- 5,758
- 13,139
- 189
UPDATE 1
Hello bro…Mujhe Ajith se milna hai…Kya aap bata sakte hai wo kaha hai.
Ye sawaal tha Dhruva ka…Ajith ka best friend.
Dhruva aaj apna girlfriend Richa ke saath Ajith se milne aaya tha…Sirf milne hi nahi apna shaadi ka first invitation card dene bhi.
Ladka:- Kaun Ajith?
Dhruva:- Dr. Ajith…Internship student.
Dhruva ki ye baat sunte hi wo ladka munh bigaad kar chala gaya.
Dhruva ko ajeeb aur bura dono hi laga…Lekin wo ignore kar ke aage badh gaya.
Fir saamne ek ladki dikhi.
Dhruva:- Mujhe Ajith se milna hai…Kya aap bata sakti hai wo kaha milega?
Ladki:- Ajith? Who?
Dhruva:- Internship student.
Ladki:- Wo kameena.
Itna keh kar wo ladki bhi waha se chali gayi.
Abb Dhruva ko bahut ajeeb lag raha tha…Ek najar usne Richa ki taraf dekha…Wo bhi kuch soch rahi thi.
Dhruva fir aage badh kar baaki ki students se pucch teach karta hai…Lekin same result…Kisi se jawaab nahi mila aur sabhi Ajith ka naam sun kar gussa ho gaye…Ek do baar to fight hote hote bacha.
Aakhir me Dhruva ek jagah jaa kar baith gaya…Abb uske chehre me gussa saaf dikh raha tha.
Richa:- Itna gussa kyu ho rahe ho…Kuch der intejaar karte hai Ajith aa jaayega.
Dhruva:- Suna nahi tumne…Kitna bakwaas kar rahe thhe Ajith ke baare me…Mai uske khilaaf kuch sunn nahi sakta…Mujhe to khud par gussa aa raha hai do chaar ko unki aukaat bata dena chaahiye tha.
Richa:- Tum to bahut gussa ho gaye…Cool down…Tum jaante ho na Ajith kaisa hai…To dusro ki baat se hame kya lena dena.
Richa apne pyaari baaton se Dhruva ko shaant kar rahi thi.
Tabhi ek ladka dono ke paas aata hai.
Ladka:- Aap Ajith ko dhund rahe hai?
Dhruva:- Ha…Please bataaiye wo kaha mil sakta hai abhi.
Ladka:- Wo abhi hospital me nahi hai…Lekin kya mai aapke baare me jaan sakta hu?
Dhruva:- Mai Dhruva hu…Ajith ka dost…2 saal baad yaha aaya hu aur usse milna chaahta hu.
Ladka:- I am Dr. Vijay…One and only friend of Ajith in college…Aap ke baare me suna tha Ajith se…Nice to meet you.
Itna keh kar Vijay apna haath aage badha deta hai.
After handshake.
Dhruva:- Sorry Vijay…Lekin mai abhi Ajith se milna chaahta hu…Agar aap ko pata hai to please bata dijiye wo kaha hai…Aapse baad me baat karunga…Hope you don't mind.
Vijay:- Ok no problem…Kuch der pehle bar ki taraf nikla tha wo…Shaayad abhi bhi wohi hai wo.
Fir Vijay bar ka location aur name bata deta hai.
Dhruva:- Bar me?
Dhruva ko ek aur jhatka laga.
Vijay:- Ha…Usne peena suru kar diya hai.
Abb iske baad Dhruva se aur nahi raha gaya…Wo teji se nikal gaya…Richa bhi uske saath saath chali gayi.
Vijay picche se dekhta reh gaya…Aaj uske chehra me thoda hi sahi ek muskaan aa gaya…Ek ummeed bhi mila ki shaayad Dhruva Ajith ko sudhaar de.
At Bar
Dhruva:- Richa tum yahi ruko…Mai Ajith se mil kar aata hu.
Richa:- Nahi mai bhi chalungi.
Dhruva ke paas sochne aur samjhaane ka time nahi tha…Richa ke saath wo Bar ke andar chala gaya.
Kuch der dhundne ke baad Ajith Bar ke last table me baitha tha.
Table me 2 vodka ki bottle…Ek glass aur haath me cigaretthe.
