.(Padma ne shir hilaya)

Vaiswi : Kaha ja rahe ho?

Manusi : Bas aise hi ghum rahe hai. (Ek to Shiv ki wajah se hichkicha rahi thi aur dusara uske sath gaav ki dusari ladkiya bhi thi to wo hichkichate hue boli)Hum chalte hai.

Vaiswi : Hmmm.(Vaiswi ne bhi uski hichkichahat dekh usko rokna munasib na samja, Wo Shiv par ek najar dal kar nikal gayi) Chalo dusare jhule me chalte hai. (Wo sabki aur dekh kar boli)

Shiv : Ab konse jhule me jana hai?

Vaiswi : (ek aur issara karte hue)Udhar chalte hai.

Usne giant wheel ki aur issara kiya tha, sab us aur chal diye, waha ja kar mene ticket li, itni bhid ki wajah se wo aadmi kamo me masruf tha aur muje bhi aise muft me bethna achchha nahi lag raha tha, hum log ticket le kar line me lag gaye, wo tino aage khdi rahi aur me unke pichhe tha. Wo tino baate kar rahi thi aur me aas pass dekh raha tha.

Kuchhlog male me dakhil hue, anth dus logo ka group tha, Ye Virbhadra aur uske log the, Virbhadra idhar udhar dekhne laga. Fir usne phone kiya.

Virbhadra : Kaha ho tum?

Samne se : Aap kaha hai malik?

Virbhadra : Me ander aane ke darwaje ke pass hi hu.

Samne se : Aap wahi rukiye me aata hu.(Thodi der me kuchh log waha pahuche)

Virbhadra : Kya hal hai Himaat?

Himmat : Pruthvisinh to nahi aaye malik.

Virbhadra : Udesinh?

Himmat : Wo sab to thodi der pehle hi chale gaye hai.

Virbhadra : Kya? (Gusse se)Phone kar ke bata nahi sakta tha, hum bina wajah yaha aaye.

Himmat : Par Pruthvisinh ki bivi yahi hai.

Virbhadra : Aur kon kon hai?

Himmat : Aur to koi nahi hai, sirf ek ladka hai, shayad Shivansh naam hai.

Virbhadra : Kon Shivans?

Himmat : Udesinhji ke chhote bhai ka ladka hai, aaj wahi puja bhi kar raha tha.

Virbhadra : Humne to pehle nahi suna uske bare me.

Himmat : Muje jyada pata nahi hai, par wo shayad kho gaya tha, abhi abhi mila hai aisa gaav wale bata rahe the.

Virbhadra : Kaha hai wo log?

Himmat : Us aur hai.

Virbhadra : Chalo, aur ha jab tak me na kahu kuchh mat karna, jaise hi muje mauka dikhega sab ek sath gher lena. Is baar koi galti nahi honi chahiye, is baar Pruthvisinh ki akad thikane lagani hai, koi galti nahi.

Sab : Ji malik.

Virbhadra : Chalo.

Udhar sab haveli me sab ikattha ho gaye the. Aurte thodi duri par alag bethi hui thi aur mard sare ek jagah sofe par bethe hue the. Sukhdev ko nahi pata tha ki Udesinh aise sab ko sath me bulayega, par ab sab ikattha ho gaye the to wo soch raha tha ki baat kaise kare.
Click to expand...
Nice update aur end v suspense k sath hua h to next update pls thora fast dena pahle ki tarah gayab mt ho jana bro
 
  • Like
Reactions: Yuvraj Singh 5 and Abhishek Kumar98
You must log in or register to reply here.
Top