- 5,758
- 13,170
- 189
UPDATE 3
Dhruva:- Yaar tu sabke liye itna sochta hai...Mai bhi tere liye kuch karna chaahta hu.
Ajith:- Kya?
Dhruva:- Jab tu apna ghar banane ki sochega...To mujhe batana...Ek accha sa design banaunga...Aakhir ye engineering kis din kaam aayega.
Ajith:- Jarur yaar...Jindagi ke itne mushkil pal me tune saath diya aur aage badhne ka hausla diya...Ek tu hi to hai mera one and only dost...To fir khushi ke pal me kaise bhulunga.
Itna keh kar Dhruva chup ho gaya aur Richa ki taraf dekhne laga.
Dhruva:- Aisa tha mera dost...20 saal ki umra me bhi maasum aur sab ka bhala chaahne wala...Apne se jyada dusro ke liye sochta tha.
Aur sabse badi baat...Wo mujhe apna dost maanta tha aur bahut accha dosti nibhaata tha...Ussi se sikha maine dosti kya hota hai.
Bacchpan me paise ki kami ki vajah se chori mai karta tha, saja wo apne sir leta tha...Mujhe koi khilauna ya kuch pasand aata tha, wo apna jama kiya hua paisa se bin bataaye kharid laata tha...Bukhaar mujhe aata tha, raat bhar wo jaagta tha...Exam mera aata, aur bhagwan se dua wo maangta.
Aisa dost tha wo...Jisne mera har haal me saath diya chaahe mai sahi tha ya galat.
Agar aaj mai kisi laayak hu to ussi ki dosti ki vajah se.
Abb tum hi kaho...Kya mai uss dost ki fikar na karu jisne mere liye itna kuch kiya.
Richa chup rahi...Lekin Ajith ke liye nafrat abb gaayab ho chuka tha.
Dhruva:- Maine abhi kaha tha na uske liye ek ghar banana hai...Uske liye pehle usse to sahi kar du...Usse fir se puraana Ajith banana hai...Jo mera dost tha aur sab ka bhala chaahne wala ek Doctor.
Richa:- Tumhe kya lagta hai Ajith ka iss tarah achanak se badalne ki vajah?
Dhruva:- Yahi to nahi pata...Aur wo bewkuf batata bhi nahi...Uski ek hi buri aadat hai...Chahe kitni bhi badi mushibat me kyu na ho kisi ko kuch batata bhi nahi.
Richa:- Kya karne ka socha hai?
Dhruva:- Abhi to kuch nahi...Lekin kuch to karunga jarur...Jaise bhi ho uska pareshaani ko usse dur jarur karunga...Chahe mujhe kuch bhi karna pare.
Dhruva ki baato me alag hi confidence tha.
Richa:- Ajith ka kisi ke saath dushmani tha? And maybe koi usse blackmail ya pareshaan kar raha ho?
Dhruva:- Nahi...Wo sirf 3 logo ke saath hi close tha...Kajal...Uska pyar...Mai...Uska bachpan se abhi tak ka dost...Aur Vijay...College ka dost...Baaki logo se wo itna close kabhi nahi ho paaya.
Baaki ke log ya to Ajith ko pasand nahi karte ya to Ajith unhe pasand nahi karta.
Usne na hi kabhi kisi ka kuch bigaada aur naa hi galat socha...To fir dushmani kaisa?
Agar koi hai to chhodunga nahi usse...Har wo pal ka hisaab lunga jitna pal mera dost tadpa hai...Jindagi nark se bhi bura bana dunga.
Ye kehte vakt Dhruva ki aankh gussa se laal ho gaya.
Dusri taraf Ajith khud ko normal karne ki koshish kar raha tha.
Achanak usse kuch yaad aaya...Aur apne purse se ek photo nikaal liya.
Wo photo ek ladki ki thi.
Ajith:- I am sorry Kajal...Nahi nahi mujhe maaf mat karna...Mai maafi maangne ki laayak bhi nahi hu...Itna ghatiya hu mai.
Bahut bura lag raha hai...Jis pyar ko paane ke liye itna tapasya kiya tha aaj ussi pyar ka khoon kar raha hu apne hi haatho se.
Mera jindagi ka sabse bada bhool tha tumhaari jindagi me aana...Tumhaari hansti khelti jindagi ko tabaah karna...Tumhaara armaano ko iss tarah kuchalna...Sab ke saamne tumhaara majaak udaana... Achanak se tumse munh modna.
Kitni khwahishein thi tumhare saath jindagi jeena...Jindagi ke har mod me ek dusre ka saath dena...Ek dusre ke liye jeena ek dusre ke saath jeena.
Lekin kya kar sakte hai...Ye bhi hamaara ek adhura khwaab aur adhuri khwahish ban kar reh gaya...Kabhi pura na hone wali khwahish.
Bas itna kahunga...Tumhaari jindagi me aane ki bahut bada bhool kar diya maine...Aur tumne bhi bahut galat insaan se pyar kiya...Kaash tumne mera pyar ko kabhi apnaya hi nahi hota.
bhai....