Baal aur daadhi bhi normal se bada tha…Aankho me ek chasma aur najar bottle ki taraf.
Ye sab dekhna Dhruva ke liye koi jhatka se kam nahi tha.
Wo teji se Ajith ke saamne ke chair me baith gaya.
Ajith:- Dhruva…Kaisa hai mera yaar.
Nashe me Ajith ne kaha.
Dhruva:- Ye kya haal banaya hai tune apna…Kab se peene lag gaya tu aur itna udaas kyu hai? Kya pareshaani hai? Bol yaar.
Ek hi saans me Dhruva ne ye sab pucch liya…Dhruva se Ajith ka ye haalat nahi dekha jaa raha tha.
Ajith:- Khud ko badal liya yaar.
Ajith ne hanste hue kaha.
Dhruva bas Ajith ko hi dekhta raha aur saath me samajhne ki koshish.
Ajith:- Tu hi sahi tha yaar…Pyar…Aisi shabd bakwaas hai…Jindagi sirf ek baar hi milta hai…Jitna ho sake utna aiyaasi karna chaahiye aur jindagi ka maja lutna chaahiye.
Dhruva:- Ye kya keh raha hai tu…
Dhruva sirf itna hi bola tha tabhi Ajith ne usse bich me rokte hue kaha.
Ajith:- Tu sahi tha yaar…Mujh par hi pyar karne ka bhoot sawar tha…Lekin koi baat nahi…Aage ki jindagi aiyaashi me bitaaunga.
Dhruva:- Ye kya bol raha hai…Hosh me to hai? Kya baat hai…Kajal ne dhokha diya kya?
Ajith:- Uska kya aukaat mujhe dhokha dene ka…Maine hi chhod diya usse…Ye pyar ka acting aur nahi kar sakta mai.
Itna keh kar Ajith fir se bottle bharne lagta hai.
Dhruva usse rokte hue.
Dhruva:- Abb nahi…Pehle hi itna nasha me hai…Abb aur nahi.
Abb Richa bhi Dhruva ke paas aa kar baith jaati hai.
Dhruva:- Ajith ye hai…
Ajith:- Tera girlfriend.
Ajith ki iss baat se Dhruva ne raahat ka saans liya…Ye dekh kar Ajith ne muskura kar kaha.
Ajith:- Fikar mat kar…Kuch ulta sidha nahi kahunga…Tera aankho me hi iske liye pyar dikhta hai…Aur ye tere saath aane wali baaki ladkiyo se bhi alag hai.
Aur kabhi mai bhi ek aashiq tha…Tera pyar ko nahi samjhunga kya?
Ajith ne ye to keh diya lekin uske dil me ek dard sa utha.
Dhruva:- Sahi kaha…She is Richa…My fiancée.
Ajith:- Hi
Richa:- Hello
Ajith:- Dhruva…Kisi ne sach hi kaha tha…Vakt badalte der nahi lagta…Ham dono hi badal gaye…Tu mai ban gaya aur mai tu…Tu pyar karna sikh gaya aur mai aiyaashi karna.
Ajith ne ek muskaan ke saath kaha.
Richa Ajith ki baat aur waha ka maahaul dekh kar bahut uncomfortable feel kar rahi thi…Kabhi wo Dhruva ko dekhti to kabhi Ajith ko.
Dhruva Ajith ko acche se dekh raha tha…Khaas kar uska chehra aur baatein…Ajith iss tarah se badal jaayega ye usne apna bura sapna me bhi nahi socha tha.
"Aakhir kaise wo badal sakta hai…Jisne usse pyar ka sahi matlab bataya tha…Jo kabhi Kajal ke liye deewana hua karta tha…Jo apne pyar paane ke liye kitna lada tha…Khud se…Haalat se aur sabhi se…Ajith aur Kajal ka pyar ko bahut karib se dekha tha usne…Aaj Ajith iss tarah kyu badal gaya? Aisa kya ho gaya ye 2 saal me?"
Yahi sab soch raha tha Dhruva…Jawaab to abhi uske paas nahi tha…Lekin itna wo jarur jaanta tha "Ajith khud ko jaisa dikhaana chaahta hai waisa wo nahi hai."
Last edited:
detail reboo kal
Hell bhai for your support...Issi tarah saath bane rahiye...Detail reboo ka intejaar rahega.